آخـــر الــمــواضــيــع

رجل غير عادي _الجزء الاول _ترجمة salmanlina حصريا على ملاذنا بقلم zazaza :: قرقعة كؤوس بقلم قلم مضطرب :: رواية ( سمراء الغجري ) للكاتبة : مايا مختار بقلم الود طبعي :: رواية اريدها بأي ثمن _ترجمة amadiaحصريا على ملاذنا بقلم zazaza :: زواج اجباري _ترجمة salmanlina حصرياً فقط على ملاذنا بقلم zazaza :: رواية ( في محراب العشق ) لـ blue me بقلم الود طبعي :: Gâteaux décoration 3 - Samira / ديكور الحلويات 3 - سميرة ( باللغة العربية و الفرنسية بقلم benghida :: رابط قصة غير مفعل بقلم Shaymaa :: تحميل رواية (لماذا لم يسألوا إيفانز؟ ) أجاثا كريستي بقلم الود طبعي :: تحميل رواية ( ثلاثة عشر لغزاً ) لأجاثا كريستي بقلم الود طبعي :: رواية ملائكة وذئاب للدكتور أحمد مراد (رائعة لا تفوتكم) مكتوبة بقلم الود طبعي :: بلييييييييييييييييييييييييييييز بقلم وبعدين يعني :: ممكن خدمه,, بقلم وبعدين يعني :: Leçons De Patisserie N°1 - Cuisine Rima / دروس الحلويات رقم 01 - مطبخ ريما ( باللغة بقلم benghida :: ما الفرق بين وحدة الوجود والشرك والإلحاد والتوحيد بقلم لحظة عشق :: برنامج JRiver Media Center 19.0.155 العملاق لتشغيل وتنظيم الملتيميديا بقلم Hamada Bader :: برنامج cFosSpeed 9.64 Build 2144 Final لمضاعفة سرعه اتصالك بالانترنت بقلم Hamada Bader :: برنامج Camtasia Studio 8 اخر اصدار لتصوير سطح المكتب بقلم azizhm :: Patisserie - cuisine facile de A à Z / حلويات - الطبخ السهل من ا الى ي بقلم benghida :: تحميل برنامج فايبر apk 2015 بقلم downloadsky ::



+ الرد على الموضوع
صفحة 49 من 117 الأولىالأولى ... 39 46 47 48 49 50 51 52 59 99 ... الأخيرةالأخيرة
النتائج 241 إلى 245 من 583

  1. #241
    ملاذي جديد
    حالتي : همسات وردة غير متواجد حالياً
    تاريخ تسجيلي: Oct 2011
    عضويتي رقم: 16027
    الدولة: محبوبتي الرياض
    هوايتي: الروايات - تصفح النت
    سيرتي الذاتية: أنا من مات ومن مات أنا ............ لقي الموت كلانا مرتين
    عملي: الله كريم
    مشاركاتي: 49
    معدل تقييم المستوى : 2147483668
    همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى. همسات وردة من افضل السمعات في المنتدى.

    رد: رواية أما غرام يشرح الصدر طاريه ولا صدود وعمرنا ماعشقنا.. الفصل الثامن والستـــــ

    صباح الورررد
    صباح البرررد



    بالنسبه لطلبك يا حي يا قيوم فرج الهم وازل الغم ويسر الامر وارحم الضعف وقلة الحيلة
    وارزقه من حيث لايحتسب يارب العالمين اجب الدعاء



    ( ألا نستحق أن نرى لحظات الوصال ونعيشها.. كما عشنا لحظات الفراق..؟؟! )
    افا عليك اكيييييييد نبي نشوفها خلهم يمكن يقتنعون بطيبة ورقة وحنان غازيي



    ( ستأتي النهــــاية بإذن الله..فلكل بداية نهاية.. )
    امبيييييه ايه ليش المغثه من اول البارت خلينا حلوين ونستمتع بدون ماتذكرينا بالنهايه



    اما الي يهاجمونك اتعجب دائما من كذا ناس وبعدة روايات شفت هالشي
    طالما ما عجبتك الروايه فالمتصفح مليئ بالكثير الكثير من الروايات اتركيها
    وشوفي غيرها فعلا شيء عجيب !!!!!



    ( أنجزنا هذه الروعة معاً ..هل يهم بعدها من الذي أخطأ؟ )
    فيس يطالع بعض الناس ويقولهم شفتوا العبرة بالنهايه *_*



    هديل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي بس هو ماكان من طرف الاحلام..كان من الكوابيس.. )
    ابشرك هانت بيقلب من الكوابيس للاحلام والورديه بعد




    ( أم علي\طيب ليه مانمتي وأرتحتي..؟؟ هديل\ما ابى..أحس بنشاط ما اقدر أنام..)
    هدول ترفض النوم لانها تبي تعوض الوقت الي راح والحرمان من حضن امها واهلها
    وكل شي تعودت عليه معهم تبي ترجعه واكثر



    ( لو تدرين كيف حرمني من بقاياكم..ومن أغراضكم اللي أخذتها معي.. )
    اتوقع انها بتذكر بوقتها الي صار معها برمضان والعيد ويوم ميلادها وكل مناسبه
    ترك لها اثره فيها ..



    ( هديل بصد\يقطع الطاري وصاحبه.. )
    الي يقطعك .. هذا وهو جاي ومتعني يدافع عنك ويرمي بلاء ابوك عليه



    ( هديل بغرور\وهـ فديت الإيطالي.)
    وعقبال ماتقولين فديته وفديت ابوه يالبى قلبه ^ ^



    ( عبدالله\يوبه ترى في البوك عشرة ريال وخمستين وخمسة ثانية ومعها ريالين.. )
    يالبى قلبك ياغرووري مو عارفه تجمعيها .. وينك يامس ماث اجمعيها لها هههههههههه



    ( وهمست بأذنه\ما بأرجع له.. )
    اقول تعوذي بالله من الشيطان واتركي عنك الهبال



    خوفها ورعبها من لبسهم للرشاش طبيعي وذكر هالحركه جدا رائع
    بالاضافه لتصويرك لمشهد اجتماع القبايل وخوفها بعد طلق رصاص الصلح
    كان واقعي ومصور بشكل حقيقي



    ( ووقفوا بفضول عند النوافذ والباب.. )
    ابوووك ياللقافه رجاجيل وش كبركم تتلصصون من النوافذ والابواب خخخخخخخخ



    ( ومبروك علينا النسب الطيب يا ابو ذياب.. )
    اييييه هذا الكلام السنع .. ونعم النسب والله



    ياسمين : ( حاولت توقف بس الألم زاد في بطنها.. )
    الضرب الي اكلته من سلمان بالاضافه للحاله النفسيه السيئه الي تمر فيها
    اكيد بتكون سبب لالامها ولتسقيط الجنين الي ببطنها لو كانت حامل مثل ماهو مبين



    ياسمين كتمت السر بناءا على رغبة هديل الي ماتعرف عن هالموضوع شي
    ولانها ماعندها احد من اهلها تقدر تساله او تشاوره بتتحمل عقاب قاسي وندم مرير
    و مسئوليه شي مالها ذنب فيه الا انها كانت امينه على السر



    راكان : ( وحتى لو هددهم إنه مابيرجعها لهم مالهم حق يعلنون موتها.. )
    وشهد شاهد من اهلها
    .
    لييك تؤبر البي ياراكان ايه هيك الحكي والا بلاش




    غازي : مثل مااخطا بحقها واخفى كل شي هذا هو يعدل وضعها ويشهر الزواج
    وقدام الكل وبعد يتحمل اخطاء غيره حتى مايجيها كلام او شي يغثها



    ( واللي عنده مانع يواجهني.. ) & ( أنا اللي دفنتها ماهو بأبوها...) &(نسيبكم غازي بن جالي..)
    وه وه يالبى الرجال بس



    ... / ( لو أشهروا الزواج وقالوا زوجنا بنتنا وراحت بسبيلها.. )
    اي والله الا يلزقون بلاهم على المسكين



    ( مشى مع ابونايف وأنتبه لنظرات مسفر الغاضبة.. )
    تستاهل يامسفروووه موووت قهر



    ( ماتدري ليه لما تناظر عيونها تتذكر نظراته العاشقة لعيونها.. )
    اللاوعي هو الي يذكرك فيه بزينه وشينه




    ( يتمنى لو يختفي أبوها وابونايف..ومايبقى احد معهم.. )
    راح تحقق لك غرووري هالامنيه وخصوصا انها لبستها لك وعدلتها حتى تشوفها
    بشكل ماتتوقعه بس .....



    لقاء الاربعه بالمجلس الداخلي راح يحتوي العديد من المواقف ... طبعا ابوها بيصر وبيكون
    حريص جدا على انه مايخلي غازي يستفرد فيها وغازي راح يصر ويكون حريص على انه
    يجلس معها لوحدهم وخصوصا انه ماكان متوقع ابدا هالشي يصير اليوم وطالما انه شافها
    وطالما انك ياغروري وصفتي لنا لبسها وشكلها فهالشي ماراح يكون عبث ... لا انت قاصده
    حتى نتخيل مع غازي شكلها وموقفه لما يشوفها بعد طول غياب بس طبعا شوفتها بتجيب له
    الحسرة لانه مابيلحق يفرح بشوفتها والكلام معها حتى يجيهم عله ويفرقهم بينهم
    واتوقع ان السبب الي بيخليهم يجلسو مع بعض بدون ابوها وابو نايف هي الهوشه الي برى
    وبيكونون اخوانها و مسفر هم السبب ^ ^




    ( لو يموت مارجعت له.. )
    تووفي من بؤك ياوليييه .. الشر برى وبعيد



    ( يوبه إسكت..لا تخليه يعرف..لاتخليه يضحك علي ويشمت فيني..
    خله يحس إن جرحي موجعكم مثل ماهو موجعني..)
    لسى ياهديل مافهمتيه .. عمر جرحهم ماراح يهمه بقدر جرحك وكتمانك لهالجرح
    بقدر اخفاءك لهالجرح واظهاره وكانه كان بلسم لروحك العليله



    ( غازي بحنين\
    بشـرب مـنْ الدلّـه لـوؤ كـآن بهـآ سـمّ

    مـآ اهـزّ فنجآلـي و لآ أقـوؤل كآفـي . .

    مـآ دآمـه بيمنـآك و تقـوؤل لـي : سـمّ

    بسـم الله أشـرب و كـل سـمّ عوآفـي... )
    ويقولون لي مو رومانسي كل هذا ومو رومانسي يالبى قلبك بس



    رائعه كعادتك غرووري .. سلمت تلك الانامل الي خطت هذا الابداع
    ربي يسر امرها و حقق مناها ورجاها يارحمن يارحيم
    [img]http://www.******.com/up/uploads/******_13150030041.jpg[/img]

    مين حبيبكم .....غازي وبس

    يدا بيد مع غازي للسيطرة على الباقي


  • #242
    كاتبة روائية وعضوة شرف
    حالتي : صدووود غير متواجد حالياً
    تاريخ تسجيلي: Oct 2011
    عضويتي رقم: 15829
    الدولة: حتى انا احترت ويــــــــــني..
    هوايتي: الرســـــــــم..الخواطر..كتابة القصص ...
    سيرتي الذاتية: خسرت اجمل سنيـــن العمر أدور بعضي المفقـــووود..
    عملي: ^_^
    مشاركاتي: 31
    معدل تقييم المستوى : 2147483668
    صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى. صدووود من افضل السمعات في المنتدى.

    رد: رواية أما غرام يشرح الصدر طاريه ولا صدود وعمرنا ماعشقنا.. الفصل الثامن والستـــــ


    السلام عليكم ورحمة الله وبركاته ..

    صبــــــــــــاح \\
    لمسات حـــانية..
    من يدين باركها الرحمن..
    صبــــاحكم ضمـــة أم ..
    مســــــــــاء \\
    طفلة المغيــــب ..
    صبراً جميل ..
    والله المستعان...
    كيـــــفكم الــ..؟؟
    أحبتــــــــي في كل مكان ..؟؟
    لا اريد أن اقول إلا كلمة واحدة ...
    شـــــــــــــــكراً بحجم السماء ..
    لقلوبكم الطيبة ولوجودكم بالقرب مني..

    البارت أهـــــــداء لكم أحبتــــي ...


    البارت التــاسع والستون ..

    هو الفراقُ! فماذا تامرين إذنْ؟
    أنوحُ؟ أصمتُ؟ أجري عنك؟ أتّئدُ؟
    أقول"شكراً"؟ .. أكانت ليلةً هِبةً؟!
    يا للكريمة .. إذ تسخو .. وتقتصدُ!
    هل التقينا؟؟! أم الأوهام تعبثُ بي؟
    أين التقينا؟ متى؟ ألسبتُ؟ ألأحدُ؟
    وهل مشينا معاً؟ في أيّ أمسيةٍ؟
    في أي ثانيةٍ أودى بها الأبدُ؟
    وهل همستِ "حبيبي!" أم سَمعتُ صدى
    من عالم الجنِّ .. لم يهمس به أحدُ؟

    المرحوم بإذن الله تعالى..غازي القصيبي...


    رفع عيونه لها وهي تمد له فنجال القهوة..
    هديل بحقد\ســـــــــــم ..
    غازي بحنين\
    بشـرب مـنْ الدلّـه لـوؤ كـآن بهـآ سـمّ
    مـآ اهـزّ فنجآلـي و لآ أقـوؤل كآفـي . .
    مـآ دآمـه بيمنـآك و تقـوؤل لـي : سـمّ
    بسـم الله أشـرب و كـل سـمّ عوآفـي...
    عضت على شفايفها تكتم شهقتها..بعد ماغمز لها بوقاحة..
    أرتجفت أصابعها الماسكة الفنجال..
    وهي متأكدة إن ابوها وابو نايف سمعوا كلامه..
    تبي تشرب السم..ياليتني حطيت سم واسقيتك إيـــاهـ..
    واخذ بثاري منك..
    واجهته بنظرات جامدة..
    تتحداهـ يسوي أكثر من الكلام..
    ردت بجرئة\
    الله هو اللي جابك اليوم واشقاك
    بايديني الذربات سيرتك سيرهـ..
    ذيبه انا يا ذيب لو تزعج اعواك
    تبطي ولاتاصل وتشرب غديرهـ..
    صيدك جزل لكن صيدك تعداك
    منك خطفته يا عسى الامر خيرهـ..
    حرهـ انا ياحر والرب ياقاك
    بنت الشيوخ اللي لهم كل ديرهـ..
    ياطير ياللي شاقك الطلع وأغواك
    مانــي بصيدك والعزاوي خطييرهـ..

    رغم التحدي بكلامها وردها القوي..
    إلا إنه ماملك الا يبتسم لها ويشجعها..
    نزل عيونه من عيونها وراقب يدها بتسلية..
    وهو يشوفها ترتجف ويمكن تكب القهوة عليه..
    ركز عيونه على اظافرها وأنتبه علىيها مجروحة..
    رفع عيونه بعيونها بحدة..
    بلحظات تغيرت نظراته من الغرام لــ العصبية والغضـــب..
    وهي تعرف نظراته أكثر من غيرها..
    نزلت الفنجال على الطاولة وتجاهلت يمينه الممدودة لها..
    خافت منه..غصب عنها خافت..
    وبوجود أبوها واخوانها وقبيلتها كلهم خافت منه..
    حست بنار في ظهرها..وكأنه يجلدها بقسوة..
    وصداع طاغي براسها..
    جلست جنب أبوها ولصقت فيه..
    وحاولت قد ماتقدر تخفي نفسها عن عيونه ورى ابوها..
    وباين من شكل أبوها وابونايف إنهم سمعوا كلامهم لبعض..
    بس ما علقوا على شيء منعاً لإحراجهم وإحراج نفسهم..
    شرب القهوة وهو يتمنى لو يقوم ويهزها ويهاوشها..
    هذا أنتي عند أبوك..
    عند حسين اللي ياما ناديتيه وأنتظرتيه..
    وهادي حبيبك وأمك وهلك كلهم محاوطينك..
    حتى ولدك هو لك ما خذيته..
    وش اللي تبينه اكثر وتريحين نفسك..
    ليـــه تأكلين اظافرك وتجرحين اصابعك..
    مابقى عليك خوف مني..
    بعيد عنك تحاوطك أسوار بيتك واسوار هم أبوك واخوانك وصــــدك..
    أنا صرت بعيــــد ..
    أنبســـطي..تهني قبل أخذك من جديد..
    أبييييك تفرحين تضحكين...
    أبيك تنسين غصب أو طيب تنسين..
    الخوف ما ابيه يسكنك وأنتي بينهم..
    يعز علي أكون مصدر خوفك..
    بس عشانك أرضى باللي تبين..
    كوابيسك وجرحك لأصابعك رجفتك..
    كلها لازالت تسيطر عليك..
    نزل الفنجال على الطاولة..
    وقف ورمى السلام عليهم..
    وطلع من المجلس..
    وكانت مصدوومة إنه أكتفى بــفنجال قهوة..
    تعرفه..تحلف إنها تعرفه وتصرفه ماهو طبيعي..
    ماهو من عادته يتركها بسلام..
    ألتفتت على ابو نايف اللي كان يكلمها..
    أبونايف بعتب\أثرنا طلعنا اهل يا هديل..
    هديل بإرتباك\أعذرني يا عمي..
    بس الظروف كانت صعبة علينا..
    أبونايف بحيرة\حتى ماودعتينا...
    كانت خايفة يكمل كلامه ويدري أبوها إنها كانت متخبية عندهم..
    وكيف لقوها وضفوها من الشوارع..
    ماتبيه يدري..ماتبيه ينقهر ويزعل..
    وبنفس الوقت ماتبي تبين لأبو نايف إن أبوها مايدري عنها..
    أو إنها تخبي عليه شيء..
    هذا ابوها مستحيل تجرحه ولو من وراهـ..
    رفعت راسها لـ ابونايف ..
    هديل بهدوء\غصب عني يا عمي..
    أتصلت بغازي وكان لازم نسافر..
    طلعت من بدري وماقدرت اقابلك لأنك كنت نايم..
    نايف\إيه قال مسفر إنه وصلك لزوجك..
    وسافرتي معه..
    شكرت مسفر في قلبها ودعت له بالخير..
    وهي واثقة إن أبونايف عنده أساله كثير..
    بس ماله حق يسأل ويستفسر..
    وقف ابوها وابونايف وطلعوا من المجلس وهي معهم..
    وكان ابونايف يوعدها يجيب مرام وولدها يزورونها ويسلمون عليها..
    قفلت الباب الرئيسي وراهم..وهم طلعوا لـ الضيافة الخارجية..
    تسندت على الباب وهي تفكر في مرام..
    صح ما أذتها بس كانت تخوفها كثير..
    بإهتمامها فيها ومحاولتها لـ السيطرة عليها..
    شيء داخلها يرفض كل اللي عرفتهم في إيطاليا..
    غازي وهله..
    أبونايف وعائلته..حتى صوفي وماكس..
    وجودهم حولها بيظل يذكرها بمعاناة وذل كانت عايشته..
    نزلت طرحتها والعباية..
    كانت بتشيل القهوة من المجلس..
    بس تعاجزت وقالت بترسل الخادمة تشيلها..
    تحس عظامها لازالت ترجف من بعد ماشافته قدامها..
    تعدت المجلس وقبل تطلع من باب الضيافة الداخلية ..
    حست بيدين تسحبها بسرعة وتدخلها بصالة صغيرة في الضيافة..
    ثبتها على الجدار وهو يقفل الباب...
    شهقت بقوووة لما شافت وجهه قريب من وجها..
    أرتجفت رعب..وصدمة..
    ماضربته ولا بعدته عنها..
    ثبتت عيونها في عيونه..
    أنفاسها تختلط بأنفاسه..
    يدينها على صدره ويدينه على خصرها..
    كانت تظنه طلع وتركها في خير..
    بس هو ينتظرها هنا..
    كان لازم تعرف إنه ماينهزم بسهولة..
    ومستحيل يتركها بهدوء..
    نظراته تتأملها..
    شعرها وجها..
    فستانها وشكلها..
    غازي بإعجاب\أجــل ذيبة يا أم ذياب..؟؟
    هديل\أنت طلعت ..
    غازي بهمس\تعرفيني أكثر من كذا..
    وتعرفين إني مستحيل أضيعك..
    كنت افكر كيف بانزل العباية من عليك..
    بس أنتي أرضيتيني..
    صدت بوجهها عنه قبل يقبلها..
    ونزلت شفايفه على نحرها..
    الغضب اللي كان في عيونه وهو في المجلس غاب..
    كانت نظراته تحكي شيء ثاني..
    شافت فيها شوق وإعجاب..
    وأنقهرت لما لاحظت شفقة بصوته..
    غازي بهمس\طمنيني عنك..؟؟قرت عينك؟؟
    أنجبر قلبك؟؟هدت روحك..وجفت دموعك.؟؟
    ماتت كوابيسك..؟؟أندملت جروحك..؟؟
    هديل بهمس\لا..
    غازي بحنية\ليــــه..؟؟
    زادوك جروح..زعلوك..صدووك..؟؟
    ردت بآسى\لا..لا..
    لصق فيها اكثر..
    رفع كفها اليمين بين عينه وعينها..
    ناظر باظافرها وناظر بعيونها..
    قبل أصابعها بحسرة عليها..
    وصلها السؤال من نظراته..
    وجاهـ الجواب من نظراتها..
    نظرات حيرة وقلق..
    نظرة ضياع وخوف..
    فهم إنه لازال خوفها منه يتملكها..
    غازي بعتب\كنت أظن أول مابيشوفني أبوك..بيثور فيني..
    بيجلدني وبيكويني..توقعت يطردني ويهيني..
    الكرهـ والحقران اللي كنت أظن بأشوفه مالقيته..
    الحقد اللي زرعته في قلبه سنين ماجنيته..
    تسألت معقولة يقدر يخفي كرهه وحقده علي..
    كيف يشوفني قدامه ولا يذبحني..
    وأنا اللي قهرت بنته..عذبتها..ضربتها وجرحتها..
    واسمعه يخونك ويوقف معي..يمدحني بوجودك ويطعنك بكلامه..
    سامحني وأنا كلي عيوب..
    يقول إني صنتك وإني عوضتك..إني رعيتك..
    هزها بقهر\وش اللي أنتي سويتيه..؟؟
    متى عوضتك..متـــى؟؟ أنا رعيتك..! أنا صنتك..؟؟
    ليــــه ما شكيتي..؟؟ليـــــــه..؟؟
    خنقتها العبرة..
    ودموعها بينت له عجزها عن الرد..
    رفعت كتوفها ونزلتها بألم..
    دليل على إنها ماتملك جواب لسؤاله..
    ولا تدري بأي جواب تواجهه..
    أنقبض قلبه على شكلها..
    يبيها تأخذ بحقها منه..يبيها تعذبه وتقهرهـ..
    تسبه وتشكي منه لهلها..تطلب حقها منه..
    ينصفونها وينتقمون لها..
    عشانها يتحمل وينقهر..
    يصبر ولا له قوة صبرها..
    ضمها بقووووة..
    وحط فمه على جبينها وتكلم..
    غازي يتنهد\بسنـــــي هزايم يا هديل..
    بكت بصوت مخنوق..
    وكتمت شهقاتها على صدرهـ..
    غرزت اظافرها في ظهرهـ..
    وهي تصرخ بآآآآآهـ مقهووورة..
    صار يعرف إنها ماتقدر تشكيه لاحد..
    ما تتجرأ تسترجع الماضي بذاكرتها..
    فكيف تحكي اللي صار لأحبابها..
    مالها غيرهـ تشكي له من قلبه..
    تطلب منه ينتقم لها من حاله..
    الـ آآآآهـ اللي طلعت منها جرحت روووحه..
    طعنتــــه بقسووووة..
    لأنه أدرك إنها ما بتتعالج وتنسى إلا بحياة جديدة..
    ولا بتتجاوز الماضي إلا إذا انتقمت لحالها..
    لازم تنتصر عليه وتعذبه لحتى ترضى..
    وهـــي تدري وش أقسى عذاب له..
    حـــرمانه منـــها ..
    رفع راسها له وقبلها على عيونها الدامعة..
    أبتعدت عنه وأستندت على الجدار..
    شال يدينه عنها وتراجع خطوة..
    غازي بهدوء\أوصيك على نفسك..
    مدري متى تحنين..بس لا تطولين بهجرك..
    انا ما اقوى فراقك..
    حست بقوة اساسها ضعف..
    من إعترافه إنه مايقوى بعدها عنه..
    رفعت راسها وردت بجمود..
    هديل\أحــــن..؟؟
    لاتعشم روحك..
    غازي بتحذير\إن زادت علي خذيتك..
    وقبل لا ترد عليه..
    قرب منها خطوة وهي تراجعت..
    أشر لها بيده على الخاتم اللي في إصبعه..
    غازي بهدوء\عطيني يدك..عندي لك أمانة..ماتبينها..؟؟
    صدت بتحدي\لامنك لمست سهيل تعال وصافح يديا..
    أعلنتها تحدي..
    مابيطلقها إلا إذا لمست سهيل..
    ولا بيعرفها إلا إذا لمس سهيل..
    طلعت من المكان..
    وما ألتفتت عليه..
    أسرها وهو يهمس لها بحب..
    غازي بهمس\إن كانت الكلمة الأخيرة لك..
    فــ القرار الأخير لي..
    قبلها بحب رغم قهره من كلامها..
    بس ماقدر يتركها تبتعد عنه من دون وداع..
    يكفيه غيابها سنين بحكم الميتة..
    ويكفيه لما خذوها منه ورجعوها السعودية..
    وهذي ثالث مرة بتبتعد برضاها التام..
    ورفضه القاطع..
    وعشانها بيصبر..
    ومثل ماوعد نفسه هي ومن بعدها الطوفان..
    أبتعد عنها ومسك يدها قبل لا تضرب خده..
    ولم يدها على رقبته..مبسوط على إحراجه لها..
    هز راسه بعدم رضا..
    قبلها مرة ثانية وتركها بسرعة..
    أبتعد عنها وقف عند مرايه بالممر..
    نسف شماغه وعدله..
    أبتسم بخبث وهو يشوف أثر روجها على وجهه..
    وقرر يزيد بإحراجها..
    غازي بنبرة خاصة\أنا طالع من هنا وبأروح لأبوك..
    عاد إذا شاف اللي في وجهي بيشره عليك..
    وأخوانك بعد..انا ماعلي منهم..
    بس انتي حرام بتنحرجين..
    لأنهم بيعرفون من وين هذا..

    كانت صادة عنه ولما سمعت كلامه رفعت عيونها له..
    لاحظت اللي يتكلم عنه..وعرفت وش يبي منها..
    تقرب منه وتمسح اللي بوجهه..
    أحترق وجها من الفشلة لو أبوها واخوانها يشوفونه..
    بس مستحيل يروح لهم كذا..
    الدنيا برا كلها رجال..واكيد بيشوفونه..
    وادركت إنه يلعب بأعصابها..
    طنشته وشالت عبايتها وطرحتها من على الأرض..
    مسكها قبل تطلع ولفت عليه بقهر..
    دفته عنها بسرعة..
    غازي يبتسم\أبى منديل..
    كانت بتقول إستخدم شماغك وتسفهه..
    مدت له طرحتها بنظرات ساخرة..
    رفع حواجبه برفض لطرحتها..
    وهي رفعت حواجبها بمعنى تبيها أو مالك غيرها..
    لفت عنه وهو ضمها من ورى ..
    رفع كم فستانها القصير من على كتفها..
    ومسح فمه بكمها..
    شهقت بإحراج..
    وهو قبلها على رقبتها من ورى وهمس لها..
    غازي\مابي سلام الناس بعد سلامك..
    تركها واقفة وهو توجه لــ الباب الرئيسي..
    فتح قفل الباب وبعدها طلع وقفله وراهـ ..
    ظلت واقفة مكانها ترتجف منه ومن كل شيء يصير لها..
    وعت على حالها لما سمعت أحد يبي يدخل الضيافة.
    والباب مفتوح مو مقفل من داخل بعد ماطلع..
    خرجت من الضيافة بسرعة وقفلت الباب الفاصل..
    خافت يشوفونها سارة وغادة ويعرفون..
    لبست العباية بسرعة ولمت الطرحة على راسها..
    طلعت الدرج متجاهلة ذياب اللي كان يحبي لها..
    وحنان تبي تشيله..
    دخلت غرفة غادة وقفلت الباب وراها..
    جلست على الأرض وضمت نفسها بخوف..
    تحس إنها لازالت بحضنه..
    بكت بقهر..
    حتى في بيت هلي مو مريحني..
    رووح الله لا يردك..
    وقفت فسخت العباية ودخلت دورة المياهـ..
    وقفت تحت المويا بفستانها الهادي..
    فركت رقبتها وجها وشعرها بشامبو ..
    فسخت الفستان ورمته بزبالة الحمام..
    لمت نفسها بروب الحمام وطلعت ..
    أنسدحت على فراش غادة ونامت متناسية وجودهـ في بيتهم..
    متناسية ذياب..
    سمحت لنفسها تعيش في الماضي..
    قبل الكوابيـــس ..
    يعني قبل لا يموت سعود..وقبل لا يهرب هادي..
    وقبل لا تمووت وتتغرب..
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛
    فكوا بينهم الشباب..
    طلع غازي وشاف الهوشة ومسفر فيها..
    أنبسط يمكن يأخذ كم بوكس وركلة تبرد قلبه شوي..
    عرف سبب الهوشة من كلام الشباب لــ علي..
    حس بالغضب منهم وعرف كيف يرد الكلام عليهم..
    وتكلم بصوت عالي وقوي..
    خلا كل الموجودين يلتفتون عليه من القبيلتين..
    غازي بحدة\
    المراجل ماتجي بلمع النجوم ..
    والأحرار تبين في وقت الهدد
    والشوارب تنفتل وقت اللزوم ...
    ولايجيب الثريـا كود الولد
    والرخوم رخوم ولو قامت تحوم ...
    مرجعه لـ الدم لا منه برد..
    علا صوت الشباب بالتصفير والتشجيع لكلامه..
    ولاحظ نظرات علي وراكان الحاقدة..
    أحد الشباب\رجال غصبن عليك..
    راكان بقوة\
    ماكل رجال يسمى برجال..
    الطير كلمة تنقال لـ الصقر والعصفور..
    وبعد كلام راكان طلعوا المتهاوشين من البيت..
    وهم يتحلطمون على الموضوع اللي ماعجبهم..
    حفظ اشكال اللي تكلموا عن هديل وشافهم طالعين من البيت..
    قرب من مسفر وراجح اللي كانوا واقفين بطرف..
    ولا اثرت فيه نظرات ومسفر المتهمة له إنه سبب اللي ينقال عنها..
    ناظر مسفر بإستصغار..
    غازي بابتسامة\ماهـــو بشـــكراً ..
    صد عنه وتوجه لـ المجلس الخارجي..
    حاول راجح قد مايقدر يخفي إبتسامته من كلام غازي الساخر..
    ويقول في باله..
    الله يصلحك لو سكت كان أحسن..
    طلع من البيت بعد ما أستئذن من ابوعلي واللي معه..
    حرك سيارته ومشى بالشوارع القريبة من بيت ابوعلي..
    وهو يدري إنهم ا أبتعدوا عن المكان..
    شافهم واقفين عند عمود إنارة..
    وقف سيارته نزل شماغه وعقاله بالمقعد الجانبي وراح لهم..
    وشاف التحدي بعيونهم لما شافوه وعرفوهـ ..
    غازي بحدة\نكمل مابديتوهـ ..؟؟!
    رحبوا بدعوته لهم ..
    هو مقدر غضبهم وصدمتهم بالخبر..
    بس مايعذر احد يوجعها غير نفسه..
    تضاربوا معه بقسوة..
    وكان لـ الشتم والسب نصيب كبير من هوشتهم..
    بعد وقت..
    قدروا يضربونه وقدر هو يتغلب عليهم..
    هددهم بعصبية..وهو يتنفس بسرعة بعد المضاربة..
    غازي بإهانة\ماتسوى ثراها يالرخمة..
    قفا عنهم ركب سيارته وتوجه لبيته..
    مسح بيده على رقبه وصدرهـ..
    أبتسم برضا..
    لو تعرف إنه أنضرب بقوة ..
    واللي ضربه عيال قبيلتها..
    وعلى شـانها ..
    تمتم بقهر ساخر من نفسه\بعد البوسة كفخه..
    عنبو مايكتمل جميل ذا الليلة..
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
    دخل جناحه وعيونه تدور عليها..
    أكثر من إسبوع وهو مهملها..
    كان يحس براحة كبيرة بعد ما أنقضت السالفة على خير..
    أشهروا رجوعها وزواجها..
    وأنحل الموضوع برحمة الله..
    حط سلاحه على الطاولة وتوجه لغرفة النوم..
    ماكانت موجودة بالغرفة..
    اعتقد إنها عند خواته..
    بس توهم واصلين معه..
    كان بيطلع لما سمع صوت في دورة المياهـ ..
    وقف عند الباب وناداها..
    ردت عليه بألم..
    ياسمين بوجع\ســـارة..
    سلمان بخوف\ياسمين وش فيك..؟؟
    ياسمين بتعب\ابـــى سااارة..
    سلمان بسرعة\إفتحي الباب..ليه صوتك كذا..؟؟
    ياسمين بألم\آآآآآهـ سااارهـ ..
    طلع من الجناح بسرعة وراح لغرفة أخته..
    طق الباب بقوة..وهي خرجت له وهي معصبة..
    ساره بزعل\نعم شوي وتصحي البزر..
    سلمان\ياسمين تباك روحي لها..
    سارهـ عقدت حواجبها\وش سويت فيها ألحين..؟؟
    راحت لها ركض ولا عطته فرصة يتكلم..
    دخلت غرفة النوم وقفلت الباب وراها..
    هي تعرف اللي سواه في ياسمين..
    وخايفة لايكون ضربها مرة ثانية..
    قفلت الباب تمنعه يدخل عندهم او يشوف ياسمين..
    ماشافتها في الغرفة..
    وسمعت صوتها تبكي في الحمام..
    دقت الباب بخووف ونادت عليها..
    سارهـ\ياسمين حبيبتي إفتحي الباب..انا ساره..
    مافتحت لها وهذا قهرها من أخوها اكثر..
    سارهـ تطمنها\إفتحي أنا قفلت الباب ومابيدخل هنا..
    إفتحي حبيبتي والله لأوريه شغله..
    ألحين بأخذك لأبوي ونقوله وش سوى فيك..
    دامه ضربك مرة ثانية فهو مايستاهلك..
    فتحت لها ياسمين وطاحت بحضنها..
    وسارة سدحتها على الارض بسرعة..
    كانت تصرخ بألم وتبكي..
    سارهـ برعب\بسم الله عليك..
    ياسمين يا قلبي وش صار فيك..؟؟
    ردي علي تكفين ليه تبكين كذا..؟؟
    ياسمين بألم\آآآآآهـ سارة بموووت..
    ما اقدر أتحمل..موجوووعة..آآآآهـ ..
    أنتبهت سارهـ على الدم اللي بملابسها..
    وخافت من اللي طرى في بالها..
    وقفت عن الأرض بسرعة وشالت ياسمين بالقووة..
    سدحتها على السرير ..وصوت صراخها يعلى..
    وزاد عليها صوت ضرب سلمان على الباب..
    كان يناديها بصوت قوي..
    يبيها تفتح لأن صراخ ياسمين أثار رعبه..
    طنشت سلمان وأخذت ملابس من الكبت لياسمين..
    نزلت الروب من عليها بسرعة ولبستها بالمووت..
    لان ياسمين كانت تبكي وتتلوى من وجعها..
    فتحت الباب لسلمان وصرخت فيه بقهر..
    سارهـ\شيلها لـ السيارة المرهـ بتموت..
    خلنا نوديها المستشفى..
    قرب منها رفعها من على السرير وأنصدم لما شاف الدم..
    في الروب اللي شالته سارهـ ..
    قربت منه ساره ولمت العباية على ياسمين..
    قالت له يروح السيارة وهي بتنزل وراهـ لأنها بتروح معهم..
    سوا مثل ماقالت له من غير كلام..
    جلسها بالمرتبة الخلفية وهي تئن بالم..
    ماقدر يتكلم ولا يسألها..
    أرتاح لما شاف سارهـ جاية لهم وهي لابسة عبايتها..
    دفته من قدام الباب وجلست جنب ياسمين وقفلته بقووة..
    أحتار من تصرفها بس ياسمين كانت أهم عليه من حركات ساره..
    وصلوا المستشفى وهو نزل يركض ينادي الطواري يأخذونها من السيارة..
    في الطريق لـ المستشفى كانت تبكي وتتألم..
    وسارهـ تقرأ عليها وتحاول تهديها..
    محتار وش فيها..؟؟
    ألمها وش يكوون..؟؟
    ليه تبكي وتووجع بهذا الشكل..
    خذوها منه وقفلوا الباب..
    ظل واقف مع سارهـ ..
    ألتفت عليها بقهر..
    سلمان\وش فيها..؟؟ليــ...ــه؟؟
    كانت بخيــر..وش اللي صار فيها..؟؟
    ساره بعصبية\كانت بخيــر..؟؟
    حسبي الله ونعم الوكيل..والله مصدوومة فيك..
    ماتوقعتك حقـــ...
    بترت كلمتها قبل تكملها..
    مايهون عليها تنطقها في وجهه..
    بس الصفة لايقة عليه وبقوووة..
    سلمان بغضب\وش تخربطين انتي..؟؟
    تكلمي زين وفهميني..
    ساره بقهر\تبيها صريحة..ماطلبت ياولد ابوي..
    ياسمين تعبانة من ضربك لها..
    والله يستر لا تكون البنت حامل ويطيح اللي في بطنها..
    من النزيف اللي صاير معها صرت اشك بهذا الشيء..
    صد عنها سلمان وغاب تفكيره عن الدنيا..
    وعن ساره اللي تعاتبه..
    وحصر كل تفكيره بـ ياسمين..
    هو ضربها ماينكر ولا يفتخر باللي سواهـ..
    أهملها وهو يدري إنها تعبانة..
    كان يشوف عجزها عن الحركة..
    وكيف تقضي معظم يومها بفراشها..
    وبدل مايهتم فيها ويرعاها..
    تفرعن عليها..طنشها وتجاهل وجودها..
    عطى نفسه الحق بالزعل عليها ..
    وحملها ذنب هديل..
    والمفروض مايشيل ذنبها غيره هو..
    لانه هو اللي هرب هادي من المملكة..
    وهو اللي تسبب بفهم الحادث على انه جريمة قتل..
    هو اللي ضيع حياة هديل ..
    وضيع هادي..وسبب المآساةء لكل العائلة..
    كان يظن إنه فازع لولد عمه ويحميه..
    ولما عرف وش صار فات الفووت..
    ولأنه أنصدم في بنت عمه..
    حية ومتغربة وبحكم الميتة..
    حط كل اللوم على ياسمين..
    لانها تدري إنها حية وبخير..
    ضربها وأهانها..
    وهي مالها بعد الله غيرهـ..
    وهذا اللي قواهـ ..
    يتيمة ومالها أحد..
    أخوها متغرب مع هله..
    سمع كلام الطبيبة لسارهـ..
    \إحتمال كبير يموت الجنين..
    صار عندها نزيف حاد..إذا ماقدرت تتحمل..
    بيكون ضروري نسوي عملية إجهاض..
    توجه لغرفة العناية وشافها من خلف الزجاج..
    نايمة بين الاجهزة..لحتى تستقر حالتها..
    إما يثبت الجنين او ينزل..
    شعور مرهق قاتل..
    يوقف خلف الزجاج العازل..
    مايقدر يتواجد معها..
    يلمسها ..يكلمها..
    أو حتـــى يودعها..
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

    صحت من نومها مفزوعة..
    شغلت النور بسرعة..
    مرت لحظات لحتى استوعبت هي وين..
    وقفت بسرعة لبست بجامة من كبت غادة وطلعت من الغرفة..
    دخلت جناح أبوها وأمها..
    ومن دون ما تستئذن فتحفت الباب ودخلت وهي تلهث..
    قفلت الباب واستندت عليه..
    كانوا نايمين وما حسوا عليها..
    حطت كفها على فمها تمنع لا تطلع شهقاتها ويسمعون بكاها..
    مشت بخفة وجلست على الارض من جهت أمها..
    ركزت عيونها عليها ودموعها تمنعها لاتشوفها بصفاء..
    لمت ركبها على صدرها وضمتها بيدينها..
    هزت نفسها بطفولة..
    وهي تطمن حالها..
    أنا رجعت..انا عند أمي..ماني معه..
    ولا مع هله..
    انا مو لحالي..
    أنا عند امــــي..
    رفعت راسها ونادت أمها برجاء باكي..
    همست\يووومه..قومي يومه..
    أنا بنتك..يومه بأموت..
    آنا بنتك .. " ضي عينك " !
    شوفي وش قرب المسافة بين أهدابي وبينك !؟
    أنسدحت على الارض وهي تناظرها بشقى..
    غمضت عيونها ونامت ..
    وبعد فترة سمعت صوت الأذان..
    فزت بسرعة وخافت لا يصحى ابوها أو أمها ويشوفونها بهذا الحال..
    طلعت من الغرفة وراحت لغرفة غادة..
    صلت وهدأ بالها من الخوف والهم..
    مر على بالها ذياب..
    طلعت من الغرفة وراحت لجناح علي اخوها..
    قابلته وتوه راجع من الصلاة..
    سلمت عليه وطلبته يخرج ذياب لها..
    دخلها معه بيته وهو يسحبها..
    وماخفى عنه شكلها ودموعها..
    دخلت لغرفة هديل الصغيرة وشافت ذياب نايم بسريرها..
    انحرجت منهم لانه باين إن ذياب مضايقهم وماخذ غرفة بنتهم..
    شالته وهو نايم ولما طلعت شافت عبدالله جالس في الصالة متحضر لـ المدرسة..
    هديل بهدوء\صباح الخير..
    وقف بسرعة وسلم عليها وهي مستغربة..
    شافت بعيونه نظرة ماتفرق عن عيون هلها..
    حتى هو مو مصدق إنها رجعت..
    عبدالله\وأرحبي..نور بيتنا يا الذيبة أم الذيب مرة ذيبااان..
    هديل\هششش عبود ذيبي نايم..
    عبدالله يوشوش\وشهو..هو ينام وانا أروح المدعسة..
    هديل\إيه رووح أنت الجيل القادم..
    وأنا بأروح أنام مع ولدي..
    تصبح على فلكة من المدير..
    طلعت من جناح علي وهي تسمع عبدالله يتوعد فيها وفي ولدها..
    لما وصلت الغرفة رجعت في بالها كلامه..
    مرة ذيبااان..وش عنده راضي عليه..؟؟
    لازم اقلبه عليه واخليه يكرهه..
    قال ذيبان قال..
    لو يقول تمساح كان أصرف واحسن..
    تحرك ذياب بضيق جنبها..
    همست لذياب\لا تشوت إيوه تمساح..
    وفيك خير قل لا..
    نامت وهي حاضنته..وتسالت وين نامت غادة..؟؟
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
    بعد يومين في بيت أبو علي..
    القبايل اجتمعت مرة ثانية في بيت أبونايف..
    وبعد رجوع أبوها واخوانها..
    شافتهم يتهربون منها..حتى هادي اللي كانت مشتاقة تجلس معه..
    ويمكن تقوله كل اللي صار معها..
    لانها محتاجة تتكلم ولو من دون صوت..
    وهو بيفهم عليها..
    كان هو اكثر شخص يهرب منها..
    أستغربت حالهم..بس جرحتها أفكارها..
    غبتي عنهم سنين..
    فلا تضحكين على نفسك وتقولين تصرفاتهم غريبة..
    كل شيء عادي..الغريب أنتي..
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛
    قالت لها غادة إن اهل زوجها عندهم..
    وامها تطلبها تنزل لهم..
    في البداية مارضت..
    بس كانت تدري إنها ماراح تخسر شيء إن قابلتهم..

    دخلت الصالة راسمة نفسها بثقة..
    سلمت بهدوء وهي تشوفهم جالسين ينتظرونها..
    حبت يكونون أمها وجدتها وغادة وحنان معها..
    تبي كل عائلتها جنبها ..
    قربت من ام غازي ومدت يدها تصافحها..
    بس ام غازي مارضت بهذا الشيء ولا أكتفت فيه..
    سحبتها لحضنها وضمتها بقوووة..
    تحاملت على نفسها وسمحت لها تضمها..
    مع إن قلبها وجوارحها يصرخون إبعديها عنك..
    صدي عنها واجرحيها..
    ماقدرت تلم يدينها حواليها..
    ماقدرت ترضيها على حساب نفسها..
    ظلت ساكنة لحتى تركتها أم غازي وهي تتنهد بآسى..
    مدت يدها لرشا وشوق ..
    وهذا كان إعلان منها..
    ماتبي مشاعر كذابة من جهتهم..
    ولا تبي تنافقهم وتضمهم..
    مع إنها لاحظت عيون شوق المليانة دموع..
    بس دموعها مازادتها الا حقد عليهم..
    حاولت تتكلم وترحب فيهم بس ماقدرت..
    وتجاهلت نظرات أمها المعاتبة لها..
    تبيها ترحب فيهم وتقوم بالواجب معهم..
    ضحكت على نفسها بقهر..
    أمها وجدتها وغادة وحنان..
    قايمين بدور الضيافة على أكمل وجه..
    يرحبون ويهلون بهله..
    مايدرون كيف كانت علاقتها معهم..
    تمنت لو تقول لجدتها وهلها..
    كيف أذوها وأهانوها..
    وتشوفهم يذلونهم ويطردونهم من البيت..
    بس هي مشت في طريق الكتمان..
    وبتظل عليه لحتى ربها يفرجها..
    كانت ترد على أسئلة أم غازي والبنات بهدوء..
    ولا تسألهم عن حالهم ولا تناظرهم..
    غصب عنها غلبها الماضي وحقدها..
    ماتبي تكون اصيلة معهم..
    ولا تكون الطيبة اللي تسامح وتنسى..
    لا قررت تتجبر..
    تتفرعن عليهم وعليه..
    أم غازي بحنية\ما انتي معنا ياهديل..؟؟
    هديل بهدوء\الكلام لكم..
    رشا\طمنينا عن اخبارك..
    هديل\الحمدلله..تسر الخاطر..
    شوق بصدق\وحشتينا..
    ماردت عليها هديل..وشوق ماكانت تنتظر رد..
    ناظرت أمها والباقين ينسحبون من المكان..
    وحست بإمتنان لحركتهم..
    أكيد حسوا إن فيه أمور عالقة بينها وبين أهــل زوجي..
    يا ثقل الكلمة على لسانها..توووجع..
    أم غازي بهدوء\طمنيني عن حالك يا هديل..؟؟
    سنتين ماهي شوي..
    هديل\هلي مايدرون عن موضوع السنتين الأخيرة..
    ممكن تتحفظون على الموضوع..
    شوق\غازي قال لنا..
    هديل بصد\ممكن ما ينذكر اسمه..
    شوق\عرفنا إن أخوك مالــ...........
    أم غازي بحدة\شووق..
    سكتت شوق عن الكلام..وش اللي قاله لهم..
    واكتشفت إنه ما يهمها وش قايل لهم..
    رشا بخجل\ما ادري إذا بتقبلين العذر..
    أنا أعتذر منك على الماضي..
    شوق بأسف\ندمت على كل الي صار..
    ما ابى الا السموحة منك..
    انا اكثر من جرحك وتظلم عليك..
    بس يشهد الله ياهديل إني ندمت قد شعر راسي..
    هديل بحقد\تبون العذر والسموحة..
    بأعذركم على كل شيء..
    بس لكم ذنب ما ينغفر..
    لا أنتوا ولا اللي ربتكم..
    حطت عينها بعين ام غازي..
    كتمت وجعها منها بصدرها ولا سمحت لدموعها تتملكها..
    هديل بجمود\أنتي اللي مثلتي علي الحنية والطيبة..
    وكنتي توقفين في وجهه..وكأني أهمك..
    أوحالي يعنيك..
    تظنين إن ضربه لي أقسى من اللي أنتي سويتيه..
    هو مجرم بعذرهـ..
    بس أنتي أم..أم..
    ماراعيتي الله فيني..كسرتيني مثله ومثل ربيباتك..
    كلمة وحدة وش كانت بتخسرك..؟؟
    والله الكلمة ماكانت بترجعني لهلي..ولا بتجعلكم الحاشية وانا الملكة..
    الكلمة ماكانت بترجع سعود ولا تجبر كسركم..
    بس كانت بترحمني..وبتنصفني بمملكة ظلمكم..
    ياليتك ضربتي مثل ماضربوني..واهنتي مثل ما اهانوني..
    حنيتك الكذابة ليتني ماشفتها ولا خدعتني..
    أبى افهم شيء واحد بس..لو أنتي قلتي لي..
    أنتي يا هديل زوجة ولدي..زوجة غازي..
    وش اللي كنتــــي بتخسرينه..؟؟
    ألتفتت على شوق\وأنتي ياللي طعنتيني بكلامك..
    أنتي اللي خدعتيني بكذبتك إنك جومانة..
    تبليتي علي بكلامك وسمومك...كل ماحلا لك قلتي يا بنت الـــ.........
    كم مرة أهنتيني..وقلتي جارية..
    تذكرين لما تفرعنتي وقلتي مايشرفك خلط الأنساب..
    قلتي ياجارية لا تحملين من اخوي...
    كنتي تطعنين وتقذفين بعرضي وطهارتي..
    وأنتي تدرين إني زووجته..وإن لمسني فهو حلال..
    كانت ظنونك ظنون شيطان..ولسانك مايشرف مسلم..
    والحين ندمانة...؟؟
    إندمي يا شوق..إندمي يا اخت أخوك..
    لاتطلبين احلك وأسامحك..ترى منهو مثلك مايتكلم..
    شوق تبكي\ماكنت أدري إنك زوجته..والله العظيم ماكنت ادري..
    هديل بحسرة\وإن كنتي ماتدرين المصيبة اكبر وأكبر..
    ناظرت في رشا اللي تبكي بصمت..
    هديل\وأنتي يا رشا...
    ماكنتي تدرين..؟؟ولا الجواري ما يستاهلون منك كلمة..
    والمكان اللي تدخلونه أطلع منه..
    وولدك..لا يكون باذبحه مثل ما ذبحت اخوهـ ..
    أم غازي بحزن\كانت هذي رغبته..
    ماظنيتها بتجرحك وتكون أكبر اوجاعك..
    هديل بقهر\تذكرين لما طلبتك تفكيني منه..
    تذكرين لما هاجمني بشهر رمضان وأنتي بعدتيه عني..
    تذكرين كلامك لي وش كان..؟؟
    لا تعاندينه..لا تثيرين أعصابه..أنت ملك يمينه..
    ماقلتي زوجته..لا ماقلتي..
    هي كلمة يا آدمية..كلمة وحدة..ماكانت بتضركم..
    ولا كانت بتفرحني..
    الكلمة كانت بتصبرني على لمسه..على آ آ.........
    أم غازي\يا بنتي أنــ...............
    هديل بدموع\لاتقولين بنتي..
    لو عديتيني مثل بنتك ما تركتيني اكون نكرة..
    أنتي قبل لا تصيرين أم ..أنثى..
    كيف قبلتيها يفرض نفسه علي كزوج وانا ما ادري..
    بلحظات بس عيشي وضعي..
    تخيلي ينفرض عليك رجال ويهينك ويمتهن كل شيء فيك..
    ويناديك بجارية له..أمة ملك يمين..
    لاتشرهين علي...
    أنتوا اللي حولتوني لـ إنسانة كلها حقد..

    طال الصمت منهم ومنها..
    اللي عندها قالته لهم..
    هي مستحيل تتقبلهم بحياتها..
    دخلت الخادمة وقدمت ضيافة جديدة..
    قربت من هديل وهمست لها ..
    ردت عليها هديل بهدوء..
    وبعدها أنسحبت من المكان..
    وقفت وصدت عنهم..
    وكانت واثقة إنهم يبون يشوف ذياب..
    هديل بقسوة\تبون تشوفون ولــــدي ذياب..
    تعالوا بعد خمس سنين..وتشوفونه..
    شوق بشهقة\لا..
    رشا بغصة\هذا ولد أخونا..
    هديل بحدة\وأنا بنت أبوي وامي..
    أخت اخواني..عرض هلي..
    مثل ماحرمتوني بأحرمكم..
    وبالسيف اللي طعنتوني فيه باطعنكم..
    جربوا الحرمان..
    شوق بزعل\غازي مابيسمح لك..
    هديل بسخرية\أخوك تنازل عن حقه بذياب..
    مالكم عندي شيء..
    شافت الرفض بعيون شوق ورشا..
    اما أم غازي فألتزمت الصمت..
    ونكست راسها وكأنها خجلانة من هديل..
    تدري إنها قست عليها وجرحتها..
    بس هم يستاهلون الصد والتجريح..
    بعد لحظات دخلت الخادمة وذياب معها..
    شالته هديل منها وضمته لها..
    يستاهلون الحرمان ولاقهر..
    بس وش أسوي في ضميري..
    الله ماخلقني مثلهم..
    أمي وابوي ماربوني بجمود..
    قلب أمك طيب..
    الله يأخذ هـ القلب الضعيف..
    هذولاء هلك..أم أبوك وعماتك..
    رضيت أنا أو مارضيت..
    همست له\عشانك ماهو عشانهم..
    كنت بجازيك . . لكني ..رحمتك..
    حسبي الله ليت ماعندي ضميــــر..
    حطته بيدين غادة اللي نادتها الخادمة بطلب من هديل..
    مشت طالعة من الصالة..
    هديل بجمود\أتمنى ما نلتقي إلى يوم الحساب..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
    طلعت ياسمين من العناية برحمة الرحمن الرحيم...
    وتنومت بالمستشفى لمدة إسبوعين..
    خلالها ماسمحت لسلمان يكلمها أو يلمسها..
    تناوبت عندها غادة وسارهـ ..
    واحياناً كانوا يتهاوشون من اللي تنام عندها..
    كان هذا أخر يوم لها في المستشفى ..وغادة نايمة عندها..
    غادة تتكلم عن هديل وعن ولدها..
    وماعندها اي فكرة إن هديل وياسمين يعرفون بعض..
    حست بعتب في قلبها على هديل اللي مازارتها ولا اهتمت لحالها..
    وهي متأكدة إنها عرفت عن تعبها..
    تفاجئت من كلام غادة..
    غادة\قلت لها تجي معي وتتعرف على الغزال الفلسطينية..
    بس مارضت تطلع من البيت..
    من يوم رجوعها لـ السعودية ماتطلع حتى بحديقة البيت..
    أخواني يمزحون معها ويقولون صابتها فوبيا..
    بس أنا صرت أشك إنها فعلاً صابتها فوبيا..
    ياسمين بآسف\خلوها على راحتها..
    انا عاذرتها الحين وفاهمة موقفها..
    غادة بخبث\وش نخليها على راحتها..
    لا يا زوجة حماي..
    انا وسارة محضرين لها مفاجئة..
    وبتطلع من البيت يعني بتطلع..
    يمكن تنجلط بس المهم بنطلعها..
    نبيها تتونس وتشوف الرياض..
    ديرتنا تغيرت من خمس سنين..
    ياسمين بخوف\غادة الله يخليك..
    إتركوها بحالها..هي أكيد لها عذرها..
    عاشت زمان طويل بالخارج..
    هي من نفسها لما تمل من البيت بتطلع..
    غادة بضيق\أنتي ماتعرفين هديل..
    وحتى أنا ماعدت أعرفها..تغيرت كثير..
    صارت قاسية..بس مو معنا..
    مع نفسها قاسية كثير..
    تمر بلحظات ضعف وتتعلق بأمي..
    لما نحكي لها عن حياتنا نبكي..
    بس هي ماعادت تبكي..باول أيام رجوعها..
    كانت دموعها على طول بعيونها..
    أحسها صارت غريبة غصب عنا..
    هي لازم ترجع مثل ماعهدناها..
    أريد أختي ترجع..
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
    أنـا كبرت بـ عين جرحي , و شكرني !!
    و سكّرت في وجه العفو كِل الأبواب ..
    الدرس قاسي, بس أنـا بـ اعتبرني ..
    اني بعد هاليوم . . بـإحسآس كذآآآب ..
    هو ليه أعاتب ..؟ و أنا محدن : كِسرني !!
    إلا..أعز الناس.. وش عاد الأغـراب ؟؟!
    منسدحة على السرير..
    تحاول تخفي رجفتها لنفسها..
    تحس بغـــربة قاسية بين أهلها..
    معاملتهم لها غريبة عنها..
    ابوها يضمها ويداريها..بس فيه شيء مضايقة..
    أخوانها ماهم على خبرها وعهدها فيهم..
    خصوصاً هادي..
    يغيب عن البيت كثييير..
    اذا شافها سلم من بعيد وهرب منها..
    مايبي يواجها او يجلس معها..
    ليه ما يحس إنه أكثر شخص تحتاجه..
    تبي ترجع هديل الأولى..
    حاولت بس ماقدرت..
    كل شيء ضدها..
    هي خسرت مكانها بينهم من سنين..
    بس ماتبي تقضي سنين لحتى تسترجعه..
    تبي كل شيء يتعدل بغمضة عين..
    سمعت صوت جوالها بنغمة رساله..
    الجوال هدية من حنان زوجة علي..
    تمنت تكون من شهد..صديقتها الغالية..
    مشتاقة لها..وخايفة تقابلها..
    تخاف إنها تكون مثلهم..
    متغيرة وماتتقبلها..
    متى ترجع من سفرها وتحضنها..
    ملت من الهجر والفراق..
    فتحت الجوال وقرأت الرسالة..
    شفت ألبوم .. رححلتنآ !
    .... وزآدت ححآجتي لقربك
    أبو ذياب ..
    همست بضيق..
    ماينقصني بعز ضيقي إلا حضورك..
    ألبوم رحلتنا..؟؟
    أدري وش تقصد..
    تقصد مراحل عذابي معك..
    تصفحها وإذا ضاع عليك تفصيل..
    أو غابت عنك حكاية..
    أنا اذكرك واحكيها..
    كتبت رسالة سريعة ..
    وتدري إنها بتقهرهـ فيها..
    لان أكره وأقوى ماعلى قلبه هذا الطاري..
    . بُگرَهـ أمُووووت .
    و إلليّ گسّر نفسيّ بِ هَمّ . .
    بُگرّهـ يقَطعــــه آلنّدمْ !

    إلى الملتقى بإذن الله تعالى فجر السبت ..
    البارت ماهو من مقامكم وقدركم..
    بس هذا اللي قدرت عليه..
    المعـــذرة منكم..

    كونوا بخيــــــــــــــر ..


    صدووود’’’


  • #243
    شمعة ملاذنا و مشرفة سابقه
    حالتي : دموع صامتة غير متواجد حالياً
    تاريخ تسجيلي: Sep 2010
    عضويتي رقم: 85
    الدولة: مصــــ أم الدنيا ـــــر
    هوايتي: القراءة و سماع الموسيقي
    سيرتي الذاتية: مصرية و افتخر
    عملي: ----------------------
    مشاركاتي: 14,090
    معدل تقييم المستوى : 2147483816
    دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى. دموع صامتة من افضل السمعات في المنتدى.

    رد: رواية أما غرام يشرح الصدر طاريه ولا صدود وعمرنا ماعشقنا.. الفصل التــاسع والستون

    صدووود حبيبتي نورتينا من جديد .. حمد لله علي السلامة ..
    لي عودة ان شاء الله بعد قراءة الفصل

    شكرا اديم السماء علي هديتك الرائعة



    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  • #244
    فاتن
    ضيـــــف

    رد: رواية أما غرام يشرح الصدر طاريه ولا صدود وعمرنا ماعشقنا.. الفصل التــاسع والستون

    يا عينى على الحراكات بجد غاذى خفة دم مفيش زيها

    لقاء هديل مع اهل غاذى خطير
    صدووود قوليلى هى هديل بجد مش هتوريهم ذيابنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  • #245
    فاتن
    ضيـــــف

    رد: رواية أما غرام يشرح الصدر طاريه ولا صدود وعمرنا ماعشقنا.. الفصل التــاسع والستون


    صبــــــــــــاح \\
    الأمل يعانق القلوب ..

    مســـــــاء\\
    التفائول بغدٍ أفضـــــل ..


    كيفكم الــ ..؟؟!
    أحبتــــــي في كل مكــــــان ..؟؟

    مبعثرة حروفي وانا أكتب لكم..
    أحد الغاليات كانت رفيقة لنا من خلف الكواليس..
    ظهرت قبل ايام وصرحت بإحساس خفي بقلبها..
    بأني أنا قد أكون ( اقدار ) كاتبة ملامح الحزن العتيق ..
    عندما قرأت تعقيب غاليتي كن أو لا تكن..
    إبتسمت بسعادة بالغة..وشعرت بفخر كبير..
    أن يتم تشبيهي بغاليتي اقدار..
    عزيزتي أثرتي تساؤلات الغاليات..
    احد الحبوبات قالت إعترفي كشفناك يا صدوود اقدار..
    لم تكوني أنتي أول من فاجئني بهذا الاحساس..
    أنا لستُ اقدار..ولستُ كاتبت ملامح الحزن العتيق..
    اقدار كان لها تواجد معي منذ البداية..
    تمنت أمنية وحققت لها ماتمنت بحمد الله..
    ومن هنا أرسل تحية طيبة لــ اقدار الغالية ..
    عزيزتي إشتاق المتصفح لأحرفك الأنيقة..وتوقعاتك الرائعة..
    وأشتقت أنا لوجودك بالقرب مني..
    فــ كوني بخيــــــــر لأجلك وأجلنا..


    بالنسبة لـمطالبت البعض بظهور طليقت غازي (سحر)..
    عزيزاتي انا ذكرتها كسرد لبعض التفاصيل..
    بس مثل ماهو واضح لـ الجميع الطلاق مر عليه سنوات طويلة..
    فبأي حق ترجع الطليقة لـ الظهور في حياة غازي وتكون سبب لعودة هديل..
    مابينهم طفل يفسر عودتها لحياته..
    ولا بينهم تواصل من اي نوع..
    لربما يتم ذكر طليقته كسرد لاحداث ماضية فقط..
    اما عودتها لحياتهم وتحاول ترجع لزوجها بإيذاء هديل..
    هذا أمر مبتذل كثير في الروايات وأنا شخصياً ما احبذ هـ الشيء..

    شـــــــــكراً بحجم السماء..
    لكل أحبتـــــــــي المتواجدون دوماً بقربي..
    ولكل من سجلوا لأجلي هنا وفي الجوار..
    ولــ غالياتي من راسلوني بكلماتهم الطيبة شـــكراً لتواجدكم ..

    وترحيب كبيــــر بالشاعرات المبدعات..
    والله ما أنت بهين يا غازي أنكتبت فيك الأشعار والمعلقات..
    حتى الخواطر تنبض باسمك..
    <<فيس يطالع رابطة هديل..يتفاخرون بغازيهم عطووهم على راسهم <<فيس الفتنة..



    البارت إهــــداء لـــ الجميـــــــــع ..
    ولعزيزتي ..
    صوت الحيــاة ..
    @
    روح تحب الحياة ..


    البارت السبعــــون ..


    تقولين :لماذا تحمّل الأربعين مالا تطيق؟!
    لماذا تكثر الشكوى منها .. ومما فعلت بك؟!
    تقولين أن الأربعين سن هادئة متزنة تخلصت من حمق العشرين
    ومن غرور الثلاثين .. وقبلت أن تتعايش بسلام..
    مع نفسها ومع العالم..
    ما تقولينه ، أيتها الصديقة ، صحيح ومنطقي..
    ولكن منذ متى اعترف الشعراء بالصحيح والمنطقي؟!
    الشعراء يرون في الأربعين رحيل الشباب وقدوم الكهولة ،
    سفر الربيع ووصول الخريف ، هروب النهار وهجوم الليل..
    وأنا ، يا سيدتي ، أخاف أن تقلّم الأربعون أظافري ،
    أن تكسّر أقلامي ، أن تحنطني ، أن تعطيني قلباً صناعياً ،
    أن تجعلني مليئاً بالوقار .. والقش..
    أود أن أظل في طفولة لا تنتهي..
    والأربعون هجوم كاسح على الطفولة ..
    تقولين : ولكن الطفل يبقى في الروح..
    يبقى .. يبقى.. ولكنه يوشك أن يختنق..
    ثمة كلمة أخيرة .. سأكف عن الحديث عن الأربعين ..
    لسبب آخر..
    ذلك أن الحديث عن الأربعين بعد أن تجاوزتها..
    بخمس سنين قد يعتبر من باب التضليل!...

    المرحوم بإذن الله تعالى..غازي القصيبي..



    أرسلت الرسالة وهي تحس براحة..
    لانها راح تقهرهـ وتغيضه..
    وقبل لا تقفل جهازها أتصل عليها..
    ظلت تناظر الجوال بتشفي وإبتسامة نصر مهزوزة..

    أجل أنقهر أنا لوحدي قبل النوم..
    لا يا حلوو حتى انت باخليك تموت قهر..

    قررت تقفل الجوال بما أنه صار يعرف رقمها..
    وصلتها رسالة وكانت متأكدة إنها منه..
    فتحتها وغصة بإبتسامتها..

    يامن عذابه يشققني ويرفاني
    فرقاك غصب علي بالحيل مكتوبه ..
    خبرت نصف تعب من نصفه الثاني
    بعضي الرماد وبعضي نار مشبوبه ..

    قفلت الجوال ورمته بالدرج الجانبي لها..
    ضمت ذياب لها وغمضت عيونها..
    فراقي صار عذابه ..؟؟
    غيابي عنه مشقيه..؟؟

    شف كذب أبووك..يقول أنا نصفه الثاني..
    وهو ميت من دوني..
    لو كان بيموت من دوني كان مات السنين اللي غبتها عنه ..
    يحسب إن الكلام بيعوضني مافقدته..

    الزمن بيحكم بينا ياذياب..
    خلك شاهد علينا...

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

    كانوا بحديقة البيت مسوين باربكيو..
    كلهم مجتمعين ما ينقصهم الا غازي..
    لان راجح ما طلب حضورهـ..
    وبعناد من رشا أتصلت في أخوها وطلبت منه يشاركهم..
    تعذر بشغله وما يقدر يتواجد معهم بس هي لزمت عليه..

    رمى راجح علبة مويا على طالب اللي يصارخ على شوق..
    راجح\وعود يشق بلعومك..تصارخ عليها قدام عمها..
    إذا رحت البيت كفخها..
    طالب ينفخ\أنت تعال اسمع وش الخبلة تقول..
    شوق بسرعة\طالب اسكت لا تعلمهم..
    طالب\لا خليهم يدرون بهبالك..
    شوق بزعل\طويلب مالك شغل..اذا ماعجبك الموضوع لا تجي..
    طالب\هههههههههههه حلوة اعجبتني لا تجي..
    يعني لمن بيزفونك..؟؟
    راجح بهدوء\وش السالفة..؟؟
    طالب\بنت اخوك تبي تسوي حفلة وتلبس فستان زواج..
    راجح يبتسم\طيب وانت ليه معترض..؟؟
    طالب عقد حواجبه\معترض لان كم سنة صار لنا متزوجين..
    وبعدين إذا أنت ناسي ترى الحرمة حامل..
    راجح\هههههههههه بس هي في خاطرها تسوي حفلة لنفسها..
    وتبى تلبس فستان ابيض انت وش دخلك..؟؟
    طالب\تلبس أبيض لمن..؟؟والحفلة مالها وجه ..
    راجح\تلبس لنفسها..هي حابة تلبس وتسوي حفلة..
    طالب\مايصير حفلة من دون معرس..
    راجح\مالك شغل تستعرض في فستانها وتطيب خاطرها..
    أنت خلك في شغلك أو في بيتك..أنا باحضر العرس..
    شوق براحة\فديتك يا عمي..فهمت الحين شيء وفي خاطري..
    كل البنات لبسوا فساتين لعرسهم وأنا ابى البس مالك شغل..
    طالب برفعة حاجب\وأنا ابى البس المشلح وانفخ صدري ويعنني المعرس..
    تصدقين اعجبتني السالفة..
    رشا\ههههههههههههههه هذا اللي جالس يهاوش يوم جات على المشلح رضا..
    طالب\أجل اللي لبسوا احسن مني..
    لبى عصقووولة ولا يهمك احسن عرس نسويه..
    ام غازي\ياوجه الله انت من جدك بتماشيها في هبالها..؟؟
    تبون تفشلونا قدام الناس..؟؟
    طالب\أفا حن نفشلك..؟؟
    ما احد من الناس له عندنا شيء..كيفنا نعرس اليوم بكرهـ بعد سنة..
    كيفنا نسوي عرسنا متى ما نبي..دمقراطية..
    راجح\في عينك قال دمقراطية..قم شف اللحم أستوى ..
    طالب\أعتقد إني ضيف ماله داعي أكرف..
    قم أنت شف اللحم..عازمني تبى تشغلني عندك..
    هذا وانا عريس وباخذ بنت أخوك..
    أروح اتعشى فلافل أحسن من منتك علينا..
    راجح مفتح عيونه\أعوذ بالله قلنا شف اللحم ماقلت أكنس الحوش..
    رشا\ههههههههه عايش جوه أخوي مرة..
    شوق تبتسم\وهو صادق عازمنا زوجك يشغلنا عندهـ..
    راجح يتنهد\استغفر الله وش اللي خلاني أعزمكم عندي..
    طالب\أتغشمر معك يوبه وش فيك..الله يهداك ماتقبل غشمرة..
    قام طالب يشوف اللحم وراجح يضحك على كلامه..
    راجح\أجل اتغشمر معاك...
    طالب يبتسم\عامر يقول كذا..عاجبتني الكلمة..
    غازي\السلام عليكم وحمة الله ..

    ردوا السلام عليه ورشا حضنته ورحبت فيه..
    جلس جنب أمه بعد ماقبل راسها..
    وكانت ردت فعلها السكوت والتحيز عنه..
    وبعد ماصافح راجح صد عنه بهدوء..

    جلس قريب من شوق وهو يسمعها تتكلم عن حفلتها..
    ناظر في أمه بس هي كانت صادة عنه وماتكلمه..
    من بعد رجوعهم من عند هديل..
    قالت كلمة وحدة في وجهه وبعدها صدت عنه..
    أم غازي بقهر\ليتني ما شفته ..

    تمنت إنها ماشافت ولدهـ ولا ضمته..
    مايدري بسبب كلام هديل لهم..او لانه ولده..
    مايلومها على كلامها لهم ولا يشره عليها..
    هله ماقصروا فيها وكله منه..
    تمنت امه لو حرمتهم من ذياب..
    لو طردتهم او غلطت عليهم..
    ع الأقل يكون عندهم سبب يواسيهم..

    شوق\هاه غازي وش رايك..؟؟
    غازي بهدوء\على راحتك..
    بس انا مو عاجبني الموضوع..
    شوق بزعل\ليه..؟؟والله إنها في خاطري..
    أم غازي بحدة\أنا قلت لك بتكون حركة بايخة ومالها داعي منك..
    هذا أنتي متزوجة وألحين حامل وتوك تبين تسوين حفلة زواج..
    شوق بتصميم\يومه كان لنا ظروفنا لما ماسوينا حفلة..
    بس الحين الحمدلله كل شيء تمام..وبعدين مو حفلة ومعازيم..
    حفلة صغيرة تجمعنا وتجمع أهلنا القريبين منا وصديقاتي..

    طنشتها أمها وماحبت تناقشها قدام احد..
    جلست رشا جنب غازي وهي تبتسم له..
    رشا بفرح\مشتاقة لك..مر وقت طويل ما سولفت معك..
    غازي بمحبة\برسم الخدمة متى ما تبيني جيتك..
    رشا\فديتك يا ابو ذياب دوم تجبر بخاطري..
    شوق\آآآهـ ياقلبي على ذياب وش زينه..
    رشا\ماخذ زين ابوهـ ..
    غازي يبتسم\نسخة من أمه..
    شوق بهدوء\متى أخر مرة شفت ذياب..؟؟
    غازي\في ايطاليا..
    شوق\ليه ما تطلبه منها..ع الأقل تشوفه وترجعه لها؟؟
    غازي\انا وهي واحد..وما ابي ذياب الا وأمه معه..
    رشا\اممم احيان كنت اشوف هديل تشبهك..
    شوق بعبط\بدا تاثير النوم..بتنام الحين يا أخوي جاملها..
    رشا بتطنيش\اكرميني بسكوتك..
    لا والله بجد غازي..كنت اشوف فيها منك..
    غازي باهتمام\كيف..؟؟
    رشا بتفكير\اممممم اتذكر مرة في المزرعة بايطاليا..
    دخلت مكتبك وكنت انت تهاوشها..وهي واقفة وتصارخ عليك..
    كنتوا مقابلين بعض وانت معصب عليها مرة..
    ههههههههههه هي ضربتك بكتاب وهربت منك..
    وأنا قفلت الباب ما خليتها تخرج من المكتب..
    شوق\ههههههههههه يوم كبت المويا بوجهك وزحلقتي..
    رشا\ههههههه ايه..يعنني فازعة لاخوي..
    طحت أنا وهي ع المويا وبدل مايرفعني رفعها يشوف لا يكون صار لها شيء..
    غازي يبتسم\ايه أذكر..بس وين شفتي الشبه بينا..؟؟
    رشا\كنت اشوفها تشبهك في قوتها..وكانها تستمدها منك..
    كانت تصارخ عليك وتضربك مستقوية فيك..
    ولما رفعتها من على الارض واهتميت فيها لانت معك..
    وانتوا قبل دقايق كنتوا بتذبحون بعض..
    صرت احسها تطبع بأطباعك..اذا كنت معقد حواجبك ومعصب..
    تعقد حواجبها وتهاوشك قبل أنت تهاوشها..
    واذا لنت معها تظل معصبة عليك بس بهدوء...

    أم غازي\ياليتها خذت أطباعه..يمكن كانت اليوم مرتاحة..
    شوق\وليه ما ترتاح..؟؟الحمدلله هذا هي رجعت وبخير..
    ام غازي باستنكار\بخير..؟؟تسمين حالتها بخير..؟؟
    لو سوت مثلنا وحرمتنا من الولد خمس سنين وقالت لنا مات..
    يمكن تصير بخير..ولو طعنتنا في عرضنا وتقولت علينا..يمكن تصير بخير..
    لو ضربتنا كلنا وحبستنا يمكن تصير بخير..
    غازي\بس هي ماهي بمثلنا..وعشان كذا بتكون بخير..
    راجح بحدة\ولو تظل بعيدة عنا بتبقى بخير..
    أم غازي\وهذا اللي بيصير..صح يا غازي..؟؟

    ناظر في امه وفي راجح اللي ماخذين موقف كبير منه..
    ومابيرضون إن غازي يأخذ هديل مرة ثانية..
    يدري برغبتهم يظنون إنهم يريحونها بإبعاده عنها..
    ولو وقفوا ضدهـ بيرجعها له..لانها زوجـــته..

    إذا راحوا جميع الناس عنّي وهانـتْ العشـرهـ
    أضل الشامخ بـ دمعي وأقـول لـ ضحكتـي صيـري
    أنـا مثـل الـذي يمشـي بـ غابـه كلّهـا خطـرهـ
    أكمّل خطوة دروبـي ولا توقَـفْ خُطـا سيـري..

    وقف وطلع من حديقة البيت اللي كانوا مجتمعين فيها..
    لارد على أمه ولا على راجح..
    تظل بعيدة عني وتكون بخير..
    أجل والله ماعرفتوها..
    هـــي تعاني..ماهو تبي قربي..
    لانها ضايعة وعايشة بدوامه..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


    في بيت ابوعلي..
    كانت جالسة في الصالة مع الجدة وحنان..
    هديل الصغيرة بحضنها وذياب يحاول يسحب هديل من حضن أمه..
    حنان\هههههههه هديل تكفين هاتي بنتي ولدك متوحش..
    هديل\ماعليك منه ألحين اعطيه كف يأدبه..
    هههههههه شوفي كيف يبي يمسك شعرها..
    فديته ذيب أمه الغيران..
    الجدة\احرقتي قلب الولد قطي البنت وشلي الولد..

    مدت هديل الصغيرة لامها وضمت ذياب بحضنها..
    هديل\أفا يا عسووولة طلعتي تفضلين الولد على البنت..
    يعني ذيبي أحب عندك من هديل..
    الجدة\مابه شك..الولد احب من البنت..
    هديل تضحك بصدمة\ههههههههه يومه حرام جاملي حنان ههههههههه
    الجدة\اتكلم عنكم كلكم..دوم الولد يكون احب من البنت..
    حنان\الله يسعدك يومه تحسبين انك تجرحين مشاعرنا..
    ندري ان الولد يكون اغلى من البنت عند هله..
    الجدة\الله يرحم أبوي كنت بنته الوحيدة وسبعة اخوان..
    وكان يغليهم اكثر مني..
    مع انهم كانوا يعذبونه كثير بمشاكلهم مع عيال الحارة..
    وأنا كنت مباركة مايطلع مني الا لبيه وتامر..
    بس هذا شيء مزروع في الآوادم..
    أم علي\والله أنا ما افرق بينهم احب عيالي وبناتي..
    حتى حنان أعتبرها مثل بنتي وغلاتها من غلات زوجها وعياله..
    حنان\عساني فدوة لك انتي وقلبك الطيب..
    بس حتى عندنا صح أبوي يحبنا انا وأخواتي..
    بس يظهر كثير غلاة اخواني أكبر منا..
    هديل\مع كل اللي صار معي بس ماحسيت ان ابوي يحب أخواني اكثر مني..
    بالعكس احس إنه يحبني أنا وغادة أكثر..
    الجدة\لان أبوك حنوون وقلبه طيب معكم..
    أبوي كان يحبنا بس كان شديد ومايحب الدلع..
    هديل\الحمدلله أنا غير ذا الذيب ما باجيب..
    عشان لا افرق بينهم ولا أقهرهم..
    الجدة بسخرية\إيه وزجك بيخليك على كيفك..يبي عيال وبنات..
    هديل بقهر\وأنا وش دخلني فيه..؟؟
    الجدة\أمك يا حسين..وش دخلك فيه..
    أجل من وين يجيبهم عياله..؟؟
    هديل\من البقالة ويخب عليه..
    الجدة بشهقة\اقربي اقربي أشوف..
    هديل بحذر\والله ما اقرب..شوفي يا عسولة خلينا حلوين مع بعض..
    الكلام هذا لا تعيدينه وباجعل نفسي ما سمعت..
    حنان\ههههههههههههههه ياويلك أشردي..
    هديل بصراخ\يوووووومه لا تضربين آآآآآآآآآآآي ...
    الجدة بتشفي\وعيديها يا بنت حسين اتمسدك بالعصا على ظهرك..
    ام علي\ههههههههه خلاص سامحيها ما بتعيدها..
    هديل\تضربيني قدام ورعي تبين تطيحين شخصيتي..
    الجدة\العلم صار في بطنك..
    هديل بجدية\يا ام حسين الكلام في الفايت نقصان عقل..
    العلم صار عند أبوي وأخواني..ومن ذا البيت ماني بطالعة..
    انا ادري إنه كلمك بس مدري وش قايلك..
    بس والله يومه ما يعرفني ولا أرجع له وهذا أنا حلفت..
    الجدة بعصبية\وش اللي عرفك إنه كلمني..؟؟
    هديل بقهر\لاني أعرفه..وشكيت من كلامك الدايم عنه..
    وكل ماحلا لك الجو فتحتي سيرته..وأكد لي عبدالله..
    خذيها مني وبصراحة لو يموت مارجعت له..
    الجدة بعصبية \والله إنـ............
    هديل تقاطعها بحدة\والله أقهره مثل ماقهرني..

    طلعت من الصالة وتركت جدتها معصبة من كلامها..
    الجدة\تشوفين بنتك..ماخلت فيها سحى..
    تراددني وتهدد..
    ام علي\كلنا عارفين رايها..هي قالت ماتباه ولا بترجع له..
    فليه تحدينها على أقصاها وتحلفين..
    الجدة\راضية إن بنتك تترك زوجها ويطلقها..
    ام علي\إن كان في قرارها راحتها فإيه راضية بطلاقها..
    الرجال شكله قاسي ومن حرمانه لها منا واضح انه قاهرها..
    الجدة\اللي بين الزوجين مايعلم به الا الله..
    عقلي بنتك..الدنيا ماهي بعلى شورها..وإن سكت عنها الحين
    فماهو بساكت بكرهـ..والولد بياخذه ويوجعها فيه..
    ام علي\بيسكت ماعليه شر..
    مثل ما صبرت بنتي سنين وتعنت معه بيسكت..
    خليه يعرف إن الدنيا سلف ودين..ومثل ماضامها بينضام..
    الجدة\لا تكبرين راس البنت بكلامك..
    أنتي لا قابلتيه ولا سلمتي عليه كود إنه طيب وزين..
    أم علي بزعل\ولا ابى اشوفه ولا اسلم عليه..
    من يسوي سواته معروف انه شين وقوي عين ..
    حنان\اذكروا الله وصلوا على النبي..
    الموضوع كبير وماينحل كذا..هديل صاحبت الشأن..
    وهي اللي بتقرر..
    أنتوا تناقشوا معها بالحسنى ولا توقفون بصفه ضدها..

    انتهى النقاش بينهم ولازالت الجدة على رايها..
    إن هديل لازم ترجع لزوجها وتبطل زعل..
    هو كلمها وهي هاوشته وشرشحته..
    وكان يرد عليها بنبرة هادية واثقة..
    واللي زاد عليها لما يقول لها يا عسولة..
    تحس وكأنه يعرفها مثل عيالها..

    الجدة بغضب\وش أنتي مسوي فيها يالوجه الودر..؟؟
    غازي يبتسم\إن شاء الله كل خير..
    الجدة\دامه خير ليه ماتبى ترجع لك.؟؟
    غازي\هي ماقالت لكم فليه أقول..؟؟
    الجدة\لانها بت أصيلة وتحفظ أسرار بيتها..
    غازي\وأنا اشهد..
    الجدة\بس أنت قاهرها وموجعها..
    وهي كاتمة..قل وش انت مسوي..
    وإن كنت على حق فلك مني أرجعها لك..
    وإن كنت على باطل فوالله ماتعرفها وأنا حية..
    غازي\ ليه والحلف يا عسولة..بغيناك عون يا ام حسين...
    الجدة\عون لك على الناس..أما عليها فلا..
    غازي\وماغلبني من الناس غيرها..
    الجدة\شف يا أبوذياب والله إن قلبي يوجعني منك..
    بسبب سواتك فينا وفيها..ولو الزمن يرجع ماتاصلها ولا تعرفها..
    غازي\ما انتي أول من طلب الزمن يرجع..
    ولو بيرجع صدقيني ما تبنا يا أم حسين..
    الجدة\انت تباني أفزع معك عندها..؟؟
    غازي\ولا لك لوى..
    الجدة بإستغراب\وش علمك..؟؟
    غازي\ما ابى أحد يزعلها ولا يضايقها..
    كلمتك لأني اعرف غلاتك عندها..وانتي كبيرتهم..
    لا احد يقهرها..

    رغم إنه أعجبها إهتمامه فيها..
    وكيف إنه ماطلب إلا راحتها..
    بس تبى تكون قاسية معه وماتبين له راحتها له..
    الجدة بحدة\إن كان لقت القهر معك فمابتلقاهـ معنا..
    وشكلها والله أعلم ماذاقت الا مرارتك..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
    التعديل الأخير تم بواسطة فاتن ; 05-02-2012 الساعة 08:43 AM

  • + الرد على الموضوع
    صفحة 49 من 117 الأولىالأولى ... 39 46 47 48 49 50 51 52 59 99 ... الأخيرةالأخيرة

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 7 (0 من الأعضاء و 7 زائر)

       

    الكلمات الدلالية لهذا الموضوع

    مواقع النشر (المفضلة)

    مواقع النشر (المفضلة)

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك