آخـــر الــمــواضــيــع

تحميل برنامج فايبر بقلم karatekid :: في أحضان العدو_( 46 )_ميشيل ريد_ترجمة salmanlina_حصري فقط ع ملاذنا بقلم مرمورية :: وائل كفوري يفضح كذب اليسا بقلم amiro :: الناشط اللبناني عباس زهري يفضح اليسا و عدد متابعيها الحقيقيين بقلم amiro :: خالة اليسا او ستو اليسا بقلم amiro :: بالصور اليسا متهمة بالشذوذ مع صديقتها كريستين و اعتراف من فانزاتها بقلم amiro :: اليسا تفقد انوثتها و تصبح كالرجل بقلم amiro :: تردد بانوراما اكشن بقلم karatekid :: هل يمكن رؤية الله فى الدنيا بقلم لحظة عشق :: برنامج محول صيغ الصوتيات Bigasoft Audio Converter 4.3.5.5344 بسهولة بقلم Hamada Bader :: عملاق تحميل الملفات من الانترنت Internet Download Manager 6.21 Build 5 بقلم Hamada Bader :: برنامج جلب وتحديث التعريفات الخاصة بالجهاز DriverEasy Professional 4.7.6 بقلم Hamada Bader :: تحميل متصفح جوجل كروم بقلم karatekid :: تحميل برنامج انستقرام 2014 مجاناً بقلم max2arab :: رواية : الجنود الستة بقلم قلم مضطرب :: غـــــــــــراتان - كول كول / Gratin - koul coul . بقلم benghida :: رواية ( حقك علي إذا كنت زعلان ) للكاتبة ماعاد بدري بقلم الود طبعي :: تحميل برنامج فورمات فاكتورى محول الصيغ بقلم karatekid :: أحدهم بقلم قلم مضطرب :: وفاة العضو : النيزك بقلم قلم مضطرب ::



+ الرد على الموضوع
النتائج 1 إلى 5 من 5

  1. #1
    ملاذية مميزة وعضوة في فريق الروايات الرومانسية المكتوبة
    حالتي : سفيرة الحب2009 غير متواجد حالياً
    تاريخ تسجيلي: Apr 2012
    عضويتي رقم: 23546
    الدولة: العراق
    هوايتي: القراءه
    سيرتي الذاتية: ؟
    عملي: التدريس
    العمر: 26
    مشاركاتي: 3,041
    معدل تقييم المستوى : 2147483695
    سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى.

    رواية أبيك وأرفض الواقع لـ ملح الحياة... كاملة مع رابط التحميل

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ¿ˁˇ҉أبيك وأرفض الواقع ҉ˇˀ¿
    الكاتبة : ملح الحياة

    رابط الرواية هنا


    ابيك وارفض الواقع,,,,,,
    مشاعرنا المرهفة,,هي الوحيدة القادرة على ضبط ايقاعتنا في الحب ,,وهي الوحيدة القادرة
    على ان تسير بنا لخط النهاية والاحساس بكل ماهو جميل ودافىء.......
    .احبتي اينما كنتم وتواجدتم ومتى ماقراْتم انه ليسعدني التواجد معكم من جديد مع شخصيات
    جديدة لتعيشوا معها احداث حياتها اليومية وتفرحون لفرحها وتبكون لاالمها وحزنها
    ونتشارك من جديد كل التعليقات المفرحة والمبكية....
    احبتي ها انا من جديد اكتب لكم ومن اجلكم انتم....اختكم ملح الحياة..............


    (ابيك وارفض الواقع)

    (عائلة بو محمد مكونة من ام محمد ,محمد,هنادي,هيفاء,مشاري,هبة ,هند)
    عائلة بو خالد مكونة من (ام خالد,خالد,عمر,احمد,مها,مرام,جود)
    وسيتم التعريف بالشخصيات حسب ظهور كل شخصية ..وهناك شخصيات ستضهر لاحقا
    وسيجري التعريف بها....
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
    البارت الاول......
    ابو محمد/السلام عليكم...
    ام محمد/هند/وعليكم السلام والرحمة,,,
    ابو محمد/متجمعين عند النبي..
    ام محمد/اللهم صلي وسلم عليك يانبي..ان شاءالله الله يسمع منك.....انحط لك لقمة...
    ابو محمد/ياليت والله...
    هند/يبى ابي فلوس....
    ابو محمد/وخير ان شاءالله...
    هند/ابي اخذ اغراض للمدرسة...
    ابو محمد/وش اغراضه ذي اللي ماتنتهي ابدا!!!
    ام محمد/طلبات المدارس ها الايام غير شكل ..الله يرحم ايام هنادي وهيفاء ماكانوا يطلبون
    مثلكم....
    هند/يعني شلون اللحين بتعطيني ولا شلون؟
    ابو محمد/وكم تبين؟
    هند/ميتين ريال,,,
    ابو محمد/وش بتشترين فيهم...
    هند/ابلة التفصيل عاطيتنه قائمة نشتريها...
    ابو محمد/والله ابتلشت فيكم انا انتي تفصيل واختك فنية وانا اللي رايح فيها...
    هند/يبى مو بس انت اللي رايح فيها كل الاهل اللي عندهم بنات يدرسون فنية لو تفصيل
    رايحين فيها (ههههه بصراحة المعلومة ذي من اختي )
    ابو محمد/هيفاء ماردت من المستشفى...
    هند/بلى جت قبل شوي وحطت راسها على المخدة ونامت..
    ابو محمد/وعبدالله معها؟
    هند/لا..مع مشاري بغرفته...
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,خالد/خلاص اليوم ان شاءالله
    بسلمهم المفاتيح
    ام خالد/ومتى بتجي الشرقية؟
    خالد/بس اصفي باقي اموري هنا...
    ام خالد/وعادل خلص لك الشركة اللي هنا...
    خالد/أي ضبط كل شي..واول ماارجع باخذ لي راحة اسبوع وبعدين بفتح الشركة...
    ام خالد/الله يوفقك ان شاءالله.....خالد يمه...
    خالد/نعم يمه...
    ام خالد/ماودك تشوف عبدالله...؟
    خالد بضيق/يمه خلاص...ليش تذكريني فيه؟
    ام خالد/يايمه لازم تذكرهماتنساه هذا ولدك!!!!انت عارف كم صار عمره اللحين؟
    خالد/لامو عارف ولا ابي اعرف بعد!!!!
    ام خالد تجاهلت كلامه/صار عمره سنتين ياخالد صار يتكلم ويقول بابا وكل ماقال ها الكلمة
    قطع قلبي...
    خالد بعصبية/يمه....
    ام خالد/انا بدز لك صورته اللحين وياليت تتاملها عدل مو تطنشها مثل كل مرة!!!!!!!!!!!!!
    خالد بنفاذ صبر/طيب...
    ام خالد/يالله يايمه بخليك ربي يحفظك....
    سكر خالد من امه وهو في قمة عصبيته من ها الموضوع اللي معذبه حيييل كل ماانفتح وكل
    ماجابت امه طاريه وهو يحاول يتجاهله من ثلاث سنين مضت من حياته.....وصلت
    الصورة وماكلف على خاطره يفتحها اصلا ولا يمسحها....تركها مثل ماهي.....
    ماباقي وقت ياخالد قربت رجعتك للشرقية وبتكون قريب منهم ثنينهم.....كيف بتكون حياتك
    ياترى في الايام الجاية ياخالد!!!!!!!
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
    بعد صلاة المغرب..كانوا بيت بو محمد متجمعين بعد الصلاة وقاعدين بالصالة قبال
    التلفزيون ....(ام محمد ,مشاري,هند,هبة)
    ابو محمد/رحتي للمكتبة اخذتي الاغراض اللي تبينهم...
    هند/أي يبى....
    مشاري/مرة ثانية انا مو رايح مع احد صراحة ..يزهقون ها البنات...وكل شوي تتصل
    على صاحبتها اخذ أي لون الاسود لو البني!!!!صحيح غبية..
    ابو محمد/بعد..بعد...
    مشاري بعصبية/انا اتفشل اطلع معهم صراحة!!!
    هند/والله لو محمد رجع من بدري من شغله خليته يوصلني بس شسوي حظي.....رماني
    لعندك!!!
    ابو محمد/وينها هيفاء ماهي قاعدة معكم...
    ام محمد/بغرفتها..قومي هبة نادي اختك...
    هبة/انشاءالله....
    وقامت تناديها وظلوا يسولفون وبعد دقايق رجعت ووقفت عند الباب...
    ابو محمد/خير ..وينها اختك...
    هبة ماتحركت وظلت واقفة مكانها...
    وفهموا كلهم شتعني ها الحركة ..
    ابو محمد بنرفزة/استغفر الله العلي العظيم....
    وقام من مكانه وقامت وراه ام محمد.......
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,
    هنادي/بترجع تتعشى ولالا؟
    محمد/لا
    هنادي/طيب سلم على سارة قبل لاتطلع لانها البارحة ساْلت عنك
    محمد/طيب أي اوامر ثانية!!!
    هنادي سكتت....
    هي عارفة ان طبعه ها الايام صاير عصبي
    هنادي نزلت راسها بالارض وقالت باسى/سلامتك.......
    محمد/طلع بدون مايرد عليها..وظلت تفكر في محمد وكيف تغير في ها السنتين اللي
    فاتوا....صحيح هم ماتزوجوا عن حب بس كانت علاقتهم مع بعض حلوة ومايعكرها شي
    وجابوا سارة اللي صار عمرها اللحين ست سنين وملت جوهم روح جديدة....وبعدها ظلت
    تحاول تحمل من جديد وماصار لها نصيب وصاروا اهل زوجها يلحون عليها وهي مافي
    يدها شي تسويه لين صاروا يحنون على محمد انه يتزوج عليها علشان يجيب له ولد يشيل
    اسمه وان هنادي صارت ماتنفع لشي!!!!
    خلونا نتكلم عن هنادي اكبر فرد في عيلة بو محمد....
    **هنادي....عمرها سبع وعشرين سنة طويلة ومملوحة طيبة لاابعد حدودماعمرها ردت احد
    يبي منها خدمة تزوجت بنت عشرين سنة وجابت سارة وبس وها الشي اللي مضايق اهل
    زوجها منها ويبونه يتزوج عليها رغم انه كان يحبها ومابينهم شي منكد عيشتهم غير ها
    الموضوع اللي خلا محمد عصبي ومنرفزومايتكالم ابدا....
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,

    تشيل هم كل اللي حوالينها وماتتردد ابدا في انها تمد المساعدة لااحد منهم ابدا بالمختصر
    حنانها وطيبتها هم اللي ميزوها عن غيرها....
    *************في بيت بو خالد...
    مها/يمه شرايك نكبر صورة عبدالله ونحطها بغرفة خالد علشان اذا جا يشوفها...
    ام خالد/..............
    عمر/انا اقول كلي تبن احسن لك..
    مها/انت من قال لك تكلم اصلا...انا قاعدة اكلم امي....
    ام خالد/لاتوجعوني راسي الله يخليكم....
    مها/وانا شقلت عاد!!!!
    عمر/انتي ماقلتي شي انتي كلامك كله على بعضه مغثة ياحظي؟؟؟
    مها/مو رادة عليك....
    ام خالد/عمر يمه قوم شوف من عند الباب..
    مها/لا انا بطلع هاذي اكيد ريم جايبة لي المذكرة حق الامتحان..
    عمر/صحيح فالحة,,,,بكرة الامتحان وتوك بتاخذين المذكرة علشان تذاكرين!!!!!
    مها/قلت لك ماعندي وقت ارد عليك بفتح لها الباب وبعدين بتفاهم معك....واصفي حسابي...
    عمر/الحمد لله والشكر....
    وراحت طيران تفتح الباب...
    مها بدون تفاهم,,,,,ليش تاْخرتي بالله!!!وبعدين ليش مادقيتي وقلتي انك جاية!!!!!!!
    وجمدت مكانها مرة وحدة وحست بالخوف!!!!!!!!!!!!!!
    ********************************************في غرفة هيفاء....
    كانت قاعدة وعلى فراشها ومتكورة على حالها وشعرها كله طايح على وجهها وخافي
    ملامحها ومافي غير صوت شهقاتها اللي تطلع بين دقيقة والثانية.....
    ام محمد كانت قاعدة جنبها وحاطة يدها على شعرها بحنان/هيفاء يمه شفيك؟
    هيفاء من بين دموعها/ماني رايحة بكرة المستشفى.....
    ام محمد وابو محمد ناظروا في بعض....
    ام محمد/ليش؟؟؟
    هيفاء/لاني مطلقة والمطلقة عار حتى على نفسها!!!!!
    ابو محمد تنهد تنهيدة حارة وجلس جنبها...
    ابو محمد/شفيك يبى شلي صار؟
    هيفاء/وحدة من اللي توهم متوظفين عندنا يوم درت اني مطلقة سوتني قصة بالمستشفى
    كله....
    ابو محمد/وانتي مستحية من نفسك ياهيفاء؟
    هيفاء/يبى انا تعبانة...
    ابو محمد/متى راح تنسين ها الموضوع يابنيتي بس!!!!!

    مها بصدمة/محمد!!!!!!!!!!!!!!
    كان محمد ولد خالها واقف وهو شبه متسند على العمود اللي عند الباب وماسك بيده عبدالله
    ولد هيفاء...
    واول ماشافها لف للجهة الثانية علشان لايشوفها وهي كذا بدون عباية حرام عليه..هي
    صحيح ماكانت فالة لبسها يعني بنطلون جينز وتي شرت ابيض بس هو من الاساس ماكان
    له خلق يجي ها البيت بس علشان عمته..
    محمد وهو لاف للجهة الثانية/عمتي كانت تبي تشوف عبدالله ..وانا جبته لها تشوفه...
    مها دخلت ورى الباب شوي بعد ماحست انها هي اللي قاعدة تاْكل محمد بعيونها وهو صاد
    عنها/تعال عبادي........
    عبدالله دخل عند عمته وهو متردد
    مها/يالله تعال مو سالفة كل اسبوع تسوي روحك مستحي وبعدين تفلها!!!!!تفضل محمد...
    محمد مشى/اذا بغى يرد البيت قولي لعمتي تدق علي.....مع السلامة......
    سكرت الباب وهي واقفة تناظر بسرابه اللي مشى........((محمد))يازين اسمك ويازين
    طاريه....بس لو خالد وهيفاء بعدهم مع بعض وماتطلقوا كان انا وانت وين اللحين...بس
    النصيب ياولد خالي النصيب.....
    وانتبهت على عبدالله اللي كان يبي يدخل وهو يجرها من يدها.......
    (ام خالد تصير اخت ابو محمد وهيفاء بنتها كانت متزوجة خالد بس تطلقوا من بعض )
    *********************************وقفوا هبة وهند وحتى مشاري ورى باب غرفة
    هيفاء يسمعون كلام ابوها معها...
    هيفاء من تطلقت للحين صار لها سنتين وهي مابين فترة وفترة ترجع لها نفس الحالة من
    البكي والصراخ وكانها توها متطلقة اليوم...
    ابو محمد/لين متى يابنتي بتظلين تبكين على طلاقك؟؟
    هيفاء/يبى...
    ابو محمد/قولي ياخليفة ابوي انا اسمعك...
    هيفاء/يبى انت تشك فيني!!!
    ابو محمد/استغفر الله يابنتي انا اشك فيك وانتي بنتي اقرب الناس لي و انتي من لحمي
    ودمي وتربيتي...
    هيفاء/اجل شلون تفسر طلاق خالد لي!!!!
    ابو محمد/يبى انا المفروض اسالك مو انتي؟؟
    هيفاء/يعني يبى انت تشك ان انا السبب...وانفجرت تبكي من جديد......
    ابو محمد/ياهيفاء يابنتي مو بشرط تكونين انتي السبب ويمكن تكونين بس من غير
    قصد..مو عيب ان الواحد يغلط لكن العيب ان الواحد مايعرف غلطه..يمكن قلتي شي وانتي
    ماانتبهتي,,,زعلتي,,غفلتي عن شي!!!
    هيفاء/وليش يايبى مايكون هو فكر في شي..ولا دخل شي بخاطره وتورط فيه...
    ابو محمد/حتى لو فرضنا صحة هذا الكلام شلون ماحسيتي بللي يدور حواليه ..شفيه يفكر
    شفيه متغير...!!
    هيفاء/والله العظيم يايبى ماصار شي..ماصار أي شي....(كانت تتكلم من بين دموعها)) كل
    شي عادي طبيعي ومافي شي بروحك شفت اخر مرة نزلنا من الرياض وتغذينا معكم وقعد
    يضحك معنا طبيعي ومافيه أي شي.....والله العظيم يايبى ماسويت شي....
    ام محمد/مصدقينك يايمه مصدقينك...لاتقعدين تسوين بعمرك كذا ياعمري...واخذتها
    بحضنها...
    هيفاء/يبى على بالك انا ماافكر!!!!انا راسي راح ينفجر من كثر ماافكر!!!!افكر في موقف
    زعلته فيه مالقيت!!!في موقف جرحته فيه مالقيت!!!!اتعامل معه مثل الخدامة!!! وهو يذل
    فيني طول الوقت بدون أي سبب؟؟؟؟
    ابو محمد/انا ماالومك يابنيتي.ولااقول انك مخبية علي شي,,,.وخالد ولد عمتك وطول عمره
    متربي بحضني وماعمره قصر معنا وماشفنا منه الاكل الخير.....ومااقول الا ابليس لعب
    لعبته...حسبي الله ونعم الوكيل.....حسبي الله ونعم الوكيل.......
    هيفاء وهي ميتة بكي في حضن امها/والله العظيم يايمه ماسويت شي.......
    وبره الغرفة كانوا عند وهبة ومشاري يناظرون في بعض وهم لاحول ولاقوة لهم,,,,
    خلونا نتكلم عن عيلة بو محمد..ابو محمد اخو ام خالد وهم الوحيدين بس ماعندهم خوات
    ولااخوان وامهم عايشة في بيت ابو محمد وعلاقتهم حلوة مع بعض وتزوجت هنادي بنت
    ابو محمد الكبيرة واللي كانت اكبر من خالد وساعتها ام خالد خطبت هيفاء لخالد رغم رفض
    خالد القاطع لها وكان عمرها ثماني عشر سنة وتزوجوا بعد شهرين وراحت معه الرياض
    لانه كان بعده يدرس وبعد سبعة شهور تطلقوا لان خالد كان رافضنها وكارهها ورجعت
    وهي حامل وولدت وكملت دراستها واخذت دبلوم تمريض ومن يومها العلاقة بين العيلتين
    شبه منقطعة رغم ان مها وهيفاء مازالت علاقتهم حلوة رغم اللي صار,,,,)

    عادل/شكلك مو على بعضك ابدا؟
    خالد/مدري شقولك ياعادل بس احس ان جيتي ماراح تعدي على خير ابدا...
    عادل/ليش عاد ها التشاؤم؟
    خالد/..........هي وولدها...
    عادل/قبل لايكون ولدها هذا ولدك ياخالد ولاتنسى ها الشي....وبعدين هي ماقالت لك تعال
    ردني لك مرة ثانية!!!!!
    خالد/مدري بس انا حاس ان السالفة ماراح تكون مريحة ابدا ياعادل.....
    عادل/انت شلي متضايق منه؟
    خالد/المسؤلية يا عادل ....انا ماابي ارد واخذه عندي....خله عند امه....انا بفتح الشركة
    وبتزوج وبعيش حياتي.......
    عادل/ومن قال لك انها راح تتخلى عنه ياخالد....كم واحد تقدم لها ورفضت تتزوج
    وتتركه....لاتخاف من ها الناحية...
    خالد/ان شاءالله....
    عادل/بغيت شي يابو عبدالله قبل لااسكر...
    خالد/وليش عاد ها النرفزة هاذي كلها!!!!تعرفني مااحب احد يناديني بابو عبدالله؟؟
    عادل/ههههه طيب..ياخالد..زين كذا...
    خالد بضيق/أي زين....سلامتك ماابي شي؟

    هبة/وهاذي كل الاخبار...
    هنادي/وشلونها اللحين؟
    هبة/نامت...
    هنادي/طيب وين امي؟
    هبة/امي توها رايحة تشوف ابوي في داره...
    هنادي/طيب وهند وينها؟
    هبة/مدري عنها....وين سارة؟
    هنادي/تحت مع عمتها......
    هبة/متى بتنقلينها معي في نفس المدرسة؟
    هنادي/مدرستكم ماهي زينة..انظمتها مو حلوة...خليها هنا اريح لي...
    هبة/اووووووف ...
    هنادي/عبود ماله صوت وينه فيه؟
    هبة/محمد وصله عند عمتي......
    هنادي/ومارده للحين؟
    هبة/لا..
    هنادي/وامه ماسالت عنه؟
    هبة/اصلا!!!!
    ******************************************على كورنيش الدمام.....
    ثامر/مو كاْنك سرحان يامحمد؟
    محمد/.................
    ثامر/شفيك...؟
    محمد كان مستعرض شكل مها وهي واقفة عند الباب .......
    ثامر/بيعني في السوق يبى!!!!!
    محمد تنهد/شفتها اليوم؟
    ثامر باهتمام/وين؟
    محمد/في بيتهم يعني وين بشوفها؟
    ثامر/وتكلمتوا؟
    محمد/لا مجرد سلام عادي.....
    ثامر/علشان كذا انت متضايق.......
    محمد/كانت بتكون لي ياثامر بتكون لي !!!بس لو ما خالد طلق اختي......
    ثامر/خلينا نتكلم بواقعية اذا خالد طلق اختك معناته انت ماتتزوج اخته؟
    محمد تنهد/مو هين علي عذاب اختي ياثامر صدقني..وبعدين انا اعرفها هي من النوع
    المسالم يعني هو طلقها بس لانه مايبيها لا هو ولاابوه يعني بالمختصر بدون سبب
    معقول!!!!تبيبني اروح اتزوج اخته!!!!!صدقني لو اني نذل مثله كان اتزوج اخته واطلقها
    ليلة ثانية علشان ارد نذالته بس انا مو مثله ياثامر ولا راح اكون!!!!!
    ثامر/مدري شقولك يامحمد......طيب وكيف علاقتك باختك اللحين؟
    محمد/للحين لاجديد..صار لها فترة تحاول تكلمني طبيعي بس انا اللي قاعد اتجنبها...
    ثامر/تبي الصدق الصدق مالك حق ابدا...!!!!واذا صارت اختك ممرضة بالله وشفيها
    ذي؟؟؟
    محمد بعصبية/فيها ان كل الرجال اللي بالشرقية شافتها!!!!!!!
    ********************************* بعد مامثلت دورها تماما وهي نايمة قدام امها
    ومسحت امها على راسها وطلعت من غرفتها فتحت عيونها وهي بعدها غرقانة بباقي
    دموعها......
    اه منك ياخالد...اه منك ومن اللي سويتها فيني...ماعشت معك لحظة وحدة حلوة ابدا طول
    السبع شهور اللي كنا متزوجينها...انا عارفة انك ماتبيني لاانت ولاابوك.....بس شسوي
    نصيبي وقسمتي.....لكن لا يابو ولدي...ولدي اللي مو قادرة احس معه بمشاعر الامومة
    والسبب انه نسخة مطابقة منك....ماراح اضعف راح اكون اقوى من كل الناس....مايهمني
    اني مطلقة وسط مجتمع مايرحم....راح اثبت لك وللكل اني مو مهتمة بطلاقي وبتغير,,أي
    ياخالد بتغير وها المرة انا عند كلمتي......
    ****(هيفاء....بنت متوسطة الجمال...شعرها بني غامق وعيونها بعد بنفس اللون...بس
    مرسومة رسم ومكحلة رباني...ورموشها رهيبة ..بشرتها وسط لاهي سمرة ولاهي
    بيضة....تقاسيمها ناعمة وهادئة جدا تنم عن شخصية حساسة ومرهفة...تزوجت خالد ولد
    عمتها وهي بثالث ثانوي وتطلقت منه بعد سبعة شهور..ورجعت وهي حامل لبيت
    اهلها,,,بعد ولادتها اخذت دبلوم تمريض....وتخرجت اللحين وتوظفت في مستشفى
    خاص...علاقتها بولدها عادية جدا ساعات تحس ناحيته بالحب والشفقة وساعات تكره جدا
    كل مارجعت لها ذكرى خالد لو طاريه....علاقتها بمها بنت عمتها لازالت مستمرة وقوية
    رغم اللي صار..لها بنت خالة هي اعز صديقاتها واسمها فاتن(بعدين بيجي طاري مفصل
    عنها)وصديقة ثانية من دراستها في الدبلوم اسمها العنود.....وطبعا اختها الكبيرة هنادي اللي
    كانت تعتبرها الصدر الحنون بالنسبة لها,,,,,
    من بعد طلاقها قطعت علاقتها بعمتها وباقي عيال عمتها عدى مها اللي كانت بعلاقة بمحمد
    اخوها اللي علاقتها معه صارت سيئة ومايتكلمون واجد لانها توظفت ممرضة وهو معارض
    الفكرة)

    ابو خالد كان يناظر بعبد الله اللي يلعب مع جود بنته الصغيرة وهو سرحان....
    كان ولازال معترض على زواج خالد من بنت خاله هيفاء ويبيها لبنت عمه لان بنت العم
    لولد العم اولى من بنت الخال!!!!!
    فرح حييل يوم خالد طلقها بس يوم عرف عن حمل هيفاء سكت مرة وحدة بدون أي تعليق
    لين طلع عبدالله للدنيا وزاد كره لهيفاء انها سمته عبدالله على اسم ابوها وماسمته
    عبدالرحمان على اسمه!!!!!!
    واللي كان يحز بخاطره انه حاس ان في تفاهم بين مها ومحمد اللي كان يعتبره رجال بمعنى
    الكلمة بس بعد اللي صار خابت اماله لان محمد مستحيل ياخذ بنته وهو مطلقين
    اخته!!!!وهو يزوجها ولد عمها بس هي رفضت وماحب انه يجبرها لاترجع مطلقة لبيته
    مرة ثانية مثل هيفاء.....
    احمد/يبى..شفيك؟
    ابو خالد انتبه/ها..ولاشي...
    احمد/شلون مافيك شي..صار لي ساعة اكلمك...
    ابو خالد/شفت عبدالله يااحمد...شفت شقد انه صورة طبق الاصل عن اخوك خالد!!!
    احمد/وين الغريبة يبى ماخالد ابوه اكيد بيصير شبهه!!
    ابو خالد/عبدالله لازم يعيش عند ابوه يااحمد مايصير يظل عند امه؟
    احمد/لاتتسرع يبى اول خلي خالد يقرر بكيفه....
    ابو خالد/بس يااحمد..
    احمد/يبى...خلي خالد هو اللي يقرر..كفاية غلطات صارت بالماضي مانبي نخسر بعد اكثر
    من اللي احنا خسرناه!!!
    كان احمد يتكلم بثقة كبيرة ها المرة وبلهجة مرة...صحيح انه بالجامعة وباقي له سنة على
    مايتخرج وبعدها يتوظف بس كان يفكر بهند بنت خاله اللي مستحيل تصير من
    نصيبه.....بعد ماتطلقت اختها من اخوه!!!!!(كل شي بيد الزمن يااحمد)
    **********************************مها من شافت محمد وهي الدنيا قدامها سودة وقاتمة
    ومالها أي طعم...
    شافته ..اي شافته...شافت طوله وهيبته وشخصيته...شافت وسامته وزينه.....شافت نظرة
    الصد بعيونه عنها!!!!وهذا اللي عذبها...يالله شقد ايام حلوة مشت عشتها معك
    يامحمد..صحيح ماكانوا مصارحين بعض بحبهم لبعض بس تفاهمهم مع بعض كان اكبر
    دليل على تعلقهم مع بعض.....
    كانوا دايم متجمعين مع بعض ومايمر اسبوع بدون مايلتقون في بيت بو محمد بحكم انهم
    يزورون جدتهم اللي كانت ساكنة في بيت ابو محمد....
    وكانت تشوفه وتشوف اللهفة في عيونه....
    صحيح محمد ثقيل ومايصرح بمشاعره بسهولة...بس اللي يحب يحس بنظرات العيون
    بسرعة وهي كانت تقراهم بعيون محمد....
    وصارت تتذكر لحظاتها الحلوة معه والمقالب اللي كانوا يسونها في بعض هي وهيفاء
    ومحمد,,,
    الله يازين ذيك الايام...ياليتها بس لو ترجع مرة وحدة!!!!
    وتذكرت اخر عيد مر بيهم مع بعض قبل ثلاث سنين يعني قبل لايتزوجون هيفاء وخالد
    كانوا كلهم قاعدين ومتجمعين في بيت خالها بو محمد ومافي غيرها هي وهيفاء قاعدين
    ينصبون على البزارين اللي اصغر منهم ويصادروا عيديتهم بحجة وبدون حجة وجمعوا لهم
    مبلغ زين وجا محمد لهم واتفق معهم اتفاق انهم يبقون في القبو خمس دقايق بدون مايتكلمون
    ولا كلمة والنور مطفى واذا قدروا يصمدوا بيعطيهم فوق عيديتهم مرتين اما اذا ماقدروا
    يصمدوا وطلعوا صوت واحد فان بيصادر عيديتهم والعيدية اللي صادروها من البزارين ..
    ودخلوا هي وهيفاء القبو بكل ثقة وماتمت نص دقيقة الا وصراخهم واصل اخر الشارع....
    طبعا لان محمد كان مجهز كل شي من قبل وحاط لهم قطوتين بالقبو وعصافيروحمام
    ومسوي فيهم انواع الاستهبال بما ان المكان مظلم وانهم ماراح يشوفون شي!!!
    وياقوي جاك من اقوى منك صادروا عيدية غيرهم وهم اللي تصادرت عيديتهم,,,اه منك
    يامحمد ياالنصاب!!!!!!
    مادرت لحظتها تبكي لو تضحك على ها الذكريات الحلوة اللي كانت بينهم.....***(مها كانت
    نعومة وهادئة جدا في اللحظات والاشخاص اللي هي تختار تكون معهم كذا اما اذا اللي
    قدامها ماعجبها ومادخل مزاجها فتلاقيها بسرعة البرق تحولت لاانسانة مفترسة وشرانية
    بعد!!!كانت تجمعها بمحمد علاقة بريئة وهادئة وصريحة مثل الشمس وتنم عن مشاعرهم
    المرهفة رغم انهم ولامرة صرحوا لبعض بشي بس الحبيب والحبيبية فاهمين بعض بدون
    أي تصريح)



    البارت الثاني,,,,,
    ////////////////////////////////////////
    اليوم الثاني على الفطور....
    هيفاء/صباح الخير يااحلى ناس بالعالم,,,,
    هند وهبة ومشاري ناظروا بعض وهم مستغربين من حالها اللي متقلب,,,,,
    ابو محمد/هلا يبى صباح النور...
    هيفاء/تصدقون واحشيني مووت ,,,,
    هبة تكلم مشاري/قربت تجن وهي مو حاسة على عمرها!!!!
    جت شنطة هيفاء فوق راسها..
    هيفاء/سمعتك ترى!!!وبعدين ماحد مجنون غيرك انا اعقل البنات ولا شرايك يابو محمد؟
    ابو محمد يجاريها وهو منكسر خاطره بس ماحب يبين لها/اكيد واحد يقدر يشك عاد...
    هند ومشاري قاموا يخزون في بعض...
    هيفاء قعدت قبالهم وقالت لهم بكل صراحة/يمكن كنتوا تشوفوني بشكل ..بس اوعدكم اني
    راح اتغير وكلكم ماراح تعرفوني اذا تغيرت...
    مشاري/وليش تتغيرين اصلا وعلشان منو؟
    هيفاء/علشان لازم اتغير....
    ابو محمد/كملي فطورك يبى علشان اوصلك بطريقي ماعليك منهم....
    هند/شدعوة ياحافظ ماقلنا شي!!!
    هيفاء/لا صدق..انا ناوية اتغير ...يبى صدقني انت واخواني ..ابي اكون انسانة ثانية..راح
    انسى الماضي ومااتحسس منه ابدا..انا ماسويت شي علشان امووت نفسي ..ابيكم توعدوني
    انكم توقفوني جنبي وتساعدوني علشان اصير انسانة جديدة....

    في شركة الاتصالات السعودية...
    وليد/سلام...
    محمد رفع راسه وابتسم/هلاوالله..
    وليد/كيف الحال يابو عبدالله...
    محمد/ماشي حالنا انت كيفك وشخبار الاهل...
    وليد/كلنا بخير نسال عنك.....
    محمد/الله يخليك...
    وليد/الا شخبار خالد ولد عمتك اسمع بيفتح شركته هني بالشرقية مو بالرياض مثل ماكان
    مخطط...
    محمد/أي بيفتحها هني..
    وليد/معناته بتشتغل معه...
    محمد بعصبية/وليش بالله؟
    وليد/وش لك بوجع الراس في الاتصالات خلك مع ولد عمتك وبيحطك المدير العام
    للشركة.!!
    محمد/انا شغلي عاجبني وشركته مالي تخصص فيها .....
    ****************************************في مستشفى المواساة,,,,
    العنود/اليوم النفسية غير عن امس انشاءالله دوم...
    هيفاء/انا خلاص قررت اتغير...
    العنود/مو جديد انتي كل يوم تقولين انك راح تتغيرين!!!
    هيفاء/الله ياخذك انتي كله محبطتني ...
    العنود/خلاص ولايهمك..انشاءالله المرة ذي جد مو مثل كل مرة..
    هيفاء/لازم ها المرة تكون جد يالعنود..ابي انتبه لنفسي ولولدي اللي قاعد يكبر وماني حاسة
    فيه....عبدالله من محفظتها وقامت تناظرها...
    عبدالله شبه خالد في كل شي في الشعر ولون العيون وحتى تقاسيم الوجه....
    دخلتها وهي تتنهد .....بعد مانادتها العنود ان وقت البريك انتهى,,,

    مها/اوووف ياربي ملل...
    ام خالد/وش اللي ملل بعد...
    مها/ابي اشتغل يمه..
    ام خالد/ابوك مو راضي ولااخوك خالد...
    مها/يمه مايصير ليش انا دارسة بالله ومتخرجة علشان تقولون لي ابوك مو راضي واخوك
    مو موافق؟؟؟
    ام خالد/والله عاد هذا اللي صار شسويلك يعني!!!
    مها/يمه حرام انا خلصت من الجامعة وقلت يالله خير ..من الملل قاعدة اخذ لي دورات
    كمبيوتر ولغة علشان اضيع وقتي!!!!
    ام خالد/مها يمه لاتوجعين راسي ابوك واخوك قالوا مافي شغل يعني مافي شغل...
    مها/شها الدكتاتورية !!!!
    ام خالد/.........
    مها/طيب كاهم بنات عمي ثنتين منهم تخرجوا وتوظفوا شفيها بالله!!!ليش ابوي مايخليني
    اشتغل حالي من حالهم؟؟
    ام خالد/مها..اذا خالد رجع الاسبوع الجاي وعرف ان هيفاء اشتغلت شبيسوي!!!
    مها بعصبية/هو ماله شغل فيها !!!مو طلقها بعد له عين يتدخل بحياتها؟؟؟؟عندها ابو واخو
    يردونها عن الشغل اذا حبوا....
    ام خالد بتنهيدة/عيني على ها الابو والاخو اللي عندها..ابوها مكسور خاطره عليها من
    تطلقت وماحب يرد لها طلب ومحمد..خبرك عارفة من اشتغلت ممرضة مايكلمها كاْنها
    مسوية جريمة...
    مها/مو زين عليه...يعني هي شبتسوي اذا صارت ممرضة!!!!انا استغرب من تفكير محمد
    وهو العاقل الفاهم!!!!
    ************************************في شقة هنادي,,,,
    هنادي/خلصتي واجباتك خلاص ماباقي شي؟
    سارة/أي ماما كتبتهم كلهم....
    هنادي/يالله قومي تفرجي على التلفزيون...
    سارة/ماما باقي كم يوم يجي علشان نروح بيت جدي؟
    هنادي/ماباقي واجد ليلة بكرة احنا هناك..
    سارة باعتراض/وليش يعني ليلة بكرة!!ليش ماراح نروح من العصر مثل كل اسبوع؟؟
    هنادي/علشان انتي تبين تسهرين معهم وبخليك تنامين العصر شوي وبعدين نروح المغرب
    لهم..
    سارة/لالالا..ماابي انام..خليني اغيب بكرة احسن..علشان اروح لهم....
    محمد/السلام عليكم....
    سارة/بابا..
    وراحت طيران لعند ابوها..
    محمد شالها وحملها عنده/هلا وغلا بحبيبية ابوها....شلونك بابا..
    سارة/انتظرك تجي ......شنو جبت لي ؟
    محمد توهق/ماقلتيلي تبين شي؟
    هنادي/نزلها عندك ماهي صغيرة علشان تشيلها فوق كتفك..
    محمد ناظرها بنظرة عصبية خافت منها..
    محمد وبثقة/بنتي وحبيبتي وماعندي غيرها.....
    هنادي كتمت دمعة بعيونها وقامت/بروح احط الاكل....
    سارة/انا اكلت قبلك اول مارجعت من المدرسة ماراح اكل معك طيب..
    محمد/لا مايصير اذا مااكلتي معي مااشتهي اكل...
    سارة/طيب باكل شوي بس..
    محمد/شنو علموك اليوم بالمدرسة؟؟
    سارة/علموني اشياء واجد تعال اقولك عنهم.......
    *************************************في بيت بو خالد.....العصر,,,
    بو خالد/منو مسوي ها الكيكة انتي مها؟
    مها بدون نفس/لا..
    مرام/من صدقك يبى اخيب وحدة في الدنيا بنتك!!!!
    بو خالد/لاتتكلمون عن بنتي وانا موجود ترى ماارضى عليها......
    مها/اذا ماترضى علي خليني اشتغل؟
    بو خالد قلب مرة وحدة/ووجع اللي يوجعك كم مرة قلت لك لاتفتحين ها السيرة !!!!البنت
    مالها الا بيت زوجها ؟
    مها باعتراض/بس يبى..
    بو خالد/تبين تصيرين لي مثل بنت خالك مو؟؟؟؟هذا من كثر قعداتك معها حشت راسك بها
    السوالف...روحة لعند ها الهيفاء ماراح تروحين سامعتني ولالا؟؟؟
    مها نزلت منها دمعتين وقامت بعصبية ورمت وراها المخدة ولفت لعند ابوها وهي
    تصارخ/هيفاء مالها شغل بالسالفة!!!!وبروح لها وماتقدر تمنعني.....
    ومشت لعند الدرج وركبت غرفتها بسرعة...
    وعم الصمت المكان........
    احمد/مرام صبي لي شاي اخضر...
    مرام/طيب....
    احمد/اليوم رحت شفت شركة خالد يبى..
    بو خالد تغير شوي وهدا/ها..كل شي تمام...
    احمد/عال العال..بس ها يبى قوله لاينسى وظيفتي اول مااتخرج...
    ام خالد/الله يوفقك انشاء الله وتتخرج وتصير مثل خالد وتفتح لنفسك شركة...
    احمد/لالالا انا ماابي وجع راس ومسؤلية بيكفيني اشتغل عنده...
    بو خالد/كلمه شوف اذا كان يبي شي قبل لاينزل ماباقي على نزلته غير يومين بس!!!
    عمر/يبى بتسسون لخالد عزيمة لارجع..
    ابو خالد/اكيد مافيها شك ياولدي...
    مرام/يبى نبي نسوي حفلة احنا بعد وطقطقة ورقص ووناسة...
    ابو خالد/سووا اللي تبونه يبى....
    جود/ماراح يرجع الرياض مرة ثانية خلاص؟
    ام خالد/انشاءالله مايرجع خلاص..شركته وبيفتحها هني شيرجعه الرياض بعد؟
    ابو خالد/انا مفكر اسوي عزيمته بالمزرعة انتي شرايك ياام خالد...
    ام خالد/اذا راح تسوي عزيمة الرجاجيل هناك فعزيمة الحريم بنسويها هنا..
    مرام/ليه عاد يمه احنا نبي هناك نغير جو ونستانس...
    ام خالد/لا ماراح ناخذ راحتنا مدخلها واحد وماهي كبيرة حيل علشان تشيلنا حريم
    ورجاجيل....
    ابو خالد/اخذ لكم شاليه ولايهمكم...
    جود/يحيا ابوي...
    عمر/بالله شو؟؟هم شاليه واحنا مزرعتنا المخرفة مايصير!!!!
    احمد/يبى....
    ابو خالد/نعم يبى..
    احمد بتردد/بتعزم خالي على العزيمة؟؟
    عم الصمت المكان من جديد وتوقعوا الكل انهم يسمعون صراخ ابو خالد من جديد بس
    تفاجاؤا من ام خالد انها ردت قبل ابوهم وهو يناظرها وهو ساكت..
    ام خالد بثقة/طبعا خالك بيكون اول المعازيم!!!!
    (تعالوا نتكلم عن عيلة بوخالد...**بو خالد/شخصية قوية وعصبية وكلمته ماشية على عيلته
    اغلى ماعنده عياله يحبهم مووت ومايرضى بزعلهم من أي كان صحيح يصارخ عليهم
    ويهاوشهم في اغلب الاوقات بس يروح يراضيهم بسرعة..يكره اخو زوجته ابو محمد
    ومايواطنه بدون اسباب ومن ها الكره نشاْ كرها لهيفاء وعدم تقبله اياها....
    ***ام خالد/عمتهم وحبيبتهم..طيوبة وحنونة مع الكل بدون استثناء...تحب عيالها وهم عيال
    اخوها تمنت هيفاء من كل قلبها تكون لخالد بس النصيب حال بينهم..
    خالد/الولد البكر والشاب المدلل بها العيلة..حتى بعد ماتزوج وصار ابو لازالت طلباته اوامر
    عند الكل...رغم بعده عنهم ودراسته بالرياض الا انه يحبهم كلهم وحنون عليهم ومايرضى
    على زعل احد فيهم.. اسمراني جسمه مليان شوي وفيه شوية وسامة بس مو مثل محمد ولد
    خاله...عيونه تذبح وهي احلى مافيه......
    مها/البنت الكبيرة بالعيلة خلصت الجامعة ومو موافقين على انها تشتغل وهاذي عقدتها
    بالحياة..طويلة وفاتنة وملامحها هادئة..صديقاتها فاتن وهيفاء...
    **احمد/في السنة الاخيرة من الجامعة ابيضاني طويل شوي مايل للنحافة حقاني بدرجة
    كبيرة وابو شلل وسهرات مع الاصحاب(سلموا عليه ليلة الخميس وليلة الجمعة)
    ***مرام /بثالث ثانوي تشبه اختها مها باشياء كثيرة في الشكل بس الصفات مايتفقون على
    شي فيها...
    عمر/بثاني متوسط مع مشاري ولد خاله بس علاقتهم مو ذاك الزود لانه متعلق باهل ابوه
    اكثر...شايف حاله زود....
    جود/بخامس ابتدائي مع هبة بنت خالها...
    ****هم ماهم من الطبقة المرفهة ولا المعدمة كانوا معتدلين وامورهم المادية ماشية تمام....)

    في المستشفى.....
    هيفاء/اسمك...
    ....../وليش تسالين بالله؟
    هيفاء/علشان اسجله بملفك...
    ....انتي سعودية سعودية ولانص ونص؟؟
    هيفاء بملل/لو سمحت ممكن الاسم الكريم....
    ......./انتي من الدمام ولا الخبر؟
    هيفاء وصلت عندها/طيب ممكن اخذ الحرارة؟
    ......./لاماابي سعودية عطيني فلبينية تاخذ حرارتي؟؟؟؟؟؟
    هيفاء رمت الملف على الطاولة بقوة اللي خلت المريض يصارخ بوجهها بس مااهتمت له
    وطلعت من الغرفة....
    **************************************في شقة هنادي,,,
    محمد/بابا سارة فتحي الباب....بس اول قولي منو طيب..
    سارة/طيب بابا....
    وراحت ورجعت بعد شوي..
    سارة/منو تتوقعون جاينا؟
    هنادي وحمد كانوا يناظرونها وهي واقفة ورى الباب علشان مايدخل..
    محمد/منو؟
    سارة بفرح/خالي محمد....تفضل خالي..
    دخل محمد وهو يضحك عليها وعطاها الكيس اللي جايبه لها/
    محمد/السلام عليكم..
    هنادي ومحمد/وعليكم السلام...
    محمد/عسى بس ماشربتوا الشاي عني وقمتوا؟
    محمد زوج هنادي/حياك يالنسيب....
    محمد/الله يطول بعمرك.....هنادي شلونك..
    هنادي/انشد عنك ياخوي انت شلونك؟
    محمد/شدعوة ماتشتاقين لنا نشوفك من الاربعاء للاربعاء!!!!
    هنادي/شسوي ياخوي مثلك عارف مدارس ومااقدر اطلع عنها طول الاسبوع.....

    من ركبت غرفتها وهي مقفلة عليها الباب ومافتحته لانها عارفة بيجيها ابوها بعدين
    يراضيها وهي ماتبي تقابله...هي صحيح تحبه وهو يحبها بس كانت تكره خوف ابوها
    الزايد عليهم...طلعتهم بحساب ودخلتهم بحساب كرهت حتى الطلعات من ها السالفة صارت
    تحس انها مسجونة....يالله كلها كم يوم ويجيها حبيب قلبها خلود ويغير لها جو الشرقية كله
    مثل ماوعدها..
    رفعت مخدتها وطلعت الدفتر اللي كان موجود وفتحته....وناظرت بصورة محمد اللي
    داخله...وتنهدت..كانت تشوف حبها لمحمد يضيع يوم ورى الثاني وهي مو قادرة تسوي أي
    شي...شتقدر تسوي اصلا !!!!محمد عيونه من تشوفها تصد عنها حتى السلام يادوبه يرد
    عليها..حتى اذا شافته في بيت خالها مايعطيها وجه مثل العالم والناس..كانت متحملة وشايلة
    كل شي بقلبها لانها عارفة ان محمد دمه حار ويتحسس من كل شي يكفي انه مايكلم هيفاء
    اخته وحبيبة قلبه علشان صارت ممرضة وهذا الشي بالنسبة له عار!!!!
    قطع عليها جوها جوالها اللي دق رفعت وهي تتنهد..
    مها/هلا وغلا..
    فاتن/بس شكلها بدون نفس ولا انا غلطانة؟
    مها/ليه عاد؟
    فاتن/انتي شفيك شكلك مو على بعضك ابدا!!!!
    مها/عادي بس سوء فهم مع العائلة الكريمة..
    فاتن/والاسباب...
    مها/مافي غيرها الوظفية...
    فاتن/ماملتي من ها السالفة يابنت الناس!!
    مها/والله اني مخنوقة يافاتن من قعدة البيت ماغير اخلص من دورة وادخل في الثانية علشان
    اغير جو ....
    فاتن/كلها كم يوم ويجيك معرس وتلهين بحياتك معه وتنسين ابو الوظيفة....
    مها/ها..
    فاتن/علامك ماهو عاجبك كلامي!!!!
    مها/لاولاشي بس..كلها كم يوم ويجي خالد ويستقر هنا .....
    فاتن/هذا اخوك اللي انا اكرها كره الموت؟
    مها/فاتن مهما كان ومهما صار بيظل اخوي وما..
    فاتن/غيري سيرته لاني مااتحملها الله يرحم والديك...
    مها/على امرك ياستي...وشو كمان؟
    فاتن/مدري بس يمكن بكرة امركم هناك...
    مها/لاتقولين..
    فاتن/ليش؟
    مها/مدري بس شكله ابوي ماراح يخليني اروح بيت خالي بكرة..
    فاتن/ليه عاد؟
    مها/مدري بس بحاول اني اجي باي طريقة...
    ***********************************سارة/شفت رسمتي ياخالي...
    محمد/الله تجنن انتي راسمتها؟
    سارة/أي انا..
    محمد/ومحد ساعدك؟
    سارة/لا....
    هنادي/خلاص سارة روحي دخلي شنطتك بغرفتك...
    سارة/خالي عادي افتح الهدية اللي انت جايبها لي اللحين؟
    محمد/اكيد..
    هنادي/بس روحي لعبي فيها بغرفتك....
    سارة/شكرا خالي......
    هنادي/صايرة عنيدة..
    محمد/وش فيك منتي قادرة تتحملينها ياهنادي..مو هذا العشم فيك وانتي اللي تحبين كل
    الناس جت على بنتك!!!
    هنادي/لا مو كذا..
    محمد/هنادي انتي فيك شي منتي طبيعية......
    هنادي/صدقني ياخوي مافي شي..
    محمد/ماراح اصدقك انتي مو اختي اللي اعرفها انتي وحدة ثانية..
    هنادي/صايرة دوم سرحانة وماتتكلمين الا ...
    هنادي/انت شلونك مع اختك؟
    محمد بصرامة/لاتغيرين الموضوع ياهنادي..محمد مزعلك بشي؟
    هنادي/لا..
    محمد بتشكيك/متاْكدة؟
    هنادي/اكيد....
    محمد/طول ماكان قاعد معنا وهو يتكلم كنت اناظر فيك شكلك مو على بعضك ولاتحاولين
    تقنعيني ابدا لاني ماراح اقتنع!!!!
    هنادي/صدقني ماكو شي.....
    محمد/انا اخوك ياهنادي واعتبريني صديقك مثل ماكنتي تعتبريني دايما ولاتحاولين تخبين
    علي.....انا ماحبيت اتكلم معك في البيت اذا جيتي بكرة وقلت هنا بناخذ راحتنا اكثر...
    هنادي/طول عمرك اخوي وحبيبي وبتبقى على طول...عسى ربي يخليك لنا ومايحرمنا
    منك....
    محمد وقف/اذا كانت السالفة خاصة جدا بينك وبين محمد فاانا بعذرك بس اذا حسيتي انك
    تبين تتكلمين وتفضفضين تراني موجود يالغالية....
    هنادي/الله يحفظك ياخوي..عسانا نفرح فيك وبعيالك انشاءالله...
    *****************************************في بيت بو محمد,,,,,
    هند/انا ابي افهم نومة الظهر ممنوعة ليش؟
    مشاري والنوم في عيونه/علشان تنامون بدري..
    هبة/بسم الله الرحمان الرحيم..انت شايف شكلك وانت تتكلم؟؟؟الله يحفظنا بس كل ذا نعس؟
    مشاري/والله ان ماتكلمتي عدل بيجيك ذاك الكف اللي يسنعك زين.....
    عبدالله/ابي العاب....
    هند/انا مو فاضية لك حبيبي قاعدة احضر فيزياء..
    مشاري/وانا نوعا ما مانا متوازن احس نفسي سكران وشوي بطيح من النعس مقدر العب
    معك.....
    هبة/تعال العب معك...
    عبدالله/لا...مللاي...(مشاري)
    هبة/بكيفك قلت لك تعال انت مو راضي...
    عبدالله راح لعند هند/ماما..
    هند/ماما....تاخرت المفروض انها تكون وصلت قبل نص ساعة بس تعال نكلمها...روح
    جيب التلفون ندق عليها.....
    راح عبدالله يجيب لها التلفون..
    ودقت على هيفاء...
    هيفاء/هلا...
    هند/هلا هيوفة شلونك..
    هيفاء/اهلين ..
    هند/بتتاخرين؟
    هيفاء/تبين شي....انا طلعت من المستشفى وبمر اخذ شي وبرد...
    هند/هذا عبدالله يبي يكلمك...
    هيفاء/وينه عطيني ايه....
    عبدالله/ماما....
    هيفاء/حبيبي انت...شنو تبي اجيب لك...
    عبدالله قام يبكي/ماما تعال.....
    هيفاء/خلاص حبيبي انا بالسيارة اللحين جاية زين..
    عبدالله/لالالا اللحين...
    هيفاء/خلاص يالله هذا انا قربت اوصل اطلع عند الباب انتظرني.....
    ***********************************في بيت الفايز (اهل زوج هنادي)
    ام محمد/منو هذا اللي كان جاي عندكم اليوم ؟اخوها محمد!!
    محمد/أي يمه هذا محمد....
    ام ياسر(عمته)/وش عنده جاي؟
    محمد/جاي يشوف اخته وبنت اخته....
    ام محمد/مابيزوجونه...؟؟
    محمد/يمه الله يهداك وانا شيعرفني.....
    ام ياسر/ليش هي ماتسولف لك عن اهلها؟؟
    محمد/بلى بس للحين مافي طاري زواج....
    ام محمد/وانت متى ناوي تتلحلح انشاء الله...
    محمد/.........
    ام ياسر/اخوك سلطان اللي اصغر منك كاهو عنده ثلاثة.....وبدر اللي تزوج بعدك بسنة
    عنده ثنين وكاهي مرته حامل!!!!
    محمد/وانا شسوي يعني...هذا امر الله....
    ام محمد/العيب منها مو منك والشرع محلل لك اربع ياولدي......
    محمد/أي بس انا مستقر معها وهي بنت ناس اجاويد ماشفت منهم الا كل الخير.....
    ام ياسر/ماقلنا لك طلقها وخلها ترجع بيت اهلها مثل اختها بس تزوج وشوف نفسك؟
    محمد/وحتى ماديا انا كل اللي عندي قاعد احطه في بيتنا اللي نبنيه اللحين؟
    ام محمد/انت ماتقول لي تبني البيت لمنو؟؟لها هي وبنتها بس!!!!مايصير يامحمد البيت اذا
    بتبنيه لازم تسكن فيه عيال يصيرون حواليك مو يصير مثل بيت الاشباح ماحد فيه؟؟
    محمد/شلون يعني؟؟؟
    ام ياسر/يعني بيع البيت اللحين وتزوج بفلوسه واذا صاروا عندك عيال ابني لهم بيت
    ثاني...
    محمد بصدمة/ابيع البيت اللي انا وهنادي قاعدين نخطط له من زمان!!!!!!
    ************************************دخلت هيفاء البيت وشافت عبدالله واقف مع هبة
    في الحديقة ينتظرها وهو يبكي....
    ماتدري ليش اليوم حست باحاسيس غريبة تجاه ولدها وحست انها تحبه بجنون رغم انه
    طول الوقت مع ابوها وامها واخوانها..وقفت تتاملها لحظات لين انتبه هو لها وجاها يركض
    قعدت على الارض واخذت بحضنها وهو يبكي...كانت حاسة بدموعها بتنزل معه بس
    امسكت نفسها هي لازم تكون اقوى وماتراوي ولدها دموعها ابدا ومهما كان..
    هيفاء بحنان/وش فيك حبيبي...
    هبة/يبي يلعب مع مشاري واخوك مسطل من النعس مارضى يلعب معه قام يبكي....
    هيفاء مسكت الكيس اللي جايبته لها تراضي فيها/شوف جبت لك جالكسي وسنكرس وكت
    كات وبرنجلز وعلكة اكسترا اللي تحبها ولبن ودانيت ولعبة الطبيب...
    عبدالله من شاف الاشياء راحت دموع التماسيح.....
    عبدالله بفرح/حقي
    هيفاء/كلهم لك وماتعطي احد الا اذا انت راضي عنه..
    هبة/عبود انا وقفت معك ننتظر الماما عطيني الباونتي....
    عبدالله/لا حقي...
    هيفاء/تعال ندخل داخل علشان يشوفنا مشاري وما نعطيه لانه مارضى يلب مع عبود صح؟
    عبدالله/صح....
    هيفاء/يالله...
    عبدالله/ماما احمليني...
    هيفاء كانت تصد بعيونها عنه لاتشوف عيون خالد فيهم وفي نفس الوقت صوته كان يكسر
    خاطرها وهو يطلب منها أي شي....
    هيفاء حملته وهي تبوس فيه...ودخلوا داخل الصالة......
    عبدالله علطول اخذ يستعرض الاشياء اللي عنده وهند ومشاري هجوم عليه....
    هيفاء/مشاريوا يالزفت خلي اغراض ولدي....
    عبدالله بغضب/لاليوه يازفت...
    مشاري صحصح/اللحين كل شي تفهمه وكل شي تنطقه عدل الا اسمي ليش انا ابي افهم؟؟؟
    هند تستعطفه/حبيبي عبدالله انت صديقي صح..عادي اخذ البرنجلز والاكسترا عشان انا
    احبهم..
    عبدالله/أي...
    هبة/وانا باخذ الباونتي طيب..
    عبدالله/أي...
    مشاري/وانا باخذ ومسك الكيس واخذ نص الاغراض اللي فيه اللي خلا عبدالله يصارخ
    بالقوة...مشاري اخذهم وركيض طيران وهيفاء وراه تركض بعد ماشالت عبايتها/تعال هنا
    اقولك تعال..رجع اغراض ولدي لايبكي..مشاريوه حرام عليك......
    ودخل محمد وهي تركض ورى مشاري ورى الكنب.
    محمد/السلام....
    هبة وهند/وعليكم السلام..
    محمد/ها عبدالله وش فيك حبيبي تبكي....
    عبدالله جا لعند خاله وهو يبكي من قلب/لاليوه الزفت ..اغراضي حقي....
    محمد/مايحتاج شوف امك كنها سوبرمان وراه بترجعهم بترجعهم لاتخاف.......
    هند/لايفوتك اليوم الصبح تقول بتتغير ...على مين ياهيفاء كلنا نعرف انك مستحيل
    تتغيرين.....(تعالوا نتكلم عن عيلة بومحمد.....ابو محمد/انسان طيب ومسالم وحنون يحب
    عياله ويكسره تعبهم لو ضيقتهم....وضعه المادي عادي جدا لانه كان يشتغل بالحكومة ومع
    ذلك كل اللي عنده لعياله...
    ام محمد/كانت بنفس الطبايع والصفات اللي في زوجها رغم انها من عيلة غنية وشايفة خير
    بس هذا كله مامنعها انها تعيش عيشة بسيطة مع زوجها...
    محمد/الشاب الوسيم في العيلة وولدهم الاول بعد هنادي درس بمعهد الادارة وتخرج واشتغل
    بالاتصالات السعودية ..كان شكله وسيم لاابعد حد..جسم مفتول وشعر بني ناعم ودايم تلاقيه
    بالثوب والشماغ علشان عمله..بس دمه حار وحساس جدا.....عمره ست وعشرين سنة....
    هند/بثاني ثانوي....سمرة لاهي طويلة ولاهي قصيرة فيها من اختها هنادي اكثر من
    هيفاء....فيها مشاغبة وفيها هدوء بس في الاخير تطلع مسالمة بالنسبة لمشاري...
    مشاري/كبر عمر ولد عمته بثالث متوسط ..مايشبه اخوه محمد ولا في شي حتى اللي
    يشوفهم مايصدق انهم اخوان من ام وابو...مشاري اسمر مايل للسواد من كثر ماالشمس
    ضاربة فيه بس قلبه حليب مووت على هنادي اخته يحب يعاندهم ويجننهم بس في النهاية
    هو اللي يعطي البيت حلاوة وجو...
    هبة/اخر العنقود في البيت بخامس ابتدائي... كانت علاقة هذا البيت حلوة وطيبة والكل قلبه
    يمشي بطريق واحد وعلى نية وحدة ..وماننسى ام عبدالله جدتهم اللي تعيش معهم.....)
    ***********************************طبعا انتهت المعركة بخسارة فادحة لهيفاء اللي
    ماقدرت تنتصر على لاليوه الزفت اللي اخذ الاكل وهرب والنتيجة كانت صوت عبدالله اللي
    زلزل البيت كله وخلا ابو محمد بكبره يروح معه البقالة من جديد.......
    ********************************


    البارت الثالث,,,,
    //////////////////////////////
    ********************************اليوم الثاني....
    في المستشفى....
    في غرفة الاستراحة حقت الممرضات...
    هيفاء/مابغى يجي يوم الاربعاء على سلام...
    لمى(وحدة من الممرضات)/ليش انتي ماتداومي خميس وجمعة ها الاسبوع....
    هيفاء/بلى ..بس ان اليوم اختي تجي لعندنا...
    لمى/هنادي..
    هيفاء/أي...
    لمى/ودي اسالك سؤال بس اخاف تفهميني غلط؟
    هيفاء وقف قلبها من يجيب لها احد طاري الاسئلة تحس انها ناقصة شي وكل الناس تبي
    تستفسر عن طلاقها!!!
    هيفاء/شنو؟
    لمى/انتي كم عمرك اللحين؟
    هيفاء/داخلة على الاربعة وعشرين...
    لمى/العمر كله انشاءالله...يعني توك صغيرة
    هيفاء/........
    لمى/ليه دايم اشوفك متضايقة وزعلانة؟
    هيفاء/لاعادي....
    لمى/بلى من اول ماتوظفتي عندنا وانتي وضعك كذا ولاتقولين لا...
    (لمى ماكانت عارفة عن طلاق هيفاء)
    هيفاء/مو صحيح...
    لمى/انتي تحبين يابنت؟
    هيفاء فتحت عيونها من الدهشة ورددت باستغراب/احب!!!انا احب؟؟؟
    لمى/أي تحبين ولا شنو تفسيرك لزعلك الدايم....
    هيفاء ضحكت/تصدقين اول مرة احد يجيب لي طاري الحب!!!!
    لمى/لاوالله؟
    هيفاء طلعت من جيبها صورة ولدها عبدالله وعطتها للمى...
    لمى/منو هذا؟
    هيفاء بثقة/ولدي عبدالله..
    لمى ناظرتها بدهشة/انتي متزوجة؟؟؟؟

    هنادي/شلونك يمه...
    ام محمد/هلا وغلا يمه انتي شلونك..
    هنادي/الحمد لله.....ابوي شلونه وجدتي شلونها؟
    ام محمد/كلنا بخير يمه انتي شخبارك ..ووينها سارونة....
    هنادي/شافت خالها مشاري واقف عند الباب ووقفت معه....
    ام محمد/أي حضرة جنابه غايب اليوم ماراح المدرسة.....
    هنادي/جدتي وينها؟
    ام محمد/بالمطبخ تعالي نروح هناك علشان نجهز الاكل مرة وحدة...
    ************************************مها/ابوي ماقالك شي البارح؟
    ام خالد/شي مثل شنو؟
    مها/يعني ماقال لك خلي مها اليوم بالبيت لاتخلينها تروح بيت خالها؟
    ام خالد/انا ابي اسالك سؤال مو مية مرة قايل لك لاتجيبين طاري الوظيفة قدامه!!!!ليش كل
    يوم والثاني تسوين لنفسك سالفة معه؟؟؟
    مها/شسوي بعد زلة لسان....
    ام خالد/وكثرانة ها اليومين....
    مها/المهم ماعلينا يعني الليلة بروح معك لبيت خالي ولالا؟
    ام خالد/وليش تسالين؟
    مها/يمه فاتن بتجين هناك واستحي اقول ان ابوي مايبيني اروح بيت خالي....
    ام خالد/مدري روحي كلميه في التلفون وساْليه..
    مها/اوووف ياربي.....
    ام خالد/خالد بيكون الصبح هنا يامها..
    مها وقفت مكانها وهي متحيرة تفرح لردته ولا...؟؟؟؟؟؟

    لمى/انتي متزوجة ياهيفاء؟؟؟معقولة..
    هيفاء وبنفس الثقة/انا منفصلة عن زوجي...
    لمى/متى تزوجتي؟؟؟؟شكلك صغير متى مداك تحملين وتولدين بعد!!!
    هيفاء/تزوجت وانا بثالث ثانوي..وحملت مباشرة....
    لمى/والله انك خطيرة كيف غامرتي وتزوجتي وانتي بعدك تدرسين..
    هيفاء باسى/لانه قريبي...
    لمى احترمت نبرة صوتها الحزينة وسكتت...
    لمى/مشاءالله عليه اسمه عبدالله..
    هيفاء بمرح/أي...
    لمى/كم عمره؟
    هيفاء/باقي له شهرين ونص ويكمل ثلاث سنين.
    لمى/العمر كله انشاءالله....بس كانه مايشبه فيك ولاشي؟
    هيفاء/طالع شبه ابوه...
    لمى/وهو قاعد عندك ولا عند ابوه؟
    هيفاء/لاعندي.....
    لمى/ابوه تزوج؟؟
    ماتدري ليش ها المرة بس حست انها مخنوقة(خالد تزوج؟؟؟معقولة انه تزوج)وش اللي مو
    معقول ياهيفاء اكيد انه بيتزوج وبيشوف حياته ؟؟؟؟؟
    ***********************************هنادي/جدتي شلونك..
    ام عبدالله/اسال عنكم ياحافظ من تطلعين ليلة الخميس ماتمرين ابد؟؟؟
    هنادي/ماعليه جدتي الظروف...تدرين محمد مايرجع من الدوام الا هلكان وماودي اتعبه
    اكثر..
    ام محمد/وشخبار البيت؟
    هنادي/يبيلكم زيارة له علشان تشوفونه...
    ام محمد/بديتوا تصبغون ولا لسه؟
    هنادي/أي خلصنا الطابق الارضي كله باقي فوق..
    سارة/جدتي شلونك
    ام محمد اخذتها بحضنها/هلا وللله بها القمر انتي شلونك يمه...
    سارة/انا طيبة واروح المدرسة كل يوم واتعلم,,
    ام عبدالله/وانا مابتسلمين علي يابنت الفايز؟؟
    سارة راحت لها علطول(ولا تراها ماراح تسلم من لسانها)
    ام عبدالله/باجي اسكن عندكم لين خلص بيتكم؟
    سارة/كلكم تعالوا عندنا بيتنا كبير صح ماما؟
    هنادي ابتسمت....
    ام محمد/يعني سويتي غرفة لنا انا وجدك.
    سارة/أي ...
    هنادي/شنسوي حق العشى يمه؟
    ام محمد/مدري وش مشتهين؟
    ام عبدالله/خلونا الليلة نشوي....
    هنادي/الله جبتيها ياجدتي من زمان مااكلنا مشاوي....
    *************************************مها تكلم ابوها بالتلفون....
    مها/يبى...
    ابو خالد/هلا عيوني...(نسي الموضوع)
    مها/وانت راد البيت ابيك تجيب لي معك شوكلاته من باتشي علشان الليلة بتجين
    صاحبتي...
    ابو خالد/ابشري وانا ابوك...
    مها/مو تنسى لابعدين وقت اللي بطلع تقول بعدني مااشتريه؟
    ابو خالد/تقولين بتجيك صاحبتك بعد شلون بتطلعين؟
    مها/بتجين هناك في بيت خالي؟؟
    ابو خالد/أي قلتيلي في بيت خالك....
    مها/يالله باي مو تنسى.....
    الحمد لله هذا الوالد وخلصنا منه اقوم اجهز لي شي البسه.....
    وقامت تفتح دولابها واول مافتحته رفعت يدينها تدعي(ياربي اشوفك الليلة يامحمد يارب))
    كانت تبي تشوفه باي طريقة صحيح كان يصد عنها اذا شافها بس يكفي تشوفه عيونها
    وتملي عيونها منه ومن حلاته!!!!

    هيفاء/من زمان ماشفتك ياالخاينة
    هنادي/لا عاد من الاربعاء اللي راح مو من زمان واجد
    هيفاء/بالنسبة لك بس بالنسبة لي احسها من زمان..
    هنادي/شلونك..
    هيفاء/تمام
    هنادي/وكيفك في المستشفى؟
    هيفاء/ممشية حالي والله..انتي شلونك..
    هنادي/انا بخير...
    هيفاء/لا ماانتي بخير!!!
    هنادي/ليه تقولين كذا؟؟
    هيفاء/شوفي وجهك وبتعرفين ليه!!!!
    هنادي/وجهي مافيه شي ....
    هيفاء/بلى...فيك شي متغير وحزين..
    هنادي/لاتقعدين تلفين وتدورين علي من جد مافيني شي....
    هيفاء/اقولك وجهك متغير..
    هنادي/خلا ص كبرت لازم بيتغير وجهي ليش مفكرة انه بيظل مثل ماهو علطول!!!!
    هيفاء/بينك وبين محمد سالفة!!صاير شي ياهنادي..قولي يااختي انا اعرفك...
    هنادي/قومي نساعد امي في تتبيلة اللحم والدجاج للشوي حق الليلة بس وخلك من الكلام
    الفاضي...
    هيفاء/انتي دايم كذا تسمعين همومنا وماتبينا نشاركك همك وتعبك اذا تعبتي...
    هناد ي حبت تغير الموضوع/قومي بس خلي كلامك الفاضي على جنب.....
    ***********************************الليل في بيت السالم(بيت بو محمد)
    ام خالد/شلونك يمه هيفاء..
    هيفاء وهي بعيدة عن عمتها وبدون حتى ماتناظرها/انا بخير عمتي...
    ام خالد/وشلون الشغل معك..
    هيفاء/ماشي..
    ام خالد/وعبدالله..
    هيفاء/بخير...
    مها لاحظت برود هيفاء ومسكت يدها/يالله يمه بنركب فوق شوي..
    ام خالد باعتراض/بس انا ماشبعت من هيفاء بنيتي...
    مها وهي تسحب هيفاء معها لفوق/مابنطير شوي وبنرجع لكم.....

    محمد كان واقف قبال النافذة واحمد ومشاري مع ابوه يساعدونه بتجهيز عدة الشوي وامه
    وجدته وعمته قاعدين بركن من الحديقة....
    كان يناظر في البعيد هو عارف انها هنا وفي مكان في البيت والاكيد انها بغرفة هيفاء بس
    مايقدر يوصل لها هو اصلا مايكلم هيفاء كيف بيوصل لها..ماوده في شي كثر انه يسمع
    صوتها..صوتها وبس اللي بيريحه من تعبه.........
    انتبه الى سارة اللي كانت تناديه...
    سارة/خالي محمد..
    محمد/عيوني..
    سارة/ماراح تشوي معهم...
    محمد/ليش تسالين؟
    سارة/علشان انا ابي اكل بس من الشي اللي انت بتشويه ياخالي...
    محمد ركع لعند رجلها/من عيون خالك يااحلى سارونة بالدنيا....
    كل البيت كان يشوف في سارة نسخة طبق الاصل من امها هنادي في الطيب والهدوء
    علشان كذا مايقدرون يردون لها طلب...
    ***********************************خالد/ماني طايق نفسي ياعادل..
    عادل/شكلك مو طايقنا احنا!!!
    خالد/لاوالله مو كذا...
    عادل/وينك اللحين؟
    خالد/بالطريق...
    عادل/وش تسوي بالطريق؟
    خالد/راجع لكم...
    عادل/انت جاي الشرقية؟؟؟؟
    خالد/ليش ماتبيني ارجع...
    عادل/انت قلت بتنزل بكرة!!!
    خالد/فكرت فيها انزل اخر الليل اريح وافضل...
    عادل/وكم باقي لك عماتوصل يالحبيب؟
    خالد/ساعتين....
    عادل/هذا معناته ماننام الليلة ننتظرك؟
    خالد/والله هذا بيرجع لك اذا كنت مشتاق لي لو كنت نذل بتنام بدون ماتشوفني..؟؟
    عادل/هههههه وانا بيجيني نوم..بقوم اجهز حالي....
    ************************************في غرفة هيفاء
    /مها/هيفاء..ماهي اول مرة تسوينها في امي؟
    هيفاء كانت ساكتة وتناظر بالارض....
    مها/امي تحبك والمفروض تكونين عارفة ها الشي ..هي اصلا ودها بسعادتك...
    هيفاء بتنهيدة/عارفة ها الشي...
    مها بعصبية/لا منتي عارفة لو كنتي عارفة ماكنتي تكلمينها كذا!!!
    هيفاء/شتبيني اسوي يامها!!!حطي نفسك بمكاني وجربي تعيشي بنفسيتي مرة وحدة بس!!!!
    مها بتنهيدة/انا عارفة انه مو سهل بس والله العظيم امي تموت فيك ودايم تقعد تلوم بنفسها
    انها السبب بللي مريتي فيه...
    هيفاء/خلاص مها سكري السالفة انا مااحب اتذكر الموضوع ذا...
    مها/بكيفك....بس صدقيني ان معزتك عندها مو اقل من معزتي....
    هيفاء بدت دموعها تنزل..
    مها/شفيك....
    في ها اللحظة محمد كان جاي غرفة هيفاء بيسوي روحه بيكلمها يبي أي شي يمكن يسمع
    صوت صديقة الطفولة وحب الشباب...ووقف عند الباب بس سمع صوت هيفاء تبكي..
    مها بخوف/هيفاء شفيك؟
    هيفاء من بين دموعها/تعبت والله العظيم تعبت...اذا مفكرينها سهلة علي اني اكون مطلقة
    وانا توني مادخلت العشرين ومن ولد عمتي ترى حابة اقول لكم انها ماهي سهلة
    ابدا!!!!الاقيها من المستشفى اللي من يشوفوني قاموا يتهامسون علي ولا من محمد اخوي
    وسندي وحبيبي اللي مو راضي يكلمني لاني صرت ممرضة وكاني كفرت(محمد نزل
    راسه بالارض في ها اللحظة)ولامن ابو وبلدي اللي مفكر حتى يسال ولده شسمكه ولا شلون
    شكله ولا من ولدي اللي مو قادرة احبه بكل مافي الام من حب لعيالها والسبب انه طبق
    الاصل عن ابوه الانسان اللي بظل كارهته طول عمري.....
    مها اخذتها بحضنها...
    مها بحساسية ودموعها قريب تنزل/حبيبتي كلنا معك ...لاتشيلين شي بقلبك ترى مافي شي
    بالدنيا يستاهل انك تبكين علشانه ياقلبي.....
    لين هنا ووصلت عند محمد خلاص سمع صوتها بس مو مثل ما كان يتمنى...كان يتمنى
    يسمعها تضحك لو تغني مثل ماهي بالعادة بس تبكي لا..ماكان يبيها تبكي ابدا...
    ملا صدره بالضيق بعد اللي سمعه واخذته رجله لتحت وطلع يشوي معهم ويغير جو.....
    **********************************في بيت العواد(بيت بو خالد)
    ابو خالد/وانت ليش مارحت مع امك؟
    عمر/مالي خلقهم...
    ابو خالد/في غيرك قاعد بالبيت لو بس انت؟
    عمر/لا مافي احد امي اخذت خواتي كلهم ...
    ابو خالد/واحمد راح معهم؟
    عمر/اكيد بيوصلهم وبيروح لااصحابه الليلة الخميس سهرته مع اصحابه مايخليها....
    *********************************في بيت السالم كانوا الحريم قاعدين بالمطبخ كلهم...
    محمد/طريق ياحريم...
    هنادي/ماحد بالصالة يامحمد ادخل امان..
    محمد/لا ياهنادي بدخل المطبخ...
    الجدة ام عبدالله/وش تبي من المطبخ قول لنا واحنا بنجيب لك...
    محمد/لا معليش جدتي انا ابي ادخل...
    مرام/اووف يعني لازم نتغطى ونختنق...
    الجدة/تغطي بس تغطي....
    مها رمت عليها الشيلة وهي عيونها بتطلع من كثر ماهي مشتاقة له......
    وماخفي طبعا على هيفاء اللي كانت جنبها وهي شايفتها بحيرتها...
    دخل محمد وهو حامل بيده صحن مشاوي وعطاه لسارة اللي كانت قاعدة على الارض....
    محمد/ها راضية عني اللحين..
    سارة ضحكت/أي خالي..
    ام خالد/واحنا وين عشانا يامحمد؟
    محمد/لاتحرجوني انا ماسويت لغير سارة الباقي على ابوي ومشاري...
    مرام/عز الله رحنا فيها اذا اخوك التبن هو اللي بيشوي!!!!
    هههههههههههههههههههههههه

    محمد/اكيد انتي مرام؟
    مرام/وهو في غيري بيموت من كثر ماهو مخنوق وينتظرك يطلع بس منت حاس على
    عمرك...
    مها بندفاع وبدون شعور/مرام عقلي بلا طوالة لسان....
    عيون محمد لاشعوريا راحت للسواد اللي جنب هيفاء قاعد....
    هند/مرام مافي شي عند مرام يظل بحلقها كل شي يطلع اول باول....
    الجدة/يالله مو كل لكم على بنيتي..وانت خلاص البنات ماتوا من الحر وهم قاطين شيلاتهم
    على وجوهم ليش واقف؟؟
    محمد تفشل وحب يرقعها/بشوف سارة اذا تبي شي قبل لااصعد داري....
    ام محمد باسى/وليش تصعد دارك يايمه اقعد سلي نفسك مع ابوك واخوك بدل قعدتك
    بروحك....
    ام خالد/مااخذت من احمد يوم الاربعاء والخميس مانشوفه ليلة السبت يبين...
    محمد تضايق ماكان حاب ان سيرة انه مايطلع من البيت وكله قاعد بروحه تنفتح قدام مها
    بس صار لكن في النهاية هو السبب من قال له اوقف......!!!!
    ****************************************عادل لام خالد بحضنه/حمدالله على السلامة
    تو مانورت الشرقية والله..
    خالد/الله يسلمك يالحبيب...
    عادل/أي هذا العدل وانا اخوك قاعد لي بالرياض وتاركنا بالشرقية نحاتيك؟
    خالد/ليش انشاءالله بزر انا تحاتيني؟
    عادل بضحكة/لا بس خايف على اهل الرياض منك ومن سواد وجهك ههه
    خالد/ههههه مقبولة منك ....
    عادل/تعال بعشيك شكلك جوعان.....
    خالد/أي الله يخليك نبي مطعم زين نتعشى فيه..
    عادل/المطاعم الزينة كلها عندنا بالخبر تعال معي ماراح تضيع.....
    *********************************على الساعة وحدة الاربع...
    هند دقت باب غرفة محمد..
    محمد/منو؟
    هند/انا هند..
    محمد/خير وش تبين...
    هند/نايم لو قاعد؟
    محمد/انتي وش تشوفين؟
    هند/قاعد.....
    محمد/طيب(تملل من استهبالها)
    هند/عمتي كل ماتدق على احمد جهازه مغلق وهم يبون يروحون البيت قالت لي امي
    اشوفك.....
    محمد/طيب هذا انا نازل قولي لهم يجهزون بوصلهم..
    وقت طلعتهم عبدالله مسك في عمته مها يبيها مايبي يتركها تروح وفي نفس الوقت يبي
    امه....
    مرام/تدرين شلون لبسي عبايتك وتعالي معنا ركبي لين يوصلنا محمد وبعدها يرجع معك..
    ام خالد/خليه ينام معنا الليلة؟
    مها/يبي امه ويبيني ....
    ام محمد/أي عدل كلام مرام روحي معهم ولا ترى ولدك ماراح يسكت..
    هيفاء/طيب نطروني لين البس عبايتي.....
    وفي السيارة كانت ام خالد قدام مع محمد تسولف معه والبنات كلهم قاعدين ورى هيفاء
    تسولف معهم ومها سرحانة في محمد اللي كان يناظرها كل شوي من المرايا.....
    وصلهم للبيت وعبدالله ماتنازل عن مها وبعد مشاورات وافقت هيفاء انه ينام عند مها......
    ورجعوا البيت هي ومحمد بدون مايتبادلون مع بعض أي كلمة رغم انها حاولت تفتح معه
    كذا موضوع بس هو ظل ساكت عنها....
    ***********************************دخلوا بيت العواد بيتهم وكانت انوار الصالة
    شغالة ممايعني انهم قاعدين.....
    مرام/يتراوالي بنام بعبايتي من كث ماانا نعسانة...
    مها نزلت عبدالله من على كتفها/وانا شكلي يليل مااطولك مع عبادي...
    ام خالد/تعال عبدالله نام عندي..
    عبدالله/لا ..مها...عمة..
    ام خالد/اللحين هي عمة وانا شطلع بالله مو جدتك؟؟؟
    عبدالله باعتراض/مها عمة...
    خالد من وراهم/شكلكم مطولين بسوالفكم وماراح تسلمون علي؟؟؟؟
    لفوا كلهم لجهة الصوت ولقوا خالد قاعد على الكرسي الملكي اللي بقلب الصالة وهو
    يناظرهم ويبتسم..
    ام خالد اول وحدة راحت له واخذته بحضنها/هلا وغلا بيك يمه..شدعوة ماقلت انك راح
    تجي الليلة؟
    مها/يمه بعدي شوي....هلا والله بغلاي..من زمان وصلت؟
    خالد/شوي شوي علي لاتذبحوني....
    مها/خههههه خايف على نفسك منا...
    خالد/جيت بصراحة قبل ساعة وشوي ورحت تعشيت مع عادل ورجعت انتظركم لين
    ترجعون ماقدرت انام بدون مااشوفكم رغم اني نعسان بس مشتاق لكم مووتت اكثر
    مماتتصورون..
    ام خالد/يابعد عمري ياخالد واحنا بعد مشتاقين لك..
    مرام/خالد جبت لي اشياء من الرياض؟
    خالد/وشدعوة انا بفرنسا يامرام؟؟؟انتوا كلا شهر مطيحين عندي ومفلسيني من اسواق
    الرياض؟؟بس ولايهمك جايب لك كم شغلة ولايصير خاطرك الا طيب...
    ام خالد/خلاص خلو اخوكم يرتاح وبكرة سولفوا على راحتكم.,,,
    خالد/لا يمه خليهم انا مشتاق لهم مووت...
    مها راحت جابت عبدالله وخلته قبال خالد..
    مها/ماادري حظ منو فيكم الحلو....عبدالله اصر انه ينام الليلة عندي وكانه قلب حاس انك
    راح تكون موجود...عبدالله حبيبي سلم على بابا خالد..
    خالد من شاف عبدالله تغيرت ملامح وجه مرة وحدة ...وقام يناظره من فوقه لتحته وسكتوا
    كلهم...
    هاذي اول مرة خالد يشوف ولده على الطبيعة من ولادته للحين وهو قريب يكمل ثلاث
    سنين!!!!
    عبدالله مد يده لخالد اللي كان يناظره..بس خالد مشى...
    خالد/انا بروح انام تصبحون على خير..........
    توقفت نظرات الكل على يد عبدالله الممدودة وعلى طيف خالد اللي كان يمشي فوق الدرج
    بدون اهتمام!!!!!!!!!!********************************** *******************اليوم
    الثاني على الغذى....
    ابو خالد/تو مانور البيت ياخالد..
    خالد رغم انه كان متضايق انه بيشوف ولده اليوم بعد على السفرة بس وجوده اليوم
    ضروري ومايقدر يعتذر بشي وماينزل......
    خالد/منور بوجودك يالغالي....
    مرام/اشتقنا انك تبينا ياخوي...
    خالد/اشتاقت لك العافية حبيبتي هذا انا بينكم اللحين....
    جود/انا كنت نايمة البارحة ومادريت انك جيت؟
    ام خالد/متحسفة على شوفة اخوك ولا على هديته؟
    ههههههههههههههههههههههههههههههههه
    احمد/ماقلت لنا انك جاي بالليل كان استقبلاناك يابو عبدالله؟
    ام خالد/الا على طاري الليل انت متى رديت البارح!!!!
    احمد/يعني..
    ابو خالد/يعني كم؟
    احمد/يعني ليلة خميس والواحد مع ربعه متى بيكون رد؟
    ام خالد/انا انتظرتك لين الساعة وحدة الاربع وبعدها نمت!!!
    احمد/هذا هي انتي نمتي وانا توني راد...
    خالد/بعدك على ها السالفة ماتبت من سهر ليالي الخميس والجمعة؟
    احمد/شسوي فيهم انا بعد كان الواحد قاعد بسجن...
    ابو خالد/ماعلينا ياخالد متى بتفتح الشركة انشاءالله؟
    خالد/على الاسبوع الجاي...ها الاسبوع بعتبره اجازة مفتوحة...
    ام خالد/وش ناوي تسوي اليوم؟
    خالد/لسه مافكرت بصراحة؟
    ابو خالد/تبي نسوي الليلة عزيمة في المزرعة؟
    خالد/والله انا ماودي بعزايم اصلا يبه!!
    ام خالد/مايصير يمه لسلامتك العزيمة بتكون؟
    خالد/وش دعوة راد من ايطاليا!!!كنت بالرياض وكل خميس وجمعة انتو عندي ولا انا
    اجيكم...مالها داعي العزيمة......
    احمد/أي بس....بتكون عائلية يعني احنا وعمامي وخالي واصحابنا وبس!!!!
    خالد/لافتحت الشركة سويت لكم عزيمة....
    ام خالد/معناته اليوم تروح تسلم على جدتك بعد مو حلوة هي تجيك وهي صحتها على قدها
    اللحين؟
    خالد تضايق ماوده يروح ويشوف خاله ويشوفها!!!وجا على باله ولده في ها اللحظة..
    خالد/وين مها!!!!
    ام خالد/تسبح عبدالله....
    وساد الصمت من جديد وهم ينتظرون ردة فعل خالد اللي ماعطى الموضوع اهمية وكمل
    اكله!!!!!
    *********************************************في بيت السالم..
    هيفاء/البيت مو حلو بدون عبود....
    هند/قصدك مرتاحين اليوم من حنته وزنته...
    هيفاء/حرام عليك...والله انه يجنن فديته..
    هند/اكيد بتقولين يجنن لانه ولدك..
    هيفاء/يمكن..بس انا فعلا اشوفه يجنن...
    ام محمد اللي كانت توها جاية وهي حاملة دلة القهوة والشاي...
    ام محمد/تحبينه ياهيفاء...
    هيفاء سكتت شوي و بعدها تكلمت.../بالاول ماكنت احبه اصلا!!!بس اللحين يوم صار
    يمشي ويتكلم ويقلد حركاتنا صرت احس اني غبية وضيعت علي لحظات حلوة معه وهو
    صغير ..صرت احس اني اتعلق فيه كل يوم اكثر من الثاني.....
    ام محمد بعد تنهيدة/مافي ام بالعالم ياهيفاء ماتقدر تحب عيالها...
    قالتها متعمدة لان هيفاء اول ماولدت كانت دايم تقول بانها تكرها وماراح تحبه طول
    عمرها!!!!
    مشاري كان توه داخل وهو موصل الطبلون عنده لللاخر...
    هيفاء/خير انشاءالله...
    مشاري/..........
    ام محمد/وش فيك..؟؟
    مشاري بعصبية/قلت لكم هاذي اخر مرة تخلونها تقعد بالحديقة اليوم طلعت لصاحبي
    وفشلتني معه..
    ام محمد وهيفاء وهند بدهشة/منهي؟؟؟؟؟
    مشاري بعصبية/جدتي ام عبدالله!!!!!
    هند وهيفاء/ههههههههههههههه
    مشاري/أي ضحكوا لانكم مااخذتوا شي من فشيلتي قدام الولد.....لاخلت عنه وعن عيلته ولا
    بقت!!!!لااله الا الله عليها..ساعة تقول له انت من ولده وساعة تقول له منو ابوك..يكون
    يعني السؤال تغير؟؟وساعة تقول له انت تشبه منو...وساعة مدري شتقول..عاد قبل لايمشي
    يقول انا انتظر الكاميرا الخفية تطلع ماطلعت!!!!!
    هيفاء/ه تحفة وربي تحفة...
    مشاري/بلعي ضحكتك لااقوم ادوس ببطنك..
    هيفاء/ههههههههههه
    مشاري/ووين ولدك خليني اعلمك فيه علشان تعرفين تضحكين بصوت مرة ثانية@!!!
    هند/معناته اخذي راحتك بالضحك لان ولدك مو هنا..
    مشاري/تعالي..انتي ليش ماداومتي اليوم....؟
    هيفاء/الليوم دوامي اخر الليل...
    هند/انا اذا صار دوامك كذا مااحبه...
    هيفاء/وشدعوة بتحسين فيني اصلا....
    هند/لانك ماترجعين الا عشر الصباح ويادوبك تنامين وتصحين على صلاة المغرب تصلين
    وتسبحين وتتعشين وترجعين تروحين مااشوفك...

    مها/عسى ماخلصتوا عنا الاكل انا وعبادي!!!!
    ابو خالد/هلا وغلا ..لابعدنا ننتظرك تعالي قعدي...ها ابو خالد شلونك؟
    عبدالله/عبود...
    ابو خالد/ياشينك عاد؟؟؟
    احمد/يبى!!!
    ابو خالد/اسمه عبدالله بعد يسمونه عبود ليه؟؟؟؟
    الوحيد اللي مارفع راسه ذيك اللحظة علشان لاتشوف عيونه عبدالله هو خالد...بس ماطول
    لانه مها كانت تكلمه...
    مها/ياصباح الفل والورد والياسمين على الشرقية اليوم..
    خالد بضحكة/مشاءالله..مع انه الساعة ثنتين بس يالله...
    مها/ماهو ذنبي انها ثنتين!!!منو قال لك طول في نومتك؟
    خالد/شسوي بعد..مشوار امس كسرني...
    مها/متى بتبدي برنامجك معي؟؟
    ام خالد/أي برنامج بعد!!!
    مها/سر بيني وبين خالد..
    مرام/لاعيوني مافي اسرار بينكم خلوني بوسطكم؟
    ام محمد/وليدي اليوم تعبان خلوه يرتاح وبعدين بدوا اسراركم...
    احمد/شكلهم بينكرون الجميل وبينسون افضالي!!!
    مرام/شدعوة كنت مسوي لنا شي....؟؟
    احمد/ها..ها..بدينا نكذب اخت مرام!!!!!
    عبدالله/عمة مها..شوربة...
    مها/طيب..
    خالد علطول لف للجهة الثانية علشان لايشوفه والكل لاحظ ها الشي بس عبدالله بكل براْة
    اشر على خالد وهو يضحك...
    عبدالله بفرح/بابا..خالد....
    *************************************فاتن تكلم هيفاء على التلفون...
    فاتن/يعني نام عند مهو؟
    هيفاء/أي...والله البيت له وحشة...ابيها تجيبه ابي اشوفه قبل لااطلع...
    فاتن/وينك وين تطلعين..ماراح تطلعين غير ثمان مداها جابته ..من صدقك مهاوي بتخليه
    عندها لها الحزة!!!!اعطيك مليون اذا صبرت...
    هيفاء بضحكة/حرام عليك مسيكينة..تحبه لاتحطين في ذمتك؟
    فاتن/تحبه مااعترضنا بس ماتصبر عليه يوم كامل!!!!
    هيفاء/وليش ماجيتي البارح يالنكابة كنا ننتظرك؟
    فاتن/شسوي بعمي هذا اللي وصل عندنا من المغرب وماقام الا اخر الليل!!!!
    هيفاء/فاتنوا ماتحسين الجو ملل!!!
    فاتن/بلى...ابي اسوي شي مو عارفة..
    هيفاء/شي مثل شنو يعني؟؟
    فاتن/مدري..ابي احب ابي انحب..شي مثل كذا؟
    هيفاء/ههههههه والله ان عليك سوالف مدري من وين تطلع!!!!
    فاتن/خطيرة مو!!!!بس في ذمتك مو اكشن اني احب ويصير عندي حبيب!!!
    هيفاء/اكيد لانه بيكون بايع الدنيا ومافيها!!!!
    فاتن/الله ياخذك ماتعرفين تقولين كلام حلو ابدا!!!!
    هيفاء/وش تبين اسوي لك يعني؟؟؟؟اقول زين ماقلتي!!!
    فاتن/لكن تدرين مافي غير تريك....
    هيفاء/منو هذا بعد تريك؟؟
    فاتن/هذا تركي ولد جيرانا...اللي اشوفه وانا رادة كل يوم...
    هيفاء بخوف/وش بتسوين في الرجال!!!!خليه بحاله الله يرحم والديك؟؟
    فاتن/اسمع هاذي اللي يقول باكله انا!!!!!
    هيفاء/اجل شبتسوين فيه؟؟؟
    فاتن/بخليه يحبني واحبه؟
    هيفاء/ليش عيوني من قال لك انك تقدرين تخططين على الحب؟؟؟الحب هو يجيك مو انتي
    تروحين تدورينه؟؟؟؟

    هنادي/اقول محمد..
    محمد/نعم...
    هنادي/متى بنبدي في الصبغ؟؟
    محمد/أي صبغ؟؟
    هنادي/شفيك حبيبي!!صبغ البيت....
    محمد/ها..البيت..اي....
    وسكت مرة وحدة..
    هنادي/محمد..
    محمد/........
    هنادي/محمد شفيك انا اكلمك؟
    محمد/..........
    هنادي/وين رحت؟؟
    محمد كان سرحان في البيت وطاريه وكلام امه وعمته ومحتار وماهو قادر يوقف على
    حل!!!!
    **************************************الكل سكت في بيت العواد بعد كلمة عبدالله
    اللي مااتوقعوها...اصلا كلهم ماتوقعوا ان عبدالله يعرف ابوه؟؟؟؟؟
    خالد قام من على طاولة الطعام بدون أي تعليق..
    وام خالد بان عليها الضيق من تصرف خالد لانه مايبي يتقبل الولد؟؟
    اما ابو خالد كان محتار في مشاعره مايدري يفرح لانه عمره ماحب هيفاء وابوها ولا يزعل
    لانه مخطط انه عبدالله يعيش عندهم بالبيت؟؟بس ردة فعل خالد حيرته!!!!
    وحده احمد حط يده على يد امه وهمس لها/يمه...لاتزعلين ولايتكدر خاطرك يالغالية..مافي
    شي بيجي بالبساطة اللي احنا نتخيلها!!!توه يشوفه..توه بيقعد معه..اكيد بيكون بينهم
    حاجز..بس ولايهمك بيتلاشى مع الايام انشاءالله...
    ناظرته وهي تبتسم ابتسامة معناها اني مو واثقة من كلامك بس بمشي الوضع!!!!
    ************************************في الليل وعلى الساعة ثمان الاربع كانت هيفاء
    لابسة عبايتها وماسكة شنطتها بتطلع للسايق اللي ينتظرها علشان تروح المستشفى..واول
    ماافتحت الباب كان في واحد واقف ومبين انه توه بيحط يده بيدق لهم الجرس....
    ظل يتاْملها للحظات وهي بعد ظلت تتاْمله...وكانها مو مصدقة ابدا....مستحيل..هي بعلم
    ولاحلم؟؟؟خالد!!!!!!!!!!!!!
    خالد عرفها وكيف مايعرفها وهاذي كانت زوجته بيوم من الايام...بس فيها شي
    متغير.....لدرجة انه شك باخر لحظة انها تكون هي لان هيفاء ماتكشف وجها وهاذي كاشفة
    وبعض ملامحها متغيرة عليه بحكم السنتين اللي ماشافها فيهم...انتظرها تتكلم وهو بعده
    يناظرها..
    هيفاء بتردد/خالد.......
    اول ماسمع صوتها ثارت فيه براكين العالم يعني هي...ليش طالعة كذا والوجه مفتوح
    والعباية كانها ثوب عرس!!!!!
    خالد باحتقار/عسى ماشر انشاءالله؟؟؟لابسة العباية وين رايحة؟؟؟؟
    تفاجاْت من خالد ذيك اللحظة ..خالد الواقف قبالها ..هذا هو بعد سنتين من الطلاق
    شافته..بشحمه ولحمه ودمه بعد!!!ياويل حالي منك ياخالد!!!!
    خالد بشماتة/اكلت لسانك القطة؟؟؟
    ************************************************** ******


    البارت الرابع,,,,,
    //////////////////////////////
    بعدت شوي عن الباب وقالت له بدون ماتناظره/تفضل..
    خالد باصرار/انتي وين رايحة؟؟
    هيفاء بثقة/مااتوقع انه من خصوصايتك ابدا ولاراح يصير بعد!!!!
    مشت قدامه وهي تحاول تكون واثقة من نفسها بس في شي داخلها رجع انكسر من جديد يوم
    شافته!!!!!
    ************************************داخل البيت كان خالد قاعد مع جدته بالمجلس
    اللي بره بعد ماسلم على خاله ومشاري لانه محمد كان نايم....
    خالد/يمه شلونك...
    ام عبدالله/انا بخير ..انت شلونك..
    خالد/بخير طال عمرك...
    الجدة ام عبدالله/بتشتغل هنا لو في الرياض!!
    خالد/لا..بفتح شركتي الاسبوع الجاي هنا....
    الجدة ام عبدالله/يعني بتشوف ولدك كل يوم؟؟
    خالد تغيرتالوانه/وشلونك بعد..
    الجدة/خالد لاتغير الموضوع؟؟؟؟
    خالد/يمه انا جاي اسلم عليك.....
    الجدة/انت شفته ياخالد!!!شفت ولدك اليوم؟؟؟كيف سلمت عليه؟؟اخذته بحضنك؟؟شفت شقد
    طل نسخة منك؟؟؟؟خالد اناعارفتك وعارفة طيبة قلبك ومدري كيف قص عليك الشيطان
    بذيك اللحظةو خلاك..
    خالد/يمه..
    الجدة بدت تدمع عيونها(اسلوب كل الجدات هههه)/ياحبيبي يايمه..انت مفكر هاين علي
    العذاب اللي مرت فيه بنت خالك!!!لا يمه مو هين هي شافت الضيم من تطلقتوا لاكانت
    تطلع ولاتدخل بس لانها مطلقة من ولد عمتها اللي من شحمها ولحمها...خالد صارحني يمه
    ليش طلقتها ابوك قالك لك طلقها؟؟؟
    خالد كان يحب جدته مثل مايحب الباقيين ويدري بانها حاطة بخاطرها لانه ايام ماكان يكلمها
    ماترد عليه بنفس بس كان يعديها اللحين صار في موقف ينحسد عليه وماهو متمني شي بها
    الدنيا الا ان احد يخلصه من ها المشكلة اللي هو طايح فيها!!!!
    *********************************هيفاء ياعيني عليها وصلت المستشفى وهي
    سرحانة وبالها مو معها اصلا!!!!
    شوفة خالد قبل شوي لخبطت لها كيانها مرة وحدة!!!
    معقولة خالد وصل الشرقية؟؟طيب وليش مها ماكلمتها قالت لها وتذكرت ان مها اليوم
    ماكلمت اصلا حتى يوم كلمتها تسال عن عبدالله ماردت عليها...
    اه ياخالد...رجعت بنفس جبروتك علي؟؟؟؟ماراح يتغير فيك شي ابدا بتظل خالد اللي يوجع
    لي راسي وين ماراحواللي يدور نكدي وهمي تدوير!!!!
    كانت حاسة انها تمشي بممرات المستشفى بدون وعي وتصدم باناس بدون ماتحس...
    مالقت نفسها الا وهي بغرفة الاستراحة وماسكة جوالها وداقة على فاتن...
    فاتن/يامرحبا...
    هيفاء بصوت خايف/رجع..
    فاتن بخوف/منو؟
    هيفاء/خالد...
    فاتن/متى؟؟؟
    هيفاء/شفته قبل شوي واقف عند بيتنا...
    ماتدري ليش اختارت فاتن عن الباقيين علشان تقولهم...يمكن لانها الوحيدة اللي تساويها في
    كره خالد!!!!!
    ************************************************** **مرت الليلة ثقيلة على هيفاء
    وسط سرحانها بالمستشفى وعلى خالد اللي كانوا اهل يبون يستفسرون عن ترحيب بيت
    خاله له رغم انهم متوقعين انه يكون بارد جدا بس خالد ماجاوبهم اكتفى بانه ياخذ جواله
    ويطلع يسهر مع عادل ومارجع الا الفجر حط راسه ونام!!!!!!!!!!!!!
    اليوم الثاني...
    كانت هيفاء عيونها نص مفتوحة وهي تسمع حركة بغرفتها رغم انها ماصار لها ساعتين
    من ردت من دوامها ونامت بس ماتدري ليش قعدت رغم ان الحركة ماهي قوية لفت راسها
    يمين وشمال مالقت شي رفعت رساها تستطلع الموضوع لقت عبدالله قاعد بوسط الغرفة
    ومطلعة ثيابها ولابسهم ولاعب لعب بمكياجها ومسوي روحه ارجواز لااخر درجة!!!!
    هيفاء لاشعوريا بكت...بكت شوفة عبدالله اللي كانت مشتاقة له امس وتبي تشوفه....بكت
    لانه ذكرها بابوه اللي تكرها واللي عذبها وذلها وماتدري ليش!!!بكت لان عبدالله بيظل
    رابطهم ببعض حتى الموت.....
    كان بكيها عادي بس شوي شوي ارتفع لين انتبه لها عبدالله ووقف يناظرها مفزوع....
    بالاول ماعرف شيسوي بس بعدها يوم شاف امها تبكي هو بعد قام يبكي ويبكي بصوت
    عالي بعد....راح لها ورمى نفسه بحضنه وكانه يقول لها انا احميك من الشي اللي تخافين
    منه ومبكيك وانتي بعد احميني!!!!!
    ///////////////////////////////////////////////////////////////خالد وعادل كانوا عند البحر.....
    خالد كان قاعد يناظر البحر وهو شبه سرحان....
    عادل/شفيك؟
    خالد اكتفى بانه يتنهد...
    عادل/شلي صار يوم رحت بيت خالك البارحة؟
    خالد/شفتها...
    عادل بجدية/زوجتك!!!اقصد هيفاء طليقتك؟؟؟
    خالد/أي....
    عادل/وشلي صار بعد ماشفتها؟؟؟؟؟
    خالد/.........
    عادل/صحيح انت شلون شفتها؟؟؟معقولة جت تسلم عليك؟؟؟
    خالد/كانت طالعة وقت اللي انا رايح لهم البيت....
    عادل/وكيف عرفتها....
    خالد/تغيرت ياعادل تغيرت.....
    عادل/مافهمت؟؟؟
    خالد/مدري بس ماهي هي نفس البنت اللي كنت متزوجنها قبل سنتين ياعادل؟؟
    عادل/ياولد الحلال ناس تموت وناس تنولد بها السنتين وانت ماتبي مرتك تتغير!!!!
    خالد/طليقتي ولاتغلط!!!!
    عادل/سوري..طليقتك ولايهمك.....
    خالد رجع يتنهد..
    عادل/كيف يعني تغيرت؟
    خالد/يعني ماكانت كذا...احس في شي بوجهها متغير ...مدري شلون اوصف
    لك....بس...حتى لبست عبايتها تغيرت وصارت ماتغطي وجههاو..
    عادل/اها...يعني اللي تغير فيها انها ماصارت تغطي وجهها مثل ماكانت يوم كانت
    زوجتك؟؟
    خالد بعصبية/لاطبعا مو هذا القصد!!!بس في شي فيها متغير مدري شنو؟؟؟؟؟؟
    عادل/..........
    خالد بهزيمة/ماتوقعت ارجع واشوفها منتصرة وماهما فرقاي !!توقعت اشوف الزعل
    والحزن في عيونها مثل مايقولون لي دايما؟؟بس اللي شفته فيها الثقة ...الثقة ياعادل!!!!!!!!
    ***********************************في بيت الفايز,,,
    هنادي ومحمد/السلام عليكم..
    ام محمد كانت جنب التلفون/وعليكم السلام تصدق عاد توني بدق لك؟
    محمد/خير انشاءالله...
    ام محمد وهي تناظر بهنادي اللي كانت توها قاعدة جنب زوجها بنظرة شرانية/اخوك بدر
    توه متصل فيني يقول مرته جابت ولد !!!!!
    محمد بفرح/لا..الف مبروك انشاءالله..مع انه كان نفسه في بنوتة ها المرة,,,
    ام محمد/حيرها بغيرها مرته وعنده وش مابغى بتعطيه!!!!
    ماتدري ليش لحظتها حست ان الدموع بتطيح من عيونها من كلمة عمتها...حتى محمد سكت
    مرة وحدة وهو عارف ان مرته زعلت من كلام امه!!!
    هنادي/مبروك...يتربى بعزهم انشاءالله....
    ام محمد بدون نفس/الله يبارك بعمرك.....انشاءالله عقبالك يامحمد؟؟؟؟
    محمد/.......انشاءلله....
    ام محمد تكلم هنادي/ماشفتك قلتي شي يابنت السالم!!!!
    هنادي بتنهيدة/الله كريم ياعمتي الله كريم......كل شي بيد الله....
    ام محمد/سبحان الله...كل شي بيده وها الشي اكيد بس بعد اذا سعادته بتكون في العيال
    لاتضيقين عليه وخليه يشوفهم حتى لو من غيرك؟؟؟؟
    الى هنا وماقدرت تقعد اكثر....
    هنادي وقفت/انا بركب اشوف سارة اذا لبست لولا...اذا طلعت السيارة قولي.......
    كانت تمشي وهي تحس انها بتطيح من كثر القهر والهم..
    ام محمد/ليش وين رايحين؟
    محمد/ابد بس بنطلع ناخذ اغراض للبيت من السوبر ماركت.....ناقصك شي يمه؟
    /////////////////////////////////////////////////////////////
    مها/يمه..
    ام خالد/هلا يمه....
    مها/خالد مارد؟
    ام خالد/لا.....
    مها/شفتي شلون كان يتعامل مع ولده يمه؟
    ام خالد بتنهيدة/شفت..
    مها/وعاجبك صده لولده بها الطريقة؟؟؟
    ام خالد/.وش تبيني اسوي يعني؟
    مها/يمه خالد يسمع كلامك ويحبك اذا كلمتيه ماراح يردك؟؟؟هذا ولده يمه....
    ام خالد/مها...انتي قايلة لعبدالله ان خالد ابوه!!!
    مها/لا....
    ام خالد/وكيف عرفه اجل واحنا نتغذى؟؟؟؟؟؟
    *****************************************محمد/سارة وين امك؟
    سارة اللي كانت تلعب بفلتها.../دخلت غرفتكم وقالت لي اذا جا ابوك روحي معه هو عارف
    اغراض البيت اللي بنشتريها...
    محمد/ليه؟؟
    سارة/تقول انها نعست وتبي تنام ...
    محمد/ودخلت نامت!!!
    سارة/أي......ها بابا بنروح اللحين؟
    محمد/شوي بس......
    راح لعند غرفتهم وتردد قبل لايدخل.....هو عارف انها دايم تتحجج بانها نعسانة اذا زعلت
    من شي ومابغته يشوف دموعها....هو محتار يوقف بصفها ولا يوقف مع رغباته وخيار
    امه!!!!!!
    فتح الباب ولقى الغرفة ظلمة ماغير المكيف مشغل وهي داخل السرير على اساس انها
    نايمة....
    قعد جنبها وماعرف شيقول.......
    كانت مسكرة عيونها وحابسة دموعها لانها عارفة انه بيجي وماتبيه يشوفها كذا......
    محمد بحنية/هنادي,,,,,
    هنادي/.........
    محمد/ام سارة....
    هنادي بدون ماتفتح عيونها/ روح مع بنتك انا حاسة نفسي نعسانة ومتكسرة وماودي
    اطلع....
    محمد/فتحي عيونك.....
    هنادي/محمد...
    محمد/قلت لك فتحي عيونك......فتحت عيونها وهي متضايقة بس شتسوي ماتقدر تعاند اكثر
    لانها عارفته.......
    محمد/نعسانة ولازعلتي؟
    سكتت ماردت عليه..
    محمد/هي مو قصدها تجرحك ياهنادي....هي تحبني علشان كذا قالت ها الكلام...
    هنادي بصوت متقطع وعلى وشك انها تنفجر بالبكي/ماتقصد!!!!ماهي اول مرة ولاراح
    تكون الاخيرة!!!!!من يشوفوني يفتحون الموضوع ذا....
    محمد/.........
    هنادي/ماتقولي انا شسوي...!!!ماهو ذنبي يامحمد اني مو قادرة اجيب لك غير
    سارة؟؟؟؟؟انت عارف اني مالي شغل بالموضوع يامحمد!!!!!!هذا كله بيد الله.......
    محمد/سارة تنتظرنا...يالله قومي لاتنام تراها نعسانة....
    هنادي/روح معها بروحك انا فعلا مالي نفس اطلع..
    محمد تقرب منها وباس جبينها..... وهمس لها/قومي لابجي انام معك وبتطول السالفة
    وبيطول انتظار بنتك!!!!!!!!
    هنادي بهمس/محمد...
    محمد/انتي اختاري...ياتقومين معنا..ياانام معك!!!!!
    ************************************ابو محمد/*وين امي؟
    ام محمد/مع البنات..
    ابو محمد/هيفاء شلونها اليوم؟
    ام محمد/ليش شفيها؟
    ابو محمد/ماقالت لك شي عن خالد؟
    ام محمد/لا...
    ابو محمد/والله ماني عارف شسوي بهم ها البنت يام محمد....خالد ولد اختي وطول عمره
    عايش بحضني!!وهيفاء بنتي وماانجرحت الا بيد خالد!!!!شسوي...امس يوم شفته حسيت
    اني مشتاق له ولسوالفه بس كانت صورة هيفاء في بالي ومنعتني حتى من اني اسلم عليه
    بكثر اشتياقي له.....
    ام محمد/انا ماافكر في هيفاء يابو محمد كثر ماافكر في عبدالله؟
    ابو محمد/ليش شفيه عبدالله؟
    ام محمد/تتوقع انه يحبه..
    ابو محمد/وليش مايحبه وهو ولده!!!!
    ام محمد/هو عمره مااتصل يسال عنه!!!!وامس جا خالد وبعد شوي جابه عمه احمد ليش
    ماكلف على عمره يجيبه معه وهو جاي هنا.؟
    ابو محمد/يمكن انه كان رايح مكان ولا....
    ام محمد/هو قال توني جاي من البيت!!!
    ابو محمد/يمكن انه طالع مع عمه احمد من قبل ..لاتحطين بذمتك ياحرمة!!!!!
    ********************************************بعد صلاة المغرب كان خالد واقف
    بغرفته قدام المراية وهو لابس وكاشخ وناوي على طلعة.....
    طق طق طق...
    خالد/تفضل...قالها بدون مايلف يشوف مين....
    مها/هلا...اوه شكلك طالع!!!!
    خالد لف لها/ اهلين والله..تعالي ليش واقفة...
    مها دخلت وقعدت على مكتبه.....
    خالد/شلونك مهاوي..
    خالد/ماني بخير..
    خالد لف عليها يناظرها/افا ليش عاد!!!!!
    مها اسكتت وماجاوبته....
    تقدم خالد منها وجلس جنبها وحط يده على كتفها/وش فيك يالغلا...
    مها ناظرته وسكتت..
    خالد بحنية اكثر/منو قاوي يزعل احلى مها بالعالم....
    مشكلة مها وخالد انه يحبها ويحب كل بيتهم ويخاف عليهم من نسمة الهوا واذا تكلم معها
    بالطريقة ذي تتردد في انها تكلمه بموضوع عبدالله تخاف تخسره بس ماهي عارفة
    شتسوي..
    خالد/مها انا اكلمك...
    مها رفعت عيونها له/ها...لا
    خالد/شنو اللي لا!!!!
    مها/خليها لوقت ثاني شكلك بتطلع...
    خالد/الطلعة ماهي مهمة اقدر ااجلها بس زعلك هذا مااقدر اخليه يطول اكثر...
    مها رمت نفسها على صدره وهو مااستغرب منها ها الحركة لانه طول عمره هو ومها
    متفاهمين مع بعض...
    مها/اشتقت لك ياخوي البيت بدونك مظلم ومايسوى..لاعاد تبتعد عني مرة ثانية...
    خالد حط يده على شعرها/تدرين انك اكدتيلي انه فيك شي....قومي لبسي عبايتك خلنا نطلع
    انا عازمك على عشى وين ماتبين..
    مها قامت تناظره وفي بالها سؤال واحد ليش ماعطيت من ها الحب والحنان شوية لهيفاء
    وكملت معها حياتك ليش!!!!!وهل ممكن انك تعطي منها لعبدالله!!!!!!!!!!!
    ///////////////////////////////////////////////////////////ثامر/يعني رد خالد..
    محمد/أي..
    ثامر/شفته؟
    محمد/لحد اللحينلا..
    ثامر/طيب واذا شفته كيف بيكون الوضع بينكم!!!!
    محمد/عادي......
    ثامر/شلون يعني عادي؟
    محمد/مدري شلون بس ماابي ابين له ان اختي بتموت علشان ترجع له!!!
    ثامر/محمد اساْلك بدون زعل...
    محمد/شنو؟
    ثامر/انت ودك ان خالد يرجع لااختك؟؟؟
    محمد/تصدق ماادري.....
    ثامر/شلون ماتدري عاد؟
    محمد/ساعات اشوف العذاب بعيونها واقول كيف جاه قلب يطلقها وهي بعدها صغيرة
    وماسوت له شي يخليه يطلقها....وساعات اذا شفت ابوه تجيني ردة فعل ثانية واقول الحمد
    لله ان هيفاء عندنا وماهي عايشة مع ابوه....
    ثامر/أي بس ابوه مو للدرجة هاذي اللي انت مصوره فيها لاتنسى ان يحب عمتك وعياله
    ومايرضى عليهم..
    محمد/وماراح انسى بعد انه لليوم الزواج وبعده وهو يقول ولد العم لبنت العم اولى من بنت
    الخال!!!وانه وده خالد ياخذ بنت عمه.....
    ثامر/يعني اللحين خالد بيتزوج بنت عمه....
    سكت محمد وهو يفكر في الموضوع بطريقة ثانية...مها بتكون لولد عمها لامحالة اذا كان
    هذا تفكير ابوها!!!!!
    //////////////////////////////////////////////////////////////هيفاء/حبيبي مايصير انا بروح
    المستشفى واذا رديت بطلع معك طيب..
    عبدالله/لا ابي اروح معك ماما..
    هيفاء بنفاذ صبر/وين تروح معي وانا رايحة المستشفى!!!!
    عبدالله/لا,,
    مشاري/طيب تعال معي بوديك البقالة....
    عبدالله/بروح مع ماما...
    هبة/خلينا نروح مكدونالدز نشتري بطاطا زين عبدالله...
    عبدالله ماسك عباية امه /لا...
    ام محمد/روحي يمه لاتتاخرين ماعليك منه بيبكي شوي وبيسكت..
    عبدالله/لا
    هيفاء/حبيبي يالله السايق ينتظرني ماابي اتاْخر...
    عبدالله زاد تمسكه فيها وقام يبكي/ابي اروح مع ماما...
    هيفاء بصرامة/عبود اذا بتبكي مافي عيد ميلاد!!!
    عبدالله كمل بكيه وماهو هامه...
    مشاري حمله وسط صراخه وبكيه وطلعت هيفاء وهي متضايقة...اليوم كله مامر عليها
    بسلام ..من شافت خالد البارح وهي تفكيرها عصبي ومو قادرة تركز في شي بس عبدالله
    شفيه متغير بعد وصاير يلزق فيني ومايتركني مثل اول!!!!!
    *************************************في مطعم دارين بالدمام,,,
    مها/تصدق حنيت لاايام اول يوم كنت تطلع معي كل يوم؟
    خالد/نرجع ذيك الايام ولايهمك....
    مها/ياي ايام الثانوية العامة كانت احلى ايام ياخالد كل يوم طلعة وتمشية بحجة ان احنا نغير
    النفسية...
    خالد/ههههه وطاحت فوق راسي يوم تجي نسبتك مثل وجهك لاني انا اللي كنت اطلعك
    ومااخليك تذاكرين,,,,,
    مها/ههههههههه فدوة...
    خالد/وكيفك بعد؟
    مها/ماشي حالي..متمللة من قعدة البيت؟
    خالد/ليش ماوافقتي على سعود ولد عمك يامها؟
    مها/..........
    خالد/وش فيه سعود كل بنت تتمناه؟
    مها/مااحس اني بكون سعيدة معه؟
    خالد/وش ها الكلام يامها؟انتي ماتعرفينه كيف ماراح تكونين سعيدة معه بالله!!!
    مها/بدون زعل.....انت ماكنت تعرف هيفاء واخذتها وماصار بينكم أي تفاهم او حوار
    مفتوح وبعدها رجعت بيت اهلها مطلقة!!!تبيني اكون نسخة عنها؟؟؟
    خالد/..........
    مها/ما ابي ازعلك ياخوي بس الزواج اذا مايكون برغبة الطرفين يفشل وانت اكثر واحد
    عارف ها الشي ياخالد.؟
    خالد بتنهيدة/معك حق....اذا ماكان برغبة الطرفين او واحد فيهم يفشل.........هيفاء كانت
    صغيرة وبعدها وردة بس لاني مو متقبل وجودها بحياتي ماقدرت ااْقلم حياتي معها
    وافترقنا......
    مها/انت ندمان على ها الشي ياخالد؟
    خالد بصرامة وهو يذكر شكل هيفاء البارحة/لايامها انا عمري ماندمت على شي بحياتي
    وخصوصا طلاقنا!!!!!
    مها/وعبدالله ياخالد؟
    خالد بضيق/ولدها بروحها انا مالي شغل فيه..
    مها/خالد...
    خالد/خلينا نكمل عشانا برواق ونسكر ها الموضوع,,,,,
    ***********************************العنود/هااااي...
    هيفاء/هلا وغلا...مابغيت اشوفك...
    العنود/ماعندك شي...
    هيفاء/لاوالله بس لاتحطين عيونك اللحين يدخل علينا مريض...
    العنود/انتي خبلة وش مقعدك بالطوارىءبالله؟
    هيفاء/انشاءالله وين تبيني اروح...
    العنود/تعالي عندنا بالحكومة دوام على كيف كيفك...
    .هيفاء/المهم شسويتي....
    العنود/شفته ..
    هيفاء/أي وبعدين؟
    العنود/ماعجبني...
    هيفاء/شلون يعني ماعجبك؟
    العنود/مدري ماحسيت اني ابيه.....
    هيفاء/وش قالوا اهلك يوم قلتي ماابيه..
    العنود/امي سالتني حسيتي شي بعد ماشفتيه...قلت لها لا..قالت لي مدام ماحسيتي بشي
    ماراح يصير بينكم نصيب.....
    هيفاء/............
    العنود/هيوف ترى اهلي ناس متفهمين ومايهمهم شي اهم شي سعادتنا احنا وان احنا نكون
    مقتنعين.....بدليل موضوع ياسر ولد خلي...
    هيفاء/موضوع ياسر شكله بيطول وماراح ينحل....
    العنود/علشان تعرفين بس ان اهلي متفهمين......المهم السايق ينتظرني بره متى بيقلب
    دوامك صباح؟
    هيفاء/الاحد....
    العنود/خلاص اجل..يوم الاثنين بجي عندك ....
    هيفاء/زين بكلم فاتن ومها بعطيهم خبر...
    العنود/يالله قلبي باي....بوسي لي عبود....
    **************************************خالد ومها دخلوا البيت....
    خالد/السلام عليكم....
    ////وعليكم السلام والرحمة///(ابو خالد ومرام وعمر وجود)
    مها/وين امي؟
    مرام/طلعت..
    مها/وين راحت؟
    عمر/بيت جيرانا......مدري شعندهم عزيمة مدري شنو......
    مرام/بدت الخيانات من ورانا..
    خالد/هههههههه
    مها/أي خيانات بعد؟؟؟
    جود/ليش طلعتوا وماقلتوا لنا؟؟
    مها/خالد وعزمني على العشى اقوله لا ماابي اطلع معك....انت شرايك يبى؟
    ابو خالد/انا مالي شغل فيك خلاص بعد..
    مها/وشدعوة يالغالي؟؟
    ابو خالد/خلاص خالد عندكم ومالي شغل فيكم كلكم....
    مرام/تبريت منا يبى؟؟؟
    ابو خالد/أي والله ودي اخذ منكم اجازة...خالد/على طاري الاجازة يبى ورى ماتاخذ الوالدة
    وتروح معها اسبوع مكة واسبوع المدينة تغير لها جو....وتغير انت معها جو بالمرة...
    ابو خالد/واخوانك؟
    خالد/انا معهم ومها بتكون معهم...
    مها/ياسلام وهم يسافرون بروحهم....؟؟؟؟
    جود/انا بعد بروح معهم؟
    ابو خالد/ها اسمع قال لي روح انت وامي..وهذولا بالله؟
    خالد/ماعليك منهم انا بكون معهم....
    ابو خالد/والله انا ماعندي مانع....
    خالد/انت بس شوف لي اجازتك وانا باحجز لكم كل شي.......ويالله انتوا كل واحد على
    فراشه ولا ناسين المدارس اللي وراكم..
    مرام/اقوم على شرط؟
    خالد/خير..
    جود/مثل ماطلعت مع مها تتعشى بكرة تطلع معي؟؟
    خالد/حاضر وعلى ها الخشم بس قومي يالله..
    جود/ياي...تصبحون على خير...
    مرام/لاتناظرني انا شرطي ثاني....
    خالد/خير انشاءالله؟
    مرام/بكرة انت تمرني المدرسة؟؟
    خالد/ليش؟؟؟
    مرام/علشان يشوفوني البنات وانا معك واتدلع عليهم اقول هذا اخوي خالد....
    خالد/مدرسة بنات..والله فكرة مو بطالة ابدا...
    ابو خالد ومها وعمر/هههههههههههههه
    دق تلفون مها....وقامت...
    مها/هلا وغلا..شلونك انتي......
    ركبت الدرج وخالد عيونه عليها......
    ***********************************بعد نص ساعة خالد راح لمها غرفتها...
    مها/هلا....
    خالد كانت عيونه بتقول شي بس ظل ساكت..
    مها/شفيك؟
    خالد/في شي كنت بقوله لك بس نسيته(مايعرف يكذب)
    مها/شنو...
    خالد/لاذكرته قلته لك...
    مها/معناته اكمل مكالمتي....ورجعت تكمل كلامها بالجوال وهو بعده قاعد بغرفتها.....مسك
    لاب توبها وفتحه وهني دق قلبها بقوة بس لايروح ويشوف ملفاتها,,كانت مخزنة قصايد
    حب وصور لمحمد وخواطر هي كاتبتهم وحست بالدم وقف فيها..هي صحيح علاقتها بخالد
    حلوة بس مو حلو انه يعرف بعلاقتها بمحمد وبحبها له خصوصا ان محمد ماعمره صرح
    بشي...
    مها بعجلة/خلاص هيفاء انا مشغولة اللحين بس افضى بدق لك زين...باي....
    رفع خالد عيونه بسرعة وكانه يستفهم عن اسم البنت اللي قاللته...
    خالد/منو كنتي تكلمين؟
    مها/ليش ماسمعت؟
    خالد/..........
    مها/.....
    خالد بتردد/مها..امس يوم اروح بيت خالي كانت طالعة و..شكلها..
    قاطعته مها/أي اكيد رايحة الدوام
    خالد/وين؟؟
    مها/الدوام؟؟
    بس نظرات خالد ذيك اللحظة حسستها بخوف..
    رجعت كملت بهبالة/يعني انتوا من تطلقتوا وهيفاء ماتطلع كثير من البيت ..ماتروح غير
    الدوام وبس..واذا بنسحبها احنا معنا للسوق بس بروحها ماتطلع..
    خالد/الدوام!!!اي دوام....هيفاء تشتغل؟؟
    مها بخوف/ليش انا ماقلت لك..
    خالد /وش عنه تقولين لي؟؟؟؟؟
    مها/بعد ماتطلقتوا درست دبلوم تمريض واللحين..
    خالد/تمريض!!!!!يعني اللحين هي ممرضة؟
    مها/أي تشتغل بالمواساة....
    خالد/وتشتغل الليل بعد!!!!
    مها بخوف/أي..هذا مستشفى خاص ياخالد ماهو حكومي..
    خالد بعصبية/حلو حلو..دوام بانصاص الليالي بعد!!!!
    رمى لاب توبها بسريرها وقام وهو معصب.....
    وبعد شوي دخل لها احمد...
    احمد/مها..شفيك؟
    مها/ولاشي..
    احمد قعد جنبها/شلون ولاشي...انا سمعت صوت صراخ خالد هنا بغرفتك...صار بينكم
    شي....
    احمد/عرف ان هيفاء اشتغلت وقام يصارخ...
    احمد قام يناظرها باستفهام......
    بس ماردت عليه......
    ونزل يشوف خالد وينه فيه.......

    هبة/جدتي ماراح تنامين؟
    ام عبدالله/لا ابي اسهر معكم..
    هند وهي كاتمة ضحكتها/أي بس جدتي هم بينامون اللحين بكرة وراهم مدارس مو الاربعاء
    بكرة؟
    ام عبدالله/يو يابنت قلت لك بسعر معكم....
    هبة/انا بقوم انام اذا مشاري جاب لي الحليوات اللي بغيتها حطيها عند شنطتي
    زين...تصبحون على خير...
    ام عبدالله/وين راحت اختك؟
    هند/راحت تنام...
    ام عبدالله/ووين اخوانك مايسهرون معنا؟
    هند/محمد زين انه اليوم طالع مع ثامر صاحبه ومشاري راح مع عبدالله البقالة علشان
    يسكت ولارجعوا للحين؟؟
    ام عبدالله/وخواتك؟
    هند/؟؟؟؟؟؟؟؟؟
    ام عبدالله/هنادي وينها؟
    هند حطت يدها على راسها/ياويل حالي انا...يمه هنادي ببيت زوجها!!!
    ام عبدالله/وهيفاء؟
    هند بنفاذ صبر/في المستشفى..
    ام عبدالله/امممم وهند؟
    هند بصدمة/ماتت من زمان ياجدتي!!!!!!
    مشاري اللي توه داخل مع عبدالله/منهي اللي ماتت؟؟
    هند/هند...
    مشاري باستفهام/أي هند؟؟؟؟
    ام عبدالله/اختك....
    مشاري بهبالة/ومني هاذي؟
    ام عبدالله/انا ادري عن اختك مفكرتني غبية بتلعب علي!!!!!!
    هند/جدتي ليش تسالين اذا كنتي تدرين؟
    ام عبدالله/زهقتيني وانتي تذاكرين قلت اسوي لنا جو انا وانتي!!!!!
    هند/جدتي انا ثالث ثانوي يعني ها السنة هي المحك....
    عبدالله/هند امبي جالكسي..
    هند/أي..
    ام عبدالله/انا بعد عطني..
    عبدالله/لا مايصلح..
    ام عبدالله/ياشينك توك بتعطي خالتك جت عندي مايصلح؟؟؟؟
    مشاري/هههه سبع طالع على حالك لاليوه(خالك مشاريوه)
    عبدالله قام يضحك وهو مو داري عن السالفة....
    الجدة/زين عطني دانيت..
    عبدالله/لالالا
    الجدة/ورى ماشريت لي يوم انك شريت لروحك!!!!
    مشاري/جدتي لاتسوين لنا سالفة واللي يرحم والديك اللي ماتوا من زمان!!!!!
    ام عبدالله/ووجعتين انشاءالله!!!
    مشاري/الدانيت مايصلح لك برفع عندك السكر واذا ارتفع السكر طحتي في حظنا وابتلشنا
    فيك!!!!!
    الجدة/هند قومي نبهي ابوك؟
    هند/ليه؟؟؟؟؟؟
    ******************************************نزل احمد من غرفة مها وقام يدور خالد
    مالقاه لابغرفته ولابالصالة ولابالمجالس..طلع بره ولقاه قاعد بالحديقة وشكله متضايقمرة..
    جلس جنبه وقام يناظره وانتبه له خالد...
    خالد/بغيت شي؟
    احمد/بغيت اتكلم معك..
    خالد/خير فيك شي..ناقصك شي..محتاج شي...
    احمد نزل راسه للارض وهو منحرج من خالد.....خالد بالرغم من انه طلق هيفاء ومااهتم
    لولده كان يحب امه واخوانه ومايرضى بزعلهم لو شو صار كان يبيديهم على روحه في كل
    شي وعلشان كذا هم متعلقين فيه ومو قادرين يزعلون منه.....
    احمد/خالد..ممكن تعتبرني صديق للحظات!!!
    خالد/احمد انت اخو!!!فاهم شنو يعني اخو!!!يعني اكبر من كل الاصدقاء اللي بها
    الدنيا!!!!!!!
    احمد/خالد انا بغيت اساْلك عن شي...اذا تسمح لي ادخل بخصوصايتك...
    خالد/قول يااحمد...
    احمد/انت مو طلقت هيفاء ليش بعد مهتم لاامر شغلها بعد!!!!
    خالد سكت لانه ماتوقع هالسؤال يطلع من احمد...
    احمد/انا كنت مار جنب غرفة مها يوم انك تكلمها وسمعت صوتكم.....اذا هي ماتهمكم ليش
    شاغل فيها نفسك!!!
    خالد/كانت زوجتي يااحمد!!!
    احمد/وش يعني هذا!!!!
    خالد/..........
    احمد/كانت وكان فعل ماضي..بالحاضر ماهي موجودة....
    *********************************


    البارت الخامس,,,
    ////////////////////////
    احمد/كانت وكان فعل ماضي..بالحاضر ماهي موجودة....
    خالد/مادوت عاد تصيرالا ممرضة!!!!!!
    احمد باستنكار/وش فيه التمريض عاد ياخالد!!!!!
    خالد/مافيه شي بس....
    احمد/بس شنو؟؟لاتصير محمد ثاني بتفكيرك ياخالد!!!!
    خالد ها المرة هو اللي ناظر احمد باستنكار/شلون يعني...
    احمد ناظر بالسما وهو يتكلم/يوم كانت تدرس التمريض كانت الامور بينهم عادية بس يوم
    اشتغلت جد ......ماصار يكلمها.....وهو اخوها اكثر واحد عارفها..شبيقولون الناس اذا
    اخوها يفكر كذا!!!!!
    خالد/ترى يااحمد السالفة مو سهلة..يعني انت عادي تشوف مرتك طول اليوم بين رجال
    وكاشفة وجهها !!!!
    احمد/اولا الرجال اللي هي بتكون بينهم يابيكونون دكاترة يابيكونون مرضى!!!!!!وثانيا
    ماهي زوجتك اللحين علشان تفكر فيها كذا!!!!!!
    **********************ترجع لبيت السالم ومشاري وجدته..
    هند/ليه ياجدتي اصحي ابوي من نومته!!!
    الجدة بثقة/خل يشوف ولده شلون يفاؤل علي بالمرض!!!!ادري فيه يبيني اموت وياخذ
    غرفتي!!!!!!!!
    مشاري/جدتي عاد مو لهدرجة وصلنا!!!!يعني ابيك تموتين بس علشان غرفتك!!!!!لالالا
    انا زعلت منك بصراحة....صحيح غرفتك هي احد الاسباب بس مو الرئيسية
    طبعا.....عندك بعد اشياء ثانية ناوي اورثها....مثل الارض اللي كل يوم تقولين ان جدي
    كتبها باسمك ولا احنا عارفين هي وين!!!!مثل بعد ذهبك هذا اللي بيجيب لي ثروة
    اكيد!!!مثل الوديعة اللي حاطتها بالبنك !!!شفتي ان في اشياء ثانية اهم من الغرفة!!!
    الجدة كانت تناظرها وعيونها طالعة من مكانها لانها توقعت يقول لها اسم الله عليك انا مو
    قصد ياقول شي وانتي فهمتيني غلط بس هو فتح لها الباب كله!!!!
    الجدة بذهول/عساك ماتربح لادنيا ولااخرة انشاء الله!!!!
    هند قامت بسرعة وهي تشيل كتبها لانها عارفة ان معركة جديدة من معارك الجدة ومشاري
    بتقوم ولسبب بسيط وهو الدانيت!!!!!
    مشاري/لا...وشدعوة انا ابي اربح يكفيني ذهبك اللي ببيعه!!!!!
    الجدة/مشاريوه عساك ماتدخل الجنة قول امين!!!!
    مشاري باستنكار/انا ابي افهم شي واحد انتي من وين تجيبين دعاويك!!!!مقدر اجاريك
    فيهم!!!!
    الجدة/لاوالله وانشاءالله وش تبي تقول لي!!!
    مشاري/ههههههههههههههههههههه تذكرين جدتي يوم اقولك ذاك اليوم عساك تموتين
    وتريحينا..وتقومين تلبسين عبايتك بتروحين تشتكين علي بالشرطة كنتي فلة بصراحة.....
    الجدة بخبث/هههههه واحلى مافيها ان ابوك كفخوك لين قلت التوبة!!!!!!
    مشاري بلع ضحكته يوم ذكرته بها الشي...واللي رحم بحاله التلفون دق...
    مشاري/الو نعم مشاري يتكلم.....
    هيفاء/اهلين....
    مشاري/هلاوغلا كيفك انتي؟
    الجدة/منهي..
    مشاري حقر الجدة/مشتاقين لك يالغلا من متى ماشفناك....
    هيفاء/اكيد قاعد مع جدتك!!!
    مشاري/اكيد.....بشري عنك يالغالية كيف امورك....
    الجدة بدت تغلي/مشاريوه مني ذي !!!!!
    مشاري حط رجل على رجل/.....ايوه كملي سالفتك....
    هيفاء/رحت مع عبود البقالة!!!
    مشاري/أي.....
    هيفاء/وسكت عن بكيه؟
    مشاري/عندك شك فيني....
    هيفاء/لاطبعا..
    .مشاري/ضبطته على الاخر...
    هيفاء بامتنان/مشاري شكرامادري من دونك شكنت بسوي!!
    مشاري نفخ ريشه للاخر/عارف ها الشي وعارف انك ممنونة لي.....وماشاف اللي السماعة
    تبتعد عن اذنه والاسباب طبعا عرفتوها!!!
    ام عبدالله بغضب/منو انتي تكلمي بسرعة!!!!
    هيفاء/هذا انا جدتي وشفيك؟؟؟
    الجدة تفشلت/يو ياهيفاءعلى بالي وحدة من ها اللي يغازلون؟؟؟
    ورمت السماعة على مشاري وهي منحرجة ومشاري ميت ضحك عليها....
    ****************************************اليوم الثاني...
    في المستشفى...
    هنادي/لازم يعني...
    محمد/كيف ماتجين عاد ماهي حلوة..بيزعل اخوي!!!
    هنادي/ومو مهم زعلي انا!!!
    محمد/ماحد هنا بها الوقت وماراح نطول صدقيني كلها ربع ساعة ...بس نقوم بالواجب...
    هنادي/امري لله...امشي....
    في الغرفة...
    هنادي/حمد الله على السلامة....
    ريم زوجة بدر/الله يسلمك....
    محمد/مبروك ماجاكم ياخوي...
    بدر/الله يبارك فيك ..عقابلكمك انتوا بعد....
    ريم/محمد ..اخذه عنا وفكنا من بكيه ....
    محمد/لاتقولين كذا ياام محمد...
    ريم/لانك مو مجرب بكي وصراخ العيال من زمان بس تجربه ويصيرون عندك ثلاثة
    بتقول ان كلامي صدق!!!!
    هنادي تضايقت ..هي من البداية عارفة انها بتتضايق بس جت علشانه..
    محمد/شبتسمونه..
    بدر/سموه اللي بتسمونه..انا كان ودي ببنت ها المرة يوم جا ولد مالي شغل فيه...
    هنادي كانت تناظر بمحمد وهي متضايقة....بس لاحول ولاقوة!!!!!!!
    *****************************************هيفاء/يمه...
    ام محمد اللي كانت تقطع السلطة رفعت راسها...
    ام محمد/مانمتي؟؟؟
    هيفاء/بروح انام اللحين بس بغيت اقول لك ان العنود وفاتن ومها بيجوني اليوم.....
    ام محمد/خير انشاءالله...عبود معك ؟
    هيفاء/مسوي روحه نايم شوي وبتشوفينه نازل لك مثل كل يوم؟
    ركبت الدرج وبالنص محمد كان نازل والتقوا..
    هيفاء/محمد انت مارحت الدوام اليوم؟
    محمد اكتفى بانه يناظرها بدون مايرد عليها..
    فهمت هيفاء نظراته وركبت بسرعة وراحت غرفتها وسكرت الباب......
    ************************************عند مدرسة البنات الثانوية...
    كانت سيارة خالد واقفة وهو لابس نظراته الشمسية ومتسند على بابه ينتظر الاخت مرام
    تشرف ..
    مرام انتبهت له....
    دقت عليه من جوالها..
    مرام/شوف انا بتقرب منك اللحين اول ماتلمحني تجي تاخذ شنطتي وتفتح لي باب السيارة
    زين!!!
    خالد/هههههه وماتبيني ابوسك بعد مااخذ شنطتك؟؟
    مرام/خالد انا اتكلم جد؟
    خالد/يالله تعالي ذبحتيني من وقفة الشمس...من زينهم بنات مدرستكم الواحد يناظرهم!!!!!
    تقربت مرام منه..وبها اللحظة وقفت هند اللي كانت تمشي مع صاحبتها...غدير صاحبة
    هند/ليه وقفتي؟؟
    هند وهي تناظر خالد/هذا ولد عمتي!!!
    غدير/صدق..تعالي نسلم عليه..
    هند/ليش انشاءالله وباي صفة اسلم عليه ...اشوفه كل اسبوع لاتخافين؟؟؟
    قالتها بسرعة علشان تمشي....
    **********************************قريب المغرب في بيت السالم....العنود/يالله السايق
    بره..
    مها مسكت جوالها/أي علشان ابوي يذبحني قالت السايق بره!!!!!هلا احمد ها..وصلت...
    يالله..
    فاتن/صدق انك بايخة كان جيتي معنا..
    مها/مايرضى ابوي اركب مع مين ماكان؟
    العنود/وابوك شعرفه انتي راكبة مع منو؟
    هيفاء/خلو البنت على راحتها شفيكم؟
    مها/افرضي انكم وصلتوني البيت وكان ابوي طالع لو داخل وشافني شقوله بالله!!!
    فاتن/مافي مشكل صديق.....يالله عبود باي.....
    عبدالله/امبى فاتن...
    هيفاء/ياويلي على ها الولد اللي مايبي يقعد بالبيت ساعة؟؟
    العنود/هههههههه تجي معي؟
    عبدالله/لا
    العنود/بكيفك انا بعد ماابيك؟؟
    فاتن/عبود انا وراي تريك ولد الجيران لازم اطيحه واخليه يحبني مقدر اخذك معي!!!
    مها وهيفاء والعنود/هههههههههههههههههههههه
    مها/يااني اتشهد على ها التركي من الللحين؟؟
    هيفاء/ههه وياويله اذا ماحبها؟
    فاتن/بتشوفون فاتن وش بتسوي؟؟؟
    العنود/لا والله شكلها جايبة راسه جايبة راسه!!!
    هيفاء/لااحد يتكلم عن بنت خالتي وانا موجودة!!!!!
    فاتن وهي تلبس نقابها/شبعده ياقلبي بعد ماقمتي بالواجب!!!!!!
    هيفاء/ها..شكلك مسوية بتزعلين مني؟؟؟
    فاتن مسكت شنطتها/ياليت اقدر كان من زمان زعلت!!!!!
    العنود/يالله حبيبتي نشوفك على خير...
    هيفاء/لاتقطعوني عاد....
    فاتن/من ناحيتي تطمني كل يوم بتشوفيني اذا تبين؟
    مها وهي تضحك/بس عطيها وقت تطيح تريك!!!
    فاتن وهي تضحك/أي بس...
    ههههههههههههههههههههههههههه
    ********************************في بيت العواد...
    خالد/قاعدة بروحك؟
    ام خالد لفت عليه/انت ماطلعت..
    خالد جلس جنبها../لا...كملت نومتي بدل بنتك اليوم اللي موقفتني عند مدرستهم ساعتين!!!
    ام خالد بلوم/ومنو قال لك طيعها وروح السايق عندها!!!!
    خالد/تدرين فيني مااحب ازعلهم!!!!!
    ام خالد وهي تتنهد/ياليت طيبتك على الكل ياخالد ياليت!!!
    ما كان خالد ينقصه انه يفهم انها تقصد عبدالله
    خالد/يمه ممكن مانتكلم بها الموضوع؟؟
    ام خالد/لمتى ياخالد يايمه لمتى!!!!لين يكبر ولدك اكثر..؟؟يمه اللحين هو صغير وتقدر
    تكسبه بصفك...بكرة لاكبر ماراح يسمع لك كلمة صدقني؟؟؟؟
    خالد/يمه شفيك انا مااحس ناحيته باي مشاعرليش تجبريني اسوي شي ماابيه؟؟؟
    ام خالد/في احد بالدنيا ماعنده مشاعر ناحية عياله ياخالد عاد!!!!
    خالد/انا!!!
    ام خالد/تدري ليش ماعندك ناحيته أي مشاعر!!!!لانك ببساطة كنت بعيد عنا من تكوينه لين
    ولادته لين كبر وصار يبدي حياته وهو بعيد عنك كيف تبي تكون مشاعرك ناحيته حلوة
    اكيد بتكون عادية ياخالد وانت مافكرت بيوم من الايام تسال عنه وكاْنك مو ابوه...بدت
    دموعها تطيح وقالت بصوت متقطع/وكاْنك متكرم عليه باسمك بس ياخالد؟؟؟؟؟؟
    قامت من مكانها وهي تمسح دموعهاو تركت خالد وسط حيرته بعبدالله..........
    ياربي لا الا امي ماابيها تزعل مني وعبدالله يكون السبب بينا!!!!امي احبها اكثر من أي
    شي بها الدنيا لاتفرق بينا ياعبدالله لاتفرق..خليني اعيش حياتي مثل ماابي وانت بعد عيش
    حياتك بعيد عني و....قطع عليه جواله وهو يدق.....
    خالد/هلا
    عادل/وين غاطس؟
    خالد بنفس النبرة المتضايقة/بها الدنيا؟
    عادل/صاير شي ياخالد؟؟
    خالد/قلت لك اني اذا رجعت هنا وشفت ها الولد بتنقلب حياتي!!!!!
    عادل/وش اللي صاير ياخالد؟
    خالد بغضب/ماابي احبه!!!ماهو اجباري!!!!!
    عادل/انت وينك؟
    خالد/بالبيت..
    عادل/يالله انا جايك...........
    **************************************في الليل....وقت طلعة هيفاء للمستشفى على
    الساعة ثمان...
    كانت جاية بتطلع ومحمد داخل ووقفوا قبال بعض وهم يناظرون ببعض...
    هيفاء ابتسمت له..
    هيفاء/هلا....
    محمد/على وين؟؟؟هو عارف بس يبي يختلق مشكلة بينهم...
    هيفاء/على المستشفى...
    محمد بغضب/حلو...يعني دوام انصاص الليالي....!!!!
    وقف قلبها من نظراته وصوته ولهجته...
    هيفاء/محمد...
    محمد/لاتنطقي اسمي الا اذا طلعتي من ها ال.....استغفر الله....
    مشى عنها وهي طلعت بسرعة..
    ابو محمد/محمد!!!
    رفع محمد عيونه وشاف ابوه...
    محمد/هلا يبى....
    ابو محمد/لمتى بتظل تتكلم مع اختك بذي الطريقة!!!
    محمد/لين تطلع من ها الدوام!!!!
    ابو محمد/............
    محمد/يبى انت يرضيك عاد دوام بالليل وماترجع لنا الا الصباح!!!!!!!!!!
    ابو محمد/والله اللي انا اعرفه انها رايحة مستشفى ماهي رايحة كازينو!!!!!!!!!!!!
    محمد/اذا بتظل تتعامل معها كذا مابنقدر نحكمها يبى !!!
    ابو محمد بحنية/ليش تقول كذا وانت العاقل يامحمد!!!!شصار لك؟؟؟؟زعلان ومزعل نفسك
    علشان اختك صارت ممرضة!!!وشفيها هاذي بالله؟؟؟التمريض من ايام الرسول عليه
    السلام وهي شغلة شريفة.....محمد لاتخسر اختك وتخسرني وتخسر الكل علشان تفكير
    عصبي ياخذك بلحظات....انت ولدي الكبير الفاهم العاقل اللي امشي بين الناس وانا افتخر
    فيه...لاتخليني اموت بحسرتي لاني عارف انك ماراح تعامل اختك بطيب بعدي وبعد
    مايختفي حسي من ها الدنيا..
    محمد تقرب من ابوه بسرعة وباس راسه/لك طولة العمر يالغالي لاتقول ها الكلام بتعيش
    وبتربي عيال عيالنا بعد.....
    ابو محمد قعد على الدرجة الفاصلة بين الحديقة ومدخل البيت.../لاتفكرني مرتاح
    لاياولدي..مافي ابو مرتاح وبنته تشقى وتتعب....انا ابيها تتسلى وتنسى اللي صار
    لها...اختك ماتت بعمر الورد يامحمد وانا السبب لو ماطعت اختي وامي وزوجت هيفاء
    لخالد وهي صغيرة مابعد خلصت حتى الثانوية كان اللحين ماشفت الهم بعيونها...صدقني
    يامحمد مافي شي يخليني اوافق على طلباتها الا نظرة عيونها اللي مكسورة...انا احس اني
    اخذت حياتها بيوم ماتطلقت من خالد المشكلة انها ماهي راضية تتزوج بعده ....
    محمد/ليش في احد تقدم لها يبى...
    ابو محمد/أي ببى...تقدم لها واحد من عيال الدوسري قبل اسبوع ويوم كلمتها بالموضوع
    قالت انا شلت فكرة الزواج من بالي.....كم عمرها اختك علشان تشيل فكرة الزواج من بالها
    يامحمد!!!!!ثلاثة وعشرين سنة!!!!منو يرضاها عاد!!!!!
    محمد بتنهيدة/الله يسامحك ياخالد......
    ابو محمد/خالد طول عمره بينا وعايش معنا وماشفنا منه الشينة....حسبي الله ونعم
    الوكيل!!!!!
    ********************************هنادي/طيب قولي شصار؟
    هيفاء من بين دموعها/لمتى بيظل يعاملني وكاني مسوية جريمة؟؟؟
    هنادي/شصار؟؟
    هيفاء/قال لي انه ماراح يكلمني لين اطلع من المستشفى والدوام وانتي تعرفين محمد يعنيها
    اذا قالها وهو اللي صار له فوق السبعة شهور مايكلمني!!!!
    هنادي/خلاص انتي اهدي اللحين مايصير تبكين وانتي هناك....
    هيفاء/.............
    هنادي/خلاص اهدي وبعدين بنتكلم....
    هيفاء/طيب....
    هنادي/سارة تبي تكلمك....
    هيفاء/وينها؟
    سارة/هلا خالتي...
    هيفاء/هلا سارونة..شلونك..
    سارة/انا بخير ..خالتي متى بنروح الالعاب انا وعبدالله وهبة وانتي وامي....
    هيفاء/انتي متى تبين تروحين؟
    سارة/بكرة..
    هيفاء/أي بس بكرة مدرسة..خلاص يوم الخميس نطلع كلنا مع بعض زين ونطلع مع ماما ام
    محمد وبابا ابو محمد ومشاري وهند ..
    سارة/صحيح خالتي..
    هيفاء/أي..
    سارة/شكرا خالتي....
    هيفاء/عفوا...
    سارة/خالتي انا شريت هدية لبعدالله بجيبها له بكرة اذا جينا انا وامي..
    هيفاء/صحيح...شكرا سارونة الجميلة....
    ***********************************على البحر...
    خالد/امي متضايقة حييل ياعادل وهو السبب؟
    عادل/تتكلم عنه وكانه شخص فاهم ومدرك لتصرفاته!!!انت تتكلم عن بزر ماكمل ثلاث
    سنين ياخالد؟؟؟؟
    خالد/انا اللي اعرفه انك تحب الشخص من تشوفه بس اذا ماصارت بينكم مشاعر من البداية
    معناته ماراح تحبون بعض!!!
    عادل/خالد ..حبيبي لاتضحك على نفسك..انت ماشفت عبدالله!!!!انت لمحته مرة وحدة بس
    وبالغلط ومافكرت تناظره وتتامله..لانك لو سويتها صدق بتلاقي نفسك تشوف نفسك؟؟؟
    خالد سكت......
    عادل/لاتضايق نفسك بيجي يوم ياخالد وبتتعدل الامور كلها ....
    خالد/اتمنى.....
    ورجع يناظر بالبحر....
    خالد/هيفاء صارت ممرضة؟؟
    عادل/جد تصدق مادريت!!
    خالد/اه...
    عادل/وشفيك...
    خالد/من عرفت بها الموضوع وانا متضايق...
    عادل/ليه!!!ماهي زوجتك اللحين علشان تضايق نفسك؟؟؟
    خالد/بس كانت زوجتي!!!
    عادل/كانت..ماهي موجودة اللحين....
    خالد/ماتوقعت ها الشي ابدا!!!!
    عادل/ليه هي عمرها ماقالت لك ان من احلامها تكون ممرضة؟
    خالد/ابدا...انا عمري ماكلمتها عن احلامي ولاهي كلمتني عن احلامها!!!!!ما كان بينا أي
    نقطة حوار وانت عارف ها الشي؟
    عادل/ماكان بينكم نقطة حوار ومع ذلك جابت منك ولد..حلوة ياخالد!!!
    خالد ناظره بذهول/شتقصد؟؟؟؟
    عادل بعصبية/خالد لاتلبس دور البراْة انا صاحبك وبظل صاحبك لو شيصير!!!بس لاتظلم
    البنت معك اكثر..كافي خلاص....ماكانت بينكم نقطة حوار ومع ذلك كنت تاخذ منها اللي
    تبيه وبهدوء جدا!!!!بنت صغيرة وكانت مستسلمة لزوجها اللي هو ولد عمتها واللي ماكان
    المفروض منه يفرط فيها....مضايق نفسك اللحين ليش انها شافت طريقها
    بالحياة!!!!لاتصير اناني اكثر ياخالد كلنا نعرفك وكلنا نحبك وكلنا مانرضى بزعلك...بس
    اذا السالفة فيها هيفاء...انا اقول لاتشغل بالك فيها خلاص..ابتعد عنها ياخالد وعيش
    حياتك...وفكر بالمستقبل ...هيفاء ماضي مر بحياتك..ولاتخلي كلامي القاسي يزعلك مني
    لانك تعرفني وتعرف طبعي زين!!!!(عادل صديق خالد من الصغر ودرسوا مع بعض
    بجامعة سعود بالرياض وتخرجوا مع بعض....شاب طموح وطيوب وها الصفات كانت
    مشتركة بينه وبين خالد..بس انه حقاني ومايرضة بالظلم....وبيحاول بقد مايقدر يجمع خالد
    بولده ويحببه فيه)
    ***********************************في غرفة هنادي ....
    هنادي/اقول محمد...
    محمد/هلا...
    كان يقرا في الجريدة وهو منسدح على سريره...
    هنادي/كنت اتكلم مع هيفاء اليوم وخطر لي خاطر وقلت بكلمك اشوف رايك فيه؟
    محمد باهتمام/شنو؟
    هنادي/كنت اقول...يعني لو هيفاء تاْخذ سلفية لنا ونسددها لها على اقساط...
    محمد/لشنو تاْخذها لنا!!
    هنادي/علشان نكمل صبغ البيت و....
    محمد قاطعها ورمى الجريدة/مايحتاج...
    هنادي/وليش عاد!!!!اختي وانا اعرفها زين..اصلا هي اكثر من مرة قالت لي بس انا كنت
    ارفض بس اللحين مو قادرة يامحمد ودي اطلع من ها البيت بسرعة...
    محمد تنهد بدون مايعلق...
    هنادي/محمد شفيك؟
    محمد/ماله داعي السلفية!!!ماعدنا بحاجة لها...انا...
    هنادي/انت شنو؟
    محمد بدون مايرفع عيونه لها/انا بعت البيت ياهنادي!!!!!
    *************************************في مستشفى المواساة...لو سمحتي...
    لفت هيفاء عند الباب ولقت وحدة واقفة بعبايتها ونقابها وماعرفتها من صوتها..
    هيفاء/خير ..في شنو ممكن اساعدك؟
    البنت/انتي هيفاء؟
    هيفاء/أي...
    البنت/امممم يعني انتي طليقة خالد العواد صح؟
    هيفاء رفعت راسها بقوة وماعرفت شتقول كانت البنت تتفحصها من فوقها لتحتها!!!!
    هيفاء بهدوء/خلصتي معاينتك؟؟؟؟؟
    البنت/ها....انتي ليه تطلقتي منه؟اقصد ليه طلقك.؟
    (لانه حقير ونذل) كانت هاذي الاجابة على لسان هيفاء بس ماتدري ليش مانطقتها وماقدرت
    تطلع منها....
    هيفاء/وخير ان شاءالله؟
    البنت/لا بس كنت اساْل..انا اعرف وحدة من بنات عمه مو قايلة لك اسمها....
    هيفاء/وهي اللي قالت لك روحي تفحصيها؟؟
    البنت/انا عندي موعد هنا وقلت يوم اني مارة من هنا اشوفك وسالت عنك قالوا انك تداومين
    الليلة ومريت اشوفك؟؟؟
    هيفاء/قصدك مريتي تعايني!!!!!!!
    ماردت البنت عليها وطلعت من الغرفة..... وتنهدت هيفاء بصوت معذب وحزين وهي
    تفكر أي جريمة ارتكبتها بالدنيا علشان تنحط بها الموقف!!!!!!
    **************************************عند بيت العواد...
    خالد/اشوفك بكرة بالشركة....
    عادل/عاد تعال بنفسية ثانية مايصير بكرة افتتاح الشركة ونفسيتك كذا!!!
    خالد/لاتخاف علي اللحين بروق.....
    عادل/اكيد..
    خالد ابتسم لعادل/اكيد....
    عادل/اذا كذا بنزلك وانا مرتاح..
    خالد/ههههه المهم لاتنسى يوم السبت بيكون افتتاح الشركة ابي اشوفك اول الموجودين؟
    عادل/تطمن بكون اول الموجودين وجايب لك هدية للشركة بعد..
    خالد/حركات بعد....
    عادل/ه يالله تصبح خير...
    خالد/وانت من اهله...
    ************************************هنادي بصدمة/بعت بيتنا!!!!محمد بلا ها
    المفاؤل البايخ مرة ثانية!!!!!!
    محمد سكت ومارد عليها..
    هنادي/ها شقلت؟
    محمد مسك يدها بقوة بين يدينه والشي هذا اللي خوفها..
    هنادي/محمد...
    محمد/هنادي انا من صدقي بعت البيت...
    هنادي/...........
    محمد/............
    هنادي/احلف انك بعت البيت؟
    محمد ناظرها وهو مكسور/ماله داعي...
    هنادي وقفت/وين ورقة البيع!!!
    فتح الدرج اللي جنبه وطلع ورقة وعطاها اياها فتحتها بسرعة وقرتها واول ماخلصت منها
    نزلوا دموعها.....
    رفعت راسها وصارت تناظره..../بعت البيت!!!!بعت بيتنا يامحمد!!!!!!ليه....ابي اعرف
    ليه ماقلت لي......ليه يامحمد ليه؟؟؟؟
    محمد/...........
    رمت ورقة البيت على السرير وصارت تمسح دموعها وطلعت من الغرفة.....
    محمد تنهد وقعد على السرير..مو داري اللي سواه صح ولا غلط؟؟؟؟؟
    *********************************** اليوم الثاني ..
    مها تكلم هيفاء/طيب مو مشكلة..
    هيفاء/ضروري مو تنكبين فيني....
    مها/خلي هندوا اذا كلش كلش مستعجلة...
    هيفاء/متى ترد من المدرسة ومتى تبدل ومتى ومتى..روحي انتي اسرع...
    مها/خلاص بقوم اشوف أي شي ها..
    هيفاء/أي...
    مها/بس قولي لهندوا اذا قدرت تجيني طلعتها من المدرسة بيكون كويس لاني ماادري هي
    وش تحب؟
    هيفاء/خلاص انا بعطيها مسج اللحي وبرد لك خبر ؟
    مها/يالله انتظرك.....
    *************************************عند مدرسة البنات الثانوية....
    كان خالد واقف عند سيارته ومرت جنبه هند وصديقتها ركبت سيارتها ومشت وهي ظلت
    واقفة تنتظر محمد علشان يوديها مجمع الظهران لانها كلمته وقال لها هو بيوديها لاتخلي
    السايق يمرها وظلت واقفة تنتظره والمدرسة صارت شبه فاضية ومرام بعدها ماطلعت...
    هند تقربت منه وسلمت عليه وهي قصدها يقول لها ركبي اوصلك.....
    هند/خالد شلونك؟
    لف خالد لهاورفع نظارته/هلا...
    هند /ماعرفتني صح؟
    خالد/لا..بس صوتك مو غريب علي؟؟
    هند/انا هند بنت خالك....
    خالد/أي هلا..شلونك؟
    هند/بخير....تنتظر مرام؟
    خالد/أي..كلمتني من زمان وللحين ماشرفت حضرتها؟
    هند/غريبة مع ان فصلها طلعوا......
    خالد/..........
    حست هند ان ماراح يقول لها رجعت شوي عند الجدار وتسندت عليه تنتظر محمد بدل
    ماتتطلب من خالد وهو ماقال لها....
    وبعد شوي طلعت مرام وركبت السارة وركب خالد ومشوا...
    وهند تضايقت من تصرفه رغم انها تعرف خالد زين..خالد طيب ويعرض مساعداته دايما
    بس ماتدري ليش ماقال لها تعالي بوصلك؟؟؟
    ظلت تنتظر محمد وبعد ربع ساعة وصل......
    ********************************في بيت السالم...
    هيفاء كانت قاعدة بالصالة مع جدتها وامها وعبود طبعا....
    ام محمد/وين هبة؟
    هيفاء/راحت تركب شنطتها فوق...
    ام محمد/زين والله قامت بدون ماحد يقول لها بالعادة لازم محاضرة ويالله تقوم..
    هيفاء/مو لان عبود ماقصر في دفتر الرسم حقها ولا شيقوم بنتك؟؟؟
    الجدة/انتي وراك اليوم مانمتي؟؟؟
    هيفاء/نمت ثلا ث ساعات جدتي....
    الجدة/أي بس انتي كل يوم ماتقومين الا العصر لو المغرب اذا دوامك اول الليل؟
    هيفاء/والله اليوم الاربعاء ومافيني نومة انتظر هنادي وحشتني...
    ام محمد/مو كاْن هند تاْخرت يمه؟
    هيفاء/يمه انا نسيت اقولك ان محمد مرها بالمدرسة وبتروح مجمع الضهران وبعدين
    بترجع....
    ام محمد/أي وانا اقول حتى محمد تاْخر؟
    هيفاء/نسيت والله بس ماهم بمطولين اللحين رادين؟
    الجدة/وش بياخذون من هناك بها الضهر؟؟
    هيفاء/انا ابي شي من جيان ...
    الجدة/شنو؟؟
    هيفاء في بالها بدا التحقيق.....
    هيفاء/عبود تعال هنا.....
    ************************************في جيان..
    مها/خلاص...
    هند/أي....
    مها/خلاص انا بدق..
    العنود/هاااااااااي
    مها وهند/اهلين..
    مها/لو طالبة مليون ماشفتك؟
    العنود/ه شوفي هاذي المرة الثانية اللي نلتقي فيها ها الاسبوع؟
    مها/دوم ان شاءالله...
    هند/شلونك العنود؟
    العنود/هلا والله انتي شلونك...
    هند/بخير....
    العنود/الا لبستي عباية راس؟؟؟؟
    هند /لا بس جاية من المدرسة علطول....
    العنود/اها....لسه المدارس عندهم عقدة عبي راس وكتف!!!!
    مها/ولابيخلصون بعد!!!!
    هند دق جوالها وكان محمد..
    هند/هلا محمد...اي خلصنا....اي معي مها ..والعنود..طيب...
    هند/محمد بره يقول طلعوا بيوصلكم..
    مها/أي بس..
    العنود/..حلو يعني ماادق على السايق...
    مها/....
    العنود/شفيك حتى مع ولد خالك ماتركبين؟
    مها/لامو كذا بس يبيلي ادق على احمد لايرجع لي....




    البارت السادس,,,
    ////////////////////////////////
    فاتن/ضروري الليلة موعد تنفيذ اول عملية؟؟
    هيفاء/هههههههه
    فاتن معصبة مليون/هيفوا صيري عاقلة وموتنكبين فينيََ!!!
    هيفاء/اخاف اموت من الضحك بعدين اذا شفته؟
    فاتن/انتي سمعي بقولك وش تسوين وركزي معاي ابي تنفيذ بدقة ماابي ولا غلطة
    بالموضوع..
    هيفاء/ان شاءالله عمتي......
    فاتن بتبكي/هيفوا تكفين لاتسخرين مني!!!!!
    هيفاء خلاص ماتت ضحك...
    فاتن بتبكي بجد/يمه لحقي علي...لازم يحبني تريك فاهمة يعني شنو لازم يحبني!!!!!يعني
    لازم يجي يتزوجني؟؟؟؟
    هيفاء/انتي ياتخبلتي ياانتهت صلاحيتك خلاص؟؟؟؟؟؟
    ********************************في سيارة محمد كانت هند جنب محمد وورى مها
    والعنود.....والعنود مابطلت سوالف عن المستشفى وبيتهم وكل شي ومها طول الوقت
    ساكتة.....
    ووصلوا عند بيت العنود ونزلت.....
    محمد/مني هاذي؟
    هند/هاذي العنود صاحبة هيفاء...
    سكت محمد شوي وبعدها قال/شرايك اقول لاامي تخطبها لي!!!!!!
    وحدها بس وقف قلبها بين ضلوعها من كلمته وجمدت حركتها!!!!!!
    هند ببراْة/أي بس العنود ...مثل هيفاء..يعني ممرضة وماتغطي وجهها وانت ها الشي
    مايروق لك؟
    محمد/بكرة تتغير لاتزوجنا؟؟
    هند/أي بس مو كل البنات يتغيرون يامحمد!!!
    سكتوا لين وصلوا لبيتهم وكانهم نسوا وجود مها بينهم.....
    نزلت هند هي باغراضها قبل محمد ودخلت البيت واول مافتحت باب بيتهم نزلت مها من
    سيارة محمد اللي انتبه لوجودها وهو اللي نسى وجودها معهم في السيارة لان ماسمع صوتها
    اصلا ولاحتى سلمت عليه......
    كانت تركض وماتدري لوين كل اللي هي تعرفه انها ماكانت تشوف قدامها شي من دموعها
    اللي كانت مغرقة شيلتها وعاميتها..ظلت تركض لين تعثرت رجلها بحجرة بوسط الشارع
    ولوماكان محمد يركض وراها ومسك يدها بقوة كان وقعت....
    محمد/جنيتي انتي ليش تركضين بالشارع!!!!!!
    مها بدى صوت بكيها يرتفع الشي اللي وتر محمد زيادة اكثر مماهو متوتر من وقفتهم كذا
    بالشارع....

    محمد/مها شفيك؟
    مها فتحت وجهها وشالت الشيلة كلها من على راسها اللي جمد محمد مكانه وهو يشوفها
    غرقانة بدموعها....
    مها بصوت متقطع من كثر البكي/ياحسافة يامحمد...ياحسافة.....
    محمد/................
    مها/ياحسافة..العنود ملكتها بعد شهر!!!!بس ولايهمك ياولد خالي بكلمها بموضوعك يمكن
    ترد اللي متقدم لها وتاْخذك ولاتزعل ولاتكدر خاطرك....
    قالتها وسحبت يدها من يده بقوة...
    محمد/بجيب السايرة هنا لبسي شيلتك.....
    مها بثقة/روح بيتكم يامحمد ماابيك توصلني انا برد بيتنا مشي...
    محمد/لاتصيرين مجنونة!!!!
    مها/اذا فكرت تتقرب مني لو تجبرني انك توصلني بصرخ وبلم عليك العالم وبقول انك
    تتحرش فيني!!!!
    قالتها بثقة وبانكسار في نفس الوقت ولبست شيلتها ومشت عنه وخلته واقف وهو مو عارف
    شيسوي...كل اللي قدر يسويه انه ركب سيارته وصار يمشي قريب منها وهو يلعن الساعة
    اللي قال فيها ها الكلمة!!ليش قالها مايدري!!هو عارف انه مايحب بالدنيا غير مها ولاراح
    يحب بس لاهو قادر يصارحها ولاهو قادر يشيلها من باله؟؟؟بس ردة فعل مها اكدت له شي
    واحد مستحيل انه يكون مو صحيح..مها تحبه ولاليش بتبكي كذا!!!!!
    تطمن اول مادخلت بيتهم ورجع من المكان اللي كان جاي منه...
    *********************************في سيارة محمد زوج هنادي....
    سارة/بابا مو تنسى تنزل عني الهدية حقت عبود؟
    محمد اللي كان سرحان ومتضايق بنفس الوقت من هنادي..اللي من عرفت بسالفة بيع البيت
    وهي ساكتة وماتكلمت ولاكلمة...طلعت البارحة من غرفتهم ونامت او سوت روحها نايمة
    بالصالة وطول اليوم ماردت عليه بكلمة وحدة حتى السلام ماردته عليه...ياترى شقاعدة
    تفكرين فيه ياهنادي؟
    سارة/باب؟؟
    محمد/ها..
    سارة/بيت جدي قدام شوي..ماشفته؟
    محمد انتبه انه تجاوز البيت ورجع....
    وصلوا عند البيت ونزلت سارة بسرعة..
    هنادي/ياليت ماتمرني اليوم لاني بنام في بيت اهلي؟؟؟
    محمد/بس ياهنادي...
    هنادي ماسمعته شيبي يقول لانها بمجرد تكلمت وقالت اللي عندها فتحت الباب ونزلت...
    محمد/استغفر الله العظيم...
    فتح الباب وراح ينزل هدية عبود......
    ***************************************فاتن/يمه انتوا روحوا بيت جدي وانا بعدين
    بجيكم زين؟
    ام عادل/ليش؟؟
    فاتن/بتمرني هيفاء جايبة لي حاجة وبعدها بجي معها...
    ام عادل/قولي لها اني زعلانة منها قالت بتجي تتعشى معي ولا جت؟
    فاتن/ان شاءلله....
    (ام عادل تصير خالة هيفاء وفاتن بنت خالتها..بس فاتن اقرب لها من العنود ومن مها فاتن
    تربت معها من الصغر ودرسوا مع بعض كل مراحل حياتهم ومازالوا اعز صديقتين..
    فاتن بنت مملوحة طيوبة مررة تموت على شي اسمه زواج بس متعقدة من حالها دايم مفكرة
    نفسها بتموت وهي ماتزوجت...لان خواته اللي اصغر منها ثنتينها انخطبوا وهي الكبيرة
    بعدها قاعدة عند امها!!رغم ان عمرها من عمر هيفاء يعني ثلاث وعشرين سنة!!!!!)
    ***********************************قبل صلاة المغرب كان محمد غرفته ودق
    الباب...
    محمد/تفضل..
    دخلت هنادي../هلا..
    محمد ابتسم لها/وغلا ...شلونك؟
    هنادي/لو كان يهمك كان جيتني وقعدت معي...
    محمد/هاذي معك حق فيها عارف اني مقصر..
    هنادي/محمد ممكن اسالك سؤال؟
    محمد/خير..
    هنادي/انت ماتمل من القعدة بروحك؟؟
    محمد/..........
    هنادي/انا امووت واعرف سر قعدتك بروحك؟؟
    محمد في باله وانا اموت ولاافكر بللي قلته اليوم قدامها والجرح اللي جرحتها اياه ...
    هنادي/انت عشقان يامحمد؟
    محمد مسوي روحه عصبي/ووجع!!انتي الكبيرة ماقلنا شي بس مثل ها الكلام انا مااحبه
    ومااؤمن فيه؟؟
    هنادي/الحب ماهو عيب واذا كانت السالفة كذا قول واحنا نساعدك...جربنا منت خسران؟؟
    محمد/هنادي!!!وش تقولين انتي؟؟
    هنادي/اجل شفيك ليش دايم جالس بروحك؟
    محمد/بس..مافي شي محدد؟
    هنادي/علشان لاتشوف هيفاء معنا صح؟
    ناظرها محمد وماتكلم..
    هنادي بتنهيدة/كلمتني البارحة وقالت لي عن اللي صار بينكم والكلام اللي قلته لها!!!!يوم
    كلمتني اختك كانت تبكي...انت لمتى بتعاملها كذا!!!!
    محمد/...........
    هنادي/انت متضايق علشانها صارت ممرضة؟؟بس ها الشي اللي مضايقك؟
    محمد بانفعال/انا ماابي احد يجيب بسيرة اختي ياهنادي!!!!
    هنادي/محمد...بربك اذا اختك كانت ماشية صح منو اللي بيجيب في سيرتها بالله!!!!!
    محمد/عيال الحرام ماتترك احد في حاله؟؟
    هنادي/هذا معناته انك مو متاْكد من تربية اختك يامحمد!!!!!على فكرة هذا يدل على انك مو
    مرتاح من تربيتك انت بعد..لان نفس الشخص اللي رباك وكبرك رباها وكبرها يامحمد؟؟؟
    محمد/انا ماقلت كذا..
    هنادي/يااخي التمريض مهنة انسانية قبل كل شي...وين الغلط؟
    هنادي/طيب انا بسالك يالبدوي يللي دمك حار....ترضى نروح مستشفى ويكشف علينا
    ممرض مو ممرضة!!!!
    محمد/علشان ادفنه اللي بيتجراْ!!!
    هنادي/معناته انك مؤيد لمهنة التمريض للحريم مو معارض؟؟
    محمد/بس مو اختي؟
    هنادي/يامحمد ..هي يابتكون اختك يابنتك يا امك يابنت عمك يابنت واحد من قرايبينك..وين
    المشكلة....بتخسر اختك وبتظلمها بالدنيا علشان ها الشي!!!وفي الاخرة شبتقول لربك؟؟؟؟
    محمد /................
    هنادي وقفت/محمد صدقني على كثر ماتكلمنا انا وامي وابوي معك بها الموضوع..على اني
    اوعدك انه مهما صار بينك وبينها ماراح اكلمك فيه مرة ثانية ابدا!!!!بتبقى اخوي الغالي
    وبتبقى هي اختي حبيبتي....ولاتنسى يامحمد...هيفاء عمرها ثلاثة وعشرين سنة بس ومع
    ذلك مطلقة وام...ام يامحمد ام!!!!
    قالتها وطلعت من غرفة محمد اللي ظل يناظر المكان اللي كانت قاعدة فيه.....
    ********************************خالد كان يتمشى مع امه بالسيارة...
    خالد/ها شفتيها؟
    ام خالد/الله يعطيك خيرها ويكافيك شرها يايمه..
    خالد/دعواتك يالغالية ترى مانعيش بدون ها الدعوات..
    ام خالد/روح..عسى الله يوفقك ان شاءالله وين ماتكون يمه..
    خالد/يسلمك لي ربي...
    ام خالد/ويخليك لي ان شاءالله..
    خالد/ها وين تبين تروحين ؟
    ام خالد/برد البيت بعد وين بروح؟

    خالد/لا مايصير..طالعين لازم نمشيك شوي..
    ام خالد/ههه الله يخليك يايمه..
    خالد/تبين دونات يمه..
    ام خالد/لايمه ماني مشتهية؟
    خالد/طيب ايسكريم؟
    ام خالد/لا..
    خالد/ليش ماتبين شي يالغالية؟
    ام خالد/ماني مشتهية....
    خالد/طيب بخاطرك شي اخذه لك؟
    ام خالد/اذا مرة مرة ملزم خلنا ننزل سعد الدين باخذ شوية كيك وحلويات ...
    خالد/للبيت؟
    ام خالد/لا..بس ودي اروح بيت خالك؟
    خالد/انتي..انتي مو تروحين ليلة الجمعة لهم....
    ام خالد/أي..
    خالد/هم مو يروحون الليلة بيت جدهم؟ ولاغيروا؟
    ام خالد/لايمه يروحون..بس انا ودي اشوف هنادي من زمان ماشفتها هي ماتروح معهم ...
    وهم مايروحن الامتاْخرين شوي مايتجمعون هناك بدري..وبعدين امي هناك ...تظل
    بالبيت....
    خالد/طيب مو مشكلة نمر سعد الدين وش ورانا..كل شي ولا الغالية....
    ************************************هيفاء اخذت عبايتها وبتنزل علشان لاتتاْخر
    على فاتن وقالت لاامها انها بتمر فاتن وبترجع البيت ماراح تطول عندها..وهي نازلة
    استوقفها كلام هنادي وهند..
    هند/تصدقين هنادي..
    هنادي/شنو..
    هند/امس صار شي عند مدستنا واليوم بعد...
    هنادي/ياساتر شنو؟
    هند/ههه مو شي يخوف.....امس خالد كان جاي يمر على مرام اخته.....
    هنادي/وين السايق اللي يوصلها؟هند/مدري..بس اليوم بعد شفته جاي لها...وظل واقف لين
    راحت نص المدرسة وانا انتظر محمد اللي تاْخر علي.....ورحت سلمت عليه قلت يمكن
    يتعطف قلبه ويقولي ركبي بوصلك بس ماقال لي؟
    هنادي/وان شاءالله انتي قلتي له وصلني؟
    هند/لا انا يوم شفته ماعرض علي رحت كملت انصهاري بالشمس انتظر محمد..كله ولا منة
    احد ياهنادي انا عندي كرامة؟؟؟
    وقفت مكانها...خالد يروح عند مدرسة البنات..معقولة علشان اخته مرام؟؟؟بس مها ماقالت
    لي......وليش يعني مافكر يرد هند البيت اذ هو بس رايح يمر على اخته..ولا صاروا اهلي
    عار عليك ياخالد؟؟؟؟؟؟زين بتردها لنا بيوم من الايام ياولد عمتي!!!!!!!!

    عند بيت فاتن....كانت لابسة عبايتها ومتسبحة بعطرها وواقفة عند بوابة بيتهم لين لمحته
    طالع بيركب سيارته...راحت له..
    فاتن بصوت رقيق/لو سمحت....
    لف لها تركي /خير..
    فاتن/ممكن جوالك؟
    تركي/خير!!
    فاتن/انا بنت جيرانكم ..واشرت على باب بيتهم اللي قبال بيت تركي.....وكملت كلامها
    واهلي طالعين وانا كنت عند صديقتي ونسيت مفاتيح بيتنا وجوالي مقفل وكل ماادق الجرس
    ماتفتحه اختي ممكن اكلمها اذا ماعندك مانع!!!!
    تركي/أي تفضلي....
    عطاها الجوال واتصلت على هيفاء....
    فاتن/اهلين..وينك ليه ماتفتحين الباب صار لي ساعة انتظرك؟
    هيفاء/ههه الله ياخذك على ها التمثيل هذاني جاية مو مطولة...
    فاتن/شلون يعني طالعة!!!بتطولين ولا شلون؟؟انا واقفة بالشارع!!!(ياكذبك يابنت)
    سكرت الجوال وعطته تركي/شكرا..
    تركي/كيف ماهي هنا؟
    فاتن وهي تناظره بعيون ذايبة/جايبة اللحين ..بنتظرها عند الباب..شكرا..
    تركي/لا..كيف توقفين عند الباب..دخلي البيت
    فاتن تورطت/لاشكرا...
    تركي/طيب ركبي السيارة بدل ماتوقفين بالشارع!!
    فاتن/لاشكرا اخوي كاهي جاية بالطريق...
    تركي/لامايصير بروح انادي على وحدة من خواتي.....
    فاتن باصرار/لالا..خلاص كاهي قريبة ماتسوى شكرا....
    تركي/لامايصير ولو....
    توه بيتحرك الا وسيارة هيفاء جاية..
    فاتن/هذا هي وصلت شكرا....
    وراحت عند البيت ونزلت لها هيفاء..وفاتن فتحت الباب اللي مفتوح ودخلوا ثنتينهم...
    فاتن/كبداية مو بطال ابدا!!!
    هيفاء/ههههههه الله ياخذك ياسودة الوجه..امشي يالله خلصيني بروح البيت؟
    فاتن/ليش مستعجلة باقي على دوامك ساعة ونص!!!!
    هنادي/ابي اقعد مع هنادي قبل لاتمشي....
    *******************************************في بيت السالم بعد مارجعت هيفاء....
    سارة/ماما عادي ننام هنا الليلة..ابي العب مع هبة بالعرايس؟
    مشاري/موال كل اسبوع؟؟ماتملين؟
    هنادي رفعت جوالها على اساس انها بتتصل في محمد بس هي كانت حاطته صامت!!!
    هنادي/هلا محمد...سارونة تبي تنام عند اهلي الليلة ومصرة اكون معها...شرايك؟؟؟ليلة
    وحدة بس...طيب..شكرا..
    سارة بلهفة/ها..شقال؟؟
    هنادي ابتسمت ابتسامة باهتة/وافق..
    هبة وسارة/هيه...هيه....
    هيفاء مافاتها ابدا نظرات الزعل اللي بعيون هنادي وقفت ومسكت يد هنادي/مشاري/خير
    ان شاءالله؟
    هيفاء/ابيها بسالفة بنات ماتاخذ ربع ساعة لاتخاف؟؟
    واول مادخلوا الغرفة...
    هنادي/خير وش عندك رعبتيني؟
    هيفاء/العلوم كلها عندك؟؟
    هنادي بتشكيك/شلون يعني؟
    هيفاء/شفيك؟
    هنادي/ولاشي..
    هيفاء/لاتحاولين تخدعيني ياهنادي انا اعرفك....
    هنادي/قلت لك مافيني شي؟؟؟
    هيفاء/واللي يقول لك انك ماكلمتي محمد اصلا!!!!!
    هنادي ماقدرت ترد...
    هيفا بحنان/عمري شفيك؟
    هنادي ماقدر تسكت قالت بصوت متالم وشبه بتبكي/باع البيت ياهيفاء باعه!!!!!باع
    بيتنا؟؟؟
    هيفاء بذهول/باع البيت!!!ليش؟؟
    هنادي هزت راسها/ماادري....بموت ياهيفاء والله بموت....كيف جاه قلب يبيع البيت
    ماادري؟؟؟؟
    هيفاء/لاحول ولاقوة الا بالله العلي العظيم...ليه كذا عاد يامحمد؟
    هنادي/من قال لي وانا مو قادرة احط عيني بعينه ولاحتى اسمع صوته!!!!قوليل لي شسوي
    ياهيفاء؟؟؟؟
    هيفاء/والله انك حيرتيني ياهنادي!!!!شلي صار ماعرفتي؟؟
    هنادي/لا..اصلا انا ماعرفت الا البارحة وهو باعه قبل خمسة ايام...يوم عرفت ياهيفاء
    حسيت ان الدنيا كلها تدور فيني ..ليه باعه ماادري....البيت اللي كنا نحلم فيه من تزوجنا
    وقاعدين نمشي فيه حبة وحبة من ثلاثة سنين وكل ماصار عندنا حطينا فيه قلنا مانبي
    نتسلف ونتدين علشان بيت واحنا الحمد لله ماحنا بايجار...صدمني يوم قال انه باعه ؟؟؟؟؟
    هيفاء/استغفر الله....طيب هو ماقال لك انه متضايق من أي شي ها الفترة؟؟ماعنده أي ازمة
    او شي يشغل خاطره؟؟؟؟؟
    ناظرته هنادي بنظرة مافهمت هيفاء معناها وماحبت تعيد السؤال نفسه من جديد؟؟؟؟؟؟؟؟
    ************************************كان محمد قاعد بغرفته وحيد وهو يفكر باشياء
    كثيرة شاغلته...بالعمل وبالمستقبل وبااخته هيفاء وكيف كلام هنادي اليوم خلاه يتردد ويغير
    رايه ويحس انه ولاول مرة من تزاعل معها مايبي يخسرها وهي اخته اللي من لحمه ودمه
    وقرر انه يبدي يصلح الامور من جديد وترجع علاقتهم حلوة مثل قبل ...والاهم من هذا كله
    كان يفكر با المها.....وتنهد من قلب يوم ذكرها....ياه يامها انا اسف غلاي على الكلمة اللي
    قلتها ..والله انها ماطلعت من قلبي..كيف عاد ممكن تفكرين ان قلبي يبي غيرك وانتي ساكنته
    من زمان!!!!!ابي اصارحك واقول اني اهواك وان حبك معذبني!!!بس ياترى يامها راح
    نكون لبعض بيوم من الايام ولالا؟؟؟؟؟
    ****ومها بها اللحظات كانت حابسة روحها بغرفتها حبس انفرادي من رجعت الظهر من
    عنده!!!!!
    ماتدري ليش حست نفسها ضعيفة ومو قاوية شي ولاقادرة تتحمل تفكر باي شي....ليه قلت
    ها الكلمة يامحمد!!!!معقولة ماكنت تحس بمشاعرنا لبعضنا مثل ماكنت انا حاسة!!!!معقولة
    كنت اتوهم اهتمامك فيني يازينة شباب الشرقية؟؟؟؟؟معقولة انت ماتحس بنفس الاحاسيس
    اللي انا احسهم يامحمد وانا اللي قاعدة اعطي نفسي اوهام واعيش بسراب!!!!!!
    مسكت لاب توبها وفتحت على مذكراتها وصارت تكتب(عمري ضاع,وانكسر
    الشراع..فتاهت سفينتي منذ لحظة الوداع..وبداْت رحلة عذابي وانتهى بعدها شبابي..وقلبي
    ابى الانصياع لغير قلبك الخداع!!!فقلبي لم يعرف يوما نار الحب مع غيرك....احببتك بكل
    ماتحويه هذه الكلمة من اتساع,,,,فكيف رحلت وتركتني تتقاذفني امواج الضياع...فعمري
    بعدك كاالبرق يحمل عكاز الاوجاع!!ام ياترى عذابك لي كان استمتاع!!!ام انك كنت تتقن
    ادوار الحب والخداع!!حقيقة عجز كبريائي عن اخفاء مشاعري فاانا اليوم في صراع!!فهل
    سياْتي اليوم الذي اجلس فيه انا والحظ والسعادة على مائدة لفض هذا النزاع!!!!(بقلمي ملح
    الحياة)
    بعدها سكرت لاب توبها بقوة وطاحوا دموعها ..ليش ياربي تبليني بمحمد وتخليني
    افكراشغل تفكيري فيه وهو مايبيني!!!!يارب شيله من قلبي مثل ماهو شالني من
    باله!!!كانت قاعدة على فراشها وهي ماسكة صورة محمد معها بيوم العيد من ايام
    متوسط....ياه شكثر الايام تمشي بسرعة.....وينك ياحنون ...ليه تفكر بغيري وانت اللي
    غمرتني بحنانك وطيبك.....
    **********************************هيفاء كانت طالعة لدوامها ووجها بوجه عمتها
    و......وخالد,,,
    ام خالد/هلا هيوفة يمه شلونك؟
    هيفاء بسرعة/هلا عمتي.....
    ام خالد/دوامك اخر ليل؟
    هيفاء/أي......مع السلامة...
    وركبت السيارة ومشت ....
    ام خالد ظلت واقفة مكانها وساكتة وخالد كان يناظر بسراب السيارة اللي مشت.....مامداني
    اناظر فيها وقفت بسرعة ومشت بسرعة!!شفيها هاذي بالله!!!!
    لف على امه ولقاها بعدها واقفة وهي منكسة راسها..
    خالد/يمه شفيك؟
    ام خالد/ها..لايمه مافيني شي...
    خالد/شلون مافيك شي....
    ام خالد/اذا قلت لك بتزعل وبتتضايق؟
    خالد عرف السالفة فيها هيفاء وولدها بس ماقدر يكسر بخاطر امه وهو اللس سالها من اول
    شفيك؟
    خالد باصرار/بس انا مصر اعرف؟؟
    ام خالد بحزن/من تطلقتوا ياخالد وهيفاء ماتكلمني عدل....يادوبها تسلم ولاترد السلام
    ولاكلمتين على الماشي وانا مالومها ياخالد.....
    خالد بانفعال/تطلقنا انا وهي!!!مو انتي..انتي مالك شغل بالموضوع...كاهي مع مها مثل
    السمن على العسل!!!!!!
    ام خالد/مها غير ياخالد..مها صديقتها من زمان..بس انا ام زوجها اللي طلقها..وانا اللي
    اصريت انه ياخذها من البداية!!!عرفت اللحين هي ليه متضايقة...
    خالد/اذا بتفكر انك كنتي بتمنعيني عن الطلاق فهي غلطانة وستين غلطانة!!!!خلينا ندخل
    بس ماهي حلوة وقفتنا عند البيت؟؟؟؟
    *************************************ام عبدالله/مابغيت اشوفك من ذاك اليوم اللي
    مريتني فيه؟؟
    خالد/حقك علي يايمه بس والله انشغلت بالشركة.....
    ابو محمد/متى بتفتحها ان شاءالله؟
    خالد/يوم السبت ان شاءالله...
    ابو محمد/الله يوفقك.....
    محمد/وين بتكون؟
    خالد/بالخبر.....بعد الكورنيش بشوي....
    محمد/بتشتغل بالتجارة بس؟
    خالد/والله مبدئيا تجارة واذا توسعنا بعدين لكل حادث حديث....
    محمد/اممم تمام...بالتوفيق ان شاءالله....
    مايدري ليش خالد حس ان هذا مو مكانه رغم انه تربى في ها البيت حس انهم قاعدين
    يتكلمون معه على انه ضيف مو على انه واحد منهم وفيهم وها الشي ضايقه لانه طول
    عمره عايش ومتربي بينهم!!!
    ام خالد/يمه....ابيك تروحين معي للمدينة..انا حجزت لك...
    ام عبدالله/متى؟
    ام خالد/على الاحد ان شاءالله...بيفتح خالد شركته وبعدها بنمشي..
    ابو محمد/أي بس يااختي بتعطليني البنات عن مدارسهم كذا!!
    ام خالد/لا انا بروح بروحي مع ابو خالد العيال بيقعدون هنا....
    ام عبدالله/وتبيني اروح مع زوجك ان شاءالله!!!
    خالد/يمه انا حاجز لك معهم روحي غيري جو ..اسبوع بمكة واسبوع بالمدينة...
    ام عبدالله/مابغيتني اسافر الا مع ابوك!!!!
    خالد ابتسم لها لانه عارف انها ماتواطن ابوه....
    ابو محمد/يمه الله يهداك شها الكلام؟
    ام عبدالله/وانا الصادقة انا مااوطنه بعيشة الله ..
    مشاري بصوت منخفض/والله ولا هو يواطنك بعد!!!
    محمد دزه بكتفه يعني اسكت مالك شغل لاتقوم عليك..
    والجدة طبعا مافاتها.
    ام عبدالله/سمعني سمعني!!!ماسمعت؟؟؟
    مشاري/ههههههههه كنت اقول يعني وبعد اذن الجماعة ولاهو يواطنك بعد؟
    ام عبدالله/شفتوا حتى ها البزر عارف انه مايواطني تبونه يسافر معي علشان يضيعني
    ويرجع عني؟؟؟؟؟
    مشاري/مااتوقع يقدر انتي تضيعنه هاذي صحيحة!!
    محمد كتم ضحكته/بس ياولد..احترم جدتك....
    ام عبدالله/ووجع اللي يوجعك يامحمد!!كم مرة قايلة لك لاتقولي جدتي قولي امي!!!تبي
    تكبرني يعني!!!!
    خالد/ههههههههه
    محمد/ههههه السموحة يمه السموحة...
    ام خالد/ها يمه شقلتي....
    ام عبدالله/لا
    خالد/يمه علشاني..
    ام عبدالله/انت علشانك ماني رايحة!!!
    خالد وقف قلبها اكيد بتبدي تقط خيط وخيط!!!
    ام عبدالله/اذا فتحت شركتك والله وفقك انت ودني اسبوع مكة واسبوع المدينة بس اروح مع
    ابوك ماني رايحة...وهذا اخر كلام عندي....
    خالد/براحتك..بس ولايهمك اول اجازة اخذها باخذك على مكة والمدينة واذا تبين ماليزيا
    بعد!!!
    ام عبدالله/وينها ذي ماليزيا يبى!!!!
    مشاري/اوه ه ه سويت لنا سالفة ياخالد..اللحين الليلة ماراح انام الا بعد ماراويها ماليزيا على
    الاطلس!!!!
    ************************************مروا اليومين الثانين على خير مافيهم أي حدث
    مميز غير ان هنادي رجعت بيتا يوم الخميس الليل علشان لايحسون اهلها بشي بس
    ماتكلمت مع محمد ولا بكلمة وحدة وصارت تنام عند بنتها بالغرفة......
    ********يوم السبت يوم افتتاح الشركة....
    كان يوم مميز ومتعب بنفس الوقت بالنسبة لخالد بس رغم كل التعب اللي فيه كان يحس انه
    حقق شي بحياته....
    انتهى اليوم على خير وقبل لايطلع من الشركة تذكر الهدية اللي جابها له عادل وقال
    لاتفتحها الا اذا طلعت ولاتفتحها بعد الا اذا كنت بروحك ..فتحها خالد وهو قلبه قابضه من
    شكلها...ويم انه شافها ظل واقف مبهور فيها...كانت صورة عبدالله وهو بالثوب والشماغ
    والمشلح ومبين انه توه يوقف كانت مكبرة وكانها منظر كبير...وداخلها ورقة مكتوبة بخط
    اليد...(صديقي خالد..اذا كنت تعزني وتبيني اجيك بالشركة دايما اقبل هديتي وعلقها قبال
    مكتبك..)ليه بس كذا ياعادل ليه!!!ليه تحرجني وانت اقرب انسان بالنسبة لي ..ماابي ها
    الولد يفرق بيني وبينك ياعادل.......
    ترك الصورة على الطاولة بدون مايحركها وطلع من المكتب......
    ووقف عند سيارته وهو محتار يرجع ياخذها ويردها لعادل لو يتركها وينسى امرها بالوقت
    الحالي....طيب واذا ساله عادل عنها شيقول!!!!
    رجع المكتب واخذها وحطها بسيارته ورجع البيت....
    **********اليوم الثاني سافروا ام خالد وابو خالد وصار البيت هيصي ميصي لانه خالد هو
    مسك دور الابو ومها مسكت دور الام!!!!!
    عمر/شبتطلبون لنا عشى الليلة؟
    مها/وليش نطلب بالله وانا موجودة!!!
    احمد/الله الله الله..صراحة تعجبيني يالمهتمة!!!
    مها نفخت ريشها/مطاعم ما مطاعم انسوا مافي غير اكل البيت؟؟؟
    خالد ابتسم دون أي تعليق....
    مها/يالله كل واحد غرفته ويخلص مذاكرته لبين ماياذن المغرب وتنزلون تتعشون..
    احمد/من صدقك انا بقوم انام والليلة بطلع مع ربعي...
    مها/ياسلام..غاب الابو العب ياولد!!
    حمد/ههههه على قولتك....
    عمر/انا بعد بسوي مثله..
    مها ناظرت بخالد/قول شي يابابا خالد!!
    خالد/خليهم على راحتهم ولاتصدقين حالد واجد يابنت!!!
    احمد وعمر/هههههههه
    احمد/لا صراحة ياخالد الله يستر من عبدالله بيطلع كلش فارط اذا انت ابوه وبتخلي على
    راحته...!!!
    احمد تعمد يقول ها الكلمة ويركب بدون مايلف على خالد ويشوف تعابيره...وركب بعده
    عمر....
    مها ناظرتهم لين صعد كل واحد داره وسكر الباب وراه وجلست جنب خالد..
    مها/هات من الاخر وقول شفيك؟
    خالد/شبيكون فيني يعني؟
    مها/لاتقعد تلف وتدور انا اعرفك زين قول شنو مضايقك؟
    خالد/امس وصلتني هدية غريبة..
    مها/شلون يعني غريبة؟
    خالد/هي مو غريبة بس انا ماتوقعتها تجيني كهدية ولا من الشخص هذا؟
    مها/شنو؟


    البارت السابع,,,
    ///////////////////////////
    خالد/امس وصلتني هدية غريبة..
    مها/شلون يعني غريبة؟
    خالد/هي مو غريبة بس انا ماتوقعتها تجيني كهدية ولا من الشخص هذا؟
    مها/شنو؟
    خالد/صورة عبدالله!!!
    مها/صورة عبدالله؟؟مافهمت شلون يعني؟؟؟
    خالد/جايتني صورة عبدالله مكبرة ...كهدية للشركة وبالاخص لمكتبي!!
    مها/من عند منو؟؟
    خالد/عادل...
    مها/عادل خوييك؟؟؟
    خالد/أي..
    مها بفرح/أي هذا الرجل السنع..زين ماهداك الله يكثر منهم ان شاءالله!!!
    خالد/شلون يعني؟؟
    مها/يبيك تحطها بمكتبك؟
    خالد/الا قبال مكتبي يعني من ارفع راسي اشوفه؟
    مها/هذا ولدك ياخالد وبيجيك يوم بتعرف انك قصرت بحقك معه...ويوم اللي تعرف بتندم
    ياخوي؟؟
    خالد/.......
    مها/تكره امه وبدون اسباب!!! وماقلنا شي بس هو شذنبه ياخالد علشان تكرهه؟؟؟
    خالد/مها..انا مااحب السالفة هاذي اذا ممكن؟
    مها/انت فتحتها وانا قلت اللي عندي...
    ///////////////////////////////////////////////////////////هند/هذا الدوام الحلو اللي نشوفك فيه؟
    هيفاء/ههه اللي تشوفيني فيه ولا اللي ارسم عنك رسمات الاحياء؟؟؟
    هند/ههههههه الثنتين...
    عبدالله/ماما ابي بقالة؟؟
    هيفاء/خالك مشاري ماهو هنا...
    عبدالله/وينه؟
    هيفاء/راح يتغذى مع صاحبه ويقول انه بيذاكر معه وماراح يرجع الا المغرب...
    عبدالله/محمد..
    هيفاء/عبود لاتحرجني معه الله يخليك...
    هند/شها الكلام..انتي عارفة ان محمد يموت عليه مثل ماكلنا بالبيت نموت عليه...
    هيفاء/بس علاقتي فيكم مو مثل علاقتي بمحمد وماابيه يتضايق منه...
    هند/روح له فوق بداره وقول له يوديك البقالة واشتريلي حليب جالكسي وسنكرس زين
    عبود؟
    عبدالله/زين....
    ورجع...
    هيفاء/شتذكرت؟
    عبود/ابي اكلم مها؟
    هيفاء/اه منك ومن طلباتك اللي ماتنتهي...روح جيب جوالي
    *************************************مها/صدق عيال حلال ماينطرون؟
    خالد/منو؟
    مها تبي تغيضه/الغالي وامه..وغمزت له بعيونها وردت على جوالها..
    مها/اهلين....عبود!!شلونك حبيبي....وش تبي ..فديتك انا تبي تروح البقالة...اللحين بخلي
    عمك احمد يجيبني عندك زين...لا ماراح اتاْخر..وش تبي تشتري من
    البقالة....طيب..باي...اي البس الجزمة..باي....
    سكرت منه وهي تناظر بخالد..
    مها/ياحليله يبي يروح البقالة؟
    خالد/لاتناظريني ماراح اطلع من البيت!!
    مها رفعت جواله ودقت على احمد وقالت له ينزل يوصلها بيت خالها بتروح مع عبود
    البقالةوبعدها قالت لخالد
    مها/لاتخاف ماراح اجبرك ترتبط فيه وانت ماتبي الابوة ياخالد مشاعر ماتنباع وتنشرى
    بالاجبار المشاعر......تطلع من هني....واشرت على قلبها...
    خالد/على طاري المشاعر....ابوي قبل لايروح قال لي اكلمك بموضوع......
    مها/شنو؟
    خالد/في واحد متقدم لك.....
    مها/انا قلت لاابوي اني ...
    خالد/لالا هذا واحد ثاني مو سعود ولد عمي.....واحد من عيلة محترمة متخرج من قبل
    ثلاث سنين ويشتغل بالبنك والولد محترم وماعليه كلام....
    مها سكتت وماقالت شي...
    خالد/انا اشوفه ممتاز يامها...ولاتضيعين الفرصة من يدك..واذا تبين تشوفينه وتتقابلين معه
    انا بكلمه وتباحثون بكل شي..انا ماعندي مانع....
    مها/............
    نزل احمد/ياسلام يعني مالبستي عبايتك؟؟؟؟
    /////////////////////////////////////////////////////////////////محمد/سارة ...قولي لاامك ابوي
    يبيك..تعالي الغرفة؟
    سارة/أي بس امي نايمة؟
    محمد/انتي متاْكدة انها نايمة لو بس منبطحة على فراشك؟؟؟
    سارة/مدري.....
    محمد/خلاص شاهدي انتي وانا بشوفها.....
    دخل غرفة سارة ولقاها منبطحة على فراشها..جلس جنبها..
    محمد/هنادي....
    هنادي/نعم..
    محمد/شفيك ...
    هنادي/سلامتك...
    محمد/شلون سلامتي صار لك فوق الاربعة ايام ماتكلميني وتقولين لي سلامتك؟؟؟
    هنادي/..........
    محمد/زعلانة علشان بعت البيت؟؟
    هنادي بزعل/زعلانة علشانك ماقلت لي انك بتبيعه ...ولاعطيتني خبر؟؟؟انت فاجتني!!!
    محمد/انا محتاج لفلوسه ياهنادي...
    هنادي قعدت على الفراش/محتاج!!!محتاج لشنو يامحمد؟؟؟؟
    محمد تورط/ابي فلوسه بمشروع؟
    هنادي/مشروع شنو يامحمد؟؟؟انت تبي تسوي مشروع.....
    محمد/قومي غسلي وجهك وخليني اكل لي لقمة وبعدها نتكلم..
    هنادي/محمد.....انا اسفة....انا اسفة حبيبي ..انا ظلمتك يوم زعلت منك...وانت تفكر فيني
    وفي بنتك للاحسن وتبي تسوي مشروع ..اسفة من جد اسفة على زعلي اللي ماكان له
    داعي!!!
    مايدري ليش كلمتها صدمته بها المقدار وحس انه يظلمها بتصرفاته...هو ماقال لها شي..بس
    هي دايم تفترض النية الحسنة فيه!!!!
    ماقدر يشوفها ضمها لصدره بقوة وكانه ندمان على اللي سواه واللي ناوي يسويه!!!!!!!
    ******************************************في بيت السالم....
    راحت مها الى عبدالله ولقته طالع مع محمد فقعدت مع هيفاء وقالت لااحمد يروح واذا جا
    عبدالله بتدق عليه....
    كانوا قاعدين بالصالة هي وهيفاء وهند وام محمد...
    مها/وين جدتي؟
    هيفاء وهي تصب لنفسها قهوة بالفنجان/خلينا مريحين واللي يسلمك؟؟
    ام محمد/استحي يابنت؟؟
    هيفاء/يمه وانا الصادقة...
    مها/هههههه بس بذمتك هيفوا مو جدتي مسوية لكم جو بالبيت؟؟ياليتها ترضى تجي عندنا
    على الاقل لو كم يوم تونسيني بدل قعدتي بروحي..
    ام محمد/انتي بعد يايمه ماترضين تروحين مع امك بالمناسبات اللي تصير وتجاملين
    الناس!!!
    مها/مااحب قعدة الحريم بالمناسبات مايخلون احد مايتكلمون فيه..,اذا قمتي لفوا عليك
    تكلموا!!!!
    هند/اوه هاذي ياكثرها والله...
    ام محمد/انتي مو ناقصك شي يمه لاانتي ولااخوانك ترى انا حاضررة يمه...
    مها/تسلمين خالتي ماتقصرين..
    ام محمد/صدق يمه..اذا على الاكل تعالوا اكلوا هنا واذا تستحون تجون يجي واحد من العيال
    ياخذه...
    مها/واصل ياخالتي ماقصرتي..
    هند/خلوا السايق يجي؟
    مها/لسايق في بيت جدي..ابوي طرشه عندهم يوم راحهو وامي يقول مايتطمن يخليه بالبيت
    وهم مو موجودين؟
    ام محمد/وهو الصادق يابنيتي الدنيا مالها امان اللحين...الله يردهم بالسلامة....
    مها/والله اني اشتهيت اكون هناك بس الكبيرة كل شي فوق راسها؟؟
    هند/ماحد قال لك قعدي عند اهلك خطابك شكثرهم اخذي لك واحد واعرسي وهجي من
    بيتكم؟؟؟؟
    مها جت في بالها فكرة/وانتي الصادقة شكله هذا اللي بيصير....
    كانت قاعدة قبال النافذة والستارة مفتوحة وكانت تشوف محمد ماسك يد عبدالله ويمشي معه
    ويوم شافته قعد معه جنب الخيمة مسكت يد هيفاء وقالت لها ابيك بسالفة برة....
    واستاْذنو وطلعوا للحديقة.....
    طبعا هم طلعوا من الباب يعني لفوا للجهة الثانية فيوم طلعوا هيفاء مشافت محمد وعبدالله
    اللي كانوا جنب الخيمة ولامحمد بعد شافهم يوم يدخلون الخيمة...
    هيفاء/الا تبين هنا ماينفع مكان ثاني؟
    مها تعمدت تقعد وتتسند على المكان اللي كان محمد قاعد فيه يعني اللحين مايفصل بينهم الا
    ستار الخيمة!!!!!
    مها/أي...ابي اتكلم معك بدون مايسمعنا احد؟
    هيفاء/وش فيك..متعبتك المسؤلية وانك تكونين ام لعيال مجانين مثل اخوانك؟
    مها لاشعوريا بكت وهي حاسة محمد قريب منها حييل بس بعيد بمشاعره..
    محمد طبعا سمع صوتهم وجاه فضول يسمع وش يبون عطى جواله عبدالله يدخله لهند
    تشحنه علشان لايشغله ومايسمع شي منه!!!
    هيفاء بحنية/مهو شفيك تراني اتغشمر معك؟؟
    مها وهي تبكي/انا بتزوج ياهيفاء..
    هيفاء/تتزوجين؟؟؟؟منو؟؟سعود؟؟
    مها/لا.....
    محمد كان قاعد وقلبه هاوي من ضلوعه يوم سمع انها بتتزوج...مو معقولة ابوها جبرها
    ابوها مابيسويها ولو يبي سواها من زمان..بس هي اكيد اللي اختارت!!!!
    هيفاء/منو؟؟
    مها/واحد مااعرفه..يقولون انه رجال نشمي وماينعاب...
    هيفاء/وانتي ليه تبكي؟؟جابرينك عليه؟؟
    مها/لا ياهيفاء ماحد جبرني عليه.....
    هيفاء/وليش زعلانة؟؟
    مها/زعلانة لاني مااخترته ...زعلانة لاني بومت قلبي بيدي!!!
    هيفاء/مها..تراني مو فاهمة شي قولي تكلمي شفيك؟
    مها(محمد انا عارفة اني بتخذ خطوة جريئة بس انت بخيل ومافكرت تصرح فيها بس انا
    قلبي ماعاد يتحمل ولازم تسمعها))
    مها/هيفاء انا احب....احب؟
    هيفاء بذهول/تحبين؟؟؟منو؟؟؟ومتى؟؟؟وكيف ماحسيت عليك وانا معك طول الوقت؟؟؟
    محمد انقلب وجه بكل الالوان بس هو اللي جابها لنفسه وقال انه يبي يسمع شيقولون ....
    مها/من زمان ياهيفاء من زمان!!! وصارت تتكلم بصوت متقطع تتكلم شوي وتبكي
    شوي.......حبيته من كنا صغار ولعبنا مع بعض وكبرنا مع بعض.....حبيته وكان محسسني
    بشي ماعمري حسيته مع غيره ولاهو كان يعامل غيري مثلي..حتى يوم كبرنا لازال
    يعاملني بطريقة مختلفة عن الكل!!!!!انا غرقانة فيه ياهيفاء غرقانة...مااقدر امنع نفسي عن
    التفكير فيه لحظة وحدة وهو اللي شاغل بالي وحياتي......
    هيفاء/مها...منو هذا؟؟؟
    مها/هذا واحد عمره ماراح يحس فيني ولايمكن يحس..........انا...احب...
    هيفاء/.............
    مها اختنقت وهي تحس ان محمد يسمع كلامه..هي ماكانت تتمنى ها الشي بس صار وجا
    الوقت اللي لازم يسمعه منها......
    مها/............
    هيفاء/اذا كنتي تحسين انك ماتبين تتكلمين فماله داعي.....
    مها سكتت فترة طويلة وبعدها قالت من بين دموعها/محمد!!!!محمد ياهيفاء..انا احب
    محمد....اخوك محمد....!!!!!!!!
    هيفاء/محمد!!!!!!!!!!!!!!!!!!انا عمري ماحسيت انك تفكرين فيه...يعني انتي علاقتك فينا
    حلوة بس كلنا....ماكنت افكر انك ومحمد ممكن انكم..
    مها قاطعتها بدموعها/لاتقولين شي ياهيفاء انا عارفة ان محمد مايفكر فيني ولاراح يفكر بعد
    بس انا مو قادرة ابي أي احد يعرف اني اذا مت تراني ميتة من حب محمد اللي
    بقلبي......قالتها وصارت تبكي وماقدرت ترفع راسها وتشوف وجه هيفاء اللي كان غرقان
    بالدموع اكثر منها..........
    لين دق جوال مها وكان احمد المتصل وردت عليه بعدها صارت تمسح دموعها..
    مها/انسي الموضوع.......انا كنت بس حاسة اني بنفجر لو ماقلت لااحد ومالقيت غيرك
    اقول لها؟؟؟؟؟
    يوم ماردت عليها هيفاء لفت وشافتها غرقانة بدموعها..
    مها/هيفاء.. شفيك؟
    هيفاء سوت روحها تبتسم وسط دموعها.....بس ماقدرت دموعها كانت اكبر من انها تخليها
    تبتسم....
    مها بخوف/شفيك؟؟؟لاتخوفيني عليك؟؟؟
    هيفاء/انا السبب يامها انا السبب!!!!لو كان محمد يكن لك مشاعر بيوم من الايام راح يخفيها
    بسبي؟؟انا عارفته زين....يمكن يشيلك من باله لانك معي......ويمكن طلاقي من خالد هو
    اللي فرقكم عن بعض!!!!!!كانت تتكلم وهي تشاهق...
    مها/شها الكلام ياهيفاء انا ومحمد عمره ماكان بينها شي علشان تفرقونه انتي وخالد؟؟
    هيفاء/بلى بلى يامها.....صحيح..اللحين بس تذكرت ذيك الايام محمد كان يشيل لك بقلبه
    معزة كبيرة...بس طلاقي طبعا هو اللي فرق بينكم..اصلا طلاقي خرب كل شي.....ابوي
    وعمتي..وجدتي وعمتي...وانا وعمتي..وانا ومحمد ..وخالد وابوي واخواني...وانتي
    ومحمد!!!!ياربي ليه كل الناس تفترق بسببي ليه؟؟؟؟؟؟؟
    محمد الوحيد اللي كانت دموعه مرافقته وهو يسمع كلامهم ويحس انه مخنوق ومو قادر
    يسوي شي بلحظته اخذ بعضه وطلع من البيت بسرعة....
    ************************************طلعوا مها وهند وعبدالله مع احمد السوبر
    ماركت.....
    عبدالله اخذها فرصة وكل شي يبيه حطه بالسلة والله يخلي الايسكريمات والشوكلاتات
    والدانيت طبعا!!!!
    وجو عند ثلاجة العصيرات والحليب....
    مها كانت بعيدة شوي...عبداللع حط له حليب الفانيلا المفضل عنده..
    هند تهمس لعبدالله علشان احمد مايسمعها/عبود..حليب جالكسي بالكلااميل...
    احمد ابتسم يوم شاف عبود يسالها بصوت عالي ولف للجهة الثانية كانه مو معهم....
    هند/حليب جالكسي عبود..اي هذا بعد جيب واحد ثاني.....
    احمد(يعني تحبين حليب الجالكسي يالمزيونة طيب انا بعد من اليوم بحبه!!!!)
    احمد/صديق جيب هذا كرتون حليب جالكسي...كراميل ها....
    عبدالله/لمنو؟يوم شاف الكرتون عند الهندي..
    احمد/حقي...انا احبه ليش انت ماتحبه..
    عبدالله يسال هند/انا احبه هند؟
    هند بقهر/انت في شي ماتحبه؟؟تحب كل شي؟
    احمد/ه شوي شوي عليه يابنت خالي تراني عمه وماارضى عليه...
    هند بعفوية/ياليتك ابوه يوم انك ماترضى عليه؟؟؟؟
    احمد وقف مكانه وصار قبالها/ان شاءالله يتغير كل شي ترى احنا بعد مو راضين عن ها
    الوضع يابنت خالي؟؟؟
    هند انحرجت/انا موقصدي...بس صعب الواحد يعيش يتيم وابوه عايش؟؟؟؟؟
    ***********رجعوا هند بيتهم مع عبدالله وظل احمد طول الطريق يلمح لمها بهند وانه يفكر
    فيها بس مها عاطيته اكبر طاف وماسمعت منه شي لانها كانت تفكر في بعيد؟؟؟؟في اللي
    ممكن تكون ردة فعل محمد بعد ماسمع كلامها!!!!!!!
    ////////////////////////////////////////////بعد صلاة المغرب جا اتصال لهيفاء وخلاها تلبس
    عبايتها بسرعة وتطلع...
    ام محمد/وماعرفتي منو اللي متصل عليها؟
    هند/لا
    ام محمد/ولا قالت لك وين رايحة؟
    هند/لا بس كل اللي سمعته انها قالت انتي متاْكدة من الاسم ومن الشخص؟وبعدها ماشفت
    وجهها؟؟؟
    ام محمد/وين بتكون راحت وهي ماعندها دوام؟؟؟؟قالت لي بطلع مستعجلة وماقالت لي
    وين؟؟؟هاذي اول مرة تسويها...ياترى وين رحتي ياهيفاء؟؟؟؟؟
    تبون تعرفون وين راحت هيفاء طبعا!!!!!!!!
    هيفاء كلمتها وحدة من البنات اللي يشتغلون معها بالمستشفى وقالت لها ان في واحد بقسم
    الاسعاف مسوي حادث باسم محمد السالم...وانها متاْكدة انه اخو هيفاء وهيفاء راحت طيران
    للمستشفى!!!
    كان فعلا محمد....بس ماكانت صدمته عويصى يعني شوية رضوض وجروح بس مافي
    شي خطير!!
    وهي قومت الدنيا وماقعدتها من شافته بالمستشفى صارت دموعها ماتوقف ورايحة جاية عند
    السسترات تشوف وش صار عليه وهو يوم شافها كان يبكي بدموع بس...حس انه
    متضايق..اصلا هو من سمع كلامهم هي ومها تضايق وطلع من البيت مو عارف شيسوي
    وتضايق وسوى الحادث!!!
    كانت واقفة قباله وهي تبكي....
    رفع محمد رساه ولقاها قدامه...
    هيفاء من بين دموعها.../ماتشوف شر ياخوي....
    محمد عجز انه يرد عليها وهي فكرت انه مايبي يكلمها وانه مستحي منها
    هيفاء/الحمد لله كلها اشياء بسيطة وسطحية بس بياخذونمنك اشعة علشان يتاْكدون ان مافيك
    شي...
    محمد/هيفاء....
    هيفاء قربت منه....
    ومسك يدها وصار يبكي اكثر /انا فخور فيك يااختي..ماقصرتي...عسى ربي يخليك...
    ماتدري لحظتها تبكي من الفرح ولاشتسوي بالضبط!!!!!محمد..معقولة..بعد سبعة شهور
    ...الله يامحمد...وينك يالغالي من زمان.....
    رفعت راسها ولقته يبكي ..صارت تمسح دموعه بيدينه..وهي تبكي اكثر منها..
    محمد/تسامحيني؟؟؟
    كان صوته مثل الاطفال يادوبه ينسمع بذيك اللحظو...
    هيفاء زادت دموعها...
    محمد/هيفاء...
    هيفاء/تصدق يامحمد...ماعمري حسيت بها الاحاسيس ابدا...كنت كل يوم من اشتغل اشوف
    بها الغرفة ناس بكل الاعمار ومعهم ناس عزيزة معهم...بس عمري ماتصورت انه احد من
    الغوالي اللي عندي يقعد بها السرير!!!صدقني طاح قلبي من شفتك..تمنيت يكون الخبر
    موصحيح او الاسم متشابه بس ماتكون انت ولا يكون صار لك شي؟؟؟؟
    الحمد لله يامحمد الحمد لله.....
    /////////////////////////////////////////////////////////////////////بعد يومين...
    الموقع/بيت العواد..
    الزمان/الظهر....
    جرس الباب اندق وطلعت جود تفتح..
    محمد/هلا جود...
    جود/هلا محمد...
    محمد/في احد بالبيت ولا..
    جود/عمر نايم ومرام تصلي واحمد مارد وخالد جاي بالطريق ومها بالصالة؟؟(ماظل شي
    ماقلتيه)
    محمد/طيب انا جايب لكم غذاكم....ادخله هنا ولابتسوين لي طريق ادخل...؟
    مها من ورى الباب/جودة من عند الباب؟؟
    وقف قلبه يوم سمع صوتها..
    جود دخلت /هذا محمد ولد خالي تعالي تفاهمي معه؟؟
    مها هي اللي وقف قلبها..
    وقفت ورى الباب..../هلا محمد..
    محمد/....
    مها/........
    محمد/........
    مها/(مها حست ان في شي صار او بالاحرى هو يبي يقول شي عن اللي صار في بيتهم)
    محمد/شلونك بنت عمتي؟
    مها بصوت دافي/بخير...
    رغم حرارة الجو والشمس الحارة بس محمد كانت عاجبته الوقفة.....
    محمد/شلون الاهل ..يكلمون كل يوم؟
    مها/الحمد للله بخير..يتصلون في اليوم اكثر من مرة..
    محمد/معناته مو واثقين بقدراتك يامها؟
    ماتدري ليش كان اسمها بها اللحظة حلو بين شفايفه..
    محمد/سويلي طريق بدخل الصينية داخل..
    مها/ليش الكلافة عاد انا اطبخ لااخواني كل يوم؟؟
    محمد/صحيح...معناه انهم محظوظين باهتمامك فيهم؟؟
    مها ماقدرت...(لاياربي ..معقولة هيفوا كلمته بالموضوع...مستحيل هو مايكلمها كيف بيسمع
    منها ها الشي؟؟؟انا يوم طلعت من الخيمة ماشفته يعني مو شرط انه سمع كلامنا كله!!!)
    محمد/ماراح تسوين لي طريق؟؟
    مها/خليه عنك وبدخله؟
    محمد/انتي ماتقدرين ثقيلة عليك؟
    مها/ممكن اطلب منك طلب..
    محمد/كان وده يقول امريني بس قال لها....نعم..
    مها/اذا فضيت اليوم تقدر تجيب عبود خاطري فيه واحمد مابيرد من الجامعة بدري اليوم؟
    محمد/ان شاءالله....
    خالد من ورى محمد/حياك داخل ليش واقف عند الباب؟
    مها وقف قلبها...ومحمد لف عليه بثقة/هلا خالد..زين انك جيت....امي دازة لكم غذاكم تعال
    شيله..
    خالد/تعال تغذى يوم انك واصل؟
    محمد/تسلم والله بس الجماعة هناك ناطريني؟؟؟
    كانت علاقة محمد وخالد شبه رسمية من طلق خالد هيفاء وها الشي ماكان عاجب الاثنين
    لانهم تربوا مع بعض ودرسوا مع بعض ومتعلقين ببعض!!!
    خالد/هاذي مو سيارة خالي؟؟؟وينها سيارتك؟
    محمد/سلامتك بس منصدمة وموديها اصلحها؟؟؟
    مها(سيارته منصدمة؟؟؟هيفوا ماقالت لي؟؟من متى؟؟؟؟بس يمشي من هنا بروح اكلمها
    اشوف الخبر)

    هيفاء/سالفة بعدين اقولك عنها؟
    مها/اللحين؟
    هيفاء/خلاص محمد وصل الببيت ولازم اروح تعرفين ان احنا كلنا نتجمع على سفرة وحدة
    وقت الاكل....
    مها/تقومين وتدقين علي بسرعة ترى مافيني صبر يابنت الناس؟
    هيفاء/ههه طيب بعدين بدق لك باي....
    **********************************في بيت العواد على طاولة الاكل....
    خالد/عمر كلم امك تقول من يومين ماسمعت صوتك؟
    عمر/لافضيت..
    خالد/خير ان شاءالله؟؟
    عمر سكت وماتكلم..خالد حبوب بس اذا ماهو رايق ولا انقال كلام مايعجبه يقلب الموجة
    بسرعة..
    عمر/اقصد..
    خالد/شتقصد؟؟
    عمر/اذا قمت من السفرة بكلمهم؟
    خالد/زين لاني فكرت اني سمعت شي ثاني؟؟
    جود/خالد ابي اروح جرير....
    خالد/احمد يوديك انا برد الشركة ومابرجع الا الساعة ثمان بالليل...
    احمد/الله يعين....مها شفيك ساكتة؟
    لفوا خالد واحمد ومرام على مها وهي انحرجت..
    مها/لا مافيني شي؟
    خالد/شلون مافيك شي ؟شوفي صحنك ماكليتي منه شي؟؟ماعجبك اكلهم..
    مها/ها..لا انا بس كنت متريقة متاخر وحاسة اني مو جوعانة..
    مرام/ياكذبك؟؟؟من جيت من المدرسة وانتي قومي خلصي بسرعة بموت من الجوع ابي
    اكل وانتظركم واخرتها تقولين مو جوعانة؟
    مها/ههه كنت ابيك تخلصين بسرعة...الا يوم انك هنا ياخالد بغيت اقولك شي قبل لاتنام...
    خالد/خير..
    مها/اول قول لي شسويت بهدية صاحبك؟
    خالد سكت شوي وهي تناظره وهم مو فاهمين شي بس ساكتين....
    رفع خالد عيونه لها/علقتها مثل مايبي...بس احاول اني ماارفع راسي علشان اشوفها!!!
    مها/المهم انك علقتها....
    خالد/مااقدر اخسره على حساب هالولد؟الا انتي شكنتي تبين تقولين؟
    مها/انا قلت لمحمد ولد خالي يجيب عبدالله لنا اليوم من زمان ماشفناه؟
    خالد/قبل يويمن كنتي رايحة معه البقالة وين من زمان ماشفتيه؟
    جود/الله عبادي بيجي عندنا..
    خالد/عموما انا بقوم انام اللحين ووقت اللي بيجي حضرته بكون رحت الشركة يعني ماني
    محتك فيه؟؟؟
    قام من على السفرة وهم يناظرون فيه بس كلا على طريقته!!!!!!
    ********************************************هيفاء/وهاذي السالفة كلها..
    مها/وليه ماكلمتيني قلتيلي؟
    هيفاء/ماكنت ابي اخوفك عليه قلت لاجيتوا يوم الخميس بقولك؟
    مها بفرح/يعني محمد خلاص صالحك؟
    هيفاء بفرح/ماتدرين شقد انا فرحانة؟صاير البيت عندي كنه يوم العيد.....
    مها/طول عمره قلب حنون ومايحب يزعلك ..عسى ربي يخليه..
    هيفاء بخبث/ها...قلبنا الموجة!!!!!ليش تدافعين عن اخوي؟؟
    مها/بلا بياخة؟؟؟
    هيفاء/ههه اشوف بالفترة اللي راحت ماكنتي تجيبين طاريه ابد بس اللحين خلاص قطيتي
    الميانة؟
    مها/لاقطيتها ولاشي....بس...المهم عبود بيجينا ولالا؟
    هيفاء/انتي خططتي مع حبيبي القلب وخلصتي بعد ليه تسالين؟
    مها/يعني هو جايبه اللحين؟؟؟
    هيفاء/تلاقينه وصل...
    مها/يالله باي باي..بقوم افتح له الباب......
    سكرت من هيفاء وقامت عند المراية تتكحل ويعدها تعطرت ونزلت عبايتها معها....
    وقعدت بالصالة تنتظر ماكان فيه احد غير جود اللي تشاهد ومرام اللي حاطة كتبها وهي
    نايمة على الكنبة....
    انتظرت انتظرت انتظرت....لين ملت وقامت تكلم هيفاء تسالها عن محمد لانه تاْخر صار
    لها نص ساعة من قالت انه طلع يجيبه مو معقول ماجابه للحين ومايصير هيفاء تكون كذبت
    علي لانه محمد المفروض انه يكون رجع الدوام اللحين...
    توها بتقوم تكلم الا باب الصالة ينفتح ويدخل منه عبدالله..
    مها بفزع/عبود من جابك؟
    عبدالله/محمد ..خالي..ماهو خالد؟
    مها/طيب كيف دخلت؟
    احمد/انا كنت طالع ومحمد جايبه اخذته معي وردينا اللحين؟
    مها استحت على طولها من ها السؤال لانها ماشانتبهت لوجود احمد اخوها يوم ينفتح الباب
    ويدخل عبدالله..وحست بخيبة امل مامثلها وهي اللي قاعدة تنتظره!!!!!!!!
    ******************************************الليل... .
    جود/خالد..
    خالد كان يشتغل على لاب توبه.../نعم..
    جود/بكرة لازم نروح بيت جدي؟
    خالد رفع عيونه وناظرها لقاها واقفة وماسكة يد عبدالله وعبدالله كان يناظره بدون
    مايتكلم!!!!
    نزل عيونه على كمبيوتره.../ليش تساْلين؟
    جود/لاني ماابي اروح...
    خالد/ليه...
    جود/ابي اروح بيت خالي علشان نلعب انا وهبة وسارة وعبادي..في بيت جدي ماحد كبري
    يلعب معي؟؟
    حالد/طيب انتي روحي اللحين وبعدين نشوف...
    جود/فكر على راحتك بس اهم شي في النهاية مااروح بيت جدي!!!!!يالله عبادي امشي
    نكمل لعبتنا....
    خالد/انتي خلصتي مذاكرة؟
    جود/من اول مارجعت من المدرسة ذاكرت مع مها...
    خالد/اممممم
    عبدالله رفع اصبعه واشر على خالد/بابا....
    سكت خالد مرة وحدة وماعرف يرفع عيونه له مايدري ليه!!!!!!!
    جود/يالله عبادي خلنا نروح نكمل لعبتنا....
    عبدالله باصرار/بابا....
    خالد بعصبية/جود اخذي وروحوا لعبوا بعيد انا قاعد اشتغل؟؟
    جود/طيب..مسكت يد عبدالله اللي قعد يبكي وطلعوا للحديقة....
    وحدهم مها واحمد كانوا يناظرون الموقف من باب المطبخ بدون مايشوفهم خالد..
    مها بالم/حرام عليك ياخالد والله حرام....
    احمد/المشكلة يامها ان عبدالله عارف ان خالد ابوه!!!!
    مها/فاتن تقول انه شاف صورة خالد عند هيفاء وسالها منو هذا وقالت له بابا..
    احمد/الله يسامحك ياخوي.....احد عنده ها النعمة ورافضها!!!غيرك متحسر عليها
    ياخوي!!!!!
    ******************************************طلع الحديقة وهو متعكر مزاجه للاخر
    من كلمة عبدالله ؟؟؟؟
    ظل واقف يناظر بالسماء وهو مو عارف يفكر بشنو بالضبط!!!!كلمة بابا غيرت نفسيت
    للاخر ...بابا..معقولة دخلت الكلمة قلبك ياخالد....!!!!!لا مااظن بس يمكن لاني سمعتها منه
    مباشرة وهو واقف قبالي!!!!!
    صار يمشي خطوة ويرجع الف لورى...لين قرر في النهاية انه يدخل ويشوف عبدالله وهو
    لاف بيدخل لقى احمد حامل عبدالله وطالع معه ومبين انه بيرده لاامه....لف للجهة الثانية
    بسرعة قبل لاتجي عينه بعينه مرة ثانية ويسمع منه ها الكلمة من جديد وما كاْنه توه رايح
    يشوفه!!!!!!!!!
    ****************************************
    اليوم الثاني مشى ببطء...ومافي أي احداث
    تذكر.......هواش الجدة مع لاليوه الزفت هاذي روتين يومي وماتذكر!!!!
    يوم الخميس.......
    عادل/انت ماتقولي ليه جاي اليوم الشركة واليوم ماعندكم دوام!!!!ولاتبي تصير المدير
    المثالي؟؟؟
    خالد تنهد بدون مايرد عليه..
    عادل/خالد شفيك؟
    خالد/متضايق...
    عادل/من شنو؟
    خالد/مدري ..بس قبل يومين عبدالله كان عندنا با البيت وقال لي بابا؟
    عادل بفرح/صدق!!!!منو قال له انك ابوه؟
    خالد/مدري بس اكيد امي واخواني.....
    عادل/وانت ليه متضايق؟
    خالد ماعرف شيقول وفضل انه يظل ساكت...
    عادل/خالد انت متضايق علشانه قال لك بابا؟
    خالد/اول مرة اسمعها ومدري شصار لي يوم سمعتها؟
    عادل/ان شاءالله مو اخر مرة؟؟؟؟انت بس مو متعود عليها وفجاْة جاتك الكلمة....شحسيت
    يوم سمعتها ياخالد؟
    خالد مالقى جوابه للمشاعر اللي قاعدة تحوس بداخله غير انه رفع عيونه للصورة عبدالله
    وقام يطالعها!!!!!!
    **************************************هند/هيفاء...
    هيفاء/هلا....
    هند/تتوقعين الليلة خالد يجي مع اخوانه؟
    هيفاء/مدري بس ليش تساْلين؟
    هند/كذا بس...سمعت جدتي تقول اذا خالد ماغير هوى الرياض بيجي معهم...
    هيفاء/هههههه غيره هوى الرياض شها الكلام؟؟؟ماهو جا من قبل اسبوع هنا؟
    هند/أي بس كان مع عمتي..الليلة عمتي ماهي هنا؟
    هيفاء/والله اذا بيجي هذا بيته وماحد راده عن دخلته؟واذا مابيبجي .............بكيفه؟ماراح
    نترجاه علشان يدوس بيتنا!!!!
    هند/هيفاء....اقدر اساْلك سؤال وماتزعلين مني؟
    هيفاء ناظرتها وكاْنها عارفة الشي اللي بتقوله..
    هيفاء/قولي بس يكون بعلمك خالد ماعاد يحسسني بشي وانا بكون اقوى من خالد وهجرانه
    ومن كل الظروف؟
    هند/انتي....انتي تكرهين خالد؟
    هيفاء توقعت أي سؤال عن خالد تساْلها ايه الا ها السؤال؟؟؟؟؟
    شتقول ولابشنو تجاوبها؟؟؟تقولها اكره الرجال الاول والاخير بحياتي؟؟؟؟اكره ولد عمتي
    واللي ربى معي بحضن واحد؟؟؟؟اكره الساعة اللي كنت فيها زوجته وماكان يبالي غير بانه
    يملي عواطفه مني بدون مايكلف على خاطره يقول لي كلمة حلوة؟؟؟اكره اني صرت ام
    لولده اللي طلع نسخة مصغرة عنه؟؟؟؟؟اكره الانسان اللي ماعنده ذرة انسانية وانهى حياتي
    وانا بعدني وردة مادخلت العشرين سنة!!!!!احتارت شتقول وهي مو متاْكدة للحين من
    مشاعرها...
    هند/صعبة الاجابة؟
    هيفاء رفعت راسها وادركت انها اخذت وقت طويل وهي تفكر..../ماهي صعبة بس ماابي
    اكون متسرعة بالرد؟
    هند/ويبيلها تكونين متسرعة ولالا؟المفروض انها تكون واضحة؟؟
    هيفاء/هند...خالد يوم تزوجني تزوجني علشان عمتي كانت تبي كذا!!!!ويوم طلقني طلقني
    لانه ابوه يبي كذا!!!!!!!
    هند/أي بس خالد ماهو صغير امه تقوله تزوج وابوه يقوله طلق ياهيفاء!!!!
    هيفاء/عارفة انه ماهو صغير...بس يوم عمتي خطبتني له..خالد ماكان متقبلين كان يعتبرني
    مثل اخته مها لااقل ولااكثر؟؟وماقدر يعيش معي كاْن زوجي...(قالتها وهي عارفة انها
    تكذب على مشاعرها ها المرة كيف كانت علاقتي بيه كاْنه اخوي وهو ......) يعني ماقدر
    ياْقلم نفسه بوضعنا ابدا..وبعدين السبب الاول والاخير لطلاقنا هو عمي ابو خالد...هو اللي
    يبيه ياخذ بنت عمه!!!وطول الوقت يزن باْذن خالد انه ياخذها وهي طبعا ماكانت تبي
    شريكة معها؟؟؟فابسط حل عند ابوه انه يقوله يطلقني....علشان ياخذ بنت عمه؟
    هند/يعني ابوه هو السبب؟
    هيفاء هزت راسها بنعم...
    هند/......
    هيفاء/اذا تبين الصدق انا اكره ابوه اكثر مما اكرهه...قال كل شي بالدنيا عنده ولاامه
    ولاابوه...مايحب يزعلهم...وعمي صار يضغط عليه بالقوة ودايما يسوي روحه زعلان
    ومتضايق وكان يقولها بوجهي طلقها وخذ بنت عمك!!!!يمكن خالد كان مسير ورى رغبة
    اهله اكثر من عواطفه...بس على كلا ماعادوا يهموني كلهم لاهو ولااهله..عندي عبدالله
    غانيني عن الدنيا كلها!!!
    هند/بس ياهيفاء عبدالله ولده واكيد يذكرك فيه دايما!!!!!صح ولا انا غلطانة يعني ماتقدرين
    تنسينه للابد؟
    حمدت ربها هيفاء بها اللحظة ان محمد جا يكلمهم علشان تنتهي من ها الموضوع؟؟؟؟
    ///////////////////////////////////////////////////////
    الليل وعند باب بيت السالم دخلوا احمد ومرام وجود وعمر ووقفوا مها وخالد..
    مها حست بتردد خالد/شفيك خالد؟
    خال/ها..ولاشي...
    مها/ماني مصدقتك؟
    خالد/لازم ادخل..يعني ...احس انهم مابيرتاحون بوجودي بينهم!!!
    مها بحزم/خالد ها البيت رباك وانت صغير وكبرت بوسطه!!!!مهما سويت بيظلون يحبونك
    ويحترمون وجودك معهم ولاعمرهم بيقللون من قيمتك واحترامك!!!!!الا اذا كنت انت
    ماتبي تكون بوسطهم...
    خالد/مدري بس يوم جيت مع امي ذاك الاسبوع حسيت انهم مو مرتاحين من قعدتي؟
    مها/انت مطلق بنتهم ياخالد !!!!ومع ذلك سكتوا وماعتبوك على اللي سويته تدري
    ليش؟لانهم ولان كرامتهم اغلى من انهم يهينون شخص عاش بينهم وماصانهم بلحظة
    وحدة؟؟عموما خالي دايما يقول خالد ولدي وانا اللي مربيه بس الشيطان لعب براسه وخلاه
    يسوي اللي سواه...ترى مافي اطيب من خالي ياخالد لولفيت العالم وبيزعله اكيد انك توصل
    لباب بيته وماتدخل؟
    *********************************************يوم دخلوا عيال عمتها كانت هيفاء
    بالخيمة اللي بالحديقة تجهز عدة الشوي وطبعا كانت بعبايتها ومعها عبدالله..ماتدري ليش
    انقبض قلبها يوم دخلوا وماجا معهم خالد!!!هي ماتبي تشوفه بس عبدالله من رجع من عندهم
    قبل يومين وهو يقولها انه شاف البابا..وحست انها متضايقة انه ماجا..اكيد مايبي يشوف
    عبدالله!!!!
    مها/هاااي يالسرحانة؟
    رفعت راسها ولقت خالد وجنبه مها وكان خالد يناظرها....
    هيفاء/اهلا..ماانتبهت كنت ارتب العدة علشان بيطلعون يشون....الباقي داخل لاتوقفون
    بالحر؟؟؟
    عبدالله/بابا..ماما هيفاء شوفي بابا؟
    مها حست ان وجودها هنا بيسبب بركان..بس بعد اذا راحت يمكن يكون فيه
    زلزال..واحتارا توقف لو تروح؟؟واختارت انها تمشي..رغم ان كلمة عبدالله كسرت
    خاطرها.......
    عبدالله يهز امه/ماما شوفي بابا خالد مثل اللي بالصورة؟
    لو رفعت راسها بيلمح خالد دموعها بعينها وهي ماتبيه يشوف انها من دونه ذليلة!!!بسك
    ياعبدالله لاتعيدها ابوك قلبه صخر ومايحس حرام عليك لاتعذبني وانت تقولها وهو مو مهتم
    لها!!!!
    عبدالله راح لخالد اللي بعده واقف مكانها ماتحرك وهو حاس بشي غريب قاعد يصير له....
    مسك عبدالله يده....
    عبدالله/بابا خالد ماسويت سلام؟
    خالد تنحنح....
    هيفاء بدون ماترفع راسها/عبود تعال؟
    خالد كان هذا الشي اللي يبيه..انه يسمع صوتها ليش مايدري؟؟؟
    خالد/قولها اسمي عبدالله مو عبود؟
    عبدالله يكلم امه بصوت عالي وكانه فخور ان ابوه عطاه وجه/اسمي عبدالله مو عبود؟
    لف على ابوه اللي كانت عيونه بعيون هيفاء/بابا وديني الالعاب؟
    هيفاء في بالها(والله ان ماسكت اللحين ياعبود الا اذبحك خلاص كافي!!)
    خالد بدون اهتمام اللي ذبح هيفاء/بعدين...
    عبدالله بتذلل/متى؟
    خالد بدون نفس/بعدين بخلي عمك احمد يوديك؟
    هيفاء/عبود تعال هنا؟؟قالتها بعصبية ورفعت راسها لقت خالد يناظرها..
    عبود بدى يبكي/لا ابي اقعد عند بابا خالد؟؟
    هني صارت الوهقة عند الاثنين هيفاء تبيه يجي ومايكلم خالد لايفشلها!!!وخالد مايبي يرد
    عليه او يكلمه!!!
    بس خالد حس باحساس غريب نوعا ما..اول مرة يحسه..حس انه وده يقهر ها الهيفاء اللي
    شافت نفسها بها السنتين!!!لازم يكسر كلمتها؟؟؟؟؟
    هيفاء ماعطت خالد مجال وقفت ومسكت يد عبدالله بتدخل معه...بس خالد يوم شافها ماسكته
    هو بعد مسك يد عبدالله.....
    هيفاء/خير ان شاءالله؟
    خالد/نعم..في خدمة؟
    هيفاء/اترك يد ولدي؟
    خالد/يصير ولدي بعد؟
    هيفاء تخصرت/ياسلاممممممم...من متى ان شاءالله؟
    مارد عليها خالد واكتفى انه يناظرها بس ويشوف التغيرات اللي صارت فيها؟
    هيفاء/متى اكتشفت انه ولدك ياخالد؟
    خالد حمل عبدالله بدون مايناظره ومشى...وبدون مايلف عليها قال.../انا مااكتشفت الاوراق
    الرسمية تقول كذا؟؟؟؟؟
    *************************************هنادي تهمس لمها/خالد تقبل وجود
    عبدالله؟معقولة؟
    مها وهي تناظر بخالد اللي مقعد عبدالله بحضنه وهو مو جايب له طاري/تصدقين علمي
    علمك ياهنادي؟؟؟قبل يومين ماكان متقبله...بس سبحان الله مدري شصار؟
    هنادي/الله يصلحه ان شاءالله..ولا احد عاقل بها الدنيا عنده ولد حبوب مثل عبود
    ومايحبه!!!ماله حق بصراحة؟
    مها/هنادي...هيوفة مادخلت..شتسوي في الحديقة بروحها؟
    هنادي/بروحها..لا مااظن اذا لاحظتي في شخص مو موجود معنا رغم انه كان موجود بس
    شكله معها؟؟؟

    في الحديقة وتحديدا عند عمود الخيمة كانت هيفاء واقفة ومتسندة على العمود ومغمضة
    عيونها....
    محمد/احم احم احم...
    فتحت عيونها وهي شبه مفزوعة وبس شافت محمد ابتسمت... واعتدلت في وقفتها..
    محمد بحنية/نعسانة روحي دارك ونامي لاتنامين علينا وانتي واقفة!!!
    هيفاء تنهدت..
    محمد/فيك شي؟
    هيفاء/لا..
    محمد/بصراحة وبدون لف ودوران مضايقك وجوده هنا؟؟؟
    لفت هيفاء وجهها للجهة الثانية/لا عادي...وجوده مايشكل أي شي بحياتي!!!
    محمد/وليش قاعدة هنا بروحك ياهيفاء؟
    هيفاء/مدري يمكن سرحت شوي وانا واقفة لاتشغل بالك اللحين بدخل؟
    محمد/هيفاء متاْكدة مافيه شي؟
    هيفاء/أي متاكدة انت لاتشغل بالك...
    محمد/طيب خلينا ندخل.....
    وقفت جنبه ومشوا مع بعض بشويش.....
    هيفاء وقفت ولف لها محمد لقاها تناظره....
    محمد/شفيك؟
    هيفاء/محمد....معقولة خالد ياخذ عبدالله عنده؟؟؟؟
    محمد سكت.......
    هيفاءبخوف/شنو؟
    محمد/واذا اخذه ياهيفاء شبيصير!!!يظل عبدالله ولده؟
    هيفاء ناظرته بخوف وبدت دموعها تتجمع بعيونها..
    محمد/هيفاء...الولد بالاول وبالاخير ماله غير ابوه..
    قاطعته هيفاء باشارة من يدها/لاتكمل يامحمد لاتكمل؟؟؟ياليتك ظليت ساكت ولاقلت ها
    الكلام اللي مثل السم!!!!!!
    محمد/انتي ماتقدرين تمنعينه؟
    هيفاء بقوة واصرار/ماراح ياخذ لو حلم بالموت!!!!هذا ولدي يامحمد ولدي!!!ولدي بروحي
    انا اللي حملته وولدته وربيته وكبرته...صحيح ماكنت حاسة بالامومة معه من البداية بس انا
    متعلقة فيه وكل مايجي يوم اعوضه عن الايام اللي فاتت...بس خالد لا والف لا!!!ماله شي
    من خالد...ماله غير الاسم وبس!!!!!
    **************************************ام عبدالله/ومتى بيردون الاهل ان شاءالله؟
    خالد/ان شاءالله ها الاسبوع...
    ابو محمد/مااخذوا راحتهم..انا قلت لااختي لاتحاتين العيال كبروا وشايلين اعمارهم بس
    عيت مارضت الاتجي ها الاسبوع...
    خالد/انا قلت لها روحي اسبوع جدة وش بيضرك بس ماهي راضية تقول ايام الاختبارت
    ماتحب تكون غايبة عن البيت....ان شاءالله بالصيفية تعوضها بسفرة اطول..
    ابو محمد/ان شاءالله..
    ام عبداللله/مابيستوي عشانا يابو محمد؟
    ابو محمد/يالله ياعيال قوموا طلعوا جدتكم جاعت مافيها صبر؟
    الجدة/أي ووالله اني مافيني صبر اكلتي من بعد صلاة الضهر للحين قاعدة بجوعي؟
    مشاري بسرعة/جدتي!!!!حطي عينك بعيني اشوف!!!!انا يوم اني شفت هيفاء جاية من
    دوامها العصر وحاطة لها دلة القهوة والتمر لقيت معها تاْكلين!!!!!رحت ورحت ورحت
    وبعدين شفتك عند الثلاجة تاكلين دانيت عبود!!!!!!وين اللي جوعانة شوي وتشربين
    البيبسي حقي!!!!!!
    ام عبدالله وقفت/زين...زين يامشاريوه تراقبني!!!!ماابي عشى بنام بجوعي الليلة وخلها
    بذمتك؟؟؟؟
    ابو محمد/يامشاري زين كذا يوم زعلت جدتك!!!قوم راضها بس!!!
    مشاري/ههه يبى وانا شقلت هاذي الحقيقة؟
    خالد/ههههههههههههههه جدتي ماتهون عن سوالفها؟؟
    مشاري/ههههه تصدق ياخالد مسوية افلام مرعبة لنا واكشنات ماتتخيلها...
    خالد/ههههههه يالله عاد شوي شوي عليها ترى ماارضى عليها؟
    مشاري/واااع هذا ذوقك ياخالد جدتي!!!!والله انك اثبت انك مو صاحي اللحين احد يحب
    جدتي؟؟؟؟؟؟
    محمد/اقول لايكثر بس وقوم ساعدهم يالله؟
    لفوا خالد ومشاري على محمد اللي توه داخل..وكان ابو محمد طلع مع عمر واحمد
    وماانتبهوا لهم وهم يضحكون.....
    مشاري/راحت عليك جدتي يامحمد؟؟سوت اكشن جديد وقالت انها زعلانة وماتبي عشى
    وبتنام بدون عشى الليلة؟
    محمد قعد جنبهم/اعطيني مليون وماراح اصدق؟؟؟
    خالد/هههههه
    محمد/تلاقيها خاشة لها شي بدارها وتبي تاكله وماعرفتت تتحجج وبغتها من الله وقامت
    تاكله...
    مشاري/شلون راحت عن بالي هاذي بالله؟؟؟؟
    خالد/من صدقكم انتوا؟
    مشاري/قوم معي علشان تتاْكد بنفسك؟؟
    خالد/وين بتروح؟
    مشاري/بقتحم عليها غرفتها؟؟؟اكيد انها تاْكل اللحين ها الزعلانة؟؟؟
    خالد/وافرض انها مارضت تدخل او مافتحت لك الباب وخلته مقفل؟
    مشاري/خالد منت صاحي؟؟؟جدتي ماتقفل الباب تخاف تموت والباب مقفل عليها وبعدين انا
    مااستخدم معها سياسة لو سمحتي انا عند الباب؟؟ماتشوفني الا اعصار داخل لها؟؟؟



    البارت الثامن,,,,,
    هنادي/تصدقون ظلمته؟
    مها/لا مانصدق؟؟؟انا عن نفسي مااصدق؟
    هنادي/كان يفكر انه يسوي مشروع وانا ظليت مزعلة نفسي وقاهرة نفسي على الفاضي؟
    مها/ولو ما كان المفروض يبيعه ومايقولك ...حتى لو كانت نيته زينة مثل ماتقولين يعني
    انتي شريكته والمفروض كل شي يكون بينكم مو يسوي الشي وبعدها يعطيك خبر..يعني
    لايشاور ولاهم يحزنون؟
    هنادي/مهاوي!!تبين تخربين بيني وبينه!!!قلت لك انا ندمانة اني تسرعت وزعلت وماسالته
    عن السبب؟
    مها لفت على هيفاء اللي كانت ساكتة وماعلقت بشي/سمعي اختك شتقول؟؟انا مدري لمتى
    بتظلين كذا طيوبة قلب ياهنادي؟؟؟؟
    هنادي/هيفاء...شفيك سرحانة؟
    هيفاء/ولاشي..
    مها/منو مزعلك؟
    هيفاء/ما احد..
    مها/وليش صافنة ها الصفنة ومالك خلق شي؟؟؟
    هيفاء/عادي مافي شي بس كنت افكر كذا بموضوع ..لاتشيلون هم...شكنا نتكلم فيه؟
    //////////////////////////////////////////////////////////////وصلوا عند غرفة الجدة بعد مااخذ
    مشاري طريق لخالد ووقفوا عند الباب..
    خالد بشويش/انا اقول لاتفتحه بقوة يمكن ماتكون تسوي شي وتكون انت الغلطان افتحه
    بشويش احسن واضمن؟؟
    مشاري بنفس الهدوء/شورك وهداية الله....
    دخل مشاري على اصابعه ووراه خالد وعبود اللي كان مثل ذيل خالد..ولقوا الجدة مدخلة
    راسها تحت السرير واستغربوا ....بس تحت السرير ظلمة ومابيشوفون...
    خلوا عبود يدخل راسه لانه اصغر منهم وماسمعوا الاصرخة عبود ووراها صرخة
    الجدة!!!!!!!!!!!!!
    ///////////////////////////////////////////////////////////////مرام/تعالي نطقعد بالخيمة نسولف مع
    خالي...
    هند/أي بس استحي احمد هناك وخالد...
    مرام/لا ماهو هناك خالد شوفي..ولا محمد بعد..كاهو محمد واقف عند الباب يكلم...ولا
    مشاري هنا..مافي غير عمر واحمد..يالله احمد اللحين بيروح لربعه الليلة الخميس وهو
    مايطول هنا يروح يسهر مع اصحابه....
    هند/أي بس انا استحي...
    مرام/يالله امشي ابوك موجود شمنه تستحين؟
    تقدموا هند ومرام وطبعا كانوا لابسين عبيهم ومتنقبين لان محمد مايرضى يقعدون كذا بدون
    نقاب على وجوهم طبعا عدا هيفاء ..وبيت عمتهم اذا جاوا لهم البيت يتنقبون مثلهم....
    مرام/يعطيك العافية خالي..
    لف لها ابو محمد/الله يعافيك يابنيتي.....مرام صح؟
    مرام/أي.....
    ابو محمد/مشاءالله صرتي عروس؟
    مرام/خالي لاتحرجني....
    كان احمد يعدل بالاصياخ على المشوى وهو كل شوي يرفع عيونه ويسرق منها
    نظرة....كانت بالنسبة له حلم مابيتحقق ابدا بس مع ذلك فضل انه يظل يحلم فيه.......
    هند/يبى..
    احمد اللي رفع راسه قبل خاله وانحرجت هي يوم شافت احمد يطالعها....
    ابو محمد/خير يبى؟
    هند تلعثمت في البداية/كنت اقول...يعني...
    ابو محمد/وش فيك؟
    رفعت راسها تشوف احمد بعده يناظرها لولا لقته بعدها يناظرها..لفت على الجهة الثانية...
    هند/بعد مانخلص الامتحانات بتحج لنا الشاليه مثل ماوعدتنا؟
    ابو محمد/بعد ماتنجحون يبى؟
    هند بحزن/يبى بعد الامتحانات مو بعد النتيجة؟؟مايصير؟
    احمد/ليش ماانتي واثقة من نفسك بتنجحين؟
    هند بخوف من احمد ومن نظراته/بلى..
    احمد/معناته ضامنة الشاليه.....
    مرام/خالي احسب حسابي ترى بكون معكم...
    ابو محمد/وانت ياعمر بتكون معنا؟
    عمر الوحيد اللي كان ساكت ومو جاي باختياره كان نسخة مكررة من ابوه في كرها لبيت
    خاله يجي بس كذا تحصيل حاصل...سكت ومارد على خاله مثل مايسوي دايما!!!!!
    ///////////////////////////////////////////////////////////////////
    الجدة بصراخ/لحقوا علي شبح تحت فراشي!!!
    خالد/جدتي هذا عبود؟؟؟؟؟
    رفعت راسها ولقت خالد...../شتسوي انت مع ولدك بداري؟؟؟
    خالد/ها..انا جاي ...صوت عبدالله للحين يبكي وخالد كان يناظره ويناظرها وهي في قمة
    عصبيته...
    الجدة/ووجعة شكنت تسوي بغرفتي ياخلود؟؟
    خالد/جاي اصالحك انا؟؟
    مشاري نزل لمستوى عبدالله..
    مشاري بحنية/عبود شفيك؟؟ليه تبكي؟؟
    عبدالله طلع نفسه من تحت السرير وهو يصارخ مو بس يبكي..كان بيده كيس الا كل اللي
    شراه امس من البقالة وكان يدوره طول اليوم وهم مفكرين عليه انه اكله كله وناسي وهو
    مصر انه ماشافه يوم كان يشاهد؟؟؟اللحين عرف سر اختفاء الكيس....شيبساته وبرنجلزه
    وشوكلاتاته وحلوياته كلها راحت...وقعد يبكي ويصارخ انه يبيهم ويضرب رجله بالارض..
    مشاري/حشى لله مو صاحية سارقة اكل الولد ويوم يسال عنه ماتكلمتي؟؟؟؟شيسكته اللحين؟
    الجدة بخوف/مشاري واللي يعافيك روح معه البقالة بالسرعة واشتري له اللي يبيه؟
    مشاري بدت روحه الشرانية تطلع/اولا فلوس ماعندي يعني لازم اروح اطلب من هيفاء
    وهيفاء بتسالني ليه ابيهم ها الحزة واحنا بنتعشى؟؟؟واذا عرفت انك اخذتي كيس ولدها
    واكله بتطيحين من عيونها ياجدتي؟؟؟ثانيا/حتى لو افترضنا اني باروح اشتري له هذا في
    حالة انك تعطيني مغريات طبعا لااروح انشر الخبر واطلع جوالي واصورك وافضحك
    بالتلفزيون فعبدالله ورث من ابوه خلود صفة ذميمة جدا وهي انه بمجرد يبكي مايسكر فمه
    اصلا يظل يبكي طول الوقت ولو شنو تعطينه؟؟؟؟؟
    خالد كان يناظر في مشاري وهو شاك بانه يقصده ولف عليه مشار وقال بثقة/طبعا انت
    المقصود لاتخاف!!!
    الجدة بترجي/خليه هنا معي بالدار لين تروح وترد ومابيدرون عنه؟
    مشاري/من وين....
    الجدة قامت بسرعة ورفعت مخداتها وطلعوا الفلوس وزاغت عيون مشاري...بس في لحظة
    سكرتهم ولفت لخالد/اقول يمه خالد انا ماعندي فلوس اللحين تقدر تعطي مشاري سلف
    وبعدين بالعيد اردهم لك..
    حاول خالد انه يكتم ضحكته بس بعد ما مشاري فطس من الضحك ماقدر انه مايضحك..
    خالد/ههه ان شاءالله ولايهمك..
    فتح محفظته وعطى مشاري الفلوس...
    مشاري/خلاص عبود بروح اشتري لك زين لاتبكي خليك هنا بروح بسرعة وبرد زين؟
    عبدالله/لالالالا
    مشاري/يالله عبود لاتبكي ترى اذا بكيت بكرة مااروح معك نلعب كورة؟؟
    طلع مشاري وجا خالد بيطلع..
    عبدالله/بابا خالد...
    خالد كمل طريقه وكاْنه مايسمعه...
    عبدالله/بابا خالد.....
    الجدة بحزم/خالد!!
    وقف خالد مكانه...ولف لجدته...
    الجدة بحزم وكانها انسانة ثانية/ماتسمعه يناديك؟
    خالد بضيق بعد ماانتهى وقت اللعب والضحك ودخل وقت الجد/وش تبين مني اسويله؟
    الجدة/كلمه!!ساله شيبي!!!لعن بودارك انت صدق متبري منه وماتبيه!!!
    خالد بانفعال/جدتي انا ماقلت ها الحكي ولاتقوليني ايه؟؟؟
    الجدة/صحيح انت ماقلته بس هي قالته وكانت صادقة فيه؟؟؟
    خالد/نعم!!!!!هي قالته؟؟؟ياسلام..وش قالت بعد؟؟؟
    الجدة/وش فيك تصارخ كذا؟؟؟
    خالد/هي ليش قالت كذا بالله؟؟؟علشان تستدر عطفكم وحبكم؟؟؟هي وش عرفها اصلا انا
    وش ناوي عليه ولا مشاعري بتكون ناحيته شلون؟؟؟
    عبدالله/بابا..
    خالد/روح انت زين بعد ماني فاضي لك؟؟؟؟
    ///////////////////////////////////////////////////////////////طبعا بتدور احداث الليلة كلها داخل
    بيت بومحمد.,,,,

    كانت هيفاء الوحيدة اللي قاعدة معهم بجسدها مو بعقلها وتفكيرها!!!!!
    كان فكرها مشغول ومو فاضي ابدا لسوالفهم لانه كان يفكر بشي اهم خالد وتصرفاته معها
    الليلة وككيف كانت لهجته وهو يكلمها!!!خالد عمره ماحبها بحياته ولاراح يحبها ولاهي بعد
    تحلم انها تكون بيوم من الايام حبيبته!!!!!
    صحيح قبل لايتزوجون كان يعاملها مثل مها كل مالتقوا بس يوم انهم تزوجوا تغيرت
    الامور بينهم بشكل مو طبيعي..خالد صار انسان ثاني يكرهها او بالمعنى الصحيح يرفض
    وجودها بحياته علشان يرضي ابوه!!!!!
    وعبدالله بعد!!!عبدالله مايل لاابوه وهذا الشي اللي ماتوقعته......معقولة انه ياخذه معه!!!!لا
    ابدا مو معقولة!!خالد اصلا ماهو متقبل وجود ولد له بالدنيا يقوم ياخذه عنده!!!لا هاذي فكرة
    مستبعدة جدا بس الاهم من هذا كله انه عبدالله ما يتعلق فيه....
    مها كانت راكعة عند ركبة هيفاء وبالموت انتبهت لها هيفاء...
    هيفاء بخوف وفشيلة/شفيك؟؟
    مها بتشكيك/انتي اللي شفيك؟
    هيفاء باندفاع/مافيني شي؟
    مها/متاْكدة؟
    هيفاء/أي..
    مها/شصار بينك وبين خالد يوم تركتكم مع بعض؟؟؟؟
    هيفاء لفت وجهها للجهة الثانية وتنهدت..
    مها بحنان/هيفاء..
    قاومت دموعها ...ماكانت تبيهم ينزلون والكل يعرف ان خالد يحتقرها ومو طايق يشوفها...
    مها/خالد زعلك بشي؟
    هيفاء بثبات/لا..
    مها/احلفي؟؟
    هيفاء/ما انتي واثقة من اخوك يامها؟
    مها/مدري بس سرحانك اليوم مو طبيعي من شفتي خالد وانتي حالك مقلوب....
    هيفاء/ولاشي صدقيني يامها...
    مها/مو مصدقتك؟
    هيفاء/يمكن...يمكن اني شفته بعد ها الوقت الطويل.......مدري..
    مها/ماتدرين شنو؟كملي!!!
    هيفاء اكتفت بانها تتنهد وكاْن ها التنهيدات صارت اجوبة لكل الاسئلة اللي
    يبونها.....ووقفت وراحت عند النافذة......
    مها يوم شافتها كذا فضلت انها تتركها بحالها واذا راقت هي بتتكلم بحالها....
    //////////////////////////////////////////////////////////////////مشاري بعد مارجع من البقالة راح
    على طول دربه لغرفة الجدة..وفتح الباب...
    مشاري بصوت عالي/انا جي......سكت وماتكلم....
    مشاري تقرب منهم...
    مشاري/جدتي شفيك؟
    كانت الجدة حاضنة عبدالله وهو نايم بحضنه وباقي اثار الدموع بعدها بعينه....كان شكله
    شكل ملاك صغير نازل من السماء..كانت ضامته لصدرها وهي تبكي بقهر.....
    مشاري بتاْثر/جدتي شفيك؟
    الجدة ناظرته باسى/حرام..والله حرام اللي قاعد يصير لها الولد؟
    مشاري /عبدالله!!!!شفيه؟؟؟
    الجدة تنهدت وهي تمسح دموعها بملفعها..
    مشاري بحنية مو معتادة منه مع جدته/قولي شصاير..والله اللي نزل منك ومن عبدالله دمعة
    ابكيه العمر كله!!!!
    الجدة/............
    مشاري بحيرة /ليه نايم معك؟؟وش فيه؟؟قبل ساعة كان ينطرني لين ارجع من البقالة؟؟؟
    الجدة/كان يبي ابوه.....وظل يبكي لانه تركه وطلع....
    مشاري/وهذا اللي زعله؟؟
    الجدة بانفعال ودموعها ماوقفت/انت فاهم يعني شنو الواحد مايبي ولده!!!!
    مشاري/ومن قال لك عاد ان عبدالله بيموت اذا ماعبره خالد!!!!!عبدالله ولد بها البيت ياجدتي
    وكلنا نموت ونشوف ابتساماته ورضاه وضحكته...واذا خالد مايبيه بكيفه ماحد جابره على
    حبه..كلنا هنا بنكون له الابو والاخو والام والحبيب والصديق!!!شيبي بعد؟؟؟الله لايراوي
    ذل جده بس ياجدتي وعيشته معنا هنا بتكون اريح لباله منهم!!!!
    الجدة/لا يايمه مو صحيح!!!انتوا صحيح تحبونه وتغلونه لانه ولد اختكم..بس يايمه بكرة كل
    واحد بيتزوج وبيلهى بنفسه وبيته وعياله وامك وابوك ماهم دايمين له....وهيفاء ماراح تقدر
    تربيه بروحها ..وهو ولد والولد مايقدر على تربيته غير رجال مثله!!فاهمني يامشاري
    يايمه؟؟؟اختك بتضيع عمرها اذا ظلت مقابلته..بتنهي حياتها وهي بعدها بعمر الورد!!!
    مشاري هز راسه بدون اقتناع/انا احبه ياجدتي...عبدالله صار جزء لايتجزء من
    حياتي...يمكن انتوا تحبونه وتعزونه بس انا ياجدتي لا..انا اموت في عبدالله...انا لاليوه
    ياجدتي لاليوه؟؟؟؟(كان يقولها بلهجة عبدالله وهو منفعل...)ماراح اسمح لمين ماكان انه ياْذي
    عبدالله او يزعله حتى لو كانت هيفاء نفسها ياجدتي سامعتني؟؟؟؟؟
    قام بطوله وفي يده كيس الحلويات اللي شراهم من البقالة وحمل عبدالله بين يدينه وطلع من
    الغرفة وسط دهشة الجدة!!!!
    //////////////////////////مرت الليلة بحلوها وبمرها على الكل الا اثنين كل واحد فيهم كان
    قاعد بغرفته وطاير النوم من عيونه وهو محتار بللي صار اليوم وخلونا نبدي بخالد,,,,
    خالد من بعد مااستاْذن من بيت خاله انه مشغول وماراح يقدر يردهم البيت معه وهو عند
    البحر ظل قاعد هناك وهو شارد مو قادر يضبط افكاره على شي محدد ساعة يفكر بهيفاء
    وساعة يفكر بعبدالله!!!!لين دقت عليه مها الساعة وحدة تقول له انه لازم يرد البيت لانه
    احمد مو هناك....
    رجع لهم البيت بس كان شارد وكل اجوبته كانت مقتضبة وبسرعة قومهم كل واحد على
    فراشه وراح هو وراهم...استوقفته مها لحظات تساله شفيه وليه هو متغير وقال لها انه مافيه
    شي بس يفكر بالعمل وقالت له انه ها الشي مو صحيح لانه هيفاء اليوم ماكانت على
    طبيعتها وهو كان عنده أي شي يسمع فيه بذيك اللحظة الا طاري هيفاء اللي كانت ماخذة
    تفكيره كله الليلة!!!!!!
    دخل غرفته وقعد على فراشه..حاول انه يتقلب ماقدر ...وقف وظل عند النافذة وخلقه
    ضايق..اكثر شي كان مضايقه تصرفه مع عبدالله من البداية!!!!هو ما كان يبيه بس عناد
    لهيفاء وعلشان تنكسر كلمتها جاره والنهاية طلع وخلاه وهو يترجاه يسمعه وهو مو عارف
    شيبي منه.!!!..وزعل جدته منه!!ليه ياخالد ليه!!!ليه تسوي كذا وكاْنك مسحور ؟؟؟؟انت
    طيبتك مع الناس كلها جات على ها الولد المسكين!!!!
    صحيح انا كاره وجوده بس وربي انه غصبا عني!!!مدري ليه حسيت بلحظة من اللحظات
    اني ....استغفر الله العظيم.....يارب...يارب شسوي...ماابي اظلمه..بس ماني متقبله..يارب
    لاتزعل مني اهلي علشانه..يارب خليني اسوي الشي الزين لي ولهم واهديني ووفقني!!!!
    ********اما من جهة هيفاء ماصدقت ان بيت عمتها يطلعون وهنادي تروح بيتها ومشاري
    ينيم معه عبدالله بغرفته علشان تقفل على نفسها باب غرفتها...
    اول ماقفلتها حست بانها شالت هم ثقيل من قلبها...
    شالت شيلتها من على راسها وتسندت على الباب بقوة وغمضت عيونها...كانت محتاجة
    تكون بروحها من اول ماشافت خالد الليلة!!!!!
    تماسكت نفسها لين قعد ت على الارض تفجرت عيونها بالدموع...كانت تحاول تكون قوية
    وهي بينهم بس اللحين ماعاد في احد يوقف بوجه دموعها..
    كانت تكلم نفسها وهي تشاهق من بين دموعها....كان كلامها في البداية مو مفهوم ابدا !!!
    بس بعدين صارت تكلم نفسها...ليه ياخالد ليه....شسويت لك علشان تكرهتي وتذلني!!!!ليه
    دايم تدوسني بقدمك وتمشي علي ليه!!!!انا ماجرحني اسلوبك وتعاليك ياخالد!!!!لا والف
    لا!!!كل اللي ذبحني كلمة انت قلتها!!!الاوراق الرسمية تقول انه ولدك!!!صارت تردد ها
    الكلمة بينها وبين نفسها فوق العشرين مرة وكانها تستفهم ها الشي هذا صحيح ولالا؟؟معقولة
    ياخالد توصل فيك الكراهية انك تتهمني ها الاتهام الخطير!!!!معقولة تقولها بدون ماتحس
    انك اذا رميتها علي بترمي بوجه قنبلة لوبتفجر بداخلي بركان!!!! الله يسامحك ياخالد الله
    يسامحك...ويسامح اللي كان السبب بللي انا فيه.....
    ورجعت تبكي من جديد بنوبة متصلة وحارة...
    هند بها اللحظات كان بالها مشغول بالعيون اللي كانت تطالعها....وقالت مالي الا هيفاء اقوم
    اسولف معها والمح للموضوع يمكن هي تقولي شي ثاني بدل اللي افكر فيه!!!!
    راحت عند غرفة هيفاء وتوها بتمد يدها تدق الباب سمعت صوت هيفاء تبكي وتنوح
    ووقفت يدها وماتحركت...كانت تكره ها اللحظات اللي هيفاء تكون فيها ضعيفة ومستسلمة
    للقهر واكيد انها بتلاقي منها كثير ها الايام بما ان خالد هنا!!!!!!
    تنهدت وجت بتمشي لقت مشاري مار من هنا...
    مشاري بخوف/انتي واقفة شتسوين هنا؟
    هند بارتبك/ها ..لا..ولاشي؟
    مشاري بتشكيك/شلون ولاشي؟؟؟
    هند ناظرت بالباب ولفت له/هيفاء....تبكي؟؟؟
    مشاري نزل راسه وهو متاْكد انها مادرت لان جدته وصت عليه مايقول لها بس ليش
    تبكي!!!
    مشاري/معقولة احد سمعنا نتكلم بالموضوع وقال لها؟؟
    هند/أي موضوع؟؟؟
    مشاري توهق/ها....
    هند/شنو؟
    مشاري/تعالي بقولك بس وعد لاتفتحين السيرة جنب هيفاء؟؟؟
    ////////////////////////////////////////////
    اليوم الثاني الصباح,,,,
    هيفاء/السلام عليكم...
    لفوا لها ابو محمد وام محمد وهند ومشاري...
    وعليكم السلام والرحمة..
    ام محمد/اليوم ماعندك دوام؟وين رايحة؟
    هيفاء/يبى..بروح بيت خالتي اذا ماعندك مانع...
    ابو محمد كان حاس بتغيرها وشرودها من البارحة....
    ابو محمد/زين يبى اذا بتروحين بيت خالتك مافي مشكلة...
    هيفاء/ولاتحسبوني على الغذى مابرجع بتغذى هناك؟؟؟؟
    ام محمد/......؟؟؟
    لفت هيفاء ناحية الدرح/يالله عاد عبود ماصارت ذي جزمة اللي تلبسها؟
    نزل عبود وهو بعده مالبس الجزمة.../مااعرف البسها؟
    مشاري/بتاْخذينه معك؟
    هيفاء/أي..
    مشاري/خليه هنا ...بيضايقك؟
    هيفاء/لا معليش خالتي من زمان ماشافته بعد......
    مسكت يد عبدالله وطلعوا......
    ودخلت الجدة.....
    ام عبدالله/وين راحت مع ولدها من صبح الله؟
    ابو محمد/بيت خالتها.....هيفاء فيها شي من البارحة ماهي طبيعية؟
    الجدة تاْشر على مشاري انه مايتكلم وهو وهند يطالعون في بعض؟؟؟
    ام محمد/خير ان شاءالله تعرفون شي وخاشينه عني؟؟؟؟
    هند/وشدعوة يالغالية بنعرف شي ومابنقولك؟
    مشاري يهمس لهند/يعني معقولة جدتي تعرف وامي لا؟؟؟مايصير؟؟؟
    //////////////////////////////////////////////////////////////في بيت العواد...
    نزلت مها الساعة تسعة وربع....
    ولقت خالد قاعد بالصالة ويشرب قهوته وهو سرحان ومبين عليه انه مانام...
    مها/صباح الخير؟
    لف لها خالد/هلا...صباح النور...
    مها/قاعد بدري ماهي عوايدك؟
    خالد/انتي ناسية ان طائرة امي وابوي اليوم توصل؟
    مها/خالد...طائرتهم توصل بعد صلاة المغرب!!!!انت عارف كم الساعة اللحين؟؟
    خالد/والله...شفت ان مافيني نوم قلت اقوم اشوف منو الحلو اللي بيصحى بعدي؟؟
    مها/خالد لاتلف وتدور علي!!!!انت فيك شي منت خالي؟؟
    خالد/مها لو سمحتي يالغالية...قلت لك مافيني شي فلا ترجعين تساليني؟؟
    مها/طيب ممكن اساْلك عن شي ثاني؟؟؟؟
    خالد/كل شي ممكن بس ماتساْليني عن اللي فيني؟؟
    مها/طيب....شصار بينك وبين هيفاء البارحة بعد ماتركتكم؟
    رفع عيونه لها يناظرها بدون مايقول شي ..وبعدها رفع كوب قهوته وبدى يشرب منه...
    مها وهي مصرة/خالد اترجاك تقولي؟؟؟هيفاء البارحة كانت سرحانة طول الوقت ..وفيها
    شي..متغير!!
    خالد ماكانه سمع شي......
    مها/خالد؟؟
    خالد/تغيريت؟
    مها باستفهام/مني!!!
    خالد ماكلف على خاطره يناظرها ظل مناظر كوب قهوته..../صارت غير عن قبل السنتين
    اللي راحوا!!!!صار فيها عناد..كبرياء...مدري شلون اوصفه لك؟
    مها/وهذا اللي مضايقك؟
    خالد/قلت لك مافي شي مضايقني بس انا كنت افكر بموضوع ثاني...
    مها/اللي هو؟
    خالد/انا بتزوج وبستقر يامها!!!!!!!!!!
    *********************************************في بيت خالة هيفاء..
    كانوا قاعدين مع خالتها وبنت خالتها نورة اللي هي اصغر من فاتن ومخطوبة وبعد اشارات
    من هيفاء لفاتن يالله استاْذنوا وطلعوا فوق غرفة فاتن......
    فاتن/شفيك خوفتيني؟
    هيفاء/مانمت طول الليل يافاتن؟
    فاتن/ليه وش اللي صار؟؟؟
    هيفاء/خالد!!!!
    فاتن/جعله العمى ان شاءالله!!!!وش مسوي بعد!!!!
    هيفاء/........البارحة وقفنا مع بعض...اقصد وقف وانا كنت بالخيمة بروحي.......
    فاتن/قال لك شي؟؟؟؟
    هيفاء/عبدالله تعلق فيه يافاتن تعلق فيه!!!وطول الوقت وهو يقوله بابا خالد وبابا خالد وهو
    مو معبره نهائيا!!!!
    فاتن/وهذا اللي مزعلك؟؟؟عبدالله ماهو محتاج له...الطفل وين ماكان الطيب موجود
    بتلاقينه...اما في حالة خالد تطمني ماراح يعجب عبدالله ابدا اذا ظل كذا!!!
    هيفاء/انا اموت واعرف ليه كان ....
    فاتن/شنو؟
    هيفاء/مدري هو يعاندني..ولا يبي يكسر كلامي..ولا شنو بالضبط!!!!انا اقوله عبود تعال
    وهو يقوله انت اسمك عبدالله مو عبود..,المصيبة ان عبدالله فرحان مووت فيه وكانه فخور
    انه عطاه وجه؟
    فاتن/مااتوقع ان هذا الشي اللي مضايقك مووت ؟؟في شي ثاني صح؟؟
    هيفاء تنهدت من قلب وحست بالضعف لحظتها/يقول ان الاوراق الرسمية بس هي اللي
    تقول عبدالله ولده!!!!!!!!
    صارت عيونهم بعيون بعض وهيفاء عجزت تمسك دموعها بذيك اللحظة.....
    هيفاء من بين دموعها/كلمة طلعت منه ماطلعت من العدو يافاتن؟؟؟؟؟؟؟
    ///////////////////////////////مر اليوم سريع بما فيه من روتين عادي ووصلت المغرب طائرة
    ابو خالد وام خالد بالسلامة وكملوا سهرتهم مع بعض.......
    //////////////////////////////////////////////////////////////يوم السبت,,,,
    بشركة خالد,,,,
    السكرتير/استاذ خالد..الاخ عادل ينتظرك برى...
    خالد/هذا ماتخليه ينتظر هذا تدخله علطول؟؟
    السكرتير/حاضر استاذ خالد.....
    طلع السكرتير وبعد ثواني قصيرة بس دخل عادل وهو يضحك.....
    عادل/ان شاءالله بتسوي لي فيها مدير ومواعيد يبى؟؟؟
    خالد وهو يضحك/هههههه لايبيلك تسامحنا ها المرة....
    عادل بعد ماجلس وناظر بصورة عبدالله ابتسم/علشان ها الولد بس وضحكته مسامحينك؟
    خالد يبي يغير الموضوع/انت ماتترك وظيفة الحكومة وتجي تشتغل عندنا هنا؟
    عادل/لا يبى واللي يعافيك لو شتعطوني ماراح اجي...مامن ازين من دوام الحكومة..شوف
    ماجت الساعة ثنتين الا وانا عندك بالشركة بلا دوام طويل بلا دوام ثاني بلا بطيخ!!!
    خالد/هههه بكيفك علشان ماتقول اني ماعرضت عليك الموضوع؟
    عادل/الا كيف الاهل ياخالد....شخبار رحلتهم؟
    خالد/الحمد لله ارتاحوا شوي من جو البيت والعمل....وسالوا عنك البارح,,,بس ترى اليوم
    ماعندك حجة غذاك وعشاك بيكونون عندنا بالبيت!!!
    عادل/ليه عاد؟؟؟
    خالد/عمامي ثنينهم وعماتي وازواجهم اليوم اكيد بيجون يتغذون في البيت مع ابوي...عاد
    انت قبل الكل ياعادل؟؟؟
    عادل/لاتحرجني ياخالد الله يخليك؟
    خالد/انا من صدقي اتكلم...
    عادل/أي بس بتكونون كلكم اهل انا شنو يدخلني بينكم؟
    خالد/انت قبل الاهل وانا قلتها ياعادل؟؟؟واذا تبيني اعيدها بعيدها!!
    عادل/أي بس انا اليوم ماني بروحي عندي ضيف اصلا!!!
    خالد/يبى انت وضيفك حياكم!!!البيت بيتك ياعادل من زمان شفيك؟
    عادل/بس يمكن انك ماتتفق مع ضيفي ياخالد ساعتها بمون محرج منك وانا بوسط بيتك؟
    خالد/يكفي انه ضيفك ياعادل وبحبه لها السبب بس!!!وبتقبله علشانك ..وش تبي بعد..يبى
    وعد ماراح يصير الا كل خير....
    ************************************************في بيت العواد..
    مها/يمه..
    ام خالد وهي تحوس ترتب بالاغراض/تينا ودي هاذي السلة هناك بالنص....نعم يمه مها؟
    مها/يمه عزمتوا خالي وعياله للغذى؟
    ام خالد/يوم انه يجيني البارحة كلمته وقلت له بس ماراح يجي وقال العيال اذا بيجون يجون
    ماعندي مانع....
    مها/يعني بيجون ولالا؟؟؟
    ام خالد/وانتي وشعليك من عيال خالك؟؟؟؟
    مها/ها لا...بس كذا لقافة....يمه ابوي وخالي مايتفقون ابدا...ومايحبون بعض ليه؟؟؟
    ام خالد/روحي خلصي شغلك قبل لايجون عماتك تعرفينهم قبل لاياْذن الظهر بتلاقينهم بنص
    البيت!!!
    مها/طيب.....
    //////////////////////////////////////////////////////////////وقت الغذى كان البيت ملايان رغم
    انهم كلهم اهل يعني عمامه ثنين وعيالهم وازواج عماته ثلاثة مع عيالهم,,,,,
    خالد/احمد انت وين طالع بها الضهر وتارك المعازيم؟؟
    احمد/ها..لا بس انا عازم واحد من ربعي وهو واقف عند الاشارة مايدل البيت اول مرة
    يجي؟؟
    خالد/اكيد عند الاشارة!!!!
    احمد بثقة/أي....
    خالد/اذا كذا السالفة معليش بس اذا غير كذا ترى بزعل منك؟؟
    احمد/لالالا اكيد صدقني..عشر دقايق وانا عندك...
    خالد/عشر دقايق!!!ليه عاد الاشارة هنا؟؟؟مامداه احمد يسمع لانه قال كلمته وطلع بسرعة؟؟
    سعود/هلا خالد..
    لف خالد/هلا والله بولد العم...شلونك
    سعود/تمام انت شلونك...شخبار الشركة
    خالد/والله الحمد لله..ماشي الحال
    سعود/وشخبار الاهل؟
    خالد عارف انه يقصد مها /الحمد لله كلهم طيبين ومرتاحين...حياك المجلس لاتوقف
    بالشمس.....
    مرت اكثر من عشر دقايق ودخل احمد...
    خالد/تعال هنا...
    احمد ببتاسمة/هلا..
    خالد/عشر دقايق ها؟؟؟
    احمد/شسوي زحمة الطريق.....
    عادل من عند الباب/خالد..
    لف خالد لعادل وابتسم وهو يمشي ناحيته وقف مكانه!!!تدرون ليش؟؟؟
    لان خالد كان يناظر بالضيف اللي جايبه معه عادل....
    كانت يد عادل ماسكة يد عبدالله ولد خالد وهو لابس ثوب مثل الرجاجيل...
    عادل/اذا بيزعلك وجوده ماله داعي ندخل!!!وصدقني ماراح اكون زعلان؟؟
    خالد تنهد وغمض عيونه وصار في باله الموقف اللي قبل يومين بينه وبين هيفاء في بيتهم
    وبعدين موقف عبدالله مع جدته ويوم يصارخ عليه....
    خالد/حياك ياعادل..قلت لك ضيفك ضيفي ومابتضايق من وجوده علشانك انت؟؟وانا رجال
    وعند كلمتي!!!
    ابتسم عادل ومن ورى خالد ابتسم احمد...
    عادل يكلم عبدالله/روح سوي سلام لبابا خالد عبادي؟؟؟
    عبدالله مسك يد عادل بقوة ولف له/لا...
    عادل/ليه؟؟
    عبدالله/لا...
    عادل/بعدين مافي العاب مثل ماقلت لك؟؟
    تردد عبدالله هني....بس فيها السالفة العاب تقدم من خالد ومسك يد وباسها/سلام عليكم بابا
    خالد....
    خالد بدون مايناظره/وعليكم السلام..
    عبدالله ماانتظر اكثر رجع لعند عادل بسرعة..
    خالد/انت من زمان تشوفه ياعادل...شكله متعود عليك؟
    عادل/طبعا من زمان اشوفه واطلع معه..انت ناسي اني عمه ياخالد وانه ولد اعز صديق
    لي!!!!كنت دايم اخلي احمد يجيبه عندي ونطلع مع بعض...ماتشوفه متعلق فيني....
    لف خالد لااحمد اللي ابتسم بدوره..
    احمد/يالله ياجماعة لاتوقفون بالشمس!!!!خلونا ندخل علشان نقول لهم يحطون الاكل!!!
    ***********************************كان المجلس مليان هرج ومرج لين دخل احمد
    والجو عادي وبعدها دخل عادل وخالد ومعهم عبدالله وتوقفت الانظار كلها عند عبدالله!!!
    ابو خالد/عبادي!!!هلا وغلا...تعال سلم...
    كان عبدالله يتفحص الوجوه الغريبة اللي يشوفهم لاول مرة بحياته....
    ويوم سمع صوت جده فز له وراح بحضنه....
    صحيح ابو خالد كان يكره هيفاءو ابوها بس كان يحب عبدالله لانه يعتبره جزء من خالد
    ومن ها العيلة...
    ابو خالد/جايب لك انا من مكة قطار كبير...
    عبدالله/وينه؟
    ابو خالد ضحك/تغذى بالاول وبعدين بعطيك اياه؟؟
    عبدالله/لا اللحين؟
    احمد يهمس باْذن عبدالله/خلاص عبادي علشان بعدين بنروح الالعبا انا وانت وعادل زين...
    عبدالله يهز راسه بمعنى انه فهم الكلام...
    حمد ولد عمتهم/كبر ولدك ياخالد وصار يشبهك؟
    خالد اكتفى بانه يبتسم بس بدون أي تعليق....
    ابو سعود/تعال هنا ياعبدالله؟
    عبدالله مسك بجده مايبي يتحرك..
    ابو خالد/قوم سوي سلام حق عمك بوسعود؟؟يالله انت شاطر ولا ترى القطار ماراح اعطيك
    ا ياه!!
    عبدالله قام وهو معصب ماغير يهددونه بالقطار وبالالعاب كل شوي!!!قام ودار على
    المجلس كله مرة وحدة يسلم عليهم ويبوس فيهم علشان لا كل شوي يقولون له يقوم يسلم
    على واحد...وبعد ماخلص قعد جنب عمه احمد وهو معصب على الاخر وكلهم ماتوا عليه
    ضحك.....
    //////////////////////////////////////////////////////////////
    التعديل الأخير تم بواسطة بيدا ; 25-10-2012 الساعة 01:28 AM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  • #2
    ملاذية مميزة وعضوة في فريق الروايات الرومانسية المكتوبة
    حالتي : سفيرة الحب2009 غير متواجد حالياً
    تاريخ تسجيلي: Apr 2012
    عضويتي رقم: 23546
    الدولة: العراق
    هوايتي: القراءه
    سيرتي الذاتية: ؟
    عملي: التدريس
    العمر: 26
    مشاركاتي: 3,041
    معدل تقييم المستوى : 2147483695
    سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى.

    رد: رواية أبيك وأرفض الواقع لـ ملح الحياة... كاملة مع رابط التحميل

    بعد مرور ساعة او اقل وبين ما الكل
    ياكل ويتكلم...طلع احمد بعد مادق جواله...
    وعند الحريم...بباب المطبخ..
    احمد/احم احم احم.....ياامي..ياام احمد...ياام اهم عضو بالبيت..يللي ماحد يستغني عن
    خدماتي؟؟
    مها وهي تضحك/هههههههههه شدعوة عاد كل اللي بالصالة ماتوا عليك ضحك..ونص
    البنات بالصالة خطبوك لنفسهم يامهم...
    احمد عدل شماغه../قولي لهم قلبه مشغول مايبي وحدة منكم!!!
    مها بعد ما قربت وجهها من وجهه/ومنو يبي ان شاءالله؟
    احمد بثقة/وحدة حاولت اقولك عنها بس ماسمعتيني!!!خلاص راحت عليك؟؟المهم
    لاتعطليني وين امي؟
    مها/يعني بتشتغل فيك النذالة!!!
    احمد/هي من زمان مشتغلة!!الا الصدق وينها امي؟
    مها/ماادري؟؟
    احمد بجدية/يالله ناديها بسرعة محمد ولد خالي داق علي يبي يسلم عليها وبيمشي...
    مها وقف قلبها.../محمد ولد خالي...كيف بيمشي تونا حاطين الاكل مامداه اكل شي!!!
    احمد/ومن قال لك ان قاعد معنا؟؟هو دق علي وقال لي يبي يسلم على امي اذا فيه مجال؟؟؟
    مها بحزن/طيب...اخليها تجي هنا؟؟؟
    احمد/شوفي انا بروح المجلس وامحمد بيكون واقف هنا طيب...
    مها/طيب...
    وصار عقلها يفكر بسرعة...شسوي اللحين ياربي...
    اشتغل عقلها بسرعة وفتحت عبايتها ترتب شكلها....
    كانت لابسة تنورة بيضة مكسرة وبلوزة سودة بدون كم....
    راحت بسرعة وجابت عبايتها وشيلتها وتعطرت بسرعة وتركت شعرها يطيح على راحته
    فوق وجهها الصغير....
    ووقفت لحظات مترددة....
    هي ليه بتسوي كذا..محمد مو من ها النوع ابدا اللي يجي بالاجبار..بس هي حاسة ان في
    شي يربطه فيها وماتدري ليش قاعدة تنزل نفسها لمحمد بها المستوى!!!!!
    بس حست انه واقف بره تشجعت وطلعت كذا بدون شيلة والعباية مفتوحة وكانها ماتدري ان
    محمد بيكون واقف ينتظر امها اول ماانفتح الباب اعتدل محمد بوقفته..وبذيك اللحظة كان
    خالد بيجي يشوف امه....وهو مو داري ان محمد واقف بيسلم عليها وبيمشي....
    مها/احمد انت شتبي.....



    البارت التاسع,,,,
    /////////////////////////
    وقفت لحظات تناظر بمحمد وهو يناظرها بعدها نزل محمد عيونه بسرعة ولف للجهة
    الثانية.....
    وخالد ظل واقف مكانه......
    دخلت مها وتسندت على الباب وهي انفاسها تتسارع وتتنفس بقوة.....
    ونادت على امها بسرعة تجي ...
    ام خالد/هلا وغلا..
    محمد رفع راسه يتاْكد ان مافي احد غيرها...
    محمد تقدم منها وباس راسها/هلا عمتي...حمد الله على سلامتك..
    ام خالد/تبوس الكعبة ان شاءالله....الله يسلمك يمه...
    محمد/شلونك من التعب..وشخبار بيت الله
    ام خالد/والله يامحمد لو ما العيال كان الواحد قعد هناك ومارجع بس ان شاء لله نعيدها من
    جديد وكلنا
    محمد/ان شاءالله....ارتحتوا هناك ماتعبتوا..
    ام خالد/التعب هذا لازم يمه..بس انها كانت حلوة..غيرنا جو..وانا بيني وبينك يمه كنت
    رايحة اطلب من ربي للعيال هناك...يهدي سرهم كلهم ويهديهم ويوفقه للي فيه خير..
    محمد/جميعا...تامرين على شي عمتي..
    ام خالد/وين يمه...تو الاكل انحط قبل شوي مالحق اكلت شي؟
    محمد/لا عمتي انا جاي اسلم عليك بس..برد البيت توني جاي من الدوام؟
    ام خالد/مايصير يمه..اوقف خذ غذاك معك يوم انك مابتدخل...
    محمد/عمتي والله مايحتاج؟
    ام خالد/خلاص يمه انا قلت انتظر ...معليش يمه انا عندي الحريم مابقدر اتركهم بخلي مها
    تطلعه لك اللحين زين..انتظر؟
    محمد هذا الشي اللي مابغاه يصير مها عاد؟؟؟هم توهم شايفين بعض؟؟؟؟والانسة عبايتها
    مفتوحة بعد!!!بس لو انها ماكانت طالعة لااخوها كان وريتها الويل!!!!
    خالد بعده واقف مكانه وماتحرك وهو ينتظر مها تطلع علشان يتاْكد من اللي في باله صح
    ولالا؟؟
    طلعت مها بعد شوي بس بشكل ثاني العباية مسكرة وحتى الوجه مغطى مو متنقبة!!
    مها وهي تمد بالصينية لمحمد/محمد..
    محمد/........
    مها/محمد انا اسفة على اللي صار قبل شوي...ما كنت عارفة انك موجود؟؟؟كان احمد هنا
    ومافكرته مشى؟
    هني بس ارتاح خالد يعني ماهم متفقين مع بعض كانت صدفة!!!
    محمد/لو طلع واحد من عيال عمك لو عمتك ماتخافين تطلعين كذا؟؟
    مها بدفاع/كلهم بالمجلس ومسافة على مايجون لهنا!!!!وش اللي بيجيبهم اصلا اذا بغوا شي
    بيدخلون من باب الصالة؟
    محمد/انتبهي لنفسك يابنت عمتي؟
    مها بهيام/ومنو يهمه؟
    محمد بهدوء/ناس كثير...يمكن ماهي قادرة تطلع مشاعرها...بس تْاكدي نك ماتغيبين عن
    بالها ابدا!!!
    مها/..........
    محمد/مها ..انتي شلونك؟
    مها تنهدت وكانت بتبكي/مو طيبة..حاسة نفسي مخنوقة؟
    محمد بحنية/ليه عاد؟؟
    مها/انت عارف بس قاعد تتجاهل!!!
    قالتها ومشت......ودخلت داخل...
    وهو ظل يناظر بطيف عبايتها اللي دخل....
    وحده خالد كان يمشي وهو يفكر فيهم...هم ماكانوا متفقين انهم يشوفون بعض!!!بس
    مشاعرهم متفقة على شي واحد ماتخطئه أي عين بالعالم!!!!!
    يوم شاف محمد طلع وركب سيارته ومشى رجع مرة ثانية للمطبخ......حمحم ودخل...
    كانت واقفة عند حوض السمك اللي موجود وهي بعدها بعبايتها وسرحانة..
    خالد طق على الباب علشان تنتبه وانتبهت فعلا له..
    مها/خالد؟
    خالد/وش فيه قمرنا زعلان وسرحان؟؟
    مها/ها..ولاشي....
    خالد/ليه لابسة عبايتك وين بتهجين من البيت وتتركين ضيوفك؟
    مها بضحكة/اهج عاد!!بس تدري شلون ياليت ياخالد ياليت!!!
    خالد/مهاوي شفيك؟ولاتقولين مافيني شي انا متاْكد ان في شي مضايقك؟؟
    مها وهي تناظر فوق وقصدها تبعد عيونها عن عيون خالد/دايم القدر ياخالد يوقف بيني
    وبين الشي اللي ابيه!!!!مدري ليه كذاحظي دايم مقلوب!!عمري ماتمنيت شي وجاني مثل
    ماطلبته!!!ياليت الايام مامشت ياخالد وظلت عايشة ذاك الحلم وماقعدت منه ابد!!!!!!
    وقفت مها بتمشي وسط حيرة خالد اللي مافهم منها شي...
    خالد/وين ؟؟؟؟انا مافهمت شي؟
    مها ابتسمت له وهي تشيل عبايتها/ولاراح تفهم ياخالد!!!!بعدين انت لاتشغل بالك روح
    وانبسط وانا بدخل عند الحريم.....
    مشت وظل يناظرها كلامها اكد له او بداْ ياْكد له شي واحد انها ومحمد........؟؟؟؟
    /////////////////////////////////////////////////////////
    كان محمد يلف بسيارته الشوارع وهو ماهو داري وين يروح اليوم شافها....اليوم حس
    بمصيبة جاية صوب قلبه وماهو قادر يسوي شي لو يتخذ أي قرار..
    مها اليوم كانت اشبه بملاك نازل عليه من السماء...بس لوتدرين ياملاكي وش سويتي فيني
    بها الشوفة كان رحمتيني!!!!!ياربي ساعدني...انا ما كان المفروض اشوفها حرام...لو هي
    اختي مارضيت احد يشوفها؟؟؟اختي...صار يردد ها الكلمة بينه وبين نفسه (
    اختي..اختي...اي اخت يامحمد هيفاء اللي ماظل احد بالشرقية ماشافها!!!!انت تمزح
    اكيد؟؟؟ هو صحيح صار يتكلم مع هيفاء بس قلبه للحين شايل ومع أي حركة بينفجر
    بركانه...كان محمد غيور مووت من سالفة التمريض يحس ان كل العالم عارفة انها اخته
    ويجيبون بطاريها!!!!عقدة عنده وماهي راضية تنفك ومايدري متى بتنفك؟؟؟؟هو نفسه مو
    مقتنع فيها مية بالمية بس الشيطان اذا لعب براس احد خلاه مثل المجنون؟)
    ترك عنه هيفاء وسالفتها ورجع يفكر بقلبه اللي تعبان ...لاهو قادر ياخذ غيرها ويشيل حبها
    من قلبه؟؟ولاهو قادر ياخذها بعد مااخوها طلق اخته؟؟وين الدبرة يامحمد وين؟؟؟المشكلة
    انها بعد تهواني وماتبي غيري؟؟؟بس لو تصدق وتاخذ اللي متقدم لها شبيصير فيني انا؟؟؟؟
    قطع عليه تفكيره صوت الجوال يدق,,,
    محمد/هلا يمه..
    ام محمد/هلا يمه..منت راد البيت ننطرك على السفرة؟
    محمد/ها..لايمه انا ربع ساعة وبجي اذا جعتوا اسبقوني..ماشي..
    ام محمد/اذا كلها ربع ساعة ناطرينك يالله لاتتاْخر...
    سكر وهو متضايق حييل ومو عارف شيسوي...يبي يتكلم مع احد عن مها غير ثامر..يبي
    يفضفض عن اللي بقلبه..عن مشاعره الخجولة اللي ماهي قادرة تصرح بها الشي لها؟؟؟
    والله انها لو اليوم وقفت دقيقة زيادة ان فلت لساني مني وقلت لها انا احبك!!!!!!!
    //////////////////////////////////////////////////////////////في بيت الفايز,,
    محمد/أي بس يمه...انتي ماقلتي..
    ام محمد قاطعته/يمه..نخلص الموضوع بدري احسن!!ولا شرايك ياام ياسر؟
    ام ياسر/أي والله..انا اخذت منهم موعد وقلت لهم يوم الاثنين ان شاءالله بنروح لهم..والباقي
    عليك عاد يايمه؟
    محمد حس بالخطر القادم..هو صحيح فكر بالموضوع واتخذ قرار بس مو بها السرعة!!!!
    ام محمد/محمد خل عنك التفكير اللي يوجع القلب!!!انت بتسوي شي بالحلال و بعدين ماحد
    قال لك طلق هنادي خلها معلقة معك!!!
    محمد/يمه؟؟شنو يعني معلقة؟؟؟الله يهداك؟
    ام ياسر/اللحين انت بتتزوج لاتشغل نفسك ببنت السالم!!!واذا تبي ودها بيت ابوها مثل
    اختها؟؟؟؟
    محمد/يمه..ليه ها الكلام عاد؟؟؟
    ام ياسر/انت وشفيك عليها وعلى اهلها؟؟؟كانهم هم اهلك واحنا اللي مناسبينك؟؟
    محمد/انا ماقلت كذا ياعمتي بس هي عمرها ماضرتكم لاهي ولا اهلها ليه دايم تجيبون
    بسيرتها كذا بشماتة؟
    ام محمد/هي لو فيها خير كان جابت لك عيال مو لعبت عليك بنت وحدة وبس!!!
    محمد/هي ويش تسوي يعني؟؟هذا الللي الله كتبه لنا؟
    ام ياسر/هذا اللي الله كتبه لها هي انت اللله حلل لك تاْخذ غيرها وتملي البيت عليك
    عيال!!!!
    ///////////////////////////////////////////////////////////////في بيت السالم,,
    الجدة/صراحة محمد زودها...يعني مايدري ان احنا قاعدين على لحم بطنا من الصبح؟
    ام محمد/خالتي الله يهداك انا قلت لك بحط لك غذى انتي مارضيتي قلتي بتاكلين معنا؟؟
    مشاري حب يفشلها/انا يوم جيت من المدرسة مو كنت تاكلين؟
    الجدة بعصبية/ذيك تصبيرة ماهو غذى يالفالح؟؟
    مشاري/اها....
    هيفاء/وحشة لعبود؟
    ابو محمد/البيت مو حلو بدونه....
    هبة/متى راح يجي؟
    هيفاء/مدري...
    دخل محمد/السلام عليكم..
    وعليكم السلام والرحمة..
    الجدة/كان لاجيت يامحمد؟؟متنا من الجوع؟
    محمد/الله يسامحك يايمه...كان حطيتي لجدتي تاْكل قبلنا تعرفيها تعبانة وماتقدر تنتظرنا
    للضهر؟
    الجدة بفخر/مااقدر يمه اكل وانا ماشفتك؟محمد شنو ها الصينية اللي في يدك؟
    محمد حط الصينية على السفرة وجلس على كرسيه../هذا عمتي دازته....
    مشاري/الله يعني من مطعم...شو ها الريحة اللي تجنن...انا ابي اكل منه..
    الجدة بعصبية/اللحين انت ليه رايح جايب من المطعم؟امك ماتعرف تطبخ لو ماتعرف
    تطبخ؟؟
    محمد/يمه الله يهداك؟انا رايح اسلم على عمتي وهي اصرت انها تعطيني شقولها ماابي؟؟
    الجدة/قومي يمه هند ودي الصينية هاذي المطبخ وخلنا ناكل ها السمك؟؟ماعلى طبخ البيت؟
    هند قامت وهي متمللة...وبعدها رجعت وبدوا يتغذون وهم يسولفون مع بعض....
    الجدة/الحمد لله..
    ام محمد/خالتي..ماكلتي شي..اكل عصفور؟
    الجدة/وانا شاكل يمه...اكل عبود ولد هيفاء احسن مني,,الحمد لله,,وراحت المطبخ..
    هيفاء بصدمة/منو اللي ياْكل احسن منها!!!ان شاءالله مصدقة انها تاْكل اقل من عبود؟
    ابو محمد/ههههه نزلي صوتك يابنيتي؟
    هيفاء باعتراض/يبى حرام مالقت الا عبود تناظره عاد؟؟كان ناظرت مشاري؟؟؟
    مشاري شوي ويغض/كح كحك كحك...
    محمد وهند وهبة وام محمد/ههههههههههه
    هيفاء/صراحة انا زعلت منها؟
    مشاري/انا اقول شكلها طايحة على شي من اكل عبود..بعد غاب القط العب يافار؟(مشاري
    قال لهم عن سالفة الجدة واكل عبود اللي خاشته تحت السرير)
    ابو محمد/خلاص يالله انت تبيها من الله وتقلب على امي؟

    هبة/محمد انت شفت عبود هناك؟
    محمد/انا مادخلت المجلس سلمت على عمتي بس عند باب المطبخ ورجعت بدربي.....
    مشاري/وين الشطة ماجبتوها؟
    هند/تبيها روح جيبها مانخدمك اخ مشاري؟
    مشاري/طيب....حسابك بعدين...
    وقام للمطبخ يجيبي الشطة ووقف عند باب المطبخ ..
    هبة/شفيه واقف؟
    لفوا كلهم ولقوا مشاري واقف وهو ميت ضحك وراح طيران جاب جواله ورجع يصور
    الجدة بالمطبخ.....
    ام محمد/مشاري وش تسوي؟
    مشاري ياْشر لهم يجون يشوفون.....
    هند بس اللي قامت....ووقفت جنبه تطالع بجدتها وهي تضحك وبعدها رجعت كرسيها...
    هيفاء/وش صاير؟
    هند وهي تضحك/على اساس انها ماتاْكل شي ؟؟؟واقفة عند الطاولة وتاْكل من اللي جابته
    عمتي وكل لقمة اكبر من الثانية!!!!!
    هيفاء/ياربي مايصلح لها علشان انا ابتلش فيها بعدين....
    مشاري/هند..تعالي كملي تصوير بنقض عليها اللحين؟
    هند قامت بسرعة..
    ابو محمد/مشاري واللي يخليك لاتتعبني بمجاكرك لجدتك ترى انا مقدر عليها؟
    مشاري دخل المطبخ ووقف ورى الجدة وشهق بصوت عالي وشهق هي وراه وبغت
    تغص..
    الجدة/وعمى اللي يعميك؟؟خوفتني؟؟
    مشاري/لانك مسوية جريمة لو ماكنتي مسوية جريمة ماخفتي!!!!!
    الجدة/قصر حسك وبخليك تاْكل معي؟؟؟
    مشاري/وشدعوة بنطرك تعزميني؟؟؟
    الجدة بتمد يدها للصحن وشافتها يرتفع...
    الجدة/بسم الله الرحمان الرحيم..
    هيفاء من وراها/كله زيت ماينفع لك بعدين يرتفع عليك الكولسترول!!!
    الجدة/اوووف..
    هيفاء بقهر/مو على اساس ان عبود ياكل اكثر منك وانك ماتاكلين واجد؟؟؟
    الجدة بعصبية/سوت روحها زعلانة؟؟؟
    هيفاء بلامبالاة/ولا اسوي روحي ولاشي...اقول مشاري دخله بس الفرن ووسوي لنا قهوة
    عربية على مااروح اخذ لي حمام لاني احس ريحتي سمك طالع من البحر؟
    مشاري/وين التمر؟قهوة بدون تمر ماينفع ياهيوف؟
    هيفاء/لا انا اليوم جايبة لك حلى تحبه...جايبة لك دونات من كرسبي كريم...
    مشاري/ابشري باحلى قهوة....وناظر جدته...لي ولك وبس!!!!!
    ///////////////////////////////////////////////////////////////انتهت العزومة على خير وبعد
    تلميحات كبيرة ان سعود يبي مها للحين..وان خالد لازم يستقر بحياته ويبدي حياة
    جديدة......
    كان ابو خالد تعبان وراح فراشه ينام وعمر بعد ومرام وجود قرروا ان بكرة غياب لانهم
    مافتحوا ولاكتاب واحمد يبيها من الله يطلع من البيت...
    ماظل غير خالد اللي كان طول اليوم يفكر بمها وباللي شافه ويبي يتاْكد من ها الشي وام
    خالد اللي كانت قاعدة بالصالة...ومها كانت تلعب مع عبود بالجهة الثانية من الصالة..وكانت
    حاضنته بقوة وهي تغني بصوت حنون (اذا تفارق شخص عادي مصيبة وشلون لو فارقت
    منهو تحبه...
    ياربي رجع كل حبيب لحبيه...دام الحياة بينهم حيل صعبة)
    راح خالد للجهة اللي فيها امه قاعدة...
    خالد/يمه..
    لفت له ام خالد/هلا يمه...تعال اقعد؟
    خالد/مانمتي؟
    ام خالد/لا والله لسه؟انت ليه ماتروح تريح؟
    خالد/شوي....وبقوم.....يمه بغيت اسالك عن...
    ام خالد/عن شنو يمه؟
    خالد/كانوا يلمحون عن سعود مها اليوم؟
    ام خالد تنهدت وهي تناظر بمها/اختك ماتبيه ياخالد....سعود ماينعاب ..بس انا ماودي تاخذه
    وهي ماتبيه....
    خالد/أي بس اللي انا فاهمه من ابوي انها رافضة كل المعاريس اللي تجيها؟
    ام خالد/أي يمه...ماهي راضية توافق على احد..مدري وش جاياها ها البنية؟
    خالد/يمه..اليوم محمد ولد خالي كان جاي يسلم عليك؟
    ام خالد/أي..سلم علي ومشى مارضى يقعد يتغذى..
    خالد/تدرين....
    ام خالد/خالد قول اللي عندك؟
    خالد/يمه....يوم توقف مها مع محمد...حسيت ان في شي يربطهم...يعني كاْنه بينهم
    تفاهم.....
    ام خالد تنهدت/كان بينهم...وكنا كلنا نلاحظ ها الشي؟
    خالد بذهول/كان؟؟؟شنو يعني؟
    ام خالد وهي تناظر بمها/انا وابوك وخالك كنا دايم نحس انها ومحمد متفاهمين....وانهم يبون
    بعض..وابوك مااعترض لانه عارف محمد زين وعارف انه بيصونها اكثر من
    سعود....بس ...
    خالد/بس شنو؟
    ام خالد بحسرة/بس بعد طلاقك انت وهيفاء محمد تغير ناحية مها نهائيا!!!صار يتجنب يقعد
    بمكتن تكون فيه؟؟؟وماعاد يقعد معنا ليلة الجمعة مثل اول....ولا خالك صار يقول انه ناوي
    يرتبط ولا شي من ها القبيل...ومن يومها اختك دايم القيها زعلانة ومتمللة....
    خالد/يعني...يعني انا اللي كنت السبب بانهم مايتزوجون؟
    قالها وناظر بمها اللي كانت غافية وهي حاضنة عبود وهو غافي على صدرها.....
    خالد في باله(انا اللي حرمتك من ها الاحاسيس يامها...المفروض انك تحبين عيالك وتعطيهم
    حبك وحنانك مو لعبدالله!!!سامحيني يااختي..ماكنت عارف ان بطلاقي بفرق بينك وبين
    محمد اللي اعتز انه ياخذك لاني عارف انه بيصونك...سامحيني يالغالية والله لو كنت ادري
    ان طلاقي بيسوي فيكم كذا ماطلقتها!!!!!!)
    ام خالد/خالد يمه..
    خالد/ها..ها يمه..
    ام خالد/يمه..قوم ودي ولدك عند امه..الوقت متاْخر واكيد انها تنتظره اللحين؟
    جات في باله صورة هيفاء عند الخيمة وقوتها وكبرياءها..
    قال بسرعة/خله ينام هنا هذا بعد بيته؟
    ام خالد/لا تاخذ السالفة عناد!!!
    خالد/شتقصدين يمه؟
    ام خالد/هذا ماهو رايك ياخالد هذا راي ابوك؟؟؟انت مو قادر تتقبله ولاتضحك بوجه حتى
    ؟؟تبيه ينام هنا؟؟؟قوم يمه واترك عنك الشيطان؟
    احتاس خالد بها اللحظة..هو كان وده انه يخليها تتضايق وينيم عبود هنا بس امه فهمت
    الشي من ناحية ثانية وماقدر يسوي اللي براسه علشان لايتورط من هنا ولا من هنا!!!
    قام ومشى لعند مها وعبدالله..احتاس شيسوي....يشيله ولا يصحي مها...ولاشيسوي...هو
    بعمره ماحمله لاهو صغير ولا اللحين يوم كبر!!!
    جت امه من وراه وكاْنها حاسة بحيرتها...نزلت لعند مها وكلمتها بهمس..
    ام خالد/مها..مها..مهاوي...
    فتحت مها عيونها..وانتبهت انها غافية وهي قاعدة على الارض وعلى كتفها عبود..
    مها/شنو؟
    ام خالد/جيبي عبدالله بيوديه خالد لاامه..
    مها النوم براسه عطت عبدالله لاامها وقامت بدون تفاهم على الكنبة وكملت نومتها....
    //////////////////////////////////////////////////////////////////////وصل لعند بيت خاله وعبدالله
    نايم ورى...كان محتار في كل شي..في جيته ها الوقت بيت خاله...في الشخص اللي بيفتح
    له...في عبدالله نفسه؟؟؟؟
    تنهد وقام لورى بيشيله وفتح عبدالله عينه...
    عبدالله وهو مخدر/بابا خالد...نروح الالعاب؟
    خالد في نفسه(هذا كل تفكيرك؟)
    عبدالله/بابا..
    خالد/كمل نومك؟
    عبدالله/بكرة نشتري سبيادر مان...
    خالد/الله ياخذك يااحمد..لو انك موصله وبعدين رايح لربعك مافكيتني!!!!!
    شاله بدون حتى مايسمي عليه وحطه على كتفه ووصل لعند البيت...
    دق الجرس وهو يتمنى تكون هي اللي تفتح الباب له بس خابت اماله يوم وقف مشاري
    قباله!!!
    مشاري/اوه ه..سبيادر مان نايم!!!!
    عبدالله وهو مخدر/لا..مو نايم انا قاعد...
    مشاري اخذه من خالد وهو يضحك..
    خالد/مشاري...جدتي ...زعلانة من امس؟؟
    مشاري عارف انه يقصد سالفة عبدالله بس غير الموضوع مباشرة وضحك/
    مشاري/ههههههههه لايفوتك اليوم صدتها بموقف اكبر واعظم واسمن...تدري افتح بلوتوثك
    ادز لك اياه اللحين؟
    خالد فتح بلوتوثه وهو مستغرب كان يكلمه عن شي وهو بشي ثاني!!!!
    طول عمره خالد يحب مشاري لانه خفيف دم وروحه طيبة مع الكل..يعني تقريبا مثل
    خالد....وفرح حييل يوم شاف مشاري ماتغير عليه بعد ماطلق اخته..هو صحيح ماهو
    الورقة الرابحة..بس يكفيه ان مشاعره ماتغيرت عليه مثل الباقيين!!!!
    وصل البلوتوث لخالد وفتحه قبل لايمشي وبس شافه تبسم لمشاري اللي كان ميت ضحك..
    خالد/ياويلك منها...شافته؟
    مشاري/مجنون اوريها اياه اللحين خل تبرد السالفة كم يوم بعدين نفضحها بعد مانستغلها
    ونهددها؟؟؟
    خالد/ههه بس لاتزودها تراها جدتك وتحبك يامشاري؟
    مشاري/وجدتك انت بعد وتحبك بعد!!!
    خالد/شدعوة انا ادري انها جدتي ماني ناسي!!!
    عبدالله يكلم مشاري/سبايدر مان؟
    مشاري يكلم عبود/بكرة سبايدر مان بنروح انا وانت وماما هيفاء من الصبح لمجمع
    الضهران وبنشتريه زين؟
    خالد/وراك تكذب عليه!!!انت بكرة الصبح بالمدرسة؟
    مشاري/وش يصير اذا غبت يعني؟؟؟انا متعود على الغياب وبعدين هي بتروح تشتري لها
    ثوب لملكة صاحبتها العنود يعني مابتفضى حق عبود تلعبه طول الوقت ومافي غيري يحل
    الاشكالية؟؟
    خالد تبسم بوجه مشاري وهو يفكر في كلامه ومشى/تصبح على خير سلم على خالي وعلى
    باقي الجماعة............
    ظل يدور بسيارته قبل لايرجع البيت...حضرتها بكرة بتروح مجمع الضهران تتسوق من
    الصبح!!!!اي مو لاحسيب ولارقيب والطلعة بكيفها وعلى هواها!!!!وماخذة الولد حجة معها
    وهي ماهي فاضية له بعد!!!زين ياهيوف زين انا اعلمك بكرة شغلك شلون؟؟؟؟؟
    ////////////////////////////////////////////////////////////////بعد ماركبت امها دارها تنام عدلت
    نفسها على الكنبة ورجع الحزن والضيق بوجهها من جديد!!! وصارت تكلم نفسها..(ياليتني
    مااستعجلت وسوي اللي سويته!!!!شبيقول اللحين عني!!!اكيد طحت من عينه ولا احتقرني
    بعد ماشافني!!!!رفعت المرايا من على الطاولة وحطتها قبال وجهها...ياترى عجبتك يامحمد
    لو مادخلت مزاجك!!!!توقعتني كذا لو خيبت ظنك!!!على جمالها الناعم الهادىء الا ان الف
    فكرة ظلت تروح وتجي في بالها وتخليها تتحسف على اللي سوته اليوم وتتمنى لو ان الزمن
    يرجع وتنسحب من الموقف باكمله!!!
    ورغم هذا كله حست باحساس ثاني اليوم...هي تهمه هي متاْكدة من ها الشي!!!اكيد تهمه لو
    ماتهمه ماقال لها ان في ناس كثيرة خاشة مشاعرها ويهمها امرك!!!ليه بيقولها اذا هو مو
    حاس فيها!!!!
    كلامه اليوم وحنيته واسلوبه والاهم من هذا كله غيرته عليها اكدوا لها احاسيس محمد
    ناحيتها ومايقدر يقول غير كذا!!بس ليه معذبني ولاانت راضي تقولها يامحمد ليه!!!!
    ////////////////محمد بعد ظل طول الليل صاحي يفكر في مها وفي طيفها اللي شغله طول
    اليوم!!!!يمكن انه ماتمعن فيها وشافها عدل لانه بسرعة لف للجهة الثانية..بس اللي هو
    متاْكد منه ان قلبه عشق ها التمثال اللي شافه اليوم!!هو قلبه من زمان عاشقه بس اليوم وبعد
    ماشافها وكلمها انقلب حاله مرة وحدة!!!حس انه تعبان ومو قادر يتحمل اكثر من كذا!!!
    يبيها بكل قوة يبيها ومو قادر يداري اكثر من كذا على مشاعره اللي بتفضحها باي لحظة
    تكون هي متواجدة فيها!!!بس لو ما خالد وهيفاء تطلقوا كان هي من زمان بحضني
    نايمة!!!!!!اه منك ياخالد اه...ليه سويت كذا وهدمت حياتنا احنا الاربعة!!هدمت حياتي
    وحياتك وحياة مها وحياة هيفاء!!!!الله يسامحك بس الله يسامحك؟؟؟غيرها ماعندي اقول؟؟
    /////////////////////////اليوم الثاني الصباح,,,
    هنادي/محمد..
    محمد كان سرحان وطول الليل مو نايم...
    هنادي/ابو سارة؟
    محمد/ها...
    هنادي/شفيك؟
    محمد/شنو شفيني مافيني شي؟
    هنادي/سارونة من زمان تنتظرك توصلها المدرسة وانت ماتحركت من مكانك؟
    محمد/ها...لا بس كنت سرحان شوي...هنادي تعرفين المشروع اللي قلت لك عنه؟قرب
    يجي...قالها وتنهد بعدها..
    هنادي بفرح/صدق...عسى ربي يوفقك ان شاءالله..
    //////////////////////////////////////////////////////////////على الساعة تسع وربع....
    عادل/ماتقولي وين بتوديني ياولد الناس؟
    خالد اللي كان ساكت طول الطريق/بفطرك ..عازمك على فطور؟
    عادل/وين؟وليه؟
    خالد/وين بمجمع الضهران وليه علشان الاميرة اليوم هناك رايحة مادري بتقابل منو
    حضرتها؟
    عادل/شنو يعني بتقابل منو؟؟انت شاك بشي ياخالد؟
    خالد/رايحة لي مع اخوها علشان يلعب ولدها ماهي فاضية حقه؟؟مدري ليه مو فاضية حق
    الولد ياعادل؟؟مايبيلها فهامة رايحة تقابل احد؟؟
    عادل/استغفر الله العظيم ياخالد.. حرام والله حرام تحط بذمتك وانت ماتدري عن
    شي؟؟؟؟وبعدين هذا انت مو فاضي حقه ها الولد ماحد حاسبك ولا قال لك شي؟؟؟
    خالد بعصبية/انا غير انا رجال متى مابغيت تزوجت؟؟؟
    عادل/وهي بعد وقت الي تبي بترمي الولد على امك وبتقول اخذوا ولدكم انا بشوف
    الدنيا!!!!
    خالد/عادل...انت معي ولامعها؟؟؟
    عادل بهدوء استفز خالد/ليه انتوا داخلين حرب علشان اكون واقف بصفك ولا بصفها!!!كل
    السالفة انك قاعد تغالط نفسك ومشاعرك ياخالد؟؟؟
    خالد/مافهمت؟
    عادل/مااقدر اقولك اللحين بعدها الامور ماوضحت كلها..يمكن بعد موقفين اوثلاثة اقدر
    اقولك انت في شنو قاعد تفكر..
    خالد ناظره بدون مايتكلم لين وصلوا للمجمع ونزلوا....
    عادل/وين اللحين؟
    خالد/مدري...
    عادل/كيف ماتدري؟انت مو عازمني على فطور؟
    خالد/ها....
    عادل/انت جاي تشوفها وبس ماشكله فيه فطور؟
    خالد/عادل لاترفع ضغطي اكثر مماهو مرتفع الله يخليك؟
    عادل/انت رافع ضغطك بدون سبب...
    خالد/اخلص علي وين نروح اللحين؟
    عادل/اكيد بيكونون بجهة الالعاب طالما عبود معهم؟
    مشوا عادل وخالد لجهة الالعاب....
    /////////////////////////////////////////
    بجهة ثانية من المجمع وتحديدا داخل محل ادمز,,
    هيفاء/طيب هذا..
    فاتن/وريني اشوف...يعني...ذاك احلى شوفيه..
    هيفاء/ايهو فيهم؟
    فاتن/الكحلي..
    هيفاء راحت عند القميص وشالته/ويه فديته عبود بيصير يجنن عليه...يامشاري...تعال
    جيبه هنا...
    مشاري/اوووف...يالله عاد ماصارت قلتي شوي وبتتركينا؟
    هيفاء/مو باخذ له هو اول وبعدين بترككم شفيك انت؟
    عبود/يالله ابي العاب..
    هيفاء/طيب اوقف بشوفه عليك شلون يصير؟
    فاتن/الله ياانك بتصير فيه وسيم ياعبيد!!
    مشاري/عبيد!!وش ذا الاسم ؟؟
    عبدالله/انا مو عبيد انا عبود وبابا خالد يقول عبدالله؟
    هيفاء ناظرت بفاتن/يوم ونقلب راسه....حبيبي اسمك عبود صح ولالا؟
    عبدالله/اذا بنروح الالعاب يعني صح؟؟
    هيفاء/الالعاب مافتحوا بعد اول اشتري لك ثياب وبعدين تروح الالعاب زين؟
    عبدالله/عندي ثياب وااجد ماابي!!
    فاتن ومشاري/هههههههه
    هيفاء/عارفة ان عندك ثياب واجد بس زيادة الخير خيرين!!وانت كل ما يجي لك تفز
    شوي...
    عبدالله/شنو افز؟؟
    هيفاء/يعني تكبر شوي..
    عبدالله/خلاص اجل ماراح اكل شي علشان لااكبر!!!مو انتي دايم تقولين كل علشان تكبر
    عرفت السر اللحين اذا اكلت معناته كبرت واذا كبرت معناته اذا جينا السوق تشترين ثياب
    لاني افز وماالعب ويضيع الوقت؟؟؟؟
    هيفاء وهي تقلب بالبرموادات/لسانك وش طوله وتفهم في كل شي لكن خليني اقعد اعلمك
    الحروف والارقام تقلب انسان ثاني!!!!
    فاتن/مهاوي تاْخرت شكلها مو جاية؟
    هيفاء/بتجي على العشر....اللي فهمته منها انها بتنتظر احمد علشان هو ماعنده محاضرات
    اليوم من بدري....
    /////////////////////////////////////////////////////////////////في مستشفى المواساة...
    محمد/ها ذي البلشة انا ماادري اذا اليوم عندها دوام ولالا؟كيف تسرعت وجيت لها؟؟والله لو
    ماالرقاد فارقني البارح ماكنت وطيت ها المكان ياهيفاء؟؟؟بس شسوي مضطر اكلمك عنها
    وتبلغيها عن شعوري ناحيتها....ابيك تشوفين لنا صرفة..وش نسوي بقلوبنا اللي وقفت
    وتفرقت من تفرقتي انتي وخالد؟
    محمد/لو سمحتي...هيفاء السالم ممرضة هنا وين ممكن الاقيها؟
    الممرضة الفلبينية/هيفاء مافي دوام اليوم اجازة...
    محمد/في باله(حلوة ذي انا معها في بيت واحد وماادري انها اجازة!!!!وانا ليش داق لي
    مشوار ومستاْذن من الدوام ان شاءالله؟؟؟بس مو مشكلة اللحين اكلمها اصحيها لو من نومها
    وامرها اتفاهم معها؟؟)
    وهو ماشي طلعت من الغرفة الثانية الممرضة لمى ومعها دكتور سعودي..
    لمى عرفته علطول لانه يوم الحادث هي اللي كانت موجودة ودقت على هيفاء..
    لمى بتشكيك/محمد...لو سمحت..انت محمد السالم صح؟
    لف محمد لها/نعم...
    لمى/لا بس انا زميلة اختك هنا..خير ان شاءالله في شي ممكن اساعدك فيه؟
    محمد توهق/لا بس خلصت اموري شكرا...
    الدكتور/هذا اخو هيفاء اللي عندنا..
    لمى/أي دكتور ماجد...
    الدكتور/هلا وسهلا....
    محمد/شكرا..
    الدكتور/ممكن تشرفني شوي المكتب ودي ادردش معك شوي..
    محمد/بخصو ص شنو؟؟؟
    الدكتور/شفيك يامعود كلها كلمتين؟؟
    ///////////////////////////////////////////////////////////////طلعوا من ادمز وصاروا يمشون بين
    المحلات....
    وبجهة ثانية من نفس الطريق كانوا خالد وعادل يمشون..
    عادل/انت متاْكد انه قال بيجون مجمع الضهران؟
    خالد/في مجمع ضهران ثاني هنا بالشرقية؟؟
    عادل/لا
    خالد/معناته هذا هو ماني غلطان؟
    عادل/طيب هو قال اليوم بيجون مو سمعت غلط؟
    خالد/بلى قال اليوم؟
    عادل/خالد مو ناقصنا غير ندخل المحلات نشوف اللي فيهم!!!!لفينها مرتين ماشفناهم اكيد
    انهم لسه ماوصلوا؟؟؟

    وعند محل نعومي دق جوال خالد..
    خالد/هاذي مها..
    عادل/حلو اسالها عنهم يمكن انها تعرف شي؟
    خالد/جنيت اسال مهاوي عن هيوف!!
    عادل بضحكة خبيثة/هيوف بعد!!اكيد هذا اسم الدلع!!!!
    قلب وجه خالد احمر من الاحراج لانه ماكان ابدا يقصد انه يدلعها بالعكس كان بالنسبة له انه
    يحقرها مو اكثر ولااقل؟؟؟؟
    رد على مها علشان يداري احراجه....
    خالد/هلا مهاوي...
    مها/بلا هلا بلا بطيخ وينك انت؟



    البارت العاشر,,,,
    مها/بلا هلا بلا بطيخ وينك انت؟
    خالد/ليه تسالين؟
    مها/قول الحقيقة انت وينك ولاتحاول تكذب علي؟؟؟
    خالد/(خطر في باله ان هيفاء شافته وهو ماانتبه لها فما حب يكذب على مها) انا بمجمع
    الضهران
    مها/وش تسوي عندك يابعدي؟؟؟
    خالد/والله يابعد طوايف خالد ترى ماني اصغر عيالك اشاورك قبل لا اطلع!!!على العموم
    عادل عازمني على فطور وقلنا نتمشى شوي قبل نفطر ارتحتي اللحين؟
    مها/اقول خالد ترى انا وراك بعد سبع خطوات بالضبط؟
    لف خالد وراه وشاف اخته...
    خالد/يالنذلة ...انتي وش مجيبك هنا ومع منو جاية؟
    مها/اولا ماني نذلة ومااسمح لك؟؟ثانيا.انا متفقة مع فاتن وهيفاء نشوف لنا ثياب علشان ملكة
    العنود ها الاسبوع ومتفقين نلبس مثل بعض...وثالثا..احمد توه جابني وابوي عارف اني
    جاية حتى قلت له اني مورادة البيت اليوم بنتغذى في المطعم وبنرجع العصر نكمل تسوقنا
    ..
    خالد لقاها فرصة/أي بس انتي بروحك ماحد معك؟
    مها/لا هم هنا من قبل ساعة تقريبا...دقيت عليهم قالوا لي انهم بزار ..هيفاء تشتري لعبود
    وبعدين بنتسوق مع بعض...يالله انا رايحة لهم..باي...
    خالد/اذا بغيتي شي ترى بكون عند المطعم يعني بفطر وبمشي ...
    مها/طيب.....
    سكرت من خالد ومشت ومرت من قدامه هو وعادل ودخلت لزارا...
    عادل/اللحين يللي ماتستحي انا اللي عازمك على فطور؟
    خالد وعينه على محل زارا/ان شاءالله تبيني اقول لااختي اني عازمك هنا تحديدا علشان
    اشوفها؟
    عادل/على الاقل بتكون قلت الحقيقة؟
    خا لد/ماهي بروحها ياعادل...جاية مع فاتن ومها علشان يتسوقون؟؟
    عادل/انت بس شكاك بزيادة؟
    خالد/أي بس هذا مايعني انها ماتقدر تكون متفقة مع احد....
    عادل/والله مدري شقولك..بس الظن حرام ياخالد...انا بسالك سؤال وتجاويني عليه
    بصراحة؟
    خالد/قول...
    عادل/انت تكره هيفاء؟؟؟واذا كنت تكرهها شنو الشي اللي بيخليك تكرهها لهدرجة؟؟؟
    //////////////////////////////////////////
    في مكتب الدكتور ماجد
    الدكتور ماجد/بصراحة مدري كيف افتح معك الموضوع؟
    محمد/خير ان شاءالله؟
    الدكتور ماجد/الخير بوجهك ياخوي...
    محمد/تراك اقلقتني..يعني لو ماعندك مانع ادخل بالموضوع مباشرة...
    الدكتور ماجد/انا بصراحة منفصل عن زوجتي وعندي بنتين وولد...
    محمد/؟؟؟؟؟؟؟؟؟؟؟؟؟؟؟؟
    الدكتور ماجد/وانا معجب بااختك هيفاء كثير...وودي اطلب يدها اذا مافي مانع؟
    محمد بعصبية/نعم؟؟
    الدكتور ماجد/لاتفهمني غلط يااخ محمد..انا مو قصدي يعني..
    محمد/شنو مو قصدك؟
    الدكتور ارتبك من طريقة محمد/اختك بنت ناس ومؤدبة و....
    محمد/ومطلقة؟؟؟؟
    الدكتور ماجد/انت مفكر اني طلبتها علشان انها مطلقة؟؟؟؟لا يااخ محمد انت غلطان؟؟؟اللي
    يدور على السعادة مايهتم منو بيكون الطرف اللي فيها ولا اذا كان له ماضي ولالا؟
    محمد/انت شنو تعرف عنها بالضبط؟
    الدكتور ماجد/اللي يعرفونه باقي المستشفى..او اللي يتناقلونه بشكل سري في مابينهم...اللي
    اعرفه انها مطلقة وعندها ولد وبس؟؟
    محمد/بس؟؟
    الدكتور ماجد/وبس...
    محمد/وتعرف شنو اسباب طلاقها؟
    الدكتور ماجد/...........
    محمد/يعني هيفاء ماقالت لك؟؟(هو قالها ويبي يشوف اذا بينه وبين اخته شي بيذبحها بدون
    تفاهم)
    الدكتور ماجد/محمد..قلت لك انا مابيني وبين اختك شي...وحاولت اني افتح معها ها
    الموضوع بس صدتني وماعطتني وجه ابدا!!!
    محمد/والمطلوب مني؟
    الدكتور ماجد/ابيك تكلمها بالموضوع وتشوف رايها؟
    محمد/وليش ماتكلمها انت؟؟انت تشوفها اكثر مني؟
    الدكتور ماجد بتشكيك/انت مو واثق من اختك امحمد؟؟؟اقولك ماتعطيني وجه وتصدني
    تقولي انت تشوفها اكثر مني؟؟؟؟؟
    محمد/خليني اكون صريح معك..هي تطلقت من ولد عمتي يعني من شخص منا
    وفينا...وبعدها رفضت فكرة الزواج نهائيا...يمكن ماصادف انه تقدم لها شخص مناسب بس
    انها رفضت الفكرة خلاص تقول تبي تربي ولدها؟
    الدكتور ماجد/ولدها بيكون ولدي اذا هذا هو مشكلتها؟؟؟بعدين انا عندي عيال وابيها تكون
    امهم ومثل ماراح تشيل عيالي بشيل عيالها....
    //////////////////////////////////////////////////////////////عادل/تدري خلنا ندخل ها المحل؟
    خالد/أي محل؟
    عادل/زارا..اللي عيونك عليه؟
    خالد لف له بدون مايتكلم
    عادل/يالله...
    خالد/لالا بلاها..اللحين بنشوف عبود وبيشبك فينا؟
    عادل/الله عبود مرة وحدة صرت مثل بيت السالم ماتناديه الا عبود؟؟رغم ان بيت العواد
    ماينادونه الا عبادي؟؟؟؟
    انتبه خالد للكلمة وشافها صحيحة بيتهم ماينادونه الاعبادي لانه ابوه مايحب اسم عبود
    يعتبره شتيمة؟؟بس بيت السالم مايسمونه الاعبود يدلعونه فيه؟؟؟وهو صار مثل بيت السالم
    رغم انه عايش ببيت العواد؟؟؟
    مسك عادل يده ودخله معه بزارا..وراحوا عند ركن الاطفال..
    خالد يهمس لعادل/جنيت انت؟؟؟كاهم هناك لو لفوا بيشوفونه؟؟؟
    عادل/صير ابو مرة وحدة وفرح ها الولد ماهو ضارك لو انك شريت له قميص لو بلوزة
    وتقول عجبتني وشريتها لك؟؟؟
    خالد /هو مايفهم لها السوالف؟؟
    عادل مسك بلوزة فيها رسمة ولد وكورة..../من قال عاد..الطفل يفرح باي شي حتى اذا
    ماكان يحبه يكفي انها تكون هدية؟
    خالد/عادل..
    عادل/لو سمحت...ابي وحدة بمقاس طفل عمره ثلاث سنوات؟
    البائع/تكرم عينك...بدك ياها بنفس اللون ولا اللون الارجواني؟
    عادل/اقول خالد تتوقع ايهي الاحلى بتكون على عبود بلون السماوي ولا اللون الارجواني؟
    خالد/بكيفك انا مالي شغل انت اللي بتشريتها وانت اللي بتدفع؟؟؟
    عادل/انا بشتريها ياه...ومسكها وحطها عند المحاسبة...واشر لخالد يجي....ويوم وقف
    خالد..قال له بهمس /بس انت اللي بتدفع؟؟؟قالها وابتعد عنه عند الكاشير؟؟؟
    دفع خالد وهو ماله نفس ابدا وراح لعادل اللي كان ينتظره..
    خالد/امسك..
    عادل/انت اللي شريتها انت عطيها ايه؟
    عبدالله كان يمشي مع مشاري وانتبهوا لخالد وعادل...
    عبدالله بصوت عالي/بابا خالد؟
    انتبهوا لهم فاتن ومها...بس هيفاء كانت مشغولة بالجهة الثانية وماشافتهم....
    تقدم خالد منهم ووراه عادل اللي استحى من تواجده...لان مها كانت موجودة وهو ينحرج
    منها ليه مايدري؟؟؟؟
    مها/خالد انت مو قلت بتفطر وبتمشي؟

    خالد يناظر في عادل اللي كان يضحك..
    مشاري/شلونك عادل..
    عادل/انا بخير الله يسلمك...
    عبدالله/سوي سلام بابا خالد...
    خالد مد لعبد الله الكيس/خذ..
    عبدالله/شنو؟
    خالد توهق وناظر في عادل...
    عادل/هذي الله يسلمك شافها بابا خالد وعجبته قال اذا لبسها عبود بتصير تجنن عليه...
    عبدالله بزعل/بس ماما هيفاء شرت لي ثياب واجد انا ابي سبايدر مان كبير؟؟؟
    مشاري/خلاص امك قالت هذا اخر محل وبعدها بتفرج عنا..
    مها/هههه من صدقك انت؟؟وش تبي بالالعاب وعوار الراس؟؟خلك هنا ابرك لك..
    مشاري/شايفتني مثلكم؟؟؟مدري وش تحبون بالسوق ماتملون لو تجون كل يوم؟؟
    فاتن/عينك علينا باردة؟؟؟
    خالد/انا ماشي..تبون شي؟؟
    مها/سلامتك....
    هيفاء جت من وراهم وهي ماتدري ان خالد هنا مامشى..
    هيفاء/ههههههه تصدق مشاري توها جدتي داقة علي تسالني انا وين قلت لها بزارا قالت لي
    اجل خذولي انا بعد زارا مثلكم على بالها زارا دونات؟؟؟؟
    مشاري وفاتن ومها/هههههههه
    عبدالله/ماما سلمي على بابا خالد..
    هيفاء/على منو؟
    عبدالله اشر على ابوه اللي كان بعد شوي عنهم /بابا خالد..
    رفعت راساها جهته ولقته يناظرها....
    مشاري/ها وين الفلوس.؟
    هيفاء/امسك هاذي ميتين..
    مشاري/مااتفقنا على ميتين بس؟؟
    هيفاء/ولا اتفقنا على شي اصلا؟؟
    مشاري/انا قلت خمس مية؟
    فاتن/تمزح انت؟؟بتلعب ها البزر كم لعبة بخمس مية ريال؟؟؟
    مشاري/اذا مو عاجبك لعبي معاه انتي؟؟؟على قولة مها عوار راس هناك؟؟؟
    هيفاء/بعطيك خمسين زيادة؟
    مها/لاتعطينه وجه؟
    مشاري/وانا اطر منك بتعطيني خمسين لو بتعطيني مية بالقطارة؟؟؟جيبي كامل يبى
    خلصيني؟؟
    فتحت شنطتها وعطته هي تبيه بس يمشي علشان تمشي لان وجود خالد مربكها حيل
    وخصوصا انه عيونه عليها ماشالها وهي ماتدري من وين طلع لهم؟؟؟مها واحمد اللي جابها
    بعد هذا شيسوي هنا؟؟؟؟
    فاتن/توكل بس خل جوالك معك في يدك علشان اذا دقينا تسمعنا؟
    هيفاء/لحظة بس..بشوف الجزمة اللي هناك على عبود....
    عبدالله/اوووووف..
    فاتن/خلاص احنا بنروح دبنهامز خلصي وتعالي لنا...
    هيفاء/ماشي....
    مسكت يد عبدالله وراحت عند الجزمة اللي تبيها..وخالد لف وراهم....
    وعادل بعد ماطلعوا البنات راح عند مشاري بسرعة يكلمه علشان لايلحق هيفاء وخالد...
    ////////////////////////////////////////////////////////////////دار بسيارته لوين مايدري...رايح
    يكلم هيفاء بموضوعه هو ومها كلمه ها الدكتور عنها؟؟؟
    شها الورطة ياربي....معقولة يكون بينه وبين هيفاء شي وهي قالت له لايخلي احد
    يدري؟؟؟؟طيب اللحين شسوي ياربي...افاتحها بالموضوع لولا؟؟؟اقول لاابوي لولا؟؟هو
    عطاني رقمه وقال فاتحها بالموضوع واذا صار شي باجي اخطبها رسمي......
    طيب وبعدين...لو قالت ماعندها مانع معناته انها متفقة معه بس لو قالت انها مو موافقة
    يعني ماتدري عن شي؟؟؟؟
    اوووف ياربي من وين طلعت لي ها السالفة ماادري!!!!
    خلني ادق على ثامر اشوف وش يقول لي....
    /////////////////////////////////////////////
    هيفاء/عفية عبود اوقف شوي بس بشوفها عليك شلون تصير؟
    عبدالله/ماابي اللون الاسود ابي هاذي اللي فيها كورة؟
    هيفاء/هاذي موحلوة هاذي احلى...
    خالد من وراها اخذ الجزمة اللي يبيها عبدالله/تبي هاذي؟
    عبدالله/أي...
    خالد/طيب...امسك..البسها شوف...
    اخذها عبدالله بيلبسها وشالتها منه هيفاء بعصبية
    عبدالله/بابا قال البسها؟
    هيفاء/وانا قلت ماراح اشتريها بشتري السودة وماابي اعيد كلامي مرتين؟
    خالد/وان شاءالله منو قال لك اشتريها بالله؟؟انا وين رحت؟
    هيفاء ماردت عليه الشي اللي ضايقه ومسك الجزمة من يدها بقوة ولبسها عبدالله..
    خالد يكلم عبدالله وعيونه بهيفاء اللي كانت صادة عنهم/كويسة عليك؟
    عبدالله/أي..
    خالد/بس هاذي تبيها؟
    عبدالله اشر على ثلاث جزم بعد..
    عبدالله/ابي هاذي وهاذ ي وهاذي..
    خالد/بس؟
    عبدالله/أي بس..
    هيفاء بحدة/عبدالله ردهم....
    عبدالله/بابا قال خذهم؟
    خالد/انتي مالك شغل خل الولد يختار الشي اللي يبيه بنفسه؟
    هيفاء/انا مالي شغل ومنو بالله له شغل؟؟
    خالد/انا!!!!
    هيفاء/لاوالله؟؟؟ليش انت منو؟
    خالد/انا ابوه؟
    هيفاء/مبروك...توني دريت بها الشي؟؟؟؟؟
    رمت الجزمة السودة قدامهم وتركت عبود عنده ومشت عنهم وطلعت من المحل بكبره..
    وهني توهق خالد..هو كان يبي يعاندها ويسمع صوتها ويخليها تعصب بس مو تترك له
    عبدالله وتطلع من المحل بكبره؟؟
    عبدالله شال الجزمة/بابا نشتريها هاذي بعد اللي قالت امي تبيها؟
    خالد لاشعوريا/اكيد مو هي قالت تبي تشتريها؟
    عبدالله/يالله بابا ندفع فلوسهم...
    مشوا لعند الكاشير وتقربوا مشاري وعادل منهم...
    مشاري/يالله عبود نروح الالعاب
    عبدالله/بتجي باب لنا في الالعاب..
    عادل/أي حبيبي عبود انتوا روحوا لعبوا واحنا بنروح نفطر وبعدها بنجيكم زين؟
    مشوا عبدالله ومشاري من المحل...
    عادل/قبل شوي بخلان تشتري بلوزة وحدة ؟؟اللحين مشاءالله اربعة جزم ؟؟؟
    خالد/تعرفني ماني بخيل ياعادل؟؟
    عادل/وخصوصا قدام هيفاء؟
    خالد/لاتطري اسمها لو سمحت؟
    عادل/وش قالت لك بنت السالم قلبت خلقتك مرة وحدة؟
    خالد مسك الاكياس/خلينا نطلع ...
    عادل/خلنا نروح نشرب لنا شي منت عازمني ببلاش؟؟؟
    **********************************في بييت السالم,,,,
    الجدة ام عبدالله/اقول ام محمد؟
    ام محمد /قولي ياخالتي..
    الجدة/متى ناوية تزوجين محمد؟
    ام محمد/الود ودي زوجته اليوم قبل بكرة بس شسوي فيه كل مافتحت له ها الموضوع قال
    يصير خير وبفكر...
    الجدة/هذا من طيانتك؟؟بتخلينه على كيفه؟؟يبى قولي له خطبت لك خلاص ؟؟
    ام محمد/يعني احطه قدام الامر الواقع؟؟لا مايصير يمكن انه مايبي يعرس لشي في باله اقوم
    اصير انا امه عليه.؟؟
    الجدة/ان شاءالله من صغره محمد اللي كبره تزوجوا وجابوا عيال؟؟
    ام محمد/يمكن هو حاط في باله شي؟
    الجدة/ولدك قوطي مايحط شي بباله؟؟؟
    ام محمد/خالتي؟؟هذا ولدي بكري حبيبي لاتقولين عنه كذا؟؟
    الجدة/وانا الصادقة ولدك يابالدوام يابغرفته لايروح ولايجي؟؟ماصار مثل التيس اخوه غايب
    من المدرسة ورايح ياكل زارا!!!
    ام محمد/وش ياكل؟؟؟
    الجدة/أي انتي وش عرفك وش يسون بغيابك ومن وراك؟؟اخته هيفاء فضحته سالتها وينه
    قالت بزارا شفتي الشين وش يسوي من ورانا؟؟؟
    ام محمد كتكت ضحكتها وماعلقت...
    الجدة/لاتشغلين بالك حسابه عندي اذا جا انا اللي بادبه رايح ياكل زارا من ورانا!!!الا بقولك
    انتي مو حاطة في بالك احد محدد لمحمد؟
    ام محمد/لا....
    الجدة/أي بس ولدي كان يقول شي ثاني؟؟
    ام محمد/خالتي انا ماابي لسانك يغلط ويقول قدام ام خالد ان محمد يبي مها؟؟؟احنا صحيح
    كنا نتكلم بالموضوع البارحة بس قلنا انه شكله مايل لها بس من تطلقوا خالد وهيفاء ماشفنا
    منهم طاري يمكن ان احنا كنا مفكرين غلط؟؟
    الجدة/طيب....انتي وش رايك بفاتن؟
    ام محمد/فاتن بنت اختي؟
    الجدة/وش فيها مو يكفي انها بنت اختك علشان تعطيها ولدك محمد؟
    /////////////////////////////////////////////////////////////بعد ماطلعوا خالد وعادل من المحل
    قعدوا بستار بوكس يشربون لهم قهوة....
    مها دقت على خالد..
    خالد/هلا مهاوي..
    مها/خالد انت طلعت ولا بعدك هنا؟
    خالد/لا لسه هنا ليه تبين شي؟
    مها/طيب من زمان انت طلعت من زارا؟
    خالد بخوف/ليه؟
    مها/صار لنا نص ساعة من تركنا هيفاء وقالت بتلحقنا وماااشوفها جت لنا كنت بشوف اذا
    بعدها هناك ولا لا؟
    خالد حس بالخوف لان هيفاء طلعت من المحل قدامه....
    خالد/طيب دقي عليها؟
    مها/دقيت ماترد؟
    خالد/ماترد؟؟
    مها/خلاص لاتشغل بالك بنرجع لها مرة ثانية اكيد انها ماخلصت...
    خالد وقف/قوم..
    عادل/وين؟؟وش فيك خايف كذا؟؟
    خالد بعصبية/ماني خايف...
    عادل/بلى شكلك خايف ومتضايق؟؟
    خالد/هيفاء ماراحت لهم من يوم تطلع من المحل؟؟؟
    عادل/وانت قلبك متقطع عليها؟
    خالد بعصبية/بتكون حقيرة لو انها اللحين قاعدة مع حبيبها ومطنشة اتصالاتهم....؟؟؟
    قالها ومشى بسرعة وهو مو عارف وين يروح...
    كل اللي يعرفه انه راح هناك وهو يبي يتاكد منها وين بتكون موجودة؟
    بعد ماوصل عند نفس المكان وصلت مها...
    مها/خالد...وش تسوي عندك؟
    خالد/مدري بس قلت اشوف يمكن انكم تبون شي؟
    مها/يوم انك هنا تسلم يابعد طوايفي روح اشتريلي ماي وبيبسي...جيان وراك علطول..
    خالد/مها...وش ها الكلام يابنت؟روحي انتي اشتري لنفسك؟
    مها/أي بس انت ماعندك شي..
    خالد انتبه لنفسه ولوجوده الغلط هنا/طيب...بروح...

    راح وهو مو طايق نفسه وقام يمشي بجيان وهو يفكر وين ممكن يشوف هيفاءولفتوا نظره
    الالعاب اللي هناك ومايدري ليش رجله اخذته يشوف اذا فيه سبايدر مان كبير لولالا؟؟؟
    كان يمشي بين الالعاب وهو يسمع بالجهة الثانية من الالعاب صوت بكي او كذا تهيا له....
    خلص من الجهة الاولى وماشاف شي....لانها كانت كلها العاب بنات..راح الجهة الثانية
    ولقى وحدة واقفة عند السبايدر مان وهي تكلم بجوالها وتبكي....
    هيفاء من بين دموعها وهي حاضنة سبايدرمان صغير/واللله يالعنود ماقلت له شي هو
    نرفزني وضايقني بكلامه؟؟؟مدري ليه يتعامل معي كذا!!!!
    هاذي هي ياخالد تقرب اكثر علشان تعرف اذا كانت تبكي من اللي صار بينك وبينها لو من
    شي ثاني صار لها بعد ماطلعت من المحل...
    هيفاء/ماقلت له شي ياعنود بس هو اللي بدا يجاكرني ويقول لي مالك شغل فيه؟؟؟انا مالي
    شغل بولدي؟؟؟انا؟؟؟لاويقول انه ابوه؟؟؟من متى خالد يدري انه عنده ولد ياعنود من
    متى؟؟؟؟والله اني من طلعت من المحل وانا مو قادرة ياعنود احس ان في شي داخلي
    يتقطع...جيت على وجهي هنا بجيان ادوره له سبايدرمان....عبدالله مايل لخالد ياعنود وانا
    قلبي يعورني..ماابيه ياخذه مني ماابيه؟؟؟؟هذا ولدي انا....انا اللي ....وانفجرت تبكي..
    خالدالى هنا ومشى...تاْكد من انها كانت هنا وتبكي على اللي صار بينهم ومافي شي من اللي
    يفكر فيه موجود؟؟؟
    مايدري ليه جاه تاْنيب ضمير بذيك اللحظة وحس انه بيموت من الضيق والقهر دق على
    عادل وقال له يطلع له عند السيارة لانهم بيمشو ا؟؟؟
    *********************************بعد ربع ساعة دقت هيفاء على فاتن وقالت لها انها
    بجيان وانها اسفة انها تركتهم طول ها الفترة ينتظرونها وماتسوقوا علشانها وقالت لها فاتن
    انهم راح يجون عندها بجيان علشان باقي بس شوي ويسكرون صلاة وبتسكر المحلات,,,,
    /////////////////////////////فاتن/مدري ليه حاسة ان السالفة فيها شي؟
    لفت لها مها/شلون يعني؟
    فاتن/صوتها كان متغير وانا اعرفها من صوتها اذا كان فيها شي مضايقها؟
    مها/شي مثل شنو؟
    فاتن/مدري بس اكيد صار لها موقف او جاها تلفون الله اعلم ؟؟ولا ليه بتقلب كذا فجاْة مرة
    وحدة؟؟
    مها وقفت بمكانها/تتوقعين لانها شافت خالد؟؟؟
    فاتن بعد تفكير/يجوز..وانا مالومها شوفة خلود ترفع الضغط بصراحة؟؟؟
    مها/اخاف صار بينهم شي؟؟؟طبعا لو نتقطع حالنا ماراح تقول لنا وبتقول ان مافيها شي؟؟؟
    فاتن سكتت لانها عارفة لو خالد قال شي بيجيها الخبر بعدين....كملت مشيها مع مها لجيان
    وهي ساكتة تفكر في هيفاء وخالد,,,,
    /////////////////////////////////////////////////////////////على البحر في كورنيش الخبر,,,
    عادل/خالد وش بلاك من طلعنا وانت ماقلت شي ..ولاكلمة طول الطريق؟؟طيب فهمني
    وش اللي مضايقك ولا مزعلك؟؟؟طيب بسالك سؤال يمكن انه يحرجك ولا يضايقك بس
    ابيك تجاوبني وغلاتي عندك ابي افكر معك ونتشاور مع بعض.....خالد انت شفت هيفاء
    اليوم مع احد وتاْكد ظنك؟؟؟؟
    خالد غمض عيونه بقوة وكاْنه يخفي دمعة كانت بتنزل منه......طول الوقت والطريق وهو
    يفكر فيها....
    عادل هز كتفه وكاْنه يبيه يفتح عينه ويصحى..
    عادل بخوف/خالد..شفيك؟
    خالد تنهد تنهيدة كبيرة وحارة....
    عالد/خالد...كلمني؟
    خالد فتح عينه وصار يناظر بالبحر...
    عادل/..............
    خالد/منهي هيفاء ياعادل منهي؟
    عادل فتح عينه وهو مستغرب من ها السوال من خالد...؟؟؟
    رجع خالد لسكوته من جديد..
    عادل/خالد...شنو يعني مافهمت؟
    خالد/شلون مافهمت؟؟؟؟سالتك منهي هيفاء اللي انا حاطها في بالي وابي اذلها باي
    طريقة؟؟؟؟
    /////////////////////////////////////////////////////////////////////في جيان....
    مها/شدعوة اقلقتينا عليك؟
    هيفاء مسحت اثر الدموع بس باقي غصة بصوتها مبينة انها كانت تبكي..../اسفة والله
    موقصدي..
    فاتن ناظرت بالعربة اللي كانت تدفها هيفاء قدامها وحبت تلطف الجو/والله مايسوى علينا
    حبك لعبود؟؟؟جاية ومغافلتنا علشان ها السبايدر مان اللي يحبه عبدالله؟؟؟
    مها ناظرت بالعربة وشافت السبيادر مان وضحكت...
    هيفاء ناظرته وكان تفكيرها مشغول رفعت جوالها ودقت على مشاري تشوفه وينه...
    هيفاء/مايرد....
    مها/هيوف وش فيك مشاري راعي شيمة وماهو مقصر عن عبادي؟؟
    هيفاء/مو مسالة مقصر انا مشاري اعرفه زين يحب عبود موت بس كنت بشوفه شمسوي
    معه؟
    فاتن/هيفاء حبيبتي خل عبود يولي عنك شوي؟؟شوفي نفسك شوفي حياتك..كل شي بحياتك
    مركب ها البزر مايصير كذا؟؟؟
    هيفاء تنهدت وسكتت..
    مها/احنا عارفين انك متعلقة فيه..بس ياهيفاء انتي لازم تشوفين حياتك...وتحملين خالد
    مسؤلية ولده؟؟؟؟لاتناظريني كذا ياهيفاء..خالد اخوي وحبيبي بعد..بس ماراح ارضى انه
    يظلم ولدك ويظلمك اكثر مماظلمك...انتي عطيه ولده وشوفي حياتك...كم واحد تقدم لك
    ورفضتي؟؟ليه علشان عبدالله...ماتقولين لي اذا كبر عبدالله بيناظر بوجهك ولا بيرد عليك
    السلام حتى؟؟هيفاء مو كل زرع تزرعينه يطلع ثمره حلو....لاتضيعين عمرك وانتي بعدك
    ببداية حياتك والدنيا قدامك ياعمري....
    كانوا في ها اللحظة وصلوا عند كراسي الحديقة اللي والخيام اللي بجيان...
    هيفاء قعدت على اول كرسي لقته وبكت...بكت بكل مافيها من دموع.....
    هيفاء/خالد يكرهني.....وعبدالله كل ماشاف خالد تجنن عليه وهو مو معبره؟؟؟انا عارفته
    يبي يجاكرني ويعاندني بس!!!ليه ماادري...صدقوني انا طول ماعشت مع خالد ماعشت
    معه يوم حلو..رغم اني ماضيقت خلقه مرة وحدة بحياته؟؟؟كل شي مثل مايبي وازود؟؟بس
    كره ابوه لي تشعب فيه وصار يكرهني لان ابوه يكرهني بس؟؟؟خالد قلبه طيب انا عارفته
    زين....بس ماني قادرة اشيل كرهي من قلبه...انا مايهمني انه يكرهني ولالا؟؟كل اللي
    يهمني عبدالله؟؟ماابيه يتعلق بخالد ويطنشه خالد من حياته...ماابيه يحس بيوم من الايام انه
    دخيل على حياة ابوه....؟؟
    //////////////////////////////////////////////////////////////على كورنيش الخبر...
    عادل/منهي هيفاء ياخالد؟؟هيفاء طليقتك...هاذي الاجابة اللي تبيها؟
    خالد صار يناظر بالبحر وهو حاس بالضيق..../
    هيفاء....هيفاء..انسانة كرهتها لانها كانت مفروضة عليه بيوم من الايام!!!هيفاء بنت عاقلة
    وطيوبة وانا مااستاهلها؟؟هيفاء شفافة وحساسة ...يمكن كانت خيرة اني اطلقها علشان
    لاتتعذب معي اكثر ولاني مااستاهلها؟؟؟
    عادل بذهول/خالد شفيك ؟؟صاير لعقلك شي؟؟؟من وين جايب ها الحكي؟
    خالد وهو بعده بضيقه وتناهيده...شال شماغه وحطه على الارض وفتح زراير ثوبه وكانه
    يبي يتنفس...
    كان يتكلم بصوت حزين وعيونه مازالت ثابتة على البحر/عبدالله ولدها وهي متعلقة
    فيه..هيفاء مافي شي بحياتها غير عبود ياعادل؟؟؟لو شفتها وهي تبكي وخايفة اني اخذه
    شكنت سويت مكاني؟؟؟
    عالد/خالدز.انت تاْثرت يوم شفتها تبكي؟؟؟
    خالد/كانت تكسر الخاطر...كان ودي بالمحل بس اعاندها واجاكرها بس يوم شفتها تبكي
    تمنيت اني ماقلت لها شي يضايقها ويزعلها...كسرت خاطري...
    عادل وهو يتنهد/ها الموقف بالنسبة لهيفاء بسيط ودموعها هاذي عادية؟؟؟
    ناظره خالد باستفسار...
    عادل بتاْنيب/ياما بكت بعد طلاقكم بكي اكثر من هذا بكثير ياخالد؟؟؟بنت صغيرة وبنت
    خالك ومطلقة سودت عيشتها ياخالد وحملتها هم فوق همها؟؟؟حمل وولادة وهي ماتدري
    وش اللي صاير بالدنيا وفوق كل هذا لازم تتحمل ولد ماله ابوه..ابوه مايبيه ولاعمره سال
    عنه حتى يوم نولد؟؟؟؟
    خالد/انت ..انت ليه تقولي ها الكلام اللحين؟
    عادل/لان ضميرك توه صاحي ياخالد وتوك شايف هيفاء على حقيقتها؟؟وتوك حاس انك
    ماتكره ها الانسانة لذاتها بس علشان ترضي غيرك؟؟؟وتوك عارف ان مشاعرك مايلة لها؟؟
    خالد/انا ماقلت ان مشاعري مايلة لها ياعادل؟؟
    عادل/مو لازم تقولها؟؟خالد الشي اللي قلت لك ابي اتاْكد منه تاْكدت خلاص؟؟انت تحبها
    وتبيها..يمكن مايكون حب بمعنى الحب..بس انت تبيها وماتقدر تنكر ها الشي
    ياخالد...غيرتك عليها مفضوحة مثل الشمس؟؟؟خالد بدفاع/انا مااغار عليها ياعادل ولا احبها
    بعد!!!بس..بس..
    عادل/بس شنو؟؟؟انت منت قادر تتكلم عن مشاعرك تدري ليه؟؟لانك بتعتبره اهانة بحق
    نفسك انك تحب انسانة بيوم من الايام كانت بين يدينك وانت فرطت فيها بسهولة!!!!!
    خالد/مو كذا...اصلا كلامك موصحيح؟
    عادل/اسمعني زين ياخالد....مشاعرنا مو عيب ابدا ان احنا نتكلم فيها؟؟؟عندك اختك مها
    هي قريبة منها حييل..واذا حسيت انك تبيها بجد كلم مها وخليها تشوف ردة فعل هيفاء يمكن
    ان البنت تتقبل وجودك من جديد بحياتها....
    سكت خالد ومارد عليه....
    *************************************هيفاء/ها مشاري وينكم انتوا؟
    مشاري/عند المطاعم....
    هيفاء/طلبتوا شي ولا لسه؟
    مشاري/ولدك مايبي غير بطاطا..
    هيفاء/ماعليك منه تحايل فيه قوله لو مااكلت ماراح تكملون لعب مع بعض؟
    مشاري/طيب...انتوا وينكم؟
    هيفاء/نحاسب بجيان وبنطلع اللحين بنجيكم عند المطاعم.....
    مها/اوووف..طالعين واخر شي نتغذى هني ماابي هنا انا؟
    فاتن/وين تبين ان شاءالله؟
    مها/ابي مطعم مثل العالم والناس نقعد براحتنا ونروح براحتنا ونقوم براحتنا مو
    بالمجمع..كل المطاعم اللي هنا مااحبها؟
    هيفاء/والحل؟
    مها/ماادري دبروها؟
    فاتن/دبروها انتوا انا مالي شغل فيكم..
    مها رفعت جوالها بدق على احمد بشوف/اوووف مايرد علي هذا بعد؟
    هيفاء/ادق على السايق؟
    مها/لا مقدر اركب معه...مابيرضى ابوي لو عرف؟
    فاتن/شرايك تدقين على هند...مو محمد يجيبها قولي لها تعالي تغذين معنا ومحمد يوصلنا...
    مها وهيفاء ناظروا في بعض....
    هيفاء/اختصر على نفسي وادق على محمد علطول اذا السالفة كذا؟؟
    فاتن/وورى ماتكلمينه كلميه يالله؟واذا مستحية منه جيبي انا اكلمه؟
    هيفاء كتمت ضجكتها وهي تشوف مها مترددة...بس مع ذلك كلمت محمد...
    هيفاء/هلا محمد شلونك...
    محمد كان متضايق من الموضوع اللي توه صاير له الصباح بس ماعرف يتكلم لانه هند
    جنبه.../هلا...
    هيفاء/عازمتك على الغذى..
    محمد/والمناسبة؟
    هيفاء/مافي اخت تعزم اخوها بدون مناسبة؟
    محمد/في..بس انتي من زمان ماسويتيها؟
    هيفاء/وهذاني سويتها....
    محمد/طيب انا توني راد هند من المدرسة يعني يبي لنا ربع ساعة على مانوصل البيت
    خليك جاهزة؟
    هيفاء/بصراحة حمودي...انا مو بالبيت انا بمجمع الضهران؟
    محمد بعصبية/ياسلام!!!!
    هيفاء/معي فاتن ومها ومايبون يتغذون هنا يبون يروحون مطعم ثاني......
    محمد سمع اسم مها وسكت....
    هيفاء/جيب معك هندوا وخلنا نتغذى سوا.....
    محمد/طيب بس بردها البيت تبدل وبجيكم....
    //////////////////////////////////////////////////////////////// على سفرة الغذى في بيت السالم,,,
    الجدة/وينهم العيال ؟؟؟
    ام محمد/مشاري طلع من الصبح مع هيفاء وعبدالله انتي شايفتهم خالتي يوم يطلعون؟
    الجدة/انا؟؟انا شفتهم؟؟متى ؟؟؟ماعليك منها ياولدي انا ماادري عن احد بها البيت اصلا؟؟؟
    ام محمد/خالتي الله يهداك انتي قايلة لي ان مشاري كان بزارا يوم يكلمك؟
    الجدة بعصبية قامت من كرسيهاواشرت ام محمد تقوم معها وقامت ام محمد وسط استغرابها
    وذهول ابو محمد وهبة اللي كانت موجودة معهم
    بعد مابعدوا شوي..
    الجدة بتوبيخ/قايلة لك لاتجيبي طاري ان مشاري ياكل زارا قدام ابوه لايذبحه لنا؟؟انا بعلمه
    شغله لارجع بس انتي مالك شغل فيه؟؟
    ام محمد/زين ياخالتي...في شي ثاني؟
    الجدة/لايفلت لسانك مرة ثانية سمعتيني؟
    ام محمد/ان شاءالله؟؟
    ورجعوا اماكنهم..
    ابو محمد/خير ان شاءالله يمه في شي مضايقك ولامزعلك؟
    الجدة/لاياوليدي بس اسال عن العيال اليوم السفرة فاضية؟
    ابو محمد/أي محمد وهو راد اتصلت لهم هيفاء وقالت لهم يجون يتغذون معهم هناك وراحوا
    هند ومحمد لهم..
    الجدة/كان اخذونا كلنا نروح معهم؟؟؟قصدي اقول يعني بدل مايخلون اختهم هبة بروحها هنا
    بالبيت مسيكينة تكسر الخاطر!!!
    ام محمد وابو محمد ناظروا في بعض وهم فاهمين انها هي المقصودة مو هبة بس اسكتوا
    عنها....
    ******على سفرة بيت العواد,,,
    ابو خالد/وين العيال؟
    ام خالد/مها قايلة لك انها بتطلع من الصبح يابو خالد؟
    ابو خالد/أي صدق قالت لي انها بتتغذى معهم بره ومابترد الا الليل....والباقيين؟
    ام خالد/خالد الله يطول عمره دق وقال انه عنده شغل بالمكتب وماراح يرجع البيت بياكل أي
    شي بالشركة..واحمد عنده محاضرات اليوم للعصر وعمر راح مع حمد ولد عمته يقول
    عازمه بيتغذى معه...ومرام راحت مع محمد ولد خالها وهند يتغذون مع مها وهيفاء
    بالمطعم....وجود ماشافت احد راحت تنام,,,
    ابو خالد/مرام ماكلمتني قالت لي انها طالعة؟
    ام خالد/قالت لي بدق على ابوي بقوله..بس انا قلت لها روحي وانا بعطي ابوك خبر..بو
    خالد شفيك خليها تنبسط مع اختها مع عيال خالها من متى ماطلعوا جميع؟؟
    ابو خالد/مامعهم احد من العيال كيف يروحون بروحهم؟؟
    ام خالد/معهم محمد بكبره ولا هو مبين بعينك بعد؟
    ابو خالد تنهد/محمد...والنعم فيه....مابيتزوج يام خالد؟
    ام خالد/اخوي يقول كل ماكلموه قال لهم بعدين وبعدين وها البعدين ماهي جاية؟
    ابوخالد/حالته من حالتها مافي فرق بينهم....كلمتيها بموضوع سعودمن جديد؟
    ام خالد/لا..ولاراح اكلمها بعد؟؟؟قالت لك ماتبيه يعني وش اللي بيكون جديد وبيغير رايها
    بالله؟؟؟
    ابو خالد/طيب ولمتى ياام خالد؟
    ام خالد/لين يفرجها ربك عليها.....
    ابو خالد/عاد انا اليوم تمنيت خالد يكون موجود عندي كلام كثير ابي اقوله له...
    ام خالد/خير ان شاءالله؟
    ابو خالد/ابي اكلمه عن عبدالله....لازم يجيبه هنا يعيش معه؟؟بالاول قلنا مانقدر ناخذه وابوه
    مو هنا بس اللحين ابوه هنا ولازم يرجع يعيش معنا ياام خالد ولاانتي شتشوفين؟
    ام خالد/والله مدري يابو خالد...خله بالاول يعبره ويعطيه وجه بعدها يجيبه عنده....
    ابو خالد/لازم يجيبه عنده ...خلاص خالد لازم يستقر بحياته ويتزوج...واللي بتاخذه لازم
    تحط ببالها انه ابو لولد ومسؤل عنه ؟؟؟
    ام خالد بصدمة/انت تبي تزوج خالد يابو خالد؟؟؟
    ابو خالد/وان شاءالله تبينا يقعد بدون زواج لمتى؟؟؟؟؟
    ///////////////////////////////////////////////////////////////في مطعم لفانا بالدمام....كانوا فاتن
    ومرام وهند ومها بطاولة ومحمد ومشاري بطاولة ثانية....وهيفاء كانت رايحة جاية على
    الطاولتين....
    وهي بغرفة محمد كان جنبها ويتكلم معها بهمس لاسيما ان مشاري مشغول بالاكل بعد ماراح
    عبدالله عند مرام...
    محمد بهمس/كنت مارك الدوام اليوم بكلمك؟
    هيفاء/خير..
    محمد/في موضوع كنت بتكلم معك فيه..بس تفاجاْت انك اجازة؟
    هيفاء/أي انا ماخذة اسبوع اجازة باقي ثرثة ايم على ملكة العنود وقاعدة ادور بالسوق شوسة
    حوس عندها وانا معها...واليوم طالعة انا والبنات نتشرى لنا ثياب ناويين نطقم مع بعض..
    محمد/كنت بتكلم معك بموضوع يخصني ويخض مها...
    هيفاء كتمت ضحكتها/خير,,,فيها شي..قايلة شي..؟
    محمد ناظرها/يعني انتي...هي ماقالت لك شي..
    هيفاء/محمد قول شي مفهوم؟؟شنو يعني قالت لك شي مدري شنو؟
    محمد تنهد......
    هيفاء/محمد شفيك؟
    دخلت هند بها اللحظة....
    هند/ياسلام وحشتوني يااحلى اخوان بالعالم,,
    مشاري/اقول روحي انثبري هناك عند البنات...
    هند/شدعوةياحافظ؟؟؟اقول مشاري ماوحشتك جدتي وحنتها اليوم؟
    محمد وهيفاء ومشاري/هههههههههه
    مشاري وهو يضحك/انتي ماتطرين الا ها الجنية الزرقة!!!اطري لنا مليون بدالها؟
    محمد/ههه أي والله لها وحشة اليوم..الله يعين الوالدة على حنتها...راسها براس امي اليوم...
    هيفاء/وهبة بعد ماراح تسلم منها.....
    هند/صراحة يبي لنا يوم نوديها عند عمتي ونجي نتغذى هنا بالمطعم مع امي وابوي...
    محمد/حرام عليك اصلا ماراح تستشعرون الاكل بدونها.....
    فاتن من ورى الستارة/ها عيال خالتي ضحكم لاخر المطعم ضحكونا معكم؟
    محمد/لو نقولك تفضلي بتدخلين ماعندك مانع؟؟؟بس ماراح نقول..
    هيفاء/انتي ليه قايمة؟
    فاتن/بقوم اغسل عباتي ولدك الله ياخذه كب علي شوربة؟
    هيفاء/ههه فديته ها الولد..ان شاءالله بس ماصارختي عليه؟
    فاتن/تبين الصدق هي مو عباتي انا ماجاني الاطشار منها كلها وقعت على عباية مهاوي؟
    محمد دق قلبه..
    هند/ووينها اللحين؟
    مها/بالحمام راحت تسوي بروحها معجزة قبل لاتذبحه...
    هند/بروح اتشمت فيها...
    طلعت هند مع فاتن...
    هيفاء/بقوم اشوف ولدي لايذبحونه...
    محمد/عندكم نص ساعة بس تخلصون فيها اكلكم بعدها بنمشي..
    مشاري/جدتي تقول لاتستعجلون بالاكل؟
    محمد/وانا اقول وراي دوام بوديكم وبروح لدوامي...
    هيفاء/خلاص ببلغ البنات اللحين وبعطيك خبر...
    طلعت هيفاء من الغرفة اللي فيها محمد وراحت غرفة البنات وكانوا كلهم متجمعين هناك
    عدا مها اللي ميتة بالحمام تحاول على عمرها....
    محمد دق على هيفاء يشوف شصار على مها..
    هيفاء/هلا حمود.....شوف كل البنات يكملون غذاهم واتفقنا انك تتركنا بشارع السويكت
    نتسوق هناك باقي مها بس لسه تنظف عبايتها وبتجي اللحين..(قالتها متعمدة لانها حست انه
    كان بيصارحها بموضوع مها واذا كان يبي شي من مها بيروح لها)
    محمد/طيب..اول مااحاسب بقول لكم تقومون ..(معناته لاتطلعون ولاتقومون من مكانكم)
    طلع من الغرفة وخلا مشاري يكمل غذاه عنه ووقف ينتظرها قريب من الحمامات...
    وبعد شويات طلعت مها من الحمام...وكانت متلثمة لانها تركت نقابها بالغرفة وقت ماقامت..
    محمد وقف يوم شافها وهي ارتبكت ماتمنت تشوفه كذا ..وعبايتها نصها ماي !!!(الله ياخذك
    ياعبود ها الكلمة بس اللي قدرت تقولها في سرها)
    محمد/سلامات...عسى بس مااحترقتي؟
    مها بفشيلة وهي تخبي عينها عن عينه/لا تطمن مافي شي...
    محمد/مها...
    مها ناظرته بحب وحنان اكثر من اللي في عيونه واحتار شيقول لها ذيك اللحظة...
    محمد/تحبين نشرب لنا شي بروحنا؟
    تمنت تقوله أي بس ماتدري شلون طلعت لا من فمها؟؟؟
    وهو بعد تمناها تقول أي بس ارتاح يوم قالت لا...
    محمد/انا مو قصدي شي بس كنت بسالك .....ليه قلتي ذاك اليوم انك مو مرتاحة واني
    اعرف السبب يامها؟
    مها /انسى الموضوع يامحمد...
    محمد/لا انا مصر؟
    مها/لا...بلاها...الموضوع قديم...انساه خلاص!!!
    محمد/مها...مها انتي في احد في ........
    مشاري كان واقف بينهم ذيك اللحظة..
    مشاري بشماتة/تستاهلين والله انه سبع ها العبود يوم انه سكب الشوربة عليك؟؟؟؟
    محمد كان وده يذبحه مرة ومها كان ودها تذبحه الف مرة؟؟؟
    مها /شكرا على شعورك النبيل...قالتها بحساسية وزعل ها المرة ومشت الشي اللي خلا
    مشاري واقف يناظر بمحمد بعد مامشت..
    مشاري/ان شاءالله زعلت؟؟
    محمد وهو يحاول يخفي ضيقه من مشاري توه كان بيصرح لها وبيشوف مشاعرها
    ومشاري خرب عليهم كل شي....../يعني بذمتك هاذي كلمة تقولها لها؟؟؟؟
    مشاري/أي بس انا كذا من زمان؟؟؟وش الجديد يعني؟؟؟والله بنات اللي يتابعهم يتجنن؟؟بس
    ولايهمك اللحين بالسوق بتبوس رجلي وانا اخوك؟؟؟قالها بثقة ودخل يغسل يدينه...وظل
    محمد واقف ومحتار...يوم نوى يكلم هيفاء صار له اكثر من موقف اولها انها اجازة وبعدها
    قطعت عليهم هند كلامهم..ويوم شاف مها ونوى انه يكلمها مباشرة قطع عليهم
    مشاري..ياترى ها الشي كان من صالحه وصالحها ولالا؟؟؟؟
    ////////////////////////////////////////////////////////////////عادل/خالد..اطلب لك شي تاكله؟
    خالد كان يناظر بصورة عبدالله قدامه/لا ماني مشتهي....
    عادل/اكيد....
    خالد/عادل وين يبيعون العاب ....
    عادل/بكل مكان؟؟
    خالد/يعني سبايدر مان كبير؟؟؟
    عادل ضحكوفهم على خالد حط رجل فوق الثانية/اقول خالد ..يعني اقرب طريقة لكسب قلب
    الام هو الولد مو؟؟؟
    خالد/لاتفهمني غلط؟؟؟هو قال يبي سبايدر مان وامه شاريتلهمن جيان واحد صغير ماظني
    يعجبه...عاد انا ماابي يصير في نفسه شي والخير موجود الحمد لله..
    عادل/أي بس هو في نفسه اشياء كثيرة ياخالد مو بس سبايدرمان...في نفسه يكون عنده ابو
    مثل خاله محمد ولاعمه احمد يعامله بحب وحنان مو بس يجيب له احتايجاته؟؟؟؟
    خالد/كل شي بيتغير ياعادل كل شي صدقني؟؟؟
    عادل/ان شاءالله ياخالد..والله اني متمني اشوف ها الولد يكبر معك وبحضنك ياخالد..ماتدري
    وش قد اتعذب اذا شفته بعيد عنك..انا احس نفسي مكسور عليه مابالك امه وامك وامها
    وخالك ...كيف يقدرون يشوفون يكبر بينهم وابوه بعيد عنه ..وقريب بنفس الوقت!!!!الله
    يوفقك ياخالد...
    خالد/عادل صدقني انا ماادري وش اقولك..بس بظل شايلك فوق راسي يااغالى صديق
    بالعالم..
    عادل/وانا وش سويت يااخوك....
    خالد ناظر بصورة عبدالله/انت اهديتني البداية......
    *******************************************في السيارة..,,
    مشاري/الحمد لله انك جاينا بسيارة الوالد...
    فاتن/خسارة باسكن مسكر كان قلت لكم اشتروا لي ايس كريم؟
    مشاري/واحنا بنركض نشتريلك بعد؟
    فاتن/ملكلمتك كلمت ولد خالتي؟؟
    محمد/يعني عبود؟؟؟لاانا انا شايل نفسي من قائمةالاهل اللي يقربون لك؟؟
    فاتن/مالت عليكم انت واياه من ولاد خالة؟؟
    محمد/بنت تاْدبي احسن لك ترى ارميك باول شارع يصادفنا وامشي عنك؟؟
    فاتن/سويها والله لاالم العالم عليك واقول انك سارقني وسارق ها البنيات الحلوات بعد؟؟؟
    محمد/خلاص انسحبت مااقدر عليك؟؟
    هيفاء ومرام وهند/ههههههههههههه
    مشاري متعمد/اشوف البنات كلهم ضحكوا الا مهاوي خانوا؟؟عسى ماشر؟؟؟مانشفت عبايتك
    للحين؟؟
    مها هذا بعد اللي كان ينقصها مشاري بها الوقت؟؟؟؟
    هيفاء حست فيها وفي ضيقتها/اقول مشاري ورى ماتنقط لسانك بسكوتك؟
    مشاري/كذا؟؟طيب ماني رايح معكم السوق؟؟
    هيفاء/مشاري حبيبي..الاراء الجانبية ماتعني الاخلال بالاتفاقات؟؟
    مشاري/ماني رايح يعني ماني رايح؟
    مرام/وبنموت اذا ماجيت معنا؟؟
    مشاري/اذا ماجيت معكم معناته مافي نزلة؟؟
    مها بشوية انفعال/تكفى عاد انزل ياولد خالي ترانا محتاجينك؟؟؟؟
    مشاري نفخ ريشه/شفت ياخوي ماقلت لك بتبوس رجلي ماصدقتني؟؟
    محمد كان وده يكوفخه لانه حس بلهجة مها العصبيةبس مارد عليهم وظل ساكت واحترم
    سكوت مها وسكوت البقية لين وصلوا....
    نزلوا من السيارة لسوق السويكت...
    محمد فتح النافذة وكان يناظر بمها اللي كانت مو على بعضها...
    محمد/متى بتخلصون؟
    فاتن/اكيد مو بعد ساعة ولاساعتين؟؟يمكن بعد الصلاة...
    هيفاء/خلاص محمد روح دوامك لاتشغل بالك فينا...بندبر حالنا..يمكن نخلي احمد يمر
    علينا؟؟
    محمد/اذا احمد ماقدر دقوا علي انا زين؟؟بلا يجيكم السايق؟؟؟
    هند/طيب.....محمد ابي مصاري؟؟
    محمد ضحك/توك اللحين قاعدة معي ساعتين بالمطعم ماتكلمتي....
    هند/كنت مستحية واللحين راح الحياء...
    مشوا الباقي وظلت هي واقفة عند سيارة محمد...
    محمد/خذي هاذي اربع مية..وهاذي البطاقة يمكن تحتاجين ماعندي كاش....
    هند/اصرف على راحتي؟؟
    محمد/وش رايك؟؟
    هند/مدري بس حاسة فيك شي متغير يعني ..مرتاح..شي كذا...وبستغل الفرصة وبصرف
    براحتي؟؟؟
    محمد/هههههه
    مشى محمد وراحت عند البنات....
    هيفاء/وين اللحين؟
    مها بعصبية/طبعا على اول محل عبي نشوفه؟؟؟
    فاتن/ههه عاد مهاوي مو لهدرجة والله مافيها شي؟
    مها/انا حاسة اني مو طايقة نفسي.....امشوا انتوا وانا بروح محل العبي...
    هند/خلاص بجي معك...وبعدين نروح لهم...
    //////////////////////////////////////////////////////////////هيفاء تهمس لفاتن/اليوم يوم عالمي...
    فاتن/ليه؟؟
    هيفاء/الليلة بنسهر صباحي علشان اقولك؟؟
    فاتن/يعني صار شي بينك وبين خالد؟
    هيفاء/مو بس كذا بيني وبين محمد وبين محمد ومها..اعتقد صار شي بعد؟؟
    فاتن/زين...اخبار مطمنة...
    ***********في محل العبي....
    مها/ابي عباية جاهزة...
    الهندي/هنا ..كلوا عبي جاهزة...
    مها قامت تقلب بالعبي..ومعها هند...
    هند/هاذي واسعة...وهاذي قديمة..وهاذي تطريزها يفشلها....هاذي زوينة..شوفي...
    مها/جيبيها مافي غيرها...كم سعرها هاذي؟
    الهندي/سبع مية وخمسين..
    مها/حشى..شدعوة وش فيها ان شاءالله؟ان شاءالله مفكر نفسك بدون اسم وانا ماادري؟
    الهندي/مافي هذا قماش لو يدور السوق كلها...
    مها/مو عشانتك كذبت علي صدقتك بس علشاني محتاجتها باخذها..في غرفة البسها فيها؟
    الهندي/اول يدفع فلوس بعدين يلبسها..
    مها/طيب...
    تحسست شنطتها ومالقتها..
    مها/هند..شنطتي معك؟
    هند/لا...
    مها/يو..وين تركتها بس لايكون بالمطعم؟
    هند/بدق على جوالك....
    هند دقت على جوال مها وردت عليها فاتن...
    هند/هلا..يعني عندك اغراض مها ..
    فاتن/لا مو عندي عندي جوالها بس يوم تعطيني اياه بالسيارة حطيته بشنطتي ومارديته
    لها...
    هند/وباقي اغراضها وشنطتها؟
    فاتن/ماهم عندي...
    هند/يوؤ بدق على محمد بشوف باي..
    مها/ها....
    هند/فاتن عندها الجوال بس...
    مها/ياربي على ها الحظ؟ شسوي ...
    هند طلعت بطاقة محمد..../امشي روجي حاسبي...محمد عاطيني بطاقته؟
    مها/لا فشلة ماابي..
    هند/روحي وبعدين باخذهم منك وبردهم لمحمد بس لاتورطين حالك؟؟يالله انا بكلمه اساله
    يمكن يرجع المطعم يشوفهم....
    مسكت مها بطاقة محمد وهي تحس بشي غريب وكانها ماسكة يد محمد نفسه../كم الرقم...
    هند/اربع سبعات وصفرين ...
    راحت مها تحاسب وهند كلمت محمد..
    محمد/هلا...لاتقولون خلصتوا؟
    هند/ههه حرام عليك..بس محمد مها مو لاقية شنطتها معها وتقول يمكن انها نستها
    بالمطعم,,,,
    محمد/بالمطعم؟؟؟ان شاءالله مافيها شي عليه قيمة بس؟؟
    هند/والله مدري..هي بروحها من سالفة الشوربة اللي انكبت على عباتها وهي مو طايقة
    احد...ماابي اسالها لاتفور بوجهي...
    محمد/ليش انتوا بروحكم..
    هند/أي هي جاية تاخذ لها عباية ويوم جت بتدفع اكتشفت ان شنطتها مو معها....وانا
    عطيتها بطاقتك تشتري منها العباية....
    محمد/طيب...اللحين بطلع ادورها..بس مو في اغراضهم..عندهم هنا اكياس با السيارة؟؟
    هند/مدري شوف انت وعطني خبر؟؟
    محمد/يالله...
    مها طلعت بعد مالبست العباية الجديدة وحست انها شوي هدت...
    هند/يالله..نمشي لهم..
    مها بتردد/كلمتي محمد؟
    هند/أي قال بيشوف اغراضكم اول قبل لايروح المطعم..
    مها بتاْنيب/ياربي بعطله عن دوامه؟؟
    هند وهي تفتح باب المحل وتطلع/عادي مافيها شي....
    مها/طيب دقي عليهم شوفيهم وينهم فيه.؟
    هند/طيب......هلا هيوف وينك انتي؟مشاءالله مداكم وصلتوا؟يالله جاينكم....
    مها/وينهم فيه؟
    هند/وصلوا الخبر بلازا!!!تقول هم بمحل اللي يبيع تحفيات ومدري شنو..تحت يعني؟
    مها/يالله نمشي لهم...
    //////////////////////////////////////////////////////////////محمد اول ماكلمته هند وقف السيارة
    على جنب وفتح الشنطة بيروح يشوف الاغراض اللي اخذوهم يمكن انها تركتهم هناك بس
    وهو طالع من بابه ومر جنب الباب اللي وراه لقاها موجودة على الكرسي يعني لو لف
    راسه بس شافها بدل ها العذاب كله؟؟؟سكر باب الشنطة ورجع مكانه ومد يده
    واخذها...كانت شنطتها بيضة..لونه المفضل وها الشي ماغاب عن باله ابدا؟؟؟
    جاه فضول كبير يفتحها قب لايدق على هند ويقولها انه شافها,,,
    حط يده بيفتحها بس حس بالاحراج من نفسه كيف فتح شي ماهو له وبدون علم صاحبه
    بعد!!!لايامحمد هاذي ماهي من عوايدك ابدا لاتسويها.....
    شال يده من على الشنطة وهز راسه علشان تبتعد الفكرة عنه بس لقاها مشعشعة داخله...
    توكل يامحمد وافتحها وش بتشوف فيها يعني؟؟سوالف البنات معروفة..وبعدين ماحد بيعرف
    انك فتحتها وماراح تجيك فرصة ثانية تفتحها تشوف شفيها؟؟
    غمض عينيه قبل لايفتحها وهو حاس انه في شي قاعد يحركه ويسير رغباته بس شيسوي
    الفرصة ماراح تتكرر.....
    اول مافتحها قابلته محفظتها..رفعها وكانت بيضة مستطيلة بعد...ابتسم...الظاهر يامها منتي
    قادرة تنسين ها اللون ابدا!!!
    فتحه مو لااي غرض في باله بس الفضول ومايسوي!!!
    قام يقلب ببطاقاتهاوفلوسها والكروت اللي عندها.زشي محلات وشي مطاعم وشي مراكز
    تجميل...الخ,,
    الجهة الثانية كانت مسكرة وفيها مجموعة صور...فتحها...وكانت الصورة اللي طالعة
    بالوجه صورة عبدالله وهو مشمغ...ابتسم له...يالله هذا عبود بعد من الروابط اللي بينا
    يامهاوي!!!
    بعدها جت صورة ابوها واخوانها ثلاثتهم يوم العيد اللي فات يوم كانوا بالرياض مع خالد..
    وصورة لااحمد بروحه وصورة لخالد بروحه وصورة لعمر بروحه وصورة لجدتها مع
    العيال كلهم قبل خمس سنين يوم كانوا على البحر قبل لايتزوج خالد هيفاء كانت اشكالهم
    تحفة بس حلوة...
    وصورة لاامها..ومبينة انها صورة جواز,,,يوم شاف صورة امها بقت صورتين بعد وقال
    اذا شاف صورتها هنا بيذبحها لامحالة كيف تحط صورتها هنا لو انسرقت محفظتها شتسوي
    ذيك اللحظة؟؟؟
    وحمد ربه ان الصورة الاولى كانت لجود وهبة وهم بالروضة والصورة الثانية كانت لسارة
    بنت هنادي وهي صغيرة....
    ارتاح وابتسم من كثر راحته...بس في صورة تحت ليه ماهي مع البقية لو ماتحسسها بيده
    ماكان شافها؟؟؟
    طلعها وكانت لامفاجاْة ولاصدمة بالنسبة له....كانت صورته هو... أي صورته..بشحمه
    ولحمه...من وين جايبته؟؟انا ماعمري عطيتها ايها..معقولة من عند هيفاء....لابس هاذي
    الصورة من قبل لااشتغل يعني قبل لاتتطلق هيفاء يعني لو طلبتها من هيفاء كنت بعرف
    عنها او على الاقل بتلمح لي...يمكن تكون اخذتها من عند عمتي او جدتي؟؟مافي غيرهم
    بتقدر تاخذها منهم؟؟؟
    ابتسم وفرح حييل يوم شاف صورته عندها...هاذي مها..وبتبقى مها..حبه الاول والاخير
    والوحيد حتى لو مااخذها بيوم من الايام؟؟؟؟؟
    رد كل الصور مكانهم وسكر محفظتها وحطها على جنب....
    لقى علبة ميك اب صغيرة من وجوه وماحب يفتحها لانها مو من خصوصاياته....وروج
    وكحلة بعلبة منفصلة ولوشن وعطر ونقابها...يعني بنت الناس نزلت متلثمة..معقولة
    مااخذت بالي عليها...رفع نقابها لاشعوريا يشم عطرها من نقابها...وهو يشمه حس ان في
    شي غريب قاعد يسري فيه....
    رد النقاب واخذ عطرها من جديد وبخ له بختين على كم ثوبه...شقد ريحتك حلوة يابنت
    عمتي؟؟؟
    ردهم مكانهم وهو في باله يسوي شغلة او اكثر بس قبل خل يدق على هند يقولها انه
    شافهم؟؟؟
    //////////////////////////////////////////////////////////////هيفاء/تعرفين باخذ طقم الشاي هذا
    لاامي...عجبني حيل...
    فاتن/اخلصي يالله ترانا مو جايين هنا لها السوالف؟
    هيفاء/زين عاد....تدرين باخذ اثنين..واحد لاامي وواحد لاامك خالتي واعرفها تموت على
    ها السوالف...
    فاتن بملل وهي تقلب بفازة..../يالله والله ني مااطيق ها الاماكن؟؟
    بها اللحظة تقربت منهم مرام وهي تقول ان هند ومها وصلوا وكاهم بااجمل وانها بتروح
    لهم...
    هيفاء/خليهم ثلاثة..واحد لعمتي بعد!!!
    فاتن فتحت عيونها/وش اللي صاير حانين على عمتنا؟؟؟
    هيفاء/وش فيها يعني ماهي عمتي؟
    فاتن/أي بس انتي ماتقابلينها عدل ..يعني اقصد ان علاقتكم بعد اللي صار مو ذاك الزود؟
    هيفاء بثقة/مايمنع اني اهديها مثل مااهدي خالتي؟؟
    فاتن/يالله بحاول اصدقك..مع اني اشك بان البلوزة سوت تاْثير ؟؟؟
    هيفاء بدهشة/أي بلوزة؟؟؟
    فاتن/ليش ماشفتي بيد ولدك كيس زارا؟؟
    هيفاء/حق الجزم اللي اشتراهم ابوه؟؟
    فاتن/لا قبل الجزم...دخل المحل وجاب معه كيس فيه بلوزة يقول انه شافها بالعرض
    واشتهاها على عبود؟؟؟
    هيفاء سكتت وهي محترقة تبي تشوف ذوقه الفشل وش جايب!!!!
    فاتن/ اخلصي روحي حاسبي وانا بروح لهم اجمل..
    هيفاء/وبتتركيني اشيل ثلاثة طقوم بروحي؟؟؟
    فاتن/جنيتي!!! خليهم عنده ولابغينا نطلع شلناهم معنا؟؟؟
    /////////////////////////////////////////////////////////////في اجمل...
    مها/اسليه هندوا عنده مخلط سحر الشرق؟
    هند/وورى ماتسالينه انتي؟؟
    مرام/عندك مخلط سحر الشرق؟؟؟
    البائع/لا والله ياستي مافي منو هلق؟؟؟
    مها/طيب عود مميز؟؟
    البائع/في عنا عود مميز هاي....
    مها/لالا مو اللي علبته حمرة علبته خضرة...سعره كذا على خمس مية وشوي...
    البائع/اه..هذاك مافي منو الا بفرع الراشد هون مافي....
    هند/انا ابي عطر وصال...
    مرام/باخذ لي مثلك...
    مها/حلو احباب شميتوه قبل..؟؟
    فاتن من وراها/مو كلش انا عن نفسي ماعجبني..
    مها لفت لها/اهلين...وينها؟
    فاتن/بتحاسب وبتجي....شفتي شنطتك لو لسه؟؟
    مها/الا... محمد كلم هند وقال انه شافها بالسيارة....
    فاتن/حلو....وش نويتي تشترين للعنود هدية؟
    مها/محتارة والله...بس شايفة بالكوهجي طقم ساعات يجنن...بطلع مع خلود بكرة
    وبشتريه...
    فاتن/وي لاتسدين نفسي تعرفيني مااطيق طاري اخوك؟
    مها/ليش سالتين اجل؟
    فاتن/ماتوقعتك تقولين اسمه؟
    مها/لحظة هذا جوالي يدق....هذا احمد....
    هلا وغلا ..ياصباح النور توك منتبه لااتصالي؟؟؟؟من الضهر داقة عليك اللحين الساعة
    قريب الست؟؟؟توك طالع من الجامعة؟؟طيب انا بالسوق..لامو بالضهران طلعنا تغذينا
    واللحين احنا بالسويكت...اي انا وفاتن وهيفاء وزادوا عندنا بنات ثانوي بعد...اي مرام
    وهند.....بتجي ..متى ..خلاص اذا وصلت دق علي....
    فاتن/ليه خليتي يجي..مابعد درنا الطابق الثاني؟؟
    مها/توه ماطلع من الجامعة على ما يطلع على مايوصل خلصنا الثاني والثالث وطلعنا بعد!!!
    ////////////////////////////////////////////////////////////بعد صلاة المغرب.....
    هنادي/محمد...مفكرتك نايم قلت بقومك تصلي...
    محمد كان واقف قدام المرايا يعدل شماغه.../لا انا مانمت اصلا؟؟
    هنادي/شكلك طالع؟
    محمد/أي انا معزوم عند جماعة وبروح لهم.....
    وقفت قباله وصارت تعدل له شماغه....
    محمد/هنادي لاتنتظريني الليلة بعد ماتنيمين سارة نامي...
    هنادي/طيب....
    محمد/......
    هنادي/طيب تبي اسوي لك شي خفيف تاكله؟
    محمد/لاوالله ماني مشتهي....
    هنادي/براحتك....تبي بخور؟
    محمد حس وكانها عارفة بالموضع/ها...بخور!!وليه البخور عاد؟؟؟وين بروح انا؟؟؟
    هنادي في بالها بتروح تخطب؟؟؟بس ماقدرت تقولها؟؟؟؟؟
    محمد/شفيك تناظريني؟؟؟
    هنادي/ممكن اسالك سؤال؟؟
    محمد/شنو؟
    هنادي/عشرتنا كملت عشر سنين وكم شهر...شنو الشي اللي حبيته فيني يامحمد؟
    محمد مسك يدها بس ماقوى يناظر عيونها وتقرب منها وباس راسها/كل شي ياعمري...
    هنادي بخوف/متاْكد..
    محمد/متاْكد....
    هنادي حست بالغصة في قلبها كيف قادر يكذب عليها...زوجة بدر اخوه كلمتها قبل شوي
    وقالت لها ان محمد بيروح يخطب الليلة ..معقولة تكذب وتبي تخرب بيني وبينه؟؟؟بس
    لوطلع كلامها صحيح؟؟؟ياربي شسوي.....ابيها تجي منك مو مني يامحمد؟؟؟
    ////////////////////////////////////////////////////////////////////بعد صلاة المغرب بس في سوق
    السويكت.....(دايما اذكره عارفة ها الشي بس انا دايم هناك رجلي ماخذة عليه كثير )
    مشاري/خلاص انا هلكت....
    احمد /خلاص يقولون انهم خلصوا...
    مها تقربت/احمد..كلمت ابوي يحول لك الفين ريال حولهم؟؟
    احمد/ليه؟؟
    مها/بس انا اخذت من بطاقة محمد وابي اردهم له....
    احمد/خلاص اسحب لك اللحين مو مشكلة...بتمشون؟
    هند/أي بنمشي....
    احمد/يالله..
    هيفاء/أي بس سيارتك مابتكفي؟
    احمد/مو تقولون بتنتظرون محمد....جاي بالطريق؟
    هيفاء/أي....
    احمد/خلاص انا بمشي معهم وانتي وفاتن انتظروا محمد....
    مها/انا بعد بنتظر معهم اغراضي بسيارة خالي....
    احمد/يالله مشينا..كان يكلم مشاري ومرام وعبود وعيونه على هند,,,
    مشت سيارة احمد وبالمقابل جت سيارة محمد وركبوا فيها....
    وانا محتارة اتكلم عن أي جو باي سيارة فيهم؟؟؟
    خلونا نروح اول لسيارة محمد,,,
    كانت هيفاء قدام مع محمد ومها وراها علطول علشان تشوف محمد براحتها خصوصا انها
    نتلثمة وفالتها اليوم معه..وفاتن ورى محمد....
    هيفاء/متكسرة مووت ودي اروح واحط راسي واانام..بس قبل باخذ لي شاور وبصلي...
    محمد/لاوالله مااظن...
    فاتن/ليه؟؟؟في شي؟؟
    محمد/يعني غايبة عن البيت من الصبح تتوقعين اذا تركوك ابو محمد وام محمد لحالك ام
    عبدالله الكبيرة راح تتركك..محال يابنت الناس!!!
    هيفاء انقلبت معالمها.../لاتكفى الله يرحم والديك يامحمد لاتقول؟؟؟
    محمد/واقع يصعب الهروب منه..
    فاتندزت كتف مها اللي كانت سرحانة بمحمد..
    فاتن بخبث/وين سرحتي يابنت؟؟؟
    مها/ها...اشوف محمد وهيفاء..من زمان عن ها القعدة ماقعدوها مع بعض..زياليته ماتركه
    بيوم من الايام!!!كانت تتكلم عن هيفاء وتقصد نفسها مع هيفاء بنفس الوقت....
    هيفاء/قومي ياحظي وصلنا عند بيتكم؟
    فاتن لفت/انا؟؟ماحد قالي لي؟؟
    محمد/ان شاءالله تبينا نسوي لك تنبيه بعد انك وصلتي بيتكم!!!ماتشوفين ولاماتشوفين
    حضرتك؟؟؟
    فاتن/زين بنزل مايسوى علي ها التهزيء!!لكن وينك بدخل بمسك سماعة التلفون وبعلم
    خالتي عن سوالفك معي....
    محمد/ معناته تصبحين على خير!!!
    هيفاء/ههههه محمد بنزل بسلم على خالتي شوي وبرد لكم زين...اي صحيح باخذ شي من
    الشنطة افتحها ولي يسلم عمرك؟
    محمد/يحتاج انزل..
    هيفاء/لالالا مايحتاج..(طبعا هيفاء قالت بتنزل تسلم على خالتها لان فاتن اشرت لها بعينها
    على مها ومحمد وهي فهمت بسرعة وقامت)
    نزلوا ثنتينهم ودخلوا البيت وظلت بروحها معه في السيارة,,,,
    لف لها محمد بسرعةوفي يده شنطتها ومدها لها /مرتاحة بها اللثام؟؟ياويلك اذا سويتيه مرة
    ثانية؟؟
    فكت مها لثامها ووقف يناظرها اخذت شنطتها منه وفتحتها بتلبس النقاب بس محمد كلمه
    قصده يغويها عن شنطتها...
    محمد/مها...
    مها رفعت وجهها.../نعم..
    ظل يراقبها بدون خجل ها المرة بس هي اللي انقلب حالها وحست نفسها محرجة....
    تذكرت فلوسه وطلعتهم من شنطة مرام اللي كانت عندها ومدت يدها باالفلوس
    والبطاقة.../شكرا..شكرا محمد...
    مسك البطاقة ومسك اطراف اصابعها المرتجفة بين يدينه وطاحوا الفلوس عندها..وشوي
    شوي مسك يدها كلها وهو يتنهد وهي بعالم ثاني لاحية ولاميتة؟؟؟
    مها/محمد...وش اللي غيرك علي؟؟؟ليه تركتني مرة وحدة وماعدت سالت فيني؟؟؟
    محمد/مها انا...
    انتبهوا على صوت الباب يتسكر وتطلع هيفاء...
    سحبت يدها منه بسرعة وغطت وجهها...وشالت الفلوس وحطتهم عند محمد..
    محمد/شيليهم بلا بياخة علي؟؟؟مابينا فرق يامها...
    مها/لا بزعل اذا مااخذتهم انا..
    فتحت هيفاء الباب وسكتوا.....
    وظلوا طول الطريق ساكتين وهيفاء احترمت سكوتهم وماتكلمت لين وصولوا بيت عمتها
    ونزلت مها ....ورجعوا بيتهم,,,,
    ************************في سيارة احمد...
    كانت عيونه طول الطريق على هند اللي قاعدة وراه مباشرة....
    ومشاري وعبدالله جنبه..ومرام تسولف مع هند..
    احمد بمرح/اقول مشاري انت ماتدفع علشان تعرف شيسولفون فيه ها البنات؟؟
    مشاري ناظرهم ورجع ناظر احمد/مااتوقع!!اعرفهم بايخين يا ذيك ثوبها احلى من ثوبي ..
    يامدري منهي قصت شعرها وانا بروح اقص شعري!!يعني شبيسولفون فيه؟
    احمد/ههههههههه
    مرام/هيه هيه هيه.زبايخ حدك تعرف ها الشي ولالا؟؟مشاري/لاوالله لسه ماعرفته؟؟
    احمد/طيب انتوا تسمعون بعض؟؟انا احس انكم تاكلون نص الكلام؟؟؟ها هند شنو رايك
    ماسمعنا؟؟؟
    ياربي هذا ليش يتقصدني دايما ويبي يحرجني بنظراته وكلامه!!!
    هند بصوت واطي/عادي..
    احمد لف ورى/ها..وش قلتي مااسمعك زين رفعي صوتك؟؟
    مرام/ههههههه
    احمد يكلم مرام/انتي سمعتيها؟؟




    البارت الحادي عشر,,,
    /////////////////////////////
    احمد يكلم مرام/انتي سمعتيها؟؟
    مرام/أي...
    احمد/والله انكم تحيرون؟
    مشاري/ماعليك منهم بس ماعليك منهم...هذولا بنات ثانوي انا اعرفهم؟
    احمد/هند..باقي لك سنة على ثالث كيف نفسيتك ان شالله مستعدة؟
    هند رفعت صوتها/أي...
    احمد لف لها وضحك/مابغيتي ترفعين صوتك؟؟خايفة عليه نحسده!!!
    صارت عيونها بالارض من الفشيلة..
    عبدالله/ايسكريم...عمي احمد ايسكريم...
    كان ياْشر على لوحة باسكن روبنز,,,
    احمد/وش عرفك ان هذا ايسكريم بالله!!!هذا دونات عبادي مو ايسكريم؟؟
    عبدالله باصرار/لا ايسكريم...ابي...لازم..
    احمد لف لعند باسكن/يعني ملزم..
    عبدالله/أي..
    احمد/اخر كلام...
    عبدالله بضحكة/أي..
    احمد ضحك له/يالله قوم....لف لهم بعد ماوقف السيارة يالله قوموا ولا ماتاكلون
    ايسكريم؟؟؟تسوون ريجيم؟؟
    مرام/بذمتك عاد ياخوي احد باالعالم ماياكل ايسكريم؟؟؟
    مشاري بسخرية/جدتي؟؟؟
    انفجرت هند بالضحك وماقدرت تمسك نفسها من طاري الجدة..
    احمد ناظرها وقام يضحك على ضحكتها...
    مشاري ضحك مع اخته../شرايك نسوي حركة نذالة ونشتري نروح البيت ناكله؟؟؟كان
    صحيح تنفجر الليلة؟
    هند/بسويها..لا وبشتري بعد حق امي وابوي وهبة...
    مشاري/لا تشترين لاابوي بتاخذه صدقيني..امي بس نعطيها ايه بالمطبخ بحيث انها ماتشوفه
    وبعدين نروح قدامها ناكل انا وانتي وهبوا...
    مرام/شرايكم اسوي انا حركة نذالة فيكم واشتري لها واحد وانزله لها؟؟؟
    مشاري/علشان ماتروحين البيت حية؟؟؟
    دخلوا باسكن وكانوا فيه ناس...
    مرام حملت عبود وراحت معه تختار له ومشاري صار يختار له ولاامه ولهبة
    وهند راحت بالجهة الثانية علشان ماكان في مجال بالجهة اللي هم كانوا واقفين فيها...
    خطوة بس كانت تفرقها عن احمد اللي كان واقف وراها مثل ظلها....
    كانت حاطة يدها على الزجاج وهي تختار الانواع بعفوية وفجاْة جت يد احمد فوق يدها مثل
    الجمرة ولفت له وهي عونها بتطلع من مكانها..وشال يده بسرعة وسوى روحه يناظر بمكان
    ثاني...
    هند/وخر بمشي؟؟
    احمد/مابعد اخترتي؟؟
    هند/ماابي وخر عني....
    مشت وراحت جنب مشاري كنوع من الحماية واحمد تندم على مسكته يدها بها الطريقة
    حس انه ماكان له داعي...واختار لها على ذوقه هو...
    رجعوا بعدين البيت وكملوا احمد ومرام دربهم لبيتهم واحمد سرحان بهند,,,,,
    /////////////////////////////////////////
    هيفاء من رجعت البيت اخذت لها حمام وبعدها اخذت عبود وحممت وحطته بفراشها علشان
    ينام بعد ماعطته السبايدرمان...
    عبود وهو منبطح على مخدتها/شكرا ماما هيفاء..
    هيفاء/عفوا حبيبي...عجبك...
    عبود/أي..بخليه ينام معنا الليلة بفراشك علشان يدافع عنا اذا جانا الشرير؟؟؟
    هيفاء/طيب حبيبي يالله نام..الليلة بتنام بسرعة علشان سبايدرمان معك صح ولالا؟؟
    عبود/صح ماما..يالله تعالي ابوسك...
    نزلت راسها له علشان يبوسها وباسها على خدها...
    عبود/ماما سبايدرمان بعد بيبوسك؟
    هيفاء/يالله....
    كانت تقاوم طول الوقت انها تفتح تشوف البلوزة اللي جابها خالد لولده وتشوف الجزم
    وترجع تفكر في خالد من جديد وعلى رواق؟؟؟؟؟
    ////////////////////////////////////////////////////////////////في بيت السالم تحت..
    هبة/فكرت بعد مابتشترون لي شي؟؟
    هند/افا بس افا ناكل بدونك؟مايصير ماانتي اختنا؟؟
    الجدة تطالعهم بقهر/تدرون انه مايصلح ليش تاكلونه انتي وهي؟؟
    هند وهبة طالعوا في بعض/
    هبة/يصلح للبنات بس العجايز مايصلح لهم؟؟؟؟
    ام محمد كانت واقفة عند باب المطبخ مع مشاري ياكلون ايسكريمهم على هدوء وحسوا
    بالعاصفة بتقوم..
    ام محمد/يارب سترك....
    مشاري/خلني اروح اعلمها انا..
    ام محمد/انت بالذات لاتروح...هي شابة فيك نار..على بالها يوم انك بزارا قاعد تشيش من
    ورانا ماادري تشرب شي مو زين؟؟
    مشاري طاحت علبة الايسكريم من يده وفطس من الضحك.....
    الجدة/انا عجوز يللي ماتستحين على وجهك؟؟؟
    هبة تناظرها ببراْة/أي عجوز؟؟
    الجدة/ردت عادتها من جديد...!!!يابنت وش بلاك انتي؟؟انا بعدني صغيرة بس وش اقول
    تربية امكم..؟؟؟وين ابوك لااعلمه؟؟
    هند قامت من مكانها/ابو يطالع ماهو هنا؟؟؟(صاروا مايقولون لها ان ابوهم نايم لانها تركب
    تصحيه من نومته عادي ماعندها مانع!!!! بس اذا قالوا لها طالع تنتظره شوي وتنعس وتنام
    ويوم ثاني تنسى السالفة)
    ركبت هند غرفتها وسكرت الباب وصارت تناظر بالايسكريم اللي عطاها اياه احمد اول
    ماركبوا السيارة وكان اختار على ذوقه وظلت تفكر بحركته وليه سوا كذا!!!!!
    ///////////////////////////////////////////////////////////////دخل محمد الشقة وهو فيه شوية
    ضيق من شنو مايدري....لقى الانوار كلها مطفية..حمد ربه انها نامت على الاقل اذا شافها
    مابيحس بتانيب ضمير وبينام براحته لانه محتاج لها النومة بجد صار له يومين ماينام اصلا
    واليوم خلاص...الخطبة وراح خطب ...
    دخل غرفة النوم وتفاجاْ منها....
    سكر البا وراه.....
    لقى الغرفة ملايانة شموع من فوقها لتحتها يعني طول الارض كله شموع صغار وعلى
    جوانب السرير بعد شموع...
    وكانت هنادي حاطة لها روج احمر غامق ولابسة فستان قصير احمر يطلع اكثر
    ممايخفي...بس على وجهه دمعتين ماقدرت تخفيهم وتداريهم...واول ماشافته شغلت المسجل
    على اغنية....حاتم.. العراقي... (تخيل بعد ها العشرة الطويلة يجي غيري وياخذك
    بسهولة....
    مدامك بعت الايام الجميلة...وش اللي بس من حقي اقوله؟؟؟
    تبيني ادخل بعشرة بديلة واخلي عاذلي قصده ينوله؟؟تبيني اعطي فؤادي دخيله واسمح
    لغيرك يطوله؟؟؟تكلم مابقت في يديني حيلة علامك صارت عيونك خجولة؟؟؟تبينا نروح
    كلا في سبيله على راسي طلبك ولاتقوله؟؟؟؟
    محمد/هنادي؟؟؟
    هنادي كانت تمسح بيدينها دموعها اللي صاروا يطيحون بدون ماتقدر تكبتهم
    اكثر؟؟؟/مبروك يامحمد مبروك؟؟؟
    انصدم مكانه......
    هنادي/كلمتني زوجة اخوك العصر وماصدقتها بس قبل لاتطلعون امك بنفسها دقت علي
    وقالت لي انها رايحة تخطب لك وبموافقتك؟؟
    وقف مكانه وحس الدنيا تدور...ليه يايمه ليه؟؟؟وش سويتي فيني انتي؟؟؟
    وقفت بطوله ووصلت لعنده/مبروك يامحمد...من كل قلبي اقولها لك مبروك....بس ياليتك
    قلت لي ومااهنتي قدام اهل ها البيت وخليتني مااسوى شي وكلهم يعرفون الاانا!!!!!
    محمد بعده بضيقه وصوت المسجل شاغل افكاره اكثر واكثر خصوصا ان كلمات الاغنية
    شكلها منتقاة بعناية علشان تناسب الحدث...
    صارت واقفة قدامه علطول...وهو واقف ورى الباب...
    كان يناظرها وهو مصدوم..اي مجنون بها الدنيا يفكر انه يفط فيك ياهنادي!!!!جمال
    واخلاق ودين وعقل...بس الشيطان يابنت الناس دخل بينا؟؟؟؟
    هنادي/ممكن...تفسح لي مجال بروح انام عند سارة؟؟
    محمد/هنادي..خلينا نتكلم؟؟؟
    هنادي/ماهو وقته يامحمد...صدقني؟؟؟
    ماقدر يمنعها وهي تمر من قدامه بتطلع..فتحت الباب وطلعت بس قبل لاتتسكر الباب طلت
    براسها وكلمته....
    هنادي بصوت مبحوح ودموعها تسبقها/على فكرة يامحمد...كل دموعي كانت...لانك
    اخترت الليلة الغلط ورحت تخطب فيها!!!الليلة عيد زواجنا يامحمد...الليلة كملنا احدععش
    سنة واحنا مع بعض!!!كل عام وانت بخير....على فكرة هديتك على الفراش ترى
    مانستيها؟؟؟؟
    /////////////////////////////////////////////////////////////////مها واخيرا قدرت تكون بروحها
    بغرفتها والباب مقفول عليها....
    اليوم مو طبيعي..كل شي فيه مر مو طبيعي....
    محمد....اه منك يامحمد ومن اللي سويته فيني....
    مسكت شنطتها تبوس مكان يد محمد اللي كانت ماسكتها..وفتحتها ...اول شي لفت انتباهها
    نقابها؟؟؟هذا مو نقابها هذا نقاب جديد...رفعته وشمته؟؟؟..على انه جديد..بس فيه ريحة
    عطر رجالي!!!!معقولة يكون محمد؟؟؟؟لالالا مااظن؟؟؟
    رمت باقي اغراضها على فراشها قدامها تشوف...
    عطرها...هذا جديد وكامل وعطرها رايح منه النص؟؟؟؟؟
    هذا بعد شي مايصدق؟؟؟
    دق قلبها بقوة وهي تطالع بمحفظتها..هي حافظة ترتيب الصور زين...يعني بتعرف اذا فتح
    محفظتها بعد لو لا؟؟؟؟
    ///////////////////////////////////////////////////////////////خالد دخل البيت وهو منبسط على
    الاخر..اليوم حس باشياء غريبةومتناقضة بنفس الوقت!!!ساعة بفرح وساعة بضيق وساعة
    بتاْنيب ضمير..بس مع هذا كله حس ان اليوم كان مميز وتمنى كل يوم يكون كذا بنفس
    التميز... كانت امه قاعدة مع ابوه ينتظرونه...
    خالد/مساء الخير...
    ابو خالد/هلا يبه..
    ابم خالد/احط لك شي تاْكله يمه؟
    خالد/لا يمه تسلمين تعشيت مع عادل بحط راسي وبنام....
    ابو خالد/ماعادتك تنام قبل العشر...؟؟
    خالد/والله اليوم كان مشحون على الاخر...وبكرة عندي اجتماع من الصباح ماابي اتاْخر
    على تجار اول مرة اتعامل معهم....
    ابو خالد/أي...
    دق جوال خالد ورد على عادل اللي كان متصل...
    هلا....اي...لالا خليته مانزلته...قلت بس بعدين حسيت الوقت يمكن يكون متاْخر..ماهو
    طاير يعني؟؟؟
    ركب الدرج وهو يكلم ولف على امه وابوه وقال لهم تصبحون على خير ..
    ام خالد/وانت من اهله يمه.....
    ركب خالد للنهاية...وراح غرفته يكمل سوالفه..
    ابو خالد بعصبية/اقولك انطره بكلمه واسولف معه تقولين له تصبح على خير؟؟؟
    ام خالد/ماتشوفه مرتاح ومبسوط؟؟؟ماهو طاير عنك كل يوم بتشوفه...وبعدين يمكن
    الموضوع يضايقه..وهو قايل لك يبي ينام بكرة عنده اجتماع اجله لوقت ثاني ماهو صاير
    شي بالدنيا؟؟؟
    ابو خالد بضيق/على امرك ناْجله ونشوف نهايتها مع ها العيال؟؟؟
    /////////////////////حتى احمد الليلة جافه النوم وظل يفكر بهند؟؟؟
    ساعة يحسها طفلة وماينسمع لها صوت وساعة يحسها انثى ومستعدة تذبحه لو يزيد خط
    واحد منها ويتقرب؟؟؟
    كيف تجراْت يااحمد وحطيت يدك فوق يدها كيف؟؟؟شبتقول عنك اللحين؟؟اصلا مرة ثانية
    ماراح توثق تركب معك ابدا!!!ويمكن انها تعلم خالي بعد بللي سويته؟؟لالا بصراحة انا
    استعجلت من جد مو وقتها ها الحركة ابدا!!!بس والله كانت يدها دافية....ياليت لو كل يوم
    اقدر امسكها!!!!
    ///////////////////////////////////////////////////////////////من بعد ماطلعت من الغرفة تسند على
    الباب وتنهد بقوة وشال شماغه ورماه على جنب وفتح زراير ثوبه علشان يروح شوي من
    الشيق اللي فيه....
    اللحين ها الشموع ياهنادي علشان عيد زواجنا ولا علشان تاْكدين لي انك مو مهتمة
    بخطوبتي ولا علشان شنو بالضبط تراني مو فاهم؟؟؟؟
    كان يطالع بالغرفة وهو قارب يبكي...الليلة عيد زواجنا...وانا خطبت الليلة هاذي
    بالذات؟؟؟؟انا نسيت عيد زواجنا اصلا!!!!كيف بتفكر اللحين وش بتقول عني..اكيد متعمد
    اسويها؟؟؟لا ياهنادي والله ماني متعمد وحياتك......
    مشى بين الشموع لين وصل للفراش....
    كانت حاطة له صندوق ذهبي صغير ومغلفته بشرايط حمرة...شال الشرايط وفتحها....
    رفع الكرت اللي كان فوق...(كل عام وبتظل الاول والاخير بحياتي يابو سارة...زوجتك
    المحبة...ام سارة)
    شالها ورفع الجوال اللي كانت جايبته هدية.....
    تنهد بقوة ها المرة وهو حاس انه بينهار باي لحظة...المشكلة انه مو قادر يروح لها ويكلمها
    وهو مو عارف شيقول اصلا؟؟؟
    ياربي ليه صار كذا معي ليه؟؟؟انا احبها ياربي وماودي ااْذيها ..وانا ماسويت شي يغضب
    الله وعباده..انا ابي اشوف عيالي وهذا من حقي....ياربي ساعدني ماعندي غيرك الجاْ له في
    ها المشكلة؟؟؟؟؟
    //////////////////////////////////////////////////////////////////هيفاء كانت تناظر بعبدالله وهي
    ماسكة صورة خالد ...وتردد النظر فيمابينهم...(قالت في بالها حتى لو اطلع الفروقات السبع
    ماالقى بينهم شي يفترقون فيه عن بعض من كثر ماهالولد نسخة من ابوه؟؟؟)ياترى ياعبود
    انت صرت شبه ابوك علشان انا اظل متعذبة...كل ماشفتك شفت ابوك !!!و لا شالسالفة
    بالضبط؟؟؟
    تسحبت من الفراش بعد ماحطت راس عبود على المخدة وعدلته وغطته كويس..وراحت
    قعدت على الارض عند الاكياس المرمية بنهاية غرفتها....
    كل اغراضها كانت على جنب بس ها الاكياس ذولا كانوا بروحهم....
    فتحت اول كيس الجزم,,ولقت الجزم الثلاث اللي اشر عليهم عبود ومعهم بعد السودة اللي
    كانت تبي تشتريها وتنهدت بقوة...شسالفتك ياخالد بالضبط؟؟تبي تعاند ولا تبي تضايقني
    وبس!!!!
    رمتهم على جنب ومسكت الكيس اللي فيه بلوزة وطلعتها..ماتدري ليه جاها احساس غريب
    انها مو من عند خالد؟؟؟؟وانها مو ذوق خالد اصلا!!!! رجعتها الكيس وتسندت على الجدار
    تفكر بها الخالد..وش راح يسوي بعد!!!شلي بيغيره بحياتها بعد!!!!وعبود...معقولة عبود
    يتعلق في ابوه اكثر ويتركني؟؟؟؟لا..مستحيل انا اموت اذا تركني ها الولد؟؟؟؟
    قامت بسرعة وركضت للفراش وحضنت عبود بكل مافيها وهي نايمة جنبه وكانها تاْكد
    لنفسها شي واحد..ان ماحد بها العالم ممكن ياخذه منها!!!!
    /////////////////////////////////////////////////////////////////نرجع لعند مها اللي كانت مستغربة
    من ها التغيرات اللي بشنطتها...بس كل التغيرات مالها غير تفسير واحد!!!في شخص فتح
    الشنطة وعبث فيها!!!ومافي غير محمد عنده الفرصة لان السيارة كانت معه طول الوقت
    والشنطة كانت بالسيارة.....
    تردد وهي تفتح المحفظة حييل..ماتبي تشوف شي بعد...يكفي النقاب والعطر خلصوا عليها
    للنهاية؟؟؟
    فتحته وفتحت الجيب اللي فيه علطول علشان تشوف الصور ودق قلبها اول ماشافت اول
    صورة.....هي متاْكدة ان صورة عبود كانت اول وحدة بس الضاهروهو يشوفهم تبهدل
    وحط صورة احمد بالبداية!!بس لايكون شاف صورته وشاف اللي مكتوب عليها؟؟؟بروح
    فيها من جد...رمت الصور بعصبية وبسرعة!!!!!ووقف قلبها عن الدق.....مالقت
    الصورة..مستحيل الصورة كانت هنا...انا متاْكدة..صورة محمد صار لها فوق الثلاث سنين
    وهي عندي وكل ماغيرت محفظتي نقلتها في البداية!!!!انتبهت على ورقة ملفوفة ومسكرة
    طاحت مع الصور بس من عجلتها ماانتبهت لها؟؟؟فتحتها وقرتها مرة ومرتين وثلاث تبي
    تستوعب كلمة وحدة مااستوعبت؟؟؟؟
    اخذت الورقة وحطت راسها على المخدة وصارت تناظرها وهي دموعها بعينها.....كانت
    ورقة بيضة عادية ومكتوبة بخط اليد...بس مو هذا اللي هامها..اللي هامها خط الانسان اللي
    كتبها ومعنى الكلام اللي كتبه فيها!!!!
    (اسمحي لي ان اكتب فيك شعرا..فهواك في قلبي لم تشهده ازمان...
    انت شمس منذ تشرق فجرا...تنشر النور في الدنيا وتمزج الالوان...
    وجناتك ورود تفوح عطرا..وعيناك لؤلؤ يحيطه المرجان...
    مهما كتبت عنك فلن اوفيك حقا..ولن اعدل كما يعدل الميزان...
    فاْنت الدنيا عسى ربي ان يطيلك عمرا....فحياتك بحياتي في أي مكان..
    وعسى ربي ان يلهمني صبرا...على بعدك عني ويبعد الاحزان....
    احبك يااغلى ملاك بالدنيا.......محمد)(بقلمي /ملح الحياة)
    ماتدري لحظتها هي كانت بحلم ولا علم ولا هي ميتة من زمان وهذا كله وهم!!!!مو
    معقولة....ياربي ...مو معقولة...انا مو قادرة استوعب شي من اللي في بالي.....ياربي اذا انا
    بحلم لاتصحيني منه ابدا يارب!!!!خليني عايشة بحلم محمد......محمد...واخيرا ياحبيبي
    واخيرا!!!!كم تركتني وانا انتظر كم؟؟؟؟يعني بالسيارة كنت....كنت تمهد لها.....ياحبيبي
    يامحمد.....
    ************************************مانبي نظلم احد ها الليلة..كل واحد من اللي
    صار له حدث سهر وعشنا معه سهرته وليش كان سهران وشنو اللي شغل باله؟؟؟
    خالد وهيفاء ومحمد وهنادي ومها ومحمد واحمد وهند....كلهم ناموا يابزعل ..ولا بفرح..ولا
    بضحكة..ولا بتفكير لبكرة واللي ممكن يصير بكرة من احداث!!!!
    وحتى الجدة مثلهم كانت سهرانة بس تفكيرها عاد لوين رايح؟؟؟؟
    بدل ماتشغل بالها بعيالها وعيال عيالها..كانت شاغلة نفسها بانهم مايحبونها لو كانوا يحبونها
    اشتروا لها ايس كريم وماكسروا خاطرها وخلوها مثل اليتيمة بينهم!!!!بس هي لهم وين
    بيروحون منها؟؟؟بتسوي فيهم شي بيندمون وبيعتذرون بعد؟؟؟لا ولا ذاك المصفوق رايح
    ياكل لي زارار من ورانا؟؟؟انا لك ولااخوانك يامشاري؟؟؟؟؟؟
    //////////////////////////////////////////////////////////////////////اليوم الثاني...
    كان يوم خير على الكل من الصباح...
    خالد قعد قبل وقته وفطر على رواق ومشى له شوي وجا تحمم وبعدها راح الشركة.....
    مها من كثر ماهي متونسة نامت بعبايتها وهي حاضنة النقاب والورقة وماقدرت تقوم من
    فراشها اصلا!!!!!
    هيفاء قعدت على التسع بما ان مافيه دوام وراحت المطبخ تسوي الغذا بدال امها بما انها
    اجازة.....
    محمد راح دوامه وهو حاس بنشوة غريبة...مها وعرفت اكيد....ولازم يعرف ردة فعلها شنو
    بتكون....وتذكر موضوع هيفاء وقال لازم يكلمها اليوم وينهي الموضوع؟؟؟؟؟
    *******************************************في غرفة سارة....
    محمد/هنادي...هنادي..ممكن تفتحين الباب؟ابي اتكلم معك؟
    هنادي كانت بدنيا ثانية....لاهي عايشة ولاهي ميتة؟؟؟
    مو طايقة تسمع صوته ولاتشوف وجهه اصلا؟؟؟؟بس شتسوي حكم القوي على
    الضعيف؟؟؟
    يالله كلها ليلتين بس ويجي يوم الاربعاء وبتروح بيت اهلها وماهي رادة له اصلا؟؟؟
    بيكون الوضع اريح له ولها ولااهله اكيد؟؟؟؟
    محمد/هنادي....كان صوته تعبان بس ماتدري ليش ها المرة مااثر فيها ابدا!!!
    محمد/ام سارة؟؟
    هنادي لاحياة لمن تنادي حلفت ماترد عليه اصلا لااي ولالا؟؟؟
    محمد/الله يخليك فتحي الباب...قبل لاتجي سارة من المدرسة وبعدها مانعرف
    نتفاهم!!!هنادي اسمعيني الله يخليك؟؟؟
    ظل يناديها ويناديها ويناديها بس هي ولا عبرته بكلمة وحدة!!!في البداية شك انها تكون
    نايمة..بس حتى لو كانت نايمة بتقعد من طرقه على الباب!!!
    تنهد ومشى....
    وظلت هي بدموعها...لاهي قادرة تتكلم وتفضفض لااحد...ولاهي قادرة تواجهه اصلا!!!
    /////////////////////////////////////////////////////////////خالد بالشركة....
    خالد يكلم سكرتيره/خلاص سوي العقد الجديد...
    السكرتير/والعقد القديم استاذ خالد ؟؟؟
    خالد/خليه على جنب ها الفترة ابي تتعامل معهم بالعقد هذا وبالشروط هاذي؟؟؟
    السكرتير/في شي ثاني استاذ خالد..
    خالد/جيب لي البريد حق اليوم.... واتصل بشركة الاتصال شوف لنا موعد مع مندوبهم في
    اقرب وقت ممكن ناخذه...
    السكرتير/ان شاءالله....
    دق جواله بها اللحظة ويوم شاف الرقم استغرب...
    خالد/خلاص شوف شغلك واذا بغيت شي بناديك...
    السكرتير/ان شاءالله...وطلع من مكتبه..
    خالد وهو يناظر بجواله....خير ان شاءالله هذا رقم بيت خالي!!!من متى مادقوا
    علي؟؟؟غريبة؟؟؟
    //////////////////////////////////////////////
    ام خالد/مها...مها يامها...
    مها فتحت عيونها بثقل/نعم..
    ام خالد/مابتقومين يمه؟؟؟صار وقت الاذان وبعد شوي بنتغذى يالله قومي...
    مها بثقل وهي تبوس الورقة/يالله قايمة...
    ام خالد/ماابي اصعد لك مرة ثانية ياعيوني؟؟؟خلصيني وقومي زين!!
    مها/قمت............
    عدلت نفسها على السرير وشافت حوستها حوسة..نايمة بعبايتها وبشيلتها واغراضها منثرين
    على الفراش والحالة حالة!!!بس ضحكتها كانت على وجهها وها الشي اللي من زمان
    فارقها؟؟؟
    قامت وهي بحالة غريبة...حالة فرح واندفاع...حالة ماتقدر توصفها....
    ناظرت بالساعة...باقي ساعة الا ربع على الاذان...باقي في وقت يالله قومي جيبي لهم حلى
    بها المناسبة اللي كنتي تنتظرينها....
    دخلت حمامها تغسل وهي تغني (مااروعك....اعجب واغرب من
    الخيال....مااروعك....ملكت كل سحر الجمال)
    ////////////////////////////////////////////////////////////////////هبة ومشاري/السلام عليكم...
    ام محمد وهيفاء/وعليكم السلام....
    هبة/يمه...لازم ابدل مثل كل يوم؟
    ام محمد/يمه...لازم كل يوم تسالين نفس السؤال؟؟
    مشاري/يمه شنو الغذى اليوم؟
    ام محمد/وانت بعد مثلها؟؟لازم كل يوم تساْل عن بطنك بالاول وش بياكل؟؟؟
    مشاري وهي ياكل من التبولة اللي كانت هيفاء تحط فوقها الليمون/اهم شي كرشتي
    يالغالية؟؟؟
    هيفاء/ههه الا صدق يمه جدتي اليوم مالها حس؟؟؟ماطلعت من دارها؟
    ام محمد/اذا ماطلعت من دارها ماترضى اني اروح لها تقول تحب تقعد بروحها واذا حبت
    تجي عندنا هي بتجي بنفسها؟
    مشاري/ماعليك منها..تتدلع علينا عجوز النار!!
    ام محمد/مشاري ووجع..استح على وجهك هاذي مهما كان جدتك؟
    مشاري/مو انا ابتلشت فيها ياعالم؟؟؟
    هيفاء/روح لها زين سووا لنا فلم اكشن قبل لايجي ابوي ونحط الغذى؟
    مشاري/هيوف مسوية لنا تبولة اليوم ؟عسى ماشر؟
    هيفاء/وازيدك من الشعر بيت بعد..انا اللي مسوية لكم الغذا اليوم...
    مشاري/الله...الله...وش طابخة لنا ست الحسن والدلال؟
    هيفاء بفخر/مسوية لكم كبسة لحم سعودية بتاْكلون اصابعكم وراها...
    مشاري/ياسلام.....وبعد؟
    هيفاء/ماتكفيك الكبسة؟
    مشاري/تكفي بس عيوني شافت شي ثاني؟؟
    هيفاء/هذا دجاج محمر خبرك بعبود مايحب اللحم..ماياكل غير الدجاج؟؟
    مشاري/انتي بعد دلعتي...(وقام يقلد صوت عبود وصوتها..ماما ماابي لحم ابي دجاج؟؟ان
    شاءالله ماما اللحين اسوي لك دجاج؟؟)
    يبى علميه..كله نعمة الله..مايشوف جدتي كل شي تاكله؟؟؟عيوني عليها حارة ماهي
    باردة؟؟؟
    ام محمد/روح يالله بلا صجة راس..ودخل كتبك وصلي الللحين بيجي ابوك؟
    مشاري/بروح اول اشرق على كوكب الشرق والغرب ام عبدالله الغالية؟؟؟
    وطلع من المطبخ...
    ام محمد/هذا مدري على منوطالع؟؟؟لسانه يلوط اذانه؟؟؟
    هيفاء/ههههههه على فاتن بنت خالته من نفس الطينة مخلوقين؟؟
    ام محمد تنهدت..
    هيفاء/يمه فيك شي؟
    ام محمد/بعدين بقولك عن شي يايمه...وقولي لي رايك فيه..
    هيفاء/خير ان شاءالله؟
    ام محمد/بعدين يمه لاصرنا بروحنا....
    هيفاء/ليه؟؟
    ام محمد/ماابي احد يدخل ويطلع علينا ابي ناخذ راحتنا....
    مشاري دخل المطبخ/يمه..جدتي ماهي بدارها؟
    ام محمد وقعت السكين منها/شلون يعني ماهي بدارها؟
    مشاري/ماادري..رحت دارها مالقيت احد..طلعت الخيمة بره بعد ماهي هناك؟؟
    هيفاء/وين بتكون راحت؟؟؟ماشفتها مع عبود قاعدة؟
    مشاري/لا عبود يشاهد بالصالة مافي احد معه؟؟
    طلعوا هيفاء وامها من المطبخ وهم في حالة استنفار......
    *****************************************سارة/بابا تعال كل معي..
    محمد قعد معها على السفرة بدون ماياكل شي وظل ساكت...
    سارة/بابا..ماما وينها؟
    محمد انتبه/ها..
    سارة/وينها ماما؟
    محمد/الماما بغرفتك؟
    سارة/بعدها تعبانة؟
    محمد/....انتي كيف عرفتي انها تعبانة؟
    سارة/هي نامت عندي البارحة بداري وكانت تبكي ويوم قعدت من النوم ولقيتها تبكي سالتها
    قالت لي انها تعبانة؟؟؟؟واليوم الصباح بعد مالبستني سالتها قالت انها بعدها تعبانة؟؟؟انت
    ليه ماوديتها المستشفى يعالجونها؟
    محمد بانكسار/عيت تشوف الدكتور لو تكلمه؟؟؟؟قولي لها انتي اذا رضت بوديها اللحين؟
    سارة/اروح لها اللحين؟
    محمد/كملي اكلك يابابا بالاول بعدين روحي لها....
    سارة/لابشوف الماما اول....
    قامت من كرسيها وتنهد هو...لانه عارف يقينا انها مابتقوم لو يتزلزل البيت بللي فيه...بس
    فاجاه انها فتحت الباب لسارة وطلعت من غرفتها..
    سارة وهي حاضنة امها/يالله لبسي عبايتك البابا بيوديك المستشفى؟
    هنادي بصوت ضعيف ومبين فيه التعب/ماما روحي انتي تغذي..انا بخير..طالما انتي معي
    بتغنيني عن الدنيا كلها؟؟؟
    قالتها متعمدة ومحمد بعد ها الكلمة ماقدر يتحرك من مكانه...
    قام ودخل المطبخ...وسارة بعدها عند امها تكلمها....
    رجع وفي يده كاس عصير برتقال...ومده لها...
    محمد/اشربي...مايصير مااكلتي شي من امس؟
    هنادي/سارونة حبيبتي روحي كملي اكلك واذا خلصتي تعالي نذاكر مع بعض زين؟
    سارة/طيب........
    محمد/هنادي...احط لك لقمة تاكلينها؟؟؟
    هنادي وقفت على طولها مرة وحدة وصارت قباله....
    قالت له وهي خانقتها عبرتها وصوتها ضعيف ومتكسر/تمنيت اعرف مشروعك قبل لاتقدم
    عليه يامحمد؟؟؟؟هذا المشروع اللي بعت البيت علشانه؟؟؟هديتنا وهديت حياتنا وبيتنا
    علشان سعادتك؟؟؟؟تنهدت بقوة وهو بعده يناظره....
    هنادي/الله يوفقك....ماعندي غير الله يوفقك ويتمم عليك................

    هيفاء بغرفة الجدة/يمه ملفعها مدري عبايتها ماهي هنا؟
    ام محمد حايسة بروحها/ياربي وش ها البلوة؟؟وين راحت؟؟؟
    مشاري/هذا دفتر التلفونات؟؟؟؟منو كانت مكلمة؟؟
    ام محمد/مو معقولة تدق على ابوك ومايتصل يخبرنا؟؟؟
    هيفاء/يمكن فهمته ان احنا عارفين؟؟
    ام محمد/لا ابوك الا جدتك لو تروح ولو تجي لازم يتصل يعطيني خبر؟؟لالالا مو ابوكم...
    مشاري/يعني دقت على محمد.....
    هيفاء/اخاف ندق عليه ونشغله ومايكون عنده خبر؟؟؟
    ام محمد تسندت على الجدار/ياربي ..ياربي شسوي انا؟؟؟شبيقول ابوكم اللحين؟؟؟انا اللي
    غفلت عنها؟؟
    هيفاء راحت وحضنتها/يمه هدي شوي...اكيد..انها طلعت مع محمد لو ابوي..يعني وين
    بتكون راحت...
    بها اللحظة دخل ابو محمد وعبود..
    ابو محمد/السلام عليكم..
    الكل/...............
    ابو محم/شفيكم؟
    مشاري/يبه انت طالع مع جدتي؟
    ابو محمد بخوف/لا؟؟؟وين امي؟
    هيفاء/يبى..جينا شفنا دارها خالية ومافيها احد وقلنا يمكن انها طلعت معك لو مع محمد؟؟
    ابو محمد طلع جواله مثل المجنون ودق على محمد.../هلا محمد وينك يبى....منو
    معك؟وجدتك ماهي معك؟؟؟ولاكلمتك؟؟؟يالله ...
    ماهي معه ولاكلمته؟؟؟وين راحت؟؟؟
    هيفاء/يبى هي قالت اذا ماطلعت لكم لاتجوني الدار انا وقت ماابيكم بجيكم..واحنا تركناها
    على راحتها وقعدنا انا وامي بالمطبخ نجهز الاكل ومشاري قبل شوي دخل غرفتها
    ومالقاها؟؟
    ابو محمد/احد زعلها منكم؟؟
    ام محمد/ماشفناها من الصبح..تريقت ورجعت غرفتها....
    ابو محمد/لاحول ولاقوة الابالله..
    مشاري/انا بروح ادورها بالشارع يمكن انها طلعت من هنا لو من هنا...
    هيفاء/خل جوالك معك لو شفتها دق لنا طمنا..
    مشاري/طيب....
    محمد دخل مع هند../ها..خير شصاير؟
    ابو محمد/جدتك يامحمد جدتك..طالعة وماندري وين راحت؟
    محمد/طالعة!!!!طالعة وين رايحة با هالشمس؟؟؟؟
    ابو محمد/مدري يبى مدري..انا مو قادر اتحرك ولاافكر في أي شي..
    محمد/لا يبى لاتضايق نفسك...انا بطلع ادورها بالسيارة هنا وهنا يمكن اشوفها؟
    هيفاء/دفتر التلفونات لقيناه بغرفتها بس ماندري هي دقت على منو؟
    محمد/لاحول الله....اذا صار عندكم خبر كلموني...
    وطلع يدور..ومابقت غير ام محمد تبكي وتلوم حالها وابو محمد مو عارف شيسوي....
    ابو محمد/هيفاء يبى..دورتوا البيت زين؟
    هيفاء/دورناه...بس علشانك برجع ادوره مرة ثانية...
    وراحت من جديد تفتح في غرف البيت غرفة غرفة وهند وهبة بعد صاروا يدورونها....
    مشاري تعب ووقف عند باب البيت...يمكن انه يلمحها او يشوفها جاية من هنا لو من هنا...
    محمد بعد فكر في كل الاماكن القريبة بس بدون فايدة رجع ووقف جنب مشاري....
    مشاري بخوف/وين بتكون راحت؟
    محمد/المشكلة انها ماتعرف احد؟؟؟وماعندها غير بيت عمتي ولو كانت راحت هناك دقت
    عمتي وقالت لنا؟؟؟
    مشاري/الله يعديها على خير.......
    طلع لهم ابو محمد بره ووقف معهم/ها مافي خبر؟
    محمد ومشاري هزو روسهم...
    طلعت ام محد ووقفت عند الخيمة وهي تبكي وتدعي الله انه يرجعها سالمة لهم..وطلعوا
    وراها بناتها...
    عبود/ماما..ليه تبكي ماما ام محمد.؟
    هيفاء/خلاص عبود مو وقتك والله اللي فيني مكفيني وزود؟
    عبود/بروح لمحمد اوقف معه؟؟
    وطلع معهم.......
    ظلوا البنات قاعدين جنب امهم يدعون لجدتهم...اللي مايدرون وينها فيه..
    وبعدها دخل عبود وهو فرحان/ماما ..ماما بابا خالد ...بابا خالد عندنا؟
    هيفاء وامها ناظروا في بعض..
    ام محمد بخوف/سترك يارب بس لايكو ن صار فيها شي وكلموا بيت عمتك؟
    هيفاء غمضت عيونها../هبة قومي جيبي عبايتي وعباية هند....
    خالد وقف السيارة عند الباب وهو مستغرب من وقفة خاله مع عياله بها الشمس..وهم بعد
    استغربوا جيته بها الوقت؟؟؟
    خالد نزل بسرعة/خير ياخالي فيكم شي؟
    ناظروا في بعض بدون مايتكلمون...
    خالد/خالي...فيكم شي لاسمح الله....
    ابو محمد/لايبى..مافينا الا العافية بس..
    خالد/بس شنو؟؟؟جدتي ماقالت ان فيكم شي؟
    ابو محمد/جدتك؟؟؟وينها جدتك؟
    خالد اشر على باب السيارة/بالسيارة...خليني افتح لها الباب وانزلها...
    محمد بحدة/خالد....جدتي معك؟
    خالد وقف مكانه ولف لمحمد/أي..جدتي معي...
    ناظروا ثلاثتهم ببعض...
    خالد لف لهم/شا السالفة؟؟؟
    ابو محمد/شتسوي معك؟
    خالد/ليه انتوا ماتدرون انها معي؟؟
    مشاري/لا طبعا؟؟
    خالد/غريبة....هي دقت لي وقالت لي تعال مرني ابيك ضروري عندي مشوار والعيال
    مابيمديهم اليوم يودوني وانا مقدر اتاخر عن مشواري...فكرتكم عارفين؟
    ابو محمد تنهد/الحمد لله ان مافيها شي....
    مشاريحسبي الله عليها من حرمة؟؟؟تدري ان احنا صار لنا فوق الساعة وشوي
    ندورها؟؟قلبنا البيت كله وماشفناها..وحضرتها طلعت وماقالت لنا انها بتطلع؟
    خالد حس نفسه محرج من ها الموقف/خالي السموحة...والله ماكنت عارف انكم ماتدرون...
    محمد/مالك شغل ياخالد...هي كذا دايم تعاملها كذا الله يهداها بس؟؟
    خالد/بس هي قالت لي انكم عارفين؟؟
    ابو محمد/الله يسامحك بس يمه..كذا تسوين فينا؟
    خالد فتح لها باب السيارة وطبعا كانت جمس ورفيعة والجدة ماتقدر تنزل مرة وحدة فحملها
    شوي لين نزلت..
    مشاري بحقد/عساكي تتكسرين يارب؟؟؟
    نزلت الجدة ويادنيا ماانتي دنيا مشت بثقة وفي يدها اكياس باسكن روبنز ومحمد ومشاري
    يطالعون مستغربين....
    خالد/ياجماعة والله ماني عارف شقول بس حاس نفسي خجلان من وقفتكم بالحر والشمس
    وهي معي...بس لو كنت ادري كان عطيتكم خبر؟؟
    ابو محمد/ماعليك يبى الغلطة ماهي غلطتك انت...حياك يبى تعال تغذى معنا.....
    خالد/لا خالي مشكور مرة ثانية ان شاءالله..
    محمد/ادخل بس ادخل ياخالد..منت غريب عاد تنعزم على الغذا؟
    خالد/ماعليه خلوها لظرف ثاني يكون احسن والله حاس بالفشيلة؟
    ابو محمد/يبى خالد تردني وانا خالك؟
    خالد انحرج/يالله بس لااطفي السيارة والحقكم...
    ****************************دخلت الجدة البيت ووقفوا ام محمد وبناتها اول ماشافوها..
    ام محمد بخوف/ياخالتي خوفتينا عليك؟
    الجدة ناظرت بهند وهبة وهي تحوس باكياسها علشان ينتبهون لباسكن روبنز وهم يطالعون
    في بعض...
    هيفاء سكتت ولاتعليق ابدا...
    تسندت في الخيمة وتسند مثلها عبود اللي ماحد عبرها من الرجال....
    ودخلوا الباقي..
    ابو محمد/يالله حطوا غذانا خالد بيتغذى هنا؟؟
    هيفاء دق قلبها/لا مو اليوم..مو يوم اللي انا طابخة الاكل يجي يتغذى؟؟؟
    دخلوا حتى البنات داخل وبقى بس مشاري واقف مع خالد يسولف معه عن جدته وليه كانت
    داقة عليه..
    ودخلوا البيت...
    طبعا خالد انتبه لوجودها ولولدها اللي كان يقلدها بالقعدة وحركات اليد...
    خالد/تعال...واشر على عبود.....
    اللي فز من شاف ابوه ياشر له.....
    طلع معه لسيارة من جديد....
    وجاها فضول تعرف شيبي منه..راحت وراه ووقفت تطل من الباب ومشاري واقف قبالهم
    ناظرهم....
    طلع خالد من الكرسي الخلفي سبايدرمان كبير يوصل لااطول من عبدالله وعبدالله من شافها
    قام الصراخ عنده
    عبدالله بفرح/هذا حقي بابا خالد؟
    خالد /أي...قالها بدون أي عاطفة..
    واخذه عبود وقام يناطط فيه من فرحته..سكر الباب ورجع بيدخل لقاها واقفة تطالعهم
    وعيونها تقول حكي مو مفهوم؟؟؟
    /////////////////////////////////////////////////////////////////في بيت العواد...
    ابو خالد/وين خالد.؟
    مها/اتصل وقال انه معزوم على الغذا...بس بيجي يحلي معنا؟
    ام خالد/وخير ان شاءالله؟
    مها/ماخذة لكم حلى على كيف كيفكم....وقلت له اذا تاْخرت بيطوفك الحلى...قال بيتغذى بس
    وبيرجع ماهو متاْخر...
    عمر/وش المناسبة ان شاءالله؟
    مها بهيام/شي خاص...
    مرام/مثل شنو؟
    مها/الا شياء الخاصة مايقولونها....
    ابو خالد/يبى مها...شقلتي على سالفة الولد اللي كلمك عنه خالد يوم ان احنا نروح
    مكة؟؟؟ابي ارد لهم خبر؟؟؟
    مها بفرح/يبى ماابيه....
    ابو خالد وام خالد وعمر ومرام ناظروها وشكوا انها مجنونة كانت تتكلم بفرح ملحوظ
    وغريب ماكانها تقول انها مو موافقة؟؟؟؟
    ابو محمد/شنو؟
    مها بنفس الفرح/ماني موافقة يبى...ماابيه..مايناسبني..؟
    سكت الابو...وهاذي حالته اذا قالت انها ماهي موافقة...لاهو قادر يجبرها ولاهو قادر يسوي
    شي معها....
    ///////////////////////////////////////////////////////////////في بيت السالم..
    كانوا ابو محمد وام محمد ومحمد ومشاري والجدة وعبود بالصالة يتغذون والبنات
    بالمطبخ....
    مشاري يهمس لخالد/والله انك دثر يوم تسمع كلامها؟؟
    خالد/اقولك داقة علي وقالت لي تبي مشوار ضروري؟؟
    محمد كان جنبهم/وباسكن بذمتك ياخالد ضروري؟؟
    خالد بضحكة/والله اني ماكنت عارف انه باسكن يوم اروح.....اثاريها شايلة بقلبها على هند
    هبة يوم ياكلون امس ومايعطونها...قالت بتاخذ لها كل الانواع علشان يتحسرون
    وماتعطيهم؟؟
    مشاري/صدق ماتستحي؟؟تحسونها مو جدة..ساحرة شريرة؟
    محمد وخالد/ههههههههه
    الجدة/ضحكونا معكم؟؟
    محمد/سلامتك يالغالية؟
    خالد/كيف وضع الاتصالات يامحمد...ابي مندوب يطلع لنا يتاخر؟
    محمد/انتوا بعثتوا لهم برقية؟
    خالد/يفترض اليوم جاهم خبر...
    محمد/معناته بكرة يدزون لكم المندوب...شغل الشركات يمشي بسرعة لاتحاتي....
    ام محمد/شتشتغل فيه ياخالد يمه؟
    خالد/استيراد وتصدير خالتي...
    ام محمد/الله يوفقك يمه....
    خالد/تسلمين...اقول خالتي تسلم يدك على الطبخة..خوش كبسة....
    مشاري/مو طبخ امي..هاذي طبخ ام عبدالله؟؟؟؟مو انتي لاتطالعين فيني!!!ام عبدالله
    اختي..انتي بس تعرفين تاكلين ماتشيطرتي بشي ثاني غير ها الاكل؟؟
    الجدة ودها تصفعه بالصحن بس سكتت مو كفاية انها طلعت بدون ماتقول لااحد/اقول خالد
    لاتنسى تنزل الثلاجة؟؟
    خالد/ان شاءلله بس اقوم من السفرة انزلها؟؟؟
    ابو محمد/شثلاجته بعد؟؟؟
    خالد بتردد/قالت تبي ثلاجة لغرفتها تحط فيها اغراضهاا لخاصة...شريت لها وحدة؟؟
    مشاري/اقولك ثور ماصدقتني؟؟؟هي من زمان تبي ثلاجة بدارها؟؟بس ابوي مايبي يحط
    لها..عندها السكري وهي ماغير اكل بالحلويات والدانيت واذا صارت الثلاجة بدارها
    لاحسيب ولارقيب؟؟؟؟
    خالد/يمه انتي ماقلتيلي كذا؟؟؟
    محمد يهمس لخالد/كاْنك توك تعرف جدتي ياخالد؟
    خالد/شسوي احرجتني؟؟؟
    مشاري يكلم هيفاء من مكانه بصوت عالي/هيوف....في اخرة حبيبتي؟؟؟
    هيفاء/أي...
    مشاري/شنو؟
    هيفاء/جبل الكاكاو....
    مشاري/جعل ربي يسلمك ويكثر من اجازاتك قولي امين!!!قومي سوي القهوة بسرعة؟؟؟؟
    الجدة/مالت عليك انت واختك؟
    مشاري/مانا راد عليك وحلى مابنعطيك موتي قهر؟؟؟
    الجدة/عندي مايحتاج؟؟؟
    وقامت الجدة بسرعة تلحق عليهم قبل لااحد ياكلهم....
    مشاري/ههههههههههههه
    خالد/ليه تضحك؟؟؟
    مشاري رجع يضحك بشكل اكبر وبصوت اعلى/هههههههههههههههههههههههههه
    محمد/جنيت انت؟
    مشاري يتكلم من بين ضحكاته/مصدقة نفسها اللحين بتروح تاْكل ايسكريم جدتكم؟؟؟شلت لي
    ثلاث علب وصادرتهم خوفا على مصلحتها العامة؟
    ابو محمد/وشيدخل هذا بضحكك...ماراح تحس انهم نقصوا؟؟
    مشاري/لا مو كذا السالفة....تراها بتشرب حليب مو بتاْكل ايسكريم؟؟؟تصوروا وين
    خاشتهم؟؟؟تحت مخدتها وحاطة فوقهم بطانية بعد!!!!ياسترك يارحمان؟؟؟؟؟
    ************************************************** **بعد مرور ساعة ونص في
    بيت العواد...
    خالد/السلام عليكم.....
    لفوا عليه ام خالد ومها واحمد اللي توه جاي من الجامعة/وعليكم السلام...
    خالد تمدد على الكنبة وهو تعبان ورمى شماغه على جنبه .../عسى ماراح علي
    الحلى....بس؟؟
    مها/لاتطمن ننتظرك؟
    ام خالد/وين كنت؟
    خالد/اه.....وضحك بعدها ههههههههه
    ام خالد/وي اسم الله عليك؟؟
    خالد/اليوم صار لي موقف عجيب انحسد عليه؟
    احمد ومها باهتمام/خير ان شاءالله...
    مرام/الحمد لله اني جيت بالوقت المناسب....وقعتدت جنب خالد...
    خالد/دقت على جدتي الساعة عشر ونص تقريبا...قالت لي مرني ابيك توديني مشوار العيال
    مايقدرون وقالوا لي كلمي خالد احنا مشغولين وانا مضطرة للمشوار؟؟؟
    ام خالد/وبعدين؟
    خالد/تركت الشركة ورحت لها لقيتها واقفة بالشمس تنتظرني.... ركبت معي وقالت لي اول
    اخذ لها ثلاجة صغيرة لدارها...ورحنا اخذنا الثلاجة....وبعده قالت تبي ايسكريم مثل اللي
    كانوا ياكلونه هند وهبة البارح؟؟؟
    احمد دق قلبه من طروا اسمها لا وبعد الايسكريم اللي هو اختاره اكيد؟؟؟
    احمد/وبعدين؟؟
    خالد/قلت لها مو انا اللي وصلتهم يشترونه قالت ودني محل زارا اكيد هو....
    مرام ومها/ههههههههههههههه
    ام خالد/وبعدين...
    خالد/انا قلت شكلها مالقطت الاسم عدل...وديتها باسكن..شرت وتشرت على كيف
    كيفها...ردينا البيت الا خالي وعياله واقفين بالشمس والشمس ضاربة فيهم؟؟؟
    مها/محمد......يعني محمد ومشاري؟
    تداركت اسم مشاري بعدين بعد ماناظروها خالد وامها؟؟
    خالد/كلهم...اثاريهم قالبين الدنيا عليها وهي طلعت ماقالت لااحد انها بتطلع؟؟؟؟وحسيت اني
    انا اللي منحرج؟
    مرام/أي بس انت ماتدري؟
    خالد/ولو ..مدري كيف حسيت....بس مشاري عندكم اياع...مسنعها مزبوط؟
    ام خالد/هه قصدك مجنن امي؟
    احمد/من زينها امك عاد؟؟؟روحي زين ياام خالد قالت امي؟؟؟
    ام خالد/ها حمود كنك بديت تغلط على امي؟




    البارت الثاني عشر,,,

    ام خالد/ها لاتبدون تكثرون حكي على امي ترى ماارضى عليها؟؟ولا شرايك ياخوي؟؟؟
    محمد/لاتتكلم يابو محمد شهادتك مجروحة في جدتي؟؟كلنا خابرينها ترى...
    قاموا البنات يضحكون مع خالهم وعيال عمتهم....
    ابو محمد/يالله لاياخذنا الوقت وقولوا وش تبون تتغذون نخلي واحد من ها الشباب يجيب لكم
    ....
    خالد شال شماغه وحطه جنبه ومدد رجلينه/والاكيد انه مو انا لاني تعبان؟؟
    محمد/اذا انت المدير وتقول تعبان انا شقول بالله؟؟؟
    مها بشوية دلع/شوي شوي على اخوي يامحمد ترى مو كل مدير يعني يلعب؟؟اخوي يراعي
    حلاله بنفسه فديته خلوه يرتاح اذا السالفة بتجي عنده مو لازم نتغذى اليوم؟؟
    خالد/فديتك انا يالغالية فديتك..
    محمد/خلاص بعد يوم بنتك ياعمتي وقفت بصف اخوها مالنا غير نتحمل تعبه وامرنا لله؟؟؟
    ام خالد/هههههه
    مرام/انا اقترح نجيب بروستد من كنتاكي....
    احمد/اقتراح فاشل ومرفوض؟
    فاتن/مشاوي ومقبلات...
    احمد/وافشل منه بعد!!!
    هنادي/ليش احمد وش نفسك فيه تاكله؟؟
    وقف احمد وكلهم ناظروا فيه..
    احمد/يبى انتوا مو سعوديين اصليين!!!السعوديين ماياكلون الا كبسات ومندي على
    الغذاء؟؟؟انتوا خرطي اكلكم؟؟اللي يبي مقبلات واللي يبي مشاوي واللي مدري وشي
    يبي..بس تدرون اليوم انا بروح اجيب لكم غذاكم...علشان تعرفون الاكل السنع شلون؟
    مها/وش بتجيب لنا؟
    احمداخذ مفاتيح سيارته/بروح اجيب لكم من بيت المندي اللي بالخبر شي مو طبيعي
    بتموتون وانتوا تاكلون.؟
    هنادي/أي بس مانبي نموت صدق يااحمد؟؟
    احمد/هههه لاتطمني من ها الناحية شغل على كيف كيفك...يالله نطروني....
    /////////////////////////////////////////////////////
    رجع احمد وجاب معه المندي اللي عجبهم كلهم واشكروه عليه وبعدها دخلوا يرتاحون لهم
    شوي..والبنات راحوا يسبحون ماعدا مها اللي كانت تسوي لجدتها قهوة....
    محمد/ياعبود بسك انت قوم لاتغرق...
    عبود/عندي تيوب مااغرق!!!
    محمد/من متى وانت تسبح يالله قوم؟
    عبود/مو قايم..ورورح جيب لي عصير؟
    محمد/انا اللي اروح اجيب لك عصير..؟
    عبود/ومنو غيرك واقف هنا؟
    محمد/طيب امري لله؟؟
    دخل المطبخ بعد ماحمحم (يعني قال احم احم هههه)
    محمد/في احد هنا؟
    مها لفت شيلتها بسرعة وحطت الغطاء على وجهها..
    مها/ادخل...
    دخل محمد.....
    محمد/شلونك مها؟
    مها وهي ماسكة دلة القهوة /بخير....
    محمد/بتقهويني؟
    مها وهي تناظر بالدلة/لا...
    محمد ابتسم لها/ليه عاد؟
    مها/لانها لجدتي وخليتها تصير مو حلوة علشان لامرة ثانية تقولي اسوي لها؟
    محمد/ههههههههه طيب وين العصير؟
    مها/وش تبي تشرب؟
    محمد/مو لي لعبود؟
    مها/ماعليك منه قبل شوي شارب واحد خله يقوم بس لايقلب سمكة ؟؟؟
    محمد/مها...
    مها اخذت الفناجين وتقربت من محمد...وقالت له بهمس/انا بكون بمطبخ شاليهنا ومافي احد
    العيال مقيلين مع خالي وامي هنا عند جدتي وخالتك وامك والبنات يسبحون
    طيب؟؟؟؟؟(يعني انت افهمها)
    طلعت من المطبخ بسرعة علشان تودي القهوة لجدتها وتروح لشاليههم.....
    عند الجدة/تعالي صبيلي بعد حطيتيها ومشيتي؟
    مها/جدتي كل البنات يسبحون بروح معهم؟
    الجدة/كيف كلهم يسبحون؟؟؟هيفوا بشغلها للحين ماردت؟
    مها/اوووف(هاذي اللي بتعطلني لو انه راح وماشافني ذبحها حلال؟؟؟)
    الجدة/لاتقلبين خلقتك علي؟؟
    ام عادل/روحي يمه مها ماعليك منها؟
    الجدة/بتقوين باس البنت علي؟؟؟؟
    ام عادل/روحي يمه روحي ان وقفتي زيادة رفعتي ضغطك منها!!!!
    الجدة بعصبية/الشره مو بعليك على اللي عازمنك؟
    ام خالد/يمه؟؟؟
    ام عادل/ماعليك منها ياام خالد؟؟مااعرفها انا ام عبدالله!!سوالفها خابرتها.....روحي مها
    يابيتني ووسعي خاطرك
    مها ضحكت وطلعت....لانها عارفة ماحد ياخذ حقهم من الجدة غير ام عادل....
    دخلت المطبخ بسرعة ومالقت احد فيه جت بتطلع قفل محمد البا لانه كان وراه..
    محمد بهدوء/تاْخرتي خفت انك ماتجين؟
    مها طبعا كانت متلثمة/محمد.....
    محمد وقف يناظرها وماتكلم........وهي بعد وقفت تناظره وماتكلمت....محمد كان وسيم
    للغاية...اسمراني وسكسوكته محليته وعيونه عسلية وشعره ناعم...كان اوسم واحد فيهم
    ......زشايل شماغه ومرفع اكمامه وفاتح زراير ثوبه اللي فوق .....
    محمد/بنظل ساكتين علطول؟
    مها/وش تبيني اقول؟
    محمد تسند على الباب ووقف يناظرها/من زمان ماشفتك وماسمعت سوالفك؟
    مها/انت اللي ماكنت تبي تسمع سوالفي؟
    محمد/بس اشتقت لك شوق مو طبيعي؟؟؟
    مها/شكثر؟؟
    محمد/كثر اني كاتب لك قصايد قد الدنيا!!!
    مها/صحيح.....وبتخليني اقراهم؟
    محمد/يكفي انك تطالعين بعيوني علشان تقرينهم؟
    لاشعوريا رفعت عيونها لعيونه وحست ان عيونها فيها شي مو طبيعي...شي يسحرك
    ويخليك تتقرب من ها الشخص مو بارادتك....صارت تتقرب منه ..لين مابقت غير
    خطوتين بينهم؟؟؟
    وقفت مكانها وهو وقف بطوله...
    محمد بهمس/مها...
    مها بشوية خوف/نعم....
    محمد/مافي غيرنا هنا...والباب مقفل...
    مها بخوف/ويعني؟
    محمد/فكي لثامك وشيلي شيلتك ابي اشوفك براحتي؟
    مها /بس انت شفتني من قبل ماتذكر يوم تجي بيتنا؟؟
    محمد/ذيك ماكانت مقصودة ابدا وبعدين كانت بسرعة وماشفتك عدل؟
    مها/ماتغيرت عن اول شكلي من قبل لااحط الغطاء على وجهي هذا هو ماتغير..
    تقرب منها محمد خطوة وصارت خطوة بس الفاصلة بينهم!!!
    محمد/واذا انا اشتقت اشوفه من جديد بتقولين لي لا تشوفه؟؟
    مها/المشكلة اني مااقدر اقولك لاتشوفه.....
    محمد/تحبيني؟؟؟!!!
    مها/عندك شك بها الشي؟
    محمد/يالله فتحيه وخلني اشوفك من جديد واروي عيني من حلاتك....
    مها/اذا تبي تشوفه انت افتح شيلتي؟؟؟
    تقرب محمد وماصار يفصل بينهم ولاخطوة؟؟؟؟؟
    ///////////////////////////////////////////////////////////////////////محمد زوج هنادي كان يكلمها
    على التلفون/اجيب لك شي وانا جاي؟
    هنادي/لا..
    محمد/هنادي..
    هنادي/قلت لك اذا ماعندك شي لاتكلمني لو سمحت؟
    محمد/مايصير كذا اذا بتظلين حاقرتني جيتي مالها داعي؟
    هنادي/,.........
    محمد/تبيني اجي ولالا؟
    هنادي/مو انا اللي عزمتك وراي مو مهم؟؟؟
    محمد تنهد/انتي عارفة اني احبك؟
    هنادي/اخر شي تتكلم عنه هو الحب يامحمد؟؟؟
    محمد/بس ياهنادي انا ماسويت شي يغضب رب العالمين انا...
    هنادي/شوف انا بسكر لان سارة تبي ثيابها...يالله باي؟؟؟
    لاسارة موجودة ولاغير سارة موجود ولاهم يحزنون بس هي تبي تهرب من صوته ومن
    مشاعره ومن اعتذاره ومن كل شي فيه؟؟؟؟
    كافي يامحمد كافي....بعت البيت وماصارحتني وبعدها لعبت علي بسالفة المشروع اثاري
    زواجك من جديد هو المشروع؟؟؟السؤال اللحين وين بتحطها اذا اخذتها معقولة بشقة
    ايجار؟؟؟وانت ماتصبر عن اهلك وشوفتهم دقيقة؟؟؟ولا بتردني بيت اهلي؟؟؟؟؟ماراح
    استغرب أي ردة فعل بتجي منك يامحمد بعد اليوم؟؟؟؟
    ////////////////////////////////////////////////////////////////نرد لعشاقنا اللي تركناهم بروحهم
    بمطبخ الشاليه وخلنا نكون معهم بدل ماهم بروحهم!!!!
    الخطوة الفاصلة بين محمد ومها راحت وصاروا شبه لازقين في بعض...
    مد محمد يده بااصابع مرتجفة ورفع شيلة مها اللي نزلت راسها بالارض وغمضت عيونها
    من الخوف...(كيف تجراْتي يامها وقلتيليه تعال للمطبخ ماراح يكون في احد هناك!!!ولا
    الادهى والامر تقوليله تعال شيل شيلتي بنفسك؟؟؟انتي شجاك يابنت..ماصدقتي انه يقولك
    احبك!!!!!!!)
    محمد بهمس/وش فيك...رفعي راسك؟
    مها لاحياة لمن تنادي انقلبت جماد في غضون ثواني.....
    فك لثامهاوسحب الشيلة بشويش لين انفكت كلها وصارت بيده......
    قربها منه وشمها وبعدها تنهد تنهيدة خلاها تجمد مكانها وهي تذكر انه شال عطرها من
    شنطتها ذاك اليوم وحط لها واحد جديد...رفعت راسها بسرعة وكان الحدث توه صاير قبل
    دقايق...
    محمد كان يشم الشيلة وهو مغمض عينه وماانتبه لها يوم ترفع راسها ويوم شافته كذا رجعت
    نزلت راسها من جديد والحرارة ارتفعت عندها!!!!
    محمد رفع راسه بيده اللي كانت بعدها ترتجف...
    محمد بهمس/مها....
    رفع راسها بس مها كانت مغمضة عيونها...
    تقرب من عيونها وباسها على عيونها فتحت عيونها بسرعة....
    مها بخوف/محمد...
    محمد كان يناظرها وهو بروحه حايس مو عارف شيسوي...
    مها اسحبت شيلتها وهي في قمة الخوف وكانها توها صحت من الحلم اللي كانت عايشته....
    ابتعدت عنه شوي ولبست شيلتها..
    مها بخوف/خلاص انتهى وقت الزيارة افتح الباب؟؟
    محمد/ليه...بعده باقي وقت على ماارد دوامي من جديد!!!!
    مها/مافيني اتحمل صدقني.....
    فتحت الباب وطلعت بسرعة.........
    وظل هو واقف يناظر بالباب ويلوم نفسه(معقولة يامحمد تجراْت وسويت كل هذا!!!!!!!هذا
    وانت شوي وتذبح هيفاء لانها ماتغطي وجهها تقوم انت تشيل شيلة مها من على راسها
    بكيفك وبيدك؟؟؟شسوي ياقلبي شسوي وحشتني مووت ها البنية وماحد حاس بللي كنت
    عايشه طول ها السنتين من فراقها!!!مها..ياحبي وجنوني انتي..بتكونين من نصيبي مثل
    مااوعدتني جدتي ولا فراق خالد وهيفاء بينكتب على قلبي وقلبك للابد!!!!)
    طلع من المطبخ وراح عند عبود يشوفه وهو يسبح مع مشاري.......
    ***********مها من طلعت من محمد راحت علطول الغرفة اللي اختاروها هي وهيفاء
    وفاتن وحطوا اغراضهم فيها وقفلت الباب وهي تتنفس بقوة....(ماكان لازم تطيعينه يابنت
    بللي يقوله!!!لو قال لك شيلي عبايتك بعد بتشيلينها!!!لا ياربي انا مو قاصدة شي بس والله
    احبه وفراقه كان معيشني بنار ماطفت الا يوم قال انه يحبني.....محمد ياعمري انت
    وياوجودي...يارب تكون من نصيبي واطفي ناري معك بالحلال وبدون أي خوف!!!!)
    شالت عبايتها وراحت عند الفراش اللي فيه شنطتها ومسكت جوالها تتصل على هيفاء
    تقولها شصار بينهم///
    سارة/خالي محمد...
    لف لها محمد/هلا...
    سارة/شفيك سرحام من زمان وانا اناديك ماسمعتنيظ
    محمد/لا حبيبتي ماسمعتك صدقيني...بغيتي شي...
    سارة/لابس جوال خالتي هند دق مرتين اوديه لها داخل بالمسبح؟
    محمد/لا لاتودينه لها بالمسبح بعدين يطب بالماي ويخرب...
    سارة/خليه معك انا بسبح معهم اجل...
    عطته الجوال ومشت....وهو فيه مافي غير انه يدخله لاامه داخل وهي ترده لها لانه بعد
    شوي بيروح العمل...
    وهو واقف جاه فضول ياخذ رقم مها بدون مايسالها عنه ويكلمها...رجع قعد من جديد وفتح
    جوال هند ودخل الاسماء وصار يدور لين لقى اسمها مها بنت عمتي...نقل الرقم على
    جهازه وخزنه....ودز لها مسج...(حبيبيتي اسف اذا كنت تماديت معك بس والله اني ماقدرت
    امسك شوقي اكثر من كذا...انا طالع الدوام انتبهي على نفسك لين ارد واذا بغيتي شي
    كلميني اجيب لك اياه وانا راد....حبيبيك محمد)
    مها دق قلبها اول ماجاها المسج معقولة عنده رقمي من زمان ومافكر ولامرة
    يكلمني@@!!يسويها محمد مو هو من تطلقت هيفاء وهو شاب نار...مسكت الجوال ودقت
    عليه...
    محمد بلهفة وكانه مو شايفها من سنين/هلا...
    مها بنعومة لاتقاوم/عمري..انتبه لنفسك وانت تسوق...
    محمد تنهد/من متى ماسمعت ها العمري؟؟؟؟
    مها/انت ماكنت تبي تسمعها؟؟؟والا هي كانت تموت تبي تجيك...
    محمد/هذا لاني ثور؟؟ولا احد يضيعها ؟؟
    مها/المهم سوق على مهلك ها الدنيا اجازة والشوارع زحمة؟
    محمد/خايفة علي؟
    مها/خايفة على روحي اللي فيك...
    محمد/بعدني مامشيت واقف عند السيارة تبي نشوف بعض؟
    مها بدلع/حلاوة هي ماكفاك قبل شوي؟
    محمد تنهد/والله ماكفاني!!!!
    مها/............
    محمد/وش تبين اجيب لك وانا جاي؟
    مها/مدري...
    محمد/مثل اول باسكن ولاغيرتي اللحين؟
    مها/هههههه مو خاطري فيه...تدري جيب لي دونات من دان كن...
    محمد/من عيوني..
    مها/لا ابيه من دان كن؟
    محمد/هههههه ان شاءالله....
    مها/واذا وصلت العمل دق لي طمني طيب بظل انتظر اتصالك..
    محمد وهو شبه مسحور/ان شاءالله؟
    /////////////////////////////////////////////////////////////على الساعة ست الا ربع كانت هيفاء
    قاعدة بغرفة الانتظار ولابسة عبايتها وتلعب بالجوال.....
    ودخلت لها ممرضة فلبينية/الممرضة/اوه ه هنا ماما هيفاء تعالي...
    رفعت راسها وشافت الممرضة واقفة وهي تنتظر احد يدخل من تحت الستارة...
    هيفاء/في شي ميلين؟
    دخل عبود ...
    هيفاء وهي مستغربة/عبود؟؟؟وش فيك يمه؟؟منو جابك؟
    عبود راح لها علطول..
    الفلبينية/من زمان هذا يدور انتي.....
    هيفاء/عبودي من جابك؟فيهم شي؟
    عبود/جيت مع بابا خالد...
    هيفاء/ليه؟
    عبود/علشان نردك هناك...يالله قومي بابا ينتظرنا...
    هيفاء سكتت..(خالد وش ناوي يسوي ولا شقاعد يفكر فيه بالضبط؟؟؟؟هذا بيجنني
    لامحالة؟؟شمعنات انه يجيني لهنا بالله؟؟انا ماقلت له مرني؟؟؟)
    هيفاء ماحبت تكبرها وهي بالمستشفى لاسيما ان في ناس شافت خالد والاكيد انه سال عنها
    قامت ومسكت يد عبود....
    ميلين/باي...تعالي بعد مع ماما هنا زين جميلة؟؟
    عبود سوى نفسه مستحي وتخبى ورى عباية امه...
    طلعت من غرفة الانتظار ولقت خالد واقف بعيد شوي.....
    مشت وهي ماسكة يد عبود ومشى خالد معهم وظلت ساكتة طول الوقت لين وصلوا لعند
    السيارة..
    هيفاء بحدة/منو قال لك تعال لي بالله!!!
    خالد/عبود...
    هيفاء/لاوالله؟
    خالد/بكيفك ساليه اذا مو مصدقتني؟؟عبود انت مو قلت تبي الماما؟؟؟
    عبود/أي...
    خالد/وبعدين شيقعدك وانتي دوامك انتهى؟
    هيفاء/هذا مايعني انه لك حق تمرني بدون اذن؟؟؟
    خالد/وش فيها هاذي بالله؟
    هيفاء/كم سالت علشان توصل لي بالله؟؟؟بكرة بصير سالفة المستشفى ؟؟
    خالد/حشى علشان ساْلت عنك بتصيرين سالفة المستشفى؟؟؟؟
    هيفاء/هاذ ي غلطتك انت وانا بتحملها طبعا!!!
    خالد/وش له ذا كله عاد انا ماسويت شي؟؟
    هيفاء/بالنسبة لك بس بالنسبة لي ..الموضوع غير انا مطلقة ياخالد وكل حركة اسويها
    اتحاسب عليها من الناس قبل اهلي؟؟؟؟
    سكت خالد وماعلق هو توقع ان جيته لها المستشفى بتضايقها بس مو لدرجة ذي!!!!!
    خالد/اركبي يالله......
    ركب وحط عبود جنبه وركبت هي ورى وهي متضايقة من تصرفاته وماهي دارية لوين
    يبي يوصل؟؟؟؟؟؟
    عبود/بابا وين القيم بوي اللي بتشتريها لي؟
    خالد بهدوء/طيب اللحين نشتريها....
    عبود/واشرطة بعد واجد...
    خالد/طيب.......
    ////////////////////////////////////////////////////////////////بجمعة البنات...
    مرام/خلونا نلعب صياد وغزلان؟
    فاتن/بل قديمة؟
    هند/أي بس حلوة....ياللله منو بيكون الصياد؟
    مها/انا ...
    فريال/ابي العب معكم اخاف اني ماالعب مرة ثانية خلاص اذا تزوجت؟
    هند/ومن قال لك تزوجي اللحين صبري الزواج ماهو طاير؟
    فاتن/أي لين تنعس مثلي؟
    مها/ههههههه وانتي خلاص جزمتي على نفسك عانس؟
    فاتن/شسوي سوقي بايرة ماحد يبيني؟
    مرام/هذا لان للحين كل الشباب اللي صادفتيهم عميان للحين ماشافك واحد يشوف؟
    فاتن ومها/هههههههههههههههه
    هند/تعالوا دودوا وهبوا علشان تصير الغنايم واجد عندنا؟
    سارة/انا بعد بلعب معكم خالتي؟
    هند/انتي قبلنا ياروحي..الا وين ولد خالتك؟
    سارة/طلع مع ابوه خالد....
    مرام/قبل لانبدي وش رايكم قسمنا ياخذونا الشبلاب وخالي واحنا نقعد بها القسم علشان احنا
    ناخذ راحتنا وهم ياخذون راحتهم؟
    مها/فكرة ممتازة دقي على حمادة وقوليله؟
    مرام/من زمان عطاك عمره؟؟
    فاتن/مات!!!منو اللي مات؟؟؟
    مرام ومها/هههه لاهذي مقولة نستخدمها عن احمد اخوي اذا هج من البيت وماشفناه؟
    فاتن/على بالي توفى؟؟
    هند/ههههههه
    ///////////////////////////////////////////////////////////////////بعد صلاة المغرب كانوا متجمعين
    كلهم على البحر مع خالهم بو محمد والجدة طبعا وباقي الحريم....
    ام خالد/محمد اتصل وقال لاتجهزون شي لليعشاء هو بيجي وبيجيب معه لكم عشى...
    ام عادل/هنادي ابو سارة ماهو جاي؟
    هنادي/لا ياخالتي عنده شغل؟
    ابو محمد/أي بس انا قايل له الصباح وقال انه بيجي؟
    هنادي بدون اهتمام/مدري عنه يمكن لاخلص شغله يجي.....
    هند/خالتي صدق منتي قاعدة معنا بكرة الضهر بتروحين؟
    ام عادل/أي يابنيتي؟
    مها/ليه ياخالتي؟
    فاتن/عمي وعياله ليلة بكرة بيجون عندنا....
    بها اللحظة وصلت سيارة خالد ونزلت هيفاء وبعدها خالد وعبود.....
    خالد/السلام عليكم...
    وعليكم السلام والرحمة...
    هيفاء/مرحبا شباب...كيفكم...وحشتوني كلكم؟
    مشاري/جدتي لاتردين التحية بس للشباب؟
    هههههههههههههههه
    هيفاء قعدت جنب ابوها...
    وخالد راح بعيد عنهم علشان ياخذون راحتهم....
    الجدة/تعال تقهوى معي ياخالد...
    خالد بيدخل داخل الشاليه/بدخل ابدل ثوبي يمه بعدين اجيك؟

    عبود/شريت لي قيم بوي احلى من حقتك؟
    جود/بشوفها..انت ماتعرف لهاذي مطورة خليني العب فيها وخذ انت حقتي؟
    عبود/لالالالا
    سارة/هاذي مثلي بس انا ماجبتها بعدين تخترب...روح خشها عند امك...
    جود/ابي العب فيها؟
    عبود/لا
    جود/انا اخليك تلعب في حقي؟
    عبود/لا مايصير
    جود سحبت القيم بوي من عبود بالغصب وعبود ماتحمل لعبته وجديدة قام وعضها!!!!وهي
    زلزلت الدنيا من البكي
    هيفاء بعصبية/عبود ووجعتين كم مرة قايلة لك لاتعض؟؟؟ماتسمع الحكي مو؟
    عبود/هي حقي....
    هيفاء/ليه تعض عمتك مو عيب؟؟؟
    مها/تستاهل هي دفشة ليش تاخذ شي مو لها بالغصب؟؟؟؟
    جود/ياعباديوه ياالكسلان انا مااحبك؟؟
    عبود/روحي انا مااحبك...
    وقامواودخلوا داخل يتهاوشون من جديد وها المرة بالشعر!!!
    وقامت له هيفاء بتفكه ومشاري يصور الحدث اول باول والباقي نصهم يسولفون
    ومومهتمين لان الحدث عادي ومكرر بالنسبة لعبود؟؟؟
    هيفاء/عبود انا زعلانة منك زين...وجيب القيم بوي لاانت بتلعب فيها ولاهي بتلعب فيها؟؟
    عبود بصراخ/لالالا مو حقتك ياكسلانة...
    هيفاء/قوم اضربني بعد قوم؟؟؟
    عبدالله رفع يده وضرب امه وهي ساكتة عنه وجته صرخة خالد هجدته مكانه...
    خالد بعصبية/ووجعة ان شاءالله؟؟تمد يدك على امك تضربها؟؟؟؟
    عبود وقف مكانه.........
    خالد/ليش تضرب امك....
    عبود بصوت واطي/هي قالت تعالي اضربني وانا طعتها؟؟؟
    جود/وضربني انا بعد؟؟
    خالد/جيبها ..انا غلطان يوم اشتريها لك اصلا!!!!
    عبود بدت الحالة الهستيرية عنده/لالالالا حقتي مافي تاخذها؟
    كانت هيفاء قاعدة على الارض جنب عبود وجود يوم شافت خالد قامت عنده ...
    خالد تقرب من عبود وامه ونزل لمستواهم....
    خالدبصرامة/قول للماما اسف بالاول؟
    هيفاء تضايقت من قربه منها....وكانت بتقوم بس يد خالد مسكتها....
    خالد يكلم عبود/يالله قول للماما اسف....
    عبود/اسف ماما...مابعيدها مرة ثانية؟
    هيفاء/ولاتضرب جود مرة ثانية؟
    عبود/طيب....خلاص اخذها واقوم؟
    خالد/خذها...........
    عبود اخذها وقام ومشاري لهنا وقطع التصوير وطلع وجود لحقت عبود...
    هيفاء ناظرت بخالد...
    خالد/شنو؟في شي؟
    هيفاء/سلامتك بس فك يدي؟؟
    انتبه خالد انه بعده ماسك يدها وماحاول يشيل يده منها ظل ماسكها..
    هيفاء/خالد....
    خالد/نعم...
    هيفاء/فك يدي بقوم اسبح واصلي؟
    خالد/طيب........
    ظل يناظرها شوي وهي ماتدري وش اللي خلاها تستحي من نظراته وتنزل راسها للارض
    وبعد ثواني قام عنها وفك يدها وطلع وهي راحت غرفتها......
    //////////////////////////////////////////////////////////////على الساعة تسع ونص وصل محمد
    وجاب معه لهم مشاوي مشكلة ومقبلات وقاموا يتعشون ماعدا عبود اللي دخل الماي من
    جديد هو وقيم بويته!!!!!!!
    //////////////////////////////////////////



    البارت الثالث عشر,,,
    *******************
    على الساعة تسع ونص وصل محمد وجاب معه لهم مشاوي مشكلة ومقبلات وقاموا يتعشون
    ماعدا عبود اللي دخل الماي من جديد هو وقيم بويته!!!!!!!
    هيفاء اول وحدة قامت من العشى وراحت تشيل ولدها من الماي...
    بعدها جابت له صحن تعشيه..
    هيفاء/يالله ماما عبود شوف الطائرة بتدخل فمك؟
    عبود/لا ماابي ابي اتسبح؟؟
    هيفاء/ياماما مايصير انت من الصبح وانت بالماي مااكلت شي اول كل لك شي بعدها بخليك
    تتسبح؟
    عبود/لا..
    هيفاء تكلم مشاري/مشاري اول ياكلون لو اول يتسبحون؟
    مشاري بلعانة/اول يسبحون؟؟؟؟؟؟؟
    هيفاء/مشاري بلا لعانة!!!!اسمع حبيبي اللي ماياكل مايسبح؟
    عبود/اسالي لاليوه...
    هيفاء/مشاري اللي ماياكل تخلونه يسبح معكم؟
    مشاري/أي تعال عبود اسبح ماعليك منها؟
    خالد/انت وبعدين مع نذالتك؟؟؟خله ياكل شي؟؟
    طبعا ابو محمد وخالد ومحمد ومشاري والجدة كانوا يتعشون على البحر وهيفاء كانت
    معطيتهم ضهرها وهي واقفة قبال البحر تاْكل ولدها ومحمد متضايق من وجودها....
    مشاري/شسوي نذل من يوم يومي على جدتي!!!!
    الجدة صبت كاس اللبن فوق راس مشاري علشان يتادب؟؟؟
    الجدة/انا نذلة يللي ماتستحي على وجهك؟
    مشاري بعصبية/شسويتي انتي!!الله ياخذك وقام نط في البحر من جديد وعبود بيقلده بس يد
    هيفاء مسكته...
    هيفاء/لا ياعمري مافي تسبوح غير لمى تاكل؟
    محمد/جيبي عندي وروحي انتي كملي عشاك؟
    اخذه بالقوة بحضنه يبي بس هيفاء تدخل....
    هيفاء/ماعليك منه اذا قال يبي يسبح لاتسبحه؟؟
    محمد/طيب(يعني دخلي)
    *************************مرت الليلة سريعة وبعد الساعة احدعشر ونص ناموا كلهم
    ماعدا محمد ومها وخالد وهيفا وعبود.....
    خلونا نروح اول لمحمد ومها....
    كانت قاعدة عند البحر وفاكة صندلها ورفعت عبايتها للنص وكانت لابسة برمودا جينز
    ونزلت رجلينها في البحر وحست ببرودة الماي اول مانزلت رجلينها وقامت تلعب
    بالماي.....
    محمد من وراها وهو نازل لمستواها بدون مايقعد/تعرفين لو احد غيري شاف بياض سيقانك
    دفنتك بها البحر اللي تلعبين فيه؟؟؟
    جمدت يدها على عبايتها..
    مها/محمد
    محمد/ياعيونه...
    تنهدت......وبعدها قالت/مر وقت طويل من تكلمنا مع بعض بشي حلو وبروقان وانا حاسة
    اني اليوم احلم...
    قعد وراها علطول...../احلمي وش فيها اذا حلمتي...خليك حلامانة علطول اذا كان الحلم
    عاجبك؟
    لفت له مها بعد ماتلثمت/مو بس عاجبني الا ماودي اصحى منه يامحمد؟
    محمد/لاتصحين منه ...
    مها/لمتى يامحمد؟
    محمد سكت وهو مو عارف شيقول لها ولا بشنو يرد عليها..غير الموضوع..
    محمد/اكلتي الدونات؟
    مها/أي..شكرا..
    محمد/بالعافية...
    مها/الله يعافيك.....مابتنام؟
    محمد/الليلة النوم مجافيني يامها؟
    مها/أي بس انت وراك دوام لاتنسى ها الشي؟
    خالد باخر الليل طلع يتمشى على البحر وكان الجو حلو والكل نايم حتى مها ومحمد ماطولوا
    قاموا لان محمد خواف ان يقعد اخد ويشوفه قاعد معها..كان الكل تعبان من المشوار ورايح
    بسابع نومة....بس سمع صوت قرب البحر ولان الاضاءة ماكانت قوية ماعرف منو اللي
    قاعد لين تقرب صوب الصوت ولفت عيونه ولقى هيفاء قاعدة وهي حاطة عبود بحضنها
    تبي تنيمه..
    خطت رجله لاشعوريا ناحيتها....كانت فاتحة شيلتها ومبين شعرها اللي كان طولان واجد
    بالنسبة لخالد اللي ماشافه من ثلاث سنين !!!تقرب اكثر منهم لان صوتهم ماكان مسموع ....
    هيفاء/حبيبي يالله نام..انا بعد نعسانة وابي انام!!!
    عبود فيه النوم بس ماخذته السوالف/ماما اذا نمنا وقعدنا بنرجع نسبح؟
    هيفاء/أي حبيبي...
    عبود/طيب سارة بتظل قاعدة معنا ماراح تروح بيتهم؟
    هيفاء/ماراح تروح بتظل قاعدة معنا لاتخاف؟؟
    عبود/ماما....ليه سارة تنام مع امها وابوها بنفس البيت وانا لا؟؟
    هيفاء/عبود؟؟؟منو قايل لك ها الكلام؟؟انت ماتعرف لها السوالف؟؟؟
    عبود/ليه انتي ماتنامين مع ابوي خالد ببيت واحد وانا معكم؟
    هيفاء بعصبية خفيفة/قولي منو اللي قايل لك ها الكلام ولاتراني بزعل منك؟
    عبود/انتي اول قوليلي؟؟
    هيفاء/ماراح تقولي منو اللي قايل لك تقولي ها الحكي ..زين ؟؟
    عبود/......
    هيفاء/اذا كبرت بتعرف كل شي بس بكرة من تقعد تقولي منو اللي قال لك ها الحكي زين؟
    عبود/غنيلي علشان انام...
    هيفاء/..........يابعدهم كلهم...ياسراجي بينهم....عطني من دنياك حبك واترك الباقي
    لهم....عطني من دنياك حبك واترك الباقي لهم.......ياخذون اللي يبونه... كل ها العالم
    وكونه....الا قلبك يتركونه..لاتمسه ايدهم...تختفي الشمس وضياها...وترحل القمرة
    وسناها...وينتهي العالم وراها...انت تغني عنهم.....يابعدهم كلهم ...ياسراجي
    بينهم.....عطني من دنياك حبك واترك الباقي لهم......عطني من دنياك حبك واترك اتلباقي
    لهم/////خالد ظل جامد مكانه...هاذي مشاعره ناحيتها كل مالها وتبان اكثر واكثر...هو متمني
    انه يكون هو اللي بحضنها وتغنيله وتمسح على شعره بعد!!!!بس كيف بترضى ترد له من
    جديد وهو اللي فرط فيها بلحظة من اللحظات اللي كانت قاعدة بحضنه فيها!!!!!
    تنهد بقوة وتمنى يروح يحضنها....مايبي يسوي شي غير انه يحضنها ويمشي...بس تراجع
    بعد لحظة وحدة ودخل من المكان اللي طلع منه؟
    ///////////////////////////////////////////////////////////////اليوم الثاني كان اقل نشاط لان معظم
    الموجودين ماقاموا من نومتهم حتى الجدة اللي لاشغلة ولامشغلة ظلت نايمة!!!
    محمد بس وخالد وهيفاء هم اللي قاموا....
    كانت هيفاء قاعدة تسولف مع محمد عن الدوام وش يصير فيه...وخالد توه بيطلع بس كلمة
    محمد خلته يوقف يسمع كلامهم بدون مايطلع لهم..
    محمد/شخبار الدكتور عمراللي خطبك؟
    هيفاء/وش فيه؟
    محمد/يعني ماحاول يسالك عن الاسباب؟
    هيفاء/انت مو نقلت له ردي؟؟؟خلاص وش بيقول بعد؟
    محمد/مدري قلت يمكن يشوفك بالمستشفى ويفتح معك الموضوع من جديد؟؟
    هيفاء/لاتخاف انا لااشوفه ولاهو يشوفني؟؟هو بقسم العظام وانا بالاسعاف يعني مانتجمع
    كثير مع بعض الا في حالات الحوادث...
    محمد/يعني ماقال لك شي؟
    هيفاء/اقولك لا...
    محمد/غريبة...انه كان ماخذ ردك بذيك الاهمية وقال انا بنتظرها لوغيرت رايها؟؟؟
    هيفاء/محمد شفيك انت شاك فيني اني قاعدة اكلمه؟
    محمد سكت ومارد عليها الشي اللي ضايق هيفاء يعني محمد كلمها بس صورة ولاهو لسه
    مو عاجبه الوضع!!!!
    خالد وحده جمد مكانه وماتحرك..(هيفاء خاطبها دكتور ويشتغل معها بنفس
    المستشفى!!!!زين ياهيفاء زين؟؟علشان كذا ماعجبها اني امرها امي لايشوفها راكبة معي
    ويزعل عليها حبيبي القلب؟؟؟؟9
    طلع وهو معصب ولفوا عليه محمد وهيفاء اللي كانوا يفطرون..
    محمد/حياك الفطور جاهز...فطور عزابية بس يمشي الحال؟
    خالد وهو مستعجل/لالا..مستعجل عندي اجتماع ومااقدر اتاخر عليه؟؟يالله سلام...
    ركب سيارته ومشى بسرعة وسط دهشة محمد وحتى هيفاء استغربت عصبيته من
    الصبح!!بس اسكتت وماعلقت؟؟
    ////////////////////////////////////////////////////////////////////////على الساعة سبع ونص
    المغرب في كورنيش الخبر.....
    عادل/اللحين انت شفيك
    خالد/مافيني شي بس جو الشاليه ضيق خلقي وقلت اجي اشوفك؟
    عادل/كان عزمتني معكم بالشاليه اغير جو معكم؟؟؟
    خالد/حياك ماعليك عزومة ياعادل...
    عادل بجدية/خالد بغيت اكلمك بسالفة ومنحرج منها؟؟
    خالد/خير ان شاءالله؟؟
    عادل/انا طالب القرب منك!!!!
    خالد فتح عيونه وتنهد وهو يتذكر شكل مها ومحمد البارح على البحر وجا في باله كلام
    احمد ذيك الليلة عنهم..../عادل لاتحرجني؟
    عادل/انا عارف ان ابوك يبيها لو لد عمك سعود بس انت تقول انها ماتبيه ورافضته....
    خالد توهق لانه ماجاب سيرة محمد ومها لعادل وحس نفسه متورط....
    خالد/القضية مو كذا ياعادل....يعني اذا قالت لا...انا ماابي علاقتنا يصير فيها شي؟
    عادل/لاتخاف ياخالد علاقتنا بتظل مثل ماهي ماراح تتغير!!!وبعدين انا امي كبيرة وخبرك
    ماعندي خوات وماودي زوجات اخواني هم اللي يخطبون لي...قلت ماعندي اغلى منك
    ياخالد....
    خالد/والله مني منحرج منك قبل لااكلمها؟
    عادل/ولايهمك اذا مارضت تدور لي هي على مرة سنعة اخطبها انا ماعندي احد يدور لي
    وبيني وبينك انا محتاج اتزوج واستقر؟؟
    خالد/ان شاءالله....
    //////////////////////////////////////////////////////////////في الساليه بعد الساعة ثمان...
    مها/خاطر ببيزاهت..
    هيفاء همست لها/والمعنى؟
    مها ضحكت لها...
    هيفاء/أي والمعنى...
    مها/كلميه يجيب معه وهو راد من الدوام؟ماابي المشاوي اللي بيسونها هنا؟
    هيفاء/ها..مهاوي شكلك داخلة على طمع!!ليلة دونات وليلة بيتزاهت وبكرة مدري شنو؟
    مها ضحكت بصوت عالي ولفت لهم الجدة...
    الجدة/خير ان شاءالله انتي وياها شتسون؟
    هيفاء/سلامتك بس نسولف؟
    الجدة/وهاذي اللي صوتها واصل البر؟
    مها/انا صوتي واصل البر ياجدتي؟؟؟
    الجدة/انا ادري عنك كاْنك عنزة ترعى؟؟؟
    مها شهقت وسكتت من الصدمة وهيفاء ماقدرت تمسك نفسها ماتت ضحك.....
    مها بصدمة/انا عنزة ياجدتي؟؟؟
    الجدة/وش فيها العنزة بالله!!!ماهي عاجبتك؟؟فيها لحم ولبن وخير من الله؟؟؟
    مها/ياويل حالي؟؟هاذي جدة بالله عليكم؟؟؟
    الجدة/وش فيني انا مو عاجبتك؟
    مها/خسارة راحت ام عادل,,,
    الجدة/افتكينا منها مصيبة صابتها هي وبناتها؟؟؟قاعدة ماكلة شاربة ببلاش؟؟؟
    هيفاء/جدتي؟؟وانتي شعليك منها بالله هاذي ضيفتنا واحنا ملزومين فيها؟
    الجدة/مو كله من خير ولدي؟؟
    هيفاء/لاحول...الظاهر ماراح تعدي الليلة.
    مها/ترى انا داقة على احمد يودينا التميمي ناخذ لنا تسالي لسهرة الليلة وكاهو جاي بالطريق
    قومي نلبس بس..
    هيفاء/سبقيني بروح اشوف عبود والبسه؟
    الجدة/أي ودي عبود معك علشان مايخلي شي مايشتريه؟؟؟
    هيفاء/الحمد الله من عندي مو من عند احد؟؟؟

    وصل احمد وماكان احد قاعد برة دخل المطبخ حقهم وماكان في احد راح مطبخ بيت خاله
    وكانوا هناك مرام وهند يسولفون وهند يوم شافته غطت وجهها...
    احمد/جاهزين وجاهزين من كذب والله؟؟؟وينكم؟
    مرام/ماقالت لنا مها انك جاي...دقايق بس بجيب شنطتي وباخذ فلوس من امي وجايتك؟
    احمد/بسرعة ونادي عليهم بطريقك.؟؟
    مرام قامت/طيران ولايهمك...
    قامت هند بتطلع ورى مرام لانها صارت تخاف تقعد بمكان مافيه غير احمد..بس هو حس
    عليها ومسك يدها بسرعة..
    هند بخوف/اترك يدي قبل لااصرخ اللحين؟
    احمد كان ماسكها بيد وباليد الثانية فتح وجهها
    هند شهقت.../انت مجنون؟؟؟
    احمد/واذا كنت مجنون شفيها بالله؟؟؟
    هند قامت من الخوف وهو بعده ماسك يدها وقامت تبكي,,,,
    احمد خاف وتركها وطلع بسرعة......
    ////////////////////////////////////////////////////////////////حاولت انها ماتجي معهم بعد حركة
    احمد السخيفة واللي مالها أي داعي بس ماقدرت تبرر لهم خصوصا انها هي اللي لجتهم تبي
    تروح التميمي؟؟؟
    وفي التميمي....
    هيفاء/عبود تبي من هذا؟
    عبود/أي...
    مها/لاتطيعينه بكل شي ترى مايصلحون ها الحلويات؟؟؟
    هيفاء/شسوي فيه...اصلا صرت اخذ كل شي دبل خبرك جدتي ماتتركه بحاله....
    مرام/اذا على جدتي فشكلها انتهت صلاحيتها من زمان؟؟؟
    سارة/خالتي اقدر اخذ لي من هذا؟
    هيفاء/حبيبتي اخذي اللي نفسك فيه....
    مها/احمد شفيك؟؟
    احمد كان هادى وساكت طول الوقت/مافيني شي...
    مرام/يعني مالك بالعادة تسكت كذا؟؟؟
    احمد/روحي بس اخلصي علي خالي قال لي لااتاخر واروح اشوي معه؟
    مها/وانت علشان كذا متضايق؟؟؟ولا علشان امي قالت لك تجي تنام هنا الليلة بالشاليه؟
    احمد/لا هذا ولاهذا؟؟؟مافيني شي...
    هيفاء/انا بروح جهة الحلويات.....
    لفوا البنات وراها وكانت مها وبيدها سارة معها بنفس الخط ومرام وهند اللي بعد كانت
    ساكنة وراهم علطول....
    احمد صار ورى هند مباشرة وهمس لها /انا اسف صدقيني مو قصدي....
    وابتعد عنها ومشى شوي بعدي عنهم وظلت تمشي وهي مو عارفة لوين تروح!!!!احمد
    بيجننها؟؟والمشكلة انها مو عارفة شيبي منها ولاهي قادرة تصارح احد؟؟؟
    مرام بصراخ/وش فيك عمية ماتشوفين؟؟؟؟
    لفوا كلهم وحتى احمد لهند اللي ضربت بالكورنر اللي كان فيه جالكسي وتعورت خواصرها
    وطاحوا كم واحد على الارض...
    احمد قرب بسرعة وهو عارف انه هو السبب...
    احمد بهلع وخوف/تعورتي؟؟
    هند من فشلتها بكت....
    هيفاء/هندوا تعورتي من جد؟؟؟
    هند/..لا..مو واجد
    مها/ياذا الدلع!!!!وليه تبكين ان شاءالله؟
    هند/بكلم محمد يجيني انتوا خذوا راحتكم؟
    هيفاء/ماتقدرين تنتظرين شوي...قربنا نخلص ....
    مرام/اذا حاسة نفسك تعبانة روحي قعدي بالسيارة انتظرينا ولايهمك كل اللي خاطرك فيه
    بجيبه....
    هند/السيارة؟؟؟لالا بظل واقفة..
    هيفاء/سمعي الكلام وروحي قعدي بالسيارة محنا مطولين....احمد روح افتح لها السيارة
    وخلها تركب.....
    احمد/طيب..
    هند/لالالا...خلاص ماله داعي..
    مها همست لها/بلا دثارة علينا؟؟؟بياكلك اخوي ؟؟؟بيفتح لك السيارةولاتخافين من احمد
    بعد؟؟؟ترى مايخوف اليف جدا؟؟؟
    هند/لامو كذا...
    مها/احمد..بعدك واقف خذها ودها السيارة خواصرها يعوروها ماتقدر تمشي...علينا بس
    نحاسب ونجيكم..,,,,
    //////////////////////////////////////////////////////////////خالد/قوم رد معي الشاليه ماني طايق
    اشوف احد هناك؟
    عادل/روح...وشوف شالسالفة وواجه الشي بنفسك ياخالد؟
    خالد/شااواجه؟؟؟اخوها يقول في دكتور خاطبها وهي معه بنفس المستشفى وكل يوم تشوفه
    ويشوفها!!!!مايبيلها فهامة ياعادل؟
    عادل/لو هي تبيه كان اخذته وماهمها احد؟
    خالد/يمكن انها قالت ماتبيه تمويه بس ...
    عادل/ولو كان تمويه على قولتك معقولة مرة ثانية بيتقدم لها وبتوافق عليه كذا السالفة
    فوضى؟؟؟ماراح يشكون اهلها بشي؟؟؟
    خالد/مدري ياعادل مدري؟؟كل اللي اعرفه اني باخذ ولدي عندي وساعة اللي حضرتها
    بتتزوجه برميه عليها من جديد؟؟؟
    عادل/خالد لاتتهور وانا اخوك؟؟يمكن انت السالفة كلها ماعرفتها زين؟؟؟
    خالد/مو مهم .....ماعاشت اللي بيتهين خالد العواد وتذله!!!!!!
    //////////////////////////////////////////////////////////////هي ماكانت تبي تجي من الاساس
    معهم بعد موقف احمد بس حكم القوي على الضعيف مثل مايقولون؟؟؟لكن وين
    يااحمد....ماراح اسمح لك تتجاوز حدودك معي.....
    اول ماقربوا من السيارة طلعت جوالها..
    احمد/لمنو بتدقين؟
    هند بخوف/على محمد بخليه يجي ياخذني يمكن انهم يتاخرون؟
    احمد/بس ياهند..
    هند/معليه....اعرفهم ينسون نفسهم لاادخلوا مكان...روح معهم بكلم محمد يجيني ....
    احمد/ماني متحرك من مكاني ودخلي السيارة؟
    هند باصرار/ماني داخلة وبكلم محمد؟؟؟
    مها من وراهم/وليه تكلمين محمد بعد!!!
    دقت قلوبهم ثنينهم بقوة وخصوصا احمد....
    مها/توقعتك ماتركبين؟؟؟؟ياساتر عليك....اخوي ولد عمتك رابي معك بنفس البيت وبنفس
    الحضن تخافين تقعدين معه بالسيارة بروحك!!!!!
    هند/.........
    احمد/مفكرتني وحش؟؟؟
    مها/انا توقعتك ماتركبين علشان كذا تركتهم وجيت اقعد معك......تفضلي دخلي ياانسة
    هند....
    ركبت معها السيارة واحمد تضايق من وجود مها اللي تخرب عليه حياته!!!!
    مها/في شي ياْلمك؟
    هند/لا
    احمد/تبين تروحين المستشفى؟
    هند/لا....
    احمد لف عليهم ورى لان مها احترمت ان هند بروحها وقعدت معها ورى...
    احمد/انا ابي افهم شكلي يخوف؟؟؟؟
    مها/ليش تسال...
    احمد/جاوببيني؟؟
    مها/اول اعرف..
    احمد/طيب شكلي يخرع؟؟؟؟
    مها/هو بصراحة نوعا ما..اي...
    احمد لف لجهته مرة ثانية وسكت..
    مها/حمادة....ليش كنت تسال؟
    احمد رجع لف لهم من جديد واشر على هند/علشان كذا هند تخاف مني؟؟؟؟لاني اخرع
    وشكلي متوحش؟؟؟؟؟
    ////////////////////////////////////////////////////////////////محمد/عمتي وين البنات مافي احد؟
    الجدة/أي بنات بالضبط؟
    محمد/هو في احد غير هبة وجود وسارة؟؟؟
    ام خالد/راحوا التميمي ياخذون لهم شوية اغراض....واللحين بيردون....
    الجدة/ان شاءالله يذكرون ان في ناس موجودة هنا عاد مو بطني بطني ومايهمهم احد؟؟؟؟
    محمد بصوت واطي/لاحول...
    ام خالد بنفس الصوت الواطي/انت ماتعودت للحين؟؟؟خلاص طنش.....
    الجدة/شتتسارون فيه انتي معه؟؟؟علموني بالله؟
    ام خالد/كان يسال عن هنادي وقلت له انها مع ابوها بره تسوي العشى....
    الجدة بنرفزة/ان شاءالله عشاهم من هنا هم بيطبخونه؟؟؟ويع ماابي انا بدق على خالد يجيب
    لي من المطعم؟؟؟؟
    ناظروا محمد وام خالد في بعض واسكتوا.....

    /////////////////////////////////////////
    ابو محمد/هنادي يبى...انتي ومحمد فيكم شي؟
    هنادي بدون ماترفع عيونها من النار اللي كانت تطبخ عليها/لا ليش تسال يبى؟
    ابو محمد/مدري بس مااحسه جاي وهو مبسوط حتى النومة ماينام هنا معكم انتي وبنته؟
    هنادي/يبى بالدرجة الاولى انتوا جايين تغيرون جو ووجود محمد شوي بيعوق وبعدين بكرة
    بنرد البيت مالها داعي الروحات والجيات......
    ابو محمد/محمد رجال نشمي وانا متطمن عليك عنده....
    هنادي في بالها(كان يبى كان؟؟؟ماعاد محمد هو نفسه محمد الاولي؟؟؟؟)
    //////////////////////////////////////////////////////////////////////رجعوا البنات من التميمي
    وخالد رجع وكان مطنش هيفاء على الاخر ومسوي روحه الابو المثالي مع عبود ياكله بيده
    ويشربه ويلعبه واخر شي قام وسبحه معه والكل لاحظ ها الشي..صحيح بعضهم استغرب
    بس في النهاية كلهم تمنوا ان الله يدومه على ها الحال ومايغيره.....
    بعد ماتعشوا ورتبوا المكان قعدوا كلهم شباب وبنات وامهات عند البحر يسولفون مع بعض
    سوالف جماعية...
    هنادي/جدتي سولفي لنا عن اول؟
    الجدة/وليش تبين تعرفين عن اول؟
    مرام/لان احنا ماعشنا بزمن اول وانتوا كله تقولون ياريت زمن اول ماتحول؟؟؟ليش شنو
    كان فيه زمن اول؟؟؟
    الكل ناظر بالجدة ينتظرون جوابها وتفاجاؤا من ردة فعلها.....
    عصبت عليهم وقالت/من زينه زمن اول عاد!!!!!لا في دانيت؟؟؟ولافي ايسكريمات مثل
    اللحين ولاكبسات ولا ها الشاليهات؟؟؟قالوا اول قالوا؟؟؟
    مشاري/هههههه يعني جدتي انتي ماتحنين لااول وايامه؟؟؟
    الجدة/حنوا عليك لين تموت قول امين؟؟؟
    ام محمد بعصبية/خالتي؟؟؟بطلي دعواتك عاد عن عيالي؟؟؟ترى والله اذا صار فيهم شي
    بزعل منك؟؟
    الجدة/وش دعوة هامتني انتي ؟؟؟؟زعلي انتي الخسرانة؟؟؟؟
    هيفاء/يمه خلاص انهي النقاش بسرعة عارفين النتيجة بتطلع لصالح ام عبدالله؟
    ام محمد بتنهيدة/وانا اقدر اتكلم؟؟؟بسكت طبعا؟؟؟؟
    ///////////////////////////////////////



    البارت الرابع عشر,,,,,
    ///////////////////////////
    هيفاء/يمه خلاص انهي النقاش بسرعة عارفين النتيجة بتطلع لصالح ام عبدالله؟
    ام محمد بتنهيدة/وانا اقدر اتكلم؟؟؟بسكت طبعا؟؟؟؟
    الجدة كمل كلامها /واذا زعلتي وين بتروحين يعني؟؟؟بيت اختك ام عادل وانا بزوج ولدي
    من جديد وبفرح فيه وفي عياله؟؟؟
    ابو محمد/لاحول الله...
    الباقيين كلهم/هههههههههه
    مها/جدتي انتي من صدقك بتعرسين خالي؟؟؟
    الجدة/وليش ياعيوني ناقصه رجل ولايد؟؟؟
    احمد/انتي بتعرسين خالي عرسي ها الشيبة من بابا اولى؟؟؟وضرب يده على كتف محمد
    اللي جنبه ومحمد استحى لاسيما ان في عيون كانت تناظره وتضحك.......(طبعا مها بس
    اللي همته مو الباقيين)
    الجدة/ومن قال لك اني مابعرس محمد بعرسه؟؟؟هو قايل لي منو يبي ؟؟؟
    محمد خاف منها تتكلم اللحين وتفضحه/جدتي وشها الخيانة؟؟بعدين بعدين بيني وبينك؟
    هنادي/ها حمود؟؟؟اشوف اسرارك بس عند جدتي؟؟
    مرام/مالك حق تعطي اسرارك لجدتي وهي عجوز اقلها تعطيني اياهم انا بعدني شباب؟؟؟؟
    ماشافت مرام الا بعصا الجدة على ضهرها وتعورت من جد
    مرام/أي..
    الجدة بعصبية/مني العجوز ان شالله؟
    هند/ماتقصدك ياجدتي تقصد اليسا اللي ماتحبينها؟
    خالد كان مقعد بحضنه عبود وياكله دانيت وعبود كان دبدوب شوي/جدتي تعرف
    اليسا؟؟؟معقولة؟
    مشاري/اوه ه خبرك قديك هاذي حتى اوبرا وينفري تعرفها؟؟؟
    الجدة/وليش مااعرفها انا مو عايشة بها الزمن....وينك مهاوي انتي مو قايلة لي بتعلميني
    على الانترنتي؟؟؟متى ان شاءالله لاكبرت؟؟
    مها بضحكة/من صغارتك يعني؟؟؟؟
    وضحكوا كلهم عليها.....
    الجدة/نعم نعم؟؟
    مها/اقول متى تبين يالغالية؟
    الجدة/اللحين...انت يالثور قوم جيب شنطتي من داخل؟
    مشاري/انا مو ثور؟
    الجدة/اجل اللي جنبك؟
    احمد يكلم محمد/اختار ياانا ياانت لان خالد بعيد عنا؟
    هههههههههههههههه
    الجدة/وجعتين قوم يالله ولايكثر...
    ام محمد اشرت لاام خالد تقوم معها داخل يسولفون لان الجدة ماهي بعاقلة...
    دخلوا داخل وابو محمد راح ينام وهنادي بعد خلت ترتاح شوي لانها تعبت اليوم من الطبخ
    واحمد راح يجيب شنطة الوالدة العزيزة؟؟؟
    احمد طلعها وهو يمشيها/جدتي الله يهداك وش حاطة فيها ثقيلة الله راحم بحالنا فيها
    دراريج؟؟؟
    الجدة/طول وعرض وزنودك يمشي عليها التيس وتقول ثقيلة شخليت لي انا الرقيقيقة؟
    هيفاء انفجرت من الضحك وخالد قام يطالع فيها/جدتي اسمها رقيقة مو رقيقية؟؟
    الجدة/كله واحد ثنتينهم بنات عم؟؟؟
    حط احمد الشنطة جنبها وطلعت مفاتيحها علشان تفتحها..
    محمد/وقف بعد؟؟؟الله يستر منك وش حاطة فيها اكيد بلاوي؟؟؟
    فتحتها ودخلت راسها داخل وبعد شوي طلعت منها شي وكلهم يطالعون...
    مشاري اول من ضحك وبعده كلهم ضحكوا.....
    الجدة/وعمى بعيونكم كلكم؟
    مها/جدتي ليش جايبة معك فيش التلفون؟؟
    الجدة/علشان نشبك؟؟؟
    هيفاء/اها......
    وبعد شوي بعد غاصت في الشنطة وها المرة محمد اللي عدل قعدته....
    محمد/جدتي؟؟؟؟هاذي شاشتي كيف شلتيها؟؟؟؟
    طلعت شاشة كمبيوتر وعطتها مها...
    لجدة مستحية/والله ياوليدي السموحة كنت بقولك بس مامداني؟؟؟جبت لي سكين وقطعت
    الوايرات اللي فيها وشريت توصيلات جدد علشان اركبهم..
    احمد بدهشة/لايكون بعد جايبة البوكس؟؟؟؟
    الجدة/بوكس بوجهك ؟؟؟أي بوكس؟؟؟
    مشاري/كيف بتوصلين الشاشة جدتي مافكرتي فيها؟؟غبية؟؟
    الجدة/غبية بوجهك؟؟؟الشاشة يوصلونها بالصندوق عدل لولا؟؟؟
    مها وهي تنتظر مفاجات اكثر/أي عدل...
    الجدة طلعت صندوق ذهبها من الشنطة/وهذا صندوق التجوري حقي فيه كل ذهبي من يوم
    اني بنية شوي شوي وانتي توصلينه يامها؟؟؟
    مها خلاص راحت في غيبوبة ضحك لامنتهية وفتحت وجهها ماقدرت وكلهم ضحكوا من
    ضحكتها.....
    مها بعد ضحك دام ثواني وقفت وعيونها ملايانةدموع من كثر الضحك/انا مقدر اقعد اكثر
    اكيد بشوف مفاجات مذهلة؟؟؟وانا مافيني اتحمل ابدا؟؟؟؟؟
    هيفاء سحبتها من عبايتها وهي تضحك/لا تكفين قعدي...خلنا نتونس...
    مها/هههههههه لالالامقدر والله مقدر....
    محمد مات وهو يشوفها تضحك...الحمد لله ان الموجودين محارم وان مشاري صغير كان
    ذبحها؟؟؟؟بس شقول فديتها وفديت ضحكتها انا ياعساها دوم يارب؟؟؟؟
    خالد/لااله الا الله محمد رسول الله؟؟؟؟هههههههههههههه
    عبدالله/بابا خلص الدانيت ابي بعد؟
    الجدة كانت مقهورة من ضحكهم عليها وحطت بالها وبال عبود علشان تغير الموجة/حشى
    دب مو ولد؟؟؟؟ماتشبع انت؟؟؟
    خالد/قولي لااله الا الله؟؟؟
    هيفاء رفعت عيونها وشافتها مستغربة من كلامه؟؟؟ليش يدافع عن عبود؟؟؟غريبة ماهي من
    عوايده يعني؟؟؟
    حس انها قاعدة تناظره بس صد وسوى روحه ماشافها؟
    الجدة/وانا الصادقة سمين ولدكم كنه خروف؟؟؟؟
    محمد/يمه؟؟؟بذمتك تحطين بالك وباله عبود؟؟
    الجدة/ودوه يسوي رياضة بدل ها القعدة والربادة اللي هو فيها ياياكل يانايم
    يايشاهد؟؟؟لاشغلة ولامشغلة؟؟؟؟
    هيفاء تضايقت/تعال عبود ندخل؟؟
    عبود/بقعد عند بابا خالد...
    هند/ماتعودتي انتي؟؟؟انا صار عندي مناعة ضد كلامها...طنش تعش تنتعش!!!!!
    مشاري قام على بال انه بيمشي وقام يتمشى بالهون من ورى شنطتها وهو ياْشر لخالد انه
    يغوي الجدة عن شنطتها بيكتشف وش جايبة بعد معها من بلاوي؟؟؟؟
    //////////////////////////////////////////////////////////////////كانت حاطة راسها على المخدة
    على اساس انها تعبانة وتبي تنام؟؟؟بس وين يجي النوم ياعالم وين!!!!عشت معه عشر
    سنين على الحلوة والمرة ماقصر معي بلحظة وحدة ....وفجاْة وبدون مقدمات يتغير.....باع
    البيت وزعلت نفسي يوم دريت واول ماقال لي انه عنده مشروع لمت نفسي على زعلي منه
    واني تعجلت بحكمي وماخليته يشرح لي...بس شقول...هذا مشروعك يامحمد
    هذا؟؟؟؟تخطب....ومن وراي...وبليلة عيد زواجنا!!!!انا عارفة ان كله من تدبير امك
    وعمتك وزوجة اخوك....هم مااستنوا الموضوع يتم وقالوا لي من قبل لاتروح وتخطب
    رسمي؟؟؟؟اه ياقلبي اه...شسوي....حاسة راسي بينفجر من كثر ماافكر بالموضوع؟؟؟؟جيت
    معهم على بال اني اغير النفسية واغير جو محمد كله واحاول اتنساه بس ماني
    قادرة؟؟؟محمد جرحني جرح عمري ماراح انساه ...شصار عليك يامحمد وكيف
    غيروك؟؟؟شبيصير في حياتنا ياترى بالايام الجاية؟؟؟؟ليه يامحمد ليه؟؟انت عارف اني
    اكثر وحدة تعبت من الموضوع....رحت كل مكان وكلهم يقولون لي نفس الحكي ماعندك أي
    مشكلة ولازوجك عنده أي مشكلة؟؟؟؟شسوي اذا ربي ماكتب لي الا ها البنت يامحمد....بنت
    تسوى عشرة يامحمد صدقني.....انا مالي ذنب اني ماقدرت احمل واجيب لك غيرها.....كل
    اللي اخذته من اهلك اهانات ونغزات بالرايحة والجاية...واخرتها اخذوك
    مني.......يارب....يارب ماني عارفة شسوي....حياتي متوقفة ولااناعارفة شسوي...اموت
    بيومي مليون موتة ولاحد داري عن همي.....
    كل هموم الدنيا وقفت عند راسي يوم يسالني ابوي عنك اليوم؟؟؟شقول لااهلي بكرة اذا
    رديت معهم البيت وشبيقولون لوردوا من البحرين وانا بعدني مارحت بيتنا!!!اكيد ماراح
    يتركوني لين يعرفون؟؟؟؟شبيقولون لي ياترى...وهل اني اترك البيت لك وارد بيت اهلي
    صح ولاغلط يامحمد؟؟؟؟
    /////////////////////////////////////////////////////////////////////نرجع لعند مفاجات صيف دبي
    اللي عند الجدة....
    كان خالد يسولف مع جدته مثل ماقال له مشاري وعيون الباقيين على مشاري يبون يشوفون
    وش يطلع وقام يتسحب ودخل يده وعيونه تروح يمين ويسار وشوي الا مطلع لهم علية
    حليب نيدو مخلصة...
    ومها منتهية خلاص ماهي قادرة تتحمل اكثر خصوصا ان مشاري مسوي حركات عجيبة
    في وجههه وفتحها الا هي كلها فلوس وشهق بقوة
    مشاري/الله واكبر؟؟؟
    لفت الجدة عليه وعصبت يوم شافته..
    مشاري/هاذي كلها فلوس!!!!!من وين لك؟؟تسرقين انتي؟؟؟؟
    هند ومرام ومها/هههههههههههههههههه
    الجدة/ووجع يامشاريوه ردهم ردهم بسرعة هاذي ورثتي من ايام المرحوم؟؟؟
    مشاري/ايام المرحوم؟؟؟جدي متوفي من سبعين سنة؟؟متى كانت في خمسين وميتين؟؟هذولا
    ماطلعوا الا هالسنتين وين ايام المرحوم وين؟؟؟؟؟واخذ له كم عشرة وكم خمسين وحطهم
    بجيبه..
    الجدة وقفت/مشاريوه ووجع رد فليساتي ردهم؟؟
    هيفاء/وانتي ليش جايبتهم معك هنا؟؟كان خليتيهم بالبيت؟؟؟
    الجدة/ياويل حالي جبتهم علشان لاينسرقون؟؟؟

    مشاري/خلاص اعتبريني سرقتهم انا حلال علي؟؟بخاطرك ياغلى الحبايب؟؟
    الجدة ماقدرت توصل له لانه اسرع منها وقفت مكانها وبدى التمثيل عندها/قلبي..قلبي يمه
    لحقي علي بموت؟؟
    احمد بتاْثر/جدتي انتي امك لسه عايشة ماماتت؟؟؟
    الجدة/عليك الف لعنة؟؟؟بدل ماتقوم تشوف وش صاير فيني تتشمت ياولد ال...
    احمد/هذا وانا ولد بنتك بعد!!!
    محمد/جدتي ماتعرف لاحبيبي ولاصديق؟
    الجدة/انت..انت..
    واشرت بعصاها على محمد..
    محمد بروقان/لبيه...
    ناظرته مها بخبث وضحك لها....
    الجدة/قوم اسحب لي اللحين خمس مية بدل اللي سرقهم اخوك؟
    هند/حرام..اخوي مااخذ منك حتى ميتين ريال؟؟؟بتطلعيها من عين محمد خمس مية مرة
    وحدة؟؟
    الجدة/انتي مالك شغل ولاتتدخلين بيني وبين ولدي؟؟؟
    محمد/ولدك بس بالمهمات الصعبة!!باقي الايام ماتعرفيني؟
    الجدة/ها ترى اغير راي ومااخطبها لك ولا اايسر لك الموضوع؟
    محمد طلع محفظته من جيبه/امري لله....
    توه فاتح محفظته الا لطشت منها الف ريال..
    محمد/حشى....جنية؟؟
    الجدة/هذا علشان تعلم اخوك ان السرقة حرام؟؟
    هيفاء/اا تعلمت جدته بعدين بيتعلم هو؟
    الجدة/انتي سكتي يالله مالك شغل!!!!وراحت لشنطتها دخلت اغراضها وقفلتها ودخلت
    داخل...
    احمد/الحمد لله ماقالت لي دخلها؟
    مها/لاتسمعك اللحين وترجع لك؟
    احمد وقف/انا طالع.....تصبحون على خير؟
    خالد/وين؟
    احمد/بروح اسهر مع الشباب؟
    خالد/ومتى بترد؟
    احمد/.........
    خالد/ترى راح انتظرك رد هنا علشان ماتزعل منك امك؟؟؟
    احمد/طيب......تصبحون على خير؟
    محمد/وانت من اهله.....
    عبدالله/بابا غسل يدي..
    خالد/قوم.....
    وقف عبود ومسك خالد يده ومشى معه لداخل المطبخ..
    هيفاء تهمس لمها/وش جايه اخوك اليوم...؟؟؟
    مها بنفس الهمس/ان شاءالله دوم....
    هند فتحت نقابها وراحت قعدت عند محمد...
    هند/اقول محمد...
    محمد/قولي؟
    هند/انت من صدقك بتخطب لو جدتي تتمسخر؟
    محمد/بلى من صدقي...
    هند/وقايل لها انت منو تبي؟
    محمد/وليش تسالين؟
    هند/يعني مستغربة ليش بتقول لجدتي من دون الباقيين؟؟؟
    محمد/تظل جدتي مهما كانت.....ومهما سوت ..في النهاية قلبها علينا وعلى سعادتنا؟
    مرام/مااظن...
    محمد ابتسم...
    هند/اخوي..ممكن اطلب منك طلب...
    محمد/عيوني...
    هند/غنيلي؟
    محمد/مو من حلو صوتي اغني لك؟
    هند/انا احب صوتك.....واذا هم مايبون يسمعون بكيفهم يقومون؟
    محمد/وش تبين اغني لك؟
    هند/أي شي يجي على بالك.....
    محمد رفع راسه للسماء وهو يستعرض صورة محمد بالمطبخ...صحيح انها قاعدة جنبه بس
    مو قادر يناظرها يخاف يحرجها ويحرج نفسه...
    محمد بصوت شجي/في منتهى الرقة...في منهى الذوق...
    حبيبتي في كل حاجة عجيبة.....
    اذا حكت تعرف تخليني اروق...
    واذا بغت تجيب راسي تجيبه....
    واللي مزود حسنها حسن منطوق...
    متواضعة لكنها بالف هيبة..
    مخلوق لكن غير عن كل مخلوق...
    مصيبة ياحلوها من مصيبة!!!
    هي بس في ذيك اللحظة ماكانت معهم ..كانت مع صوت محمد ومشاعر محمد وخيال
    محمد!!!
    في بالها طرى الف شي وشي ماقدرت غير انها تطلع جوالها وتكتب له ها المسج....(كيف
    قدرت تحرمني من مشاعرك سنتين ياظالم!!!!*)
    هيفاء بهمس/وش ها الرسايل وش ها الحركات؟؟
    مها بنفس الهمس/ قومي بس خلينا ندخل اخوك مايسهر وشوفي الليلة عيونه كيف صايرة
    من النعس؟؟
    هيفاء/خايفة عليه!!!
    مها/في احد مايخاف على روحه!!!!!



    البارت الخامس عشر,,,
    هيفاء/يالله ياجماعة تصبحون على خير....
    مرام/خذونا معكم احنا بعد نعسنا وبنقوم ندخل..
    هيفاء/يالله...
    يوم وقفت مها كان محمد يناظرها...وهي بعد ماشالت عيونها عنه...
    دخلوا مرام وهند وهيفاء وهي على بال انها بتلحقهم وهي واقفة تناظره..
    محمد فتح الجوال وقرأ رسالته وابتسم لها...
    مها/مابتقولي كيف؟؟؟
    محمد/دخلي قلبي وساليه؟
    مها/اقدر اعتبر الاغنية اهداء لي؟؟؟
    محمد/مو قبل ماتهديني شي؟؟
    مها/ماراح اهديك؟
    محمد بنعومة/يابخيلة؟؟
    مها بخبث وهي تنزل حاجب وترفع الثاني/روح قول لجدتك لبيه مرة ثانية!!!!
    محمد/هههه
    مها دخلت عنه داخل..وهو ظل يناظر بسرابها يوم دخلت وهو يفكر بالمستقبل الجاي وش
    راح يصير فيه بعد بيني وبينك يامها؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟على الساعة وحدة الاربع كان الكل
    نايم الا الجدة وخالد وولده اللي كانوا يلعبون على البحر بالرمل ومها وهيفاء اللي كانوا
    يناظرون بخالد وهو يلعب مع ولده من نافذة المطبخ.....
    هيفاء/اخوك فيه شي يامها؟
    مها/وش فيك يابنت الناس؟؟يمكن الله هداه؟؟؟
    هيفاء/...........
    مها/انتي ماتبينه يحب ولده ياهيفاء؟
    هيفاء/كذا!!بيوم وليلة؟؟؟احسها مو راضية تدخل ببالي؟؟؟اكيد فيه شي...انا اعرف اخوك
    زين؟
    مها/انا بعد اعرف اخوي..وادري انه مستحيل يكره ولده العمر كله وبدون أي
    اسباب؟؟؟تدرين انا كنت ارجح لنفسي قبل شوي ان غياب ابوي هو اللي خلاه يتقرب من
    ولده ويعيش معه على طبيعته؟
    هيفاء/يمكن...بس مو اكيد...
    الجدة تقربت من خالد وهو يبني لولده بالرمل.../انت ماتترك ها السمين وتقوم تنام وراك
    شركة تقابلها؟
    خالد/جدتي!!!انتي لسه مانمتي يالغالية؟؟؟
    الجدة/كيف العب وازعاج ولدك واصل لااخر الدنيا؟؟
    رفع خالد راسه لجدته و هو مستغرب..../أي بس ياجدتي...صوته مو عالي لدرجة انك مو
    قادرة تنامين منه؟؟؟
    الجدة/بلى...دخلت بنام ماقدرت صوت ضحكه نرفزني وقمت؟؟؟
    خالد/خلاص عبود قوم حبيبي الوقت تاْخر علشان تنام؟
    عبود/ماسويت سيارة؟
    خالد/بكرة..
    عبود/لا اللحين...
    خالد/طيب سيارة بس وتنام؟
    الجدة/وليش تركب راسه عليك؟؟قال لك سيارة تسوي له سيارة؟؟؟خله يولي بس عنك؟؟؟؟
    قوم يالله قوم ماعلينا عيال تتدلع؟؟؟
    اسحبت عبود من يده ودفته على قدام علشان يدخل وهو كان يبكي اول ماسحبت يده
    ومغمض عيونه وطاح على الرمل اللي كان فيه زجاج وحصى وحجر صغير وانجرحت
    رجله وقام يبكي...
    خالد فزع له علطول وهيفاء جت تركض/يمه ولدي!!!!
    خالد/عبود.....
    عبدالله لاحياة لمن تنادي ارتفع صوته بالبكي..
    هيفاء تكلم مها اللي وراها/كلمي محمد بوديه المستشفى؟؟
    الجدة وماكانها هي المذنبة/وليش بعد مستشفى جرح بسيط مايستدعي؟؟؟؟؟؟
    هيفاء بعصبية/ماتشوفين الدم يطلع منه؟؟؟
    خالد يوم شاف الدم خاف وماعرف شيسوي قام وقف/انا بشغل السيارة يالله بسرعة !!!
    حملته هيفاء وعلطول لسيارة خالد ومها عدلت شيلتها وركبت معهم.....ومشوا...
    الجدة/لااله الا الله عليكم ياعيال ها اليومين!!!عسى بس ماطاح الا قفزعتوا للمستشفى؟؟؟لو
    تشوفوني وانا صغيرة عانيت ولااحد قال بيوديني مستشفى ولا بيوديني مستشفى؟؟مالت
    بس مالت؟؟؟اروح انام ابرك لي!!!!!
    ///////////////////////////////////////////////////////////////في المستشفى...
    دخلت هيفاء معه وهي اللي نظفت له الجرح مع السستر الثانية وشافه الدكتور المناوب
    وحطوا له كمضمادة من هنا وهنا.....
    وظلوا قاعدين بالغرفة حتى بعد ماطلعت الممرضة..
    مها/يالله مشينا...
    هيفاء رفعت سماعة المستشفى وطلبت تحويلة الدكتور وقالت لمها/بس بشوف الدكتور ....
    وقامت تسولف مع الدكتور شوي من هنا وشوي من هنا....وخالد نسى سالفة ولده كلها
    وحطها هي في باله...اكيد قاعدة تكلمه؟؟؟؟عاد مادورت الا ها المصري؟؟؟؟زين
    ياهيوف...شايب كبر ابوك وش حبيتي فيه؟؟؟؟؟(كذب الكذبة وصدقها)
    مها انتبهت عليه وهمست له/خالد وش فيك؟
    خالد/هذا اللي خطبها؟
    مها/منو؟
    خالد/ها الدكتور؟
    مها/لا...ذاك سعودي...بس هي ماوافقت؟
    خالد/قدامنا بس؟
    مها بلهجة صادقة مايكذبها خالد/لالا..هيفاء ماتبي تتزوج اصلا..ششايلة ها الفكرة من
    بالها...وماتبي تحب وتنحب من الاساس!!تقول راحت عليها؟؟
    ناظرها وشافها توها مسكرة السماعة بعد قائمة طويلة من الشكر والعرفان لذاك الدكتور,,
    خالد بصرامة/كان لاسكرتي هذا كله تساْلينه؟؟
    هيفاء بنفس الصرامة/خير؟؟؟
    خالد/شكلك قاطة الميانة معه؟؟؟
    هيفاء/ماراح ارد عليك؟؟
    خالد بسخرية/لا تكفين ردي الله يخليك؟
    هيفاء/ممكن لو سمحت تبعد شوي؟
    كان خالد قاعد على الكرسي اللي جنب سرير عبود والجهة الثانية كانت جنب الستارة
    وماعرفت تعبر هناك علشان كان في كرسي بالستارة الثانية وكان الممر ضيق...
    خالد/انا بطلعه من ها المستشفى التعبان؟؟؟؟مايفهمون؟
    مها باستغراب من تصرفات خالد/ليش مايفهمون؟؟عملية هي؟؟؟كلها بكلها جرح ونظفوه
    وحطوا فوقه ضماد ياخالد؟؟؟؟
    خالد/انا ماابيه يدخل أي مستشفى؟؟؟
    هيفاء بتحدي/وباْي صفة ان شاءالله؟
    خالد بثقة/ولدي؟؟؟
    هيفاء/ممكن اساْلك سؤال؟
    ناظرها من فوقها لتحتها وهو مستغرب من تصرفه معها بالطريقة ذي رغم انه واثق من
    كلام مها؟؟؟؟
    هيفاء/متى اكتشفت انه ولدك ياخالد متى؟؟؟
    //////////////////////////////////////////////////////////////////////////////////////////////////////////
    /////////////باليوم الثاني......الساعة تسع الاربع كانت مها بسابع نومة ودق جوالها وشافت
    رقم محمد وردت وهي كلها نوم..
    محمد/صباح النور والورد والكادي...
    مها/صباح الخير..
    محمد/صباح الخير على الناس الكسلانة اللي ماتقول بنقوم بدري علشان يصبحون بوجهنا
    الناس ويتباشرون بخير؟
    مها/وش اسوي طيب اذا مانمت الا متاْخرة؟؟
    محمد/وش اللي مسهرك يابنت لوقت متاْخر ها؟؟؟
    مها/هذا لانك ماعشت اللي عشته انا البارح؟؟
    محمد/خير..؟؟
    مها/لا بس عبود صار له حادث صغنطوطي وظلينا بالمستشفى وبعدها ردينا...
    محمد/عبود؟؟متى؟؟
    مها/كذا على الساعة وحدة؟؟
    محمد/وش صار له؟
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,هيفاء وخالد كل واحد
    كان بمكتبه ويفكر بالثاني على طريقته...
    خالد يفكر في هيفاء وليش تصرف معها كذا وليش من الاساس اصلا حط الفكرة في باله
    وصدقها!!!هو كل اللي سمعه ان دكتور خطبها ويعني وش فيها اذا خطبها دكتور؟؟؟ليش
    حطيت في بالك انها تبيه تحبه..مها تقول انها شالت الفكرة من بالها وتقول انها مو للحب
    وللزواج وماعادت تنفع وراحت عليها!!!!ليش عاد ..هذا وانتي بعدك صغيرة تقولين ها
    الحكي؟؟؟بس الحق علي انا وانا عارف ها الشي...بس لوتدرين انك اللحين محتلة جزء
    كبير من تفكيري كان شسويتي ؟؟؟اه ياربي...كيف بخلص من ها الموضوع اللي ماطرى
    على بالي بلحظة من اللحظات؟؟؟كيف ماحسبت حساب اني بحبك بيوم من الايام
    ياهيفاء؟؟؟؟؟
    ****هيفاء بعد كانت تفكر في خالد وفي تصرفاته معها امس....بالبداية قربه من ولده ولعبه
    معه؟؟خالد تبدل بيوم وليلة ؟؟؟وبعدها تصرفاته معها اللي ماهي قادرة تفهمها ..ساعة
    يصارخ على ولده لانه زعلها..وساعة يقول قدام اهلها انه مايبيها تنام بزعلها
    وبضيقها!!!وساعة شاك بتصرفاتها ويستجوبها عن مكالمتها مع الدكتور!!!!والله عجزت
    افهمك ياخالد عجزت؟؟؟؟بس لمتى بنظل كذا لمتى..ارسي لك على بحر ياخالد وريحني من
    تصرفاتك؟؟؟؟
    ///////////////////////////////////////////////////////////////بعد العصر اخذوا اغراضهم وكل
    عيلة ودعت الثانية...انتهت ايام الشاليه خلاص...خالد كان بالشركة وماجاهم ومحمد بعد
    بدوامه...بس كان احمد هناك علشان ياخذ امه وخواته والكل عرف عن سالفة عبود وطيحته
    البارح.....واتفقوا انهم ينامون الليلة بدري علشان بكرة وراهم بحرين مثل ماابومحمد وعد
    عياله واخته ...وكلا راح على بيته وهنادي راحت معهم بيتهم.....
    وبالليل خالد مر على ولده يشوفه بعد طيحته البارحة وطلع معه ولعبه وعشاه ورده البيت
    بعدين...وسط حيرة هيفاء من تصرفات خالد وتنهيدات ابو محمد وام محمد اللي كانت تنم
    عن الارتياح الشديد.....
    ///////////////////////////////////////////////////////////////////الساعة سبع ونص باليوم الثاني
    من الصباح كانوا واقفين عند جسر البحرين....
    ***في سيارة احمد
    مرام/انا ابي افهم احد يجي من ها الحزة بالله؟
    احمد وهو معصب/وانتي ماتشوفين كيف الجسر زحمة بالله؟
    ام خالد تاْشر على مرام تسكت/
    مها وهي نعسانة/يمه خالد ماقال انه بيجي؟
    ام خالد/لا....مايمديه يجي اصلا وهو عنده دوامين؟؟؟
    احمد/اووووف من ها الزحمة كان جيتوا طيران وفكيتونا؟؟؟
    **********في سيارة ابو محمد..
    الجدة/ويلي يارجيلاتي ..متى بنوصل احنا؟
    مشاري/باقي وااجد ياجدتي باقي واجد..نامي ارتاحي.....
    ابو محمد يكلم ام محمد/هنادي ماراحت بيتهم؟
    ام محمد/قالت بتتصل فيه يجي يتغذى مع اخوها وبعدين بتروح مرة وحدة؟
    ابو محمد/لو جايبين سارة معنا...
    ام محمد/انا قلت لها تعالي معنا خلي زوجك يسوي لك تصريح بس مارضت قالت تعبانة من
    الشاليه ولاحقة على البحرين....
    هبة/تعبت يبى متى بنوصل؟
    ابو محمد/ماعليه يبى شوفي قدامنا سرى شنسوي فيهم؟
    الجدة/مابنوصل الا الظهر وهذا وجهي؟؟؟
    مشاري/نامي ارتاحي الله يخليك؟؟؟
    وحدها كانت بعالم ثاني وهي منيمة عبود بحضنها وهيفاء غافية عينها ...
    كانت تفكر في احمد وفي حركاته معها....غريب ها الانسان بدرجة ماهي قادرة تفهمها؟؟؟
    ليش يسوي كذا معها ماتدري؟؟؟؟
    ان شاءالله اليوم بس ماتلتقي فيه لامن قريب ولامن بعيد ماتبي تحتك فيه لاي سبب من
    الاسباب لانها جاية تنبسط وتروق ووجوده بيعكرون عليها مزاجها؟؟؟؟؟
    لفت براسها وطالعت بالنافذة كانت سيارته قريبة من سيارتهم......ياترى وش اللي يدور
    براْسك يااحمد ؟؟؟؟
    ///////////////////////////////////////////////////////////////////على الساعة عشر ونص وصلوا
    بالسلامة بعد تعب وجهد وملل في الانتظار الطويل....
    وعلى وجهم بمجمع السيف.....
    الجدة/وش نسوي احنا هنا؟
    مشاري/وين تبين نوديك ياجدتي؟
    الجدة/انا ماابي ها المجمع؟؟؟
    احمد/وين تبين تروحين؟
    مها/لااله الا الله؟؟؟
    الجدة/ابي اروح اتريق...واكل حلوى؟؟
    ام خالد/لاحقين على الحلوى يمه؟
    الجدة/لا ابي اللحين؟
    هيفاء/جدتي الحلوى ماتصلح لك؟
    الجدة/وان شاءالله ليش جايبيني هنا اذا ماتبون تاْكلوني حلوى!!!!
    ابو محمد/خلاص يمه تعالي انا بروح معك المحرق؟
    ام خالد/خلاص انا جاية معك....انتي ارتاحي مع البنات ياام محمد؟
    ام محمد/لا..وش اسوي انا مع البنات بجي معكم المحرق؟
    ابو محمد/احمد انتبه عليهم زين؟
    احمد/ان شاءالله خالي....
    ابو محمد/وانتوا..امشوا كلكم مع بعض موواحد يمين وواحد شمال؟
    مشاري بدى يمشي/ان شاءالله يصير خير...لاتحاتي يبى....وبتسوي فينا جميل لو تضيعها
    هناك؟؟اقصد لو تاْكلها زين!!!!
    /////////////////////في بداية المجمع...
    احمد/مو تسوون حركة ان مافي محلات عندنا بالشرقية وتدخلون من محل وتطلعون من
    الثاني شغلتكم بس تتشرون في ها الثياب اللي مادري متى تلبسونها؟؟؟؟؟
    هيفاء/اسكت اسكت واللي يعافيك ويستحسن انك تاْخذ ولدي عندك؟
    احمد/قايل انا قايل بنات ماعندهم شغلة غير الاسواق والتشري؟؟؟؟
    مها/من وين نبدي من ميلانو ولا من ماركس سبنسر؟
    هند/انا بدخل ميلانو بشوف الاشياء اللي عنده؟
    احمد قلب موجته/بعد جزم وشنط اهون من الثياب؟؟؟
    هند فهمت حركته وانه بيجي وراها بس وقفت مادخلت المحل....
    هيفاء/يالله تحركوا لاتوقفون كذا......
    دخلوا ميلانو ووقفوا مشاري واحمد وعبود بره المحل وهبة وجود معهم....
    جود/احمد انا ماابي اوقف نبي نروح الالعاب؟
    احمد/ها بتستلمهم؟
    مشاري/أي استلمهم انا ابي افترق عنكم واصيع براحتي قال استلمهم قال؟
    احمد/حلو حلو..بترمي كل شي علي انا؟؟
    مشاري/محد قال لك سوي روحك رجال وقوم بالقومة كلها؟؟
    احمد/حكم ام احمد علي شسوي بعد؟؟؟اه بس لو خالد هنا كان صعت معك براحتي بس
    عطيت خالي كلمة مقدر اتنازل عنها؟؟؟
    مشاري/معناته ابتلش فيهم وحدك انا مالي شغل؟
    احمد /مشاري بلانذالة لاتترك كل شي علي؟؟؟
    ///////////////////////////////////////////////////////////////////خالد طلع من الشركة بدري وهو
    مو طايق يداوم من الاساس....
    ومايدري كيف جابته رجله لجسر البحرين ولا شنو اللي خلاه يفكر يجي من الاساس
    وراهم؟؟؟
    كل اللي يعرفه انه يبي يشوفها ويتكلم معها ويمكن بعد يصارحها لو ماقدر يمسك حاله
    اكثر!!!!اي ياهيفاء انا لازم اعرف شعورك وتعرفين شعوري؟؟؟؟خلينا نرسي على بر انا
    وانتي ونشوف لوين بنوصل؟؟؟؟؟؟
    ////////////////////////////////////////////////////////////////////عند محل سكارف بالدور الثاني
    (وصلوا الدور الثاني هههه سريعين مشاءالله)
    وقفت مها/ياربي تجنن ها العباية؟
    هيفاء/متى عيد ميلادك؟
    مها/وليه تساْلين؟
    هيفاء/علشان اذا جا وقته باخذها لك هدية!!!
    مها/روحي قلبي وجهك الله ياخذك...ابيها مالي شغل...بدخل اسال عنها؟
    هيفاء بهمس/تبين محمد يدفنك حية لو تلبسينها؟
    مها وقفت اول ماانطرى اسمه وناظرت بعبايتها صحيح انها جاية اليوم بالعباية المتحررة
    نوعا ما علشان محمد ماهو هنا بس ماتقارن مرة وحدة بذي اللي كلها على بعضها
    تطريز!!!!
    مها/اوووف...باخذها حتى ولو...يمكن بعدين يتغير...
    هيفاء/دخلي انا وش يخصني سالي عنها...بس حبيت اذكرك فيه؟
    اذن الضهر وصلوا وبعدها طلعوا لان ابو محمد حجز لهم طاولة بمرمريز وراحوا هناك
    يتغذون كلهم........
    كانوا ماخذين لهم طاولتين بنفس الممشى...وفاتحين ستايرهم على بعض....
    الجدة وعيالها وام محمد واحمد ومشاري بطاولة وهيفاء و خواتهاومها وخواتها بطاولة.....
    طبعا كانوا قاعدين بالوجه ابو محمد ومشاري واحمد..
    وفي الجهة الثانية هيفاء علشانها ماتغطي وجهها وماهي فارقة معها وهبة
    وجود....ومرام...اللي ماكانت تغطي وجهها عن مشاري لانه اصغر منها بااربع سنين...
    هند/وين الحمص اللي طلبته؟
    ام خالد/كاهو هني عندنا ..وشالت الصحن ومدت لهم واخذته مرام....
    احمد لف راسه شوي بدون ماحد ينتبه وبالموت قدر يشوفها وكان جنبها عصير برتقال..
    احمد/انا طلبت عصير برتقال مو كوكتيل؟؟وينه؟
    ام محمد/بنات ماصار عندكم عصير البرتقال؟
    هند/شكله هذا...بنات موحقكم هذا؟؟
    هيفاء/لامو لنا؟
    هند مدت بالعصير لمرام توديه.....
    الجدة/وين اللبن اللي انا طلبته؟
    مشاري/وينه بعد!!شربتيه؟
    الجدة/وبس واحد شارين لي؟؟؟
    ام خالد/كم واحد تبين يمه؟؟
    الجدة/ماتدرون اني توني ماكلة حلوى ؟؟يعني احتاج لبن واجد علشان يروح طعم
    الحلوى؟؟؟
    احمد بحسد/ول ول ول...ماكلة حلوى ومشتتهية تتغذين؟؟عيني عليك جمرة؟؟؟؟
    ضحكوا الباقي على احمد والجدة توعدت فيه ....
    كان الجو حلو وقعدتهم مع بعض احلى...ياخذون ويعطون وكل واحد ماخذ من صحن الثاني
    وضحكتهم مالية المطعم....الله يديم عليهم ها الحب ان شاءالله.....
    ////////////بعد ماملوا الكروش على قولة مشاري قاموا يتمشون وقرروا انهم ياخذون كم فرة
    على كم مجمع واخر شي يرجعون السيف اللي ماكملوه....
    راحوا مجمع الدانة وماطولوا فيه بسرعة طلعوا بعدها راحوا مجمع البحرين(جيان)
    وماقصروا هناك بالتشري كاْن هني مافي اسواق...وكملوها اخر شي بجيان...
    ابو محمد/هذا موعندنا مثله بالخبر؟
    ام محمد/لا عيوني هذا بضاعته غير وعروضه غير؟
    ابو محمد/قالوا غير قالوا؟؟تلعبون على روحكم؟
    هند من ورى ابوها/شوف هاذي اول العروض اللي مو عندنا؟؟
    ومدت يدها برغوة باسكن روبنز..(ادري اني مجنونة بس احب ها الرغوة مووت وهني
    مايرضوا يبعوني اياها!!!)
    ابو محمد/استغفر الله..
    هند/باخذ لي خمس مو تسوي روحك بعدين ماشفتهم وماتحاسب عليهم؟؟؟
    هيفاء من بعيد/حطي ثنتين لي بعد ابيها؟؟؟
    هند/سمعت؟؟؟يمه تعالي بوريك طقم مواعين يجنن؟؟
    ابو محمد/عينا خير منكم !!!!
    ام خالد تكلم ام محمد/وش رايك بذي؟
    ام محمد/مافي لون بني؟؟
    ام خالد/بلى في...وين بتحطينها لو اخذتيها؟
    ام محمد/مو مشكلة بعدين يطلع المكان؟؟؟؟
    مشاري/اهم شي يشترونها يحتاجونها مايحتاجونها في غيرهم بيدفع صح يبى؟؟
    ابو محمد وهو يناظر بعربة مشاري/كلهم بدون استثناء!!!!!!
    *********على الساعة ست وربع طلعوا من جيان ورجعوا للسيف يكملوا تسوقهم هناك...
    ام محمد وام خالد دخلوا ماركس سنسر وابو محمد قعد مع امه تحت على طاولة من طاولات
    الكافي وماخلت ولابقت بالناس اللي يمرون عليهم!!!!
    هند ومرام راحوا يتسوقون بروحهم ووراهم الحارس الشخصي احمد وها الشي ضايق هند
    بالمرة وماخلاها تتصرف على طبيعتها!!!
    مشاري مسك هبة وجود وعبود يلعبهم بعد هذرة طويلة واعتراض من حضرة جنابه....
    وهيفاء ومها كانوا مع بعض وراحوا للكافي..
    هيفاء استلمت طلبها/انا بروح اقعد على ذيك الطاولة مستحيل اقدر اكمل تسوق وانا
    ماشربت كافي اليوم؟؟
    مها/الله يلعنه غيرلي الطلب بعدله وبجيك سبقيني!!!
    هيفاء/طيب......
    ////////////////////////هند/خلينا نشوف السينما وش فيها من افلام؟
    مرام/فكرة مجنونة؟؟خلني اقول لاابو حميد؟
    هند/لازم؟؟
    مرام/وشلون بندخل بدون مانقوله؟
    هند/اوووف...
    مرام/احمد...
    لف لهم احمد اللي كان يمشي ساعة قدامهم وساعة وراهم....
    احمد/خير..
    مرام/هند تبي تروح السينما؟؟
    هند بعفوية وصراخ/كذابة والله كذابة انا ماقلت ابي اروح؟؟
    مرام دزتها من كتفها/قلتي لاتكذبين؟؟وبعدين حمود مايخالف ليش خايفة منه؟؟يالله ودنا
    اخوي السينما؟؟
    احمد ابتسم في داخله على ها الخبلة الصغيرة!!!
    احمد/أي بس انتوا تدفعون لي تذكرتي!!!وتشترون لي بيبسي وفشار!!!
    هند بغضب/يصير خير يمكن ماندخل؟
    احمد/وليش ماندخل؟
    هند/يمكن الافلام اللي هناك مايعجبونه؟
    احمد/والله؟؟مادريت بعد ان عندكم شي محدد تبون تشاهدونه؟؟؟؟
    مرام/نبي فلم رومنسي؟؟
    احمد/والله منيتي يكون رومنسي !!!وناظر بهند نظرة خوفتها من جد؟؟؟؟؟
    ////////////////////////////////////////////////
    كانت قاعدة قريبة من الكافي وهي تنتظر
    مها اللي راحت تغير طلبها وللحين ماردت..
    مها/يالله قومي..
    هيفاء رفعت راسها/وين؟
    مها/على السينما؟
    هيفاء/..........
    مها/طلبت من خالد انه يدخلنا السينما ويدخل معنا وقال حاضر...
    هيفاء/احمد ياحظي مو خالد!!!وين عقلك انتي؟؟؟
    مها/لا..خالد ماهو احمد!!!
    هيفاء/يابنت الناس احمد اللي جاي معنا شفيك انتي؟؟؟؟
    مها/أي بس خالد توه واصل قبل شوي.....وبعدت شوي علشان هيفاء تشوف خالد..وشافته
    كان واقف هو بثوبه وشماغه وشحمه ولحمه!!!!ليش جاهم ياترى ؟؟هو امس قال انه عنده
    شغل ومابيقدر وترك المهمة على احمد....
    //////////////////////طبعا وبما ان احنا بالبحرين وبالسينما اكيد بنقعد نتكلم شوي عن الواقف
    اللي صارت بالسينما...ونبدي اليوم بالعشاق الصغار!!!
    من البداية احمد جر هند علشان هي تدفع لهم وخلاها تدفع حق تذكرتين....
    هند/والثالثة؟
    احمد بهمس/لمين؟
    هند/انت ماراح تدخل؟
    احمد رفع التذكرتين وعطاها وحدة وخلا عنده وحدة/وحدة لك ووحدة لي!!
    هند/ومرام؟
    احمد/خليتها تدفع لنفسها؟؟؟؟
    هند انتبهت ان مرام كانت تشتري لهم بيسي وفشار وراحت وراها
    علطول............................................. ..................................................
    .................................................. ............................................
    دخلوا السينما وقعد مرام وبعدها هند وبعد هند كرسي فاضي,,,
    مرام/اقعد انت هنا؟
    احمد/انا وراكم هذا محجوز؟
    مرام/نص الكراسي فاضية وين اللي محجوز بالله؟
    احمد/يالله شاهدي وانتي ساكتة؟
    بدى الفلمواحمد راح وراهم.............................................
    .................................................. ...................................وبعد مرور اكثر
    من نص ساعة جا وجلس جنب هند وطبعا مرام ماانتبهت لان جو السينما ظلمة وناس تقوم
    وناس تقعد..صحيح مو زحمة بس مااخذت بالها انه احمد..زبس هند اللي كانت فاتحة
    وجهها استحت من احمد لاهي عرفت تشاهد ولاهي عرفت تسوي شي؟؟؟والادهى والامر
    انه قاعد ومسوي روحه مو على باله.....يشاهد ويشرب وهو مندمج بالفلم....كان هدفه انه
    يخليها تندمج هي بعد ويوم شافها اندمجت بالفلم وتركته...مسسك بيده فشارة واكلها اياها
    بسرعة!!!!!!!




    البارت السادس عشر,,,
    نروح لهيفاء وخالد ومها....
    مها بهمس/خالد تعال خذ عبود ونيمه جنبك الكرسيين اللي جنبك مافيهم احد؟؟
    كان كرسي هيفاء على الطرف وكرسي خالد وراها علطول.....
    تقرب منها علشان يشيل عبود وهيفاء احتاست من قربه منها بالدرجة ذي ولان مها بها
    اتلوقت راحت الحمام!!!!!
    خالد وهو قريب منها ويسمع انفاسها/شلون....اشيله بدون مايقعد!!!قالها بتردد؟
    هيفاء مسوية روحها طبيعية وان قرب خالد مو هامها في شي ولايعني لها شي كانت مركزة
    عيونها على الشاشة رفعت عبود شوي من حضنها ومد خالد يدينه ولمست اصابعه اصابعها
    المرتجفة والتقوا العيون ببعض!!!
    كان شعور هيفاء مليان بالخوف والتردد من لمسة خالد ومن اللي ممكن يفكر فيه خالد!!!
    اما خالد ماقدر يوقف ركع لعند رجلها وهو يحاول يمسك عبود لايطيح......وقدرت
    ريحةعطر هيفاء تتركز في باله...
    هيفاء بهمس بعد مانزلت راسها بالارض من الفشلة واصابعهم لسه ببعض/خلاص خليه ماله
    داعي روح كمل الفلم؟؟؟
    خال بتنهد/بتتعبين!!!بشيله عنك؟
    هيفاء/......................
    شال اصابعه منها بعد معاناة من يده اللي مارضت تترك يدها بس راحت اصابعه لشي
    اسواْ!!!فك يده منها علشان يشيل راس عبود بس مسك هيفاء مو عبود!!!!وظلت يده على
    رجلها وهيفاء حاسة بالنار شاعلتها من فوقها لتحتها؟؟؟؟؟؟
    والله ستر ولطف ان مها رجعت وهي اللي شالت عبود وعطته خالد ورجعوا يكملوا الفم
    بشكل طبيعي بس ياترى تتوقعون بعد ها الحركة هيفاء ولا خالد قدروا يركزوا بالفلم
    وينسون اللي صار!!!!!!!!!!!!!!!!!!!!!!!!؟؟؟؟؟؟
    //////////////////////////////////////////////////////////////////////////اخر جولة كانت لهم بالبوفيه
    المفتوح اللي بالسيف وكانت الساعة عشر ونص..بس خالد اصر يعزمهم هناك على
    حسابه.....
    طبعا الحريم كلهم قعدوا بالكبينة المسكرة وهيفاء قعدت مع هبة وجود بره
    وابو خالد واحمد مشاري بطاولة جنبهم.....
    كانت تاكل ولدها وهي مالها نفس شي ابدا!!!وهو بعد كانت كل ماقامت البوفيه تحط شي
    راح هو بعد يحط وبحجة وبدون حجة يشيل عبود ويقومه ......
    هبة دخلت جوه عند الحريم وبعدها طلعت..
    هبة/هيفاء تقول لك مها لاتاكلين شي غير ام علي؟؟طعمها جنان!!!
    هيفاء/زين..اللحين احط لي انا من غير شي مو طايقة اكل شي.....بس ام علي بتغير راي؟
    عبود/انا امبى اسكريم؟
    هيفاء/مافي هنا ايسكريم؟
    عبود/شوفي احمد عمي ياكل؟
    هيفاء/اول كل اللي بصحنك بعدين بجيب لك ايسكريم زين؟؟؟بروح احط لي ام علي
    وبرد..هبة ديري بالك عليه لايكب شي على ثيابه.....
    هبة/طيب.....
    قامت تدور على البوفيه وبها اللحظة دق جوالها اللي كان على الطاولة..ولان خالد عيونها
    كانت بس عليها وعلى الطاولة اللي هي قاعدة فيها كان متابع لنغمتها من البداية وهو
    سرحان كانت دمج قصايد واغاني(لاتناديني وصوني قلبك الله لايديمه لايراهن برجوعي
    لاجل لايخسر رهانه؟؟؟ ليه مارحل عن غرامك بعد ماذقت الغبينه ؟؟اذكريلي شي واحد
    يستحق اقعد عشانه....///عافك الخاطر ياغالي من بعد ذيك الليالي.ومن بعد اللي جرى
    لي..//انا اللي حبيتك وانا اللي استاهل..لاني ماظنيتك بالحب انت جاهل؟؟؟///قلب ماحن
    لوصلاي ماني بحاجة حنينه؟///ياقلبي وش عليك منهم...اذا بعدك يعذبهم ..تراهم شكثر
    ذلوك..//تعب قلبي وانا اسامح..///اسمحيليلي مابقى لي مكان تطعنينه؟؟//) كانت كلاسيكية
    حيل بس فجاْة وقفت رفع راسه ولقى هيفاء واقفة وتكلم وهي تضحك وتسولف وفهم ان فاتن
    هي اللي متصلة من كلامها...لف للجهة الثانية وسوى روحه ياخذ ويعطي معهم بالكلام؟؟؟؟
    ويتفقون بكرة شلون بيروحون للبر ومتى؟؟؟
    /////////////////////////////////////////////////////////////////////////////نزلوا بعدها كلهم علشان
    يرجعون ديرتهم بالسلامة بعد ماعاشوا يوم حلو بكل مافيه
    وكانت هند واقفة ومامعهاغير احمد اللي صاير يمشي وراها مثل ظلها...
    رفعت جوالها بتكلم..
    احمد/منو بتكلمين؟
    هند/بكلم ابوي..
    احمد/مايحتاج انا باخذ جمس خالد وبشيلكم كلكم....
    هند بحدة/بس انا ماابي اركب معك؟؟
    احمد بحنان/ليه؟؟؟
    هند/بكيفي!!!!
    احمد/اسمعي يابنت الناس....
    رفعت عيونها له وشافته يتلفت حوالينه يشوف اذا كان في احد ولالا؟؟؟
    وتقرب منها بسرعة وهمس لها بحزن/هند انا احبك!!!!
    ساعتها بس وقف قلبها من ها الكلمة اللي ماتوقعتها ابدا!!!
    واحمد ماعطاها مجال لااي ردة فعل اواستفسار ركب سيارته بسرعة وهي ظلت واقفة
    وتناظر بطيفه اللي راح!!!وتردد بينها وبين نفسها كلمته..احبك؟؟يحبني!!يحبني!!!معقولة
    يحبني؟؟؟
    هيفاء/هند؟؟؟علامك ماناوية تركبين السيارة ترانا ننتظرك؟
    هند لفت بسرعة/ها...بلى..
    هيفاء/وش فيك؟
    هند/ولاشي.. يالله..
    ركبوا السيارة ومشوا متوجهين للبيت طبعا ام خالد والبنات ركبوا مع خالد واحمد ظل
    بروحه بسيارته....
    كان يفكر فيها وفي الكلمة اللي قالها لها...معقولة طلعت منه بها السرعة!!!هو من زمان
    حاس فيها بس مو قادر ينطقها....بس لمتى؟؟بوقت من الاوقات لازم اخليها تعرف عن
    مشاعري وهذي هي عرفت...ياترى وش راح تسوي ولاشنو بتقول بعد ها الكلمة؟؟؟
    اه ياان مشاعرنا تتعبنا حيل...ان كتمناها تعبنا وان قلناها فضحتنا!!!شسوي ياربي....
    اللي سويته صح ولاغلط!!!!
    //////////////////////////////////////////////
    هند وهيفاء كانوا بالسيارة جامدين....وكل وحدة فيهم تفكر بشي مختلف وعايشة بعالم
    ثاني!!!
    هيفاء كانت تفكر بخالد وبلمسه لها اليوم وبالنار اللي شبت فيها من لمسته!!!!معقولة ارتباكاه
    اليوم معي كان طبيعي!!!اي ياهيفاء طبيعي ولاتودين افكرارك بعيد...خالد شخص محترم
    ولمسته لك ولالغيرك بتربكه اكيد!!!لاتخلين افكارك تروح بعيد..انتي بعد جتك ردة فعل
    للموضع بس مايعني انك......استغفر الله....شقاعدة افكر فيه انا...في خالد!!!!
    غمضت عيونها علشان تطرد سراب خالد من بالها نهائيا وياليتها بتقدر!!!!
    اما هند شالت نقابها وغطت وجهها كله ماكانت تبي احد يشوف الخوف والدهشة والذهول
    اللي ارتسموا على ملامحها من كلمة احمد......
    احبك....قالها احمد لها وهي للحين مو مستوعبة الكلمة.....
    ليش يااحمد ليش؟؟؟انت وانا بعدنا على الحب...لاتورطني معك باشياء ماافهمها ولا ابي
    افهمها اللحين!!!!
    يعني تصرفاته معي وحركاته كلها كانت عن قصد منه مو بالصدفة تطلع!!!!
    وانا اقول شعنده هذا علي...وليه حاطني في باله؟؟؟؟
    ياربي...ياربي ابعدني عنه ماابي اضيع ولاابيه يستغلني ويستغل مشاعري......انا مااعرف
    شي ولا افهم شي وكل اللي اعرفه ان الحب المفروض نهايته تكون وحدة...الزواج!!!
    وفي حالتنا الزواج مستحيل يتم واخوه مطلق اختي!!!!الا اذا كان قاعد يلعب بذيله ويتسلى
    ماهو جاد بكلمته؟؟؟؟؟
    //////////////////////////////////////////////////////////////خالد بعد ماكان تفكيره معه ابدا...كانت
    امه تسولف معه وهو يرد بااي وبلا وساعات طويلة يظل ساكت وسرحان....
    شسويت انا اليوم.....اقول ابي ابتعد عنها اقوم المسها!!!وازيد ناري نار!!!!اه ياقلبي
    لاتتعبني الله يخليك.....
    معقولة هيفاء حست بالنار مثلي......معقولة حرقتها مثل ماحرقتني!!!!
    اكيد وليش مو معقولة.....ماشفتها كيف نزلت راسها بالارض واستحت!!لا..لازم تستحي
    من لمستك ولامن غيرك هذا طبيعي ياخالد..ولاتحط في بالك انها قاعدة تفكر فيك...ماسمعت
    نغمتها اليوم...كانت كلها لوم ولوم وتهديد انها ماترد؟؟أي ياخالد نغمتها كنت انت المقصود
    فيها موغيرك؟؟؟؟؟
    اه ياقلبي...كيف انقلبت مشاعري كذا مرة وحدة عاد.....
    معقولة ..انا احب هيفاء!!!!هيفاء اللي كانت بيوم من الايام زوجتي وشريكتي بكل شي!!!!!
    معقولة دارت الدنيا وحبيت الانسانة اللي رفضت ادخلها قلبي واكمل معها حياتي علشان
    ارضي ابوي عني!!!
    اللحين حبيتها؟؟اللحين؟؟بعد ماذليتها وتركتها تعاني في بعدي الامرين...رجعت وبكل
    بساطة انقلب كرهي لها حب!!!!
    خالد...انت ماكنت تكره هيفاء ابدا!!!كرهك هذا انت كنت مجبور عليه علشان ترضي ابوك
    وبس!!!ولاانت ماتعرف تكره احد فمابالك بانسانة كانت تعيش معك ببيت واحد وبغرفة
    وحدة وبفراش واحد!!!!
    هيفاء.......ياترى بقدر اجتمع معك من جديد ولا اعلنتيها علي حرب وانتهيتي!!!!!!
    ******وحدها مها ماكان شاغل بالها شي وحاطة راسها ونايمة ومرتاحة....الحبيب ورد
    لحضنها وماصار شي بينها وبينه اليوم لانه ماكان موجود....
    نامت علشان تستعد لروحة البر اللي بتكون من بعد صلاة الفجر مباشرة!!!!!
    ////////////////////////////////////////////////////////////////فعلا...بعد التعب والتكسيرة واللي
    فيهم صلوا الفجر ومشوا رغم انهم كانوا هلكانين بس الطلعة اوجب من راحتهم!!!!
    وصلوا على الساعة ست تقريبا وبدوا ينصبون خيامهم....
    خيمة خلوها للحريم..وخيمة ثانية للرجاجيل والثالثة خلوها مفتوحة لقعدتهم...وبعد مارتبوا
    اغراضهم ناموا بعدها كلهم بدون أي نقاش خصوصا الناس اللي البارحة جافاها النوم(احمد
    وهيفاء وهند وخالد)
    ماقعدوا الا بعد الساعة ثلاث العصر وطبعا ابو محمد المسكين هو اللي كان متولي الطبخ
    وتجهيز الاكل لهم!!!!
    //////////////////////////////////////////////////////////////كانت قاعدة وهي تفكر فيه ..الانسان
    اللي وثقت فيه وعطته حياتها واسرارها وعشر سنين من عمرها!!!!
    معقولة ها العشر سنين ماكانت كافية علشان تفهمه ويفهمها؟؟بلى..هي كانت فاهمته وهو بعد
    كان فاهمها...مشاعرهم مع بعض ماكان فيها أي تزيف!!!
    بس لو كمل جميله معها وماباع البيت!!!!
    شكثر كنت غبية يوم زعلت على بيعة البيت وشكثر كنت اغبى يوم اني صدقت كذبتك
    ومشروعك!!!!
    ماتكفيك ها البنت يامحمد...ماتغنيك عن باقي العالم؟؟؟
    يشهد الله ان الذنب مو ذنبي بحرمانك من العيال!!!بس شقول الحمد لله على كل
    حال...راضية بقسمتك يارب...
    سارة/ماما..
    هنادي بملل/نعم..
    سارة/ماما ليش مارحنا مع بيت جدي البر؟
    هنادي/..........
    سارة/ماما انا ملانة؟؟ابي اطلع من الامس واحنا قاعدين في بيت جدي ومافي غيرنا؟؟؟ابي
    العب ولااروح بيتنا!!!
    هنادي/وش تبيني اسوي لك يعني!!
    سارة/كلمي بابا يجي ياخذني يوديني الالعاب؟
    اكلمه ولا مااكلمه!!!احرمها منه وهو يحبها وهي ماتعيش بدونه!!!اتعامل معه بنفس الطريقة
    واخلي حتى البنت تطنشه ومااخليها تكلمه!!!لالا ياهنادي هي ماهي لعبة بينكم تحرميها من
    ابوها علشان انه تزوج بالحلال بس انتي كنتي اخر الناس اللي يعرفون!!!
    رحم بحالها انه هو اللي اتصل..
    هنادي/تعالي ردي هذا ابوك متصل؟
    سارة بلهفة ماقدرت تخفيها/ها بابا شلونك؟
    //////////////////////////////////////////////////////////////كانت مها واقفة عند بابا الخيمة وهند
    وهيفاء قاعدين يسولفون....
    كانت تناظر بزينة الشرقية وهو مرفع الاكمام ويجهز الاسياخ حق الشوي...
    كان يجنن...من جد تحفة صاينها الرحمان...عمرها ماشافت بمثل وسامته احد ولاراح
    تشوف بعد؟؟؟؟
    وقامت تغني وبنات خالها يناظرون فيها..
    مها بسرحان..../لي طلع هب النسيم....والهوا بشعره يتغزل...سبحان ربي العظيم....ابدع
    في حسنه وكمل....طيبة وحنان وسماحة ..توه بعمره صغير...مثير حسنه مثير...مثير حسنه
    مثير....
    يامن على الحسن زاد...حسنه جمال واناقة...في شوفه حن الفؤاد...يمشي بمشية
    رشاقة...طيب وجمال وحلاوة...توه بعمره صغير...مثير حسنه مثير....مثير حسنه مثير....
    ماعرف قلبه الغرور ماشاف ع الناس حاله...كامل مابه قصور....متربي ع الاصالة...
    خجول وطبعه رقيق توه بعمره صغير...
    هند/ها..مهاوي..منو هذا بالله؟
    مها لفت ولقتهم يناظرونها ويضحكون عليها..
    هيفاء بسرعة علشان تفهم مها ان هند ماشافت محمد واقف/خالد ولااحمد؟
    مها/واذا طلع خالي شبيصير؟؟
    هند/لا عيوني مو علينا..خلصنا خلاص مافي طلعات اليوم اخر طلعة بكرة الضهر انتي في
    بيتكم مع السلامة ريحي خميس وجمعة السبت بترجع المدرسة الحبيبة؟؟
    مها/هههه الله ياخذك يعني انا مااحب خالي بس علشانه يطلعني ويؤنسني؟
    هند/هذا اللي باين؟
    مها/عطوني بس عبايتي بروح اشوف الشعب السعودي وش قاعد يسوي برة؟
    هند/انا عن نفسي بنام..احس ماشبعت نوم..متكسرة...
    وقلبت المخدة ونامت....
    //////////////////////////////////////////////////////////////دق جرس البيت..
    سارة فتحته وكان ابوها..
    سارة/ها بابا..
    محمد/هلا بحبيبتي...
    سارة/يالله نروح..ابي العب واجد؟
    محمد/امك وينها؟
    سارة/امي...لفت وراها وكانت هنادي متسندة على الجدار تناظرهم..
    محمد/هلا...
    هنادي/.....
    محمد/مالبستي عبايتك؟
    هنادي/وليش ان شاءالله؟ماقلت اني بجي معكم؟
    محمد/هنادي...ترى احنا محتاجين نتكلم مع بعض؟
    هنادي/غلطان؟؟كل اللي عندنا قلناه....مابقى شي...سارة لبستي جزمتك؟
    (معناته انهي الموضوع*)
    سارة/أي..
    محمد/بتقعدين هنا؟
    هنادي/أي..
    محمد/اهلك قالوا لك طلعي من بيت زوجك؟
    هنادي/اهلي ماعندهم خبر بالموضوع اصلا!!!رد سارة بدري علشان تنام؟؟؟؟
    ///////////////////////////////////////////



    البارت السابع عشر,,,
    /////////
    مها/يعطيك الف الف عافية...
    محمد وقف ولف لها..وابتسم.../هلا والله بريم الجزيرة؟
    مها بدلع/ها..كانه مو عاجبك مها؟؟ولا شايف لك شوفة ثانية اسمها ريم؟؟؟
    محمد/هه تظنين اقدر انسى احلى ايامي معك؟
    مها/مدري........
    محمد/بعدك ماعرفتي قدرك شنو يالغالية ولاتدلعين علي!!!
    مها/محمد...وين الاشياء اللي قلت لي انك كاتبهم ابي اقراهم؟
    محمد/وليه الاحراجات يعني؟؟؟تراهم اشياء بايخة و..
    مها باصرار/بس انا ابي اقراهم؟؟؟مو انت قلت انهم لي..وانك كنت تكتبهم يوم ابتعدنا عن
    بعض؟خلاص خلني اشوفهم..
    محمد/غالي والطلب رخيض..اللحين اخلي هيفاء تودي لك الاب توب تقرينهم....
    /////////////////////////////////////////////////////////////////////هيفاء بعد كانت قاعدة ومتمللة
    ماهي عارفة شتسوي...
    لاهي قادرة تطلع وتصير عيونها بعيون خالد وتحس بالنار من جديد يكفي انها مو قادرة
    تنسى لمسته من امس لليوم؟؟؟ولاهي عارفة اصلا تفكر باي شي..لفت على هند بتسالها اذا
    جوالها في شي جديد واستغربت..كانت هند مغمضة عيونها بس تبكي!!!
    هيفاء قربت منها وحطت يدها بشعرها/هند....
    هند زاد بكيها..
    هيفاء بخوف/شفيك؟
    هند قامت وحطت راسها بحضن اختها وقعدت تبكي؟؟؟؟
    هيفاء/هند..حبيبتي شفيك؟
    هند من بين دموعها وبصوت كله الم/هيفاء...شنو معنى الحب؟؟؟
    هيفاء بذهول/الحب!!!!وليش تسالين عن الحب؟؟
    هند/ابي اعرف؟
    هيفاء تنهدت تنهيدة احر من دموع هند وصدت وجهها لسقف الخيمة.....
    هيفاء/مااعرفه ياهند مااعرفه....ولاعمري التقيت فيه ولاجربته...؟؟اسمعهم يقولون انه
    متعب ..ويجيب الهم لصاحبه...ويصير تفكيرك كله بالانسان اللي تحبيه؟؟؟بالمختصر
    تعيشين على هذا الحبيب وتمرضين لو ابتعد عنك...انا هذا اللي فهمته من الحب؟؟بس انتي
    ليش تسالين؟
    هند/تعبانة ياهيفاء تعبانة؟؟؟في شي صاير وماني قادرة افكر ولااسوي أي شي....
    هيفاء/اذا حابة تقولين لي وتصارحيني ممكن اساعدك:
    هند غيرت السؤال والسالفة كلها/هيفاء...انتي حبيتي خالد بيوم من الايام؟؟؟
    جا سؤال هند مو بوقته ابدا لان هيفاء قالت أي...
    قالتها وتندمت انها قالتها...كان تفكيرها من البارح لليوم بس في خالد وفي لمسته...هذا كله
    ذكرها بذيك الايام وباللحظات الحميمة اللي عاشتها بحضن خالد.....
    رغم انها بحياتها وحتى بينها وبين نفسها ماقد قالت بيوم انها تحب خالد؟؟؟لكن السؤال جا
    بوقت غير مناسب ابدا!!!!
    /////////////////////////////////////////////////////////////مشاري/اقول جدتي..
    الجدة/قول ياوجه العنز...
    مشاري/الله يسامحك..هذا من طيبك يالغالية؟؟
    الجدة/اخلص..
    مشاري/وش رايك نسوي سباق انا وانتي...نبدي من سيارة خالد...لين هناك....
    الجدة/والله فكرة مو بطالة؟
    مشاري كتم ضحكته/متاْكدة؟؟
    الجدة/أي..
    مشاري بتهديد/جدتي هذا سباق مو خرطي؟؟ولا على بالك زحف؟؟؟
    الجدة/وان شاءالله كنت تبيه سباق ركض يعني؟؟؟
    مشاري بذهول/شلون يعني؟؟
    الجدة/يعني بيكون سباق زحف على الرمل؟؟انا مافيني قوة اراكض مثلك؟
    مشاري/معناته انا انسحب؟؟
    الجدة مسكت مشاري من قميصه/مو على كيفك تعلقني بالفكرة وبعدها تنسحب...تتسابق
    معي يعني تتسابق معي....؟؟؟
    //////////////////////////////////////////////////////////////وقف مكانه وهو سرحان يفكر فيها.,,
    عشر سنين ماعمرها قصرت معه بلحظة حلوة ابدا!!!
    عاشت معه المرة قبل الحلوة؟؟؟
    كانت الزوجة والاخت والصديقة والحبيبة....تفهمت كل حياتهم وقدرت تمشي مع ظروفهم
    بوقت صعب...لاعمرها قالت جيب ولاتعال ولاودني ولاعطني...كل شي كان يسويه كان
    يرضيها....
    عنده منها اغلى ملاك(سارة)ليه بس جرحها وسمع كلام اهلها وانجرف ورى رغبتهم
    ليه؟؟؟؟
    اه...ياهنادي اه...
    في شي انتي ماتعرفينه؟؟في شي بالسالفة كلها تغير ولازم تسمعينه؟؟؟
    انا عارف اني جرحتك بحركتي بس والله اني ماكنت بوعي لحظتها ويوم فقت...حسيت
    بالندم....بس انتي لازم تعرفين السالفة واللي صار فيها وبعدها تقرري تسامحيني
    ولاتعذبيني بهجرانك؟؟
    سارة /بابا...بابا...يالله بابا؟
    محمد انتبه لها../ها بابا؟
    سارة/خلصت ذي اللعبة ابي العب ذيك؟
    محمد مسك يدها بقوة لاتفلت مثل مافلتت امها من يده/طيب حبيبتي تعالي.....
    //////////////////////////////////////////////////////////////بعد ماجابت لها هيفاء لاب توب محمد
    قعدت باخر الخيمة علشان تقرا على راحتها....وبدون أي ازعاج...
    فتحت على الصفحة اللي هو كان كاتب فيها شوية من خواطره.....
    ***(يابحر الحب...كيف انجو من امواجك العاتية,,,
    ياجبل الصبر..كيف اصمد امام صخورك.الشامخة,,,..
    ياصحراء الامل..كيف اسير على رمالك المتحركة,,
    يابركان الغضب..كيف انجو من حممك الخامدة,,
    ياقمر السهر...كيف انام تحت انوارك الساطعة..
    ياشمس العذاب..كيف اهرب من اشعتك الحارقة,,
    كلا..لن اغرق في البحر؟
    كلا..لن يحطمني الجبل؟
    كلا..لن يخيفني البركان؟
    كلا..لن اسهر حتى الفجر؟
    كلا..لن اقف تحت الشمس؟
    ساْنتصر واهزم البحر والجبل والصحراء والبركان والقمر والشمس واعشق الورد
    والزهور واشرب من النهر..واستظل تحت الشجر ..واعيش معك حبيبتي في جزيرة العشق
    بعيدا عن كل البشر!!!)
    ****(احبك قبل ان تلفظيها انتي!!
    احبك ولن يحبك احد اكثر مني!!ولن ينبض قلبك لهم مثلي!!
    سافري فاْنا تحت نار الشوق بانتظارك...
    وعد..قبل ان يلتهمني الزمن ويرميني في ذاك القبر.زفاْنا اريد ان اسعد برؤياك وبنتائج
    انتظاري لك؟؟
    سافري فالقدر يريد اختبار اخلاصنا لبعضنا ويضعنا تحت مجهرها ليكتشف مدى حبنا!!!
    فحنان حبي لك لن يوقفه الا الموت؟
    فلا تجعلي القدر يغلبنا..فانا لست وحدي بنتظارك..فهناك قلبي وروحي وهمساتي!!!)
    ***(ماذا اقول وقد ابت كلماتي...مذا اقول وقد نمت اهاتي!!
    مذا اقول اذا اردت سؤالها..اين الحنين الى غرام اتي!!
    مات الكلام على الشفاه وليتها...تحيا الحروف لاشتكي مولاتي!!
    اوليت اقلامي تخط لك الغرام رسالة...فتشعرين بي وبمعاناتي!!!
    قد جفت الاقلام بين اناملي...وتطايرت الاوراق من شرفاتي!!
    ماحيلتي في حبك غير الرضا...لو دمت مهجورا طيلة حياتي!!)
    (من كتاباتي ملح الحياة)
    كانت مها تقرا وعيونها شوي تدمع وترجع تمسح دموعها بعينها..كانت تحبه بصمت..وكان
    يحبها بصمت..وفجاْة انفجر الصمت وتفارقوا بلا ذنب!!
    مشاعرهم كانت مكتومة فيهم والسبب هم مالهم ذنب فيه..انكتب عليهم يفترقون قبل لايبدون
    يصرحون لبعضهم بحبهم علانية...صحيح كل مشاعرهم كانت صريحة..بس هي كلمة
    وماانقالت لحظتها..وظلوا عايشين على فراق انكتب لهم...
    بها اللحظة دق جوالها وكان محمد هو المتصل...
    مها بدون أي سلام/وش ذ ا يامحمد؟؟؟خجلتني والله؟؟
    محمد/ههه لامو للدرجة ذي؟
    مها/ماتوقعت الكلام بيكون كذا ابدا!!
    محمد/لاتبالغين هاذي مجرد خربشات كتبتها بوقت غضب وقهر؟
    مها/هذا بوقت غضب وقهر اجل لوكنت رايق وش كتبت يامحمد؟
    محمد/هههه
    مها/متى بتصدر الديوانظ
    محمد/ديوان مرة وحدة؟
    مها/أي ديوان مرة وحدة؟؟
    محمد تنهد/ماابي اصدر ديوان يامها..ابي امتلك ها الديوان لي لوحدي؟؟؟
    مها/............
    محمد/المهم..ابي تعليقك الكريم..موتنسين؟(ههه محمد مثلي يحب التعليق على الاشياء اللي
    يكتبها)
    مها/وش اكتب؟؟والله اني خجلانة من كلامك..يعني كلامي بيكون متواضع جنبه؟
    محمد/وانا اموت على الكلام المتواضع..
    مها بصوت واطي/طيب هند دخلت بعدين..يالله باي...
    /////////////////////////////////////////////////////////////على الساعة عشر ونص كانوا خلصوا
    العشى والترتيب وهبة وجود وعبود تعبوا وناموا...وابو محمد خل الخيمة يسولف مع
    زوجته..لان ام خالد اخذت امها ونيمتها ونامت معها...وظلوا الشباب بس قاعدين..
    كان محمد وخالد واحمد ومشاري قاعدين قبال النار اللي شاعلينها...وجنبهم البنات
    ملتمين..واطينهم ضهورهم.....
    مشاري/ياجماعة انا عندي فكرة تقطع علينا شوية مللنا؟؟
    خالد/شنو؟
    مشاري/اممم الصراحة خاني التعبير عن الفكرة وكيفيتها؟
    مها/ههههههه حلوة عجبتني خاني التعبير هاذي؟
    ضحكوا الباقي بعد مها..
    مشاري/بنات مااسخفكم كل شي يضحكم؟
    محمد/شنو فكرتك يابو الافكار؟(اهم شي لاييكمل النقاش بين مها ومشاري)
    مشاري/يعني كل واحد يقول شي...يعني قصيدة..اغنية..خاطرة...نكتة...اي شي يجي على
    باله..او يعبر عنه او يحس فيه؟
    احمد/اممم فكرة حلوة.
    مرام/طيب منو بيبدي؟
    خالد/انتوا علشانكم اكثر منا؟
    هند/كيف احنا متساويين؟
    خالد كان يصطنع الضحكة وهو ماله خلق/لا من قال مشاري محسوب عليكم موعلينا؟؟
    ضحكوا الباقي عليه حتى مشاري اللي تفشل..
    مها/لامن جد انتوا ابدوا علشان انتوا قوامون على النساء؟
    احمد/يامكركم والله...وقت اللي تبونها قوامة تجيبونها ووقت اللي لا...ماحد يعرفكم؟
    مشاري/خلاص يالله بنبدي...
    مرام/منوظ
    مشاري/احنا بنبدي وبعدين وحدة منكم وبعدين احنا وكذا...
    احمد/يالله...منو؟
    خالد/محمد..
    محمد/وليه انا يعني؟
    خالد/انت ابو ها السوالف والقصايد والخواطرظ
    احمد/تصدق عاد ودي اصير مثلك رزة وخواطر ورمنسي وحركات..
    ههههههههه
    خالد/اترك السهر والشباب واقعد بالبيت وتصير مثله مو صعبة؟
    احمد/بعدين يصير خير مو اللحين؟
    مشاري/يالله انتوا بنات ابدوا....
    هند/منو بتبدي فيكم...
    مها/احم احم....
    غريبة اليالي..خذت مني غالي....تباعد وعيني رثت منه حالي...
    انا مانسيتك.. ولو بيدي جيتك.. وطيفك ترى مايفارق خيالي ..
    زمانك توانا..بطيب وغشانا..ويوم افترقنا..سرح فيك بالي...
    عسى الله يجيبك..وترجع بطيبك...ترى بطيب طبعك ..من اول وتالي...
    ولو مالتقينا..فحقك علينا..لك ادعي الهي..بعتم الليالي...وسلامتكم...
    البنات/الله شي تحفة...
    مشاري/مو حلوة؟
    مها/انا مدري هي وشو..قصيدة ولاغنية ولاشنو بالضبط..بس بفترة من الفترات كانت
    ملازمتني وكل يوم ارددها بيني وبين نفسي ادعوا لي الله لايرد ها الفترة؟؟؟
    محمد وقف قلبه..زاكيد مافي أي شك انها تقصد فراقهم!!
    خالد/حلوة يامها..
    مها/تسلم ياعمري؟
    مشاري/عشانكم اخوان بتتمصلحون لبعض؟؟؟على فكرة مانبي حساسيات بالموضوع يعني
    ماحد يفكر انه هو المقصود با لكلام سواء كان مدح ولاذم ولاهجاء حتى؟؟
    البنات ضجكوا..
    خالد/صح لسانك ..
    احمد/هذا افضل شي قلته؟
    مشاري/تعرف البنات كل شي يصدقونه....
    احمد/يالله محمد دورك وجيب لنا نقطة بدل البنات اللي فشلوا؟
    اعترضوا البنات على كلامه..
    محمد/بالعكس مها جابت لهم ثلاثة بدل واحد!!
    مها/من ذوقك ياولد خالي؟
    مشاري/ترى بتروح نقطة للفريق اللي يجامل؟؟
    ههههههههههه
    مرام/يالله محمد قول وخلصنا نبي نسمع ونشوف خسارتكم؟؟
    محمد/احم احم..طبعا هاذ ي قصيدة بس مدري لمنو...كانت تعبر عني بوقت من الاوقات..
    مرام/اخاف بنفس الوقت انت ومها مشتركين؟
    رجعوا الباقي يضحكون..
    مشاري/يابنات خلاص بلا تعليقات خلونا نكمل وش فيكم؟
    محمد/...لاتكدر خاطرك ضيقة حبيبك يوم قال؟
    ايه احبك يابعدهم....بس انا وين اغذي؟
    ضيقتي ماهي من اليوم يابنت الحلال؟
    ضيقتي لها ثلاث سنين تاكل من يدي!!
    ضيقتي مافي وفاها يابعد عمري جدال..
    كل ليلة تبسط يديها وتفرش مرقدي!!
    ودي اسكت بس اعرف الحظ لامن مال مال!!
    لمتى والصمت ينهش في ضلوعي وجسدي؟؟
    شوفة عيونك هموم وضيق خلق وقل حال!!
    ويش اسوي يوم حظي يابعد عمري ردي!!!
    هي كذا عيشة حبيبك لو تظاهر بالكمال!!
    اقرب ايامه سعادة وبعدها بعد الجدي..
    هي كذا وانتي بكيفك مابقى فيها سؤال!!
    في دمعة في عيونك تنتهي او تبتدي!!!
    كلها مابين كلمة روح او كلمة تعال!!
    كلمة فيها اضيع ومنها ابتدي؟؟
    هذا كل اللي بقوله واعذري قل الوصال!!
    والله ادري بك زعلتي بس انا وين اغتذي!!!
    وسلامتكم....(مما اعجبني)
    قام التصفير والتصفيق من البنات...
    محمد/لاتحرجوني..
    ////////////////////////



    البارت الثامن عشر,,,
    ////////////////////////////
    خالد/من جد روعة...
    احمد/قايل لكم محمد هو ابو ها السوالف..علمنا شوي عاد؟
    محمد/ههه مو لهدرجة عاد؟؟
    مشاري/يالله دوركم؟
    مرام/من شوي اختي يعني اللحين يانتي ياختك؟
    هند/طيب....طفلة وحبتني...وبالدرب محيرتني..بكل اوقات ناطرتني..بالشوفة مضحكتني!!
    وش تبي مني..ماني صغير للحب يابنت الناس مو فاهمتني!!
    انا خايف عليش لاتعيشين الحب وناطرتني...
    ترى الحب لوعات فيها النار والجنة مواعدتني!!
    طفلة وكتبت لي اجمل الخواطر واصفتني!
    طفلة وتعلقت فيني وبالحب موناسيتني!!
    يابنت الناس انا اكبر منك...بشوق تعيرني؟
    قالت يكفي اشوفك واعشق عيونك...من عمري لاتصغرني!!
    طفلة وحبتني ياليتها تنساني!!
    وبس!!!سلامتكم؟؟
    مشاري/اكيد تقصدين جدتي؟؟
    هند تفشلت وقالت بزعل خلت احمد يناظرها وهو مايدر يضحك على براْتها ولا يزعل
    لزعلها/لاوالله انا اهديها لسارونة الجميلة بنت اختي الغالية؟
    مرام/دورك مشاري اللحين؟
    مشاري/لامايصير اخوانك ماتكلموا واحد فيهم ينطق؟
    احمد بسرعة/طبعا اخوي الكبير خالد؟
    خالد/للمصالح بس اخوك الكبير؟
    احمد/ههه لسه ماجهزت شي اقوله؟
    خالد/طبعا انا صوتي مو حلو مثل محمد فلا احد يخاف؟؟(صوت محمد كان راكب مع
    شكله..جهوري وشجي وينطرب لها السامع مثل شكله اللي يسحر الناظر)
    مشاري/عارفين هاالشي؟؟؟
    مرام ومها اعترضوا/ياسلام عليك؟اصلا صوت اخوي احلى من صوتك وصوت اخوك؟
    محمد بدلع/متاْكدين؟
    مها استحت/يعني مو مية بالمية بس لايتكلم عن اخوي؟
    مشاري/مهوا لسانها طوييل؟؟
    خالد/يالله عاد ترى عاطيك وجه بزيادة انا اليوم؟؟هاذي حبيبتي وماارضى عليها ؟
    مها بدلع/تسلم لي يابعد طوايفي؟؟
    خالد/الله يسلمك...
    مشاري/الله يحيكم؟؟؟يالله قول اخلص علينا....
    خالد/ هههه طيب....هاذي قصيدة لنزار قباني وغناها كاظم الساهر على مااعتقد...صاير
    اسمعها واجد ها اليومين وماْثر فيني وعايش الجو فيها؟
    مشاري/يعني انت تحب؟
    خالد يجاريه/وانا شدراني!!!
    محمد/ادخل يالله بالقصيدة وخله يولي عنك؟
    خالد/احم احم...
    احبك جدا...واعرف ان الطريق الى المستحيل طويل...
    واعرف انك ست النساء وليس لدي بديل...
    واعرف ان زمان الحنين انتهى ومات الكلام الجميل؟
    فماذا اقول؟؟؟
    احبك جدا..واعرف اني اعيش بمنفى وانتي بمنفى..وبيني وبينك ريح و غيم وبرد وبرق
    وثلج ونار واعرف ان الوصول لشفتيك وهم وان الوصول لشفتيك انتحار!!!
    دق قلب هيفاء بها اللحظة وحست بضيقة الانسان اللي يخونونه عيني عينك؟ وسكتت
    وماقدرت ترفع راسها..
    خالد كمل بعد مااستشعر انه ترك ردة فعل عند هيفاء بغض النظر عن ماهيتها/ويسعدني ان
    امزق نفسي لااجلك ايتها الغالية..ولو خيروني لكررت التمزيق لنفسي...
    ايا من غزلت قميصك من ورقات الشجر؟
    ايا من حميتك بالصبر من قطرات المطر..
    احبك جدا واعرف اني اسافر في بحر عينيك دون يقين...واترك عقلي ورائي واركض
    خلف جنوني!!
    ايا امراْة تمسك العمر بين يديها سالتك بالله لاتتركيني؟
    فماذا اقول انا اذا لم تكوني....
    احبك جدا وجدا وجدا وجدا وجدا...(كان يقولها وانفاسه تتسارع وهو منفعل وعيونه عليها
    وهي اول ماقالها بالطريقة ذي رفعت راسها ولقته يناظرها بس لفت بالجهة الثانية علطول
    لان محمد اخوها كان يناظر فيه وفيها)
    احبك جدا وارفض من نار حبك ان استقيلا..وهل يستطيع المتيم بالعشق ان يستقيلا؟
    وماهمني ان خرجت من الحب حيا...وماهمني ان خرجت من الحب حيا؟ وسلامتكم...
    قام التصيق والتصفير وانواع التشجيع..
    مشاري/احسها عادية مو ذاك الزود؟
    هند/ماحد طلب رايك؟
    محمد/الله...شكلي انا اللي بتعلم منك ياخالد؟
    خالد/ههه لالاعاد مو لهادرجة؟
    مشاري/يالله دوركم..من شوي كانت اختي..اللحين دورك ياهانم؟
    مرام/احم احم...انا بقول قصيدة تعبر عن حبي لااغلى بلد حبيب على قلبنا كلنا.....وهي
    قصيدة خالد المريخي..
    انشدوني انت من ايت بلد؟
    قلت من اطهر مكان بالوجود....
    ايه انا من شعب ابو فيصل فهد.. قادنا اللي خالقه ربه يقود..والله ان الطيب ماقاده احد بس
    هو صمم وقاد الطيب قود؟
    شيخنا مافيه لفعاله عدد يكفي انه حاكم ذيابة واسود؟
    صار تصفيق متواصل بعد قصيدتها منهم كلهم..
    هيفاء/احلى ماقلتي والله...
    مشاري/عاشت السعودية وعاشت اراضيها وعاشوا شعبها؟
    مرام/شكلنا بنفوز اذا على ها السالفة؟
    هههههه
    مشاري/والله ولاتوقعتك تقولين شي سنع؟؟بس يطلع منكم ؟
    احمد/يالله دورك انا اخوي قبل شوي قال..مايصير انا وراه؟
    مشاري/ياذي الوهقة....طيب....بس ماابيكم تضحكون ولاتعلقون على شي لين اخلص؟
    مها/موافقين..
    مشاري/احم احم احم احم...وبدا ينفخ بصوته..ويسوي مثل البزارين اللي بالفوازير
    جديدتي جديدتي....كفختها بنعلتي!!(تصغير جدتي)
    ان كان لي من نشبة فهي نشبتي!!
    ياعلة ناشبة في لحلق او بالرومتي!!فكلها نحيسة تنط منها شوشتي!!!
    وقفزة سرية تنساب خلف المركتي
    وحين تبكي ابي يلسفني بالغترتي!!
    ياويلكم تجونها امي حبيبتي!!!
    ابدا يومي دائما بهوشة مع علتي!!!
    لكنني اخرج معلوكا من كل هوشتي!!
    وحينما اعود من دوامة الدراستي...وادخل البيت ارى جديدتي عليلتي ..قد نكشت
    كشتها..ياويلك جايبة عدتي!!!
    افصخ نعلي هاربا بكتبي وشنطتي...
    لكنها تلحقني قبل مااوصل غرفتي..
    ياويلي جايبة مغرفة وجايبة حتى الشطتي..اقول لها ياعليلتي هل جبتي كل السفرتي في
    حجرتي!!!
    وحينما نغف تماما بعد ملء الكرشتي...
    تجيئني مسرعة تطرق بابا حجرتي..
    افتح بدور نظارتي افتح بدور نظارتي...!!
    وترة تقول لي اكيد عندك عصايتي!!
    لكنني اطردها هيا اخرجي من حجرتي!!
    يالكي من مؤذية ثرثارة هيا اصمتي!!
    تقول لي غصباعليك غصبا عليك بدور عصايتي!!
    وعندها اشقلها من ثوبها كا القطتي!!!
    اذا بها تفلقني بعلبة الصابونتي!!!
    وعندما ابدا في معركتي مع علتي ..معركتي التي اكفخ بكل مرتي!!
    ياْتي ابي فتحتمي بضهره كالعادتي!!
    احط رجلي بعدها هجيجا نحو شلتي!!!
    وسلامتكم يالغالين...
    اول ماخلص قام الضحك على اشكاله....
    مها/ويلي ويلي مو قادرة
    خالد/هههه الله ياخذك؟
    احمد/انت من وين تجيب ها السوالف؟
    هيفاء/ابدعت بالوصف صراحة..
    هند/حدث نعيشه كل يوم...
    مشاري/بذمتكم مو حلوة؟؟نويت احطها بديوان؟
    محمد/ههههههه
    مشاري/يالله بنات دوركم؟
    مها/مابقى عندنا غير هيفاء؟
    هيفاء/لازم؟
    احمد/ها كانه الدلع بيقوم علشان ماظليتي الا انتي؟
    هيفاء/مافيه اعفاء يعني؟
    خالد وهو يناظرها بقوة/لا...
    حست بكلمته داخلة فيها وحاولت تتجاهل شعورها ذيك اللحظة وتنفست بقوة....
    هيفاء/احم ....طبعا انا بقول لكم اغنية؟
    مشاري/يالله؟
    هيفاء/.....وش مسوي مع غيري....وش الدنيا في بعدي قول!!
    ياروحي انت متنهي ..ولا بالشوق لي مشغول؟
    انا مازالت افكر فيك..واذوب باسمك وطاريك...
    ولكن هاذي اطباعي اخبي الحزن بي مااقول؟
    وبس؟؟
    كانت عيون خالد عليها..
    محمد/حلوة بس قصير’؟
    هياء/هذا اللي طلع؟
    مشاري/يالله احمد مابقيت الاانت؟
    احمد/احم احم...بغني لكم اغنية انا بعد؟بس بصوتي المتواضع...
    مشاري/وبدون مؤثرات لابالله رحنا فيها؟
    ههههههههه

    مها/انت متقدر ماتعلق؟؟
    مشاري/اموت بعدين..
    احمد/..ايه احبك..واعترافي لك كفاية...نبض قلبي وانشغالي هو الدليل؟
    ياهوى نفسي وياغاية مناي...فيض لي من نبع حبك يابخيل!!
    عاشقك صوت ولاتسمع ندايا..اندهك يامعطي ايامي القليل!!
    انت روحي وانت قلبي يارجايا..وانت قلبي وانت عيني والخليل!
    مااقبل بغيرك ولاتقبل سواي...ومالعذال الهوا عندي سبيل..
    خلني في صحبتك وخلك معاي...ولااقبل بغيرك ولاارضى بديل!!
    ايه احبك واعترافي لك كفاية نبض قلبي وانشغالي هو الدليل....وسلامتكم...تصبحون على
    الف خير؟؟؟
    قام احمد اول ماانتهى من كلامه..خصوصا انه عيونه كانت عليها تتابع كل حركاتها وهي
    بانت الدموع بعيونها وظلت ساكنة بمكانها ومسحتهم لايلمحهم احد؟؟؟؟
    مشاري/احنا اللي فزنا...
    هيفاء/ياللله ندخل ننام..ترى عبود له قعدة بعد شوي وانا ابي ارتاح قبل لايقعد؟
    مها/مسكي يدي....يالله
    مرام/تصبحون على خير....
    محمد/وانتوا من اهله....
    قام الكل ودخل ينام وماظل غير احمد اللي قاعد بسيارته وخالد اللي راح يسولف معه
    ومحمد اللي ماغير مكانه؟
    في السيارة؟؟
    خالد/شفيك
    احمد/مافيني شي؟
    خالد/مو باين؟
    احمد/وش اللي مو باين؟
    خالد/احمد..بصراحة بصراحة وانا اخوك قلت لها انا احبك؟يعني اعترفت لها؟
    احمد خاف انه يصارح خالد خصوصا انه ماشاف منها أي ردة فعل معه...
    احمد/لا..
    خالد/وليش زعلان؟
    احمد/مو زعلان بس كذا؟
    خالد/قوم ننام اذا مافيك شي؟
    احمد/اسبقني...
    خالد/صحيح..ابوي وصل قبل ساعتين....
    احمد/كلمته؟
    خالد/طبعا؟
    احمد/بيتغير شي يعني بنظل للضهر ولا بنروح بعد مانصلي الفجر؟
    خالد/مدري...
    /////////////////////////////////////////////////////////محمد قعد وهو يستعرض صوتها الملائكي
    والكلام اللي قالته....كان يتابعها حرف بحرف وهو يتخيلها قاعدة تقصد له بروحه ومامعهم
    احد..وتذكر ردها اللي المفروض انها كتبته له وماقدر يشوفه قام بسرعة وطلع جهازه وقراْ
    ردها علشان يبرد قلبه....
    كانت كاتبة له بعد خواطره ها الكلام,,,,
    (سابقى لحبك طول حياتي....واسمو بحبك نحو القمر,,,
    فاانت البداية وانت النهاية...وانت الرذاذ وانت المطر..
    فهل للحياة بهاء سواك...وانت الضياء ينير القمر,,
    وعيني تشدو لعشقك دوما..تحاكي النجوم بليل السمر,,
    ورعشة وجد تلف فؤادي..ودمعي على الخدبن انهمر,,,
    وعيني ترنو اليك بحزن..كاْنها سهل يحاكي المطر,,,
    دعني اضم يديك حبيبي...ودعني ازف اليك الخبر..,,
    سيبقى فؤادي سجين هواك..وان فرقتنا سنين القدر,,,
    حبيبتك اللي راح تظل طول عمرها تحبك وتموت على الثرى اللي انت تمشي عليه...مها,,
    مايدري محمد لحظتها يقوم يرقص من فرحته ولا يضحك ولا شنو بالضبط.؟؟
    كل اللي عرفه انه يبي يسمع صوتها اللي كان محروم منه..ورفع جواله ودق عليها وهي
    ردت عليه من اول رنة وكانها هي تنتظره بعد...
    مها بصوت واطي/هلا..
    محمد بروقان/وش ها الرد هذا!!!بصراحة احرجتيني...مو قادر اعبر عن فرحتي بكلامك
    يامها؟
    مها بنفس الصوت الواطي/محمد ودي اسالك عن شي؟؟
    محمد/قولي؟
    مها/بتظل تحبني لااخر يوم بحياتك؟؟
    محمد تنهد/وهذا سؤال يالغالية؟
    مها/واذا ماكنت من نصيبك بتتزوج وحدة ثانية وبتحبها؟
    محمد/ليش تقولين كذا؟؟
    مها/خلينا واقعين...مافي أي بادرة ان احنا بنكون لبعض بيوم من الايام؟؟؟ابيك بس تطمني
    انك ماراح تنساني حتى لو بعدت عني؟؟؟
    محمد/محد ينسى روحه وقلبه ياعمري؟؟
    مها/احبك؟؟
    محمد/وليه تقولينها بصوت واطي كذا!!!



    البارت التاسع عشر,,,,
    //////////////////////////
    مها/شفيك كلهم نايمين تبيني اصارخ واقول احبك.؟؟
    محمد/مااستاهلها يعني؟
    مها/بلى..
    محمد/ومااستاهل تقولينها قدام العالم كله؟؟
    مها/مجنون...
    محمد/انا مجنون مها وبس!!!
    مها/تحب مها؟
    محمد/احب كل شي بمها...عيونها وشعرها وصوتها وحنانها وشوقها ولهفتها ....
    مها/كمل ليش سكت؟
    محمد/شوفي مها هذا احمد جاي..تصبحين على خير؟
    مها بزعل/وانت من اهله...
    نام الكل وصلوا الفجر وبعدها مشوا بيوتهم لان بيت بوخالد راحوا يشوفوا ابوهم اللي رد
    البارحة وبيت ابو محمد راحوا....
    /////////////////////////////////////////////////////////////////////بعد ماوصلوا بيتهم دخلوا غرفهم
    علطول وظلوا محمد ومشاري يدخلون الاغراض مع ابوهم وهيفاء ودت ولدها فراشه وام
    محمد ظلت مع عياله وهند على فراشها علطول هي وجدتها..
    هبة/يمه..يمه..
    لفوا لها الابو والام واخوانها...
    مشاري/خير ان شاءلله ليش ها الصراخ من صبح الله لايكون حرامي سارق باربياتك بس؟؟
    هبة/يمه هنادي وسارة نايمين هنا؟
    ام محمد وابو محمد ناظروا في بعض وقلوبهم نخزتهم.....اول مرة من تزوجت تنام
    بالبيت؟؟؟؟؟وبدون ماتقول لهم..
    محمد/طيب روحي دارك....
    راحت هبة
    محمد/يمه هي قايلة لك بتنام هنا؟
    ام محمد بسرحان/لا.....
    ابو محمد/خير ان شاءالله؟؟؟
    كملوا ترتيب الاغراض وراحوا يريحو ا بس ام محمد وابو محمد ظلوا يتفاكرون في وجود
    هنادي بالبيت؟؟؟؟
    /////////////////////////////////////////////قعدوا بعد الصلاة وهم بعدهم متكسرين....تسبحوا
    وقابلو ابعض من جديد وهم يسولفون عن الرحلة...
    كانت هنادي بغرفة هند وحتى بعد ماقعدت هند سوت روحها نايمة..خايفة تطلع وتواجههم..
    شتقول لهم؟؟
    بس لمتى بتظل حابسة روحها بالغرفة؟؟لازم تطلع واللي بتقوله تقوله..ماعادت فارقة
    معها...ماعندها غير ها الاهل اللي بيوقفون معها اكيد....
    //////////////////////////////////////////////////////////////بعد العصر...
    خالد/مها..
    لفت له مها/هلا...
    خالد/ليه قاعدة بروحك هنا؟
    مها/انتظر اتصال؟
    خالد بلقافة/من منو؟
    مها/من هيفاء؟؟
    وقف قلبه بس حاول يغير الموضوع لاتفضحه مشاعره/اممم
    مها/.......
    خالد/شفيك شكله الموضوع خطير؟
    مها/لا بس فاتن كانت تبينه نتجمع عندها بالبيت ومثلك عارف مااقدر اطلع اليوم من البيت
    وابوي توه راد البارحة قلت لها اول ماتعرف وش تبي فينا تتصل فيني تعلمني!!!
    خالد/خير ان شالله...اذا خلصتي عندي موضوع بكلمك فيه..
    مها/ماعليه بس يصفى بالي جيتك...
    //////////////////////////////////////////////////////////////////////في بيت فاتن..
    العنود/فاتن وش فيك ليه زعلانة؟؟
    كانت فاتن قاعدة ببيجامتها وعلى فراشها وهي متضايقة ومالها خلق..
    فاتن بحزن/اليوم انعزمنا على زواج...؟
    هيفاء والعنود ناظروا في بعض....
    هيفاء بخوف/وخير يعني؟؟وش صاير ؟
    فاتن بشبه بكي/تريك...تريك طلع خاطب وعرسه الاسبوع الجاي!!!
    هيفاء ماقدرت تكتم ضحكتها/ههههههههه
    العنود بلوم وهي تناظر بفاتن اللي كانت بتبكي من جد/هيوف؟؟مو وقته؟
    هيفاء/الا وقته؟؟؟من جدك انتي؟؟؟بتموتين حالك علشان انه طلع خاطب وبيعرس!!!لايكون
    بعد تبينه يترك مرته وياخذك؟؟؟فاتن عقلي شفيك مالك نصيب معه؟؟نصيبك لسه
    ماجاك...ليش مستعجلة على نفسك؟
    العنود/بعدك صغيرة يافاتن مو من كبرك يعني؟؟
    هيفاء/من زين العرس عاد؟؟؟هم في هم ساليني وانا اختك وصاحبتك وصديقتك وبحر
    اسرارك؟؟؟ماعشت ومااخذت منه غير الهم؟؟
    العنود/ترى توني مخطوبة ياهيفاء لاتقلبين الموجة الله يخليك؟؟
    هيفاء دزت فاتن علشان تضحك بس ماكان لها خلق....
    هيفاء بمزح/نروح ليلة بكرة الراشد ندور لك عريس ولايهمك؟
    فاتن حطت راسها بين ركبتها مسوية بتبكي/انا مااسخر!!!اتكلم جد؟؟؟
    هيفاء وهي تضحك/قومي بس جيبي لي شي اشربه قالت تتكلم جد؟تستاهلين هذا حوبة
    ولدي اللي شوي وتصدمه سيارة بس علشان حضرة جنابه؟؟؟
    العنود/انتي ماكنتي عارفة عنه من اول انه خاطب؟ فاتن/لا...
    هيفاء/قولي الله يوفقه بحياته ان شاءالله..
    فاتن بزعل/وانا؟؟؟
    العنود وهي كاتمة ضحكتها/تبين سعود خطيبي؟؟؟
    رمت عليها فاتن مخدتها وقاموا يتضحكون مع بعض....
    /////////////////////////////////////////////////////////////////////ام محمد/اقول يمه هنادي..
    هنادي وهي خايفة من ها الموقف/هلا يمه..
    ام محمد بهمس/ليش كنتي نايمة هنا البارح؟
    هنادي/وش فيها لو نمت هنا يمه مو هذا بيت اهلي يعني بيتي؟
    ام محمد موطية صوتها علشان لايسمعونها البزارين ولاالجدة/ماقلنا شي بس هاذي اول مرة
    تسوينها يمه...
    هنادي/انتوا زعلتوا اني نمت هنا يمه؟
    ام محمد/لايمه مو مسالة زعلنا...تدري بعد الواحد يخاف من أي شي ها الايام؟
    هنادي/شنسوي للعشى يمه؟(يعني سكري النقاش)
    ام محمد تنهدت وسكتت....
    ////////////////////////////////////////////////////
    احمد/وان شاءالله انتوا استانستوا هناك؟
    عمر/اكيد اساتنسنا مو مثلكم رايحين لي شاليه وبر ومدري شنو؟
    مها/الله واكبرعليك ياصاحب السمو مدري وين مفكر روحك رايح يبى دبي مو النمسا؟؟
    عمر/احلى من الاماكن اللي رحتوها؟
    مرام/كلها بكلها ماتسوى نص بلدنا الحبيب؟؟؟
    خالد واحمد ومها ومرام ناظروا في بعض بعفوية وضحكوا لانها امس كانت قايلة قصيدة
    عن المملكة؟
    مها/ماعلينا ...يبى وين الهدايا اللي جبتها لنا؟
    ابو خالد/هههههه انتي بالذات ماجبت لك شي؟
    مها بزعل/ليش عاد؟
    ابو خالد/ها بتنسين اتفاقك اخر يوم...قلتيلي روح ولاتجيب لي ولا حاجة بس خليني اروح
    معهم الشاليه وهذا انا طعتك؟
    مها/ويطيعك قلبك ماتجيب لي شي؟
    ابو خالد/وانتي كيف طاعك قلبي تخليني انا بمكان وانتي بمكان؟؟
    مها/معك حق...واذا مصر قوم نرد دبي انا وانت وبس!!!
    ههههههههههههههههههه
    خالد/طماعة؟؟
    مها/لا بس ابي ارضيه لانه زعلان مني؟
    مرام/بس تبي الصراحة يبى..استانسنا واجد..كانت رحلتنا حلوة..
    ابو خالد وهو يتمتم بكلمات ماشكلها راضية بعدها قال/الحمد الله اهم شي وناستكم
    وانبساطكم...
    ام خالد توها داخلة بصينية الشاي والقهوة/بدل ها القعدة والوناسة قوموا جهزوا اغراضكم
    حق المدارس مو بكرة الجمعة تتذكرون وش تبون؟
    احمد/طبعا الكلام موجه لكم انتوا يالبنات؟
    جود/ياسلام وانتوا على راسكم ريشة بالله؟
    احمد/حلوة ذي انا شطلاباتي وانا بالجامعة بالله؟؟
    عمر/وانا ماعندي ناس متخلفين يكتبون لنا قائمة طويلة عريضة يبونها؟؟؟
    مها/والقصد يعني؟
    ابو خالد/القصد يامرام وياجود تروحون مع احمد المكتبة اللحين تخلصون اغراضكم بكرة
    مافي طلعة؟؟
    احمد/وطاحت فوق راسي بعد؟
    ///////////////////////////////////////////////////////////////بعد صلاة المغرب في بيت السالم,,,
    ام محمد/هيفاء لبسي ولدك ابوه قايل بيمره بعد نص ساعة؟
    سكتت هيفاء وماعلقت بشي...
    هنادي بهمس لهيفاء/شكله الموضوع فيه تطورات؟؟؟
    هيفاء/والله مدري وش اللي قاعد يصير ولا شنو نهايتها مع خالد!!
    هنادي/ليه عاد؟


  • #3
    ملاذية مميزة وعضوة في فريق الروايات الرومانسية المكتوبة
    حالتي : سفيرة الحب2009 غير متواجد حالياً
    تاريخ تسجيلي: Apr 2012
    عضويتي رقم: 23546
    الدولة: العراق
    هوايتي: القراءه
    سيرتي الذاتية: ؟
    عملي: التدريس
    العمر: 26
    مشاركاتي: 3,041
    معدل تقييم المستوى : 2147483695
    سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى.

    رد: رواية أبيك وأرفض الواقع لـ ملح الحياة... كاملة مع رابط التحميل

    البارت العشرين,,,,
    ////////////////////////
    هيفاء/ماتعرفين خالد وماشفتي شلون يتعامل معه..مرة وحدة انقلب وتغير؟
    هنادي/ماكان متقبل وجوده لانه عاش بعيد عنه..بس يوم تقرب منه وحبه وتعلق فيه
    خلاص..
    هيفاء/لا مو مقتنعة ابدا بها النظرية؟
    هنادي/لاتتشائمين وقومي لبسيه؟
    هيفاء/بقوم.....
    هنادي/اليوم ماداومتي؟
    هيفاء/مو لان دوامي اخر الليل بقوم اللحين البس مرة وحدة....
    الجدة دخلت وهيفاء سحبت ولدها وركبتالجدة لهنادي/مسكت بنتك وقريت فيها واكتشفت انك
    نايمة هنا من يوم رحنا البحرين يعني ثلاث ليالي نايمة هنا؟
    هنادي بذهول/وش فيها ذي ياجدتي؟؟؟هذا بيت اهلي؟
    الجدة/قولي الصدق طلقك زوجك؟
    هنادي/استغفر الله العظيم ...
    اخذت روحها وطلعت من الصالة....
    ///////////////////////////////////////////////////في سيارة خالد..اخذ مرام وجود بيوصلهم جرير
    ومعهم مها علشان يسولف معها طول الدرب...
    كانوا بعدهم مايوصلون لبيت خالهم...بس كان متوتر ..ومها لاحظت ها الشي..
    مها/فيك شي؟
    خالد/ها..
    مها/اذا مابتمره مو لازم,,,
    خالد/لابمره...اليوم ماشفته؟
    مها/كانت تمر ايام وماتشوفه شلي تغير ياخالد؟
    خالد تنهد/مدري بس يمكن بديت اتعلق فيه؟؟؟(لهنا كانت الاجابة واضحة بس تكملت
    الاجابة مقدر يقولها لااخته......ولانه الطريق اللي بيوصلني لاامه من البداية!!)
    جود/ان شاءالله بيجي معنا المكتبة بعد؟
    خالد/انتي ماتحبين ولدي؟
    جود/احبه بس مو واجد؟
    خالد/ليه..
    جود/لانهم كلهم يحبونه ويعطونه اللي يبي؟
    مها/هذا لانه اصغر واحد بالعيال لازم يدلعونه؟
    جود/خلاص خالد جيب بنت غيره وخلنا نحبها وتصير هي الصغيرة بداله!!!
    مها ناظرت بخالد وهي تضحك وتفاجات ان الوانه مقلوبة فوق تحت.....بس ماعلقت بشي
    خافت ينفجر فيها هي,,,,
    /////////////////////////////////////////////////////////
    ابو محمد وام محمد قاعدين ونزلت هيفاء مع عبود....
    هيفاء/قوة يبى..
    ابو محمد/هلا يبى....ها رايحة المستشفى؟
    هيفاء/أي..
    ابو محمد/وهذا بتاخذينه معك؟
    ام محمد/لا خالد جاي ياخذه؟
    ابو محمد/خير ان شالله....
    ام محمد/نامت اختك؟
    هيفاء تورطت اللحين اكيد هي اللي بيسالوها/أي يمه....
    ام محمد بلهفة/ها شفيها؟؟
    هيفاء تنهدت/يمه ساليها هي انا مالي شغل؟
    ام محمد بانكسار/يايمه سالتها...عيت تجاوبني والله ماني قادرة ارتاح؟
    هيفاء/امري لله....محمد خطب؟
    ابو محمد وام محمد ناظروا في بعض...
    هيفاء/وهي متضايقة وجت تغير جو هنا كم يوم اذا مايضايقك يبى؟
    ابو محمد ظل ساكت مارد عليها؟
    ام محمد بخوف/تهاوشوا مع بعض؟
    هيفاء/لايمه...بس هي تضايقت شوي وحبت تغير نفسيتها؟
    دق جوالها بها اللحظة.....
    هيفاء/انا طالعة...هاذي مها....يالله مع السلامة؟
    طلعت ومافي أي جواب؟؟؟؟؟؟؟؟

    كان خالد قاعد بسيارته بس يوم شاف ان سيارة السايق اللي يودي هيفاء المستشفى واقفة
    عرف انها بتطلع اخذ بعضه ونزل ووقف عند بيت خاله...
    طلعت هيفاء ولقته بوجهها..
    خالد/مرحبا....
    هيفاء سكتت..
    عبود/بابا...
    خالد /تعال...
    راح عبود لاابوع علطول..
    خالد/وين السلام؟
    عبود مد يده وسلم عليه...
    خالد/هيفا....
    هيفاء ببرود وهي تبي تطرد سالفة خالد/نعم..
    خالد ركز عينه في عينها/في مواضيع تخص عبدالله لازم نتكلم فيها؟
    هيفاء بخوف/مثل شنو؟
    خالد/عندك وقت نتكلم؟
    هيفاء ناظرت بسيارة السايق/لا انا رايحة المستشفى اللحين؟
    خالد حمل عبود وهو متضايق/طيب لاصار عندك وقت تكلمنا؟
    هيفاء بخوف/خالد,,
    لف خالد لها/نعم..
    هيفاء/رده...لاتخليه عندك ينام؟؟؟
    خالد اكتفى انه يناظرها من فوقها لتحتها بدون مايرد عليها......
    ///////////////////////////////////////////////////////////////باخر الليل كانت ام محمد قاعدة
    بروحها بالصالة ودموعها بعينها وتنهيداتها خانقتها ومحمد توه داخل البيت لانه كان سهران
    مع صاحبه ثامر..
    محمد بخوف/يمه...شفيك؟
    ام محمد فتحت عيونها اللي ملايانة دموع/ولاشي يمه...احط لك عشى؟
    محمد جلس جنبها/شلون ولاشي؟؟ماتشوفين ها الدموع الغالية شلون طايحة على خدك؟
    ام محمد تنهدت..
    محمد باس راسها/علامك يمه وش اللي مضيق خاطرك؟
    ام محمد صوتها على بالبكي/ياربي وش اللي جنيته بها الدنيا انا!!!ليه حظ عيالي كذا
    مايل؟؟؟والله انهم مايستاهلون؟؟
    محمد بخوف/في شي صاير يايمه؟
    ام محمد/مدري يمه شقولك...بس حظ خواتك مايل بها الدنيا!!!!
    محمد جلس جنبها/خواتي؟؟؟شفيهم يمه؟؟هيفاء صاير معها شي جديد؟
    ام محمد/لا...هنادي؟؟
    محمد/هنادي؟؟؟؟هنادي شفيها؟؟؟
    ام محمد قعدت تبكي/حظها ونصيبها...الحمد لله ياربي على كل حال..
    محمد/يمه فهميني هي وش فيها؟؟عرفتي ليش هي نايمة هنا؟
    ام محمد/أي وياليتني ماعرفت؟؟؟؟زوجها خطب يامحمد؟
    محمد/...............ليش؟؟؟
    ام محمد /اه...
    محمد/مقصرة معه بشي يمه؟؟؟بنتك مو قايمة فيه!!!!
    ام محمد/لا يامحمدلا....تزوج لانه يبي عيال واختك للحين ماحملت من بعد بنتها؟؟؟؟شوف
    كم صار عمر بنتها اللحين.....
    محمد/بس....هذا اللي خلاه يخطب يمه؟
    ام محمد/أي يايمه..
    محمد/متاْكدة ولاهي مخبية شي علينا؟
    ام محمد شهقت/محمد؟؟ليش تقول كذا عن اختك؟؟؟
    محمد/لانها مو داخلة راسي يمه!!!محمد عاقل ومااتوقع ان سبب مثل هذا بس بيخليه يتزوج
    على مرته اذا ماعندها أي مشكلة طبية؟؟؟يمه انتي متاْكدة هي ماقصرت ببشي من هنا
    ولامن هنا واستحت تقول؟؟
    ام محمد/لايامحمدلا؟؟؟لو كل البنات اللي بالعالم يقصرون هنادي ماتقصر
    وماتسويها؟؟؟تتكلم عنها وكاْنك ماتعف اختك يامحمد؟؟هذي نسمة يايمه نسمة,,,,لكن هذا
    كله من تدبير امه وعمته...
    محمد/يايمه ياحبيبتي شها الكلام!!!رجال وتزوج على مرته امه وعمته شيدخلهم بنص
    السالفة انا ابي اعرف؟
    ام محمد/انتوا يالرجال هاذي مشكلتكم ماتصدقون بسوالف الحريم اللي يسوونها؟؟؟
    /////////////////////////////////////////////////////////////في مطعم دارين....
    مرام/احلى شي بالعالم الطلعة معك ياخالد؟
    خالد/من ذوقك والله....
    جود/عبادي وخر عني ماابيك تاكل معي؟
    خالد/وش فيك عليه انتي!!!
    مها وهي تضحك/تغار من علاقتك فيه؟
    جود بعصبية/لا....
    خالد/تعال عبود اقعد جنبي..
    جود بعفوية/اذا سمعك ابوي تقول عبود بيعصب عليك؟
    مها/تصدق توني اخذ بالي انك ماتقول عبادي تقول عبود؟؟؟غريبة ...
    خالد توهق/ليه يعني؟
    مرام/كلنا بالبيت نقول عبادي كيف انت طلعت تقول عبود مثل بيت خالي!!!
    خالد وهو ياكل عبود علشان يبعد عن نظراتهم/مااحس ان فيها شي عبود وعبادي واحد؟؟؟
    مرام بخبث وبضحكة/شكلك انت وياها قبل تجيبونه دايم تقولون بيجينا عبود وبيجينا عبود
    فاخذ لسانك عليها!!!!!
    طاحت الملعقة من يد خالد ومها غمضت عيونها تحسبا للانفجار اللي بيصير بعد ثواني
    ومرام وقف قلبها .....
    خالد يكلم عبود/لذيذة الشوربة ورى ماتبي تشرب منها شوي؟
    مها ومرام ناظروا في بعض واستغربوا من ردة فعل خالد الغريبة انه طنش نهائيا وتجاهل
    الكلمة ؟؟بس كان باين عليه انفعال ثاني لان وجهه صار احمر وبان عليه الارتباك بس ظل
    شاغل باله بعبود....
    مها/صدق شنو الموضوع اللي كنت تبي تكلمني فيه؟
    خالد/ها..بعدين لاردينا البيت ..
    مها/قول اللحين ماعندي وقت بعدين؟؟(وراها محمد اللحين)
    مرام/وش وراك ياحسرة انتي اللي يبيك يلاقيك قاعدة بالصالة من كثر الفضاية اللي عندك؟؟
    مها/خلاص خلوني اشتغل؟؟
    خالد/بنت ...سكرنا ها السيرة ومانبي نرد لها من جديد؟؟
    مها/طيب,,,,,
    مرام/مها..وش صار على موضوع سعود ولد عمي؟
    مها بتاْفف/ماابيه!!!
    خالد تذكرها يوم كانت مع محمد بالشاليه وسكت..
    مرام/خالد انت شرايك..يعني سعود فيه شي يعيبه علشان تقول ماابيه؟
    خالد/.......القرار الاول والاخير لها ..مانقدر نقول لها تعالي اخذي هذا علشانه ولد عمك
    بس؟؟؟
    مرام/أي بس الشهادة لله سعود ماينعاب؟؟
    خالد بضحكة/انتي عاشقته يامرام؟؟
    مرام/خالد!!!!
    خالد ومها/هههههههههههه
    خالد/هههه وش فيك تدافعين عنه....
    ////////////////////////////////////////////////////////////////كانت قاعدة بالمستشفى على مكتبها
    بعد ماركبت مغذي للمريض الموجود وماكان في أي زحمة بالاسعاف ذيك الليلة....
    ظلت تفكر بكلام خالد,,,ياترى ويش يبي منك ياهيفاء ؟؟؟وش المواضيع اللي تخص عبود
    ويبي يتكلم فيها؟؟؟؟عبود...صار خالد يناديه عبود.....مهاوي طالعة معه خلني اكلمها يمكن
    تعرف شي من هنا ولامن هنا..
    ورفعت جوالها تدق على مها...
    ////////////////////////////////////////////////////////////////في بيت الفايز,,,
    ام محمد/يايمه..هذا مو كلام؟
    محمد/شلون يعني؟
    ام محمد/عادي طيب هاذي عروس والعروس كل شروطها مقبولة؟
    محمد/الا ها الشرط يمه؟؟
    ام ياسر/محمد؟؟وش فيك انت...وهي وش طالبة ماطلبت قصر..وبعدين انت تعال فكر فيها
    بالعقل بتلاقي ان معها حق..
    محمد/عمتي..
    ام محمد/الا صحيح وين بنتك؟مالها حس ها اليومين ؟
    محمد بتنهيدة/من بدت الاجازة وهي في بيت جدها؟
    ام ياسر/ليش وين سافروا بيت عمك؟
    محمد/ماسافروا بس طالعين يتمشون بالاجازة...
    ام محمد/نرجع لموضوعنا يامحمد؟
    محمد/يمه خليني ا..
    ام محمد/لاماني مخليتك اعرفك قلبك رهيف ومابتوافق؟؟
    محمد/شوفي يمه..
    ام ياسر/انت شوف واسمع زين .....
    //////////////////////////////////
    في المطعم كانوا ياكلون ويسولفون ويضحكون والجو وناسة وخالد اخذ اكثر على عبود
    وسوالفه
    وهم يسولفون دق جوال مها وهيفاء هي المتصلة...
    مها حطته سبيكر لانها كانت تاكل فما عرفت تمسكه.
    هيفاء قبل لاتتكلم مها /مشاءالله مشاءالله عيوني باردة...وش ها الوناسة هاذي كلها؟؟ورى
    ماعزمتونا نجي معكم!!!!
    مها بضحكة /حياك..
    خالد من سمع صوتها جته ردة فعل وصار يلعب عبود بصوت عالي علشان تسمعه وياكله..
    خالد/عبود تبي تاكل الكباب مثل طيارة ولاقطار؟
    هيفاء عرفته ودق قلبها بس حبت تتجاهله/مشاءالله احمد قايم بالقومة مع ولدي..اشكريه
    بالنيابة عني!!!!
    طاحت الشوكة من يد خالد يوم قالت اسم احمد وشبه انصدم؟؟؟
    مها تداركت الوضع بسرعة وشالت السبيكر وحطت السماعة على اذنها..
    مها/هذا خالد مو احمد؟
    هيفاء/اها...غريبة؟
    مها وهي تناظر بخالد اللي كان يناظرها وشكله يقول رجعيه مثل ماكان/وش الغريبة
    يعني؟؟
    هيفاء/ وش صاير فيه اخوك؟؟من متى ها الاهتمام بعبود ولدي؟
    سكتت مها وهي تناظر بخالد...
    خالد/وش قالت؟
    مها خافت من نظراته/..بعدين اكلم..
    سحب خالد منها الجوال ومرام ومها يناظرونه....
    مرام بسرعة/قومي جود بنروح الحمام؟
    اخذت اختها وطلعوا بسرعة لانها تعرف مها ممكن تهدي خالد بس قدامها مابينفع الشي...
    خالد/وش الغريبة ياهيفاء؟
    هيفاء دق قلبها من الخوف هذا خالد؟؟؟وش يبي يكلمها بالجوال..
    هيفاء/نعم؟؟؟
    خالد/سالتك وش الغريبة اللي قلتيها قبل شوي؟
    هيفاء توقعت ان التلفون كان سبيكر بعده علشان كذا سمعها فعادت له نفس الجملة حرفيا..
    هيفاء/وش اللي صاير فيك ياخالد من متى ها الاهتمام بولدي؟؟؟
    خالد سكت ومارد عليها وهو بعده حاط الجوال على اذنه..
    مها بهمس/خالد جيبه..
    خالد اشر لها بيده (انقلعي مو وقتك)
    بعد سكون وصمت دام ثواني
    هيفاء/وين مها؟
    خالد/وش تبين فيها؟
    هيفاء/بسالها عن شي؟
    خالد/شي يخص عبود؟
    هيفاء باندفاع/أي...
    هي ماكانت تبي تسال مها ولاشي بس صوت خالد رجع لها ذكريات كل ماجت تنساها تطلع
    لها من جديد وفكرت لو انها تقول أي لخالد ممكن ياخذ ويعطي وياها بالتلفون ....
    خالد/وش تبين تعرفين بالضبط؟
    هيفاء تنهدت وخالد تغيرت الوانه...
    هيفاء بهمس/عطني مها؟
    خالد/ووين راح صوتك؟؟؟ولا خفتي؟
    هي اللي انقلب حالها ها المرة وش يقصد بها الكلمة بالذات!!!!!
    هيفاء/خالد....
    خالد برومنسية وكانه تناسى وجود مها جنبه على الطاولة اللي كانت مستغربة من طريقة
    خالد ومكالمته لهيفاء..../عيون...
    لو ما عبود بها اللحظة طيح الكاس من فوق الطاولة وكسره كان كملها لها بس سكت؟
    وهي قلبها وقف من
    ا لكلمة واللهجة اللي ماتوقعتهم ابدا منه...؟؟
    هيفاء/شكلكم مشغولين وانا....
    خالد/ماراح تسكرين قبل لاتقولين وش تبين تعرفين عن ولدك؟
    هيفاء/هو اللي كسر الصحن قبل شوي صح؟
    خالد/لاتلفين وتدورين؟
    هيفاء/لاتصارخ عليه..اكيد انك مقعده فوق الطاولة وهو مد رجله وماانتبه له..
    خالد لاشعوريا رفع عينه لعبود اللي كان ياكل فوق الطاولة وماهمه..
    خالد/انتي خايفة على ولدك وهو معي ياهيفاء؟
    هيفاء ماكان عندها أي شي تساله مها عن عبود بس يوم قال خالد ها الشي عطاها اجابة
    ببلاش...تنهدت وقالت له/أي..
    خالد/ليش ماهو ولدي بعد؟؟
    هيفاء بحرارة/بس لاتنسى انه ولدك بس على الاوراق الرسمية ياخالد!!!!!!!!!
    //////////////////////////////////////////////////////////////////////////الجدة كانت ماخذة سارة تنام
    عندها مو حبنا فيها بس علشان تعرف السالفة كاملة..
    الجدة/ماقلتيلي شفتي البنت اللي ابوك خطبها؟
    سارة بعفوية/لا..
    الجدة/ومتى بيجيبها عندكم البيت؟
    سارة/مدري..
    الجدة/كيف ماتدرين؟
    سارة/مدري عن شي بس يوم امي صارت تنام عندي بالغرفة قالت لي ابوك خطب ياسارة
    وبس هذا كل اللي اعرفه؟
    الجدة/وكم ليلة امك نامت عندك بدارك؟
    سارة/اوه ياجدة خليني بنام تعبت من هذرتك؟
    الجدة بعصبية/وان شاءالله انا مضيقة على روحي بالنومة علشان حضرتك تقولين لي
    مااعرف شي؟؟؟ياتتكلمين مثل الاوادم ياانقلعي بامي عندهم؟؟؟والله...
    ////////////////////////////////////////////////////////
    بعد ماخلصوا عشاهم طلعوا من المطعم ودربهم على بيتهم وخالد طول الوقت ساكت ومها
    احترمت سكوته وسكتت هي بعد بس حست ان بينه وبين هيفاء شي وان احد فيهم مخبي
    عليها وعبود كل مايمرون على مطعم قال شورما شاورما...
    جود/توك متعشي حشى ماشبعت؟
    خالد/وبعدين انتي معك؟
    عبود يكلم خالد اللي كان قاعد بحضنه/ماما هيفاء تحب الشاورما؟؟؟مو عبود؟
    طبعا هم ماسمعوا بس خالد اللي سمعه لانهم كانوا يسولفون وعبود بحضن ابوه...
    وصلهم لعند البيت..
    مرام/خالد عبادي بينام معنا؟
    خالد سوى روحه مو منتبه لوجود عبود معهم..
    خالد/اوه ه عبود هنا بعد...تبي تنام هنا ولا هناك؟
    مها بس كانت حاسة بها الشي لان عبود كان بحضنه طول الوقت فمو معقول انه نسى
    وجوده!!!
    عبود/هناك مع سارة؟
    مها/انتظرك ولا انام؟
    خالد/ها ليش؟
    مها/انت تقول ابيك الليلة بسالفة ؟
    خالد/أي صح..انتظريني؟
    مها/مطول؟
    خالد/لابس بوصله وعندي شغلة بسويها وبرد؟
    مها/اللي هم؟
    خالد/لو كنت بقولك شنو ماقلت لك شغلة بس ياشين اللقافة؟
    مها/هههه زين لكن مردودة ياخويلد؟
    دخلوا البيت هم واغراضهم وكل واحد قعد بجهة ينشر باغراضه....ومها ركبت فوق
    غرفتها...وعلطول دقت على محمد..
    محمد بلهفة/وينك انتي ها؟
    مها/مافي سلام؟
    محمد/لا طبعا لين مااعرف وينك فيه؟
    مها/كنت مع العيال رايحين المكتبة ياخذون اغراض للمدارس...
    محمد/اوه ه يعني بكرة انا دوري بعد اوديهم للمكتبة؟؟طيب ورى ماقلتيلي الليلة علشان
    اشوفك هناك؟
    مها بدلع/مو مشكلة اكيد في شي من هنا ناقص ولامن هناك يعني مو معقولة كل الاغراض
    كملت من ليلة؟؟؟
    محمد/ههه ياخربوطة...
    مها/اشتقت لي...
    محمد//اممم يعني؟



    البارت الواحد والعشرين,,,,
    /////////////////////////////
    مها بزعل/شلون يعني؟
    محمد/يعني قولي احبك وشوفي وش يطلع معك؟
    مها بتغلي/ماراح اقولها لين اعرف اذا كنت اشتقت لي ولالا؟
    محمد/يعني تتغلين وماتعرفين شقد غلاتك عندي؟؟؟
    مها/لاتنسى اني محرومة من احاسيسك من زمان يامحمد فلا تصير بخيل علي؟؟؟
    محمد/تصدقين يامها..
    مها/شنو ياعيون مها...
    محمد/خفت ان احنا ماراح نرد لبعض من جديد؟
    مها/محمد ممكن نتكلم مع بعض بصراحة؟
    محمد/.....خير في شي؟
    مها/خالد وهيفاء تطلقوا ليش انا شلت ذنبهم وفارقتني انا بعد؟؟؟
    محمد/.................
    مها/قول....ابي اسمع منك ها الشي؟
    محمد/مافي شي اقوله؟
    مها/محمد الله يخليك لعيوني لازم تقول؟؟ليش حملتني ذنب فراقهم انا بعد؟

    محمد تنهد.../مها..
    مها بخوف/قول...
    محمد/غيري الموضوع...مانبي نتكلم بالماضي؟
    ///////////////////////////////////////////////////////
    كانت قاعدة بمكتبها بالمستشفى وهي تلعب بالقلم اللي بيدها وهي شبه سرحانة...
    تفكر بخالد وبحاله اللي انقلب فجاْة مية وثمانين درجة!!!
    ياترى شنهي اسبابك ياخالد ولا شناوي عليه؟؟
    عبود/ماما شاورما؟
    رفعت راسها وهي متاْكدة من صاحب ها الصوت اللمميز لااذنها؟؟
    هيفاء رجعت الكرسي لورى وقالت باندهاش/عبود؟؟؟؟ليه جاي هنا؟؟؟
    وماانتبهت لخالد اللي كان ساد الباب المفتوح من وراه؟؟
    عبود/مد يده/جبت لك شاورما اللي تحبيها علشان تاكليها.؟
    هيفاء حضنته بقوة/يابعد عمري انت؟؟؟ياحبيبي..تعال بعضك؟؟
    عبود/لالالا
    هيفاء/هههههه
    الفلبينية اللي معاها بالغرفة/هذا بيبي انتي هيفاء ؟
    هيفاء/أي..هذا عبود ولدي؟
    الفلبينية مدت يدها لعبود/ها عبود شلونك سوي سلام يالله؟
    عبود/ماابيك؟
    هيفاء/لا عيب..
    الفلبينية/ههه انت جميل عبود...يشبه بابا واجد مايشبه ماما هيفاء؟
    هيفاء رفعت راسها وتوها انتبهت ان خالد كان موجود بالغرفة نفسها وهي قاطة الميانة
    اللحين تبوس في عبود واللحين تعضه واللحين تحضنه....
    وش اللي موقفه هنا لاوحضرته يوزع ابتسامات بعد؟؟؟
    هيفاء/خالد...
    خالد/مرحبا....
    هيفاء/هلا..
    عبود/ماما تروحي البيت؟
    هيفاء/لاحبيبي انا عندي شغل بالمستشفى بجي الصباح اذا خلصت دوامي؟
    عبود/يالله ماما تعالي معنا؟
    هيفاء/انت وين بتروح اللحين؟
    عبود/بقعد معك؟
    هيفاء باستنكار/لالالا حلوة ذي نلعب احنا ؟؟انا وراي دوام ومايرضون هنا حبيبي يخلونك
    تقعد؟
    خالد/يالله تعال..
    عبود/لا بقعد عند امي؟
    خالد/يالنكاب مو قلت لي امي تبي شاورما بس نعطيها اياه وتوديني البيت انام؟؟صح
    ولالا؟تكذب علي؟
    عبود/بنام هنا عند امي شوف في سرير هنا؟
    الفلبينية احترمت وجود خالد وطلعت من الغرفة...
    هيفاء/طيب تعال نام هنا على السرير علشان اجيب لك الابرة اللي تعور؟
    عبود/لا..بنام...ماابي ابرة..ماحد نايم على هذا السرير شوفي؟
    هيفاء/ياولد الناس هذا مو حقك؟
    انبطح عبود على السرير وابوه راح وراه يشيله وقام يصارخ يبي يقعد عند امه..
    هيفاء/هاذي الابرة جبناها لعبود الكسلان؟؟؟ها تبيها؟
    عبود/لالالا
    هيفاء/بتعاندني؟
    عبود/لا...
    هيفاء/خلاص مدام انك تخاف منها بحملها معي البيت ومن تعاندني بطلعها لك زين؟
    عبود/اضربي بابا خالد هو كسلان مايطاوع يعاند؟؟؟
    التقت عيونهم ببعض وحست بوميض غريب بعيون خالد ولفت وجهها ها المرة بعيد عنه...
    خالد/يالله قوم...
    عبود/بتشتري لي دانيت؟
    هيفاء/لا..مايصلح ياماما اكلت اليوم اثنين؟
    عبود/ابي دانيت بتشتريلي دانيت بروح؟
    خالد/لا مابشتري امك تقول انك اكلت اليوم؟
    عبود/يعني انت كسلان وتعاند؟؟ماما هيفاء اضربيه الابرة علشان يطاوعني؟؟؟(سحر مو
    ابرة ياعبود؟؟؟)
    مسك عبود يدها اللي كانت فيها الابرة
    هيفاء/وش تبي؟
    عبود/اضربي بابا خالد لانه هو كسلان؟
    هيفاء/طيب بضربه انت قوم من السرير يالله؟
    عبود/لا اضربيه اول؟
    هيفاء/طيب انت انزل اللحين..
    عبود باصرار/اول تضربيه الابرة ويبكي وبعدين نروح علشان يطاوعني؟
    هيفاء/لااله الا الله عليك من ولد عنيد؟
    خالد بضحكة وهو حاس باحراجها/طيب اضربيني علشان يسكت مانقدر على صراخه
    وزعله؟؟
    رفعت عيونها له بشوية عصبية ومد لها يده بكل نعومة وقال لها بهمس/اضربيني؟
    هيفاء نزلت راسها بالارض(الله ياخذك ياعبود وياخذه معك زين؟؟)
    خالد/يابنت الناس سوي روحك ماهي صعبة؟
    عبود/ماما اضربيه ابرة يالله علشان يطاوع؟
    مدت يدها باصابع مرتجفة وهي تسوي روحها بتضرب خالد ومن لامست اطرافه حست
    بالحرارة تسري بجسمها كله.......
    خالد بغاها من الله ومسك يدها وتنهد.....وقربها منه اكثر...
    هيفاء وهي شبه ميتة من قربه/وش تبي انت ؟
    خالد بعفوية/تضربيني ابرة علشان اطاوعه!!!!!!
    سوت روحها تفتح الابرة وتضرب خالد اللي قام يتعير ويسوي روحه تعور...
    هيفاء بشرود/خلاص ضربته عبود ماراح يعاندك؟
    مسك خالد يدها بسرعة/تعورني ؟؟؟حط يدك عليها علشان ماتعورني؟
    هيفاء/خالد..
    خالد يكلم عبود/شوف عورتني الماما اللحين بطاوعك بس قول لها تحط يدها علي علشان
    يروح الالم انا بصير شاطر؟
    عبود/ماما حطي يدك البابا مسكين؟
    هيفاء/خالد..اطلع من هنا بسرعة!!!
    خالد تنهد/لازم نحكي؟؟؟في اشياء كثيرة لازم نحكي فيها؟
    هيفاء/قلت لك اطلع قبل لاافقد اعصابي ياخالد!!!!!!
    خالد شال عبود وهمس لها/طالع ياهيفاء طالع!!!بس تذكري ان احنا لازم نتكلم مع بعض
    وبااقرب فرصة تجيك وبظل منتظرك؟؟؟
    /////////////////////////////////////////
    طلع وتركها نار تغلي وماهي عارفة شنو تسوي ولاحتى تتحرك من مكانها؟؟وظلت تتامل
    في يدينها اللي مسكهم خالد بين يدينه!!!!
    خالد........اكرهك ياخالداكرهك اكرهك؟؟؟؟؟؟؟؟؟؟؟؟
    ///////////////////////////////////////////////////////////////في غرفة مها...
    مها /لحظة شوي حمودي....منو؟
    خالد/انا انا خالد تعالي ابيك؟
    مها/جايتك يالله؟
    حبيب بتركك اللحين يبوني البيت شوي زين؟
    محمد/طيب مطولة ولاكيف؟
    مها/مدري..بتنام؟
    محمد/لا طبعا الليلة الجمعة بظل متتظرك زين؟
    مها/باي حبيبي....
    **************************************في غرفة خالد كان لابس بيجامة سودة وقاعد
    على الاريكة الطويلة المقابلة النافذة...
    مها عند الباب/وصلت؟
    خالد/ها الوقت كله على قهوة ياحظي؟؟؟
    مها حطت فنجانه جنبه وقعدت قباله/بدل ماتقولي شكرا !!!
    خالد شرب القهوة ومااستطعمها/ماقلت لك سويها مرة؟؟
    مها/بس هاذي مو مرة ياخالد ؟
    خالد/انا قلت ابيها سكر زيادة!!!!
    مها/جيب....
    خالد/غريبة بترجعين تصلحينها من جديد؟؟
    مها/أي اصلحها أي خرابيط؟؟بحط لك صبعي فيها يذوبها وبتصير حلى زيادة مو بس سكر
    زيادة!!!
    خالد/مااظرفك على اخر الليل؟؟
    مها/شكلك مو رايق ابدا؟؟
    خالد/أي والله ماني برايق؟؟؟بس مو مشكلة.....مها...في ..
    مها/خير...
    خالد/في واحد اعرفه وعزيز علي جدا....ماراح اقولك منهو.....طالب القرب مني فيك؟
    مها سكتت ونزلت راسها بالارض/خالد انا مو موافقة؟؟
    خالد بحنان/ليه؟؟؟
    مها/مو جاي ...
    خالد/انا ماقلت لك منهو حتى؟
    مها/الفكرة ماهي في بالي اللحين؟
    خالد/شلون يعني؟
    مها/مو وقته؟
    خالد وللحين في باله محمد بس ماحب يحرجها/ومتى بيصير وقته؟
    مها رفعت راسها لخالد..خالد اللي طول عمره بحر اسرارها وكل شي يعرفه الا سالفة
    محمد؟؟هي اصلا ماكنت تقدر تقول لااي كان عن محمد لان ماصارحها بحبه الا قبل كم
    يوم؟؟؟ماكانت تقدر تقوله بيني وبينه تفاهم مايل للحب بيقول لها انتي واهمة؟؟؟بس اللحين
    تصارحه ولالا؟؟؟
    خالد/وين رحتي؟
    مها/ها...لابس خالد قوله ان اختي.....
    خالد/شفيها اختي؟؟شقوله يامها؟
    مها/مالك نصيب عندنا بس كل شي قسمة ونصيب؟؟
    خالد(عارف ها الكلام يامها ومتاْكد منه بس علشان ابري ذمتي لازم اقولك عنه.....ياربي
    يجمعك انتي ومحمد على خير وهناء)
    مها في بالها(خالد..انا نذرت عمري لمحمد ولايمكن اتنازل عن نذري؟؟؟لو مااخذني محمد
    مايلمني غير قبري؟؟)
    مها/خالد...
    خالد ناظرها/هلا....
    مها/خلصت موضوعك؟
    خالد/ليش تسالين؟
    مها بمرح/علشان نكمل سوالفنا طبيعي؟
    خالد/ههه أي خلصت موضوعي تفضلي سولفي..
    مها/احم احم احم...خالد ممكن اسالك سؤال؟
    خالد/خير؟
    مها/انت وهيفاء........شلي صار يعني احسك انقلبت ومعاملتك تغيرت؟
    مارد عليها خالد وظل ساكت ورفع عينه سقف الغرفة يناظرها....
    مها/خالد...حتى عبادي تغيرت معاملتك معه مرة وحدة؟؟؟انت ماكنت تطيق تناظر
    بوجهه؟؟اللحين سبحان الله تغيرت....شلي صار ياخالد؟؟ممكن تفهمني وتعلمني شصاير؟
    خالد ظلت عيونها مكانها ف يسقف الغرفة وهو يفكر بينه وبين نفسه(شقولك يامها
    شقولك.....اقولك حنيت لاايامي معها؟؟؟صحيح اني ماحبيتها ويمكن هي ماحبتني بس كان
    بينا ارتباط رسمي وانتي عارفة هذا لوين يودي؟؟؟؟؟لمست يدينها حرقتني يامها وخلتني
    مشتت وافكاري ضايعة؟؟؟؟شقولك يامها...اقولك فيني نار شابة ومابيرويها ويطفيها غير
    حضن هيفاء!!!!اه يامها اه...لاتساليني عن شي اللحين مقدر اقولك شلي صار ولا شلي
    بيصير؟؟؟جت في باله ها اللحظة صورة هيفاء وهي واقفة وخايفة بالمستشفى وتقوله يطلع
    من المكان قبل لاتفقد اعصابها!!!!!لو فقدتي اعصابك شكنتي سويتي ياهيفاء؟؟؟؟؟)
    مها/خالد.....خالد؟؟؟خالد؟؟؟وين رحت؟
    خالد انتبه لها/ها.....
    مها/الله واكبر عليك من زمان وانا اكلمك وانت سرحان ياحظي؟
    خالد اعتدل بقعدته.....ومسك صينية القهوة والفنجان وعطاهم لمها/اقول مها شكلك نعستي
    حبيبتي؟
    مها /لا مانعست وابي اسولف؟
    خالد/الا نعستي باين على وجهك؟؟
    مها/اقولك مانعست صدقني!!!
    خالد عطاها الصينية/ماعلي حبيبتي انا اسف انا نعست وابي ارتاح...ابي انام بكرة نسولف
    طيب..تصبحين على خير؟؟؟
    مها/اوووووووف منك؟؟؟؟تتهرب ادري بيك..لكن مابتروح من يدي؟؟بكرة من صبح الله انا
    على راسك......
    ****************************************رجعت مها غرفتها وقفلت الباب وتمددت
    على السرير ودزت لمحمد مسج(قاعد لونايم انا فضيت؟)
    ماصارت الاثواني وهو متصل لها...
    محمد بلهفة/هلا وغلا...
    مها بتنهيدة ارتياح/هلا فيك والله مانمت؟
    محمد/انتظرك
    مها/متاْكد مانمت وانا صحيتك؟
    محمد/لا ظليت انتظرك وبماانك الليلة سهرتيني فلازم تعطيني مغريات ترضيني فيهم؟؟
    مها بدلع/مثل شنو؟
    محمد/منوكان يبيك...؟
    مها/خالد...
    محمد/سوالف ها الحزة عاد؟
    مها/هو كان يبي يقولي من الصبح بس انا مافضيت...
    محمد/خير ان شاءالله؟
    مها/سلامتك.......بس في واحد من ربعه يبي يتقدم لي وطلبني منه؟
    محمد/وانتي وش قلتي له؟
    مها/قلت له اذا المعرس ماينعاب وانت تمدح فيه حياه الله خل يجيب اهله
    ويجون؟؟؟
    محمد بعصبية/شنو؟
    مها/ههههههه
    محمد/بنت لاتلعبين باعصابي وتكلمي جد؟؟؟
    مها/ويش اسوي فيك يعني؟؟سالتني وجاوبتك؟
    محمد/ابي الصدق يامها؟
    مها برومنسية/القبر بيكون لي عريس اذا مااخذتني يامحمد؟؟؟؟؟لاتفكر اني برضى اكون
    لغيرك وانا اللي قاعدة انتظرك طول ها المدة؟؟؟
    محمد تنهد تنهيدة ارتياح..../مها...تعرفين انك الحب الخالد!!!!
    ////////////////////////////////////////////////////////////////اليوم الثاني الضهر في بيت
    السالم....
    هند/غريبة هيفاء مانمتي ماهي عوايدك اذا صار دوامك اخر الليل تجين الصبح وماحد
    يشوفك؟
    هيفاء كانت متضايقة حييل من اللي صار بينها وبين خالد البارحة ومانامت ولافكرت تنام
    اصلا!!!
    هيفاء بسرحان/افكر..
    هند جلست جنبها/في شنو؟
    هيفاء/في الحياة..
    هند/باي جزء من الحياة...حددي؟
    هيفاء بتنهيدة/في المستقبل؟؟؟
    هند/المستقبل؟؟؟ليش كلنا نفكر في المستقبل ياهيفاء؟
    هيفاء/لانه المستقبل ياهند لانه المستقبل؟؟؟الشي المجهول اللي محد عارف وش بيصير
    فيه؟؟اللي الكل يتخوف منه؟
    هند/يعني اذا فكرنا للمستقبل يصير الشي بعدين على هواناومثل مانبي احنا؟؟
    هيفاء/مو بكل شي..في اشياء نقدر نحددها بس في اشياء مالنا ارادة فيها؟
    هند/مثل شنو؟
    هيفاء/شقولك يعني؟؟مثلا دراستك وتخصصك هذا شي انتي تحددينه وتقعدين تخططين في
    المستقبل وش تبين تصيرين؟؟لكن منو تتزوجين هذا شي مو على كيفك؟
    انقلب وجه هند احمر من طاري العرس وهي في بالها صورة احمد..
    دزتها هيفاء/ها وين رحتي شظحتي بافكارك للعرس يامجنونة؟
    هند استحت وقامت..
    هيفاء/هههه شوفي عبود شيسوي مع سارة فوق؟
    هند/طيب....
    قامت هيفاء وراحت المطبخ اللي كانوا قاعدين فيه ابوها وامها وهنادي......
    هيفاء/ياسلام..اجتماع سري؟
    ابو محمد/هنا بالبيت مافي اجتماعتا سرية مايمدي؟؟
    هيفاء/ههه أي والله وانت الصادق؟
    هنادي/ليش مانمتي؟
    هيفاء/والله انا فكرت فيها...وقلت اذا نمت بضيع علي احلى جمعة يوم جمعة بالعالم لاسيما
    انك معنا اليوم على السفرة؟
    ام محمد بحنان/بس يايمه مابتقدرين تروحين الليلة المستشفى وانتي مواصلة؟؟اكيد بعد
    الغذى بتتقهوين مع مشاري وشوفي متى بتنامين؟
    هيفاء/يايمه لاتخافين علي...انا مااروح المستشفى الا الساعة تسع يمديني العصر انام لين
    اذان المغرب وبعدها اقوم؟
    هنادي/مابتكونين شبعتي نوم؟
    ابو محمدطيب قومي نامي لك ساعتين لين ارد من صلاة الجمعة وبعدها قعدي؟
    هيفاء/ههه وش فيكم ماتبوني قاعدة معكم؟
    هنادي/جزاتنا ان احنا خايفين عليك؟
    هيفاء/وين جدتي؟
    ابو محمد/مع مشاري....
    هيفاء/لها ابرة سكر يبيلي اعطيها اياها..زين ان مشاري عندها علشان يصيطرعلى الموقف
    شوي بروحي مااقدر عليها؟
    هنادي وابو محمد/هههههه
    دخل احمد اللي توه قاعد من بعد سهرة البارحة/السلام عليكم.....
    الكل/وعليكم السلام والرحمة....
    محمد/شلونك يبى...
    ابو محمد/طيب......بتجي معي تصلي الجمعة؟
    محمد/اسبقني انت انا توني قاعد بريح شوي...
    ابو محمد/انا ماباروح اللحين باقي لها ساعة وشوي....
    محمد/خير...
    ام محمد/احط لك شي تاكله بدل ها القهوة اللي تعلمتوا عليها تشربونها بكل وقت؟
    محمد رفع كوبته/لا يمه تكفيني القهوة ديري بالك على الغذى بس وتوصي فيه زين ترى
    جوعانين؟
    هنادي/خاطرك بشي معين اسوي لك اياه؟
    سكت محمد وظل يناظرها....وسكتوا كلهم...



    البارت الثاني والعشرين,,,,
    //////////////////////////////
    ام محمد/احط لك شي تاكله بدل ها القهوة اللي تعلمتوا عليها تشربونها بكل وقت؟
    محمد رفع كوبته/لا يمه تكفيني القهوة ديري بالك على الغذى بس وتوصي فيه زين ترى
    جوعانين؟
    هنادي/خاطرك بشي معين اسوي لك اياه؟
    سكت محمد وظل يناظرها....وسكتوا كلهم...
    محمد/هنادي..
    هنادي/خير ياخوي؟
    محمد/انتي ليش قاعدة هنا؟
    نزلت هنادي راسها بالارض وهي اللي متوقعة ان محمد مايعديها لها....
    هيفاء/وخير يعني وش فيها اذا كانت هنا؟
    محمد/انتي سكتي ماحد كلمك؟
    سكتت هيفاء...هي تصالحت مع محمد بالاسم بس!!!يعني لسه مو راضي عنها بالمية بس
    ممشي الوضع بكيفه وعلشان ابوه وامه وهذا اللي هي متاْكدة منه؟؟؟؟
    هنادي/ وجودي مضايقك يعني؟
    محمد/لا مو مضايقني بس اذا طالعة بس لان زوجك خطب فهذا ممو من الاصول يابنت
    الاصول؟؟؟
    هنادي/شلون يعني؟
    محمد/يعني هو ماطردك من البيت وقال لك طلعي ليش طلعتي؟؟؟
    هنادي/ماراح انتظره لين يطردني يامحمد؟
    محمد/ومنو قال لك انه بيطردك عاد؟؟؟قعدتك هنا مالها داعي ردي بيتك ياهنادي؟؟
    هنادي وقفت/هذا بيت ابوي يامحمد واذا انا ضايقت ابوي بوجودي انا وبنتي ساعتها بطلع
    منه ولاني داخلة الا بامر منه هو ؟
    محمد بصرامة/هنادي عقلي وردي بيتك....مالك أي حجة انك تطلعين من بيتك حرام هذا
    لاربك يرضاه ولاعبيده؟؟الرجال خطب ماسرق؟؟؟وبعدين لو سوى شي كبير ساعتها طلعي
    بيت اهلك ماهو عاجز عنك؟
    هنادي/شي كبير مثل شنو يامحمد؟؟اذا عجز عني اللحين متى بيضمني؟
    محمد/ياهيفاء انتي ماتطلقتي لاسمح الله علشان تطلعين من البيت؟؟؟
    لفوا كلهم لصوت الكوبة اللي انكسرت من يد هيفاء!!!!!!!
    رفعت راسها وناظرته بنظرات حزن(هذا محمد وبيظل محمد مايعرف غير يجرح
    وبس!!!!)
    وقفت من كرسيها..
    ام محمد/وين توك تقولين بتقعدين ؟
    هيفاء/بروح اشوف عبود؟
    ام محمد برجاء/عفية يمه شوفيه وتعالي ساعديني ابيك تساعديني اليوم؟
    هيفاء ودموعها بطرف عينها وبصوتها غصة/ان شااءالله....
    راحت وهي تلف وراها خيبتها وذلها من ها الطلاق اللي خرب حياتها؟؟؟
    ابو محمد/كان لازم تجيب ها الموضوع يامحمد؟
    محمد/مو قصدي يبى..بس انت تشوف ان قعدة هنادي عدلة ومن الاصول؟
    ابو محمد/انا ابوها يامحمد وبعدني موجود بينكم مامت؟؟؟لاتحاسب اختك وانا هنا يامحمد؟؟
    طلع محمد متضايق من ابوه اللي مخلي ها البنات على كيفهم...
    وهنادي المسكينة من وقفت ظلت بمكانها واقفة لاقدرت تقعد ولاقدرت تلحق هيفاء
    تواسيها....
    ابو محمد بحنان/قعدي يبى قعدي بسولف معك؟
    هنادي/خير يبى...انت متضايق مني؟
    ابو محمد/حشى يبى اذا ماشالك البيت تشيلك عيوني؟؟بس ابيك تقولين لي شفيك وليه
    متضايقة من زوجك؟
    هنادي قعدت على كرسيها وبعيونها الف دمعة ودمعة بس ماكانت تقدر تبكي قدام امها...
    ها الانسانة العظيمة اللي متحملة كل شي علشانهم حتى بعد ماكبرتهم وزوجتهم....
    ابو محمد/يبى هنادي..انا محمد اعرفه وكاْني مربيه قولي لي شصار؟
    هنادي بحزن/عافاه الخاطر يبى؟؟
    ام محمد رفعت عيونها وناظرت بنتهابخوف/شنو يعني يايمه؟؟
    هنادي كتمت دموعها وتنهدت/ماني قادرة اشوفه يايمه ماني قادرة؟؟؟؟؟من كذب علي بسالفة
    بيع البيت وانا مو قادرة اصدقه بشي؟؟؟؟احس كل شي بينا قاعد يصير كذب بكذب؟؟؟؟
    //////////////////////////////////////////////
    خالد كان طول الليل يتقلب بفراشه ماجاه نوم ..
    يفكر بلي صار بينه وبين هيفاء بالمستشفى وصار يبتسم بينه وبين نفسه كل ماذكر انه مسك
    يدها ...
    شقد كانت لمسة يدينك حارة ياعمري!!!!
    اه بس لو ترضين ان احنا نقعد ونتفاهم واقولك عن اللي بقلبي وتسمعيني....
    بس ياخالد لو قلت لها عن اللي بقلبك وماصدقتك ؟؟شبيصير؟؟
    لا ياخالد لاتفكر بها التشاؤم خلك واثق من نفسك ومن تاْثيرك عليها!!بعدين لاتنسى ان بينكم
    عبود وانت لازم تتشيطر قد مافيك علشان تكسبه بصفك؟؟؟؟
    على طاري عبود اقوم اكلم مها عادل واقوله اني بمره انا وعبود نطلع نتغذى....
    وتذكر عادل وسالفته....الحمد لله اني ماقلت لمها انه عادل....علشان لو قلت لها بعدين
    شوفي له بنت حلال ماتقول ان عادل خطبها قبل اعرف البنات شلون يفكرون؟؟؟

    //////////////////////////////////////
    قعدت بغرفتها كئيبة,,,حزينة,,,شايلة هم جبال فوق راسها,,,
    ياربي..ليه دايم يعايروني ويذكروني بطلاقي من قريب لو من بعيد,,!!!هو صار الطلاق
    عيب بها الزمن؟؟؟
    انا مالي شغل بللي صار والله مالي شغل؟؟؟مايمر علي شهر افرحه كله بدون
    منغصات,,لازم اتذكر اني تطلقت!!!حسبي الله ونعم الوكيل......
    لاتبكين ياهيفاء لاتبكين؟؟لاتحسسين نفسك انك ضعيفة ومنكسرة؟؟انتي عاهدتي نفسك
    تكونين قوية...وتكونين اقوى من الكل ..خلاص امشي على ها الطريق بدون تردد
    ولاتلتفتين وراك تشوفين وش اللي قاعد يصير..لايهمك أي شي ياهيفاء أي شي!!!
    حتى سراب خالد اللي قاعدة تفكرين فيه شيليه من بالك وعيشي حياتك بثقة بعيدا عن كل ها
    المشاعر المزيفة.....
    هيفاء.....
    رفعت راسها ولقت هنادي قدامها....ابتسمت..رغما عنها ابتسمت..ماتدري وش اللي يصير
    فيها اذا شافت هنادي تحس بالاحراج منها لطيبتها وبها اليومين صايرة تخفي عنها مشاعر
    الحزن والهم يكفيها اللي عندها,,,,
    هنادي/فيني اسولف معك شوي؟
    هيفاء ضحكت ووقفت/مع اني كنت نازلة اساعد امي بالطبخ..بس مو مشكلة نسولف واحنا
    نازلين...
    وقفت هنادي جنبها وقاموا يمشون مع بعض على هونهم...
    هنادي/زعلتي؟؟
    هيفاء بلا مبالاة/من شنو؟
    هنادي/انا اعرفك ياهيفاء لاتسوين روحك مو مهتمة؟
    تنهدت هيفاء لان اللعبة مكشوفة/شتبيني اقولك؟؟زعلت؟؟واذا زعلت وشبيصير يعني!!!!
    هنادي/هو مايقصد.....
    هيفاء/هو ماتصالح معي الا ظاهريا بس ياهنادي..هو شايل علي من شغلي بالمستشفى
    وماراح يرضى لين اطلع من المستشفى؟؟؟
    هنادي/لاتخلطين الامور ببعض ياهيفاء؟
    هيفاء/بلى..محمد انا اعرفه زين.....مابيريحه شي غير طلعتي من المستشفى؟
    هنادي/اشوف العلاقات تحسنت كثير بين خالد وعبود؟
    هيفاء/ها...
    هنادي/معقولة مو ملاحظة....توه اتصل قبل شوي وقال بيمره يطلع يتغذى معه عند
    الشباب؟
    هيفاء سكتت وهي موقف خالد البارحي في بالها..
    هنادي/شفيك؟
    هيفاء ناظرتها بحزن/ليش تتوقعين ان خالد بدى يميل لولده؟
    هنادي بدهشة/سؤالك غريب بجد؟؟؟شلون يعني مو ولده؟؟؟معقولة مابتحن مشاعره له ابدا
    بيوم من الايام!!!!
    هيفاء/وليش ماحنت من البداية ياهنادي؟
    هنادي/في البداية كان بعيد عنه...ويمكن الظروف كانت ماْثرة عليه انكم تطلقتوا...بس
    اللحين خلاص...عبود كبر وبصراحة يفرض حبه على مين ماكان؟؟
    هيفاء ابتسمت/صحيح!!!
    هنادي/ليش انا امزح..هذا عبود قمرنا كلنا؟؟
    هيفاء بفرح/تحبينه ياهنادي؟
    هنادي/حرام عليك؟؟معقولة مااحب ها القمر ولد القمر؟؟؟بس انا ودي اكل خدوده
    بصراحة؟؟
    هيفاء/هههههههه وش تاكلين فيهم دانيت على بطنه!!!
    هنادي/هههههههه
    //////////////////////////////////////////////////////////خالد وعادل وعبود بالمطعم الهندي..
    خالد/شكلي بغير رايي فيك ياعبود ومابوديك الا كنتاكي ومكدونالدز؟؟؟؟
    عبود/ها..
    خالد/يالله اقعد عدل على الكرسي لاتفشلني مو قاعد لي بنص الطاولة؟؟؟؟
    عادل بفرح/خله زين!!عبود ماعليك منه خلك قاعد...
    خالد/علمه علمه انت بعد!!البارح بمطعم دارين كاسر لي صحن من زين قعدته!!!
    عادل/قوله فدوة انا اروح للصحن وللمطعم كله بعد!!!الا خالد ورى اليوم مارحت تغذيت في
    بيت جدك معهم!!!
    خالد تنهد/مالي خلق....
    عادل/ماصاير تتواصل مع اهل ابوك ها الفترة؟؟منت ملاحظ ها الاشي!!!
    خالد/بلى..بس من جد مالي خلق.....عمي ماراح يهداْ لين يزوج مها لسعود ويزوجني
    لبنته!!!
    عادل/غصب هي؟؟؟
    خالد/المشكلة انه ابوي داخلة الفكرة ومعششة في باله!!!
    عادل/شها العقلية المتخلفة!!عفوا ياخالد بس ملعدنا بالزمن القديم ....
    خالد/كل العيلة ماشية على ها المنوال ياعادل لاتستغرب ها الشي!!!!!!بس تدري شلون ان
    شاءالله ابوي يظل على حبه لمها ومايغصبها بالنهاية؟
    عادل/........
    خالد/عادل انا مستحي منك بس انا كلمتها وقالت انها مالها خاطر بالعرس اللحين؟
    عادل/وليش مستحي؟؟عادي ياخالد كل شي قسمة ونصيب؟
    خالد/ماابيك تفهمني غلط ياعادل انا ماقلت لها انك عادل قلت لها واحد اعرفه...
    عادل/وليش بزعل منك عاد؟؟؟انا لااعرف اختك ولابيني وبينها أي شي علشان ازعل
    ياخالد؟
    خالد/اذا بعدك ملزم على انها تختار لك بتركها فترة وبعدين بقولها عادل يبي يتزوج
    واقترحي علينا اسماء بنات تعرفينهم,,,
    عادل/طبعا بعدني ملزم!!!قلت لك ماعندي احد ياخالد ماعندي غيرك انت.....واللي بتختاره
    اختك اكيد بيكون يناسبني؟
    خالد/تسلم ياعادل تسلم.....
    عبود/بابا وين الاكل انا جوعان؟
    خالد/وين الجديد انت كله جوعان؟


    البارت الثالث والعشرين والرابع والعشرين والخامس والعشرين,,,
    //////////////////////////////////////////////////////////////
    عادل/ههه يالله عاد لاتحسد ولدك ياخالد؟؟
    خالد/ههه انا احسده!!!قول يدي تتكسر اذا جيت اشيله؟؟الشره مو بعليك على هيوف اللي
    تاركتك تاكل براحتك؟
    عادل/وش صار عليها؟
    تنهد خالد وسكت....
    عادل/يعني صار شي جديد غير سالفتكم بالبحرين؟
    خالد قال لعادل عن سالفة المستشفى البارحة كلها.............................
    خالد/والله تعبان ياعادل بس ماحد حاس فيني؟
    عادل/طيب والحل؟
    خالد/الحل هو هيفاء طبعا؟
    عادل/خالد...ترى السالفة مو سهلة ابدا ياصاحبي؟؟؟
    خالد/شلون يعني؟
    عادل/انت متاْكد فكرت فيها ولقيتها سهلة؟
    خالد/انا احس اني اذا شفتها مااكون على طبيعتي...ابي احتك فيها باي شكل من الاشكال
    ياعادل؟؟
    عادل/مو هذا القصد...قصدي اذا انت تبيها ولالا؟
    خالد بتسرع وانفعال/طبعا ابيها شلون ماابيها؟؟؟
    عادل/معناته جهز نفسك للمعاناة ياخالد!!!!!!!
    //////////////////////////////////////////////////
    على سفرة بيت السالم,,,,
    ابو محمد/وين عبود؟
    الجدة/اخذه ابوه ولا لو مااخذه شفته اول واحد متربع على السفرة؟؟هذا مايشم ريحة الاكل
    ويتباعد؟؟؟
    هيفاء من غير شي مالها خلق بعد جدتها جت تطينها..
    هنادي حست عليها وهمست لها/اياني واياك تقومين من السفرة وتزعلين امي وابوي علشان
    جدتي؟؟؟خلاص خلي عندك مناعة ضد كلامها؟
    هيفاء بمرارة/مااقدر ماتسمعينها شتقول عن ولدي؟؟
    هنادي/كيفي نفسك وبتقدرين؟
    الجدة/شتقولين انتي واختك؟
    هنادي/اقولها اليوم العصر لازم يجهزوان اغراض المدارس؟؟
    محمد/خلاص العصر انا اوديكم جرير..
    مشاري/جرير تطلع ذهب ؟؟؟
    هند/مادورت تحسد الاجرير؟؟على الاقل نافعتنا ناخذ منها اغراض المدرسة مو مثل غيرها
    دور لك شي ثاني واحسده؟
    مشاري/شكلي ببوقهم اليوم؟
    ابو محمد/بعد هذا اللي قاصر؟
    ام محمد/ان شاءالله بكرة نتايجكم ترفع الراس؟؟
    مشاري بثقة/اوه تطمي يالوالدة قلنا لكم بس انتوا دايم مشككين بقدراتنا......بتشوفونا بكرة
    ماابي اتكلم.؟
    هيفاء/لله يستر منك ؟؟انت اذا تكلمت بالطريقة هاذي تخوفني؟؟؟
    هند/متى بنروح جرير محمد؟
    محمد/بعدين بس نخلص ونتقهوى ونريح شوي(كملها وقول اذا شفت مها واتفقت معها
    بعد؟؟)
    سارة/ماما اقدر اروح معهم المكتبة؟
    ام محمد/أي يمه روحي انتي بعد يبيلك اغراض للمدرسة؟
    الجدة/اللحين شلون مع بنتك ياهنادي ؟
    هنادي/شفيها بعد؟
    الجدة/شلون بتروح المدرسة وهي نايمة هنا؟
    مشاري/سؤال غ..ب..ي...بجد يعني؟؟؟وليش بالله في شي اسمه مواصلات؟
    الجدة/أي بس السايق مايدل البيت؟
    هنادي/ابوها اللي يوديها المدرسة والسايق يردها بس؟
    الجدة/يعني يبيلك تروحين البيت تجيبين باقي اغراضها ومريولها ولاحسبتي حساب كل شي
    وجبتيه؟؟
    هنادي هي اللي تضايقت ها المرة وهيفاء اللي همست لها/طنشي لازم تكون عندك مناعة
    ضد ها الكلام ياعمري لانك بتسمعين لين يتسمم بدنك منه؟؟؟؟
    ///////////////////////////////////////////////////////////////////////بعد نص ساعة مضت وصل
    مها مسج من محمد(ها على الوعد اليوم اشوفك العصر بجرير؟)
    اوف ياربي وينك ياخالد اللحين شسوي ليش اليوم بالذات ماجا معنا هنا؟؟؟يالله حمود هنا
    اروح اتحيل فيه؟؟؟
    دقت على احمد مسج اتصل فيني وقول لي اطلعي بره ابيك بسالفة ضروري؟)
    بعد شوي دق لها احمد...ووقفت بتطلع له
    ام سعود/وين؟
    مها/احمد يبيني بره بشوفه ويش يبي؟
    طلعت له..
    احمد/ضروري ها؟؟؟ان شاءالله افضحك اللحين اخلصي علي وش تبين؟
    مها بترجي/احمد انت حبيبي وعمر وكل دنيتي؟
    احمد بثقة/من زمان مو توني؟
    مها /وبعد كل طوايفي بعد!!!
    احمد/حتى هاذي من زمان؟؟وين الكلام الجديد؟
    مها/طلبتك قول تم ياعمري؟
    احمد/مو قبل مااعرف شنو؟
    مها/لاتكسفني وانا اختك ماابي اتشل مع البنت؟
    احمد/أي بنت؟
    مها بكذب/هند بنت خالي دقت علي وقالت انها بتروح مع محمد وهبة جرير وانت تعرف
    محمد ماله خلق بيقعد تحت عند الكمبويترات وهبة تعرف سوالف بنات ابتدائي وهي ماتبي
    تضل بروحها قالت لي مها طلبتك تجين معي!!!عاد انا قلت لها بشوف ...قالت بخلي محمد
    يمرك قلت لها لافشلة بشوف احمد اذا قدر يجيبني عندكم؟؟؟(طبعا مها ماتدري عن سالفة
    هند واحمد وقالت اسمها بعشوائية)
    احمد السالفة فيها هند مستعد يوقف عند باب جرير من اللحين؟بس يكابر شوي..
    احمد/بفكر؟
    مها بزعل/وكم بيطول تفكيرك؟
    احمد/يمكن خمس لو ست ساعات؟؟؟
    مها شهقت/حشى مداها البنت راحت وردت ونامت بعد!!!
    احمد/مو ذنبي توك تقولين لي؟؟؟
    مها/توها عاطيتني خبر ودقيت لك علطول؟؟
    احمد بتشكيك/توها توها؟؟
    مها/أي توها توها؟؟
    احمد/جيبي جوالك اشيك عليه!!!
    مها/خلاص..مو لازم..شسوي ماقدرت اروح معها المفروض ماتزعل مني؟؟
    احمد/طيب واذا فكرت اوديك وش لي؟؟
    مها/اللي تبيه؟
    احمد/تقنعين الوالد ياخذ لي الهمر اللي وعدني فيها؟
    مها/هاذي صعبة قال لك مافي همر لين تتخرج من الجامعة وماباقي غير سنة وحدة
    فلاتحرجني وتحرج نفسك؟
    احمد/تسوين لي مساج ساعتين مو ساعة وتصيرين لي خدامة الاسبوع كله وش ماابي
    تقولين حاضر على امرك؟
    مها بفرح/ان شاءالله...تصدق انت على هذرتك بس احسن مافيك انك بالنهاية تلبي
    طلباتنا؟؟؟
    احمد/انا ماانفع اسكن معكم انا قلبي وين وانتوا قلوبكم وين؟
    مها/متى بنمشي؟
    احمد/باقي يعني على اربع ونص كذا بدق لك وطلعي؟
    مها/طيب دبرني بكذبة اكذبها على اللي داخل علشان مايسون لي فيها سالفة؟
    //////////////////////////////////////////////////////////////خالد بدهشة/شتقصد ياعادل؟؟؟شنو
    يعني جهز نفسك للمعاناة؟
    عادل/السالفة فيها مراحل كثيرة ياخالد....اولا لازم تقنع هيفاء بحبك وانها ترضى فيك؟
    خالد/.................
    عادل/واذا اقتنعت هيفاء بها الشي بتتسهل عليك نص العقبات؟؟؟
    خالد/نص العقبات؟؟؟كيف يعني؟؟
    عادل/خالد؟؟انت ناسي ولاتتناسى انك مطلقها؟؟؟يعني اذا اقنعت هيفاء بيبقى عليك اقناع
    ابوك انك تبي ترد مرتك علشان ولدكم يتربى بينكم على الاقل؟
    خالد تنهد/وهذا يستلزم اقناع وجهد اكبر من اللي بستخدمه مع هيفاء طبعا!!!
    عادل/وغير كذا بيبقى عليك اقناع بيت خالك نفسهم...خالك وعياله!!!
    رفع خالد عيونه وكانه يسمع شي جديد/شلون يعني؟
    عادل/انت ناسي انك كنت متزوجنها من قبل وطلقتها بدون أي شي يبرر لك
    ياخالد؟؟؟لاتفكر انهم بيرضون يعطونك بنتهم بسهولة بعد مافرطت فيها بيوم من الايام
    ياخالد!!!!!
    خالد دق قلبه بقوة هالمرة وهو اللي كان يفكر الوضع بيكون اسهل من الشي اللي فكر
    فيه؟؟؟بس نص الكلام اللي قاله عادل مافكر فيه من قبل؟؟؟؟؟معقولة خالي مايرضى
    يعطيني بنته من جديد؟؟؟؟؟؟معقولة؟؟؟
    //////////////////////////////////////////////////////////////كانوا قاعدين ويتقهون....
    سارة/ماما..
    لفت لها هنادي وكانت سارة تكلم بالجوال/هذا بابا محمد يقول انه بيجيني يوديني
    المكتبة؟شلون اروح معه ولا مع خالي محمد؟
    هبة/تعالي معي طبعا؟
    هنادي/خلاص قولي له خالي بيوديني؟
    سارة/بس هو يقول انه واقف بره ينتظرني؟
    هنادي/خلاص روحي معه واخذي هبة معكم
    سارة/يالله بابا انا طالعة لك؟
    هنادي/معليش يبى بخلي هبة تروح مع سارة؟
    ابو محمد/طيب..بس ها ماابي سالفة اشتري واشتري اختك بتاخذ لك اغراض اذا راحت مع
    اخوك طيب يبى هبة؟
    هبة/ان شاءالله بلبس عبايتي وبنزل انتظريني؟
    محمد/سارة
    سارة/نعم خالي؟
    محمد/متى بتلبسين عباية؟
    سارة/........
    هنادي/بعدها صغيرة يامحمد؟
    محمد/شلون بعدها صغيرة ماتشوفينها صارت عروس؟؟خلاص لازم تحجبينها؟
    هنادي/حرام عليك توها باولى ابتدائي؟
    محمد/باولى ولا بالعاشر؟؟خلاص صارت كبيرة ولازم تتحجب وتلبس عباية؟
    هنادي/مو ناقص غير تقول لي غطي وجهها بعد!!
    محمد/علميها على العباية من صغرها احسن لك علشان تلتزم فيها اذا كبرت؟
    هنادي/مافي شي يجي بالاجبار يامحمد اذا هي مو حابة تلبسها فبتظل ماخذتها نوع من التقيد
    ومابتكون محببة بالنسبة لها؟
    محمد/انتي جربي منتي خسرانة شي؟
    //////////////////////////////////////////////////////////// العصرفي جرير .....
    محمد/خلاص روحي فوق خلصي اغراضك واغراض اختك بروقان واذا بغيتي شي ولااحد
    ضايقك اتصلي علي واذا خلصتي بعد دق علي وانا بركب لك زين ؟؟انا بظل هنا عند
    الاجهزة؟
    هند/طيب......
    وركبت فوق ودق على مها اللي اعطته بيزي؟؟؟
    في بداية جرير..
    احمد/شوفي انتي روحي عند محمد وقوليله انك بتكونين مع هند احسن؟
    مها/ليش؟
    احمد/تعرفين محمد وسوالفه...علشان لاكل شوي ينط فوق ماابيه رايح جاي عليك؟
    مها/طيب وانت متى بتمرني؟
    احمد تورط هو يبي يقعد لو يروح/اذا خلصتي دقي علي بكون قريب من هنا...
    مها/يالله.....
    انتظرها تمشي لعند الاجهزة والكمبيوترات وركب هو فوق؟؟؟؟؟
    محمد/وينك انتي؟
    مها/عند الجوالات؟؟؟
    محمد/طيب انا جايك؟خلك بمكانك؟
    بعد ثواني وقف جنبها وهمس لها/يالله.
    مها/وين؟
    محمد/ان شاءالله بنوقف هنا طول الوقت والعيون علينا ولانقدر نتكلم؟
    مها/اجل شنو؟
    محمد/بنقعد بالسيارة؟
    مها/بس مااتفقنا على كذا يامحمد؟
    محمد/حبيبتي وش فيك؟؟؟بنقعد مابنمشي؟؟؟بعدين انتي عارفة ان هند هنا كيف بمشي عنها
    بالله!!!!انا مااحب الاماكن العامة تخنقني بصراحة ؟؟؟ولو شفنا احد شنقول له بالله؟
    مها/طيب....
    ********************فوق كانت واقفة عند ركن القصص والروايات وتتنقى فيهم(تكون
    جاية تجهز للمدرسة يعني!!!)
    احمد تسند على الرف اللي جنبها..
    احمد/جاية تجهزين ولاتدورين تسلية لااخر الليل؟
    سكرت القصة اللي بيدها بقوة وهي عارفة صاحب الصوت هذا؟؟؟
    لفت عيونها عليه/احمد؟؟؟وش جابك انت هنا؟
    احمد/ليش ان شاءالله جرير بس لكم ماندخلها احنا؟؟
    سكتت وماقالت شي وعدل هو وقفته لان المكان ماكان فاضي.......
    احمد/هند...انا اسف اني تسرعت وقلت لك عن مشاعري ناحيتك بس صدقيني ها
    الاحاسيس من زمان وانا احسها؟
    هند/ممكن تسكر الموضوع؟
    احمد بانكسار/بس لازم قبل اعرف انتي شنو تنظرين لي؟؟يعني شنو اعني لك بحياتك؟
    هند/ولد عمتي....
    احمد/وبس!!!!
    هند بخوف/وش تبيني اقولك؟
    احمد/انتي ماتحسين بناحيتي باي مشاعر؟؟
    هند/احمد امشي من هنا؟؟؟
    احمد/ماراح امشي قبل لااعرف.....
    هند/ماراح اتكلم؟
    احمد/طيب ممكن اكلمك على الجوال؟
    هند/لا...
    احمد/بربك ياهند انتي كل شي عندك لا؟؟؟
    هند/لايجي محمد اخوي ويشوفك واقف معي ترى هو مايعرف امه من ابوه وانت تعرفه
    زين؟
    احمد/خلك من محمد اللحين...خليني ادق عليك ونتفاهم مع بعض؟
    هند/شنتفاهم عليه يااحمد؟
    احمد/على حبي لك ياهند؟
    هند/انت قصدك تتسلى يااحمد؟
    احمد/طبعا لا؟؟
    هند/اجل وش تبي مني؟
    احمد/ابي منك الحب!!!
    هند/وبعد الحب؟؟؟؟
    احمد/..........
    هند/شفت منت قادر تقولها ولاحتى تتصورها؟؟؟افرض اني بادلتك الحب وعشناه بكل مافيه
    يااحمد؟؟في النهاية اخوك مطلق اختي!!!يعني انت ماراح تكون لي يااحمد؟؟؟؟؟
    مشت عنه وهي حاسة بجرح بقلبها يمكن هو اللي المفروض يحس بها الشي بس هي
    صارت تشوف احمد بعيون ثانية...عيون كلها حب بحب؟؟؟
    احمد مشى وراها وهو بعده عنده امل/عارف ان خالد طلق هيفاء بس الحياة ماراح تتوقف
    عندهم؟؟؟
    هند/انت وش تبي مني يااحمد؟؟؟روح خلص شغلك وخلني بخلص شغلي؟؟
    احمد/خليني اكلمك...عطيني الموافقة قبل لاتجيك مها الله يخليك؟
    هند /ليش مها جاية معك؟؟فكرتك جاي بروح:
    احمد/انتي موداقة عليها وقايلة لها انك تبينها تكون معك؟
    هند/انا؟؟؟
    لو سمحت اخوي ممكن شوي؟؟
    ابتعد احمد عنها وصارت هي تناظر بالروايات اللي قبالها بدون ماتتحرك وهو باله في اخته
    ونزل يدورها.....
    //////////////////////////
    في السيارة,,,
    كان محمد حاط يده على يدها ومافي غير موسيقى كلاسيكية حاطينها بدون أي كلمة
    منهم......
    دق جوال محمد ونزع لهم جوهم..
    محمد/هاذي هند......هلا...شلون خلصتي بسرعة!!!!متاْكدة مانسيتي ولاشي؟؟؟طيب انا
    جايك.
    مها/بسرعة؟؟؟ليه عاد؟
    محمد/من حظي المايل؟
    مها/حبيبي......
    محمد/قولي ياعيوني...
    مها/احبك يامحمد احبك.
    محمد/وانا اموت على ترابك ياروح محمد انتي.....شفتي أي احلى نكون داخل لو هنا بجونا
    الحلو؟؟
    مها/مايبيلها كلام لولا انها مشت بسرعة؟؟؟
    محمد همس لها/انتي الوقت يمشي معك بسرعة؟
    مها/خلاص انا بنزل وبعد دقايق انت انزل لايشوفك احد طيب....باي..
    نزلت من السيارة وراحت لعند المكتبة وهناك كانت المفاجاْة اللي ماتوقعتها!!!!!!
    /////////////////////////////////////////////////////////////في تويز ار اص...
    عادل وخالد يسولوفن وعبود يحط بالالعاب...
    عادل انتبه له/اخاف مفكر داخل دكان ابو عشرة ياعبود؟
    عبود/ها..
    خالد/ههههههه سلامتك ولاشي عمي؟
    عبود/انا مو عمي؟
    خالد/ادري منت عمي؟
    عادل/قوله هذا جزاْة انك تركتني وماسالت فيني سنتين وشوي يالله ابي اخذ حقي منك الحمد
    لله الله منعم عليك؟
    خالد/توك معي اللحين بتقلب علي؟؟؟
    عادل/ههه لالاانا اذا السالفة فيها عبود انا معه طبعا؟
    وصلوا عند قسم البنات..
    خالد/اقول عبود امك ماتحب العرايس نشتري لها وحدة؟
    عادل/ههههه تبي تكسب ودها بعروسة؟
    خالد/المشكلة اني مااذكر وش اللي تحبه من اللي ماتحبه؟؟؟ماعرفنا الا ها الشورما من عبود
    حبيبي؟
    عادل/اذا على عبود قضب يدك لابتاخذ حق ولاباطل منه؟؟؟؟
    عبود/بابا فلة...
    خالد/ان شاءالله بعد تبي تلعب لي بفلة وغيرها؟؟انت ولد ماتلعب بالعرايس؟؟
    عبود/لا فلة لسارة؟
    عادل/منهي ذي سارة بعد؟
    خالد/سارة بنت هنادي..الظتهر انها قاعدة عندهم بالبيت امس كانت هناك واليوم بعد يوم
    امره كانت هناك؟
    عبود/ابيها بابا لسارة؟
    خالد/طيب جيبها لسارة..
    عاد ل/متى بترده بيتهم؟
    خالد/تسع الاربع؟
    عادل/وش معني؟
    خالد/علشان تكون هي طالعة لدوامها؟
    عادل بخبث/قول كذا علشان تبوق لك كم نظرة؟؟؟
    خالد/اه..ياعادل اه...لو تدري شقد انت صعبت علي الموضوع اللحين..
    عادل/انا عطيتك الواقع ياخالد علشان لاتنصدم منه بعدين؟؟؟
    //////////////////////////////////////////////////////////احمد كان واقف عند باب المكتبة من بره
    ومافكر انه يدق على مها اصلا وقال بيشوفاخرتها معها...ركب فوق وسوى مسح شامل
    ومالقاها!!!ونزل تحت وبعد سوى مسح شامل ومالقاها!!!
    ودق قلبه بقوة وقال ماله غير يوقف وينتظرها بره يشوفها اذا كانت هنا وبتجي من
    بره؟؟؟؟؟
    وكانت صدمة عمره يوم شافها توها تبدخل المكتبة....وهي بعد انشلت رجلها يوم شافته
    واقف,,,دق قلبها بقوة خصوصا ان احمد عرفها وتقرب منها وهو في قمة عصبيته....
    احمد/على السيارة بسرعة؟؟؟؟؟؟؟؟؟؟؟؟؟
    مها(ياربي لطفك؟؟؟؟شسويت انا شسويت؟؟؟؟؟؟؟؟؟؟معقولة شافني؟؟؟؟؟؟؟؟لا سيارة محمد
    كانت بعيدة...بس انا كنت بالمكتبة وش اللي طلعني منها!!!!!!!!ياربي رحمتك ولطفك)
    كان احمد يسوق بسرعة جنونية وبتهور بذيك اللحظة لدرجة ان مها نست خوفها من السالفة
    وخافت على عمرها....
    كان ثاير...بركان...ماتكلم ولاكلمة وحدة....
    ردها بيتهم مو بيت عمها ونزل وراها؟؟؟؟؟
    ///////////////////////////////////////////////////////
    محمد نزل لهند وهو طول الوقت وهم ينتظرون دورهم يتشفى فيها ان نسيتي شي الابذبحك
    عطيتك وقتك بالكامل؟؟؟ماني راد مرة ثانية لوتموتون؟؟؟؟ومدر شنو؟؟وهي مالها فيه
    اصلا...كانت تفكر في احمد وفي حبه.....لو حبت احمد بتعذب نفسها وبتعذبه معها؟؟؟قلبين
    انكتب عليهم الفراق قبل لاينمو بينهم حب؟؟؟عجيبة حالك يالدنيا؟؟؟؟؟
    **********في بيت العواد دخلوا البيت وكان فاضي مابعدهم ردوا من بيت عمهم...
    وقفت والخوف يملاها من فوقها لتحتها...
    مها بصوت متقطع/ا..اح..احم::د
    احمد انفجر بركانه وعطاها كف حار على وجهه؟؟مه بكت/احمد..احمد خلني اقو..
    احمد بعصبية/ماابي اسمع صوتك ياحيوانة؟؟؟ياكلبة؟؟؟تغدرين يابنت ال....تقولين لي ابي
    اروح مع هند وهي ترجتني اجي معها وانا شفت هند طول الوقت بروحها؟؟؟؟وين
    طلعتي؟؟وين رحتي ياحيوانة؟؟؟
    مها بكت بصوت عالي/احمد لا..لا ..السالفة مو مثل منت متصور صدقني..
    احمد مسكها بعصبية من عبايتها وجرها/شنو يعني مو مثل ماني متصور فهمني؟؟؟؟نزلتك
    بجرير صح ولالا؟؟قلتي انك بتقعدين مع هند صح ولالا؟؟وش اللي طلعك بره المكتبة
    قولي؟؟؟تكلمي ياكلبة ؟؟
    مها/احمد الله يخليك....
    رماها بقوة على الارض وتكسرت عظامها وقامت تبكي/احمد...احمد خلني اشرح..
    احمد بعصبية/روحي انقلعي دارك؟؟؟روحي يامعفنة يللي منتي متربية روحي؟؟؟والله
    ماتطلعين من دارك لا اعلم ابوك عن سواد وجهك ويذبحك ويفكنا منك؟؟؟رايحة متواعدة لي
    مع واحد برة المكتبة صح و لا كلامي غلط؟؟
    مها ببكي وصراخ/احمد اسمعني الله يخليك بقولك عن كل شي بس انت اسمعني؟؟
    احمد/روحي دارك وقفلي عليك الباب وماتعتبين بره البيت لو شيصير...وانا بقول لاابوي
    انك موافقة على سعود؟؟؟
    مها بصراخ/لالالا احمد الله يخلينك موكذا الناس تتفاهم...
    راح لها ومسكها من شعرها/بعد؟؟لك عين تعلميني وشلون يتفاهمون الناس؟؟
    مها/خليني اقولك انت تظلمني يااحمد؟؟؟
    احمد/روحي انقلعي بدراك ولاعاد توريني خلقتك فاهمة ولالا؟
    مها برجاء وبكي/احمد سمعني ياخوي...
    احمد/لاتقولين اخوي انا من ها اللحظة بري منك؟؟؟؟انقلعي بسرعة غرفتك يالله!!!!
    يوم ماتحركت راح لعندها وجرها من جديد وهي تصارخ
    مها/احمد..احمد تكفى واللي يعافيك فكني!!!خلني اتكلم معك الموضوع مو مثل منت فاهم
    صدقني....
    احمد اخر شي يبي يسمعه صوتها رماها على اول درجة بقوة ودوت صرخة مها بالقوة ها
    المرة ووقف قلبه بين ضلوعه!!!!!!
    تقرب منها بخوف وهو مو عارف شيسوي مها صوتها راح مرة وحدة؟؟؟سترك
    يارحمان....
    طل براسه ولقى قريب من راسها شوية دم وفتح عيونه على وسعهم!!!!
    مها .....لاتموتين؟؟؟؟؟شسويت يااحمد؟؟؟ذبحت اختك؟؟؟شبيسوي فيني ابوي اللحين؟
    خلني اطلع من البيت قبل لايجي احد ؟؟؟؟
    //////////////////////////////////////////////////////////////على الساعة تسع الاربع كان خالد
    قريب من بيت خاله وهو كل شوي يمر يشوف السايق وصل ولالالا ويرجع ياخذ له لفتين
    ويرجع من جديد حتى عبود قرب ينعس من ها الدوارة الفاضية؟؟؟
    واخيرا لاح لخالد امل...
    هاذي سيارة سواقهم واقفة عند الباب اخذ بعضه وطيران وقف هناك ونزل عبود مع
    اغراضه بسرعة لعند الباب....
    خالد صار واقف عند الباب وقلبه يدق مثل المراهقين...ماهو عارف ليش يسوي كذا بس
    اللي متاْكد منه انه يبي يشوفها ويملي عينه من شوفتها؟؟
    ثواني بس كانت هيفاء طالعة من عند الباب وخالد توه بيدق جرسهم..
    هيفاء/هلا عبودي شلونك حبيبي..
    عبود بفرح/ماما شوفي بابا اشترى لي قطار كبير مرة؟؟؟وشريت لسارة فلة؟؟سارة وينها
    راحت بيتهم؟؟
    هيفاء/لاحبيبي سارة هنا بس نامت علشان وراها مدرسة بكرة...ادخل يالله....مشاري تعال
    دخله....
    كان مشاري بالحوش واقف ويوم دخل عبود سكرت هيفاء الباب ولفت وكان خالد بوجهها..
    خالد/شلونك هيفاء؟
    هيفاء بدون ماتناظر بوجهه/بخير.....تبي شي؟
    خالد/ها......
    بها اللحظة دق جواله وتضايق من اللي اتصل..
    هيفاء/ممكن تبعد بروح السيارة..
    خالد شاف رقم امه ورد عليها وطنش هيفاء الشي اللي قهرها..
    خالد/هلا بالغالية...وحشتيني والله؟
    هيفاء انقهرت من جد هذا عيني عينك قاعد يغازل حبيبته عند بابا بيتنا!!صدق اذا لم
    تستحي فاصنع ماتشاء؟؟؟؟
    مشت من قدامه وماهمها وجوده اصلا بس لفت له يوم سمعته يصارخ/مها
    بالمستشفى؟؟؟وش فيها طيب؟؟؟وش فيك تبكين علميني؟؟؟؟
    هيفاء لفت له بخوف...
    خالد/طيب انا جايكم اللحين؟
    هيفاء بخوف/خالد وش فيها مها؟؟وش صاير عليها؟
    خالد بخوف/مدري امي تقول انها بالمستشفى بس مافهمت منها شي لانها كانت تبكي؟
    هيفاء/باي مستشفى؟
    خالد/بالمانع......
    هيفاء/بيكون فيها احراج لو جيت؟
    خالد/مدري.....انتي مو عندك دوام؟
    هيفاء/مو مشكلة بوقع وبطلع اجازة لو هناك احد..بس اخاف يكون ابوك هناك؟
    خالد/مدري بس اكيد انه بيكون هناك؟
    هيفاء/طيب ممكن تطمني لو صار شي..يعني اذا شفتها وعرفت شفيها كلمني بظل منتظرة
    منك خبر لو ماعليك كلافة؟؟؟
    خالد/معليش مافي مشكلة بخاطرك....
    وقفت هيفاء تناظره..كان قبل لايجي الاتصال بشكل غير وشكله يبي يقول شي
    ولايتحركش؟؟ويوم جاه الاتصال عفسه مرة وحدة؟؟هي ماتلومه لانها عارفة معزة مها عند
    خالد شنو؟؟؟؟؟
    //////////////////////////////////////////////////////////////في المستشفى....
    ابو خالد ثاير/دور لي على ها الثور اخوك من تحت الارض وجيبه اذبحه بيدي؟؟؟؟احد
    عاقل بها الدنيا يترك اخته بروحها بالبيت؟؟؟
    خالد/طيب فهموني شصاير؟
    ام خالد كانت تبكي مع مرام وجود..
    مرام/ماندري عن شي؟
    خالد بعصبية/كيف ماتدرون بالله؟
    مرام وهي تبكي/هي العصر قالت ان احمد يبيها بسالفة مدري مشوار وطلعت من اربع
    ونص مع احمد وماندري وين راحوا ويوم رحنا البيت قبل نص ساعة لقيناها مرمية عند
    الدرج وهاذي حالتها واحمد مو بالبيت...
    خالد/لاحول الله..يعني ماتدرون هي طاحت ولاشنو؟
    كان السكوت هو اللي يرد بدالهم..
    ومافي غير ابو خالد يتوعد/ والله لو يصير فيها شي ذبحته على يدي هالثور؟؟ها الكلب؟؟ها
    الحيوان؟؟؟
    خالد/يبى البيت يوم تدخلونه كان مفتوح ولامسكر؟
    ابو خالد/مو المصيبة انه مسكر ومافي أي شي يدل على ان احد دخل البيت بالقوة كان
    بقولك واحد داخل يسرق؟؟بس هذا هو مو غيره ماحد سوى باخته كذا الاهو ها الواطي؟؟؟
    خالد/طيب انت اقعد وهدي واللحين بيطمنا الدكتور؟
    ابو خالد/وين اهدي بس ياخالد وين والله مااهداْ لين اذبحه؟؟؟مسوي لي فيها رجال؟؟والله
    وحلفت مايدخل البيت ابد؟؟
    خالد/يبى؟؟؟وش ها الحلفان بس؟؟استغفر ربك...وصلي على النبي......
    ///////////////////////////////////////////////////////////////احمد بروحه كان على البرح وهو
    خايف ومو عارف شيسوي؟؟؟دموعه اربع اربع....لوين يروح اللحين..لاهو قادر يشوف
    اصحاب ولاهو قادر يواجه بيتهم؟؟؟
    بس مها...معقولة مهاوي ماتت؟؟؟اكيد ماتت يااحمد اكيد؟؟؟يكفي انك تركتها من المغرب
    بروحها مرمية وبيتنا اكيد ماشافوها الا يوم رجعوا؟؟؟؟
    صارت دموعه تنزل اربع اربع وهو يتذكر مواقف حياته مع مها....كانت علاقتهم صافية
    وحلوة
    احمد كان خادمها وخادم البيت بعيونه..وهي بعد كانت الصديقة قبل لاتكون الاخت له
    ولخالد...صار يتذكر سهراتهم مع بعض على الافلام وعلى المسلاسلات وعلى النتوايام
    سفرهم من وكانوا صغار لين كبروا؟؟واحلامها واحلامه وكل سهرة سهروها مع بعض..
    وسخريتهم على هذا وشماتتهم على ذاك....
    وقواسهم المشتركة بالحياة(خالهم ابو محمد, امهم ,عبود,المكرونة,مشاري,بيت
    الدونات,باسكن روبنز,البحر,مطعم بيت الروبيان,البيبسي.الافلام
    الاجنبية)مها...وينك....لاتروحين الله يخليك....بس انتي انتي جبرتيني يااختي اطلع عن
    طوري واعصابي!!!
    كيف تجيك الجراْة وتكذبين علي وتقولين انك تبين تروحين لهند وانتي طلعتي من المكتبة
    بكبرها!!!!
    صدقني ماعرفت شسوي يامها لحظتها صدقيني.....
    لايااحمد لا...لاتكذب على نفسك....مها كانت تترجاك لااخر لحظة انك تسمعها وانها تبي
    تفهمك؟؟؟؟شتفهمني بالله..اكيد كانت بتكذب كذبة وبتبري روحها؟؟؟لكن لا يااحمد زين
    ماسويت؟؟؟
    هاذي كانت حالة احمد ذيك الليلية ماغير افكارتبين له انه على حق وافكار تلومه
    وتعذبه؟؟وظل محتار لاهو قاوي يتحرك من مكانه ولاهو قادر يعرف اخته وش صاير
    فيها؟؟حتى جواله من الخوف اللي تملكه قفله مايبي احد يدق عليه!!!!!
    ////////////////////////////////////////////////////////////////محمد بعد كان قاعد بضيقته ذيك
    الليلة بغرفته...وش فيها هاذي بتحسبها علي شوفة!!
    ماصارت نص ساعة قعدت معي فيها وقامت ماهي راضية ترد علي؟؟؟من ردينا من المكتبة
    وانا ارسل لها وهي صافطتني ماترد!!!
    معقولة ماشافت اتصالاتي ولاجوالها صامت ماتسمعه؟؟بس من العصر للحين الساعى عشر
    ونص!!!ممومعقولة ابدا يامها؟؟؟
    بس محمد كان عنده امل انها ترد عليه وظل يرسل لها مسجات يسالها عن غيابها وعدم
    ردها وولكن لامن مجيب!!!!

    وحده بس كان جوال مها يدق بشنطتها ولا احد حوله لامن قريب ولامن بعيد!!!
    صاحبته الله وحده اعلم وش صار فيها هي حية ولاميتة ولاصار لها شي بها الدنيا!!!!!!
    هل بترجع لك مها وبترد على اتصالاتك ورسايلك ولالا!!!
    ظل دق ودق ودق لين ينتبه لك احد ياجوال مها..رغم ان الكل اللحين حولها مو حولك!!!!
    ///////////////////////////////////////////////////////////هند عزمت انها تكلم احمد وتشوف وش
    يبي منها...
    لازم تكلمه وتقوله ان اللي قاعد يصير بينهم مو صحيح؟؟؟
    حبهم ماراح تكون نهايته الزواج فبيكون غلط من البداية!!!
    مسكت جوالها وباصابع مترددة وخايفة ودقت عليه وتضايقت حييل يوم انها شافت الجوال
    مغلق!!!!
    هذا وقتك تقفل جوالك عاد؟؟؟؟
    يصير خير...بكرة اشوف لك حل يااحمد؟؟؟

    ///////////////////////////////////
    محمد ظل ينتظرها وهو قاعد بضيقته داخل غرفته...
    هاذي شفيها؟؟؟من نزلت من السيارة قالت لي بدق لك بعدين وها البعدين ماجت من العصر
    للحين؟؟؟؟
    لايكون تبي تسويلي فيها حركات ثقل وتغلي يعني!!!!
    لالالالا مها مو حق ها الحركات مها اعقل من كذا....بس وش فيها طولت.....
    رمى جواله على السرير بقوة وبدل ثيابه وحط راسه علشان ينام وقال انه كمية اتصالاته
    ورسايله المفروض تحسسها شقد هو كان يبي يكلمها ؟؟؟فموذنبه انها ماردت عليه؟؟؟
    ///////////////////////////////
    هيفاء بعد ظلت بروحها حاسية..رغم ان الاسعاف ذيك الليلة كان مليان وماقعدت دقيقة وحدة
    بس ظل فكرها مشغول بمها واللي صاير لها!!!
    واول مافضت قررت تدق تشوف اخبارها لاسيما ان خالد وعدها يطمنها وماتصل ولاكلف
    على عمره بعد!!!
    دقت على جوال مها اللي ماحد جاوبها عليه...وبعدها دقت على مرام اللي كان جوالها مقفل
    بعدين اخذت اصابعها على جوال عمتها ودقت لها رغم ان العلاقة بينها وبين عمتها ماكانت
    ذاك الزود بس المهم انها تتطمن على مها...ولقته مقفل بعد..قالت مالي غير احمد راعي
    الفزعات اساله ويطمني....ووقف قلبها يوم شافت جوال احمد بعد مقفل!!!ذولا شفيهم
    لايكون صاير لمها شي كبير؟؟؟ليش كلهم مقفلين جوالاتهم؟؟؟سترك يارب ماعندي غير
    خالد رغم انه الحل المر !!!!بس انا لازم اتطمن على مها وباي طريقة دقت على رقم خالد
    وكل شي فيها يقولها لا ياهيفاء لاتدقين عليه ولاتسمعين صوته بس شعورها ناحية مها وقف
    حايل بينها وبين مشاعرها ناحية خالد...
    وتنهدت تنهيدة ارتياح لان جوال خالد ماكان مقفل مثلهم.....بس ظل يرن ويرن ويرن
    وماحد يشيله
    وتضايقت من تسفيه خالد لها..الله اعلم بظروفه بس كان يقدر ويرد باي كلمة كانت!!!
    دخلت جوالها بجيبها وانتقلت للخطوة الثانية دقت على بيت العواد بتشوف اذا كان احد
    موجود بالبيت ولالا بس ماحد رد عليها زاد خوفها على مها وقالت مالي غير اتصل
    بمستشفى المانع اسال عنها؟؟بس بينها وبين نفسها ماكانت مقتنعة بتحرج نفسها وبتحرجهم
    يمكن ان الشي بسيط ولا انها ماتنومت من وين بيلقون مها؟؟؟
    وهي بحيرتها دق جوالها وكان خالد هو المتصل؟؟؟؟؟؟؟؟؟
    /////////////////////////////////////////////////////////
    وحده احمد كان جماد ومايتحرك...مشاعر خوف ممتزجة بغضب وغيرة وانفعالات لالها
    اول ولاتالي؟؟؟؟
    ساعات يحط اللوم عليه لتسرعه وانه ماعطاها أي مجال تتكلم؟؟؟
    وساعات يقول انه المفروض يذبحها انها كذبت عليه وماقالت له الحقيقة !!!!!!!!!
    كان راكع على الرمل قبال البحر وحالته لله...هو عارف انهم اللحين يدورون عليه بعد اللي
    صار...بس ماهو قادر يتواجه مع أي احد حتى مع نفسه؟؟؟
    رفع يده وهي ملايانة تراب وعيونه ملايانة دموع مايدري لشنو يصنفها....
    يارب رحمتك ولطفك وسترك....ياربي سامحني على اللي سويته بمها.....بس هي خدعتني
    واستغفلتني!!!
    ياربي انا ماادري اذا كانت حية لو ميتة!!!!!شسوي ياربي شسوي...ابي اعرف وش صار
    عليها ؟؟؟بس وشلون؟؟؟؟؟؟
    ////////////////////////////////////////////////////////////////هيفاء من شافت رقم خالد ردت عليه
    بسرعو وخوف/خالد طمني شفيها مها؟
    خالد بصوت حزين/ان شاءالله طيبة...
    هيفاء/طيب وش فيها؟
    خالد/........
    هيفاء/خالد....قول شفيها؟
    خالد/تطمني كاهي توها نامت قبل شوي...الحمد لله ..
    هيفاء ماعجبها صوت خالد قالت له بحنان وخوف مبينين/خالد...سلامات وش اللي حاصل
    عندكم؟
    خالد تنهد تنهيدة محبوسة داخله وهيفاء خافت من صوته ان يكون في شي كبير...
    هيفاء بخوف/طمني ياخالد ابي اعرف..
    خالد/هيفاء ممكن نتكلم انا وانتي؟فيك تطلعين من المستشفى وتقعدين تسولفين معي؟؟
    هيفاء بخوف/خير؟؟؟قولي شصاير ياخالد؟
    خالد/في شي مضايقني وابي اسالك عنه يمكن انك عارفة له تفسير....ممكن اشوفك ياهيفاء؟
    هيفاء/طيب...انت وينك؟
    خالد/انا عند باب المستشفى....وقت اللي بتطلعين بتلاقيني واقف انتظرك؟
    هيفاء سكرت منه وراحت تستاذن تطلع ساعة وترد؟؟؟؟؟
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
    ,,,,,,,,,,,,,,,,,,,,,,,,,,,,,,,,,,,,,,,,,ركبت السيارة وقعدت ورى علطول وخالد مالف يشوفها
    ومبين انه متوتر ومتضايق حتى شماغه كان راميه على كتفه بدون اهتمام؟؟؟؟؟
    هيفاء بخوف/خالد وش فيها مهاظ
    خالد تنهد....
    هيفاء/ترى بجد خوفتني؟
    خالد/مدري شقولك ياهيفاء بس انا نفسي مو فاهم شفيها؟
    هيفاء/كيف يعني؟
    خالد قال لها السالفة اللي وصلت له من اهله وكيف انها طلعت مع احمد من العصر وماقالت
    لهم وين بيروحون وكيف انهم شافوها بعد ين طايحة على الدرج؟؟؟؟
    هيفاء بخوف/وش صار فيها؟
    خالد/لا الحمد لله يدها انكسرت صحيح بس اهم شي ماصارت عندها كسور جانبية....وكان
    في شوية نزيف في الانف والفم وباقي الكدمات بسيطة؟
    هيفاء بارتياح/الحمد لله وشلونها؟؟شفتها؟
    خالد/كانت نايمة يوم طلعت من المستشفى؟بس اللي انا مو فاهمه كيف صار ها الشي؟
    هيفاء/طيب احمد وينه؟
    خالد لف لها وصار قبالها وجت عيونه بعيونها وهو يتكلم بالم/مدري ياهيفاء مدري!!!جواله
    مقفل ولافي عنه أي خبر؟؟؟؟ابوي متوعد فيه اذا شافه بيذبحه؟؟؟
    هيفاء بعصبية/وش ها التخلف بالله!!!طيب يمكن هو ماله شغل ولايدري عن السالفة من
    الاساس؟؟
    خالد/افترضت ها الافتراض وقلت يمكن هي قالت له يوصلها البيت ويروح عنها؟؟؟بس لو
    كان فعلا كذا؟؟وينه مابين من العصر والساعة داخلة على وحدة ونص الليل؟؟؟؟
    هيفاء/مو معقول احمد له يد بالسالفة!!!احمد عاقل؟؟فاهمني شنو يعني عاقل؟؟؟وطول عمره
    علاقته بمها كويسة؟؟؟شلي بيخليه يسوي كذا بالله!1
    خالد تنهد بقوة/انا قربت اجن لاهو مبين ولاهو فاتح جواله علشان نعرف هو وينه
    حتى؟؟؟؟؟
    هيفاء/طيب ماسالت ربعه عنه يمكن يكونون يعرفون شي؟؟؟
    خالد/الليلة السبت وهو ليلة السبت مايسهر ابوي مايرضى يعني يفترض يكون معهم في
    بيت جدي ويرد معهم بعد الصلاة!!!!!هيفاء انا صدق محتار من السالفة اذا احمد اللي سوا
    فيها كذا فالسبب هو ليش سوا كذا؟؟؟
    هيفاء/................
    خالد/انتي لو كنتي مكانها ليش اخوك بيكون سوا فيك كذا؟
    هيفاء بعد تفكير عميق/اقرب شي انه يكون شافها مع واحد!!!!وهذا مستبعد لااكثر من
    سبب؟
    خالد باهتمام/أي...
    هيفاء/اولا مها تحب.............
    صارت عيونهم ببعض وسكتت هيفاء مرة وحدة
    خالد وعيونه بعيونها/تحب محمد اخوك وهو يحبها!!!ماالكل عارف ليش جت علي ماتبيني
    اعرف يعني؟
    هيفاء شالت عيونها من عيونه/مو القصد بس ماودي يكون الخبر طالع مني؟؟وبعدين انت
    منو قال لك؟
    خالد/خلينا بالموضوع الاساسي اللحين؟
    هيفاء/أي...يعني هي تحب محمد وظلت تنتظره ها الثلاث سنين مادخل قلبها غيره
    ولاعيونها شافت غيره!!!السبب الثاني ..مها ماعندها غيري وغير فاتن ..وبعدنا العنود وانا
    اللي معرفتها عليهم وكل خطوة نخطيها او تخطيها وحدة منا الكل يكونون عارفين عنها ها
    الشي؟؟؟وكلنا ماندري ان مها بتروح اليوم مكان لانها ماقلت لوحدة فينا فيمكن انها فعلا
    طالعة مع احمد لانه هو يبيها بسالفة....وبعدين هي مستحيل بتكون انها راحت تشوف محمد
    اخوي واحمد شافها معه لان محمد اليوم ماطلع من البيت اصلا ؟؟راح المكتبة مع هند
    ورجع دخل داره من جديد ..يعني الى طلعتي من البيت يوم تجيب انت عبود ويكلمونك
    بيتكم كان هو بداره يعني مستحيل راحت تشوفه؟؟
    خالد/طيب...شنو يعني؟
    هيفاء/كل السالفة عند مها؟
    خالد/واذا مارضت تقول؟
    هيفاء/معناته لاترضي فضولك مولازم؟؟؟
    طالعها ها المرة بنظرة نارية....وهي ابتسمت وماكانت خايفة منه ليش ماتدري!!!بس يمكن
    لانها تحب شكله وهو معصب يذكره بعبود اذا تهاوش مع لاليوه!!!!
    هيفاء/طيب انا بنزل اللحين....
    خالد/مستعجلة؟
    هيفاء/نوعا ما...خليت وحدة تناوب عني ومااقدر اتاخر كثير؟
    خالد/طيب متى بتعرفين السالفة من مها؟
    هيفاء/بتتنوم صح؟
    خالد/أي..
    هيفاء/طيب احد عندها ولالا؟
    خالد/لا ردوا البيت بعد ماتطمنوا عليها؟
    هيفاء/مو مشكلة انا طلعتي من المستشفى بمرها الصباح بس ان شاءالله مايكون احد
    عندها!!!!(كانت تقصد ابوه وهو فهمها)
    خالد/خلاص وقت اللي بتكونين رايحة لها كلميني؟؟
    هيفاء/ليش؟
    خالد/علشان اشوف ها الاحد اذا كان موجود معها ولالا؟؟؟
    //////////////////////////////////////////////////////////////فتحت عيونها ببطء وهي تتلفت
    حوالينها...في شي غريب صاير.....
    وينها فيه ياترى!!!!
    حاولت تركز السمع بس مافي غير الهدوء الشديد؟؟؟
    شوي شوي ورجعت ذاكرتها تتنشط وعيونها تاخذ على النظر....
    هذا هي هنا بالمستشفى؟؟؟بس ياترى ليش؟؟؟؟
    ناظرت بنفسها وبيدها المجبسة واليد الثانية اللي كانت موصلة بالمغذي.....
    وتذكرت اللي صار كله بينها وبين احمد ودق قلبها بقوة؟؟؟ياترى احمد قال لهم عن اللي
    صار ولالا؟؟؟
    طيب منو اللي جابني المستشفى احمد ولابيتنا؟؟؟؟؟
    انا كيف اعرف ياربي كيف؟؟؟؟؟
    كانت عيونها تدور على جوالها هنا ولاهنا بس ماشافت شي من اغراضها حوالينها ابدا حتى
    العباية ماشافتها؟؟اكيد بالدولاب....
    وش يقومني وانا بها الحالة؟؟؟خليني انتظر شوي لين يشيلون ها البلوة وبعدين يصير
    خير؟؟؟
    //////////////////////////////////////////////////////////////////////////////////////////////////////////
    /////////////////كان الصباح خير على الكل وبداْ النظام المدرسي بالرجوع والشوارع تزدحم
    كالعادة كل صباح.....
    اللي راح مدرسته راح واللي راح دوامه راح والدنيا بدت من جديد.....
    مها كانت تناظر بالغرفة اللي ضوت مع الشمس القوية وهي ماهي عارفة وش اللي صاير
    برة ها الغرفة ..تبي أي خبر..اي خبر بس تعرف وش اللي يدور حوالينها مو كذا؟؟؟؟
    دق تلفون الغرفة ونطت من مكانها من الخوف
    مها/بسم الله؟؟؟منو بيتصل علي اللحين الساعة سبع ونص؟؟؟؟مدرسة غلطانين بالعنوان؟؟؟
    رفعت السماعة بهدوء وهي تدعي ربها انه يكون احمد علشان تتفاهم معه وتقول له على كل
    شي...
    مها بهدوء/الو..
    هيفاء بفرح/الف الحمد الله على سلامتك بس لااكون صحيتك من نومتك ترى ماقدرت اقاوم
    اكثر ومااتصل اتطمن عليك؟؟؟
    مها باندهاش/هيفاء!!!!كيف عرفتي اني بالمستشفى؟؟؟اكيد احمد قال لك صح؟؟؟والله انه
    فهمني غلط؟؟
    هيفاء تنهدت/مها انا ابي اعرف وش صار؟؟حتى خالد باله مشغول على اللي صار بينكم؟
    مها بخوف/خالد؟؟؟ليش شقال خالد؟
    هيفاء/بعدين بقولك ..انا على ساعة كذا وبكون عندك...تبين شي اجيبه لك وانا جاية؟.
    مها بدت تبكي/هيفوا انا خايفة مووت؟
    هيفاء /ليه؟؟
    مها/معناته ابوي ماعرف شي؟؟؟
    هيفاء/عن شنو؟
    مها/عن اللي صار امس بيني وبين احمد ..اذا خالد يقول انه يبي يعرف يعني احمد ماقال
    لهم؟
    هيفاء/احمد اصلا ماهو......شوفي انا جايتك بعد شوي طيب؟
    مها/افرضي دق ابوي ولاامي يتطمونن علي شقولهم؟
    هيفاء/انتي شبينك وبين احمد؟؟هو اللي ضربك امس؟
    مها/أي...بس هو ماكان يقصد انا السبب؟
    هيفاء/طيب قولي لهم أي شي..قولي انك وقعتي من الدرج لانك ماانتبهتي واذا سالوك عن
    احمد قولي انا قلت له لايدخل معي لان صاحباتي كانوا بيجوني البيت وماحبيت يعيقنا؟؟؟
    مها/طيب...مو تتاخرين ترى مدري كيف اصرف حالي بدونك؟
    هيفاء/فطرتي ولابعد؟؟تراني ميتة جوع باخذ لي فطور وبعدها بجيك؟
    مها/أي جيبيلي معك شي اكله لاني ميتة جوع بعد....
    //////////////////////////////////////////////
    محمد كان عنده امل انها ترد عليه ويوم قعد من النوم وماشاف ولااتصال منها ولاحتى مسج
    تضايق حييل بس مافقد الامل دق عليها بس تفاجاْ ان جوالها مقفل!!!!
    قام وهو في قمة عصبيته ودرى انها قاعدة تسوي له حركات بنات وتغلي ودلع قال يطنشها
    احسن علشان لاتركب راسها عليه!!!!
    ************************************على الساعة ثمان ونص دخلت هيفاء غرفة مها
    اللي كانت قاعدة بروحها...
    ومن شافتها مها قامت تبكي...
    هيفاء اخذتها بحضنها/قبل كل شي قولي حمد الله على سلامتك يامها؟؟
    مها من بين دموعها/الحمد لله يارب بس انا خايفة من اللي جاي ياهيفاء..
    هيفاء/شالسالفة يامها ترى والله طول الليل وانا افكر فيها؟؟







    البارت السادس والعشرين,,,
    //////////////////////

    على الساعة ثمان ونص دخلت هيفاء غرفة مها اللي كانت قاعدة بروحها...
    ومن شافتها مها قامت تبكي...
    هيفاء اخذتها بحضنها/قبل كل شي قولي حمد الله على سلامتك يامها؟؟
    مها من بين دموعها/الحمد لله يارب بس انا خايفة من اللي جاي ياهيفاء..
    هيفاء/شالسالفة يامها ترى والله طول الليل وانا افكر فيها؟؟
    مها قالت لهيفاء كل اللي صار امس..
    هيفاء سكتت وماعلقت...
    مها/انا كنت بقوله بس هو ماعطاني مجال؟
    هيفاء/بعد ماتلومينه احمد رجال ويغارعليك يامها هو لوغيره بمكانه كان بيسوي اللي
    سواه؟؟اجل هو بام عيونه متاْكد انه دخلك لداخل يوم رد ياخذك ماشافك؟؟؟ماتجي بالعقل
    يامها؟؟ولاو ماشافك جاية من بره المكتبة كانت اهون بس انه شافك؟؟؟
    مها/شسوي ياربي والله خايفة مووت؟
    هيفاء/ماحد خايف مووت غير احمد المسكين تراه من البارحة مو مبين وقافل جواله بعد!!
    مها بخوف/اه..لايكون صار فيه شي ولا سوى بنفسه شي؟؟؟
    هيفاء سكتت وهي اللي مافكرت بااحمد البارح بس اللحين انتابها عليه شوية خوف؟؟؟؟؟
    هيفاء/لالا تطمني احمد رجال وعاقل بس اكيد انه متضايق واول مايروق ويهداْ بيجي
    يستسمح منك
    مها بحزن/لا ياهيفاء انا اللي ابي استسمح منه؟؟؟انا اللي غلطت مو هو؟؟؟ماكان لازم
    استغفله واكذب عليه!!!!!
    هيفاء/قولي الحمد لله يابنت الناس على كل حال..
    مها/الحمد لله...
    هيفاء بفرفشة/يالله لايبرد الفطور اقولك ميتة جوع وانتي مو هامك؟؟مو حارقك الجوع
    مثلي؟
    مها مدت يدها للكيس/حرام عليك من امس الضهر كانت اخر اكلة اكلتها !!!كيف مو
    حارقني الجوع؟؟؟؟
    //////////////////////////////////////////////////////////////////في سيارة خالد....
    كان الصمت يسود السيارة...
    كان جاي مع امه وابوه اللي ماناموا طول الليل وماحد يلومهم طبعا!!
    ابو خالد كان يحاتي مها رغم تطمنه عليه قبل لايرجع البيت بس ضل قلبه مشغول
    فيها..ومتوعد بااحمد بطرده من البيت وذبحه!!!!
    ام خالد بعد كانت خايفة على مها وعلى صحتها بس كان خوفها على احمد اكبر من خوفها
    بمها بمراحل ومايتقارن!!!!
    الله يهداك بس يااحمد وينك من البارح مابينت ولا لك حس ولاخبر؟؟؟؟
    الله يحفظك وين ماكنت ياربي....
    خالد بعد كان مو فاهم شي من السالفة بس متطمن على مها انها بخير وان مالحقها أي ضرر
    بس شلي صاير مو قادر يفهم طبعا!!!!!

    دخلوا المستشفى ومباشرة لغرفة مها اللي ماتوقعوها صحت من بدري ولاتوقعوا يشوفون
    معها احد اصلا!!!!
    بس مشاءالله كان صوتها ضحك طالع لبره من فتحوا الباب .....
    خالد دق قلبه اكيد هيفاء هني!!!!هذا وانا عندي امل انها تكلمني تقولي شي ولا تسالني عن
    مها!!!يالله مالي نصيب بالحجة هاذي شكلي بظل على عبود احسن لي!!!
    ام خالد/هيفاء!!!هلا والله شلونك يمه.
    هيفاء ماتمنت ها اللحظة تجي ابدا!!!!اللحظة اللي بتشوف فيها بو خالد بعد ثلاث سنين
    كاملة ماشافته مرة وحدة بالغلط!!!!!
    وقفت وهي مبين انها مو على بعضها يمكن لانها ماتوقعتهم يجون من بدري كذا خصوصا
    ان اليوم السبت وتوها المدارس مفتوحة...
    بس يالله اخذي بعضك وطلعي..
    هيفاء بالموت طلعت منها ها الكم كلمة/هلا عمتي...تستاهلين سلامة مها؟
    ام خالد/الله يسلمك.....قعدي يمه وين رايحة؟
    هيفاء اللي كانت ماسكة شنطتها/ماشية..
    خالد تليقف بها اللحظة/توه الناس قعدي تقهوي معنا؟
    هيفاء بدون ماتناظره/معليش تونا فاطرين انا ومها برد البيت ارتاح شوي...
    مع السلامة......
    مشت لين وصلت قريب من الباب اللي كان بو خالد واقف جنبه وظل يناظرها وهي تناظره
    بدون مايقولون أي شي لبعض وبعده فتحت الباب ومشت.......
    وانتبه ابو خالد لطلعتها ولف بسرعة لمها /ها يبى..حمد الله على سلامتك ان شاءالله اللحين
    احسن؟
    مها/الحمد لله يبى.....
    ام خالد/يالله قومي فطري وتقوين تراك بتطلعين بعد شوي؟
    مها/يمه انا فطرت قبل شوي مع هيفاء جابت لي فطور واكلناه سوا..
    ابو خالد/هاذي من قال لها انك هنا بالله؟
    ظل الصمت هو سيد الموقف....لاخالد نطق ولا مها نطقت...ومها حست بخالد رغم انها
    ماتدري كيف وصل الخبر لهيفاء بس اللي فهمته من هيفاء ان خالد هو اللي خبرها..
    مها/انا دقيت عليها وقلت لها اني بالمستشفى.
    ابو خالد/وليش بالله؟
    مها/يبى شفيك؟هيفاء صاحبتي من زمان؟
    ابو خالد بحدة/وطليقة اخوك بعد!!!ياليت ماتنسين ها الشي يامها وماتخليني اذكرك فيه
    دايم!!!!!
    وحده خالد بس حس باحساس غريب وبخوف من المجهول؟؟؟
    سالفة هيفاء شكلها بتكون اصعب من اللي تفكر فيه ياخالد بكثير!!!!!!
    ام خالد/ماعلينا..اهم شي سلامة مها...
    ابو خالد/مها..
    مها/نعم يبى..
    ابو خالد قعد قبالها/ابي اعرف اخوك ها النذل ليش مد يده عليك!!!!!!!!!
    مها ارتبكت ياربي شقول لهم اللحين؟؟؟؟
    مها/ها...
    ابو خالد/وش صار بينك وبينه؟؟
    مها تذكرت كلام هيفاء والكذبة اللي اتفقوا عليها/ها..يبى احمد ماله شغل..انا انا كنت طايحة
    من الدرج ومتعورة.....
    ام خالد ماصدقت بس بينها وبن نفسها بعد ماتبي السالفة تطيح فوق راس احمد...
    ابو خالد/وش ها الكلام يامها!!!!كيف طحتي بالله؟؟؟واللي يطيح من على الدرج مو
    المفروض يطيح على وجهه؟؟ليش انتي طحتي مايلة بالله؟؟؟هذا يعني ان احد دزك وطحتي
    على جنبك وها الاحد هو اخوك ها الثور؟؟؟؟؟؟
    مها ارتبكت وماعرفت شتقول..........
    ابو خالد باصرار/قولي الصدق يامها؟؟؟
    شتقول بذيك اللحظة بس؟؟؟امها وخالد كانوا يناظرونها بعدة تساؤلات بس ماكان في نيتهم
    يتكلمون قدام ابو خالد...وابو خالد مصر يعرف اللي صار ومو مقتنع بالكذبة اللي
    كذبتها؟؟؟؟؟يعني لازم تقول أي شي علشان يسكت ابوها...........
    مها بارتباك/انا معه كنا متهاوشين يبى؟؟
    ابو خالد بانفعال/يقوم يضربك وينحاش مثل الحرامية؟؟؟
    مها بعدها على ارتباكها لانها مو قادرة تلكك السالفة وتلمها/ها ..لايبى..مو كذا بعد ماتهاوشنا
    انا طردته من البيت وقلت له ماابيك تقعد معي وهو طلع وانا بعدين طحت يعني يوم طحت
    ماكان يدري عني؟؟؟؟؟؟
    سكتت وماسمعت أي تعليق بس لقت ثلاثة وجوه تناظرها وهي مو مصدقتها بس ساكتة؟؟؟؟
    مها/متى بطلع من ها المستشفى الكئيب؟؟؟؟؟؟

    ///////////////////////////////////////////////////////////////هند كل حصة عندها كانت تمر مثل
    اللي قبلها!!!
    لالها بال على المدرسة اليوم ولاعلى الصاحبات ولا على التعليقات ولا على أي شي
    ابدا!!!!!
    كان كل اللي شاغل فكرها هو احمد وبس!!!!!!!!
    ياترى ا حمد صدق يحبني ولا بس قاعد يتلاعب فيني!!!!
    لا اكيد يحبني هو مو مجنون يتسلى فيني وانا بنت خاله وقريبة منه وبفضحه باي
    لحظة؟؟؟؟
    ولا ابوه قايل له علق بنت خالك وتزوجها وبعدين طلقها مثل اختها!!!!!!!!
    ياربي ماني قادرة اركز باي شي انا لازم اكلمه واقوله يعترف لي بنيته لاني قربت اجن مت
    كثر تفكيري فيه!!!!!!!!!!!!!!!!!!
    //////////////////////////////////////////////////////////////محمد ابو سارة/السلام عليكم..
    محمد رفع راسه/هلا والله...وقف له ومد يده له وسلم عليه.....
    محمد/حياك الله...تو مانورت الشركة يابو سارة؟
    محمد ابو سارة/منورة بوجودك ياالنسيب,,,
    محمد/من ذوقك يالغالي...تفضل شتشرب؟
    محمد ابو سارة/والله ماني جاي اشرب جاي اسولف معك شوي؟
    محمد/ماهو بعلى كيفك...ياابو ماجد جيب لنا استكانتين شاي......حيا الله ابو سارة؟
    محمد ابو سارة/شلونها؟
    محمد تنهد/منو؟
    محمد ابو سارة/من غيرها يجمعني ويجمعك يعني؟؟؟
    محمد/بخير الله يسلمك...انت ماتكلمها يامحمد؟
    تنهد ابو سارة/اذا قلت لك اني ادق عليها فوق الثلاثين مرة باليوم مابكون ابالغ يامحمد؟؟بس
    اختك ماترد علي!!!
    محمد/مالها حق والله؟
    محمد ابو سارة/انا عارف اني غلطت وتسرعت بس في شي هي مو فاهمته بالسالفة...شي
    صار ...وودي اقولها ونتكلم مع بعض...
    محمد/تبي نروح البيت ؟
    محمد ابو سارة/انا ماابي احرجها ياخوي بس انا اقول لو انك تطلع معها لكافي لو شي واجي
    انا واقعد معكم...يعني بتكون افضل...انا من جدي ابي اتكلم معها وهي سافطتني وماابي
    دخلتي البيت تسبب لها أي احراج مع اهلها؟؟
    محمد/طول عمرك اصيل ومامنك أي عيب يامحمد...ولا يهمك بس يصير وقت باخذها
    وبدق عليك....ولا اقولك انت وقت ماتتشوف نفسك فاضي وتبي تتكلم معها دق لي زانا
    بدبرها؟؟
    محمد ابو سارة/اذا على كذا اللحين؟؟
    محمد/هههه وشدعوة!!!
    محمد ابو سارة/لا بجد يامحمد ابي اتكلم معها باقرب فرصة....
    محمد/ان شاءالله..يصير خير اول ماتصير الفرصة مناسبة راح اكلمك؟
    /////////////////////////////////////////////////////////////////////////بعد صلاة الضهر كانت مها
    قاعدة بغرفتها بروحها وبالها مشغول بااحمد اخوها....
    الله يستر للحين مارد ..
    خالد/اجيبك لك شي تاكلينه؟
    رفعت راسها واقت خالد جالس جنبها/خالد انت من متى هنا؟
    خالد/من الوقت اللي كنتي فيه سرحانة ياانسة مها؟؟
    ضحكت له مها او بمعنى اخر ابتسمت له/خالد شكرا...شكرا لااهتمامك وعنايتك وخوفك
    علي؟
    خالد مسك يدها/انتي اختي يامها وتعرفين معزتك عندي شقد فماله داعي تتغلين وكل شوي
    تقولين شكرا وشكرا...
    مها/من جدك منت رايح الشركة علشاني؟؟
    خالد/طبعا وفي اغلى منك...
    مها/انا ضايق خلقي ياخالد قاعدة افكر بااحمد؟
    خالد/انتي بس لوتقولين لي شصار كان قدرت افكر هو وين بيروح؟؟
    احمد من وراهم/ماله داعي هذا انا رديت؟؟؟؟؟؟؟؟؟؟؟؟؟؟؟؟؟؟؟؟
    لفوا خالد ومها بسرعة لااحمد اللي كان حالته لله وثيابه معفسة وشكله طالع من حرب عالمية
    واثر السهر مبين تحت عيونه..
    خالد/انت وينك فيه؟؟؟؟ماتدري ان احنا قلبنا عليك العالم ندورك؟
    احمد/..................
    مها/...................
    خالد/ماترد؟؟؟؟
    مها برجاء/خالد ممكن تتركني مع احمد شوي بروحنا؟؟؟
    خالد قام يناظرهم وهم اثنينهم يطالعون ببعض.....
    احترم صمتهم وطلع وسكر الباب وراه.............
    مها قامت من فراشها ومشت لين وصلت لعند احمد...
    وقام يناظرها بدون أي كلمة ولااي انفعال...اهم شي تطمن انها بخير وماماتت...اللحين
    بيجي الحساب بيعطي خالد السالفة كلها وبيطلع هو منها؟؟؟؟؟
    ///////////////////////////////////////////////////////////////على سفرة بيت السالم كانوا كلهم
    متجمعين ياكلون مع بعض....واول ماقامت الجدة تكلمت هيفاء....
    هيفاء/البارحة مها بنت عمتي طاحت وانكسرت يدها؟؟
    اول من رفع راسه محمد
    محمد بخوف لاحظه الجميع/شصار فيها؟؟
    مشاري/ماسمعتها تقول انكسرت يدها!!!!يعني انكسرت يدها؟؟
    ابو محمد/خير ان شاءالله بس ماتكون تعورت؟
    هيفاء/لا الحمد لله اصابتها كانت بسيطة فيها كم كدمة بس ماهم ثقلين...
    محمد/متى؟
    هيفاء/مدري بس الظاهر انها كانت بروحها بالبيت يوم يوصلها احمد يوم تطيح من على
    الدرج وماشافوها الا الليل يعني سعفوها شوي متاْخر..
    ام محمد/حمد الله على سلامتها..انتي شعرفك؟
    هيفاء/هي دقت علي الصبح من المستشفى وقالت لي ورحت لها طلعتي من المستشفى..
    هنادي/يعني نومها؟
    هيفاء/لا طلعت بس كان عندها البارح نزيف بالانف والصباح طلعوها؟
    ابو محمد//ماكلمت اختي قالت...
    هيفاء/يوم اطلع من عندها كانوا توهم جايين بس اكيد على مايخلصون الاجرءات بيكونون
    اللحين بالبيت....
    ابو محمد/يمكن بو خالد هناك وماحبت تتصل قدامه...يالله اهم شي مافيها الا العافية؟
    وحده محمد بس كان الله اعلم بحالته وهو اللي ذبح نفسه من البارح لليوم واخر شي طنش
    بعصبية ؟؟؟
    يابعد عمري يامها اثاريني كنت ظالمك وانتي تعبانة,,,,,
    مشاري/ممكن سؤال خارج الموضوع.؟
    طالعوا فيه كلهم....
    مشاري/ليش ماتتكلمون عن بيت عمتي قدام جدتي؟؟
    هيفاء/علشان لاتفهم الموضوع غلط وتروح توصله بطريقة ثانية,,وبعدين يمكن هم مو
    حابين يقولون لنا فماله داعي نحرجهم ونحرج انفسنا؟؟؟
    /////////////////////////////////////////////عمر/يبى احمد رجع البيت؟
    ابو خالد اللي كان يشرب العصير حط الكاس بقوة على الطاولة ووقف/وينه؟؟؟؟
    ام خالد وقفت/بالعدال يبو خالد افهم منهم السالفة اول؟؟
    ابو خالد/قلت لك مايقعد ببيتي ؟؟؟؟مسوي روحه رجال على اخته وهو تاركها بروحها
    باللبيت!!!
    عمر/انا شفته رايح غرفة مها؟
    *********في غرفة مها...
    اول ماشافت احمد قدامها طاحت على رجله تبكي وتعتذر.....
    مها من بيبن دموعها/انا اسفة ياخوي اسفة..انا عارفة اني غلطت وابيك تسامحني....انا كنت
    بقولك بس كنت خايفة منك...كنت مثل المجنون امس وماخليتنا نتفاهم؟؟؟
    احمد انا اسفة ياخوي بس وحياتك مافي شي من اللي تفكر فيه انا بنت وشريفة بعد؟؟
    احمد يلعن ابو الحب وساعته اللي يخلون الواحد يفكر غلط ويسيء لنفسه ولااهله
    وسمعته!!!
    احمد لان قلبه لها شوي ونزل لمستواها يحاكيها
    احمد/مها انتي عارفة وش سويتي؟؟والله لو كنتي مع ابوك ذبحك بدون تفاهم؟؟
    مها من بين دموعها/عارفة ياخوي عارفة...بس وحياتك مااعيدها والله مااعيدها...انا احبك
    يااحمد احبك..احبك مو لانك ماموتني امس لا؟؟؟احبك لانك فتحت عيني على شي كنت
    بغفل وبتناساه ياخوي؟؟؟
    سمعتي اللي هي اغلى مني ومن حياتي كانت ....
    قامت تبكي وضمها احمد لصدره...
    احمد بحنان/مها حلفتك بكل غالي تقولين لي شصار؟؟؟؟؟
    مها/بقولك بس توعدني يظل اللي بقوله لك سربيني وبينك ماحد يعرفه؟
    احمد/وعد...
    مها/احمد انا احب...........انا عارفة ان نظرتك فيني بتختلف اللحين بس انا وعدتك اقولك
    عن كل شي..........انا حبيت واحد وماعمري حبيت غيره؟؟؟ظليت منتظرته طول ها
    الثلاث سنين وماصدقت على الله يرجع ويحن لي ويكلمني ويلتفت لي من جديد بعد فراق
    صار بدون ذنب مني ولامنه!!!!!!!
    كل اللي بيني وبينه كم قصيدة وتلفونات لااقل ولااكثر يااحمد صدقني......
    ////////////////////////////////////////////////////////////////////



    البارت السابع والعشرين والثامن والعشرين والتاسع والعشرين,,,
    /////////////////////////////////////////////////////////////////
    احمد بهدوء/وطبعا ها الانسان محمد ولد خالي؟
    نزلت مها راسها بالارض /أي...
    احمد/كملي...
    مها/امس قال انه يروح مع هند لجرير وقلت له اني بشوفه هناك بس يوم رحنا قال لي خلنا
    نقعد بالسيارة علشان نسولف براحتنا....ورحت معه السيارة...انا كنت خايفة اقولك اني
    بروح علشان اشوف محمد فقلت لك ان هند هي اللي اتصلت فيني تبيني مع انها ماتدري
    اني بروح من الاساس!!!!
    احمد/وليش طعتيه ومابقيتي معه من الاساس بالمكتبة مثل مااتفقتوا يامها!!!
    مها/..........
    احمد/واذا قال لك تعالي نروح شقة بتروحين معه بعد يامها؟؟
    مها بانفعال/لا يااحمد لا...صدقني ماني رخيصة لدرجة اني ابيع نفسي علشان حب؟؟؟؟
    اقسم لك باللي خلقك كل اللي صار بيني وبينه بالسيارة انه مسك يدي وبس والله يااحمد
    وغلاوتك هذا كل اللي صار بيني وبينه!!!!
    احمد ضمها لصدره/مها انا اسف انا من جد اسف شكان بيصير لو قعدت معك امس وسمعتك
    بدل مااكسر يديك؟؟؟
    مسك يدها المكسورة وقال بحنان/ياجعل يدي الكسر ولا كانت انمدت عليك يالغالية؟؟
    مها وهي تبكي/استاهل يااحمد استاهل!!!صدقني انت وغيرتك علي كبرتك بعيني مرات
    ومرات....ما تتخيل ياحمد شقد انا فخورة ان عندي اخو مثلك...
    احمد/الحي...الحي يامها شي صعب.....ساعات احس انه بيجننا من كثر ماهو صعب ومالنا
    يد فيه؟؟؟؟
    انفتح البا بذيك اللحظة بقوة وكان بو خالد داخل وشره قدامه مسك احمد من ياقة ثوبه وعطاه
    كف بقوة على خده.....
    مها بصراخ/يبى!!!!قلت لك احمد ماله شغل....
    ابو خالد/هذي مرجلتك يالنذل؟؟تقوم تكسر يد اختك وماتكلف على خاطرك توديها
    المستشفى؟؟
    دخلت ام خالد وخالد وراه ووراهم باقي العيال..
    احمد/يبى انا...
    ابو خالد عطاه كف ثاني سكته وقامت مها تبكي...
    مها/يبى تكفى تكفى الله يخليك علشاني..
    ابو خالد/اطلع من بيتي ماابي اشوف رقعة وجهك فيه مرة ثانية سامعني؟؟
    خالد/لا يبى لا..ماهو كلام هذا؟؟
    ابو خالد/قلت لط اطلع من بيتي بسرعة؟
    ام خالد ببكي/ابو خالد صل على النبي....
    ابو خالد/ماتسمعني!!!ثور انت..اقول لك اطلع ماابي اشوفك ولااشوف رقعة وجهك ...هذي
    رجال اخر زمن والله..
    احمد كان يداري دموعه الي نزلوا وهو منحرج من اخوانه.....وطلع من غرفة مها بسرعة
    ام خالد /روح يمه خالد وراه روح..
    خالد قبل لاتتكلم امه كان طالع ورى احمد ...
    مها رمت حالها على الارض تبكي بهستيرية.....
    ابو خالد ركع عندها/يستاهل علشان يعرف قيمتك وغلاتك عندي ومايسوي روحه رجال
    وهو مايسوى شي؟؟
    مها من بكيها وصراخها/يايبى انت مو فاهم شي اصلا!!!انا ابي اخوي ....والله ان مارد
    احمد بطلع وراه ؟؟سامعني بطلع وراه وماني قاعدة لك بها البيت؟؟؟؟؟
    بسيارة خالد..
    كان احمد قاعد ووجهه للنافذة وعيونه مغرقة وججها وخالد يسوق بهدوء وهو كل شوي يلف
    لااحمد...
    خال بحنان/احمد...هدي وانا اخوك لاتكبرها؟
    احمد كان سكوته هو اللي مالي المكان...لين وصلوا عند بيت عادل...
    خالد/يالله انزل....
    احمد/ليش؟
    خالد/انزل....
    احمد/ماني نازل ياخالد..
    خالد/اقول لك قوم انزل....
    وطلع جواله ودق على عادل وقال له انه عند الباب هو مع احمد...
    احمد/ماني نازل ياخالد
    خالد/ماتشوف حالتك شلون صايرة يااحمد؟؟؟ادخل تسبح وصلي وبعدها بنطلع ناكل لنا لقمة
    ونتفاهم.....
    طلع لهم عادل وماقصر رحب فيهم على اكمل وجه...(طبعا عادل كان ساكن مع امه بس
    وشغالتها لان امه كبيرة واخوانه كلهم تزوجوا وماضل الاهو وماعنده خوات)
    ///////////////////////////////////////////////////////////////دخل غرفته بسرعة وماصدق انه
    يكون بروحه علشان يدق عليها....
    وتفاجاْ ان جوالها بعده مقفل!!!
    اوف ياربي كيف اتطمن عليها اللحين بس!!!!!
    رجع دق مرة ثانية وبعده الجوال مقفل؟؟اوووف ياربي انا مقدر اقعد احاتيها كذا لازم اسمع
    صوتها واتطمن عليها...ماعندي غير هيفاء(للمصالح بس هيفاء)
    بس ها النشبة قاعدة تتقهوى مع ابوها والعيال متى تقوم عاد!!!
    وجدتي هناك مقدر اقولها ابيك بشغلة كان تسويلي سين وجيم اعرفها؟؟
    خلني انزل واقعد معهم طبيعي لين تقوم اقوم وراها واخليها هي تدق على مها من بيت
    عمتي واتطمن عليها.....
    اما مها كانت بحالة موطبيعية من البكي....
    هذا اللي كانت خايفة منه ابوها وردة فعله!!!!!
    طول عمره عصبي ومايتفاهم ومايخلي اللي قدامه يتكلم ويقول اللي عنده ولايقتنع اصلا باي
    شي؟؟؟؟
    هي السبب بطردة احمد من البيت هي!!!!
    بس والله ماكان ذنبها حاولت تشرح لاابوها بس ماسمعها ولارضى يسمعها بعد!!!
    اهم شي ان خالد راح ورى احمد وها الشي يطمن على الاقل بتضمن انه بيكون معه
    ويخفف عنه ويهديه من عصبيته لايسوي بروحه شي....
    احمد طيوب وحليو ومايستاهل انه يصير فيه كذا علشاني!!!!!!!
    ///////////////////////////////////////////////////////////////////في بيت عادل..
    عادل/والله ماتطلعون هذا انا بطلب لنا اكل من المطعم اللحين؟
    احمد/ماقصرت ياعادل والله انا كنت ابي اتسبح واصلي والحمد لله...نردها لك ان شاءالله؟؟
    عادل بضحكة/متى يعني اذا طردتني مرتي من البيت بالمستقبل!!!
    خالد واحمد/ههههههه
    عادل/قول شي ياخالد عاد؟
    خالد وهو منبطح/وش اقول بعد...يااحمد انت تعرف عادل خويي ماهو غريب عني وعنك
    اقعد يبى خلنا نتغذى وبعدين افراج؟؟؟
    احمد/مانبي نكلف عليه ياعخالد الله يهداك؟
    عادل/أي كلافة انت بعد يااحمد!!!يبى انا بطلب الغذى من المطعم واخوك اللي بيطلع
    يستلمه علشان يدفع؟؟؟؟؟؟
    خالد لف على احمد/وانت تقولي نكلف عليه؟؟ظيبى اذا بتكلف بتكون كلفت علي انا مو
    هو؟؟؟
    عادل واحمد/ههههههههه
    احمد/والله ان عادل ماينشرى بالذهب ياخوي؟؟؟ياليت كل العالم مثله كان الدنيا بخري والله؟
    عادل/لاتحرجني يابو حميدان الله يسلمك...ترى البيت تحت امرك مافي احد غيري وغير
    الوالدة الله يعطيها العافية وشغالتها ماريلين..
    خالد/حلوة؟
    احمد/مني؟؟
    خالد/مني يعني الشغالة؟
    احمد/انت بتناظر بالشغالات باخر الزمن ياخالد؟؟؟
    عادل/ههههه تبيني اعلمك عن سوالف اخوك يااحمد!!!!
    احمد باهتمام/أي قول؟؟
    خالد رمى المخدة على عادل وهو يضحك/اسكت انت لاتفضحنا هذا بخور الشرقية؟؟؟؟
    عادل واحمد/ههههههههه
    عادل/لاالصدق الصدق..خالد باله مشغول؟
    احمد/بشنو؟
    عادل ناظر بخالد اللي استحى..../بام عبدالله!!!!!
    /////////////////////////////////////////////////////////////////////// محمد كان قاعد معهم وعيونه
    على هيفاء ينتظرها متى تقول بقوم ارتاح شوي باله مشغول بمها ويبي يتطمن عليها!!!!!
    هنادي/محمد اصب لك قهوة ياخوي؟؟؟
    محمد انتبه لها/ها..لابس ماابي شكرا...
    محمد في باله (هنادي بعد نسيت سالفتها والله؟؟؟يالله خلني اتطمن على مها وبعدين افضى
    لها)
    قامت هيفاء علشان ترتاح وقام وراها محمد بسرعة وكانها بتطير...
    على الدرج..
    محمد/هيفاء..
    لفت عليه/نعم...(هي عارفة وش يبي بس ماحبت تبين له)
    محمد/ممكن شوي؟
    هيفاء/تفضل..
    محمد/تعالي عندي غرفتي شوي..
    هيفاء مشت وراه لين دخلوا داره..
    هيفاء/خير ان شاءالله؟
    محمد بدون مقدمات/دقيت بتطمن عليها جوالها لسه مقفل!!يعني هو من البارح مقفل ماشكله
    جنبها!!!
    هيفاء/...........
    محمد/فيك تدقين على بيت عمتي وتسالين عنها؟
    هيفاء بهدوء/واذارد علي بوخالد يامحمد؟؟شقوله؟؟؟
    محمد بضيق/وتبيني انا اتصل واقوله ابي اتطمن على بنتك!!!بالله انتي تشوفينها عدلة؟؟؟
    هيفاء كانت مندفعة بتتكلم بس سكتت وماردت عليه ومسكت سماعة التلفون ودقت على بيت
    عمتها....
    هيفاء/اهلين مرام كيفك.....شخباركم طيبيبن.....مها شلونها اللحين؟؟طيب هي قاعدة لو
    نايمة؟؟؟؟ليش...اممم طيب معليش تجيبينها شوي بكلمها....معليش انتي قولي لها اني انا
    اللي على الخط وهي بترد علي....
    وسكتتت شوي لين وهي تفكر بكلام مرام(احمد رد البيت وابوي طرده ومها ماهي راضية
    تقابل احد)
    هي مو عارفة شتقول لااحمد كانت تبي مها تتفاهم معه وتطلع هي منها!!!
    حطت يدها على سماعة التلفون وكلمت محمد بسرعة /ترى اهلها حوالينها يامحمد؟
    محمد/معليش بس اسمع صوتها واتطمن عليها؟

    مها ردت وهي تبكي/اهلين هيوف شلونك؟
    هيفاء/هلا والله...ها شفيك بعدها يدك تاْلمك؟
    مها بحزن/أي يدي ياهيفاء والله اني مو حاسة بالمها ابدا!!!اخوي هو كل همي والمي...
    هيفاء/اقول ورى ماتفتحين جوالك في ناس معي تبي تطمن عليك؟؟
    مها فهمت ان محمد هو المقصود وان جنب هيفاء وسكتت ماعلقت باي شي؟؟؟
    يكفي انه هو السبب في اللي صار لها حتى لو كان بدون ذنب اوقصد منه؟؟؟؟

    هيفاء/شقول لهم ؟؟انتي طيبة؟؟
    محمد اشر على هيفاء انه يبي يكلمها...
    وعطته السماعة وطلعت من الغرفة.....
    محمد بلهفة وخوف/مها..سلامات ياعمري سلامات ياجعله فيني ولافيك؟
    مها /أي....تمام...
    محمد/عارف ان حوالينك ناس بس تاْكدي اني خايف عليك وبنتظر اتصال منك اول
    ماتفتحين جوالك علشان اتطمن عليك زين حياتي...
    مها/مو مشكلة...
    محمد/توصيني على شي...
    مها/لاحبيبتي سلامتك...مشكورة...يالله باي...
    //////////////////////////////////////////////////////////////////////////////////////////////////////////
    ///////////////على المغرب كانوا خالد واحمد يتمشون على الكورنيش.....
    خالد/انت شقاعد تفكر فيه ياحمد من نزلنا نمشي وانت سرحان وساكت؟؟؟
    احمد تنهد/ماراح ارد البيت ياخالد؟
    خالد/انت ماتعرف ابوي يااحمد؟؟؟روح طيح على راسه وبيرضى عنك ان شاءالله؟
    احمد/لا ياخالد لا ماراح اروح له البيت ولاراح اتسامح منه بعد؟؟؟؟
    خالد/شها الكلام يااحمد؟؟؟
    احمد/اللي سمعته ياخالد اللي سمعته ماراح اروح هو طردني مثل الكلب من البيت بدون
    مايعرف منو فينا اللي كان غلطان ليش تبيني ارد البيت!!!!
    خالد/مهما كان يضل هذا ابوك؟؟
    احمد/وفشيلتي قدام اخواني اللي اصغر مني ياخالد؟؟؟كفين مو كف واحد عطاني قدامهم على
    بالك هاذي سهلة؟؟؟؟
    خالد/لاتخلي الشيطان يقص عليك ياولد الناس؟؟انت تعرف معزتك عندنا كلنا وتعرف ان
    ابوي نفسه مايقصدها بس يبي ياْدبك؟
    احمد/خله ياْدب بنته قبل لاياْدبني ياخالد؟؟؟انا رجال ومايعيبني شي؟؟؟
    خالد/شوف يااحمد..انا احترمت سكوتك وسكوتها وانكم تبون تلمون السالفة وتسكتون
    وماراح اسالكم عن شي....
    احمد/هي وعدتني مااقول لااحد السالفة ياخالد فاانا ابيك تعذرني ياخوك ..السموحة مقدر
    اقولك عن سرها وانا وعدتها؟؟
    خالد/بغض النظر...انت تشوف ان السالفة كانت تستاهل اللي سويته فيها؟؟
    سكت احمد وماجاوب الا بعد فترة/تبي الصراحة ياخالد...اي....يمكن احيانا..محبتنا لاناس
    معينين تدفعنا للغلط بدون مانقصد؟؟؟
    ومها كان لازم تتحاسب ياخالد من مين ماكان انا ولاانت ولاابوي ؟؟؟لاني ماارضى ان احد
    يجيب بسيرة اختي وهي بنت ناس ومربية ياخالد...
    خالد/شسوت اختك يااحمد ؟
    احمد/سوت الشي بدون قصد او حتى مافكرت فيه بزاوية انه غلط؟؟كان كل همها
    انها.....خالد معليش ياخوي سامحني اهم شي عرفت انها غلطانة...
    خالد/خلينا نروح البيت..عاد يرضيك ام خالد تضل تحاتيك طول الليلة؟
    احمد/قلت لك انا مو راد البيت؟؟هي الغلطانة مو انا وابوي لازم يعرف ها الشي ويحاسب
    كلا على غلطه مو يحمل الناس ذنوب بعضها؟؟؟؟

    خالد/وبعدين يااحمد؟
    احمد/شوف لي مكان انام فيه ياخالد؟
    خالد/احمد طيعني ورد البيت ترى امي كم مرة دقت علي.....
    احمد/بفتح جوالي قبل لاانام بكلمها وبرجع اقفله زين ياخالد؟؟؟
    ///////////////////////////////////////
    محمد كان نازل وهنادي راكبة والتقوا عند النص وماكان فيه احد بالصالة ولافوق يعني
    ضلوا بروحهم...
    محمد/ابيك بسالفة؟
    هنادي/خير ياخوي؟
    محمد/لبسي عبايتك وبنطلع شوي انا وانتي؟
    هنادي/معليش يامحمد بلا ها الطلعة بروح اعشي سارة وانيمها بكرة عندها مدرسة بس تنام
    اجيك ونسولف طيب؟
    محمد/قلت لك ابي اتكلم معك بره البيت ياهنادي؟
    هنادي/طيب بخصوص شنو؟
    محمد/ممكن اعرف انتي ليش مطنشة محمد ياهنادي؟
    هنادي/ممكن مانتكلم في ها الموضوع يامحمد لانه خاص فيني وفيه بس وماابي احد يدخل
    بينا!!!!
    محمد/ماهو بكيفك يابنت؟؟طلعتي من بيته علشان انه خطب على قولتك وخير ياطير واذا
    خطب يعني وش فيها هذا حقه وماحد يلومه شوفي انتي وش قصرتي فيه معه بيوم من
    الايام!!!!!!!!
    طالعت فيه مرة ومرتين وثلاث تبي تشوف هو قال الكلمة قاصدها ولا طلعت من فمه
    بالغلط!!!
    شكله مايوحي بانه ندمان ابدا وماعلى وجهه أي تاْثير للزعل على ها الكلمة ..وحاولت انها
    تداري دمعة بعيونها وماقدرت...
    اخر انسان توقعت انه يلومها هو اخوها ولد امها وابوها واللي طول عمرهم يحبون بعض
    ومتفاهمين مع بعض!!!!
    هنادي وهي محاولة انها تكون طبيعية بكلامها مع محمد/انا مااسمح لك يامحمد تتكلم عني
    بالطريقة ذي ابدا!!!!انت مو عايش معي حياتي ولاتدري وش اللي يصير لي من اهله ومن
    كلامهم اللي مثل السم؟؟؟فلا تتدخل الله يخليك؟
    محمد/شوفي انا ماابي اتدخل بس زوجك هو اللي طلب انه يشوفك ويتكلم معك ويقول انك
    انتي ماتبين تردين عليه؟؟؟طيب اذا هو غلط وكان يبي يصحح غلطته ليش تكونين كذا
    ياهنادي ابي افهم؟
    هنادي/حط نفسك بمكاني يامحمد؟؟؟انا انخدعت فيه؟؟؟محمد غشني وكذب علي!!!ليش
    المطلوب مني اسامح وانسى وماكان شي مر بحياتي ليش؟؟؟؟
    محمد/مو لهدرجة عاد؟؟لاتكبرين السالفة ياهنادي؟؟
    هنادي/اكبرها؟؟؟؟انت شتبي يامحمد؟
    محمد/ابيك تردني لبيت زوجك!!!
    هنادي/وتطردني من بيت ابوي يامحمد!!!!
    محمد/انا ماطردتك ياهنادي بس مكانك هناك معه ...لاتخلينه يحس ان بعادك عنه شي عادي
    وماله أي اهمية؟؟ظلي قاعدة قباله علشان لاينسا:ك؟؟؟
    هنادي/غلط ياخوي غلط!!!!!
    محمد/انتي ماتعلميني الصح من الغلط ياهنادي؟؟؟انتوا اصلا مدري شلون تفكرون في
    بعض السوالف!!!!!
    اقول لايكثر بس وروحي لبسي بوديك عنده البيت واذا تبين تخلين بنتك هنا لين تصفى
    الامور خليها؟؟
    هنادي بانكسار/البيت اللي مابيضمني وانا محتاجته ماابيه يضم بنتي يامحمد؟؟؟؟؟ولايهمك
    ياخوي ماني قاعدة هني دقيقة وحدة علشان لااضيق عليك واضيق خلقك؟؟؟بس يامحمد الله
    يخليك خليها تكون بيني وبينك ماابي احد يعرف أي شي عن الكلام اللي صار بينا
    اللحين!!!!!!!!!
    مشت من قدامه وهو يناظره........
    كانت كريمة وطيبة معه لااخر كلمة قالتها؟؟حتى طردته لها من البيت مابغت احد يدري
    عنها!!!!بس ياترى هل محمد يستاهل انك تتركينه يتدخل بحياتك ياهنادي؟؟؟؟؟
    ///////////////////////////////////////////////////////
    ام خالد بلهفة/هلا يمه شلونك....
    احمد/بخير..يمه بخير..
    ام خالد/اكلت لك شي يمه؟
    احمد/أي يمه...
    ام خالد/اخوك بعده معك ..
    احمد/أي اللحين بيوصلني وبيرجع البيت؟
    ام خالد/وين يوصلك يااحمد؟
    احمد/يمه خلاص خالد بيجيك اللحين..حبيبتي مو تنسين بكرة تدقين علي تنبهيني للجامعة
    ترى انا مااقوم تعرفيني راسي ثقيل؟؟
    ام خالد/لحظة....انت مابترد مع اخوك ياحمد؟
    كل الانظار كانت تناظر بام خالد ذيك اللحظة اللي تغيرت ملامحها (ابو خالد ومرام ومها
    وعمر)
    ام خالد باسى/طيب يمه تصبح على خير....
    ابو خالد اول من تكلم بعد ماسكرت السماعة/ماهو راد البيت؟
    ام خالد ماردت عليه وكانت متضايقة ومعصبة حييل...
    مها/يمه...احمد ماهو راد الليلة؟
    ام خالد بعصبية/لا ماهو راد؟؟مو هذا منى ابوك انه يطرده من البيت ويقعد لي
    بالشوارع!!!!يالله افرح كاهو مابيرد الليلة؟؟؟
    قامت من عندهم ومها قلبتها مناحة على ابوها وانها هي السبب واحمد ماله شغل
    بشي؟؟؟؟قامت ام خالد وهي متضايقة وزعلانة على شمعة البيت احمد.......هذا نور البيت
    كله...على هواشه معهم وشماتته على هذا وذاك وسهراته مع ربعه اللي ماتنتهي بس في
    النهاية كان حقاني وطيوب ويسوي لهم اللي يبونه...الله يحفظك يايمه ياحمد الله يحفظك؟؟؟
    ///////////////////////////////////
    هيفاء كانت قاعدة بغرفتها بعد ماطلعت من الحمام وتسطحت شوي قبل لاتقوم تلبس....
    جاها مسج خلاها تعتدل في قعدتها وكان من خالد(السلام عليكم...هيفاء شلونك...ممكن امر
    اخذ عبودي يتعشى معنا انا وعادل واحمد ,,بنتظر ردك)
    هيفاء شفي هذا صدق قلب الموجة على عبودي وكل يوم يبي يمر ياخذنا يعشيه
    ويلعبه!!!!وهاذي سالفة جديدة بعد انه ينتظر ردي بالعادة يتصل على البيت ويقول هذا انا
    جاي اخذه؟؟؟؟
    الله يستر منك ياخالد بس؟؟؟؟
    وطلعت صورته من تحت مخدتها....
    مثل ماهو ماتغير خالد العواد وبيظل خالد العواد ماتغيرت فيه ولا ذرة بشكله ولاطبايعه....
    تمنيتك كنت مثل ابوك ياخالد وبنفس اطباعه وحقده وكراهيته علشان اقدر اكرهك وماحد
    يلوني بس انت غير ياخالد غير!!!وهذا الشي اللي يخليني افكر مليون مرة قبل لااقول انا
    اكرهك؟؟؟؟
    اه ياقلبي اه.....حسبي الله عليك يابو خالد...فرقت بيني وبينه بدون ذنب لاماني ولامنه؟؟؟
    لكن شقول ياخالد شقول.....الله يسامحك يوم تسمع كلام ابوك وتتركني اعاني
    بروحي؟؟؟بس الحمد لله على كل حال يمكن انها خيرة انك تركتني !!!!!
    قامت تلبس عبود علشان تلحق هي بعد تلبس...
    ****خالد من ردت عليه هيفاء انه عادي يمر ياخذه راح طيران للبيت ياخذ مذكرات احمد
    وكتبه للجامعة وشوية ثياب له لانه شكله مطول ببيت عادل ورغم انهم كلهم ينتظرونه يبون
    يسولفون معه ويعرفون وش صار بينه وبين احمد بس هو عطاهم اكبر طاف وطلع علطول
    لبيت خاله ياخذ عبود وماكان باقي وقت كثير على طلعة هيفاء للمستشفى.....
    في غرفتها
    مشاري/يالله منتي رايحة الدوام؟
    هيفاء كانت لابسة وجاهزة../مادقني ها السايق؟؟
    مشاري/السايق تحت و.....يالله نزلي بسرعة؟
    //////////////////////////////////////////////////////////////



    البارت الثلاثين..,,,,
    //////////////////////////////
    دخلت الشقة وكانها غريبة عنها ولا كانها تشوفها لااول مرة .....؟؟؟
    جاها احساس بالضيق مراح يحسه غير اللي يعيش اللي عاشته ويشوف المر اللي شافته
    ويمر عليه الكذب اللي مر عليها!!!!!
    كان كل شي فيها هادىْ ومرتب مثل ماتركتها معدا لحاف محمد اللي كان مبين انه ينام على
    كنبة الصالة؟؟؟؟
    سارة/ماما ابوي هنا؟
    هنادي/دخلي غسلي اسنانك ولاتكثرين حكي يالله تاْخرتي على المدرسة؟

    دخلت تغسل اسنانها وهنادي تتجول مثل الغريبة ببيتها؟؟؟؟
    ياليتني مااخذت على خاطري من كلامك يامحمد وقعدت ببيت اهلي ولا الضيق اللي بحسه
    هنا ياليت؟؟؟؟؟؟؟؟؟؟؟؟
    بس لاياهنادي لاتفكرين ان كلمة محمد كانت قليلة وهو اخو ماهو عدو علشان يقول ها
    الكلام؟؟؟؟
    يالله..الله يسامحه يمكن كان خايف علي وماعرف يقولها بطريقة ثانية!!!!(لاتحاولين ترقعين
    له)
    حتى المبخ كان نظيف ومافي اثر لااي صحن بالمغسل معناته حتى ماكان ياكل
    بالبيت....مسكين طول ها الفترة اكيد ياكل من بره اعرفه مستحيل يكون ياكل تحت عند
    امه؟؟؟؟
    وليش تتمسكنين عليه ياهنادي وهو بعد كم يوم تاركك ورايح لغيرك وبينسى طوايفك
    وطوايف اللي خلفوك اذا جابت له العيال؟؟؟؟؟؟؟؟
    محمد بلهفة/نورتي البيت يانوره وضواه؟؟؟؟
    ارفعت راسها وشافت محمد اللي كان توه جاي ومبين ان محمد قايل له انه ردها للبيت...
    هنادي/...........
    محمد/معليش كنت اتمنى اسوي لكم شي قبل لاتردون بس محمد فاجاني انه جابكم وماقال
    لي الاتوه؟
    سارة/بابا...انا رديت البيت؟؟
    محمد بحب/هلا والله بحبية ابوها تعالي بحضني تعالي...
    سارة حضنته بقوة وهو يبوس فيها
    محمد/رحتي المدرسة اليوم؟
    سارة/أي وماعلمونا شي بكرة بيعلمونا بس انا رسمت رسمة حلوة تبي تشوفها.؟
    محمد/اكيد...
    هنادي/سارة بيجامتك وروحي فراشك طيب؟؟؟
    محمد/يالله حبيبتي تعالي علشان لاتتاخرين بكرة الصباح؟
    راح مع سارة لغرفتها وهنادي ضلت بحيرتها...ياترى بضل مطنشتك يامحمد ولا ماراح
    اقوى اكثر من كذا؟؟؟؟
    ////////////////////////////////////////////////
    يوم طلعت هيفاء مالقت غير خالد وعبود واقفين لفت لمشاري/وينه؟
    مشاري/خالد قال لي اخليه يروح وهو بيوصلك لانه ماعنده شي؟؟؟
    قال ها الكلمة ودخل البيت وخالد يناظرها....
    خالد/لاتتاخرين على دوامك؟
    ظلت تناظر فيه وهي ودها تقول شي بس فضلت انها تقوله بعد ماتركب السيارة لانها
    ماتضمن يكون مشاري بعده واقف ورى الباب يتسمع!!!
    اول ماركبت السيارة قالت له بعصبية/ممكن مرة ثانية ماتسوي شي من راسك ياخالد؟؟؟؟
    خالد لف عليها ببراْة/انا قلت بتكونين مع عبود بتكون نفسيتك افضل للدوام لانك بتكونين
    شايفة ها القمر؟؟؟صح ولا ياعبود؟
    عبود/صح
    هيفاء باستنكار/لاوالله؟؟؟
    خالد/أي والله..
    هيفاء/ومن متى ان شاءالله عبود قمر؟
    خالد/يو ..اسم الله عليك ياهيفاء ماتشوفينه شكثر يشبهني ؟؟يعني بذمتك ماهو قمر!!!!!
    هيفاء في بالها (بهاذي صدقت واحلى قمر بعد بس لاتحلم اقولك أي)
    خالد/ناخذ لك شاورما على الطريق تاكلينه؟
    هيفاء بصرامة/لا
    خالد يكلم عبود/وش تحب الماما غير الشاورما؟؟؟
    عبود/فلافل...
    خالد/وبعد؟؟
    هيفاء (لله ياخذك ياعبود؟؟؟ان شاءالله بتقول كل الفضايح اللحين؟؟)
    هيفاء انتبهت ان خالد غير الطريق/خير ان شاءالله..
    خالد ابتسم لها بدون مايعلق..
    هيفاء بعصبية/خالد لو سمحت..
    وقف السيارة قدام شركة ولف لها...
    خالد/شايفة ها الشركة ياهيفاء؟؟؟هاذي شركتي.....اللي فتحتها؟
    هيفاء ناظرت فيها بدون أي تعليق وانتبهت بعدين انه يطالعها قالت له بسرعة/الله يعطيك
    خيرها ويكفيك شرها ان شاءلله وتكون بداية خير لك ...
    خالد برومنسية استغربتها هيفاء/من قلبك؟
    ناظرته بعيون مستغربة/شتقصد يعني؟
    خالد بالم/من قلبك تقولينها؟
    هيفاء كانت تبي تلف وتصد عن عيونه باي طريقة/ماابي اتاْخر على المستشفى ياخالد؟؟
    خالد بالم/طيب..............
    ضلوا ساكتين فترة لين قربوا من المستشفى....
    خالد/متى بقدر اشوفك ياهيفاء؟
    هيفاء/ماقلت لي لشنو تبي تشوفني؟
    خالد/قلت لك في مواضيع تخصني وتخصك وتخص عبود لازم نتكلم فيها؟
    هيفاء/طب تكلم اللحين انا اسمعك؟
    خالد/مافي وقت ياهيفاء انتي دقايق وبتنزلين وانا ابي اقول اللي عندي برواق؟؟
    هيفاء/............................
    خالد/ها...
    هيفاء/طيب دز لي مسج؟
    خالد/قلت لك ابي اتكلم معك؟؟باكلك انا ولاتخافين مني ولاشسالفتك بالله؟لاتنسين اني ابو ها
    القمر؟
    هيفاء شافت عبود قام لابوه وباسه وماتدري شلي جاها.....
    هالولد تغير مية وثمانين درجة؟؟؟
    تنهدت بقوة وسمعها خالد بس فضل انه مايلف عليها.....
    هيفاء/يوم الثلاثاء بيكون اجازتي..وممكن اروح مع عبود الكورنيش شوي اذا تبي تكون
    هناك؟
    خالد باعتراض/الكورنيش عاد؟؟
    هيفاء بحدة/لا بشقة اذا تبي؟؟؟
    خالد/انا مو قصدي ولاتفهميني غلط؟؟؟انا قصدي ناخذ راحتنا بالكلام وعبود ماراح يخلينا
    يبي يلعب ويتمرجح.....
    هيفاء/ممكن نروح مارينا مول قبل....
    خالد/خليها الشاطى مول فيها ستار بكس نقعد هناك ونتكلم برواقة.؟شقلتي؟
    هيفاء/طيب مو مشكلة....
    وصلوا لباب المستشفى..
    خالد بحنان لاحظته هيفاء/بضل منتظر يوم الثلاثاء على نار ياهيفاء!!!!!!!!!
    ///////////////////////////////////////////////////////////////قعدت بغرفتها وشحنت جوالها اللي
    فضت بطاريته وطفى....
    جتها رسيل محمد حق امس ورى بعض ومافتحت ولاوحدة فيهم كانت تفكر باحمد ودقت
    عليه ورد عليها ومبين ان الجو عنده وناسة هو وعادل...
    احمد/هلا..شلونك عساك طيبة؟
    مها/انت شلونك؟
    احمد/اوه الجو هنا روعة ..بصراحة ماتوقعت عادل بيكون كذا ابدا؟؟؟
    مها/يعني انت بخير؟
    احمد/أي...وننتظر خالد راح يجيب لنا عشى ويجي هو وعبود ونكمل السهرة؟؟لايفوتك
    ذكريني بعدين اقولك فضايح خويلد اخوك كلها ؟؟عادل مشاءالله عليه ماقصر فضحه لين قال
    بس!!!!
    عادل/ههههههههه
    مها/شكلكم مروقين بتركك اللحين بس اذا رحت الجامعة بكرة وصار عندك وقت كلمني
    ضروري مو تنسى؟
    احمد/أي ان شاءالله سلمي على امي؟
    مها/تبي شي؟؟
    احمد/اذا تبين تجين تتعشين معنا حياك...ترى فارقين خويلد احنا كل شوي وجعنا نبي ناكل
    شي وهو يارايح ياراد لنا؟؟؟
    مها/اقول ابو حميدان شكلك ماتنعطى وجه ابدا!!!اللحين ترى بدق على خويلدج وبقول له
    انك قاعد تسبه وانت الخسران العشى اللي بيجيبه؟؟
    احمد بشماتة/تكفين عمتي لا!!!
    مها/ههه يالله تصبح على خير؟؟؟
    سكرت منه وتنهدت بارتياح الحمد لله احمد نفسيته حلوة مو مثل ماتوقعت؟؟؟
    الحمد لله ..الله يحفظك يالغالي وين ماكنت؟؟؟
    /////////////////////////////////////////////////////////
    قعدت بالصالة وعبايتها عليها ماشالتها...اصلا هي مالها نفس أي مكان بها الشقة اللي حستها
    كئيبة ومملة من دخلتها...
    محمد بهمس/هنادي..
    لفت له ولقته راكع تحت رجلها....
    هنادي/نامت؟؟؟قالتها ببرود مميت..
    محمد تنهد/أي...
    رجعت لصمتها وسكونها من جديد...
    محمدبهدوء/طيب ممكن نتكلم...انا محتاج اسولف معك؟
    هنادي ببرود مثل اللي قبله/ليش وينها زوجة المستقبل؟؟خلاها تشيل الهم معك من
    اللحين؟؟؟
    محمد تنهد/هنادي في شي صار ..
    هنادي بهدوء/وانا ماابي اعرفه؟؟وماابي اعرف أي شي عن حياتك من اليوم
    وطالع؟؟؟وياليت لو كل واحد فينا يعيش حياته بعيد عن قيود الثاني!!!
    محمد تنهد وحط يده على ركبتها وهي حاولت تبعده بس تمسك فيها..
    محمد برجاء/سمعيني شبقولك وبعدها انتي قرري واحكمي وانا راضي باي حكم تحكمينه
    علي لانك بتضلين صاحبة الحق بالنسبة لي...
    هنادي/..........
    محمد/يوم رحت اخطب صدقيني ماكنت مقتنع بها الشي بس انتي تعرفين الشيطان شاطر
    ياهنادي وانا مااقول هاالشي علشان ابرر فعلتي لا...بس من جد كنتي في بالي طول الوقت
    وكنت دايم افكر بالايام الحلوة اللي بينا وكيف انا صرت خاين وبعت كل شي؟؟؟؟
    يوم تقابلنا انا واللي المفروض تكون زوجتي ...شرطت علي شرط ياهنادي وقالت لي
    ماادخل عليك ومرتك على ذمتك طلقها وبعدين تعال خذني!!
    بها الكلمة بس طاح قلبها بين رجلينها؟؟؟معقولة في ناس كذا عايشة؟؟؟ومعقولة محمد
    يسويها؟؟؟؟
    محمد كانه فهم استفساراتها قال لها بكل حنية/وانا طلعت من بيتها وماعدت رجعت مرة ثانية
    ياعمري!!!الحمد لله ان الله كتب ها الشي باخر اللحظات علشان نرد لبعض وننسى اللي
    صار....
    هنادي بهدوء/ومن قال ان احنا بنرد لبعض عاد يامحمد وبننسى اللي صار؟؟؟؟؟؟
    ///////////////////////////////////////////////////////////////



    البارت الواحد والثلاثين,,,,
    ////////////////////////////
    هيفاء اول مالقت لها فرصة تقعد وترتاح طلعت جوالها ودقت على فاتن..
    فاتن/هلاوغلا...
    هيفاء /اهلين..
    فاتن/وشدعوة قالبة الاخلاق علينا يابنت السالم؟؟؟
    هيفاء/فاتنوا..ابي اقولك شي..
    فاتن/شنو بعد؟
    هيفاء/قررت اني اشوفه ليلة الاربعاء؟
    فاتن/....................................ليش؟
    هيفاء تنهدت/مدري بس ابي اعرف شيبي و....وننخلص من ها السالفة؟
    فاتن/متاْكدة بي هذا اللي تبينه ياهيفاء؟
    هيفاء/لاتفهميني غلط وانتي عارفة اني..
    فاتن بهدوء شديد/طبعا عارفة ومافي غيري بها العالم عارف بها الشي ومتاْكد منه بعد!!!!!!
    تنهدت هيفاء لان ها الشي كان بينها وبين فاتن بس وماحد يدري عنه....
    هيفاء/هو يقول انه فيه سوالف ومواضيع تخص عبود لازم نتكلم فيها؟
    فاتن/بس عبود؟
    هيفاء/مدري قال انا وانتي وعبود؟
    فاتن/وانتي وش تتوقعين؟
    هيفاء/ماابي اتوقع شي يافاتن ماابي؟
    فاتن/والله ان قلبي يتقطع عليك ياهيفاء و
    هيفاء/بس لو ماسوى لي حركته بالمستشفى يوم يجي مع عبود كان انا بخيريافاتن!!!!
    فاتن/مدري شقولك ...بس كلها يومين وتعرفين كل شي؟؟
    ////////////////////////////////////////////////
    محمد فتح عيونه وهو مو متوقعها تقول كذا ابدا!!!!
    هو عارفها قلبها طيب ورحيم ومتسامح ليش بتجي ها المرة السالفة بالعكس!!!
    محمد وهو مو مصدق/شلون يعني ماراح يرجع كل شي مثل ماكان ياهنادي؟؟؟؟
    هنادي تنهدت وسكتت/انت فكرت فيها مرة وجربتها ولسبب في نفسك تراجعت عن
    الموضوع؟؟؟تتوقع انك ماترجع تفكر بها الشي مرة ثانية
    يامحمد!!!!!!!!!!!!!!!!!!!!!!!!!!!!!!!!!!!!!!!!!!!! !شوف يامحمد...انا مو ضد انك
    تتزوج وتجيب عيال هذا حقك صدقني ولاانا ولاغيري نقدر نمنعك من ها الشي بس كل
    اللي ابي اوصله لك...اني مقدر اوثق فيك مرة ثانية وانت استغفلتني !!!!!كذبت
    علي!!!!!!يكفي اني انام بحضنك بالليل وانت تفكر بغيري!!!!!هذا وحده خيانة تكفيني
    يامحمد,,,,,
    خذها مني كلمة يامحمد عيش حياتك مثل ماتبي ولاتنتظر مني أي شي؟؟؟وجودي بها البيت
    بيكون علشانها بس!!!!!
    تركته وقامت ودخلت غرفة سارة بدون ماتزيد حرف واحد وضل محمد بناره فترة طويلة
    وهو ماتحرك من مكانه,,,الظاهر ان النار توها بتشب يامحمد والاسبوع اللي تركت البيت
    فيه كان مجرد مقدمة بس!!!!!!!
    ///////////////////////////////////////////////////////////عدت الليلة على الباقيين على خير ..
    هنادي قامت تكمل شغلها وشيئا فشي تناست مووضوع خالد...
    مها حطت جوالها يشحن وراحت بسابع نومة وماردت على رسايل محمد واتصالاته اللي
    احرقوا جوالها وهي ماهي معهم اصلا!!!وهو ضل بنيرانه ولهفته عليها!!!!!
    هنادي نامت عند بنتها ومحمد ضل بالغرفة طول الليل يفكر في ايامهم الجاية كيف
    بتكون؟؟؟
    احمد نام عند عادل بعد ماتعشوا وفلوها فل مع بعض بعد مارد خالد البيت علشان عبود
    لايتاْخر وخالد رجع يفكر بيوم الثلاثاء وكيف بيشوفون بعض وشنو بيقول لها؟؟؟؟
    ///////////////////////////////////////////
    اليوم الثاني....
    على الضهر في غرفة هيفاء..
    ام محمد/هيفاء يمه...هيفاء...
    هيفاء كانت بسابع نومة....
    ام محمد/هيوفتي حبيبتي..زقومي عاد شوي..بكلمك...
    هيفاء بدون ماتفتح عيونها والنوم كله بصوتها/ها..وش تبين؟
    ام محمد/قومي صحصي كذا ماينفع يمه؟
    هيفاء/يمه بنام شوي وبعدين صحيني والله مالحقت نمت؟
    ام محمد بحنان/ماعليه يمه شوي ورجعي نامي..
    هيفاء فتحت عيونها/شنو يمه..
    ام محمد/قومي..يالله قومي؟
    هيفاء اعتدلت بقعدتها/ها يمه امري وش تبين؟
    ام محمد/قومي نزلي شوفي جدتك تراها تعبانة...
    هيفاء بخوف/شفيها؟؟؟خربطت باكلها؟
    ام محمد/طبعا وهاذي يبيلها سؤال؟
    هيفاء/يالله هذا انا جاية اللحين؟
    /////////////////////////////////////////////////
    العصر في بيت العواد...
    ام خالد/انا بخلي السواق يوصلني طيب..
    مرام/سلمي عليها ماتشوف شر ان شاءالله؟
    ام خالد/خلصي مذاكرتك واذارد خالد من الشكرة المغرب تجين معه انتي واخوانك لاتزعل
    عليكم؟

    خالد اللي كان بيطلع للشركة من جديد,,
    خالد/يمه انتي وين رايحة؟
    ام خالد/رايحة اشوف امي تعبت اليوم وكاهم نوموها بالمستشفى؟
    خالد باسف/لا..ماعليها شر يالغالية؟
    ام خالد/الشر مايجيك ان شاءالله...اذا رجعت بعد الصلاة جيب اخوانك معك وتعالوا زوروها
    طيب؟
    خالد/اكيد مايبيلها كلام..وينها فيه؟
    ام خالد/بالمواساة..
    دق قلب خالد حييل (يعني مع هيفاء وتحت رعايتها يابختك ياجدتي بس)
    ام خالد/سمعتني؟
    خالد/ها...اي طيب....
    //////////////////////////////////////////////////////////////العصر بالمستشفى...
    كان بغرفتها ابو محمد وزوجته ومشاري وهنادي وزوجها وبنتها..
    هنادي/ماتشوفين شر ياجدتي؟
    الجدة كانت ساكتة وتطالع بكيس الشوكلاته اللي جايبته هنادي معها وتنتظر طلعتهم علشان
    تنقض عليه ماكانها تعبانة ومريضة؟؟
    مشاري/انتوا اللحين مادريتوا ان سكرها مرتفع مدري منخفض بعد ليش جايبين لها
    شوكلاته بالله!!!
    محمد/طيب وش يجيبون العالم غير الشوكلاته ولاالورد؟
    مشاري/كان جبتوا ورد لها ؟
    الجدة/وشسوي انا بالورد بالله؟هذا افود لي؟؟
    ابو محمد/لا يمه ها المرة عدت على خير بس مرة ثانية....
    الجدة/قول اني بموت قول فاول علي يالله!!!!

    ام خالد/السلام عليكم..
    لفوا لها كل الجماعة /وعليكم السلام ورحمة الله وبركاته...
    قربت من امها ودنقت على راسها تحبه/سلامات يالغالية ماتشوفين شر؟
    الجدة/الله يسلمك...وين عيالك مااشوف احد جاي معك؟؟؟
    ام خالد/انا جاية مع السايق والبقية بيجون مع خالد المغرب لانه قال بيمرك..؟؟
    الجدة بعصبية/يعني ماني مهمة عندهم لاخلصوا اشغالهم واعمالهم بيمروني!!!!!!
    ام محمد/لاحول ولاقوة الابالله العلي العظيم؟؟؟
    الجدة/انتي سكتي وينه ولدك ياحظي حتى ماقال سلامات ياجدتي؟
    ام محمد/يعني وين بيروح بيخلص دوامه وبيجي عندك..وبعدين انتي ياخالتي مافيك
    الاالعافية ليش تبينهم كلهم حوالينك؟؟
    الجدة/قولي انهم ماهم بعيالي بعد!!!
    ابو محمد/الله يهداك يايمه ليش بس ها الكلام؟؟؟
    سارة بهمس/بابا خلينا نمشي انا تمللت؟
    محمد/شوفي امك اول؟
    سارة/ماما....نمشي؟
    هنادي حست ان الحو مو عاجب سارة ومحمد تعود على جدتها من زمان/طيب ماما
    بنمشي....
    وقفوا هي وزوجها وبنتها...
    ام محمد/توها الناس يمه مو خلصتي مذاكرة بنتك قعدي شوي؟
    الجدة/خليها تروح وش تسوي تقعد اكثر بعد؟؟؟؟اقول يمى هنادي حبيبتي انتي بتروحين
    البيت عدل؟
    هنادي بخوف/أي جدتي تامريني على شي؟
    الجدة/ولاعليك كلافة يمه اذا سويتي لبنتك وزوجك عشى دزيلي نقصة ترى انا مااحب اكل
    المستشفيات؟
    مشاري/اسمع هاذي بعد تقول ماتحب اكل المستشفيات!!!!!انتي حتى شوربتهم
    تشربينها!!!!وبسال هيوف عنك بكرة اذا كنتي تاكلين اكل المستشفيات ولالا؟؟؟قالت ماتاكل
    قالت؟؟؟
    ///////////////////////////////////////////////////////////////مرام/مها..
    مها رفعت راسها/ها...
    مرام/بتروحين معنا لجدتي؟
    مها/أي اكيد...
    مرام/معناته قومي جهزي خالد جاي بالطريق...
    مها/ابوي مو هنا؟
    مرام/بلى تحت....
    مها/وعارف اني بروح معكم؟
    مرام/مدري.....تتوقعين يعارض؟
    مها/مايهمني اذا قال لا بلبس وبنزل اللحين....
    //////////////////////////
    في المستشفى..
    كانت الجدة نايمة وبغرفتها ابو محمد وام محمد وام خالد بس ومشاري طلع يتمشى ويعرف
    بنفسه للمرضات على ان اخته تشتغل هنا وينفخ ريشه .....
    ابو محمد/ام خالد..علامك يااختي وش فيك صافنة وساكتة؟؟مضايقك شي؟
    ام خالد تنهدت /سلامتك ياخوي بس العيال وسوالفهم؟
    ام محمد/خير ان شاءالله؟
    ام خالد/يوم الجمعة احمد متهاوش مع اخته مها وكسر يدها وزين ماموتهاوابوه طرده من
    البيت؟
    ابو محمد/وليه عاد؟؟
    ام خالد/مدري والله ياخوي لاهو تكلم ولاهي تكلمت ولاعرفنا بالسالفة؟
    ام محمد/واحمد وينه؟
    ام خالد/خنت حيلي قاعد عند عادل رفيق خالد...امس وداه معه البيت وقال له يدير باله
    عليه؟
    ابو محمد/وابوه ماسال عنه...
    ام خالد/هو لو يجي ويطيح على راس ابوه كان بيتسامح منه وبتنتهي السالفة بس هو الله
    يهداه معاند مايبي يرد البيت يقول انا ماغلطت شلون يرفع يده علي قدام اخواني الصغار!!!
    ام محمد/لاحول الله ولاقوة الا بالله.....الله يعينك يااختي يتاْخرون ساعة عن البيت وقلوبنا
    تدق دق تحاتيهم كيف بعد ينام بره البيت؟
    ابو محمد/لا انا بدق عليه وبكلمه ان شاءالله بكره...
    ام خالد/كلمه الليلة ياخوي احمد يحبك ويسمع منك والله اني ماغمضت لي عين من
    البارحة؟؟؟؟
    ابو محمد/قربت الساعة على الثمان والعيال جايين اللحين ومابعرف اتكلم معه وبعدين
    بيكون الوقت تاخر وهو عنده جامعة ماابي اسهره كثير...خليها لبكرة بدق عليه من الصباح
    وبقوله يمرني يتغذى معي ولايصير خاطرك الا طيب يااختي..
    ام خالد/الله لايحرمني منك ياخوي...
    ام محمد/الله يهدي باله ويهديه ان شاءالله ويبعده عن عيال الحرام...والله ان احمد شمعة
    ومامنه بين الشباب.....
    /////////////////////////////////////////////////////////
    بعد عشر دقايق وصل خالد وانتظرهم بالسيارة وطلعوا له مرام وجود ونزلت مها بتروح
    معهم...
    ابو خالد/على وين بالله؟
    مها وقفت/بروح اشوف جدتي..
    ابو خالد/وخير ان شاءالله؟؟؟
    مها /ليش ماحد قال لك انها تعبانة وبالمستشفى؟
    ابو خالد/عارف انها تعبانة وبالمستشفى بس انتي ليه بتروحين؟؟انتي بكبرك تعبانة ومابعد
    طبتي؟
    ////////////////////////////////////////////////////////////////////////////////////////////////



    البارت الثاني والثلاثين والثالث والثلاثين والرابع والثلاثين والخامس والثلاثين,,,,
    ///////////////////////////////////////////////////////////////////////////////
    مها/مافيني الا العافية؟؟شوفة عينك يابو خالد...
    ابو خالد/لا يبى يامها ردي دارك بلا ها الروحة..اللحين تلاقين خالك قاعد عند امه وسين
    وجيم وش فيها يدك وبتنحرجين منه؟
    مها بثقة/لا انا مانحرج من خالي يبى بالعكس في اشياء اقولها لخالي دون غيره؟؟؟
    كانت تتكلم بثقة وتحدي بنفس الوقت وسكت ابو خالد وهو مو عاجبه..
    عمر/ماتسمعين كلام ابوك انتي؟؟قال لك بلا روحة خلاص بلا روحة بعد ليه العناد؟
    مها/انت شيقعدك اصلا؟؟؟مو المفروض انك تروح تشوف جدتك وتسال عنها؟
    عمر/....ماخلصت مذاكرتي بعدني؟
    مها/غريبة كنت قاعد من العصر على البلاي ستيشن وهذا انت اللحين قاعد مع
    ابوي؟؟؟وبعدك ماخلصت مذاكرتك؟؟؟بتطلع معي بالطيب ولا تبي خالد بنفسه يعزمك على
    الروحة؟؟؟
    عمربعصبية/الروحة ماهي بالغصب يامها؟؟انا ماودي اروح ماابي اروح؟؟؟بعدين انا
    لااحبها ولااحب ولاواحد من عيال خالي؟؟؟
    مها/يبى...ماتعلم ولدك السنع ؟؟فشلنا بطوالة لسانه؟؟؟؟ادبه وقول له شي؟؟؟؟
    عمر/اولا ابوي عادي عند
    ابو خالد بصرامة وحدة/عمر!!!قوم روح شوف جدتك بالمستشفى!!!!!!!!
    كان ابو خالد ناوي يقول العكس بس هو فهم كلام مها زين...هذا تهديد من تهديداتها وانها
    على وشك التمرد لو ينرفض لها لو طلب واحد صغير؟؟وهو مو قد تمردها يكفي اللي صار
    لها من احمد بدون مايدري من شنو ويكفي طرده من الاساس لااحمد من البيت علشانها؟؟؟؟
    /////////////////////////////////////////////
    هند/يعني شلون نروح معك لو ننتظر محمد؟
    هيفاء وهي تلبس عبايتها/بتروحون معي يالله لبسوا كلها ربع ساعة ويجي السايق؟؟؟محمد
    ماراح يجي الا بعد ساعة ونص؟
    هبة/هيفاء هاذي هنادي على التلفون تبيك ضروري؟
    هيفاء اخذت السماعة منها/هلا هنودة كيفك حبي..شخبارك وشخبار سارونة........اي ....
    شويات وبطلع ليه تسالين؟...............هههههههههه طيب......مو مشكلة خليه يجيبه
    بنتظره....اوكي حبيبتي يالله باي....
    هند/شعندها ؟
    هيفاء بضحكة/جدتي موصيتها تسوي لها عشى وتقول بتخلي محمد يجيبه نوصله لها
    المستشفى لو بنروح لها قلت لها احنا طالعين ...
    هند/ههههههه جدتي تحفة؟
    هيفاء/اه ياهند اه...الله يعين قلبي يوم انها بتكون معي بنفس المستشفى؟
    هند/وش بتسوي يعني؟
    هيفاء/بذكرك بعدين بسواياها وبتعذريني..جدتي واعرفها زين بتفضحني بتفضحني؟؟؟شكلي
    والله اعلم بعدها بقدم استقالتي وبطلع؟؟
    هند/هههههههههه
    ///////////////////////////////////////
    خالد/سلامات سلامات يالغالية...
    االجدة نفخت ريشها يوم شافت خالد داخل وبيده صينية شوكلاته/والله يايمه ياخالد ماني
    قاوية اتحرك؟؟؟تعبانة مووت بس شوفتك قومتني؟
    خالد/هههههه لا..لو ادري جيتك من الصبح علشان ماتتنومين من الاساس؟؟؟
    هههههههههههههههه
    مها/خطاك الشر ياجدة؟
    الجدة/بسم الله!!!!وش فيها يدك انتي؟؟؟
    مها تفشلت/بس..طيحة صغيرونة ...
    الجدة/ماحد قال لي؟
    مها/لانها ماتسوى يقولون لك فيها؟
    الجدة/وانت واقف ومان علي بجيتك؟؟؟كان لاجيت اذا بتوقف حالك حال الجدار اللي وراك؟
    ام خالد بعصبية/ماتجي ياحظي تبوس راس جدتك وتتعافى منها؟
    الجدة/لالالالا ماابيه يبوس راسي؟؟
    خالد بصرخة/علامك انت لزقت بالجدار ؟؟؟قرب من جدتك تعافى منها يالله؟؟؟
    عمر بعد صرخة خالد تقرب وهو وده يذبحها..
    عمر/ماتشوفين شر؟
    الجدة بثقة/الشر يجيك ان شاءالله؟؟
    مشاري/ههههههههههههههههههه
    عمر زاد قهره من ضحكة مشاري...
    طالع ابو محمد في مشاري علشان يسكت بس الاخ فلها اقوى من الاول..
    مشاري/عجيبة ها الجدة عجيبة..
    لفت له الجدة/شوف انت مشاريوه بكرة لاعاد اشوف رقعة وجهك لاتجيني ماابيك سامعني؟؟
    عيون خالد كانت تدور عليها بس الضاهر بعدها ماوصلت للحين رغم انها المفروض تكون
    هنا بها الوقت؟؟؟؟بس الاكيد انها على وصول؟
    وفعلا بعد دقايق دخلوا هند وهبة وعبود....وعبود علطول لحضن خالد اللي شاله...
    هند/ماتشوفين شر يالغالية؟
    الجدة/شها الصينية اللي في يدك؟
    مشاري/انتي اول ردي عليها بعدين فكري شنو عندها؟
    هبة/انتي مو قلتي لهنادي تسويلك عشى لانك ماتاكلين عشى المستشفى؟؟؟كاهي سوته
    ودزته معانا؟؟
    الجدة/فديتها انا الحنونة حتى لو ماقلت لها كانت بتسوي لي؟؟؟هاذي تسواكم كلكم؟؟
    مرام/علشان العشى بس؟؟؟؟
    الجدة/لا مو علشان كذا بس؟
    ابو محمد/هند وين اختك هيفاء؟
    هند/تحت بمكتبها قالت بتخلص وبتجي تشوف جدتي؟
    الجدة/أي مو انا اذا انتهوا من مشاغلهم مروني؟
    ام محمد/اللهم طولك ياروح؟؟ياخالتي هذا شغلها بعد مايصير تهد الشغل وتقابلك؟كاهي
    بتوصيهم عليك؟
    الجدة/وليش ماتقابلني بالله ماني جدتها؟؟؟ومن قال لك انها بتوصيهم علي بالزين؟؟؟اعرفها
    انا بتقول لهم خدروها واخذوا الشوكلاته اللي جابوه لها؟؟؟؟
    كانت في تعليقات كثيرة على الوجوه بس ماحد قدر يتكلم وخالد مو قادر يكتم ضحكته اكثر
    وهو يشوف حركات الاستهبال اللي يسويها مشاري لجدته؟؟؟
    طبعا خالد كان واقف جنب ومرام اللي قعدت جنبها هند...
    هند لفت على مرام/وين احمد ماهو معكم؟
    عيون خالد بس ارتفعت تشوفها بذيك اللحظة..لان ماحد بالاساس سمعها تسال عن احمد
    غير مرام وخالد؟؟
    مرام/ماجا معنا عنده امتحان بكرة؟
    خالد في باله(وينك ياخوي..تعال وشو ف هاذي حبيبة قلبك اللي قلتلي عنها ..ماتصدق
    يااحمد هند تسال عنك...)
    مسك جواله واستاْذنهم بيطلع يكلم وعبود وراه....
    دق على احمد ولقاه مقفل وبعده دق على عادل اللي قال له ان احمد نايم وماحب يصحيه
    علشان يقوله ها الشي بكرة يصير خير واذا كلمه قال له...
    عبود/بابا خالد..
    خالد/عيوني....
    عبود/خلينا نروح من هنا...
    كان ياشر على المصاعد يبي ينزل....
    خالد/لا بعدين اذاطلعنا بنروح فيهم زين؟
    عبود/نروح نشتري دجاجة؟
    خالد/وانت كل تفكيرك بالاكل ياعبود؟؟؟اللحين انا وحبيتك بس انت ماقدمت لي
    خدمات؟؟؟كيف امك ترضخ لي وتحن علي وانت بعدك كذا؟؟ها..جاوبني..؟
    عبود باستفهام/ها..
    خالد/تبي تنام عندي الليلة؟
    عبود/ليش؟
    خالد/مدري ليش بس انت ماتبي تنام عندي؟
    عبود/مدري.
    خالد/ماما هيفاء بتكون هنا بالمستشفى انت تنام عند منو بالله؟
    عبود/ماما ام محمد...
    خالد/اووف عليك من ولد...طيب اذانمت معها ماتخاف؟
    عبود/ينام معنا سبايدر مان؟
    خالد/انا بكرة بوديك الالعاب وبوديك تشتري دجاجة اذا نمت معي اليوم زين؟
    عبود/يالله بنام معك؟
    خالد/مو اللحين يالدلخ؟؟بعدين اذا جينا نطلع وقلت لك باي عبود قولي بابا خالد بنام معك
    زين؟
    عبود/زين....ونشتري دانيت بعد؟
    خالد/بنشتري المملكة كلها بساسكت خلاص خلنا ندخل....
    عبود/شوف هاذي ماما هيفاء؟
    لف خالد ولقاها كانت واقفة مع ممرضتي غيرها وبيدها كم ملف....
    سولف معهم شوي ويوم انتبهت لصوت عبود اللي يناديها اقبلت لهم..
    هيفاء/هلا..
    خالد/اهلين...
    هيفاء/........
    خالد........
    عبود/شفتي ماما جينا المستشفى معك؟
    هيفاء/أي شفت يالله تعال نشوف جدتي شلونها؟
    خالد/هيفاء..
    هيفاء كانت مسكت يد عبود وبتمشي لفت عليه/خير....
    ظل يناظرها بدون مايقول شي واستحت هي من نظراته.....ودخلت بسرعة.....
    دخل وراها الغرفة وبعد دقايق وصل محمد اللي كان شايف هيفاء واقفة مع خالد؟
    ماتدري مها من شافت محمد ليش وقف قلبها وحست بالندم انها طنشت طول اليوم وماردت
    عليه؟؟؟
    اه منك ياوجع القلب اه....
    وانا اللي اقول بتركك يامحمد وبقطع كل شي يربطني فيك!!!!
    ناظرت بيدها وهي تتذكر العهد اللي عاهدته نفسها وهي بين يد احمد ذاك اليوم؟؟؟كل اللي
    صار لها بسبب ها الحب اللي مامنه غير الوجع والهم!!!
    وياليت السالفة وقفت عندها وبس؟؟لا...حتى احمد انطرد من البيت بسبتها وهي عارفة ان
    احمد ماراح يرد البيت وهو عارف انه مو غلطان وابوه مستحيل يتنازل ويروح يتسامح
    منه!!!!!!!!انتي السبب يامها انتي؟؟؟
    مرام دزت كتف مها اللي كانت سرحانة ورفعت راسها وانتبهت انهم كلهم يطالعون فيها...
    الجدة/مهاوي وصمخ؟؟؟؟ولد خالك صار له ساعة يكلمك ويتعافى لك على يدك وانتي ياقليلة
    الحيا سرحانة مدري شتفكرين فيه!!!!!!!!
    مها بارتباك/ها...اسفة بس ماكنت معكم..
    الجدة/عارفين انك منتي بمعنا...خير ان شاءالله وش عندك سرحانة فيه يالبلوة؟
    مها/ولاشي؟
    عبود/ماما..متى بنفتح علية الشوكلاته هاذي؟
    كان ياْشر بيده على الصينية اللي كانتتحت مخدة الجدة؟
    الجدة/ومن قال لك على الله اني بفتحها؟
    هيفاء/تعال انزل معي وبشتري لك من الكافتريا اللي تحت وفي خاطرها تقول (انت لو
    تقلب شوكلاته اكلتك جدتي من زمان فلا تحط في بالك انها ممكن تعطيك؟)
    عبود باصرار/ماابي جالكسي ابي هذا اللي هنا؟
    الجدة/أي عارف انه غالي علشان كذا يبيه؟
    مرام/لاحووووول؟؟؟
    هيفاء/تعال بننزل؟
    مها/تعال عندي انا بروح معك واذا ماشفت مثل هذا تحت نركب ونخلي البابا يودينا نشتري
    طيب؟
    عبود شبه اقتنع/طيب...
    الجدة/لاتعلمونه على الحلويات لايموت عليكم؟؟
    خالد/جدتي!!!وش ها الحكي؟
    ام خالد/ماتقصد ياخالد هي قصدها تقول لايمرض تعرف السكري زايد ها الايام وعبود الله
    يحفظه اكله كله خرابيط؟
    خالد بزعل/ولو هاذي مو كلمة تقولها عن ولدي؟
    هيفاء ماتدري وش جاها بذيك اللحظة وقامتت تتامل بخالد بحب اكثر من اللازم؟؟يمكن
    دفاعه عن القطعة اللي منها عطاها شعور بالراحة النفسية والاطمئنان..وماتدري ان عيون
    محمد كانت عليها؟
    مها مسكت يد عبود علشان تنهي السالفة وطلعت معه.....
    هيفاء بعد ماطلعت مها/انا مقدر اطول بنزل اشوف شغلي...جدتي انا موصية عليك البنات
    اللي هنا وماراح يقصرون؟
    الجدة/لا حبيبتي لاجيت انام تعالي قعدي عندي اعرف نفسي مايجيني نوم بالمستشفيات
    اتوحش منهم!!!
    مشاري/تكوني مانمتي العصر بطوله!!!!
    هيفاء ترخصت وطلعت.....
    وبعد ثواني محمد سوى روحه بينادي على هيفاء وطلع وراها كانه بيكلمها...
    وخالد بس كان حاس انه مايبي هيفاء يبي يروح لمها!!!بس تركهم على راحتهم
    يتكلمون..يعني بالمستشفى وش راح يقولون؟؟؟اكيد مشتاقين لبعض وشوفتهم لبعض
    بتفرحهم ..خليهم ياخذون راحتهم ياخالد لاتصير من العذال يابوعبد الله!!!!
    //////////////////////////////
    والصحيح الصحيح ان ظن خالد صدق ومحمد راح ورى مها مو ورى هيفاء اللي راحت
    قسمها تشوف مرضاها...

    عند الكافتريا عبود كان يشوف الاشياء اللي له حاجة فيها واللي ماله فيها حاجة ومها واقفة
    ومو هامها مو من زين قعدة فوق علشان تستعجل!!!!
    محمد من وراها/سلامة قلبك ياقلبي جعله فيني ولافيك يالغالية...
    جمدت مها بمكانها...هذا بالذات اللي ماتقدر على كلامه وتضيعها نبرة صوته؟؟؟
    مها بهمس/عسى الله لايقولها واسمع عنك الخبر الشين.....
    محمد/شدعوة عمر يمنتي حاسة بقلبي اللي قاعد يتقطع عليك؟
    مها /معليش محمد ابيك تعذرني بس بيتنا فيه شوية ظروف تمنعني اكلمك بالوقت الحالي؟
    محمد/خير ان شاءالله؟
    مها تنهدت/ان شاءالله ماهي مطولة؟؟واوعدك اول ماتصير الامور طيبة بدق لك حبيبي
    طيب..يالله عبود خلينا نركب؟
    محمد/مها شفيك؟كانك تبين تهربين مني؟
    مها/لاحبيبي لاتقول كذا...انت ناسي انا احنا بمستشفى والعيلة كلها هنا يعني مو حلوة
    يشوفونا مع بعض ؟شبيقولون بالله؟
    محمد تقرب من اذنها وهمس/بيقولون انك الحب الخالد يامها...............
    قال ها الكلمة وتباعد عنها ومشى كم خطوة بعيدة وظل يراقبها من بعيد لبعيد...اما مها
    ماقدرت تكبت دمعة من عينها وخلتها تنزل وهي تتنهد....
    ياربي ماني قادرة...ساعدني يارب...لاني قاوية افارقه وابتعد ولاني قادرة اتقبل ان فكرة
    علاقتنا غلط ويبيلها تنقطع!!!!
    *****************************وقت اللي خلصت الزيارة طلعوا بيردون بيتهم وخالد
    اخذ معه عبود علشان يسلمون على هيفاء ويمشون بحجة ان عبود يبي يشوفها قبل
    لايمشي!!!!
    راحوا بيت بو محمد كلهم ونزلوا ام خالد وبناتها تحت مع عمر وخالد اللي كان شايل عبود
    على كتفه....(انتبه حبيبي لاينكسر ضهرك منه)
    كانت هيفاء قاعدة تركب مغذي لطفل صغير وهو يبكي وجنبه امه وباقي الاسرة اللي
    بالغرفة فاضيين وممرضة فلبينية قاعدة عند المكتب اللي جنب الباب...
    دخل خالد بخطوات واثقة وهو شايل عبود وعرفتهم الممرضة علطول..
    الممرضة/هالوا عبود..كيف حالك؟
    اشر لها عبود بيده وهيفاء رفعت راسها تشوفه لقت خالد بنص الغرفة مع عبود اللي كان
    يبي يجيها بس خالد مانعه ومرام طبعا دخلت الغرفة مع مها ودقوا سوالف مع الفلبينية
    وعمر ماله خلق وام خالد واقفة بعيد لانه علاقة هيفاء ببناتها اقوى من علاقتها معها....
    هيفاء تكلم الطفل اللي على السرير/شفت هذا البزر...هذا ولدي عبود...اصغر منك واشطر
    منك مايبكي اذا ضربته ابرة؟
    الطفل/أي مو لانه تعود انك كل يوم تضربينه ابرة اذا قام يبكي؟؟
    هيفاء/هههههه
    ام الطفل/مشاءالله يشبه ابوه؟شسمه؟
    هيفاء/عبود..عبدالله بس احنا نسميه عبود؟
    يالله عاد حبيب انت شاطر ساعدني بس مد يدك شوية علشان لاتتعور؟
    الطفل/لا يعورني لاتكذبين؟
    هيفاء/تدري ليش يعورك لانك تخبي يدك ومقدر احطه لك باي مكان بس لو تطيعني وتمد
    يدك شوية بتحس بوخزة خفيفة وبعدها ماراح تحس بشي صدقني؟
    الطفل/لا..
    هيفاء/تعال عبود عطيني حلوية من كيسك بنعطيه ..حمود...اسمك حمد صح؟
    الطفل/أي...
    خالد نزل عبود من على كتفه وراح لاامه وساعة تتحايل عليه علشان تاخذ حلاوة من كيسه
    وبالموت وافق انه لها مو للطفل...
    هيفاء وبعد بكي ومعاناة يالله ركبت له المغذي وتباعدت وسكرت الستارة وسوت حركة
    مسرحية لمها ومرام والفلبينية اللي كانوا يناظرونها على انها مابغت تخلص منه!!!!
    مرام/سلامات هههههه هذا كله تركيب مغذي والله انك صاحبة مزاج لو انا مدري شسويت
    بحالي؟
    هيفاء تقربت من مها وهمست/وش فيك الخلقة مقلوبة؟
    مها/خوب انتي صباحي هنا...بدق عليك لاوصلنا ابيك بسالفة ضرورية؟
    مرام/ماتنتهي ها السوالف الضرورية بينكم؟
    هيفاء/مع الاسف لا...ارتاحي انسة مرام ليش واقفة؟؟ميلين قومي خلي مرام تتقعد؟
    الفلبينية/لا ميلين مايقدر يقوم تعبانة واجد؟؟هيفاء هذا اختي؟
    هيفاء/لا هذا بنت عمتي....
    الفلبينية/مايشبه انت؟؟شوف عبود ياكل حلاوة واجد؟؟؟عبود تعال عطيني؟
    عبودرفع راسه وماعطاها غير نظرة...
    مرام وهيفاء/ههههههه
    مرام/هذا ولد اخوي..انا اصير عمته؟
    هيفاء/شدعوة تفهم ميلين عربي ماله داعي تطولينها واجد؟؟
    مها وخالد هم اللي ضحكوا ها المرة؟
    الفلبينية/تعال شوف ضغط مال انت؟(كانت تكلم خالد)وخالد يناظر بهيفاء(لو ماكانت
    موجودة يمكن راح ههههههه)
    مرام/اخذي ضغطي انا بعد ليش ضغط اخوي بالله؟
    خالد/يالله عبود علشان ترد البيت لاتتاخر؟
    عبود/لا بنام معك بابا خالد؟
    (خالد انتفخ ريشه على الاخر زين انه مانسى الدرس ملزوم بكرة يراضيه بشي)
    هيفاء/ماما ام محمد تنتظرك يالله؟
    عبود مسك ثب ابوه/لا بنام مع بابا خالد..
    ام خالد/خليه يجي معنا ياهيفاء امك بروحها تعبانة من القعدة بالمستشفى طول اليوم؟خليها
    ترتاح الليلة ولاماتبينه يجي عندنا؟
    هيفاء بدون ماتناظر بعمتها/لامو كذا بس اخاف مايكمل الليلة معكم ويبكي..
    عبود/لا ابي انام مع بابا خالد...
    حمله خالد وهو يبوس فيه.../يالله قول للماما تصبحين على خير ماما انا بروح انام اللحين؟
    دق التلفون الداخلي بالمستشفى وردت الفلبينية وبعد ماسكرت..
    الفلبينية/هيفاء هذا قسم التنويم يقول ان جدتي انتين هيفاء قاعد يبكي يبي انتين يقول يخاف
    بروحه ؟؟انتي لازم يركب يشوفه علشان هناك مايعرف ويش يسوي فيه؟
    هيفاء ناظرت مها وهي قريب تبكي/هذاي بداية السهرة مع جدتي؟؟؟وتقول ماتسوي
    شي؟؟؟الله يعني والله؟
    مها/ههههههه قلبي معك والله لو فيني قعدت اشوف باقي المسرحية حقتها بس شقول الله
    يكوزن بعونك والله...
    هيفاء/كلمي امي قوليلها انك بتنيمين عبود عندك انا بركب اشوفها؟؟؟
    ///////////////////////////////////////////////////////////////
    رجعت مها غرفتها وبدلت وقعدت على سريرها تفكر بمحمد؟؟
    ها العذاب اللي ماهو راضي يريحها ابدا!!!!!!!
    ليش ياقلبي ليش...انا عاهدت نفسي اقطع حبك من قلبي واقطع صوتك من حياتي واقطعك
    للابد يامحمد!!!!!!
    انت تعرفني وبيتي وتدله ماتقولي وش اللي يجبرني اظل معك على علاقة ماني عارفة
    شنهي نهايتها بالله!!!!
    محمد ارحمني الله يخليك ووقفني على بر وقول انت تبيني اكمل معك حياتي لو
    ماتبيني؟؟لاتعلقني الله يخليك تكفى!!!!
    تراني ميتة يامحمد ميتة ولايغرك وجودي بها الدنيا؟؟؟
    مسكت جوالها بتكتب له ها الكلام اللي كانت تقوله بينها وبين نفسها بس تذكرت كلمته اللي
    قالها لها وغمضت عيونها ورمت الجوال بعيد(انتي الحب الخالد يامها)
    رمت الجوال وها الكلمة خلت افكارها تروح لبعيد ...لبعيد حيل ,,لحنان محمد وحبه
    وحضنه وخوفه عليها؟؟؟
    مها ماشكلك قد انك تقطعين محمد ابدا!!!!
    //////////////////////////////////////////////////////////////////////اليوم الثاني الظهر
    بالمستشفى....

    الجدة/قصري على صوت التلفزيون بنام؟
    هند/جدتي والله تمللت؟؟؟مخليني اقعد معك ويقولون بيجوني بعدين وبعدين يقولون العصر
    تجي امك وتروحين انتي؟
    الجدة/يللي ماتستحين انا جدتك المفروض تخدميني ببلاش؟
    هند/ماقلت شي بس انا حدي بدلت وصليت وجابني محمد علطول يقول ان هيفاء كانت معك
    للصبح وامي راح تجي العصر يعني انا لازم اكون اللحين معك وانا بروحي متكسرة من
    المدرسة بس ها البيت مايقدرون ابدا؟؟؟
    الجدة/بلا حنة ورنة علي انا تعبانة؟
    هند/الصدق الصدق جدتي انتي تعبانة؟؟انا مااحس فيك شي؟
    الجدة/ترى بقوم اذبحك انا مقدر عليكم؟؟متى يطلع خالد من شركته؟
    هند/مدري بس يمكن انه طلع من زمان ؟؟اللحين قربت على الثلاث اكيد رجع البيت؟
    الجدة/خسارة كان ودي بشي يجيبه لي اكله وانا محبوسة بها الغرفة؟؟بس يالله بعدين
    اكلمه؟..
    دق باب الغرفة بها اللحظات ودخل احمد...
    طبعا احمد دخل وماقال شي لااحم ولادستور علطول دخل وكانت هند في وجهه بدون غطى
    والجدة سريرها يكون بالزاوية يعني ماشافته والحمد لله ان هند ردت غطاها عليها بسرعة
    وبعدها دخل احمد...
    احمد/جدتي...
    لفت له الجدة/اهلا وسهلا تو مانور المكان؟
    قرب منها وباس راسها/سلامات والله مادريت عنك؟
    الجدة/ليش ان شاءالله منت بعالمنا علشان ماتدري؟
    احمد/والله من جد ماقال لي خالد الا قبل شوي وانا بالجامعة ومن خلصت محاضرتي جيتك
    دغري؟
    الجدة/منهي هاذي دغري بعد!!!
    احمد/لاحووووووووووول!!!منهي انتي هنادي ولاهند؟(قالها عناد علشان يسمع صوتها
    ولاهو قبل شوي شايفها)
    هند بصوت واطي/انا هند..
    احمد/هند..هلا والله شلونك بنت خالي؟
    هند/تمام....
    قعد احمد على الكرسي/وشلونك انتي جدتي اللحين طيبة ان شاءلله؟
    الجدة قلبت وسوت روحها بتموت/والله اشتكي لك العافية يايمه اكلهم ماينذاق وانا شوي
    واموت من الجوع؟
    احمد فتح عيونه/افا!!!شدعوة عاد؟؟وانا موجود تقولين ها الحكي؟؟؟؟
    الجدة بتذذل/أي والله يايمه؟
    احمد/اكيد ماتاكلين اكل المستشفيات؟؟
    الجدة/ولا اقدر على ريحته بعد؟؟
    هند بقهر/بس توهم مطلعيني صينيتك قبل ساعة فاضية!!!
    احمد كتم ضحكته وقال بجدية/شنو يعني جدتي تكذب ياهند؟؟؟؟
    الجدة/انا ادري عنها دايم تفتري علي؟؟ولايفوتك يااحمد تراها هي الالي ماكلته؟؟؟ماتقول
    جدتي مريضة وماعندها شي تاكله وامي مادزت لها اكل خليها تاكل تتقوى علشان ترجع لنا
    بالسلامة وتنور بيتنا؟؟قامت اكلت اكلي!!!!
    هند بدت الدموع تتجمع بعينها وفعلا بكت/انا!!!والله العظيم مااكلته؟؟اصلا انا حتى بالبيت
    ماتغذيت اليوم؟؟؟
    الجدة/لاتكذبين انتي اللي ماكلته عني!!!
    هند قامت تبكي وراحت عند الحمام اللي كان قريب للباب واحمد بيموت على براْتها..
    ووقف احمد/طيب وش تبين يالغالية انا اروح اجيبه لك اللحين؟
    الجدة/ابي هاذي اللي تاكلونها انتوا وتقولون كل قضمة فيها طعم غير عن الثاني؟؟
    احمد/شنو؟
    الجدة/ياربي شنو؟؟اللي فيها زيتون وفطر وجبن و....بيتزا؟
    احمد/اها..تبين بيتزا؟؟مو من عيوني بس اروح اخذها وارد لك ؟
    الجدة/اول دق قبل لاتجي اذا في احد ماراح اخليك تدخلها لاينظروني؟
    احمد/خلاص اللحين اخذ رقم هند وادق اسالها قبل طيب؟
    الجدة/الله يحفظك يايمه.؟
    مشى احمد لين صار بعيد عن سرير الجدة وقريب حييل من هند اللي عند الباب تمسح
    دموعها..وكانوا يتكلمون بهمس علشان ماتسمعهم الجدة
    احمد بهمس/اروح انا فدوة لعيونك ياعمري!!!معقولة تبكين نفسك علشان جدتي؟
    لفت له هند بعفوية وهي صدق تمسح دموعها/والله يااحمد انا ماجيت الا هي خلصت غذاها
    ومااكلت شي؟؟كيف تقول ان انا اللي اكلته كيف؟؟
    احمد/حبيبي خلاص..ولايهمك..وش تبي اجيب لك تاكل؟
    هند انتبهت عليه ولفت بوجهها بعيد عنه..واحمد في باله كلمة خالد(ترى الحبيبة امس كانت
    موجودة وسالت عنك وعيونها تدور عليك)
    هند/شكرا ماابي شي......
    احمد/.........
    هند بعفوية ثانية/شسويت في امتحانك اليوم؟
    احمد/بس ماكان عندي امتحان اليوم؟
    هند/بس انا سالت عنك امس وقالوا ان عندك اختبار علشان كذا ماجيت؟
    احمد تنهد/لا في سالفة ثانية اذا كان لك خلق بقولها لك بوقت ثاني عطيني رقمك علشان
    بكلمك قبل لااجي؟
    هند/انا عندي رقمك....لحظة...انا كلمتك قبل ليلتين وكنت ابي اسولف معك
    بخصوص.........وقفت كلامها وقامت تطالع بعيونه اللي تناظرها من فوقها لتحتها....
    احمد/خير...
    هند/بوقت ثاني ماينفع اللحين؟
    احمد/خلاص دزيلي رقمك مو تنسين؟
    وتقرب منها وهمس/انا احبك ياقلبي بس لاتصيرين حساسة وتبكيك جدتي ترى بذبحك اذا
    ظليتي كذا علطول؟؟؟؟؟
    ////////////////////////////////////////////////////////////////المغرب في المستشفى وتحديدا
    بالكافتريا..
    احمد/خير خالي بغيت مني شي؟
    ابو محمد/أي والله يااحمد بغيت اكلمك يبى؟
    احمد/خير..
    ابو محمد/يابوك امك قالت لي عن اللي صار في بيتكم....
    احمد سكت..
    ابو محمد/لاتستحي يااحمد عدني ابوك وتكلم براحتك؟
    احمد بانفعال/ياخالي انا ماغلطت ؟؟كان بيني وبين اختي شي وهي غلطت واعترفت
    بغلطها وانا مجرد اذبتها وش يصير يعني؟
    ابو محمد/اذا هي غلطانة واعترفت خلاص انتهت السالفة ليش ماتبي ترد البيت وتخلي امك
    تحاتيك؟
    احمد/مقدر ياخالي مقدر؟؟انا ابوي اهاني قدام اخواني اللي اصغر مني وضربني وحقرني
    قدامهم؟؟كيف تبيني بالله اقابلهم بعد؟؟مقدر....
    ابو محمد/ماعليه يااحمد يبى يظل ابوك وقلبه عليك صدقني؟؟لاتفكر انه مايحاتيك ولايفكر
    فيك يايبى؟
    احمد/خالي لاتقنعني..انا ماودي ارد البيت وبعدين انا مرتاح مع عادل...
    ابو محمد/وانا ماارضاها انك تقعد ببيت عادل وبيت خالك مفتوح ياااحمد ياولدي؟؟؟
    /////////////////////////////////////////////////////////////////يوم الثلاثاء وصل بسرعة لهيفاء
    وخالد اللي كانوا يحاتونه على نار.......
    وبمجمع الشاطىء مول وتحديدا بستار بكس.....
    هيفاء/مرحبا..
    رفع خالد عيونه/هلا وغلا تاخرتي؟
    هيفاء قعدت/شسوي في عبود مااقتنع ا يبي يلعب؟
    خالد/طيب وينه؟
    هيفاء/مع فاتن مارضى يتركني يبي يلعب؟
    خالد/كيف يعني هي جاية معك؟
    هيفاء/أي.....
    خالد/يعني مابناخذ راحتنا بالكلام؟
    هيفاء/وليش لا؟؟ماهي قاعدة معنا تكلم براحتك؟بس ممكن تطلب لي لاتيه بدون سكر.؟
    خالد/من عيوني......
    .................................................. .....................
    هيفاء/تفضل قول اللي عندك ياخالد؟
    خالد ظل ساكت ويتاْملها بس..
    هيفاء بهمس/خالد...اكلمك شفيك..وين سرحت؟
    خالد/ماني سرحان ياهيفاء انا معك؟
    هيفاء سكتت نزلت راسها بالارض...
    خالد/......
    هيفاء/........
    خالد/......
    هيفاء /شفيه عبود ياخالد ليش كنت تبينا نشوف بعض ونتكلم عنه؟
    خالد/هو مو كل السالفة ياهيفاء هو جزء منها؟
    هيفاء/مافهمت عليك؟
    خالد/ممكن اسالك سؤال قبل لانبدي موضوعنا؟
    هيفاء بهدوء/اذا يتعلق بالموضوع اساله؟؟
    خال تنهد وحط يده فوق يدها وهي ارتبكت ..هي وهي زوجته كانت تربكها لمساته كيف
    اللحين وحبها لخالد من بعيد ومحفور بقلبها وماحد يدري عنه!!!
    خالد/هيفاء انتي تكرهيني!!!!
    رفعت عيونها وناظرته بنظرة مافهمها اصلا؟؟
    خالد بصوت ضعيف/سالتك تكرهيني ياهيفاء؟؟؟لاتناظريني ردي علي قولي أي
    شي؟؟بتحمل منك انك تقولين أي اكرهك بس لاتناظريني كذا الله يخليك؟
    هيفاء نزلت راسها لانها هي بنفسها ماتوقعت خالد يسال ها السؤال بالتحديد!!!!
    خال بحنان/هيفاء....
    هيفاء رفعت راسها بس ماقدرت تناظره..
    خالد/قولي..تكرهيني؟
    هيفاء.......
    خالد/هيفاء....جاوبيني الله يخليك لاتخليني بحيرتي؟
    ///////////////////////////////////////////////////////////في بيت السالم...
    ابو محمد/يابنت...
    هند/نعم يبى امرني؟
    ابو محمد/ولد عمتك قاعد بالمجلس جهزي له شي ياكله على ماابدل ثيابي واشوف امي...
    هند/ان شاءالله يبى؟
    ابو محمد/امي قاعدة لو نايمة؟
    هند/لا قاعدة بمجلس الحريم جيرانا جايين يتحمدون لها بالسلامة؟
    ابو محمد/على خير مو تنسي احمد بالمجلس جهزي له شي؟
    ركب ابو محمد وظلت هند تكلم روحها(احمد هو اللي هنا وانا اللي مفكرة خالد!!!!وان
    شاءالله شيبي ابوي اسويله بالله!!!!)
    دخلت المطبخ وماعرفت شتحط له ياكله وهي متوهقة امها مع الحريم وهيفاء طلعت مع
    فاتن وهي تبي تروح تذاكر امتحان كيمياء...
    طلعت جوالها ودزت له مسج(حضرتك وش تبي تاكل انا عندي امتحان كيمياء وماقدر
    اسوي شي)
    دزته وصارت تناظر بالدرج تخاف ابوها ينزل وهي مابعد جهزت له الاكل....
    جاها مسج من احمد بعد دقايق(ابي مندي وماني متنازل؟؟؟بسرعة لااقول لخالي يخليك
    تسويه غصب!!!!)
    هند فتحت عيونها على وسعها من جده هذا؟؟مندي عاد والساعة داخلة على العشر؟؟؟يروح
    ينقلع...
    دقت عليه وهي معصبة وراحت باخر المطبخ علشان لااحد يسمعها اذا دخل...
    احمد رد عليها وهو يضحك..
    هند بعصبية/صدق ماتستحي!!!!اقولك عندي امتحان ومافي غيري بالبيت يجهز لك عشى؟
    احمد/ليش سالتيني اذا منتي قدها ياحلوة؟
    هند/احمد..اعقل وتكلم عدل؟
    احمد برومنسية/ليش كلمة حلوة مو عدلة؟؟طيب ولايهمك ياعمري...كذا ينفع؟
    هند انصبغ وجهها بالالوان كلها/احمد!!!
    احمد/لبيه ياعمر احمد...تعالي اذاكر لك كيمياء؟
    هند/قول وش تبي بسرعة؟
    احمد/لاتحرجيني ترى مااكل خفايف ابدا!!!!
    هند/........
    احمد/احبك ...والله احبك...
    هند سمعت صوت جاي صوب المطبخ سكرت السماعة بدون ماتقوله شي وركيض سوت
    روحها تجهز شي...
    واحمد ابتسم على باله انها ارتبكت من الكلمة وماعرفت شتقول!!!!!!!!
    ///////////////////////////////////////////
    نروح لمها اللي كانت قاعدة بغرفتها..
    ام خالد/مها...
    مها/نعم يمه..
    ام خالد قعدت على فراش مها/ليش قاعدة بروحك يمه؟
    مها تنهدت/وين تبيني اقعد يمه؟
    ام خالد/شلون يعني؟؟؟ماحنا عاجبينك؟
    مها/انتي قاعدة مع ابوي وعمر تحت وانا ماابي اقابل ابوي.....
    وخالد طلعمن المغرب واحمد ............احمد غناتي ماهو هنا علشان اتسلى انا وياه؟
    ام خالد/انا مطمنة عليه يمه..خالك كلمه قبل يومين وقال انه بيرجعه ان شاءالله وانا اوثق
    بكلام اخوي...
    مها/لين يرد يصير خير...
    ام خالد/والله ان ابوك ضايق خلقه عليك يايمه ..قومي قعدي تحت شوي..مايصير قاعدة بها
    الغرفة وحابسة نفسك بين جدرانها؟
    مها/قلت لك مالي خلق اقابل ابوي لين يرجع احمد؟
    ام خالد تنهدت/طيب قومي لبسي وروحي معي بيت الفالح عندهم عزيمة اليوم قومي شوفي
    البنات وتعرفي عليهم وغيري جو البيت؟
    مها ناظرت يدها/اروح كذا...ماني رايحة ..لو ماكانت يدي مجبسة كنت رحت معك؟
    ام خالد تنهدت/يمه مايصير..انتي حتى بدون ها ىالجبيرة اللي على يدك ماتطلعين من ها
    الغرفة!!!يايمه اللي بكبرك اللحين عندهم ثنين وثلاثة وانتي حتى ماترضين تقابلين
    العالم!!!ليش عاد يايمه؟
    بها اللحظة دق مسج جاي لمها بس سوت روحها مو مهتمة..
    مها/يمه ماودي اطلع لاتلزميني؟
    ام خالد/يايمه والله اني اتقطع عليك اذا شفتك قاعدة بروحك بها الغرفة !!!!لمتى بتظلين
    حابسة روحك بغرفتك لاتشوفين العالم ولا العالم يشوفك؟؟؟
    مها بنرفزة/يمه قولي اللي عندك بصراحة بدون ها المقدمات؟؟
    ام خالد/انا ابي افهم انتي ليش ماتبين تتزوجين وكلا جاك رديتي بدون اسباب مقنعة؟؟
    ام خالد كانت تساْل السؤال وفي بالها عارفة ان الاجابة هي محمد...بس ها الاجابة مستحيل
    تطلع من مها....
    ///////////////////////////////////////////////////////////////نرجع لستار بكس....
    خالد كان عاصر يده فوق يد هيفاء اللي كانت مرتبكة شوي..
    خالد/صارحيني ياهيفاء...
    هيفاء/خالد....خالد..انا...انا ماابي ارد...اذا تسمح لي..مقدر اجاوب على سؤالك!!!!ادخل
    بالموضوع مباشرة؟؟؟
    لو قالت انا اكرهك كان على الاقل عرف شعورها ناحيته وقدر مع الوقت يغيره ..بس انها
    ماتجاوب فهذا الظلم بعينه....كذا بيضل معلق لاهو عارف اذا كانت راضية عنه ولا ماهي
    براضية!!!!!
    خالد تنهد بقوة وخلاها تناظر بوجهه علطول..
    خالد بحنان يخوف هيفاء/ليه؟؟؟ممكن اعرف ليه؟؟
    هيفاء تبي تسوي روحها طبيعية بس ماهي قادرة../ممكن نتكلم بموضوعنا ياخالد؟؟الوقت
    قاعد يمشي وماقلنا شي لسه!!!!
    خالد تقرب منها وباصرار/بس انا يهمني اعرف ياهيفاء؟؟؟لازم اعرف.....
    هيفاء/خالد ترى فاتن ماراح تتحمل عبود طول الوقت يعني شوي وبتلاقيها داقة علي...اذا
    سمحت ادخل بالموضوع مباشرة؟
    خالد/كذا بتخليني اغير راي ومااقولك الشي اللي ابيه؟
    هيفاء/شلون يعني؟؟
    خالد/انا جاي اتكلم معك بصراحة وتعرفيني انا مااعرف احط مقدمات......هيفاء انا....
    هيفاء بخوف/لا ياخالد لا؟؟لاتقولها؟؟
    خالد استغرب معقولة حست باللي ابي اقوله/ليش؟؟
    هيفاء حست نفسها ضايق وانها بتبكي/الله يخليك ...تكفى ياخالد انا مقدر على فراقه....انا
    لاحظت التغير اللي صار بينك وبينه!!!!وشفت كيف تغيرت معاملتك له وكيف انه متعلق
    فيك حييل ها الفترة بس ياخالد تكفى..تكفى واللي عطاك كل شي غالي وانعم عليك...خله
    عندي لاتاخذه!!!انا مقدر على فراق ولدي؟؟؟؟؟خليني اربيه واكمل معه المشوار اللي بنيناه
    من اول؟؟؟تكفى؟؟؟
    /////////////////////////////////////////////////////////////////مها/يمه....يضايقك اني اكون
    موجودة بالبيت؟؟
    ام خالد تنهدت/يضايقني انك تحرمين نفسك من نعمة الله ناعمها عليك بدون اسباب يامها؟
    مها/يمه مو من زين العرس علشان تقولين لي ها الحكي؟؟
    ام خالد/من اللي قايل لك ان العرس ماهو زين يامها منو؟؟؟
    مها/محد قال لي بس انا ....(توهقت وماعرفت شتقول)
    ام خالد/يايمه انتي مالك غير بيت زوجك بعد عينا انا وابوك....
    مها/اخواني عندي ويحبوني ومايرضون علي!!!
    ام خالد/لا يمه اخوانك ماهم بداييمن لك؟؟؟اخوانك كل واحد ومستقبل وحياته ومرته
    وعياله..وانتي مابتقدرين تمنعينهم يعيشون حياتهم بشكل طبيعي علشان انك ظلمتي نفسك
    بشبابك؟؟؟
    مها تنهدت/يمه قفلي الموضوع؟
    ام خالد/مو قبل ماافهم شفيه سعود ماتبينه؟؟؟
    مها سكتت وماتكلمت....
    ام خالد وقفت/انا بروح علشان لااتاخر على عزيمة بيت الجيران بس تاكدي يامها اني اول
    ماارد بجيك اتكلم معك بنفس السالفة واذا لقيتك نايمة بكرة مارح تهربين
    مني!!!طيب...جهزيلي كم سبب يخليك ترفضينه......
    طلعت ام خالد وظلت مها بغرفتها بروحها بعد ها الموضوع اللي يضيق الخلق من
    جد!!!!!!!
    يالله عاد اللحين بعصر مخي علشان اشوف كم سبب يخليني ارفض الاخ سعود وفي النهاية
    مابلقى شي لانه فعلا سعود مافي شي يعيبه غير ان قلبي رايح لغيره!!!!!!!!!
    اه منك ياوجع القلب اه !!!!!!!!!!!!!!!
    وتذكرت المسج اللي جاها قبل شوي وفتحته بسرعة كان من محمد(اعاهدك ببقى انا وانت
    خلان ,,ودرب المحبة يالغالي تدله,,,ياصاحبي خل المحبة لنا انسان,,,انسان مايرضى
    بحكم المذلة,,,يابحر انا وياك من دون ربان,,,نمشي ببحر فيه الاشواق فله,,,انا معك
    والبحر والغيم خلان,,,مانفترق....لو كلا يموت بمحله!!!!حبيبك محمد)
    رمت جوالها بعد ماطاحوا منها دمعتين.ماهي قادرة تفكر في شي..حياتها ماقاعدة تمشي مثل
    ماهي تبي...هي تبي الاستقرار والهدوء...وحب محمد يعصف بحياتها عصف....ويلي منك
    يامحمد ويلي!!!ياربي اقلب حبه في قلبي كره وخليني انساه وابدي حياتي !!!!
    مقدر على محمد وحبه مقدر؟؟؟؟
    اه ياقلبي اه....يكفيني كلامه وحنانه..يخلوني اغير كل شي عاهدت نفسي عليه....
    دقت باصابعها المرتجفة على محمد وفي نفسها قرار ماله رجعة بتقوله محمد انا اكرهك اعد
    واتركني ابدي حياتي بدونك!!!!!!!
    محمد/هلا وغلا والله....
    /////////////////////////////////////////////////////////////في المجلس كان ابو محمد يسولف مع
    احمد ومشاري شبه نايم بوسطهم....
    ابو محمد/ها شقلت ياولدي؟
    احمد/على شنو ياخال؟؟
    ابو محمد/قلت لك يااحمد ياولدي جيب اغراضك هنا وتعال اقعد البيت بيتك ياوليدي والله
    اني ماارضاها تكون قاعد مع صاحب اخوك وبيتي مفتوح لك؟
    احمد/من طيبك ياخالي بس والله ماهي حلوة صدقني يعني انت عندك بنات ويبون ياخذون
    راحتهم و..
    ابو محمد/افا ياولدي ياحمد افا!!!انت الداخل وهم الطالعين؟؟؟؟
    احمد/تسلم ياخالي تسلم..ماقصرت والله..
    ابو محمد/وبعدين منو عندك ان شاءالله..بنات خالك رابيني معك هيفاء بحسبة مها وهند
    بحسبة مرام؟؟؟لاتزعلني ياخالك قعدتك هنا ماهي عاجبتني؟
    احمد/لا ياخالي اعذرني والله مقدر اجي...بعدين هم بيسالون عن الاسباب اللي تخليني اظل
    هنا وطالع من البيت..ومو حلوة يدرون ان ابوي....
    طق طق طق....
    ابو محمد/مشاري...قوم شوف هاذي اختك جايبة لنا شي ناكله؟
    لفوا على مشاري ولقوه بسابع نومة؟؟؟؟
    ابو محمد/لاحول هذا يانايم ياياكل يايتهاوش مع جدته؟؟؟؟
    احمد/هههههه
    ابو محمد/خلني اقوم اشوف ..
    احمد/لالا..شلون تقوم ياخالي وانا موجود؟؟؟
    ابو محمد/يايبى..
    احمد وقف/لا ياخالي ترى اعرف الاصول انا..مايصير تقوم تجيب الشاي وانا قاعد؟؟انا
    مانا
    ؟؟انا مانا ضيفك انا ولدك؟
    ابو محمد/بارك الله فيك؟
    احمد صحيح انه نشمي ويعتمد عليه وتلاقيه بالشداي بس اللحين هو يبي يقوم لانه عارف
    منو عند الباب!!!!!!
    ////////////////////////////////////////////
    خالد/هيفاء...
    هيفاء دق جوالها وبدت دموعها تنزل...
    خالد كان يناظر بين الجوال وبين هيفاء اللي صارت تمسح دموعها بسرعة علشان
    لايشوفهم.....
    هيفاء ردت/هلا....طيب انا جاية اللحين...اخذي له لانه ماراح يسكت...يالله جاية..
    خالد تنهد/وين بتقومين احنا مابعد سولفنا!!!
    هيفاء/............
    خالد/انتي فهمتي غلط ياهيفاء؟؟انا ماقلت اني ابي اخذ عبدالله عندي؟؟؟
    رفعت هيفاء راسها بخوف/شلون يعني؟؟
    خالد/الا اذا انتي تبيني اخذه ترى ماعندي مانع؟؟؟
    هيفاء/خالد!!!وش تقصد؟؟؟
    خالد ظل يناظرها بدون مايتكلم..
    هيفاء بخوف/قول....
    خالد/انا قلت لك بصريح العبارة اني باخذ عبود عندي؟؟
    هيفاء بخوف/لا...
    خالد/وليش فهمتي اني باخذه؟
    هيفاء/وش بيكون يعني الموضوع غيره؟؟؟
    خالد رجع مسك يدها مرة ثانية/قلت لك انتي مو فاهمة شي...هيفاء مايصير احنا ماقلنا
    كلمتين مع بعض بتمشين؟
    هيفاء/ماعليه بس هو مو راضي يسكت عند فاتن؟
    خالد/طيب تجيبه لنا هنا ونكمل كلامنا؟
    هيفاء/ماراح يعجبه الجو هنا هو يبي يلعب مايبي يقعد بس كذا؟؟؟؟
    خالد تنهد وهو يشوفها وقفت....
    خالد/شلون يعني انتهينا قبل لانبتديّّّّّّّّّّّّّّّ!!!!
    هيفاء/ماعليه انا مقدر اتاخر عليه اكثر من كذا؟
    خالد/طيب كيف بيكون دوامك ها الاسبوع؟؟؟يعني في مجال اشوفك ونتكلم ...
    هيفاء/........ليش ماتقول لي الكلام اللي تبيه بالتلفون مرة وحدة؟
    خالد/بتكون ذيك المرحلة الثانية ؟
    هيفاء/شلون يعني؟
    خالد/اللحين متى بشوفك مرة ثانية؟
    هيفاء/مدري.....برد عليك....بس خالد انت متاكد انك ماراح تاخذه؟
    خالد وقف لها وصار قبالها وماتفصل بينهم غير الطاولة..../باخذه اذا قلتيلي اخذه؟؟واذا
    ماكنتي تبيني اشوفه فهذا حقك وحقه بعد!!!هيفاء انا اسف على اللحظات اللي بعدت عن
    عبود وهو صغير وماشفته يكبر قدام عيني......
    كان يتكلم وفي صوته نبرة صدق...حستها هيفاء..لانها عارفة اللحظات اللي يكون فيها خالد
    صادق مع نفسه قبل لايكون صادق مع الاخرين؟؟؟
    //////////////////////////////////////////////////////////////
    محمد/هلا وغلا براعية ها الصوت والله؟
    مها/شلونك محمد؟؟
    محمد/مشتاق لحبي الخالد والله؟
    مها هالكلمة بس تضيعها من محمد وماتتحمل شي بعدها قالت له بهمس/جد والله!!
    محمد/ليش انتي خابرة محمد يكذب بمشاعره عليك؟
    مها/لا
    محمد/طيب ليش تسالين اذا كنتي واثقة؟



    البارت السادس والسابع والثلاين,,,,
    //////////////////////////////////////
    مها/محمد ابي اقول لك شي وماني عارفة شلون اقوله؟
    محمد/صعب ها الشي؟
    مها بحزن/حييييييل؟
    محمد برومنسية وهمس/طيب انا بعلمك شلون تقولينه...تهجي بالاول الكلمة شوي شوي
    وبعدها قوليه مرة وحدة؟
    مها/ها..
    محمد/كذا....قولي ا..ح..ب..ك...احبك يامحمد؟؟
    مها خلاص دموعها نزلوا مرة وحدة وقامت تبكي مادرت انها كل ماقالت بتبعد عن محمد
    قربها هو لعنده اكثر!!!
    محمد بهمس/وش فيك يابنت صارت كلمة احبك تبكيك ولانتي قادرة تنطقيها؟؟
    مها من بين دموعها وبصوت ضعيف يقطع كل اللي يسمعه/أي احبك..احبك يامحمد
    احبك..احبك وماراح يضيعني غير حبك..احبك وبموت وبيموتني حبك..احبك يااغلى شي
    بدنيتي؟
    محمد تنهد........ وظل يتنهد وهي تبكي...
    مها/احبك...احبك...خلي كل العالم تسمعها ...ماعاد يهمني........بظل اقولها لين ياخذ الله
    امانته...احبك يامحمد احبك احبك احبك....
    محمد نزلت من دمعة ومسحها بسرعة...هو طبعه رومنسي وهادىء وها الكلمة من مها تغير
    احاسيسه ومشاعره..
    محمد بهمس/ودي اخذك معي لعالم ثاني يامها...عالم مانعيش فيه الا انا وانتي واضل اسمعها
    منك ليل نهار؟؟ومايحرمني منها شي؟؟؟؟
    تعرفين اذا قلتيها وش يصير فيني يابنت الناس؟؟؟تطلع روحي مني والله!!!!
    مها...ياحبي الخالد...اذا انتي تحبيني مرة فاانا احبك مليون مرة والله!!!
    قفلت مها الجوال وماقدر تكمل مع محمد...هاذي اللي متصلة تقوله اكرهك؟؟؟قالت له احبك
    مقدم حق سنة كاملة!!!!ليه يامحمد ليه؟؟؟ليه ماتبيني اعيش حياتي بدون عذاب والم
    معك؟؟؟انا عارفة انك ماراح تكون من نصيبي ولا انا راح اكون من نصيبك؟؟؟حرام عليك
    تعلقني اكثر بحبك وحنانك وتضيعني بدنيتي؟؟؟؟؟حرام والله حرام؟؟؟
    ///////////////////////////////////////////////////////////////احمد فتح الباب وكانت هند بوجهه
    طبعا هي مالبست عبايتها لانهم قاعدين بالمجلس الداخلي مو الخارجي وماتوقعت ان احمد
    هو اللي يفتح الباب بما ان مشاري قاعد معهم!!!!
    كانت لابسة برمودا جينز فاتح وبلوزة لنص الركبة حمرة مخصرة وبوسطها حزام
    ابيض...ورافعة شعرها كله ...
    وارتبكت يوم شافته وكانت الصينية بتطيح من يدها سترك يارب بس لايجي محمد
    اللحين!!!!
    احمد بهمس علشان لايسمعه خاله انه قاعد يكلها.../ياويل حالي انا على البنات
    الحلوين...وش اخلي من جمالك ويش اشوف؟؟؟
    هند/.......كانت دقات قلبها لبيت الجيران؟؟
    احمد/حبيبي ممكن اكلمك الليلة الله يخليك لاتقولي لا؟
    هند بهمس/عندي امتحان بروح اذاكره؟
    احمد قام يطالع بالصينية وهو يشوف اللي فيها/يعني صينتيها وحطيتي خفايف
    بس؟؟؟ياتخليني اكلمك يابقول لخالي خلي بنتك تسويلي مندي؟؟اختاري بسرعة؟
    هند /امسك يالله لايحس ابوي على شي؟؟؟
    احمد مسك الصينية وتعمد ان اطراف اصابعه تمسك اصابعه اللي شوي وترك الصينية
    تتطيح لو انه مامسكها بسرعة!!!
    احمد/ها شقلتي؟
    هند بسرعة/طيب؟؟؟
    ///////////////////////////////////////
    في السيارة
    فاتن/شقال؟
    هيفاء اللي كانت شبه سرحانة/ولاشي مابعد تكلمنا؟
    فاتن بدهشة/صار لك معه ساعة الاربع وماقلتوا شي؟؟؟شكنتوا تسوون بالله؟
    هيفاء تنهدت وهي تناظر بعبود اللي نام بعد مابكى لانها ماشرت له اللعبة اللي يبيها...
    هيفاء/سالني سؤال وماقدر اجاوبه عليه؟
    فاتن/شنو؟
    هيفاء ضاقت فيها الدنيا/سالني اذا كنت اكرهه ولا لا؟
    سكتت هيفاء وماقدرت تتكلم وفاتن بعد سكتت..
    كان سؤال خالد غريب؟؟؟ليش بعد اللي صار وبعد ها المدة هاذي كلها جاي يسالها اذا كانت
    تكرهه لولا؟؟؟وش بيغير من حياته اجابتها بالله!!!!
    كانت نظرات فاتن على هيفاء اللي كانت هامدة بمكانها وحاضنة ولدها بالقوة يمكن علشان
    ماتحس انها بتخسره ولا بتتركه بلحظة من الحظات....
    كانت تناظرها وهي الوحيدة بالعالم اللي عارفة شعور هيفاء تجاه خالد؟؟؟؟
    هي الوحيدة اللي عارفة ان رغم كل اللي صار بين هيفاء وخالد ورغم العذاب اللي شالته
    هيفاء بروحها بعد طلاقها بس قلبها مو شايل الا حب خالد؟؟؟
    غريبة ها المشاعر اللي كانت تخفيها هي هيفاء عن العالم بس مو عن فاتن؟؟
    كانت قدام العالم كله تتظاهر بكرهه الشديد لخالد وانه مايهمه بشنو ماسوى؟؟بس قلبها من
    الداخل كان يتقطع عليه وعلى حبه!!!كيف ماتحبه وهو اللي كان بلحظة من اللحظات
    زوجها وشريكها وحبيبها؟؟؟
    يمكن انه مابادلها الحب بس تكفي اللحظات الخاصة اللي كانت تعيشها معه وبقربه؟؟؟
    كانت تشيل حب خالد بقلبها وتدفنه يوم ورى الثاني علشان لايبان..وفعلا قدرت تمثل على
    الكل ها الشي..بس قدام فاتن ضعفت وماقدرت تخبي عليها؟؟؟هي الوحيدة اللي كانت تقول
    لها عن مشاعرها تجاه خالد براحة وبدون حرج رغم كره فاتن له ؟؟؟؟؟
    شسويتي بنفسك ياهيفاء شسويتي؟؟؟حبيتي طليقك؟؟الانسان اللي ماراح يرجعلك ولايلتفت
    حوالينك ابدا!!!!!بس امرك غريب انت بعد ياخالد..وش يهمك بمشاعرها تجاهك؟؟؟؟؟
    ////////////////////////////////////////////////////////////////باخر الليل وبعد مانامت كل العيون
    وماظلت غير عيون العاشقين الولهانين وببيت عادل تحديدا ..طلع احمد على البلكونة وبيده
    جواله وهو يدعي ربه انها مانامت؟؟؟
    شقد كان ينتظر ها اللحظات على نار علشان يصارحها بمشاعره؟؟؟
    دق رقمها بااصبعه المرتجفة..اللي كانت خايفة انها ماترد وتكون نامت ولا قفلت
    الجوال؟؟؟؟
    هند بصوت واطي/الو..
    احمد بارتياح/للحين تذاكرين كيمياء ماخلصتي؟
    هند تنهدت وهو ابتسم...
    احمد/شلونك؟
    هند/بخير...
    احمد/وبعد؟
    هند/شنو؟
    احمد/اقولك جوعان وجوعان تقومين تلعبين علي وتحطين لي شوية اجبان وشوية زيتون
    وقشطة و بيض!!!شقالوا لك عني؟؟ترى انا هالاكل مايعجبني ابدا؟؟؟انا راعي سوالف؟؟
    هند/وش تبيني اسوي لك يعني؟؟؟مندي؟؟من صدقك في واحد عاقل بالدنيا ياكل مندي قبل
    لاينام؟؟؟
    احمد بزعل/لالالا شكلنا ماراح نتفق اذا على كذا؟؟وش فيها بالله اذا الواحد اكل مندي
    ونام؟؟؟يااخي نملي الكروش وننام؟؟؟
    هند/صدق رجال ماعندها غير بطنها؟؟؟
    احمد/ههههههه ان شاءالله تبيني اصير مثلك اكل لي بقصمة وحليب وتكفيني طول
    اليوم؟؟لايابابا انا مااتحمل اقعد بدون اكل؟
    هند/؟؟؟؟؟(لاتعليق)
    احمد/اشوفك سكتي شكله كلامي مو عاجبك؟
    هند/لا عادي الناس كلا وطبايعه شسوي لك يعني؟
    احمد/لاتسوين شي بس بلا دلع وكلي مثل العالم والناس؟؟؟
    هند بهبال/مايمدي ناكل بالبيت جدتي تاكل كل شي؟
    احمد/ههههه ضحكتيني والله هههههه شلونها اليوم؟
    هند/والله مافيها غير العافية اقوى مني ومنك؟
    احمد/يمكن اقوى منك أي بس اقوى مني لا؟
    هند/........
    احمد/خلصتي مذاكرة الكيمياء؟
    هند/أي..
    احمد/ذاكرتي عدل ولاخرطي؟
    هند عصبت/مااسمح لك انا اذاكر بتعب؟
    احمد/وليش ان شاءالله زعلتي؟
    هند/لاني بجد اتعب مو مثل غيري؟
    احمد بمزح/اها..ومن تقصدين بالله مثل غيرك؟
    هند/مشاري مو احد ثاني لاتخاف؟
    احمد/على بالي بعد؟
    هند/احمد انا بسكر شكلها هبة قعدت يالله باي؟
    سكرت بدون مايبدي بموضوعه...مسك الجوال وقام يناظره وهو يبتسم...بس يالله بداية
    موفقة شكلي ماراح اتعب وانا اخذ واعطي معها....تنهد تنهيدة ارتياح ودخل ينام....
    ////////////////////////////////////////////////////////////وحده خالد الليلة ماقدر ينام ولاكان على
    بعضه؟؟؟
    وقام يكلم نفسه ويرد على نفسه بنفسه مثل المجنون؟؟؟
    ليش تهربت من الاجابة؟؟؟؟ ببساطة لانها ماتحبك وماتبي تقولك انا اكرهك علشان
    لاتنجرح مشاعرك؟؟
    ياترى صدق ها الشي ولا كذب؟؟بلى ياخالد صدق ولاتعطي نفسك امل وتعيش بوهم وتفيق
    منه وتنصدم بعدين؟؟؟
    يعني مافي امل تبادلك الحب بيوم من الايام!!!!لا ياخالد ..ها الشي مستحيل يصير وانت
    طلقتها ورميتها هي وولدك ومااهتميت فيهم ولافكر ت تسال بولدك اللي هو من دمك
    ولحمك؟؟؟
    بس هي المفروض تكون عارفتني وعارفة ان ها الشي ماكان بيدي اختياره كان مفروض
    علي...هي بنفسها عاشت معي وشافت اني مااذيتها بحياتها طول ماكنت معها؟؟؟لا
    ياخالدلا؟؟؟انت صدق مااذيتها بس طلاقك كان اكبر اذية بحقها وحق نفسك؟؟؟يمكن كانت
    مشاعرك بتميل ناحيتها بس الحاجز اللي بناه ابوك بينك وبينها خلاك تعيش بعزلة عنها
    حتى المشاعر اللي كنت تعطيها اياها ماكانت مشاعر خالد الصادقة مية في المية ..:نت
    تبخل تطلع مشاعرك الاصلية ياخالد ؟؟؟
    والحل ؟؟شسوي بنفسي؟؟؟؟انذل ياخالد انذل..واتعب علشان تعرف هي شقد تعبت وتحملت
    وصبرت علشان تتماسك وتكون قوية؟؟؟؟خالد انت جرحتها بالماضي وهذا وحده يكفي انها
    ماتناظر بعيونك؟؟؟فلا تحلم بقربها ولاانها تسلمك قلبها بيوم من الايام؟؟؟؟
    تنهد خالد ورفع راسه من على المخدة وتسند على سريره....
    خالد/ياربي شها الهم يارب؟؟؟شسويت بنفسي انا؟؟؟بس لو هي للحين على ذمتي كان انا
    مرتاح من ها التفكير؟؟؟؟؟؟شجاك ياخالد شجاك وخلاك منت قادر تنام ليلك مثل العالم
    والناس؟؟؟بس اذا مارضت تصرح لي عن مشاعرها مالي الا عبود...مافي غير اني اخليه
    عندي كم يوم لين تجاوبني بصراحة وتريحني؟؟؟؟
    ////////////////////////////////////////////////////////////////اليوم الثاني في بيت السالم ,,,
    ابو محمد/شلتي لضيفنا؟
    ام محمد/أي وقت اللي بيجي بسخنه له؟
    مشاري/منو ها الضيف؟
    ابو محمد/احمد ولد عمتك..انا قايل له يمرني يتغذى ويتعشى هنا اليوم؟
    الجدة/البارحة مو كان عندك؟
    ابو محمد/أي بيني وبينه سالفة؟
    هيفاء/خير ان شاءالله؟
    ابو محمد/لا سالفة عادية وقاعدين نسولف فيها لاتشغلون بالكم....
    هبة/يبى..مشاري جاب نتيجته وماعطاك اياها؟
    مشاري/ووجعتين ان شاءالله؟
    ابو محمد/توجعك يارب؟؟؟؟ليش تصارخ على اختك؟
    مشاري بنرفزة/لانها ملقوفة بصراحة؟
    ام محمد/عسى بس النتيجة تبشر؟
    مشاري/شسوي انا اذا اساتذة مدرستنا يغارون مني ويكرهوني ومو راضيين ينجحوني؟؟؟
    ابو محمد/يا سلااااااااام..هذا اللي قبل نروح الشاليه تقولي ابشر بالنتيجة وتطمن وواثق
    منها!!!!طلعوا يكرهونك يعني مثل كل مرة لازم تحمل شي بجيبك؟
    مشاري/بس ثلاث مواد؟
    ام محمد بعصبية/وقليلة هاذي ثلاث؟
    مشاري/يايمه ياحبيبتي انا ابي اسوي مواساة للراسبين مايصير يحسون بالغربة لازم اكون
    معهم يدا بيدا من اجل مستقبل واعد؟
    هيفاء كتمت ضحكتها هي وهند لاتتنقلب السالفة عليهم؟
    ///////////////////////////////////////////////////////////في بيت العواد بعد الغذى كانوا خالد وامه
    يسولفون وعمر يلعب بلاي ستيشن...
    ام خالد/احمد ماكلمني اليوم دقيت له مرتين وماجاوبني؟
    خالد/يمكن بعده ماخلص محاضراته؟
    ام خالد/خاله كلمه البارح وبالزور رضى يروح يتغذى ويتعشى عنده بس النومة مارضى؟
    خالد/ماعليك لاتحاتينه مدام مسكه خالي كلها كم يوم وهو راده البيت انتي لاتحاتين؟
    ام خالد/الله كريم ان شاءالله...
    خالد/علامك منتي على بعضك؟
    ام خالد/انا اللي مو على بعضي ولاانت؟؟؟شفيك البارحة كنت سهران...يوم اقوم اصلي
    الفجر لقيتك قاعد بالحديقة بس ابوك مارضى انزل لك؟في شي مضايقك ياخالد؟
    خالد ابتسم لاامه رغم تعبه من سهر البارح/سلامتك يالغالية بس مشاغل الدنيا مثل
    مايقولون؟الشركة والموظفين...انتي لاتشيلين هم......بس انتي متضايقة من شي ثاني؟
    ام خالد بتنهيدة حارة/اختك بتموتني ياخالد.....لاهي راضية تدخل مع الناس وتخالطهم
    ولاهي راضية تقتنع بولد عمها يكون من نصيبها وانا قاعدة احاتيها؟
    خالد حط يده على كتفها/لاتشيلين هم مها يالغالية..هي عاقلة وعارفة زين وش تسوي؟
    ام خالد/بس ياخالد..
    قاطعها خالد/من غير بس يايمه ...اتركيها تختار الشيء اللي هي تبيه.....
    ام خالد/الله كريم ..انا بروح اقعد معها قايلة لها ها المرة مالك مجال تتهربين بدون اسباب من
    ولد عمك؟
    ///////////////////////////////////////////////////////////////////////كانت هيفاءقاعدة بالصالة
    ومافي غيرها هي وولدها اللي جالس جنبها وهو يشاهد توم وجيري ومحمد قبالها بس
    ساكت ومحتار كيف يكلمها بالموضوع...
    وهم منسجمين بصمتهم وسرحانهم عبود رمى الفشار على الارض..
    هيفاء بفزع/خالد ليه رميته مو حرام؟؟الله بيوديك النار؟؟؟؟
    بس بغاها محمد وانفتحت له.......
    محمد/صاير على بالك كثير ها الخالد ياهيفاء؟؟؟؟؟؟
    لفت له وهي دمها نشف
    بعروقها لانها عارفة لهجة محمد اذا كانت توحي بالخطر شلون تصير.....
    هيفاء بتردد/شتقصد؟
    اعتدل محمد بقعدته/شسالفتك مع خالد بالمستشفى ذاك اليوم؟لاتفكريني نسيت ولا مررتها انا
    بس كنت ابي اشوف الوقت المناسب؟
    هيفاء/أي سالفة مابيني وبينه سوالف؟
    محمد بحدة/قلت لك شفته واقف معك وكنتي تاكلينه بعيونك بعد!!!مو انتي لاحسيب
    ولارقيب مو هامك شي ابدا!!!
    هيفاء/محمد لو سمحت لاتقعد تخلط بالمواضيع وتدخل سوالف اولية ومالها شغل
    بالموضوع....
    محمد بعصبية/ان شاءالله مفكرة انك تردينه لك مرة ثانية!!!!لاتحلمين هو مايبيك لو يبيك
    كان ماسمع كلام ابوه وطلقك؟؟؟وبعدين استحي عاد ماعندك غير طليقك تراكضين
    وراه؟؟؟؟
    ها المرة بس هيفاء بلعت ةلسانها ودموعها ورمت بللي في يدها وراحت غرفتها لكن والله
    ان كلمها بها الطريقة مرة ثانية ماهي ساكتة له ابدا وبينهاو بينه ابوها؟؟؟؟
    ////////////////////////////////////////////////////
    في غرفة مها....
    ام خالد/خلاص تغذيتي ورديتي لسجنك وزنزانتك مرة ثانية؟
    مها رفعت الاب توب من حضنها وعدلت قعدتها....
    ام خالد جت وجلست جنبها/جاية اكمل معك موضوع البارحة؟
    مها/........................
    ام خالد/فكرتي بسعود مثل ماقلت لك؟
    مها بتردد/أي...
    ام خالد/وش وصلتي له؟
    مهابخوف/ان احنا مانناسب بعض؟
    ام خالد تنهدت بقوة وهي عارفة ان بنتها تنتظر ولد اخوها وهي مافي يدها حيلة/يامها يابنتي
    ياحبيبتي...طيب عطيني سبب مقنع يكفي انك ترفضينه وماراح اعيد لك السيرة مرة ثانية
    ابدا مهما صار!!!
    مها تنهدت.....
    ام خالد/بس سبب واحد وبتركك على راحتك ان شاءالله عمرك ماتزوجتي؟
    مها وهي تناظر بامها بخوف/ماراح تقتنعين؟
    ام خالد بحنان/طول عمري صاحبتك وصدقيني أي كلمة تقولينها ماراح تطلع لغيري
    وماراح اسالك فيها حتى!!!!!!
    كان كلام امها بمثابة الطمانينة والهدوء....
    ترددت شوي وبعدها جمعت نفسها وقالت بصوت يرجف/يمه..القلب مايبي سعود...عيت
    اقنع قلبي باني ممكن احبه واتزوجه؟؟؟قلبي رافض الفكرة ؟ماني مقتنعة فيها اصلا!!!!!
    كانت عيون امها عليها وهي تتكلم وتسمع كلامها باذنها وتقرا اللي مكتوب
    بعيونها....وسكتت وماعلقت بس اللي فهمته من عيون مها واللي كان مكتوب في
    عيونها(قدري محمد وبظل لمحمد طول العمر لاتجبروني على غيره)
    تنهدت وتركتها وطلعت من الغرفة,,,,وهي في بالها تقول(الله يسامحك يابو خالد الله
    يسامحك...انت مافرقت بين خالد وهيفاء لا؟؟؟انت فرقت بين مها ومحمد وكسرت بخاطرهم
    وجبرتهم يعيشون كذا معلقين لاهم طايلين سما ولاارض!!!!!!)
    ///////////////////////////////////////////////////////////في بيت السالم كان احمد قاعد مع خاله
    وضاربينها سوالف ومشاري معهم.....ودق جرس الباب وطلع مشاري يفتح بعد شوي دخل
    خالد..
    خالد/السلام عليكم...
    ابو محمد واحمد/وعليكم السلام والرحمة....
    خالد/بصراحة ياخالي انا غرت من سالفة ان احمد هنا يتعشى ويتغذى معك وضاربها
    سوالف قلت الحق عليكم عسى بس ماتعشيتوا قبلي؟
    ابو محمد/حياك يبى حياك...حتى اذا تعشينا نتعشى
    مرة ثانية علشانك؟
    احمد/ياشين غيرتك يابو عبدالله!!
    خالد/ههه ماغيرت رايك وبترد البيت؟
    احمد/ارد البيت وخالي يعشيني ويغذيني؟؟؟مجنون انت؟؟
    ابو محمد وخالد/هههههههه
    ابو محمد/مشاري روح شوف هيفاء وش سوت على العشى؟
    دق قلب خالد هيفاء هي اللي مسوية العشى الليلة؟؟ياسلام ياحميدان كنت تبي تاكله بروحك
    يعني؟؟؟)
    //////////////////////////////////////////////////////////////على سفرة بيت العواد..كلهم متجمعين
    غير خالد واحمد...
    مرام/السفرة مو منورة الليلة وينه خالد؟
    ام خالد/اتصل وقال انه عازم روحه مدري عند منو ماراح يجي؟
    ابو خالد/خلاص الليلة اذا جا بكلمه بموضوع الزواج...بيدخل الثلاثين وهو لسه قاعد لي
    عزوبي؟؟ولده وكاهو تقبله والحمدلله...ماله حجة والشركة ماشية امورها....
    ****************************



    البارت الثامن والثلاثين والتاسع والثلاثين,,,
    //////////////////////////////////////////////
    ام خالد/الله يسمع منك والله يوم المنى اللي ازوجهم وافرح بشوفتهم وافتك من همهم؟
    مرام/ههههه اهم شي همهم؟
    ابو خالد/وانتي مفكرة همكم قليل يابنت؟
    مها كانت سرحانة وماسكة الشوكة تلعب فيها وهي عيونها بصحنها..
    ابو خالد/مهاوي حبيبتي وراك ماتاكلين؟
    مها انتبهت.../هذا انا اكل يبى؟
    ابو خالد/أي تاكلين ؟؟صحنك مانلمس اصلا!!!ياعمري يابنيتي ماتشوفين روحك ضعفانة؟
    عمر/يبى....
    ابو خالد/خير..
    عمر/يبى تدري وين احمد فيه اللحين؟
    ابو خالد ناظره والكل سكت؟
    ابو خالد/وليش تسال؟
    عمر/يعني انت تدري انه في بيت خالي؟؟؟؟؟
    ابو خالد لف على ام خالد اللي وقف قلبها؟؟؟؟؟؟؟؟
    ابو خالد بعصبية/وشو موديه الثور عند خاله!!!!
    عمر/مدري خالد وامي كانوا يسولفون ويقولون انه هناك يتعشى ويتغذى ووقت النوم ينام
    ببيت عادل؟؟؟
    ابو خالد لف لاام خالد بعصبية/ياسلااااااام يعني عارفة انه هناك وماقلتيلي؟؟وانا اللي حارق
    دمي على ولدك ها التعبان؟؟
    مها بعصبية/وش فيها اذا راح بيت خالي؟؟على الاقل هناك جنة مو مثل الجحيم اللي احنا
    عايشينه!!!!
    ابو خالد بعصبية/انتي سكتي لايجيك شي ماترضينه!!!ماتتكلمين يابنت الاصول ؟؟عارفة
    ان ولدك عند اخوك وانا طول الليل افكر فيه مانطقتي بكلمة وحدة؟
    ام خالد بارتباك/اليوم بس راح عند خاله و..
    ابو خالد/سكتي ولاكلمة!!!انا الغلطان اللي احاتي ولدك اصلا!!!!تدرين شلون خل ينفعه
    خاله مابيه يرد اصلا بيتي؟؟
    مها بعصبية/وش فيها بالله اذا راح بيت خالي!!!
    ابو خالد/انتي باالذات قلت لك اسكتي!!!
    مها/لا بقول و...
    ابو خالد بصراخ/قومي انقلعي غرفتك؟؟
    مها بعناد/بكمل عشاي وبعدها بقوم؟؟
    ابو خالد شال صحنها من جنبها وقال لها بعصبية/قلت لك قومي انقلعي دارك؟؟لاابيك تاكلين
    ولاابيك تشربين زين؟؟موتي وفكيني من بلاك؟؟؟
    قامت من الطاولة ودموعها تسابقها وتطيح على خدها ...وركبت بسرعة غرفتها وكملت
    عزلتها بغرفتها....
    وبعد قومتها بشوي بس قامت مرام ووراها جود وعيون ام خالد على عمر اللي كان مرتبك
    وماكانه عارف ان طاري خالهم مو مرحب فيه على السفرة؟..
    نظرات امه خلته يوقف اكله ويقوم يلحق خواته.....
    وظلت السفرة فاضية منهم مافيها غير دموع ام خالد اللي بعدت كرسيها وقالت له/بيجيك يوم
    يابو خالد بتخسر كل عيالك مو بس احمد ومها وبتشوف؟
    /////////////////////////////////////////////
    في المطبخ..
    كانت هيفاء تقلب بالمكرونة والدجاج اللي على النار ومها تسوي عصير البرتقال..
    مشاري/ابوي يقول ماستوى العشى؟ترى خالد جوعان؟
    طاحت الملعقة من يد هيفا ءلاشعوريا/خالد ولااحمد؟
    مشاري/ثنينهم هنا؟؟خوب فتحنا البيت مطعم؟
    هند/اعقل بس اعقل هذولا عيال عمتي؟
    هيفاء/سويتي شوربة؟
    هند/أي واحسها فاشلة؟
    هيفاء/وينها بشوف؟
    مشاري/ليش وين الذويقة اللي ماتخلي احد بحاله؟
    هند/عندها حريم الله فاكنا منها ها اليومين؟
    مشاري/الله ياخذ هبوا يوم تقول لي اني راسب قدامها صارت تنط لي كل شوي وتعيرني
    ياساقط ياساقط؟
    هيفاء/هههههههه انت بعد سالفتك كل سنة تحمل لك مادة وماتعديها الابدور ثاني؟
    مشاري/الحمد لله هذا انا اعديها حتى لو بدور ثاني؟؟؟
    هند/يالله يالله لايبرد الاكل تعال وده؟
    ////////////////////////////////////////////
    في المجلس..
    عبود/بابا خالد..ابي عيد ميلاد؟
    خالد/عيد ميلاد مرة وحدة؟
    عبود/أي..
    خالد/طيب اذا جا عيد ميلادك نسويه زين؟
    عبود/لا..باقي كثير على مايجي ابيه بكرة؟
    احمد/لا عبود وين بكرة مايمدي؟
    عبود/بابا..
    خالد/خلاص لاتزعل بسوي لك عيد ميلاد وين تبيه؟
    عبود/بالشاليه؟
    خالد/بعد!!!
    ابو محمد/هههههه
    احمد/ها متى نتجهز؟
    خالد/ليلة الجمعة نسويه؟
    عبود/أي...
    احمد/خلاص روح قول لاامك حطي العشى بسرعة ابوي بيسوي لي عيد ميلاد يوم
    الخميس!!!!
    ابو محمد وخالد/هههههههه
    /////////////////////////////////////////////////////////////////اليوم الثاني بالمستشفى...
    هيفاء/اهلين..وينك انتي ؟
    مها/موجودة
    هيفاء/وش فيك صوتك مو عاجبني ابدا؟
    مها/لا بس شوية تعب؟
    هيفاء/متى بيشيلون الجبيرة من يدك؟
    مها/مدري يمكن بعد اسبوعين.....المهم خالد قال لي اكلمك؟
    هيفاء دق قلبها وقالت بخوف/خالد!!!وش فيه؟
    مها/مافيه شي بس كان يسالني اذا كان يناسبك يوم الخميس ولاانتي مرتبطة؟
    هيفاء/ليش؟
    خالد/يقول عبود قايل له يبي عيد ميلاد وهو وعده يسويه له ها الاسبوع فقال اذا ماكنتي
    مرتبطة بيحجز الشاليه لانه بيسويه هناك؟
    هيفاء/ماعليه من عبود؟؟منو جايب ها السالفة بعد؟؟ترى عبود كل يوم بطلعة؟
    مها/وانتي وش مضايقك خلنا نروح لاني مختنقة بجد وعجبتني فكرة عبادي؟
    هيفاء/انا ماعندي شي بس...مااحس لها لازمة؟
    مها/خلاص انا ببلغه وبقولك بعدين شو يصير معنا طيب؟؟
    هيفاء/ماشي....انتظرك؟
    سكرت من مها وهي مستغربة من عبود...من وين جت له فكرة عيد الميلاد؟؟؟هو ماله بها
    السوالف؟؟؟؟اصلا حتى كلامه صاير غريب ويسالها اسئلة اكبر من عمره؟؟؟حتى بيوم
    الشليه يوم قال لها ليش مانكون كلنا ببيت واحد مثل سارة شكت بالسالفة بس اللحين تاْكدت
    ان في احد قاعد يلقنه الكلام بس منو ها الاحد؟؟؟؟مااتوقع ان في غيرك يامشاري!!!!!!لكن
    اذا طلعت انت ياويلك مني؟؟؟؟؟؟
    /////////////////////////////////////////////////////////
    اليوم الثاني في بيت العواد على السفرة..
    خالد/السلام عليكم...
    وعليكم السلام والرحمة....
    خالد/يايا صار لي يومين مااكل معكم وحشتوني؟
    مرام بمرح/حتى انت وحشتنا صايرين مانشوفك مثل اول؟
    خالد فتح كرسيه وانتبه على كرسي مها اللي كان خالي..
    خالد اشر على كرسيها/وينها صاحبة السمو؟
    انطبق الصمت عليهم وكلهم ماردوا....
    خالد كرر سؤاله/وينها؟
    ام خالد بهدوء وتعب/بغرفتها؟؟عنده حبس انفرادي ممنوع حتى انها تاكل ؟؟ان شاءالله
    تومت علشان يرتاحون منها؟؟؟؟
    خالد/يمه شها الكلام؟؟؟؟؟؟؟
    ام خالد قامت تبكي ..مها صار لها يويمن مقفلة على روحها الدار وماتاخذ من البيت حتى
    الماي..رغم ان ابوها عجز وهو يحاول يراضيها وفي النهاية قال بيكسر الباب بس هي
    مااهتمت له....
    خالد بجدية/وينها؟؟؟
    مرام بهدوء/بسجنها؟؟
    خالد/فوق...بغرفتها؟
    مرام/ي..
    خالد/وليه ماهي قاعدة معكم؟
    خالد/يبى مها مسوية شي....علمني اذا هي غلطانة وانا اوريك فيها؟
    ابو خالد بهدوء/روح شوفها ياخالد اكيد بتفتح لك الباب....خليها تنزل تاكل معنا؟
    خالد/انا كلمتها اليوم وهي ماجابت لي سيرة شي؟علموني شصاير؟
    ام خالد/روح لها وانت بتعرف؟
    راح خالد طيران لغرفة مها ودق عليها الباب وقال لها انه خالد وانه جاي بروحه وفتحت له
    الباب..
    كان وجهها فعلا شاحب وعيونها غايرة ومبين التعب فيها..
    خالد سوى روحه متخرع/بسم الله الرحمان الرحيم؟؟؟دراكولا ممكن تنادي على اختي
    الجميلة مها؟؟
    تبسمت له وشلون ماتبتسم هذا سندها وعضيدها بالدنيا....
    دخل خالد وهو نافخ ريشه/يويمن مااقعد على السفرة ماتاكلين انتي؟؟؟تبين تموتين
    نفسك؟؟؟يااخي مدري غيابي يتعبك لها الدرجة؟؟
    مالقى أي تعليق لف ولقاها قعدت على حافة سريره ودموعها متجمعة بعيونها..
    تقرب منها وركع عند رجلها..
    خالد بحنان/مها...وش فيك يالغلا؟
    مها/........
    خالد/قومي نزلي نتغذى وبعدها سولفيلي ؟
    مها بصوت مبحوح/ماراح انزل ياخالد...ماابي شي من ها البيت حتى الماي عفته؟
    خالد بحنانه/ليش عاد يالغالية؟
    مها بدت تبكي وتشاهق/علشان اموت!!!اذا مت ارتحت وريحتهم من همي!!!!!!
    خالد/مها؟؟؟عمري وش جاك؟قوليلي؟؟
    مها/ولاشي بس الحبس الانفرادي ها المرة طال اكلي وشربي وحرمني منهم؟؟؟لكن ياخالد
    انا بكون قدها ها المرة وماراح اكل واشرب ببيته علشان اموت واريحه وارتاح انا بعد!!!
    كانت تتكلم وهي تبكي واخذها خالد بحضنه......وقام يطبطب عليها..
    خالد/حبيبتي انا مدري وش اللي صاير بينكم بس اللي انا متاْكد منه انه زعلان عليك ومتندم
    ..قومي نزلي يالله؟
    مها/ماراح انزل ياخالد قلت لك...
    خالد/خلاص خلاص...خليك هنا انا بروح اجيب لك الاكل لدارك؟
    مها بصراخ/لا ماابي من بيته ولاشي؟؟؟
    خالد/خلاص ولاتزعلين نفسك.....بجيب لك من المطعم وش تبين؟
    مها/.......صارت تمسح دموعها..
    خالد/على كيفي.....
    مها/أي..
    خالد وقف/بقوم اجيب لك ولي بس اذا جيتك ماابي الاقي ها الدموع على خدك علشان
    نتفاهم.....
    /////////////////////////جاب لها الاكل واكلت مثل الفجعانين وبعدها نامت وهو ماطالبها
    تتكلم..نزل لاامه وقالت له كل شي وقالت له بعد عن عمر وانه فتان وها الطبع ماهو جايز
    عنه وانها ماتكلمه علشان هالشي....
    وظل خالد معهم جالس يسولف شوي لين العصر قام علشان يرجع شركته وهو طالع وعمر
    داخل..
    خالد/عمر....
    وقف عمر مكانه..
    عمر/نعم خالد؟
    خالد/كنت بقولك شي....ترى نقل الكلام بين الناس عادة ماهي زينة وماتحبب الناس
    فيك؟؟؟بالعكس تخليهم ينفرون منك؟
    عمر/انا ماقلت شي..وبعدين انا مادري انه مايعرف هو كان يحاتيه وامي المفروض تقوله؟
    خالد/واذا هي ماقلت له تقوم انت وتعرض خدماتك وتقوله؟؟؟يمكن انها كانت تدور فرصة
    مناسبة علشان تقوله؟؟؟؟
    عمر/انا..
    خالد/انت مااشتقت لااخوك ياعمر؟؟؟بامانة؟؟؟
    عمر/بلى..
    خالد/غريبة رغم انه ماقال لي انك اتصلت فيه ولامرة!!!!وانت ماعندك شي ياتلعب يامطيح
    لي ببيت جدك عند العيال اللي اكبر منك؟؟؟؟؟
    ///////////////////////////////////////////////////////////////اتفقوا على يوم الشاليه يكون يوم
    الخميس وخالد تكفل بكل شي وخلا مها تشرف على الحفل علشان تشغل وقتها وماكان في
    احد هم مع بعض بالاضافة الى ام عادل وفاتن بنتها....
    في الشاليه....بعد صلاة العشاء...
    مرام/اسمع هيوف رايحة الكوافير؟
    مها/أي...رايحة تسوي حركات وتغير لوكها؟؟
    مرام/اممممم
    هند/ها شتقولون على اختي؟
    مرام/نحش فيها؟
    مها/ثوبك يجنن؟
    هند/تسلمين ياعمري من ذوقك والله..
    وصلوا فاتن وهيفاء (طبعا فاتن مرافقة العروس)
    وشالوا عبيهم وقامت الشهقات....
    فاتن/وش رايكم في شغلي ؟
    مها/مااصدق؟؟
    مرام/اول مرة اشوفك كذا؟؟
    فاتن/قلت لها بسويك شي مو طبيعي ماصدقتني!!!
    هيفاء/من جد تغيرت ؟
    هند بذهول/اول مرة اشوفك بها اللبس والشكل عموما....
    خلونا نبدا باول التغيرات اللي سوتها فاتن بهيفاء اللي كانت مصرة عليها انها تروح الليلة
    وتغير شكلها علشان تغير نفسيتها....
    شعر هيفاء كان طويل شوي وقصته لها طبقات على نفس طوله وصبغته عسلي وذهبي
    وصار يجنن فيها بجد...وكانت حاطة لها ميك اب اوفر يجنن ويناسب فستانها اللي كان
    لنص فخدها...وبدون اكمام مزموم عند الصدر ومن عند الصدر يبداْ يتخصر شوي لين
    ينزل ويوسع وماخذ درجات الفوشي ولابسة على صدرها مجموعة سلاسل بلون افتح
    شوي...ولابسة صندل فوشي وكعبه عالي مرة...
    مها/بصراحة ابدعتي يافاتن؟
    هيفاء باعتراض/شنو ابدعتي ماابدعتي!!!!انا حلوة مو هي ابدعت؟
    مرام/انتي صدق حلوة بس هاملة نفسك؟طايحتلي بها الابر وتركيب المغذي؟؟؟
    هند/ههههههه
    فاتن/لاياباب لاهي حلوة ولاهم يحزنون بس لاني انا حطيت لمستي فتغيرت؟
    هند/أي صح بنت خالتي..انتي لمساتك مثل لمسات منال العالم تغير الاجواء؟
    فاتن/انا سامعة بها الاسم بس وين مدري؟
    هيفاء/ههههه والاحسن بعد انك ماتدرين؟المهم وين اللحين؟
    مها/*احتلينا ها الغرفة ؟
    وذيك الغرفة خليناها للحريم وطبعا المجلس للرجال؟
    فاتن/وان شاءالله وين بتحطون البوفيه؟؟؟ولا نكبتوا مهوا انتي واخوك ماجبتوا لنا عشى؟
    مها/لاحبيبتي مانكبنا ولاشي والبوفيه خالد يقول انهم جايبينا اللحين بالطريق بس انا
    اقترحت عليهم نخلي البوفيه يعني حياد لااحنا ننحرج منهم ولاهم ينحرجون منا؟؟؟؟
    هيفاء همست لها/اخاف علشان شي ثاني؟؟؟
    مها/لاوالله...الا صدق وينه؟
    هيفاء تنهدت/انا متضايقة منه يامها؟
    مها/خير؟
    هيفاء/بعدين لاصرنا بروحنا؟
    دخلوا البنات داخل مع الحريم والجدة اللي كانت بخلاف في الاراء مع ام عادل؟؟؟؟
    وفي المجلس كانوا احمد ومشاري وعمر وخالد وابو محمد ومحمد زوج هنادي وعادل طبعا
    ينتظرون البوفيه ومحمد؟؟؟
    ***********وبعيدا عن الاجواء كانت هيفاء لابسة عبايتها وواقفة عند البرح هي ومها اللي
    بعد كانت لابسة عبايتها لابسينها اسم بس يعني ماهم مسكرينها؟؟؟
    مها/وش اللي صار بينكم بعد؟؟
    خالد طلع بها اللحظة علشان يكلم البوفيه وبس سمع صوت مها تقرب ولقاها مع هيفاء اللي
    كانت حاطة الشيلة على راسها بدون ماتلفها وكانت تتنهد وهي تناظر بمها...
    هيفاء/محمد قاعد يتصرف تصرفات غريبة وغبية بنفس الوقت والله اني مو مصدقة التغير
    الكبير اللي صار فيه؟
    مها بخوف/شفيه؟
    هيفاء/مها انا ماودي اقول لك و..
    مها باصرار/ابي اعرف اصلا انا مثل ماقلت لك ابي اقطع علاقتي فيه...مالي سالفة اظل
    معه وهو للحين معلقني لاهو يبيني ولا هو مخليني؟؟
    هيفاء/في البداية سوى موقف ماصدقته بس مشاري حلف لي عنه....
    مها/خير..
    هيفاء /تذكرين السالفة اللي قلت لك عنها عن هنادي؟
    مها/أي..
    هيفاء/التقى فيها ذاك اليوم على الدرجة وطردها من البيت ..مشاري كان بيطلع من غرفته
    ويحلف لي بامه وابوه ان سمع محمد يطرد هنادي من البيت!!!تخيلي..وهي مسكينة على
    نياتها تقولي خلاص غيرت جو عندكم وصار لازم ارجع بيتي؟
    مها/لاحوول..طيب ليش؟
    هيفاء/مدري يمكن يكون محمد كلمه...بس محمد مابيقوله تعال اطرد اختك من بيت اهلها
    علشان ترد لي؟؟؟
    مها/وانتي كلمتيه؟
    هيفاء/اكلمه شقوله؟؟؟لاهي تكلمت ولا هو تكلم؟؟باي صفة باروح اكلمه انا؟؟؟؟خفت اكلمه
    ويسوي لها سالفة وهي مسكينة ماتدري عن شي ولاتكلمت بشي؟
    مها تاْففت /طيب وانتي وش صار بينك وبينه؟
    هيفاء صارت تناظر بالبحر/تصوري شيقول لي؟؟يقول اني قاعدة الاحق خالد؟؟؟
    مها فتحت عيونها على وسعها وخالد دق قلبه,,
    هيفاء/يقول انه شافني معه بالمستشفى وانه مافاتته نظراتي لخالد ونظرات خالد
    لي!!!تصوري يامها..انا صرت بعيون محمد الاحق خالد وابيه ارده لي؟؟؟؟؟اه..شقولك
    يامها بس شقولك.....خليني ساكتة احسن؟
    مها حطت يدها على كتف هيفاء/ولايهمك الليلة عيد ميلاد عبود ولازم تنسين الدنيا بللي فيها
    وتعيشين معه فرحته الوهمية؟
    هيفاء/هههه هذا بروحه سالفته سالفة..تصدقين صاير يقول كلام اكبر منه ومايفهمه حتى
    سالفة عيد الميلاد هاذي مدري من وين جت يامها!!!!حلفت مشاريوه قال انه ماقال له
    ولاشي بس انا مستغربة من وين يجيب ها السوالف بس؟
    مها/معقولة احد يقول له ؟
    هيفاء/تذكرين الكلام اللي قلت لك عنه بالشاليه يوم قال لي ليش سارة تنام مع ابوها وامها
    ببيت واحد وانالا؟؟؟عبود مايفهم شنو معنى ها الكلام يامها؟؟مية بالمية احد قايل له وحاشي
    راسه بها الافكار؟؟؟بس لو يطيح بيدي؟؟
    مها/قومي خل ندخل وبعدين يصير خير؟؟؟
    ////////////////////////////////////////////////////////
    جا وقت الاحتفال واحتفلوا وغنوا لعبود وصوروه وكلهم فرحانين له من قلبهم وبعده كل
    واحد استلم دوره بالبوفيه وخلوا الكيكة للنهاية.....
    وهم يتعشون احمد وصله مسج..
    (اكيد هذا الاكل اللي مالي عينك)
    ابتسم لان المسج كان من هند اللي بدت تاخذ وتعطي معه شوي بالمسجات؟؟؟صحيح ان
    المسجات كلها عن اشياء عامة وماتخصهم بس يالله تعتبر بداية..
    رد عليها(اموت واعرف بشنو مالية صحنك لاتقولين بطاطا مقلي لابجي وبرمي صحنك
    فوقك وبدوس ببطنك؟؟)
    ردت عليه(تبولة وورق عنب وشوية لازانيا ومفكرة اني بكرة مااتغذى علشان بكون
    شبعانة؟)
    رد عليها(والله ان ودي اذبحك يبى جايبين رز بالبوفيه وانتي تاكلين ورق عنب وتبولة!!!
    صدق سخيفة؟)
    هند/(موت بحرتك ترى ماتقدر توصل لي!!!)
    خالد/احمد علامك انت وها المسجات والابتسامات اللي رايحة وجاية؟
    احمد تفشل..
    عادل/اكيد يغازل؟؟؟
    مشاري/هههه حلوة؟
    احمد/صدق والله طالعة لك....سلامتك ياخوي بس هذولا موبايلي يقولون لي تراك فايز معنا
    برحلة العمر؟
    محمد زوج هنادي/على وين ان شاءالله؟
    احمد/على جهنم هههههه
    ههههههههههه
    مشاري/مدامكم تضحكون يالله كملوا ضحك بالمرة ترى جدتي فوق الاربع مرات رايحة
    تملي صحنها وين تودي الاكل مدري؟؟؟
    احمد/يبى هاذي جدتك افة كل شي تاكله وبسرعة البرق؟؟
    مشاري/لامو معقول انا حاس انها قاعدة تشيل بصحون لمدري متى وتخش الاكل؟؟؟
    عادل/حرام عليكم لاتحشون فيها مرة كبيرة؟
    احمد/ترى جدتي مو مثل امك؟؟؟هاذي لو تشوفها تقول انمحى الحنان من العالم؟؟؟
    مشاري/هههههه أي والله صدقت!!!
    كملوا عشاهم وسهرتهم وطلعوا الشباب برة خالد ومحمد ومشاري مع عبود وكان مشاري
    جايب معه العاب نارية وقاعد يسوي لهم وهيفاء كانت بالمطبخ اللي يطل على المكان اللي
    هو واقفين فيه...
    ومشاري يسوي طلعت صرخة من عبود قوية خلت هيفاء تجمد من مكانها وتطيح الصحون
    من يدها وتطلع كذا بدون عباية مفزوعة...
    هيفاء بخوف/يمه ولدي!!!!!
    جمدت مكانها يوم ان عبود كان لاصق بثوب ابوه وخايف بس من الالعاب النارية لانه اول
    مرة يشوفهم وعيون خالد عليها ومحمد كانت عيونه طالعة من مكانها من الغضب!!!!
    راح لها وجرها من يدها بقوة قدام خالد ومشاري ودخلوا المطبخ وراحوا على الغرفة اللي
    كان يفترض ان البنات يكونون فيها بس ماكانوا هناك.....
    محمد سكر الباب بقوة وعطى هيفاء كف على وجهها....
    هيفاء حطت يدها على خذها ونزلت راسها..
    محمد بعصبية/انتي ماعدتي استحيتي يابنت!!!طالعة قدام الرجال كذا لاعباية ولاهم
    يحزنون؟؟؟؟وش تبين منه ها؟؟تكلمي؟؟؟
    هيفاء من بين دموعها/انا كنت خايفة على ولدي ياخوي؟؟؟
    مها بس اللي كانت موجودة بالغرفة من شافت محمد لبست عبايتها برسعة وجمدت مكانها
    يوم شافته عاطي هيفاء كف وبلعت شهقتها وحطت يدها على فمها؟؟؟
    محمد دز هيفاء على جنب وهو معصب/وش في ولدك ان شاءالله؟
    هيفاء وهي تبكي/والله ياخوي ماكنت عارفة ان مافيه شي صرخته خوفتني ومدري وش كان
    يصرخ منه طلعت مفزوعة بلا وعي مني صدقني؟؟؟
    محمد/شتبين اصدقك فيه شتبين؟؟؟انتي طالعة كذا علشان يشوفك؟؟؟؟عدل لو لا؟؟؟
    مها بانفعال ماقدرت تكبته/محمد لو سمحت اذا ماتبي تفهم السالفة اطلع بره؟؟؟؟
    لفوا ثنينهم لمها اللي ماكانوا عارفين انها هنا؟؟؟
    مها بصوت مبحوح/هي قالت لك انها طالعة تشوف ولدها ليش منت مصدقها يامحمد
    ليش!!!!
    محمد جمد مكانه يوم شاف مها واقفة ويده قبضت على يد هيفاء اكثر من الازم رغم انه
    المفروض يفكها بس شوفة مها خلته يتوتر ماكان يبي تشوفه وهو مع هيفاء بها الوضع...
    مها كانت ماسكة نفسها لاتبكي هي تحب محمد وتبي تفارقه وتصرفاته مع اهله قاعدة
    تقهرها وماتدري وش تسوي بحالها!!!!!
    محمد فك يد هيفاء ولف لمها/علشانك بس؟؟
    مها بصراخ حاولت انه مايرتفع/لايامحمدلا؟؟اذا علشاني ارجع اذبح اختك؟؟؟؟اذبحها
    علشان ...بترت كلمتها وماقدرت تكمل اخذت بعضها ومشت وطلعت من الغرفة
    بسرعة..وهيفاء تسندت على الجدار وقامت تبكي...انقلب يوم فرحها حزن وهم وبكي
    والسبب!!!!!!
    ****************************************



    البارت الاربعين والواحد والاربعين,,,
    ////////////////////////////////////
    مها بصراخ حاولت انه مايرتفع/لايامحمدلا؟؟اذا علشاني ارجع اذبح اختك؟؟؟؟اذبحها
    علشان ...بترت كلمتها وماقدرت تكمل اخذت بعضها ومشت وطلعت من الغرفة
    بسرعة..وهيفاء تسندت على الجدار وقامت تبكي...انقلب يوم فرحها حزن وهم وبكي
    والسبب!!!!!!
    محمد انحرج من مها قد شعر راسه وطلع من الغرفة وهو فاير دمه ولقى بوجهه خالد وها
    الشي اللي ماكان يبيه؟؟؟؟
    /////////////////////////////////////
    وحدها مها راحت غسلت وجهها وقعدت مع الحريم علشان تحاول تنسى ها المحمد اللي
    ناوي يذبحها ويجننها وكانها قاصرته بعد!!!يكفي همها بالبيت ....
    فاتن/صاير شي وجهك متغير؟؟؟
    مها/ها..لا ولاشي؟
    فاتن/لاتقولين ولاشي وتكذبين علي؟؟؟ترى بايبن من وجهك ان في مصيبة صارت من
    وراي؟؟؟قولي شسويتي؟لايكون كنتي تتحرشين بصاحب اخوك وطب عليكم اخوك
    وذبحه!!!هذا وانا اقول بقوم اغازله بعد شوي؟؟؟يالله مالي نصيب فيه؟؟
    مها ابتسمت لها لانها عارفتها/انا مالي شغل السالفة بين هيفاء واخوها محمد؟
    ////////////////////////////////
    خالد/ممكن اتكلم معك شوي اذا سمحت يامحمد؟
    محمد/اللحين ماهي حلوة خل ندخل نقعد مع الباقيين وبعدين يصير خير...
    مشى محمد وبعد شوي لف على خالد/انا اسف على سخافة اختي بس تقول مو قصدها انها
    تطلع كذا بدون عباية!!!
    قالها ومشى لداخل وظل خالد فاتح عيونه وواقف مكانه مو مصدق محمد اللي تغير كذا مرة
    وحدة؟؟؟؟

    عادل بهمس/وش فيك؟
    لف له خالد/والله مدري...
    عادل/شلون يعني مدري؟؟؟
    خالد تنهد/شفتها ياعادل قبل شوي شفتها!!!وبدون عباية بعد؟؟؟ولابسة قصير وو....
    عادل صار يتلفت حواليه وهمس لخالد/مجنون انت تتكلم كذا بصوت عالي!!!لو سمعك
    واحد من اخوانها وراح قال لها شبتقول عنك بالله؟؟؟امشي خلنا نروح نحط لنا شي ناكله
    بسشوف الطريق اذا كان امان لولا؟؟
    خالد/انت للحين ماتعشيت؟
    عادل/طلعت جدتكم صدق افة ؟؟انا ماامر بحط لي شي اكله الا الاقيها واقفة تحط لها؟؟؟؟
    خالد ابتسم ودخل مع عادل المطبخ علشان يحط له عشى....
    عادل/خالد..كلمت مها اختك؟
    خالد/عن شنو؟
    عادل/عن شنو بالله؟علشان تدور لي عروس؟؟؟
    احمد/ول ول ول؟؟؟يوم قعدت معك يومين بالبيت قمت تدور على عروس وبتخطب علشان
    تطردني من البيت والله ماهقيتها منك يابو خالد؟؟؟
    عادل وخالد ضحكوا على احمد اللي كان توه جاي وسمعهم..
    خالد/تراه من زمان موصيين اكلمها بس انا نسيت؟
    احمد بمرح/لاتدافع عنه يكون مااعرفه ابو العدل؟؟خلاص يبى هذا صار خبز يدي؟؟؟
    عادل/شسوي في اخوك قال انطرني لارديت بنتزوج مع بعض وهذا هو رد ولاحس
    ولاخبر قلت الحق على شبابي قبل لايروح كله واتورط بعدين ماحد يبيني؟؟؟
    خالد/والله تبوس يدها وجه وظهر اللي بتاخذك ياحبيبي!!
    عادل/ههههه
    احمد بجدية/اقول عادل ليش ماتتزوج جدتي!!!!
    ///////////////////////////////////////////////////////////ابو محمد/شفيك يامحمد سرحان؟
    محمد/ها..ولاشي..
    ابو محمد/كيف ولاشي زوج اختك صار له ساعة يكلمك ويقولك قوم نطلع تقعد عند البحر
    شوي وانت مو بالدنيا؟
    محمد تلفت حواليه مالقى احد غير ابوه اللي كان فوق راسه....
    محمد تنهد....
    ابو محمد/شفيك يبى..منو اللي مضيق خلقيك؟
    محمد/سلامتك يبى.بس انا وهيفاء صار بينا موقف سخيف ومدري شلون بكلمها؟
    ابو محمد/لاتحاتي اختك يامحمد فاهمة وعاقلة واكيد بتتفهمك..
    محمد بضيق/ان شاءالله..
    ابو محمد/قوم ياولدي خلنا نوسع صدورنا معهم عند البحر ماغير مقابلين ها التلفزيون
    تصدعت رؤسنا منه..
    طلعوا يقعدون بره عند البحر وبسطوا لهم بساط وقعدوا فيه كل الشباب مع ابو محمد وعبود
    وسارة معهم ويلعبون بالرمال,,,
    الجدة/وراكم باسطين وقاعدين واحنا هناك بروحنا؟
    ابو محمد/حياك يالغالية...
    الجدة/قوم انت يالدلخ ابسط لنا بساط بعيد عنكم شوي بنقعد فيه كلنا..
    عمر بقهر/ماني دلخ؟
    خالد عطاه ضربة على ظهره/اقول اسمع كلام جدتك ووش ماقالت لك قول حاضر؟
    عمر بقهر/اوف....
    الجدة بانتصار/انا مدري من دونك شكنت بسوي ياوليدي؟
    احمد/افا بس نسيتي ولااذكرك؟؟
    الجدة شهقت/ولاانت بعد؟؟ولاانتوا لاتطالعوني بعد؟؟ويلي منكم ماتخلون احد ياخذ راحته
    ابدا...انت من ولده؟
    مشاري/يالله عاد بتستلمك ياعادل ..
    عادل/هههه ولد امي وابوي...
    هههههههههههههه
    مشاري/كرسي الاعتراف وصل مايمديك اللحين حتى سابع جد لك تحت الثرى بتطلعه!!!
    الجدة باستنكار/كلنا ولاد ابونا وامنا ليش شايفنا عيال حرام!!!!!يعني شسمه ابوك وشسم
    امك؟
    كلهم ضحكوا ها المرة شباب وبنات وعادل افتشل..
    خالد يهمس له/خليك رايق ولاتشيل هم شي يتراوالي من كثر ماكلمتك عنها صرت حافظ
    ردات فعلها؟؟؟
    عادل/مو قدام البنات اخاف هيوف مدري هيفاء ام عبدالله تشوفني وتعجب فيني وكلام جدتك
    يخرب مابينا؟؟
    وناظر خالد وهو يضحك ورد لها خالد الابتسامة بس بتهديد قتل اذا فكر انه يعيدها!!!!!
    بسطوا للحريم قريب منهم وجا وقت الكيكة وتقطيعها مع القهوة العربية وعلى البحر وكان
    الجو ولااروع........
    مشاري/تدرون وش ناقصنا؟
    ام خالد/شنو؟
    مشاري/نجيب مسجل ونحط لنا كم اغنية نروق عليها....
    احمد بحماس/فكرة حلوة والله...
    مرام/احنا جايبين معنا مسجلة واشرطة بس كله اشرطة طقاقات؟
    مشاري/وهذا الزين يبى؟؟وينه مسجلكم....
    هند/اذا تبيه روح انت ادخل وجيبه احنا مو متحركين من مكانا....
    مشاري/طيران واجيبه...
    ولان هو صاحب الفكرة فطبعا طيران وجابه..
    مشاري/وين اللحين؟
    محمد زوج هنادي/شوف يامشاري حطه عند نافذة المطبخ...ايوة كذا...
    وشغلوا المسجل ومافي احد يرقص الا مشاري المجنون,,,,,
    محمد زوج هنادي/سارة بابا قومي وريني رقصك؟
    سارة/استحي؟
    عادل/تستحين مني؟
    سارة/......
    خالد/اجل مني؟تستحين مني يابنت؟انا ولد عمتك....
    كانوا خالد وعادل قاعدين جنب بعض..وسارة صارت قبالهم وكل واحد يسالها بجهة اذا
    كانت مستحية منه..
    احمد/كذا ماينفع ابدا هذولا مايناخذون الا بالغصب؟
    شال سارة وحملها وحطها فوق الطاولة اللي كانوا فيها اغراض الكيكة والقهوة...
    احمد/تفضلي استلمي الساحة وابهرينا؟؟؟
    محمد زوج هنادي/ههههههه
    سارة استحت بس يوم شافت البنات يشجعونها صارت تتمايل شوي شوي لين اخذت على
    الجو وكل تعليقات الشباب عليها وابو محمد فرحان فيها....
    محمد بس كان يبتسم من بعيد لبعيد وهو يشوف عيون مها الزعلانة تناظره كل شوي
    وماهي راضية عليه!!!!!!
    اما محمد زوج هنادي طلع جواله وكان يصور بنته وهو معجب فيها...ويوم نزل جواله
    طاحت عيونه على هنادي اللي كانت تناظره بنظرات غريبة ونزل راسه بالارض....
    من ردت البيت وهي معيشتني بجحيم معها؟؟؟ياليتها ماردت ولاتعاملني ها المعاملة
    القاسية؟؟؟؟؟والله اني اخترت اعيش معها وفي حضنها ولا اكون بعيد عنها ومع غيرها
    وحواليني الف ولد وولد؟؟؟
    بس متى بتفهمين ها الشي ياهنادي متى؟؟؟؟؟؟
    عبود جا لااحمد/انا بعد احملني برقص؟
    الجدة/علشان تطيح الطاولة؟؟
    خالد عطاها نظرة تهديدة وهي صدت سوت روحها ماشافته..
    ام عادل/اذكري الله وصلي على النبي؟؟؟مو عيون عليك هاذي جمرة ؟
    الجدة/انشا ءالله تقصديني انا؟؟
    ام عادل/وليش مااقصدك بالله؟؟حاطة دوبك ودوب ها الولد المسكين؟
    الجدة/ماهو بمسكين؟؟وليش يصير مسكين بالله؟
    ام عادل/وش فيك انتي عليه؟
    الجدة/مافيني شي...اصلا انا ماابي اكلمك؟
    ام عادل/وخير ان شاءالله؟
    الجدة/فكرتي تسالين عني يوم تنومت بالمستشفى؟؟؟لا وحتى يوم طلعت مادقيتي علي رغم
    انك كل يوم تكلمين اختك وتسالين عن عيالها؟
    ام عادل/انتي قلتيها اسال عن عيالها وانتي مو من عيالها؟؟؟وبعدين ياحافظ انتي تنومتي
    وقمتي مافيك ا العافية شفيك يعني؟؟؟؟
    هيفاء/انا بقوم ادخل..
    فاتن/وين..؟
    هيفاء/من زمان مالبست نقاب واحسه صدعني؟
    مها/ماحد قال لك تمكيجي؟
    هيفاء/مو هذا شور الانسة لو ادري ماطعتها؟
    هند/انا بقوم ادخل بس علشان ارقص داخل هني مايمدي؟
    /////////////////////////////////////////////////////////////////////على الساعة ثنتين ونص قرروا
    انهم يمشوا خلاص رغم معارضة خالد اللي قال لهم انه حاجز الشاليه لبكرة ووبكرة جمعة
    ماعنهم حجة بس الكل ماكان ناوي يقعد فرجعوا بيوتهم رغم ان الجدة نوت تقعد هي وخالد
    وبس في الشاليه بس خالد اللي اعترض ها المرة لايروح فيها!!!!!
    بعد ماوصلوا بساعة كانوا كلهم نايمين عدا محمد اللي جافاه النوم ذيك الليلة وفكر انه يروح
    يراضي هيفاء...
    وقف عند بابها شوي وحس ان مافي صوت معناته هي وولدها نايمين...
    راح غرفته ودق لها ولقاه مقفل....كتب له رسالة اعتذار قصيرة بانه ماقدر يشوفها كذا
    طالعة وقدام خالد بالذات وانه اسف ....ارسلها لها وهو عارف ماراح تشوفها الابكرة بس
    من جهته يقدر يكلم مها اللحين وهو متطمن..
    رسل لمها رسالة(قاعدة ولانايمة)
    ردت له(انا نعسانة وابي انام روح انت بعد نام)
    رد عليها(صعب اجبر عيوني تنام,,,,بليلة وانتي زعلانة؟)
    مها كانت فعلا متضايقة من اللي صار ايوم وبعد ماارسل لها الرسالة اختلطت عليها
    مشاعرها قررت انها تدق عليه....
    محمد بلهفة اول ماشاف رقمها/حبي..
    مها/انا زعلانة منك..
    محمد/عارف والله عارف ها الشي بس انا رحت لهيفاء غرفتها وشكلها نايمة ارسلت لها
    رسالة اعتذار عن جد ماكنت قاصدها بس بلحظة حسيت بالنار شابة فيني؟
    مها كانت تناظر بيدها وهي تذكر موقف احمد...سبحان الله وكان الزمن يعيد نفسه...هذولا
    مايتفاهمون علطول يدهم تسبقهم....وتنهدت
    محمد برجاء/حبيبي والله اني اسف قلت لك اني اسف واذا على اختي براضيها وحياتك بس
    لاتظلين زعلانة مني والله يامها مقدر على زعلك اكثر..
    مها بصوت واطي/ليش ماتقدر على زعلي ..منو انا بالنسبة لك يامحمد؟
    محمد برومنسية/انتي الروح والهواء والماي....انتي كل شي ياعمري...
    مها بتهديد/واذا عدتها مرة ثانية؟
    محمد/مها حبيبتي علاقتنا مالها شغل بللي يصير حوالينه زين؟؟ابي نعيش انا وانتي بعالمنا
    بدون ماندخل بمشاكلهم ويدخلونا بمشاكلنا طيب!!!يالله قولي احبك...
    مها باندفاع وبدون تفكير/احبك...
    محمد بهمس ورومنسية/بعد قوليها خليني اسمعها لين انعس وانام
    مها/احبك يامحمد احبك...والله بموت من كثر مااحبك..
    محمد/اسم الله عليك ياقلبي ان شاءالله فيني ولافيك؟
    مها/محمد......(كان ودها تقوله لمتى بظل منتظرتك بس لسانها باخر لحظة وماقدرت تكمل)
    محمد بحالمية/لبيه ياروح محمد..
    مها بصعوبة/انت بخيل؟؟؟ليش تبي تسمعها وماتقولها؟
    محمد تنهد/لانها منك تطلع بشكل ثاني اعمري..بصوتك تخليني هايم فوق السحاب...بس
    ولايهمك...انا مو بس احبك انا اعشقك يامها اعشقك....
    مها/بعد..قولها..ابي اسمعها وارتاح..يكفي اني محرومة منك ومن شوفتك..ماعندي غير ها
    الوقت اللي اطفي فيه ناري يامحمد؟؟؟
    محمد غير لهجته وصار يغني لها/مو بس احبك انا موت انا عليك.....الامر امرك وانا مابين
    يديك....مو بس احبك انت عندي ملاك...نفسي ابقى جنبك واقضي عمري معاك....وياك
    امشي بهواك امشي بهواك..ويهمني والله رضاك والله رضاك....واكثر احبك انا تفكيري
    فيك...مو بس احبك انا موت انا عليك....مو بس احبك انت كل الوجود...حبك بقلبي والله
    ماله لاحدود..وياك امشي بهواك امشي بهواك..ويهمني والله رضاك والله رضاك...
    كان محمد يغني برومنسية ومها تمسح بدموعها اللي نزلوا على خدها...حب محمد لها
    حيرها حيرة عمرها..لاهي قادرة تبقى معه وهو مو جايب طاري الارتباط وانهم يكملون
    باقي عمرهم زوج وزوجة؟؟ولاهي قاوية تبعد وتحرم قلبها من ها المشاعروالاحاسيس اللي
    تحسها وهي بقرب محمد وصوته يملي عليها دنيتها وغزله يعيشها اميرة؟؟؟؟
    بس يامها بس..حيرتك لازم تنقطع.....لازم تعرفين شنو اللي بيكون في صالحك اذا اتخذتيه
    وماتعيشين على وهم وسراب!!!!!!!!!!
    //////////////////////////////////////////////////////////////يوم الجمعة كانوا كلهم متجمعين
    ينتظرون ابوهم ينزل ويتغذون سوا....
    ابو خالد قبل لاينزل راح غرفة مها ودق الباب ودخل...
    رفعت مها راسها اللي مبين انها توها قاعدة من النوم..
    مها/يبى....
    وقفت له..
    تقرب منها ابو خالد وجلسها وجلس جنبها.../وشلونك مهاوي
    مها/بخير يبى..
    ابو خالد/مااشوفك نزلتي كلهم ينتظرون الغذى..
    مها/.....
    ابو خالد/يالله قومي غسلي ونزلي...حبيبتي انتي...بعدين ابيك بسالفة انا وانتي
    وبس؟؟ماتقولين لااحد..
    ابتسمت رغم الالم/ان شاءالله يبى..
    ابو خالد/يالله حبيبتي الله يرضى عليك قومي نزلي....
    مها/طيب...
    ////////////////////هيفاء اول مااقعدت وسبحت عبود وسبحت وراحت المستشفى وفتحت
    جوالها لقت فيه رسالتين الاولى كانت من محمد وقرتها وصارت تتنهد..محمد ماهو على
    بعضه وقاعد يتصرف تصرفات من عنده والثانية من خال(ابيك اشوفك اليوم ضروري لو
    ماكان عندك مانع)
    احتارت لان الرسالة كان جايبهاعلى الساعة عشرة الصبح..وش يبي فيني !!!!
    دزت له مسج انها بتطلع من دوامها الساعة سبع المغرب...
    ورد لها (بتصل فيك بعدين انسق معك وين ممكن اشوفك....شكرا على اهتمامك)
    غريب ها الخالد صاير يتصرف تصرفات فعلا غريبة؟؟؟
    //////////////////////////////////////////////////////////////على سفرة بيت العواد..
    خالد/لو جيت معنا يبى كان فرحت من قلب كانت جمعة حلوة؟

    مرام/أي...وعبادي كان يجنن وهو يرقص بعد ماعفس وجهه بكريمة الكيكة..
    ابو خالد/قلت لك اعزم عمامك انت ماطعتني؟
    خالد بهدوء/يبى عمامي على عيني وعلى راسي بس منو اللي بيشيل فرحة عبود غير امه
    وخواله!!
    ابو خالد/ناديه عبادي ولاعبدالله انا مااحب اسم عبود ياخالد؟
    عمر/ماحد ينادي الا امه حتى الفلبينيات اللي معها بالمستشفى علمتهم يسمونا عبود؟؟
    كل الانظار راحت لعمر اللي خاف وارتبك من نظرة خالد..
    ابو خالد/وانت وش عرفك بانهم يسمونه عبود؟
    عمر/يوم نروح لجدتي نزلنا تحت قسم الاسعاف اللي هي تشتغل فيه وشفناها هناك..
    ابو خالد/حلو حلو...و
    خالد قاطعه/الولد كان يبي يشوف امه قبل لايطلع ؟؟تتوقع اني بنزل بروحي لها؟؟اكيد باخذ
    امي وخواتي معي؟
    ابو خالد بلع لسانه وسكت......
    وصارت الطاولة هدوء...........
    ابو خالد/خالد انت متى ناوي تتزوج...الشركة وماشية ليش ها التاخير بالله؟؟قربت تدخل
    على الثلاثين؟؟ولاناوي تتزوج مع اخوك بيوم واحد؟

    خالد/خير ان شاءالله..قريب..
    ابو خالد/أي يعني متى قريب علشان اكلم عمك واتفاهم معه و..
    خالد/لسه ماقررت اذا قررت عطيتكم خبر؟
    ابو خالد/يايبى ياخالد العرس مثل شربة الماي انت انوي بس وخل الباقي علي انا وعمك
    نتفق عليه؟
    نظرات مها كانت على خالد...اللي حط الملعقة وتنهد...
    ام خالد/عسى ماشر ياخالد وش فيك؟
    خالد رفع عيونه لاابوه.../يبى انا ماابي بنت عمي؟
    ابو خالد/شلون يعني ماتبي بنت عمك فهمني؟؟؟
    خالد/يبى...انا مااحس ناحيتها باي شي وما...
    ابو خالد بعصبية/لايكون حاط في بالك شي ياخالد؟؟؟؟؟ترى ولد العم ماتريحه غير بنت
    عمه وبس!!!!!
    خالد/يايبى انا مو حاط شي في بالي بس بنت عمي ظليت افكر فيها طول ماانا في الرياض
    ومالقيت نفسي مقتنع فيها؟
    ابو خالد ترك السفرة وهو معصب بدون مايقول شي وخالد لف بيقوم وراه بس يد امه
    مسكته..
    ام خالد/اقعد..
    خالد/بس يمه...
    ام خالد باصرار/اذا مالك نفس في بنت عمك لاتاخذها ياخالد لاتكرر غلطتك مع هيفاء بنت
    خالك مرتين !!!!
    خالد تنهد وسكت..
    مها بصراخ لعمر/كله منك..اصلا كل السالفة اللي صارت بسبتك انت؟؟
    عمر بنرفزة/وانا شيخصني بالله انتوا تغلطون وانا اتحمل غلطاتكم؟؟
    خالد/انت انثبر مكانك ولاتسمعني صوتك لو تكرمت؟؟
    عمر/اصلا ياخالد انت مالك غير سلمى بنت عمي ولاانت ناسي انها تنتظرك ومها بتاخذ
    سعود وهاذي النهاية فليش بعد تسوون ها السالفة كلها؟
    مها بعصبية/ماحد طلب رايك؟
    عمر/ليش ان شاءالله ناويين ترجعون الممرضة هيفاء صاحبة السمعة اللي مثل وجهها
    المكشوف لخالد!!!وتبون ابوي يرضى......كف من امه ذيك اللحظة سكته وخلاهم كلهم
    يناظرون بام خالد اللي كانت تغلي....
    ام خالد بعصبية/طولت لسانك وسكت لك؟؟وقمت تفتن هنا وهنا وانا صار لي يويمن
    مااكلمك وبعد ماشلت هم؟؟؟اللحين تجي في سيرة بنت اخوي اللي انظف من طوايف اهل
    ابوك لاوالف لا بعد ياعمر!!!!!ياتتكلم مثل العالم والناس ولاوالله قلبي مايرضى عليك ليوم
    الدين؟؟؟؟
    خالد/يمه..
    ام خالد تركت لهم السفرة وقامت..
    مها/ليش كذا ياعمر؟؟؟حب بيت جدي ماحد قال لك لا..احنا بعد نحبهم بس مو معناته انك
    تتهم الناس في شرفهم غلط مايجوز؟؟؟؟
    خالد/انا كم مرة قايل لك لاتنقل أي كلام يصير بين اثنين اذا هم ماجابوا سيرته؟؟؟بعدين
    الناس تكرهك حتى القريبين منك تلاقيهم بعدوا؟؟؟ياعمر اسلوبك غلط في غلط؟؟؟يمكن
    ابوي علمك على ها الطبع وانك تنقل له كل اللي يصير في غيابه ويصيروا بيت عمي مثلك
    بس هذا مايعني انك ماتفتح عقلك وتفكر مثل العالم والناس ياعمر؟؟؟؟
    مها/قوم اعتذر لاامك تراها زعلانة منك من يومين وانت مافكرت تكلمها؟
    ///////////////////////////////////////////
    على العصر..
    محمد/جدتي معك احد؟
    الجدة/لامامعي احد تعال اقعد؟
    دخل محمد وقعد تحت فراشها...
    الجدة/وانت جاي تسولف ولاتقعد ساكت؟
    محمد/مدري شقولك ياجدتي بس انتي قلتيلي مرة عن انك ممكن تساعديني في...
    الجدة/في شنو؟
    محمد/في...يعني ...
    الجدة/بس بس عرفت..العرس مو؟؟ياشينك ومسوي روحك تستحي بعد!!!
    محمد/....
    الجدة/خل الموضوع علي....
    محمد/وش بتسوين..
    الجدة/اقول لاتكثر حكي...ويكون احسن لوتوديني اللحين بيت عمتك بقعد مع عمتك بسولف
    اياها شوي؟
    محمد دق قلبه..بها السرعة يامشاءالله جدتي ماعندا لف ودوران....
    محمد/على امرك يالغالية بس اجيب مفاتيح السيارة واجي؟

    ///////////////////////////////////////////////
    في المستشفى..
    هيفاء/هلا خالد..معليش كنت مشغولة قبل شوي يوم تدق وماقدرت ارد عليك؟
    خالد/لا عادي مو مشكلة....
    هيفاء/............
    خالد/كيف بقدر اشوفك اليوم؟
    هيفاء/مدري....
    خالد/طيب امرك ولاشلون..
    هيفاء/انت وين تبي تشوفني؟
    خالد/باي مكان....
    هيفاء/تبي نروح ستار بكس مثل ذاك اليوم؟
    خالد/انتي متى بتطلعين؟
    هيفاء/على سبع ونص؟
    خالد/تحبين نروح مطعم تتعشين؟
    هيفاء/لاماله داعي انا مااتعشى الا مع عبود..
    خالد/يابخته!!!
    هيفاء/نعم!!!
    خالد رجع يقولها وباصرار اكثر/قلت يابخته؟؟
    ام عادل/اذكري الله وصلي على النبي؟؟؟مو عيون عليك هاذي جمرة ؟
    الجدة/انشا ءالله تقصديني انا؟؟
    ام عادل/وليش مااقصدك بالله؟؟حاطة دوبك ودوب ها الولد المسكين؟
    الجدة/ماهو بمسكين؟؟وليش يصير مسكين بالله؟
    ام عادل/وش فيك انتي عليه؟
    الجدة/مافيني شي...اصلا انا ماابي اكلمك؟
    ام عادل/وخير ان شاءالله؟
    الجدة/فكرتي تسالين عني يوم تنومت بالمستشفى؟؟؟لا وحتى يوم طلعت مادقيتي علي رغم
    انك كل يوم تكلمين اختك وتسالين عن عيالها؟
    ام عادل/انتي قلتيها اسال عن عيالها وانتي مو من عيالها؟؟؟وبعدين ياحافظ انتي تنومتي
    وقمتي مافيك ا العافية شفيك يعني؟؟؟؟
    هيفاء/انا بقوم ادخل..
    فاتن/وين..؟
    هيفاء/من زمان مالبست نقاب واحسه صدعني؟
    مها/ماحد قال لك تمكيجي؟
    هيفاء/مو هذا شور الانسة لو ادري ماطعتها؟
    هند/انا بقوم ادخل بس علشان ارقص داخل هني مايمدي؟
    /////////////////////////////////////////////////////////////////////على الساعة ثنتين ونص قرروا
    انهم يمشوا خلاص رغم معارضة خالد اللي قال لهم انه حاجز الشاليه لبكرة ووبكرة جمعة
    ماعنهم حجة بس الكل ماكان ناوي يقعد فرجعوا بيوتهم رغم ان الجدة نوت تقعد هي وخالد
    وبس في الشاليه بس خالد اللي اعترض ها المرة لايروح فيها!!!!!
    بعد ماوصلوا بساعة كانوا كلهم نايمين عدا محمد اللي جافاه النوم ذيك الليلة وفكر انه يروح
    يراضي هيفاء...
    وقف عند بابها شوي وحس ان مافي صوت معناته هي وولدها نايمين...
    ////////////////////////////////////////////////////////////////////////



    البارت الثاني والاربعين والثالث والاربعين والرابع والاربعين,,,,,
    /////////////////////////////////////////////////////////////
    راح غرفته ودق لها ولقاه مقفل....كتب له رسالة اعتذار قصيرة بانه ماقدر يشوفها كذا
    طالعة وقدام خالد بالذات وانه اسف ....ارسلها لها وهو عارف ماراح تشوفها الابكرة بس
    من جهته يقدر يكلم مها اللحين وهو متطمن..
    رسل لمها رسالة(قاعدة ولانايمة)
    ردت له(انا نعسانة وابي انام روح انت بعد نام)
    رد عليها(صعب اجبر عيوني تنام,,,,بليلة وانتي زعلانة؟)
    مها كانت فعلا متضايقة من اللي صار ايوم وبعد ماارسل لها الرسالة اختلطت عليها
    مشاعرها قررت انها تدق عليه....
    محمد بلهفة اول ماشاف رقمها/حبي..
    مها/انا زعلانة منك..
    محمد/عارف والله عارف ها الشي بس انا رحت لهيفاء غرفتها وشكلها نايمة ارسلت لها
    رسالة اعتذار عن جد ماكنت قاصدها بس بلحظة حسيت بالنار شابة فيني؟
    مها كانت تناظر بيدها وهي تذكر موقف احمد...سبحان الله وكان الزمن يعيد نفسه...هذولا
    مايتفاهمون علطول يدهم تسبقهم....وتنهدت
    محمد برجاء/حبيبي والله اني اسف قلت لك اني اسف واذا على اختي براضيها وحياتك بس
    لاتظلين زعلانة مني والله يامها مقدر على زعلك اكثر..
    مها بصوت واطي/ليش ماتقدر على زعلي ..منو انا بالنسبة لك يامحمد؟
    محمد برومنسية/انتي الروح والهواء والماي....انتي كل شي ياعمري...
    مها بتهديد/واذا عدتها مرة ثانية؟
    محمد/مها حبيبتي علاقتنا مالها شغل بللي يصير حوالينه زين؟؟ابي نعيش انا وانتي بعالمنا
    بدون ماندخل بمشاكلهم ويدخلونا بمشاكلنا طيب!!!يالله قولي احبك...
    مها باندفاع وبدون تفكير/احبك...
    محمد بهمس ورومنسية/بعد قوليها خليني اسمعها لين انعس وانام
    مها/احبك يامحمد احبك...والله بموت من كثر مااحبك..
    محمد/اسم الله عليك ياقلبي ان شاءالله فيني ولافيك؟
    مها/محمد......(كان ودها تقوله لمتى بظل منتظرتك بس لسانها باخر لحظة وماقدرت تكمل)
    محمد بحالمية/لبيه ياروح محمد..
    مها بصعوبة/انت بخيل؟؟؟ليش تبي تسمعها وماتقولها؟
    محمد تنهد/لانها منك تطلع بشكل ثاني اعمري..بصوتك تخليني هايم فوق السحاب...بس
    ولايهمك...انا مو بس احبك انا اعشقك يامها اعشقك....
    مها/بعد..قولها..ابي اسمعها وارتاح..يكفي اني محرومة منك ومن شوفتك..ماعندي غير ها
    الوقت اللي اطفي فيه ناري يامحمد؟؟؟
    محمد غير لهجته وصار يغني لها/مو بس احبك انا موت انا عليك.....الامر امرك وانا مابين
    يديك....مو بس احبك انت عندي ملاك...نفسي ابقى جنبك واقضي عمري معاك....وياك
    امشي بهواك امشي بهواك..ويهمني والله رضاك والله رضاك....واكثر احبك انا تفكيري
    فيك...مو بس احبك انا موت انا عليك....مو بس احبك انت كل الوجود...حبك بقلبي والله
    ماله لاحدود..وياك امشي بهواك امشي بهواك..ويهمني والله رضاك والله رضاك...
    كان محمد يغني برومنسية ومها تمسح بدموعها اللي نزلوا على خدها...حب محمد لها
    حيرها حيرة عمرها..لاهي قادرة تبقى معه وهو مو جايب طاري الارتباط وانهم يكملون
    باقي عمرهم زوج وزوجة؟؟ولاهي قاوية تبعد وتحرم قلبها من ها المشاعروالاحاسيس اللي
    تحسها وهي بقرب محمد وصوته يملي عليها دنيتها وغزله يعيشها اميرة؟؟؟؟
    بس يامها بس..حيرتك لازم تنقطع.....لازم تعرفين شنو اللي بيكون في صالحك اذا اتخذتيه
    وماتعيشين على وهم وسراب!!!!!!!!!!
    //////////////////////////////////////////////////////////////يوم الجمعة كانوا كلهم متجمعين
    ينتظرون ابوهم ينزل ويتغذون سوا....
    ابو خالد قبل لاينزل راح غرفة مها ودق الباب ودخل...
    رفعت مها راسها اللي مبين انها توها قاعدة من النوم..
    مها/يبى....
    وقفت له..
    تقرب منها ابو خالد وجلسها وجلس جنبها.../وشلونك مهاوي
    مها/بخير يبى..
    ابو خالد/مااشوفك نزلتي كلهم ينتظرون الغذى..
    مها/.....
    ابو خالد/يالله قومي غسلي ونزلي...حبيبتي انتي...بعدين ابيك بسالفة انا وانتي
    وبس؟؟ماتقولين لااحد..
    ابتسمت رغم الالم/ان شاءالله يبى..
    ابو خالد/يالله حبيبتي الله يرضى عليك قومي نزلي....
    مها/طيب...
    ////////////////////


  • #4
    ملاذية مميزة وعضوة في فريق الروايات الرومانسية المكتوبة
    حالتي : سفيرة الحب2009 غير متواجد حالياً
    تاريخ تسجيلي: Apr 2012
    عضويتي رقم: 23546
    الدولة: العراق
    هوايتي: القراءه
    سيرتي الذاتية: ؟
    عملي: التدريس
    العمر: 26
    مشاركاتي: 3,041
    معدل تقييم المستوى : 2147483695
    سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى.

    رد: رواية أبيك وأرفض الواقع لـ ملح الحياة... كاملة مع رابط التحميل

    هيفاء اول مااقعدت وسبحت عبود وسبحت وراحت المستشفى وفتحت
    جوالها لقت فيه رسالتين الاولى كانت من محمد وقرتها وصارت تتنهد..محمد ماهو على
    بعضه وقاعد يتصرف تصرفات من عنده والثانية من خال(ابيك اشوفك اليوم ضروري لو
    ماكان عندك مانع)
    احتارت لان الرسالة كان جايبهاعلى الساعة عشرة الصبح..وش يبي فيني !!!!
    دزت له مسج انها بتطلع من دوامها الساعة سبع المغرب...
    ورد لها (بتصل فيك بعدين انسق معك وين ممكن اشوفك....شكرا على اهتمامك)
    غريب ها الخالد صاير يتصرف تصرفات فعلا غريبة؟؟؟
    //////////////////////////////////////////////////////////////على سفرة بيت العواد..
    خالد/لو جيت معنا يبى كان فرحت من قلب كانت جمعة حلوة؟

    مرام/أي...وعبادي كان يجنن وهو يرقص بعد ماعفس وجهه بكريمة الكيكة..
    ابو خالد/قلت لك اعزم عمامك انت ماطعتني؟
    خالد بهدوء/يبى عمامي على عيني وعلى راسي بس منو اللي بيشيل فرحة عبود غير امه
    وخواله!!
    ابو خالد/ناديه عبادي ولاعبدالله انا مااحب اسم عبود ياخالد؟
    عمر/ماحد ينادي الا امه حتى الفلبينيات اللي معها بالمستشفى علمتهم يسمونا عبود؟؟
    كل الانظار راحت لعمر اللي خاف وارتبك من نظرة خالد..
    ابو خالد/وانت وش عرفك بانهم يسمونه عبود؟
    عمر/يوم نروح لجدتي نزلنا تحت قسم الاسعاف اللي هي تشتغل فيه وشفناها هناك..
    ابو خالد/حلو حلو...و
    خالد قاطعه/الولد كان يبي يشوف امه قبل لايطلع ؟؟تتوقع اني بنزل بروحي لها؟؟اكيد باخذ
    امي وخواتي معي؟
    ابو خالد بلع لسانه وسكت......
    وصارت الطاولة هدوء...........
    ابو خالد/خالد انت متى ناوي تتزوج...الشركة وماشية ليش ها التاخير بالله؟؟قربت تدخل
    على الثلاثين؟؟ولاناوي تتزوج مع اخوك بيوم واحد؟

    خالد/خير ان شاءالله..قريب..
    ابو خالد/أي يعني متى قريب علشان اكلم عمك واتفاهم معه و..
    خالد/لسه ماقررت اذا قررت عطيتكم خبر؟
    ابو خالد/يايبى ياخالد العرس مثل شربة الماي انت انوي بس وخل الباقي علي انا وعمك
    نتفق عليه؟
    نظرات مها كانت على خالد...اللي حط الملعقة وتنهد...
    ام خالد/عسى ماشر ياخالد وش فيك؟
    خالد رفع عيونه لاابوه.../يبى انا ماابي بنت عمي؟
    ابو خالد/شلون يعني ماتبي بنت عمك فهمني؟؟؟
    خالد/يبى...انا مااحس ناحيتها باي شي وما...
    ابو خالد بعصبية/لايكون حاط في بالك شي ياخالد؟؟؟؟؟ترى ولد العم ماتريحه غير بنت
    عمه وبس!!!!!
    خالد/يايبى انا مو حاط شي في بالي بس بنت عمي ظليت افكر فيها طول ماانا في الرياض
    ومالقيت نفسي مقتنع فيها؟
    ابو خالد ترك السفرة وهو معصب بدون مايقول شي وخالد لف بيقوم وراه بس يد امه
    مسكته..
    ام خالد/اقعد..
    خالد/بس يمه...
    ام خالد باصرار/اذا مالك نفس في بنت عمك لاتاخذها ياخالد لاتكرر غلطتك مع هيفاء بنت
    خالك مرتين !!!!
    خالد تنهد وسكت..
    مها بصراخ لعمر/كله منك..اصلا كل السالفة اللي صارت بسبتك انت؟؟
    عمر بنرفزة/وانا شيخصني بالله انتوا تغلطون وانا اتحمل غلطاتكم؟؟
    خالد/انت انثبر مكانك ولاتسمعني صوتك لو تكرمت؟؟
    عمر/اصلا ياخالد انت مالك غير سلمى بنت عمي ولاانت ناسي انها تنتظرك ومها بتاخذ
    سعود وهاذي النهاية فليش بعد تسوون ها السالفة كلها؟
    مها بعصبية/ماحد طلب رايك؟
    عمر/ليش ان شاءالله ناويين ترجعون الممرضة هيفاء صاحبة السمعة اللي مثل وجهها
    المكشوف لخالد!!!وتبون ابوي يرضى......كف من امه ذيك اللحظة سكته وخلاهم كلهم
    يناظرون بام خالد اللي كانت تغلي....
    ام خالد بعصبية/طولت لسانك وسكت لك؟؟وقمت تفتن هنا وهنا وانا صار لي يويمن
    مااكلمك وبعد ماشلت هم؟؟؟اللحين تجي في سيرة بنت اخوي اللي انظف من طوايف اهل
    ابوك لاوالف لا بعد ياعمر!!!!!ياتتكلم مثل العالم والناس ولاوالله قلبي مايرضى عليك ليوم
    الدين؟؟؟؟
    خالد/يمه..
    ام خالد تركت لهم السفرة وقامت..
    مها/ليش كذا ياعمر؟؟؟حب بيت جدي ماحد قال لك لا..احنا بعد نحبهم بس مو معناته انك
    تتهم الناس في شرفهم غلط مايجوز؟؟؟؟
    خالد/انا كم مرة قايل لك لاتنقل أي كلام يصير بين اثنين اذا هم ماجابوا سيرته؟؟؟بعدين
    الناس تكرهك حتى القريبين منك تلاقيهم بعدوا؟؟؟ياعمر اسلوبك غلط في غلط؟؟؟يمكن
    ابوي علمك على ها الطبع وانك تنقل له كل اللي يصير في غيابه ويصيروا بيت عمي مثلك
    بس هذا مايعني انك ماتفتح عقلك وتفكر مثل العالم والناس ياعمر؟؟؟؟
    مها/قوم اعتذر لاامك تراها زعلانة منك من يومين وانت مافكرت تكلمها؟
    ///////////////////////////////////////////
    على العصر..
    محمد/جدتي معك احد؟
    الجدة/لامامعي احد تعال اقعد؟
    دخل محمد وقعد تحت فراشها...
    الجدة/وانت جاي تسولف ولاتقعد ساكت؟
    محمد/مدري شقولك ياجدتي بس انتي قلتيلي مرة عن انك ممكن تساعديني في...
    الجدة/في شنو؟
    محمد/في...يعني ...
    الجدة/بس بس عرفت..العرس مو؟؟ياشينك ومسوي روحك تستحي بعد!!!
    محمد/....
    الجدة/خل الموضوع علي....
    محمد/وش بتسوين..
    الجدة/اقول لاتكثر حكي...ويكون احسن لوتوديني اللحين بيت عمتك بقعد مع عمتك بسولف
    اياها شوي؟
    محمد دق قلبه..بها السرعة يامشاءالله جدتي ماعندا لف ودوران....
    محمد/على امرك يالغالية بس اجيب مفاتيح السيارة واجي؟

    ///////////////////////////////////////////////
    في المستشفى..
    هيفاء/هلا خالد..معليش كنت مشغولة قبل شوي يوم تدق وماقدرت ارد عليك؟
    خالد/لا عادي مو مشكلة....
    هيفاء/............
    خالد/كيف بقدر اشوفك اليوم؟
    هيفاء/مدري....
    خالد/طيب امرك ولاشلون..
    هيفاء/انت وين تبي تشوفني؟
    خالد/باي مكان....
    هيفاء/تبي نروح ستار بكس مثل ذاك اليوم؟
    خالد/انتي متى بتطلعين؟
    هيفاء/على سبع ونص؟
    خالد/تحبين نروح مطعم تتعشين؟
    هيفاء/لاماله داعي انا مااتعشى الا مع عبود..
    خالد/يابخته!!!
    هيفاء/نعم!!!
    خالد رجع يقولها وباصرار اكثر/قلت يابخته؟؟

    //////////////////////////////////////////////////////////////////////////////////////////////////////////
    //////
    احمد/هلا وغلا واذني انطربت من ها الالو؟
    هند/وينك اليوم مابينت؟
    احمد/بصراحة توني قاعد البارحة يوم رد ينا قعدنا وسهرنا انا وعادل ومانمنا الا الساعة
    ثمان الصبح؟
    هند/هو صاحبك ولاصاحب خالد؟
    احمد/هو صاحب خالد بس انا اعرفه..والله انه رجال طيب وخدوم وراعي فزعات ..هذا
    اخو دنيا ياهند..
    هند/احمد ممكن اسالك سؤال؟
    احمد/هلا وغلا واذني انطربت من ها الالو؟
    هند/وينك اليوم مابينت؟
    احمد/بصراحة توني قاعد البارحة يوم رد ينا قعدنا وسهرنا انا وعادل ومانمنا الا الساعة
    ثمان الصبح؟
    هند/هو صاحبك ولاصاحب خالد؟
    احمد/هو صاحب خالد بس انا اعرفه..والله انه رجال طيب وخدوم وراعي فزعات ..هذا
    اخو دنيا ياهند..
    هند/احمد ممكن اسالك سؤال؟
    احمد/اكيد...
    هند/انت متى ناوي ترد بيتكم؟
    احمد/ليش تسالين؟
    هند/لانك يوم قلت لي عن السالفة حسيت ان انت ماتبي ترد علشان اخوانك بس اللحين
    اشوف الشي تغير امس شفت اخوانك وقعدتوا مع بعض عادي مابينكم شي؟؟؟
    بس يوم سالتك وشفتك مو مهتم ترد بيتكم تغيرت نظرتي فيك انت عاجبتك ها الحياة يااحمد
    صح ولالا؟؟؟
    حياة تسهر فيها براحتك وتنام وقت ماتبي وتطلع وتدخل بدون قيود من احد؟؟؟حتى الجامعة
    ماقمت تروحها مثل قبل وصار لك كم يوم ماتداوم؟؟؟
    انصدمت!!!حسيتك ضعيف وكل شي ممكن ياْثر فيك ويهزك؟؟؟؟
    احمد...انا ماتعجبني ها الشخصية حتى لو كنت ماتحتاج للشهادة وضامن وظيفتك بشركة
    اخوك فهذا مايعني انك تاخذ شهادتك بتعبك وتكون مفتخر فيها!!!اذا رجعت احمد الاولي
    بيكون بينا سلام واذا مافكرت ترد مثل قبل فلا تمر بدربي الله يخليك؟؟؟؟
    ///////////////////////////////////////////////////////
    هيفاء بعد ماجاها اتصال من مها اللي كانت تبكي وتبي تشوفها ماعرفت شتسوي خصوصا
    ان مها ملزمة ان هيفاء تجي لعندها وانها مو قاوية تطلع من البيت سلمت امرها لربها
    واستاّْذنت من رئيس القسم وطلعت ....
    واتفقت مع مها انها تكون بالسيارة وان مها تطلع لها لان هيفاء بعد ماتقدر تدخل بيتهم؟؟
    مها كانت لابسة وطالعة وخالد بعد بيطالع...
    خالد/على وين ياقمر؟؟
    انتبه لشكلها اللي كان يبكي..
    خالد بخوف/وش يك يامها عسى ماشر؟
    مها صارت تمسح دموعها/ولاشي ياخالد بس هيفاء بالسيارة وبنتفاهم على شغلة وبعدها
    بدخل مني مطولة..
    طلعت وتركته واقف بروحه...
    قبل شوي دق على هيفاء وقالت له انها ماراح تطلع قبل السبع ونص؟؟وكاهي عند بابا
    بيتهم...ومها طالعة لها وهي تبكي؟؟؟ياترى وش اللي حاصل بينهم!!!!معقولة شي يخص
    البارح واللي صار بين محمد وهيفاء ومها تاْثرت فيه!!!والله مدري وش اللي صاير؟؟؟
    *******في السيارة,,
    هيفاء/بو محمد ممكن تتركنا بروحنا شوي؟
    السايق/ان شاءالله..
    اول ماطلع انفجرت مها تبكي...
    هيفاء بخوف/مها وقفتي قلبي؟؟؟علميني وش اللي صاير؟
    مها من بين دموعها/ابي افهم شي واحد بس ياهيفاء ليش ماقلتيلي وخليتيني اسمع من غيرك
    ليش؟؟؟
    هيفاء/وش عنه تتكلمين انا مو فاهمة شي يامها؟
    مها/انا تعبت ياهيفاء تعبت والله تعبت؟؟؟لو صارحتيني كان اهون علي من اني اسمع من
    غيرك اليوم؟
    هيفاء/مها قولي لي بس وش عنه تتكلمين خليني افهمك؟
    مها/عن خطوبة فاتن ومحمد؟
    هيفاء/فاتن ومحمد؟؟؟؟؟؟؟أي محمد؟
    مها بعصبية/يعني بيكون أي محمد ياهيفاء أي محمد؟؟؟اخوك محمد..حبيبي محمد....
    هيفاء بذهول/اخوي محمد خطب؟؟متى ومن قال لك اصلا؟؟
    مها/مادور غير فاتن يخطبها ياهيفاء؟؟؟
    هيفاء/مها انتي جنيتي رسمي؟؟؟وش قاعدة تقولين؟؟؟محمد لاخطب فاتن ولاخطب غيرها
    وانتي تعرفين ها الشي؟؟؟لايكون جنيتي بس ...
    مها/بلى خطب..اليوم اتفقو ا على كل شي...
    هيفاء/اليوم؟؟؟؟
    مها/أي اليوم...
    هيفاء/انتي منو قال لك؟
    مها/جدتي عندنا وهي اللي قالت لي..
    هيفاء تنهدت وسكتت وقامت تناظر بمها..اللي خافت من سكوت هيفاء..
    مها/هيفاء صارحيني ولاتخبين علي الله يخليك؟
    هيفاء/قومي بس وريني طولك؟؟؟وقفتي قلبي الله ياخذك وبعدها تقولين لي جدتي اللي قايلة
    لك !!!روحي زين تكونين ماتعرفين جدتي وسوالفها؟؟
    مها/هي تقول انه هو اللي قايل لها تخطب له فاتن وااذا تذكرين بالشاليه كانت تلمح لها
    الموضع؟
    هيفاء/يوم ماطلع الخبر من محمد نفسه لاتصدقينه؟؟؟مها صدقيني مافي أي شي بس علشان
    خاطرك الليلة اذا رديت البيت بشوف لك الخبر..وبعدين انتي مو تقولين البارحة كنتي
    سهرانة معه وقال لك كلام حب وغزل ووو...ودزت مها بكتفها وغمزت لها بعينها..
    مها تنهدت/مو هذا اللي موتني ياهيفا ..انه البارح سقاني من حبه واليوم خطب غيري؟؟
    هيفاء/لالاتطمني الموضوع مجرد اشاعة مغرضة من جدتي الله يهداها اللي بعمرها يعمرون
    بيوت وهي مو شاطرة غير بالهدم!!!!الليلة توصلك الاخبار.
    مها بشوية حيا/وليش مو اللحين اليوم الجمعة وهو مايشتغل؟
    هيفاء تنهدت ونزلت راسها بالارض/لاني...بطلع...بطلع مع خالد؟
    مها/خالد؟؟؟أي خالد؟؟
    هيفاء/اخوك؟؟
    مها بذهول/اخوي خالد؟؟؟من متى انتي تطلعين مع خالد ولابينكم سوالف؟
    هيفاء/هو قال ان يبيني بموضوع يخص عبود وقررنا نلتقي بمكان محايد نتناقش فيه؟؟؟
    مها/اها عطيني جوالك اكلمه وابين له اني عارفة انك بتطلعين معه علشان اخر الليل
    لايكذب علي حضرته؟؟؟
    ///////////////////////
    في بيت الفايز كان محمد وهنادي وهم مع سارة من الالعاب على الرغم من خلافهم مع
    بعض بس كانوا ممشين حياتهم طبيعي علشان سارة اللهم هي عايشة وحاقرته وهو متعذب
    بناره؟؟؟
    ام محمد/محمد ..محمد..محمد يمه..
    لفوا لها ثلاثتهم وهنادي كانت تكلم بجوالها..
    وصلت لعندهم..
    ام محمد/اخوك جايب شوية كيك تعال يمه خذ لكم شوي؟
    محمد/أي ان شاءالله..
    دخل محمد وظلت واقفة تناظر بهنادي من فوقها لتحتها..
    سارة/جدتي عمتي نوف هنا ولاطلعت؟
    ام محمد وهي بعدها عيونها على هنادي/لا طلعت مع عيال عمك؟؟
    هنادي كملت كلالامها وطنشت/أي..مو مشكلة بخلي محمد يمر الساعة تسع ياخذهم بعد
    ماتنام سارة..ولااقولك خلاص تسع انا بجي معه وباخذهم...يالله
    تحركت ام محمد بسرعة لداخل وسكرت هنادي ولحقتها وقبل لاتدخل الباب لقتها تقول
    لولدها..
    ام محمد/الساعة تسع الاعشر عمتك تبيك توصلها مشوار مدري وين بس قالت لي اخليك
    تمرها تسع الاعشر؟
    محمد/أي مو مشكلة ان شاءالله امرها الساعة تسع الاعشر...
    وقفت هنادي مكانها وهي متاْكدة مية بالمية ان ها المشوار ماهو موجود بس علشان يقهروها
    ويعاندوها؟؟لكن الليلة بتكون من اختيارك يامحمد ياتختارهم ياتختارني وانت قرر!!!!
    //////////////////////////////////
    في ستار بكس....
    خالد/شلونك..
    هيفاء/طيبة الحمد لله..
    خالد/كيف كانت حفلة البارحة؟
    هيفاء/يعني...غيرنا فيها جو؟
    خالد بحنية/هيفاء وش اللي صار بينك وبين محمد..؟
    هيفاء تنهدت ونزلت راسها بالارض/مجرد سوء فهم بسيط؟
    خالد/وانا السبب فيه؟
    هيفاء/لا مو كذا....لاتشغل بالك السالفة انتهت وحليناها خلاص؟بس انت قول لي شتبي؟
    خالد/مو قبل ماتقولين لي الى أي مدى تكرهيني؟
    هيفاء بعفوية وبراْة/منو قال اني اكرهك!!!
    يوم سمعت تنهد خالد وتغير ملامحه تداركت الوضع وكملت/يعني اللي صار بينا مايخليني
    اكرهم ياخالد..انا انسانة مؤمنة بالقدر والنصيب؟؟
    خالد تنهد وحاول يمسك يدها بس هي شالتها بسرعة
    خالد/هيفاء انتي كذا تصعبين علي الموضوع؟؟؟صار لي مدة احاول اعرف شعورك ناحيتي
    علشان افاتحك بها الموضوع ماني قادر؟
    هيفاء بخوف وهدوء/خير ان شاءالله.؟؟
    خالد بانفعال ماقدر يمسكه/هيفاء انا احبك...........
    ////////////////////////////////////////////////////////////////نرجع لبيت العواد...
    الجدة/وين اختك صار لها ساعتين من قامت ..وتقول قعدي معنا بالبيت سلينا!!!هذا انا جاية
    ازوركم ماعبرتني؟؟
    مرام/هاذي اذا مو خالد ولا احمد هنا ماتطول بقعدتها معنا؟
    الجدة/ووين اخوانك؟
    مرام/طلعوا..
    الجدة/وين راحوا...
    الجدة/وانا من بيوصلني البيت؟
    مرام/*وانتي ليش مستعجلة جدتي قعدي تعشي معنا؟
    الجدة/ومن قال لك اني بروح قبل العشى؟؟؟طبعا بتعشى وبروح بعدين بس اتطمن في احد
    بيوديني لولا؟
    مرام/اها..
    الجدة/ووين ابوك؟
    مرام/اليوم الجمعة في بيت جدي..
    الجدة/عارفة...وانا اصلا جيت لكم اليوم بالتحديد علشان انتوا ماتروحون هناك؟؟؟انا مااحب
    اهل ابوك ولااوطنهم بعيشة الله!!!!
    مرام في بالها(وانتي منو تواطنين بالله كل الناس ماتحبيهم؟؟؟؟)
    ام خالد بس كانت واقفة بروحها بالمطبخ وقلبها مقبوض...محمد خطب؟؟؟؟؟؟والوان مها
    تغيرت؟؟؟ياربي ليش...هم يبون بعض ليش ماصاروا من نصيب بعض؟؟؟ياربي ماحد
    يعترض على قضاءك بس اهدي بنيتي وصبرها وهدي سرها ويسر لها امورها بدون محمد
    مدامه اختار غيرها.....
    الله يسامحك ياولدي يامحمد....كلنا نشوف الحب اللي بعيونكم لبعض واللي بعيون مها
    ناحيتك معقولة انت صرت ماتشوف بالنهاية؟؟؟؟؟ولا ليش الومك مو انت السبب يامحمد
    هي لو عليك وعلى اهلك كان انت ومها اللحين يمكن عندكم اثنين يلعبون حواليكم بس الله
    يسامحك يابو خالد الله يسامحك؟؟؟؟؟
    //////////////////////////////////////////////////////////في ستار بكس....
    اول مانطقهاخالد...
    طاح الفربشينو على هيفاء وانفتح وانكب على عبايتها من صدمتها من ها الكلمة!!!!!!!
    رفعت عيونها وهي مدهوشة من كلمته والف سؤال وسؤال ظل في بالها بس عجز لسانها
    يسال سؤال واحد!!!!!!
    خالد باسى/هيفاء انا عارف انك ماراح تصدقيني بس وحياتك صار لي فترة مو قادر اضبط
    مشاعري وهي كل مايجي طاريك تفز وكل ماشفتك اتبهدل وتصير حالتي حالة!!!!
    هيفاء انا اسف على اللحظات اللي عيشتك فيها بعذاب وقهر وظلم بس صدقيني انا تغيرت
    واحس اني كل ماشفتك تتغير حالتي...هيفاء انا احبك وابيك تعطيني فرصة ثانية تخليني
    اثبت لك هالشيْ؟؟؟
    شي واحد بس كانت هيفاء تبي تتاْكد منه...هي قاعدة مع خالد بحلم ولا بواقع!!!!!بس ها
    الشي اللي ضل محيرها وماهي عارفة شلون تتاْكد رفعت راسها ولقته يتكلم ..كان يتكلم
    بحزن وانفعال وفيه لهجة صدق...بس معقولة ياهيفاء يكون خالد صدق يحبك ويفكر فيك
    معقولة؟؟؟بعد اللي صار وبعد ه البدايات اللي كانت سيئة بينكم يقول انه يحبك؟؟؟؟؟
    هيفاء بهدوء/خلصت كلامك ياخالد؟
    رفع عيونه لها وهو حاس انها ماراح تصدقه من لهجتها.....ظل ساكت وماعرف شلون
    يجاوبها....
    وقفت وانتبه ها اللحظة انها كبت عليها مشروبها ...
    هيفاء بتحدي وثقة عانت لين طلعوا منها/هاذي اللعبة الجديدة لعبتك انت بروحك ولا
    بمشاركة ابوك؟؟؟؟؟؟؟؟؟؟؟؟؟؟؟؟؟؟؟
    خالد انصدم من كلمتها اللي ماتوقعها ابدا بس يوم جا بيتكلم ويرد عليها ويقول لها انها
    مشاعره صدق ومافيها أي يتزيف لقاها مشت وطلعت من المكان كله!!!!!!!!!!!!!!!!!1
    ////////////////////////////////////////////////////////
    في بيت السالم بعد صلاة العشاء....
    محمد/جدتي ماردت من بيت عمتي؟
    ام محمد/تقول بتتعشى بعدين بتدق لك تروح تجيبها لان عيال عمتك ماهم هناك؟
    محمد/خير ان شاءالله؟
    ابو محمد/ليش ماراحت بكرة هم اليوم يكونون في بيت جدهم؟
    ام محمد/مو هي ماتبيهم يروحون بيت جدهم؟
    محمد/يمه........
    ام محمد/خير يمه.....
    محمد تنهد وارتبك
    ابو محمد/في شي يامحمد ياولدي؟
    محمد/انا قاعد...افكر في الارتباط؟
    ابو محمد بفرح/وهاذي الساعة المباركة ياوليدي؟
    ام محمد بفرح مايقل عن فرح زوجها/أي يايمه زين ماتسوي تكمل نص دينك....ان شاءالله
    انا بكلم هنادي اختك وبندور لك على مرة....
    محمد/جدتي تقول انها بتت...
    ام محمد قاطعته/ماعليك من جدتك؟؟قال جدتي جدتك ماوراها الاالخراب؟؟؟؟؟انا بدور لك
    على بنت حلال تناسبك و
    محمد/أي بس هي اليوم راحت تبدي بالموض
    مشاري/وين العشى جعنا؟؟؟
    ابو محمد/وهذا انت ياجوعان يانايم؟؟
    مشاري/هههه تصدق عاد يبى اني طالع على امك ووارث كل صفاتها!!!!
    ابو محمد/تكلم عدل ياولد؟
    هند/مرحبا.....
    محمد في باله (تبخر الموضوع مافي غير نفتحه بوقت ثاني لاجات جدتي!!9
    ودق جواله وكان ثامر صاحبه يبيه يمره وطلع.....
    فاتن/طيب هدي وقولي لي شصار بالضبط؟؟
    هيفاء كانت تبكي وهي ضامة نفسها ومو عارفة شتقول.......
    فاتن/هيفوا اقلقتيني عليك...خالد بياخذ عبود عنده؟؟؟قولي تكلمي خلينا نتناقش مع بعض
    بدل دموعك اللي بتضيع علينا الوقت بدون فايدة؟؟؟
    هيفاء كانت تناظر بسقف الغرفة وهي تشاهق/لا ماراح ياخذ عبود يافاتن ماراح
    ياخذه؟؟؟؟تدرين شنو كان يقولي.......الكلمة اللي تمنيتها طول عمري تطلع منه قالها اليوم
    قالها!!!!
    فاتن بدهشة/قال لك احبك!!!!
    هيفاء وهي تبكي هزت راسها بمعنى أي...وصارت تبكي بكي متواصل../أي يافاتن
    أي...قال لي احبك ....قال انه من فترة حاس فيها ومو قادر يخبيها اكثر واني لازم اعرف
    بها الشي!!!!!
    فاتن/أي بس شلون؟؟؟ومن متى؟؟يعني بداية جيته كان يدور الزلة عليك؟؟؟ماننكر تغيره بها
    الكم اسبوع بس ..معقولة صدق ياهيفاء؟؟؟
    هيفاء/ماابي اصدقها يافاتن ماابي!!!!انتي فاهمة يعني شنو انذل وانهان من خالد مرة
    ثانية؟؟؟معناته اموت ها المرة اموت!!!!يكفيني اللي صار يافاتن يكفيني؟؟؟
    فاتن/أي بس مو يمكن انه فعلا يحس فيها وتكون صادقة؟
    هيفاء سكتت وكانت دموعها هي اللي تجاوب ها المرة؟
    فاتنن/مها يوم عرفت انك بتطلعين مع خالد شقالت؟
    هيفاء وهي بعدها تبكي/تفاْجات!!!شكله خالد ماكلمها بالموضوع اصلا؟؟؟انا اعرف مها
    مستحيل تكذب علي يعني خالد ماقال لها ولا جاب لها سيرة من الاساس!!!
    فاتن/غريب امرك ياخالد غريب!!!!شها الحب اللي نزل عليك مرة وحدة؟؟؟وهل انت فعلا
    صادق فيه وفي مشاعرك ولا عندك شي ثاني!!!!!
    ///////////////////////////////////////////////////////////كانت بالغرفة ترتب اغراض سارة
    للمدرسة ودزت له مسج رغم انه قاعد بالصالة يشاهد تلفزيون ( ممكن نمر بيت اهلي
    شوي...اختي شارية لسارة شويات بكلات للشعر وشويات دفاتر واقلام وانا وعدت سارة
    اجيبهم وتروح فيهم المدرسة؟)
    قراه محمد وهو مو مصدق انها راسلة له شي بالعادة حتى اذا تبي شي تطرش سارة تقوله
    بس يمكن علشان سارة نامت؟؟؟؟؟
    اه منك ياهنادي اه...لمتى بس...
    قام ودخل غرفة سارة اللي كانت نايمة ومافي غير هنادي قاعدة على مكتب سارة وكانها
    تنتظر الجواب...
    محمد/اللحين نروح؟
    هنادي بدون ماتلف عليه/أي..
    محمد/انت قلتها ..نايمة؟واحنا مو بمطولين بناخذ الاغراض وبنرد بدربنا وبيت ابوي مو من
    بعده؟
    محمد/خلاص انا بنزل السيارة اجل؟
    هنادي وقفت تلبس عبايتها ونزل محمد قبلها ويوم وصل لعند بابا بيتهم تذكر مشوار عمته..
    اوه ه شلون راح عن بالي...
    طلع جواله يدق على بيت عمته علشان يمرها لقاه مشغول قال بيدخل يقول لاامه تبلغه انه
    بيتاخر ربع ساعة....
    كانت امه قاعدة بالصالة وتكلم وماانتبهت على دخوله وهو بعد ماتكلم توه بيكلمها سكت يوم
    سمعها هي تتكلم,,
    ام محمد/شوفي يام ياسر انا اليوم سمعتها تقول ان عندها مشوار الساعة تسع وقلت لمحمد
    انك تبينه يمرك وقال تسع الاعشر بيجيك يعني اللحين اكيد بيطلع لك دوري لك أي شي
    المهم انه يطنشها ومايوصلها مشاويرها مو كفاية علشانها خرب الخطوبة الاولى!!لكن وين
    انا بدور له وحدة ثانية وترضى بمرته علشان لاتصير عنده حجة؟؟؟
    كفته ها الكلمة اللي سمعها علشان يطلع وينتظر زوجته بالسيارة...
    يكفي يامحمد يكفي هنادي من حقها تكره ها العيشة وتستعجل تنتقل لبيت الاحلام اللي بعته
    وبعت احلامها معه!!!!!
    انا بس ابي افهم هم ليش يكرهونها لهدرجة رغم انها ماعمرها ضرتهم؟؟؟؟؟
    انتبه ان هنادي فتحت الباب ودخلت........
    //////////////////////////////////////////////////////////////////////////////////////////////////////////
    على الكورنيش..
    عادل/ياخوي مو زين اللي انت مسويه بروحك ياخالد؟
    خالد كانت حالته حالة ومبهدل وماله بالدنيا...
    عادل/خالد..انا قلت لك صعب توثل لقلبها مباشرة وانت طلقتها بدون اسباب مقنعة؟؟؟؟
    خالد بهدوء غريب ماكان يناسب حالته/اقولك مفكرتني اكذب عليها؟؟؟؟عادل ..تقولي هذي
    لعبتك ولا انت وابوك مشتركين فيها؟؟؟؟ماصدقت مشاعري وانا اللي قلتها بكل صدق؟؟؟
    عادل تنهد/ولو...ياخالد ولو...هيفاء واللي شافته منك مو قليل انت طلقتها ياخالد
    طلقتها؟؟؟والطلاق ماهو سهل ياحبيبي؟؟؟فرصة انك تقنع هيفاء بحبك يبيلها وقت ياخالد
    يبيلها وقت وصبر؟
    خالد/شلون يعني؟
    عادل/يعني اللحين بتعاني لين تكسب رضاها وبعدها شوف كيف بتتعب على ماتقنع اهلك
    وابوك تحديدا واذا خلصت من ابوك بيضلون عندك اهله هي اللي لاتتصور انهم بيسلمون
    لك بينتهم مرة ثانية وماكان شي صاير؟؟؟؟
    خالد/حرام والله حرام ياعادل؟
    عادل/وليش ماقلت حرام ساعة اللي طلقتها وماهمتك؟؟
    خالد/..........
    عادل/يالله يمكن الله كاتب لك تذوق شوي من اللي ذوقته هيفاء بطلاقكم؟؟
    ///////////////////////////////////////////////////////////////في سيارة محمد بعد مارجعوا...
    محمد/تبين تشربين شي بارد؟
    هنادي باقتضاب/لا...
    محمد/ولا ايسكريم؟
    هنادي بنفس اللهجة/لا..
    محمد/طيب كيك..
    هنادي/سارة نايمة بالبيت بروحها وماابي اتاخر لاتقعدو وتنتبه على غيابنا عنعا اثنينا!!!
    محمد حط يده على يدها اللي كانت على رجلها وهي حاولت تبعد يده بس كانت يد محمد
    اقوى منها!!
    محمد برجاء/هنادي لمتى بتضلين زعلانة مني؟
    هنادي/..........
    محمد/مامكن تسامحيني بيوم من الايام!!!
    هنادي/مدري يامحمد ولاتسالني؟؟اللحين قلبي مو راضي عليك ومقدر اوعدك بشي
    للمستقبل؟؟
    محمد/بس انا متعذب يهنادي متعذب؟؟؟
    هنادي تنهدت بحرقة/مو كثر عذابي يامحمد مو كثره؟؟؟؟
    كانت تفكر هل هو صدق نسى مشوار عمته وماتذكره!!!!لانه طول الطريق وصار لهم اكثر
    من ساعة بره البيت وهو ماجاب طاري؟؟ولا شسالفة محمد بالضبط؟
    هنادي/دق على البيت شوفها قعدت ولا لسه؟؟انا ماحملت جوالي؟
    محمد/جوالي بالدرج افتحيه ودقي؟
    هنادي في بالها(غريبة ليش قافل جواله ماله بالعادة!!!!هي بس كانت تبي تتاْكد انه مو ناسي
    جواله لانهم مااتصلوا فيه ولاهو تذكر بس هو عارف ان جواله مقفل يعني هو اللي
    مقفله؟؟؟شسالفتك يامحمد)
    ////////////////////////////////////////////////////////////على الساعة عشر ونص كانوا بيت
    العواد قاعدين(ابو خالد وام خالد وخالد ومها)
    ابو خالد/ومتى طلعت امك؟
    ام خالد/بعد التسع...
    ابو خالد/ليش هي مو عارفة انكم اليوم ببيت اهلي؟
    ام خالد/امي وش يعرفها بالايام مسكينة؟
    ابو خالد/امك تعرف كل شي مو بس الايام؟؟؟؟
    ام خالد/هو اسبوع اللي مارحناه وش اللي بيصير يعني يابو خالد؟
    ابو خالد/ولاشي......خالد..مها شفيكم يبى؟
    خالد ومها انتبهوا انهم سرحانين ومو مع ابوهم وامهم...
    خالد/ولاشي سلامتك....
    ام خالد/شلون ولاشي وانت صافن منت معنا؟؟
    ابو خالد/هو واخته؟؟؟شفيكم احد مزعلكم بشي؟
    خالد سوى روحه طبيعي/لا يبى...بس الشركة ومشاكلها تعرف..
    ابو خالد/اذا على الشركة انت قدها ياخالد وانا واثق بها الشي...
    خالد/الله كريم....
    دق جرس الباب....
    ام خالد/منو اللي جاينا بها الحزة؟
    مها/يمه شفيك توها الساعة عشر ونص؟
    ام خالد/كاهي صارت احدعش الاربع والناس ماتجي الا بمواعيد!!!!الله يستر؟
    ابو خالد/ياميري..روحي شوفي من عند الباب؟؟؟
    خالد/يمه شفيك ميري راحت تشوف منو عند الباب انتي ليش خوافة؟؟؟
    ام خالد/يايمه الدنيا تغيرت ومافيها خير مثل قبل؟
    مها/الله يهداك يايمه بس منو بيكون يعني.........
    تركزت كل الانظار على الضيف المفاجىْء اللي واقف عند الباب؟؟؟؟
    ////////////////////////////////////////////////////////
    هيفاء/يالله انت قلت بس قصة الغابة المسحورة وبعدها تنام؟
    عبود/ماما بعد الاقزام...
    هيفاء/حبيبي خلاص نام انا تعبانة وبكرة عندي دوام الصباح؟
    عبود/اخر وحدة؟
    هيفاء/وتنام بعدها؟؟؟
    كانت محتاجة للهدوء والتفكير على رواق وبدون ازعاج احد...خالد واللي صار بينهم اليوم
    ومها ومحمد اللي نست السالفة وماسالت محمد عنها؟؟؟
    كان يوم طويل وكئيب وياليته ماينعاد بحياتها؟؟؟؟
    أي ياعبود غمض عيونك..خلني اشبع من صورة خالد اللي فيك!!!!!
    خليني اتاْملك على راحتي وبدون خوف من ان احد يحاسبني!!!!انا مقدر احط عيوني
    بعيون خالد بالواقع بس معك الموضوع يختلف..نفس عيون خالد اللي تذوب مرسومة فيك
    ولو اناظرها طول يومي ماحد بيلومني؟؟؟؟
    //////////////////////////////////////////////////////////////احمد كان واقف وهو مرتبك نوعا
    ما..صار له اسبوع غايب عن البيت ولامرة فكر انه يكلم ابوه بها المدة؟؟
    احمد/يبى...يبى ممكن ادخل؟؟؟؟؟؟
    كل الانظار راحت لعند ابو خالد اللي كان يناظر باحمد بدون مايبدي أي انفعال!!!
    وام خالد ودها تقوم وتضمه بس خوفها من ردة فعل بو خالد وقفها مكانها مثل الحجر؟؟؟
    واخيرا قدر خالد يفك الموضوع ويتكلم/احمد قرب وطيح على راس ابوك وتسامح
    منه؟؟يالله,,,
    احمد بغاها بس وتقرب وباس راس ابوه...
    احمد بانكسار/يبى سامحني...والله مااعيدها مرة ثانية...سامحني الله يرضى عليك وعلي!!!
    ابو خالد تنهد ومسك يد احمد/تعال اقعد يبى احمد تعال؟
    قبل لايقعد بس لف على امه اللي كانت عيونها مغرقة دموع...
    وباس راسها وهي حضنته بقوة...
    احمد/الله يهداك بس يايمه ليش كذا...لاتبكين؟
    ام خالد وهي تبكي/يايمه يااحمد لاتسويها فيني مرة ثانية؟
    احمد/يمه حبيبتي وانا وين كنت؟؟كلها اسبوع غبت عن البيت؟؟؟
    ام خالد/وعارف انت انتي بها الاسبوع ولامرة غمضت عيني يااحمد من خوفي عليك؟؟؟
    احمد باس كفوفها../سامحيني يالغالية..
    ام خالد/تعال اقعد جنبي وسولف لي عن اخبارك وامورك يايمه...
    مها/نحن هنا؟
    لف لها احمد وراح لها وحضنته مها بقوة ونزلوا منها دمعتين واستغرب ابو خالد من اللي
    بينهم هو كان شوي ويروح عمرها من ضربه لها ومع هذا اصرت انها هي الغلطانة مو هو
    ومارضت يطلع من البيت؟؟؟وكاهي بتحضنه بقوة وكانها مو شايفته من سنة ومابينهم
    شي؟؟؟ياترى وش اللي بينكم وبين اخوك يامها؟؟؟
    مها/وحشتني يااحمد وحشتني...البيت من دونك مايسوى ياخوي؟؟
    احمد انقلب مرة وحدة ورجع لشخصيته المرحة ماكانه قبل شوي بس بتطيح دموعه وهو
    يتسامح من امه وابوه؟؟
    احمد بمرح/أي بس انتي ماوحشتني يابنت؟؟ولاناسية اني امس شايفك بالشاليه؟؟؟
    مها دزته بكتفها وابتسمت/ياثقيل الدم يلللي ماتستحي على وجهك؟؟وانا اللي مفتقدة غيابك
    طول ها الوقت؟؟صدق ماعندي سالفة؟؟
    احمد/ههههه شفتي انك تحبين وماتقدرين على فرقاي؟؟؟
    ام خالد/أي مو بس هي ماقدرت على فرقاك يااحمد كلنا ماقدرنا؟؟؟
    ابو خالد تنهد/تعرف يااحمد ان الاسبوع اللي فات ومن طلعت من البيت كان الجو مشحون
    ومانتجمع كلنا بمكان الاوواحد منا يقوم زعلان؟؟؟اللحين بس عرفت وش السر بمشاكلنا
    اللي صارت...كان غيابك ياولدي يااحمد غيابك عنا هو اللي فككنا؟؟؟
    احمد/ههههه واخيرا عرفتوا قيمتي؟
    جلس جنب خالد اللي بعده كان شارد...وحط يده على ركبة خالد وهمس لها/قلبي معك
    ياخوي عادل قال لي عن اللي صار؟؟؟بس تبي الحقيقة تستاهل والله يكثر منها ان شاءالله
    هههههه
    خالد بضيق/احمد من جد مالي خلق؟؟؟
    احمد تنهد/هاذي البداية بس؟؟؟بتعاني اكثر ياخالد صدقني؟
    خالد/انت وش اللي خلاك تغير رايك وترد؟؟؟؟
    احمد/اذا رقت بجي اكلمك.....
    //////////////////////////////////////////////////////////////في بيت الفايز...
    ام محمد بعصبية/اسفرت وانورت؟؟؟كان لاجيت؟
    محمد/يو تصدقين يمه نسيت مشوار عمتي من جد نسيت؟؟؟
    ام محمد/لا...وتبيني اصدقك عاد؟؟؟وبعدين ليش مقفل جوالك؟
    محمد/انا مو مقفله بس هو خلص شحنه؟
    ام محمد/خلص شحنه ولاقالوا لك طفيه علشان عمتك ها المسكينة لاتدق عليك..
    هنادي/تصبحون على خير انا بركب فوق...
    ومشت عنهم ..وام محمد كل ماله وتعلي الصوت اكثر...
    ام محمد/طبعا..هي من عرفت ان عمتك المسكينة تبي تطلع مشوار قالت خلني اطلع ولو
    مالي سالفة؟؟عدل ولا لا؟؟
    محمد/يايمه هي مالها شغل انا اللي قلت لها قومي نطلع سارة كانت تبي شوية غريضات من
    المكتبة وطلعنا جبناهم وردينا؟؟؟
    ام محمد/هذا وانا موصية عليك بعد يامحمد وقلت لي حاضر وعلى امرك؟؟
    محمد/صار خير يمه..ماراحت المشوار اليوم تروحه بكرة؟وش فيها يعني؟
    ام محمد/فيها انها انتظرتك كثير وانت مو جايب لها خبر ولا هامتك بعد ومقفل جوالك
    علشان تتناساها؟
    محمد/يايمه صدقيني ماقفلته هو اللي طفى بروحه؟
    ام محمد/انا ماعلي عمتك وزعلت منك؟
    محمد/انا بكرة اروح اراضيها؟؟
    ام محمد سكتت ودخلت داخل من القهر!!!
    //////////////////////////////////////////////////////في الصباح على الكورنيش,,,,
    كان خالد قاعد ومعه عبود يلعب كورة..
    عبود/العب معي بابا خالد...
    خالد/يالله...
    واخذ الكورة ورماها بعيد وعبود صار يمشي وراها يلحقها وشوي شوي صارت الكورة
    طالعة من حدود الكورنيش للشارع وعبود بعده يركض وراها وخالد فز وراه وهو خايف....
    وبدون مقدمات جات سيارة كبيرة وطيرت عبود فوق في الهوا.....
    وطارت عيون خالد وراه........عبود؟؟؟عبود...عبود؟؟؟؟؟؟؟
    قام يصارخ بكل مافيه ومايدري شلون قدرت رجله توصله للمكان اللي عبود كان مرمي
    ودمه فوقه وشلون قدر يحملها وهو يبكي ويوصله للمستشفى....
    واللي كان شاغل باله شيقول لهيفاء وشلون يعتذر منها وهو ماخذه يلعبه؟؟؟؟؟
    بالمستشفى.....
    كان الكل في مزاج سي وبكي ونياح حتى ابو خالد كان واقف معهم....
    هيفاء توها وصلت وهي في قمة الغليان ودموعها تسابقها.../هيفاء بصراخ/وينه..وينه ولدي
    ياخالد وينه؟
    ام خالد وهي تبكي/اذكري الله ياهيفاء كاهم داخل وان شاءالله يقدرون ينقذونه؟
    هيفاء/ينقذونه؟؟؟انتي شتقولين؟؟عبود ماكان في شي الصباح ياعمتي؟؟؟مافيه شي..شسويت
    بولدي ياخالد شسويت؟؟؟
    طلع لهم الدكتور وعلى وجهها علامات الاسى/البقية بحياتكم الولد ماعاش؟؟؟؟؟
    هيفاء بصراخ/لالالالالالالالالالالالالالالالالالا ولدي لالالالالالالالالالالالا مستحيل ابي
    ولدي يمه ابي عبود يايمه ابيه؟؟عبود مامات مامات؟؟لالالالالالالا
    كانوا كلهم يبكون فراقه وخالد ماقدر كان يمسح دموعه شماغه ويداريها وزين ان عادل قرب
    منه وحضنه باللحظة المناسبة اللي حس فيها انه يتحرك؟؟
    هيفاء كانت تبكي بشكل هستيري ومصرة تدخل تشوفه وابوها موراضي كان خايف عليها
    لاتجن يكفي بكيها اللي كان مقطع قلبه..
    ابو محمد وهو يبكي/اذكري الله يابنيتي اذكري الله هذا يومه وربك اختاره شلون تعترضين
    على حكمة ربك شلون؟؟؟
    هيفاء/ابي ولدي يبى......ابيه؟؟؟ماحد تعب وشقى غيري؟؟؟؟ماحد بيحس فيه غيري.....هذا
    قطعة مني يايبى قطعة مني.....
    ماقدرت تتماسك اكثر وطاحت على الارض غشيانة,,,,,,,,,,,,,,,,,,,,,,,,,,,,,,,,,,,,,,,,,,,,
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,
    احمد/خلاص ياخالد خلاص..الله يرحمه...
    عادل/خالد...عبود بالجنة اللحين...اذكر الله..
    خالد من توفى عبود وهو مو بالدنيا كان حاضر الدفن والصلاة وهو مو معهم كانت دموعه
    تنزل بدون ماتتوقف لحظة وحدة وهو حاس بفقدان ولده...
    احمد/خالد..
    خالد بعصبية/كل منكم..انتوا الاثنين اللي خليتوني كذا؟؟؟انا ماكنت احبه ولاكنت ابيه
    بحياتي بس انتوا اصريتوا اني اتعرف عليه وهاذي كانت النتيجة؟؟؟ليش خليتوني احبه
    واتعلق فيه وهذا هو راح عني ليش؟؟؟؟؟؟
    عادل/اذكر الله ياخالد هذا يومه؟؟
    خالد بصراخ جنوني/عبود؟؟؟عبود؟؟؟لاياعبود لاتروح....
    ام خالد/خالد...خالد يمه شفيك؟
    ابو خالد/خالد...اصحى يبى اصحى...
    مها اخذت كاس الماي وحطت شوي في يدها ورمت بوجه خالد اللي قعد وهو مفزوع
    ودموعه بعينه...
    ام خالد بخوف/خالد شفيك اسم الله عليك؟
    خالد وهو بعده يردد/عبود..عبود راح وخلاني يمه..
    ابو خالد/اذكر الله ياخالد انت قاعد تحلم؟؟
    خالد وهو مفزوع ويناظر بللي حوالينه/احلم!!!انا احلم؟؟؟؟
    احمد بفزع/أي ياخالد انت تحلم؟؟؟عبود في بيتهم نايم مافيه شي....
    خالد انتبه فعلا انه كان بفراشه وهم حوالينه امه وابوه ومها واحمد وكلهم باين عليهم الفزع,,
    مها/خالد..خير ان شاءالله ياخوي؟؟قاعد تصارخ وتبكي؟؟
    انتبه خالد انه دموعه للحين تنزل ونزل راسه من الفشيلة وقال بصعوبة/حلمت ان عبود
    صدمته سيارة ومات؟؟؟وانا ماتحملت موته....
    ام خالد بحنان وهي تمسح دموع خالد/اذكر الله ياخالد..الحمد لله انه حلم...
    وضمته بصدرها وهو مو قادر يقاوم مشاعره بالبكي..:انت ردة فعل هيفاء عنيفة عليه يوم
    كذبت مشاعره ومالقى يحلم غير بعبود...بس هو فعلا طلع يحب عبود ومتعلق فيه وموقادر
    على فراقه...
    مها/اشرب لك ماي يخوي عن روعتك....
    خالد بخوف/ابي اسمع صوت عبود..
    ابوخاد/ الساعة داخلة على الثنتين ونص الفجر ؟؟شلون تسمع صوته؟
    احمد/عبود نايم عند امه ومافيه شي اذكر الله بس هذا حلم وعدى...
    ام خالد بحنان/مها دقي على هيفاء وخليه يسمع صوت ولده؟
    مها باعتراض/يمه الناس نايمة اللحين كيف ادق عليها واخرعها بها الليل؟
    ام خالد/يايمه الضنى غالي...وخالد اذا ماسمع صوت عبود مابيرتاح؟؟
    خالد رفع راسه لمها برجاء انها تكلم هيفاء...
    مها/بجيب جوالي وبجي.....
    بعد ماطلعت مها...
    ابو خالد/جيب ولدك عندك ياخالد علشان تطمن عليه؟
    خالد هز راسه بدون مايتكلم وهو للحين حاس بخوفه....صحيح خالد قرب يدخل الثلاثين
    بس مشاعر الخوف والدموع اللي نزلت على عبود كانت تناسب عمر واحد بثمان
    سنين؟؟؟معقولة انا احبه وماني قادر اتصور ها الشي؟؟؟ولامثل ماقالت امي الضنى
    غالي؟؟؟؟



    البارت الخامس والاربعين,,,,
    ام خالد/يايمه الضنى غالي...وخالد اذا ماسمع صوت عبود مابيرتاح؟؟
    خالد رفع راسه لمها برجاء انها تكلم هيفاء...
    مها/بجيب جوالي وبجي.....
    بعد ماطلعت مها...
    ابو خالد/جيب ولدك عندك ياخالد علشان تطمن عليه؟
    خالد هز راسه بدون مايتكلم وهو للحين حاس بخوفه....صحيح خالد قرب يدخل الثلاثين
    بس مشاعر الخوف والدموع اللي نزلت على عبود كانت تناسب عمر واحد بثمان
    سنين؟؟؟معقولة انا احبه وماني قادر اتصور ها الشي؟؟؟ولامثل ماقالت امي الضنى
    غالي؟؟؟؟
    مها رجعت مع جوالها وهي مفتشلة تدق على هيفاء ها الحزة وهي عارفة انها نايمة لان
    دوامها صباح بس نظرات خالد المكسورة خلتها تغير رايها.وتدق على هيفاء..
    بعد الرنة الرابعة ردت هيفاء وصوتها كله نوم وفيها شوية خوف/مها؟؟؟وش فيك ؟؟عسى
    ماصاير شي لكم؟؟
    مها بارتباك/ها.. بس...
    هيفاء بلوم/مها..الله يهداك داقة لي اللحين وانتي عارفة كم الساعة علشان تقولين لي
    بس...؟؟؟
    وارتفع صوت بكي عبود..
    هيفاء/زين كذا ؟؟هذا انتي قعدتي عبود من نومه؟؟؟شنيمه اللحين بس؟
    مها/ابي اكلمه؟؟ابي عبود اهيفاء؟
    هيفاء وهي معصبة/ياانك وحدة متفرغة وحطت السماعة على اذن عبود اللي كان يصارخ
    ومها حطته سبيكر وملا صوت عبادي الغرفة والكل ناظر بخالد اللي تنهد بارتياح..
    هيفاء/ماله خلق بقوم اشوف له صرفة؟
    مها/اسفة بس صارت ظروف بعدين بكلمك عنها باي....
    ابو خالد/ها تطمنت اللحين؟
    خالد بدا يهدا شوي/الحمد لله؟
    ام خالد/اسوي لك شي يايمه؟
    خالد/لايمه بقوم اتوضا واصلي ركعتين شكر انها كانت حلمة مو واقع وبعدها برجع انام.....
    (فكرت اني اوقف لقبل شوي يعني قبل لاتكتشفون انها حلمة علشان اشوف ردة فعلكم على
    موت عبود وهل بتبكون مع هيفاء وخالد وخفت منكم بصراحة وكملت هههه)
    ///////////////////////////////////////////
    اليوم الثاني كان كئيب على هيفاء بعد ماقرت مسج مها عن حلمة خالد وحسسها بالخوف
    على ولدها...وقررت انها تاخذ اجازة وتضل جنبه اليوم...
    اما خالد كان مقرر يطلع لبيت خاله يشوف عبود بس الاول فكر انه يمر يشوف محمد
    ويتكلم معه وراح لمحمد بدوامه..
    خالد/السلام عليكم..
    رفع محمد راسه/وعليكم السلام...خالد,,خير ان شاءالله؟
    خالد/سلامتك بس جاي اسولف معك شوي اذا ممكن؟
    محمد/تفضل....
    خالد/محمد انا ماابي ادخل بمقدمات لاني ماتعودت فخلينا نتكلم مباشرة..
    محمد/عن؟؟
    خالد/قبل يومين بالشاليه؟؟
    محمد تغيرت الوانه....
    خالد/هيفاء كانت طالعة وهي مو قاصدة شي كان كل خوفها على ولدها وبس؟؟؟
    محمد/والقصد؟؟؟
    خالد/محمد..لاتخاف انا مابين وبين اختك شي
    قاطعه محمد/ولاراح يكون بعد ياخالد؟
    خالد تنهد/انا عارف انك شايل علي بقلبك كثير وماقلته..بس فيك تقوله اللحين ااذا تحب؟؟
    محمد بعصبية/شتبيني اقولك؟؟عطيناك بنتنا وردة بالدنيا ماتفتهم شي ورديتها لنا مطلقة
    وشايله هم على راسها؟؟؟؟
    خالد تنهد...
    محمد/محنا بصدد ها الموضوع...
    خالد/ليش رفعت يدك عليها؟
    محمد/ياسلام وانت شعرفك بالله اذا مابينكم شي على قولتك؟
    كانت لهجة محمد لهججة تشكيك وهذا اللي ضايق خالد....
    خالد/محمد اعقل...انت عارف ان مابيني وبينها الاعبود وبس؟؟؟؟وبعدين مها قالت لي؟؟
    محمد وقفت عينه عند طاري مها..ليش بس يامها انا اعتذرت منك وانتي
    سامحتيني؟؟معقولة قالت له قبل لااكلمها؟؟
    محمد/اختي وانا اتفاهم معها؟
    خالد/بيدك يامحمد..؟؟معقول؟؟؟
    محمد/مالك شغل ياخالد ولاتتعدى حدودك مرة ثانية وتسال؟
    خالد تنهد وقبل لايقوم حب انه يقهر محمد اللي متغير..
    خالد يوم وقف/اذا هذا اسلوبك الله يعين بنت خالتك عليك؟؟؟
    محمد ناظره نظرة استفهام...
    خالد/صحيح مبروك مقدما امس جدتي قالت لنا؟
    محمد بدهشة/عن شنو؟
    خالد/عن خطوبتك لفاتن بنت خالتك؟انت مو قايل لها تخطب لك فاتن؟صحيح مها بعد تسلم
    عليك وتبارك لك؟
    قالها خالد ومشى...هو قصده يضايق محمد وبس على اسلوبه الجاف....صحيح جدتهم قالت
    ها الشي بس بعد سوالفه هو مع مها البارحة قبل لاينام قالت له ان هيفاء تقول الخبر
    موصحيح وهو حب يشوف ردة فعل محمد وشكله ماعنده خبر بالموضوع نهائيا وجدتهم
    مسويتها مفاجاْة؟؟؟؟
    محمد ظل مكانه ماتحرك بعد مامشى خالد...معقولة جدتي راحت خطبت لي فاتن؟؟؟؟؟؟بس
    هي عارفة اني ابي مها؟؟؟؟؟؟؟لامو معقولة؟؟؟السالفة فيها لبس؟؟؟علشان كذا مها امس
    مادقت علي معقولة؟؟؟وانا اللي اقول انها مستحية بعد ماكلمتها جدتي؟؟؟؟
    لاياعالم اكيد في شي مو صحيح؟؟؟؟
    ////////////////////////////////////////////////////////////////فتح عبود الباب اللي كان مع امه
    بالخيمة قاعدين ويركبون تركيبات وهي طبعا بدون عبايتها وكانت متسندة ومندمجة
    للتركيبة وفجاءة رمت اللي بيدها وتذكرت عبود قامت من مكانها مفزوعة وهي
    تصرخ/عبود؟؟؟
    وجمدت مكانها يوم شافت خالد واقف قبالها وهو شايل ولده على كتفه.........
    ماتدري ليش بها اللحظات استحت منه يمكن لانها لابسة بيجامة وشكلها مو مرتب وهي
    تلعب مع ولدها....
    مرت من جنب خالد بدون ماتقول شي ودخلت بسرعة تلبس عبايتها.....
    وطلعت له ولقته قاعد مع عبود يكملون التركيبة وهو عيونه على عبود كل شوي يرفعها...
    هيفاء/خالد...في شي؟
    خالد انتبه لوجودها بعد مالبست عبايتها/ليش ممنوع اني اشوف ولدي؟
    هيفاء/توقعتك تشوفه بس مو من الصباح؟
    خالد استحى/قالت لك مها...
    هيفاء/أي....عطتني مسج الصباح وخبرتني؟
    خالد/علشان كذا مارحتي الدوام اليوم؟
    هيفاء/نوعا ما أي..كان قلبي مقبوض عليه وخفت افارقه اليوم؟تشرب شي...اسفة مقدر
    اقولك ادخل داخل علشان امي راحت بيت جيرانا ومافي غير جدتي تمشي بالحديقة؟
    خالد/ممكن شي بارد؟
    هيفاء/طيب.....
    عبود/بقول للجدة انك هنا......
    راح عبود يقول لجدته ومشى خالد وراه ..................................................
    ................................................
    في المطبخ كانت واقفة وتحط العصير بالكاس علشان تطلعه لخالد وفجاْة مسكتها يد من يدها
    وجرتها..
    هيفاء بخوف/خالد اطلع برة؟؟؟
    خالد جرها ومااهتم.../انتي مو تبين تعرفين منو اللي يقول لعبود كلام غريب؟؟تعالي معي..
    جرها ومااهتم لكلامها ويوم كانت بتنطق حط يده على فمها علشان ماتتكلم ووصلوا للحديقة
    ووقفوا بعيد شوي...
    وكانت الجدة واقفة مع عبود تكلمه..
    الجدة/اللحين عرفت شبتقول؟
    عبود/صعبة ماحفظتها؟
    الجدة/شوف الثور يقول ماحفظتها؟؟؟بعدين مايسوون لك عيد ميلاد مرة ثانية؟؟اذا دايم قلت
    لهم ها الكلام بيسوون لك عيد ميلاد؟؟؟
    عبود/شنو اقول اللحين؟
    الجدة/تروح تقول لاابوك خالد انا ماابي انام هنا بيتهم ضيق ومااعرف العب فيه ابي انا
    وامي هيفاء نروح بيت بروحنا وانت تكون معنا ويصيرون عندي اخوان واجد؟
    عبود/يصير اقول بس كلمة وحدة؟
    الجدة/يويلك ان قلت بس كلمة وحدة؟؟؟
    شبت هيفاء بنارها...ومشت بتكلم جدتها بس يد خالد مسكتها ومنعتها...
    هيفاء/خليني ياخالد..هاذي قاعدة تدخل براسه اشياء مايفهمها؟؟
    خالد/بشويش ياهيفاء بشويش مو كذا؟؟؟اكيد هي نيتها خير؟
    هيفاء وهي معصبة وحاسة بالذل/مهما كانت نيتها مالمفروض انها تقوله ها الكلام؟؟
    وفكت يدها من يد خالد وراحت لعند جدتها..
    هيفاء بعصبية/ليه ياجدتي ليه؟؟؟ليه تعلمينا ها السوالف؟؟
    الجدة ارتبكت من هيفاء/ها..انا..
    هيفاء وهي شوي وتطيح دموعها من وقفة خالد وسماعه لها الاشياء شبيقول اللحين بتموت
    علشان ترد له/جدتي؟؟؟
    لجدة/وانا شقلت بالله؟؟يعني عاجبكم ها الولد يضل كذا بينكم؟؟؟خلوه يستقر مو زين عليكم
    من الله؟؟؟
    هيفاء اخذت بعضها ودخلت داخل لان جدتها النقاش وياها صعب واجد ومستحيل بعد!!!!!!
    خالد ضل واقف شوي يسولف مع الجدة بامور ثانية وبعده قال انه بيمشي وعبود شبك بابوه
    بيروح معه....
    خالد/روح قول لاامك بالاول؟
    عبود جر خالد من يده علشان يكون معه..والجدة ظلت واقفة بالحديقة ماتحركت ومستحية
    من مواجهة هيفاء؟؟؟؟(مااظن ابدا انها تستحي؟؟)
    دخل خالد مع ولده للصالة وكانت هيفاء قاعدة على الكنبة ومبين انها بتبكي..
    خالد ركع عندها وقال بحنان/هيفاء..
    رفعت راسها وهي تشوفه وعيونها ملايانة دموع...
    مايدري ليش صاير يتجراْ ويلمس يدها كل ماشافها..
    حط يده فوق يدها وقال لها بحنان/لاتزعلين نفسك هي ماتقصد الا الخير....
    عبود ركع عند امه وسوى نفس حركة ابوه وخلتهم يناظرون في بعض؟؟
    هيفاء بسرعة/اطلع ياخالد...اطلع....
    خالد تنهد/بطلع ياهيفاء بس ابيك تفكرين بشي واحد...الكلام اللي قلته لك امس كان صادق
    ويعبر عن مشاعري ناحيتك بدون لف ولادوران ومدري ليش ماصدقتيني؟؟؟؟
    رفعت عيونها وقالت بكل قهر/خالد اطلع ماابي اشوفك واقف قدامي لو سمحت!!!!
    تنهد خالد بقوة وقال بحزن/هيفاء انا عارف اني سببت لك احزان لها اول مالها تالي...بس
    وحياتك انا مو قادر اصبر اكثر من كذا ؟؟انا حاس اني مخنوق وابيك تعرفين شعوري
    ناحيتك ياهيفاء!!!!
    هيفاء بحدة/خالد لو سمحت قلت لك اطلع؟؟؟
    وقف خالد وهو متضايق من صدها له ووقف وراه عبود..
    عبود/بروح مع بابا خالد؟
    هيفاء بخوف/لالالا بكرة روح معه اليوم لا؟
    خالد/هيفاء لا...كان حلم ماهو بواقع؟؟؟لاتحرميني منه؟
    هيفاء/ماراح تاخذه ياخالد؟
    خالد/لاتخلينا نقلبها عناد؟؟مثل ماانتي امه وتحبينه انا بعد ابوه وابي اخليه معي؟؟
    هيفاء/خالد....انت مااكتشفت ابوتك ناحيته الا متاْخر فلا تقعد تمثل لي دور الاب
    المثالي!!!!خله معي انا ماخذة اجازة علشان اقعد معه فلو سمحت خله معي؟؟؟
    خالد بنفاذ صبر/انا بعد اليوم ماداومت بالشركة علشان اكون معه؟؟؟؟وين الحل؟؟؟؟
    هيفاء/........
    خالد/..........
    كانوا واقفين وهم يناظرون بعض وعبود بينهم...
    الجدة/تدرون شلون نطلع مع بعض كلنا علشان عبود؟
    هيفاء/لا...عبود اليوم مايطلع من البيت؟
    خالد لف لها/علامك انتي!!!!وش اللي بيصير له يعني؟
    هيفاء/خالد..خلاص انتهينا؟
    خالد/لا ماانتهينا..اذا كان في شي مقدر ومكتوب له بيجيه ولو هو نايم بفراشه وانتي عارفة
    ها الشي زين ياهيفاء؟؟
    هيفاء/ولو ياخالد...على الاقل قدر مشاعر الامومة اللي عندي..والله اني ماودي يطلع من
    البيت اليوم ابدا!!!!
    خالد باستسلام/طيب.........
    عبود/البس نعالي؟
    خالد/بس انتي قوليله انك انتي اللي ماتبينه يجي معي؟؟؟
    هيفاء/عبود...بابا خالد بيروح الشركة اللحين اذا خلص من الشركة بيمرك ياخذك زين؟؟
    عبود/ها....متى؟
    هيفاء/اذا خلص شغله بيجي لك ....
    الجدة/وليش يعني هو مايقدر يقعد معه بالشركة ؟؟؟دوري حجة ثانية يصدقها؟
    عبود/ابي اروح الشركة جدتي تقول يروحون عادي؟
    هيفاء/جدتي؟؟؟توه بيقتنع انتي .....استغفر الله؟طيب شوف اللحين الشمس حارة ماتقدر
    عليها بعدين يعورك راسك صح ولا غلط؟؟؟اذا راحت الشمس بيجي بابا خالد ياخذك طيب؟
    الجدة/هو وين بيروح بس!!!!من السيارة للشركة ومن الشركة بيوديه الالعاب؟؟
    عبود/أي السيارة مافيها شمس؟؟؟؟؟
    هيفاء/اوف ياربي.....قول شي ياخالد؟
    خالد كتف يدينه/انتي اللي ماتبينه يجي معي انتي اللي دبري حالك؟
    /////////////////////////////////////////////////////////
    محمد/ردي يابنت الناس ردي......
    اوووف صار لي ساعة وانا ادق عليها ماهي راضية ترد؟؟؟؟
    لايكون جدتي طينت الموضوع مثل ماقال خالد؟؟؟؟وانت امشي بعد الواحد يبي يروح بيته
    ويشوف وش صار بمستقبله وانت ناسي نفسك عند الاشارة؟؟؟؟؟؟
    حس انه ماخذ لف حول العالم من كثر مااعصابه مشدودة يبي يرد البيت ويخلص الموضوع
    اللي علقه فيه خالد؟؟؟
    واول مادخل البيت نادى الجدة...
    ام محمد/خير يمه شتبي بجدتك؟
    محمد ارتبك/ها...لا..انا كنت ابيها بسالفة وعدتني فيها؟
    ام محمد/جدتك واعدتك بسالفة؟؟؟اجل ترحم عليها ماتصير هاذي ماتحط يدها في شي
    الاتخربه؟؟
    محمد/يمه لاتخوفيني؟
    ام محمد/وانت مالقيت غير جدتك تبيها تساعدك يامحمد؟؟؟
    محمد/هي قالت لي عن الموضوع وانا ماحبيت اردها؟؟؟وينها اللحين؟
    ام محمد/بغرفتها؟
    مشى محمد بسرعة وراحت امه وراه تستفسر عن السالفة..
    محمد/جدتي..
    الجدة/هلا...
    محمد/شسويتي بالموضوع الامسي؟
    الجدة/الناس تدخل وتسلم وتسال عن الاحوال؟؟؟؟مو تدور مصالحها؟؟
    محمد افتشل بس مافي وقت يعاتبها بروحه محترق/ماعليه جدتي بس انا بالي مشغول مدري
    وش سويتي؟
    الجدة/كل خير يايمه كل خير..ان شاءالله اليوم انا وامك بنروح؟
    محمد بفرح/يعني اعتمد خلاص...
    الجدة/افا عليك بس ياوليدي بس لاتنسى الحلاوة؟
    محمد/طيب كيف اقنع؟؟ماقال شي؟
    الجدة/منهو؟
    محمد/وش اللي منهو ابوها؟
    الجدة/ابوها الله يرحمه؟؟
    محمد اختلع/وشو يعني الله يرحمه؟
    ////////////////////////////////////////////////////////////محمد زوج هنادي/داخل عليك الله يابو
    عبدالرحمان؟
    ابو عبد الرحمان/والله انا اشوف مالها أي داعي ها الحركة؟
    محمد تنهد/انت مو داري حياتي شلون صايرة؟؟؟صادتني ولاهي شايلة لي هم؟
    ابو عبد الرحمان /المفروض انكم تقعدون وتتفاهمون مو ...
    محمد/عجزت والله عجزت يابو عبدالرحمان مافي شي نافع معها؟؟؟زعلانة مووت وماهي
    راضية عني؟؟؟
    بو عبدالرحمان/امري لله جيب التلفون....
    ///////////////////////////////////////////////
    محمد/جدتي شنو يعني الله يرحمه؟؟
    الجدة/ابوها ميت من اكثر من خمس سنين؟
    محمد/جدتي؟؟؟؟؟اسم الله عليك وش فيك؟
    الجدة/انت اللي شفيك صاير مسبه منت داري بالدنيا؟
    محمد/استغفر الله....ابو خالد عايش الله يطول بعمره ويشوف عيال عياله؟
    الجدة/وش اسوي فيه انا؟؟؟؟
    محمد/........صار قلبه يدق بسرعة ومو قادر يسال أي شي خاف لاينصدم؟؟؟؟
    الجدة/شنسوي في بو خالد احنا؟؟؟؟؟
    محمد تماسك شوي/انتي منو خطبتيلي ياجدتي؟
    الجدة بثقة/فاتن بنت خالتك؟؟؟؟؟؟؟؟
    /////////////////////////////////////////////////////////
    هنادي/الو..
    بوعبدالرحمان/السلام عليكم...
    هنادي/وعليكم السلام والرحمة....
    بو عبدالرحمان/شلونك اختي ام سارة؟
    هنادي/هلا..هلا اخوي بو عبدالرحمان..شلونك وشلون العيال وامهم عساكم طيبين؟
    بو عبدالرحمان/الحمد للله.....
    هنادي/الحمد لله...امرني...
    بو عبدالرحمان /مايامر عليك عدو...بس اقول اختي الكريمة بس لو تسوين لي طريق
    عندكم وتخلين الباب مفتوح بدخل انا ومحمد؟
    هنادي بخوف/خير في شي؟؟
    بو عبدالرحمان/سلامتك بس هو تعب شوي بالشكرو وطاح علينا ونقلناه المستشفى بس
    جات سلامات...
    هنادي بخوف/محمد فيه شي ؟؟تكلم واللي يرحم والديك؟
    بو عبدالرحمان/لاتطمني اختي بس عطوه ابرة وباقي اليوم اجازة ويقولون لازم يريح عنده
    شوية ارهاق؟
    هنادي/متاْكد؟
    بو عبدالرحمان/أي متاْكد انا تحت معه بس لو تفتحين لنا بابا المجلس علشان بقعد معه شوي
    وبعدها بمشي...
    هنادي بخوف/طيب اللحين افتحه...هو جنبك اقدر اكلمه....
    بو عبدالرحمان/أي تفضلي....
    محمد بصوت يتميرض/هلا ام سارة...
    هنادي بخوف من صوته/محمد وش فيك.؟
    محمد/انتي فتحي المجلس وبعدين اقولك؟
    هنادي/ بعدها على خوفها/طيب.....
    /////////////////////////////////////////////////////////
    ام محمد دخلت بها اللحظة...
    ام محمد بخوف/متى خطبتي فاتن؟
    الجدة/انا ماخطبتها اليوم بنروح انا وانتي وبنخطبها؟؟بيني وبينك انا مقدر على القعدة مع
    اختك بروحنا ولا كان من زمان خطبتها؟؟؟
    محمد كان جثة هامدة بذيك اللحظات!!!
    محمد /انتي رحتي امس بيت عمتي شسويتي؟؟؟
    الجدة/قلت لهم انك خطبت فاتن؟؟؟
    ام محمد/بس ليش ياخالتي؟؟
    الجدة/علشان اذا مها حاطتك في بالها تشيلك منه؟؟عرفت شلون؟
    محمد بصدمة/بس ياجدتي انا ابي مها؟؟؟؟؟
    الجدة/..............
    ام محمد/استغفر الله العظيم؟؟يعني اللحين لو نقول لها ان محمد يبيك ماراح تصدق بتقول
    خطب بنت خالته ويوم ماوافقت خطبني انا؟؟؟
    لف لها محمد وهو الزعل كله بعيونه مثل الطفل اللي انسرقت لعبته......
    الجدة/ادري ان محمد يبي مها ماني مدمغة؟؟
    ام محمد بقهر/وليش تروحين تقولين ان ولدي خطب بنت خالته بالله يوم انك تعرفين؟؟؟
    الجدة/لانه مالازم ياخذها؟؟؟؟مثل ما ابوهم كسر قلب هيفاء وحرمها من خالد احنا بعد نكسر
    قلب مها ومانعطيها محمد؟؟؟؟
    قام محمد وهو مايشوف الدنيا ماعنده غير هيفاء لازم يكلمها ويقول لها تكلم مها؟؟؟الله
    يسامحك بس ياجدتي على ها العملة اللي عملتيها ؟؟؟؟
    ///////////////////////////////////////////////////////////////هند كانت قاعدة بغرفتها وتكتب في
    واجباتها قبل لايحطون الغذى لان ابوهم مابعد وصل من دوامه وجاها مسج من احمد(انا
    رجعت البارح بيت اهلي وتسامحت من ابوي وكل شي رجع مثل ماكان....حبيبتي انا
    ماابيك تزعلين مني...انا بالجامعة اللحين وبرد احمد اللي تعرفينه واللي بتحبينه ان شاءالله)
    ابتسمت من قلب يوم شافت كلامه..الحمد لله الله يهديك ويبعد عنك عيال الحرام.....
    رد جاها مسج ثاني(ماتبيني اسمع صوتك؟)
    ردت عليه هند(لا...لين اشوفك صدق منتظم بالجامعة وتعدي امتحانتك)
    احمد(أي بس كذا ظلم)
    هند(هذا اللي عندي....يمكن انت تشوفه ظلم بس انا اشوف ان هذا هو العدل تثبت لي
    تغيرك وانا بالمقابل اكلمك.)
    احمد(وش احلى من العدالة غير جورك؟تجنى ياحلو منك التجني......ان شاءالله بثبت لك
    باسرع وقت اني تغيرت واذا تبين اللحين اروح امتحن بروح ماعندي مانع؟؟؟)
    هند ضحكت عليه..مجنون ويسوي كل شي بسرعة علشان ياخذ اللي يبيه؟
    ///////////////////////////////////////////////////
    في غرفة هيفاء...
    كانت قاعدة على لاب توبها وعبود بالغرفة مقهور منها انها في النهاية ماخلته يروح مع
    ابوه....
    اخذ علبة المكياج ورماها على الارض وهي سوت روحها ماشافته...
    يوم شافها ماتحركت ولاحتى رفعت راسها اخذ صندوق الاكسسوارت وبعد رماه على
    الارض وهي ولاهي بالدنيا معه مطنشته على الاخر لانها عارفة ها الحالة وراثية من
    مشاري خاله كان كذا بصغره؟؟؟؟(طالعين على الجدة اكيد هههه)
    يوم شافها بعد مااهتمت فتح دولابها وبدا يرمي بالثياب........
    وصار شكل الغرفة تحفة وهو في قمة الغضب؟؟؟؟
    محمد دق الباب/هيفاء ممكن ادخل ؟
    شالت اللاب توب وحطته على جنب وتكتفت /تفضل,,,
    دخل محمد وهو متفاجىء من شكل الغرفة؟؟
    محمد/وش صاير؟
    هيفاء/ماعليك منه يبي يلفت الانتباه ليس الا؟؟؟
    محمد/وش يبي؟
    عبود بقهر/ابي اروح مع ابوي خالد وهي ماخلتني؟؟
    محمد/وتسوي كذا!!!!ياشينك يالكسلان؟؟؟
    عبود خلاص فتح الاذاعة/انا مو كسلالالالالالالالالان انتوا الكسلانين ابي اروح مع بابا
    خالد ماابيكم؟؟؟
    هيفاء طنشته/بغيت شي؟
    محمد/وانا اقدر اتكلم وولدك كذا يبكي؟؟؟تعالي غرفتي بسرعة؟
    طلع وطلعت وراه وعبود زادت حالته الهستيرية!!!!
    هيفاء/خير؟
    محمد/مااظن انه خير ابدا ياهيفاء؟؟
    هيفاء سكتت......
    محمد ظل يناظرها.....
    هيفاء بعد سكوت وهدوء/محمد...انت صدق خطبت فاتن؟
    محمد تنهد/انتي من قال لك؟
    هيفاء/مها؟؟
    محمد تنهد وحط راسه بين يدينه /هي مصدقة ها الكلام؟؟؟؟
    هيفاء/امس كانت بحالة هستيرية من البكي والانفعال يوم عرفت الموضوع بس
    انا.......محمد انا حلفت لها انك ماخطبت فاتن...لاتطلعني قدامها كذابة؟
    محمد برجاء/هيفاء انا ماابي من الدنيا غيرها وهي المفروض تكون عارفة بها
    الشي؟؟؟؟مدري ليه جدتي سوت كذا؟؟؟انا احب مها وماني قادر اخذها ولا...
    هيفاء/بالمختصر السالفة مو صحيحة؟
    محمد/طبعا لا.؟؟؟هيفاء انتي عارفة اني ابيها وهي بعد عارفة كيف ممكن تصدق اني باخذ
    غيرها وانا اللي قاعد انتظرها من زمان؟؟؟
    هيفاء/طيب والمطلبو مني؟
    محمد/كلميها؟
    هيفاء/شقول لها...
    محمد/انا من الصبح وانا احاول اكلمها وماردت علي!!!!!قولي لها ان الخبر مو صحيح
    ومحمد مايبي غيرك؟
    ////////////////////////////////////////
    بو عبد الرحمان/طريق..طريق...
    هنادي/تفضل يابو عبد الرحمان تفضل..
    بو عبدالرحمان/اختي ام سارة تعالي شوي...
    تقربت هنادي من الباب وقرب يطلع/بغيت اسالك هو محمد مضايقه شي بالبيت؟
    هنادي سكتت..
    بو عبدالرحمان/يعني بصراحة هو صار له كم يوم بالشركة مو على بعضه والكل شايف ها
    الشي؟؟واليوم بعد ماطاح وتعور مارضوا يحطوها ضمن اخطاء الشركة لانه هو اللي ماكان
    منتبه؟؟؟ان شاءالله مايكون فيه الا العافية؟
    تنهدت هنادي/شكرا اخوي بو عبدالرحمانن ماقصرت؟؟؟اقعد تغذى معنا؟
    بو عبد الرحمان/ماعليه انا برد الشركة..يالله توصيني شي؟
    هنادي/سلامتك...ماقصرت...
    بو عبدالرحمان/يالله ماتشوفون شر؟

    سكرت هنادي الباب وشالت شيلتها وراحت المجلس وكان محمد هناك يكمل دوره وهو
    منبطح على الكنبة وحاط يده على راسه ومغمض عيونه...
    ركعت لين وصلت لمستواه وحطت يدها على يده وهمست بخوف/محمد..
    شال يده من على راسه وصار يناظر بشكلها اللي كان خايف ومرعوب ودموعها بعيونها...
    محمد/انا مافيني شي لاتخافين؟
    هنادي بصوت مبحوح/متاْكد؟؟؟
    محمد غمض عيونه من جديد/أي بريح شوي...
    هنادي/طيب وش قال لك الدكتور؟
    محمد/قال لي هذا كله ارهاق وتعب من التفكير ريح بالك وبتكون بخير؟
    هنادي/وانت وش اللي حادك على التفكير والتعب؟؟؟صحتك اولى من كل شي بالعالم؟؟؟
    //////////////////////////////////////////////////////
    مها كانت قاعدة بالمطبخ ودخل خالد ومبين انه متضايق...
    قعد قبالها..
    مها بهدوء/خير؟
    خالد/ها..ولاشي...
    مها/مو مبين والله..مبين ان في اشياء كثيرة ومخبيها عني؟
    خالد تنهد وماعلق بشي..
    مها/خالد اذا ودك تتكلم فاانا اسمعك....
    خالد بانفعال/متضايق......متضايق حييل من كل شي؟
    مها/والاسباب.......
    خالد/هو ولدي بعد...مايعني اني اكتشفت ها الشي متاخر ولاحبيته من ولادته!!!يظل
    بالاخير ولدي ومن حقي اني اخذه وقت ماابي؟؟؟
    مها تسندت على كرسيها/يعني رحت تاخذ عبود وهيفاء مارضت؟
    خالد كان يناظرها بدون تعليق.......
    مها/مدري شقولك ولا مع منو اوقف بينكم ياخالد...
    خالد كان يناظر بسقف المطبخ/القضية ماهي لعبود....القضية لمشاعري....
    مها/مشاعرك؟؟؟شلون يعني مافهمت ياخالد؟
    خالد مقدر يحط عينه بعين مها وهو يتكلم/عارف انك ماراح تصدقيني مثلها تماما!!!!بس
    وحياتك هذا الشي صار بدون اذن مني ..وتمكن فيني لين صار يسيطر علي؟؟؟
    مها بخوف/خالد وش اللي صاير؟
    خالد بانفعال/مها انا احب هيفاء!!!يمكن يكون الشي غريب بس انا فعلا احبها وماني قادر
    اصبر اكثر من كذا؟؟؟
    مها فتحت عيونها على وسعها/تحب هيفاء؟؟؟كيف هاذي تجي بالله؟؟؟ومن متى حسيت انك
    تحبها ياخالد؟؟؟؟؟
    ///////////////////////////////////////////////////
    ابو محمد/امك قالت لي..
    محمد/..........
    ابو محمد/انك تبي تخطب؟
    محمد/أي يبى.....
    ابو محمد/وانك قلت لجدتك وهي...
    محمد تنهد/الله يسامحها سوت روحها بتحل لي القضية خربتها كلها!!!!
    ابو محمد/ماعليه هي مرة كبيرة ومايناخذ بكلامها!!!اهم شي انت وش تبي ياولدي يامحمد؟
    محمد تنهد/يبى...يبى انا...طلبي شبه مستحيل...ويمكن يذلني ويذلك بعد....انا ابي مها بنت
    عمتي؟
    ابو محمد/ماعليه يايبى يامحمد...يمكن يكون ابوها تغير ومايعارض طلبنا..انت اهم شي
    تكون مقتنع وبعدها نتوكل على الله ونروح نطلبها رسمي....
    محمد/يبى...اخاف ان يحرجنا اذا رحنا له ولايقول انها....مخطوبة لولد عمها...علشان يسكر
    علينا الطريق؟
    ابو محمد/ياوليدي يامحمد اذا انت البنت قاعدة بافكارك فاول شي تسويه انك تتقدم لها من
    اهلها وتطلب ودها ..اذا رضوا اهلها ولا مارضوا هذا الشي انت مالك يد فيه لانك سويت
    اللي عليك؟
    محمد/وظنك يبى هو بيوافق ولا بيرفض؟
    ابو محمد/مدري يبى..بس احنا نكلم عمتك وناخذ منها موعد وبعدها نروح نزوره ونشوف
    وش يقول....
    /////////////////////////////////////////////////////////////////خالد/مها....انا عارف ان كلامي
    صاير مثل الصدمة لك ولها...بس وحياتك يامها هاذي عواطف انا مافيني اتلاعب فيها
    ابدا!!!
    مها/وليش تقولها بها الطريقة ياخالد؟
    خالد بحزن/لانها كذبت مشاعري؟؟؟؟على بالها ان حبي لها لعبة جديدة انا لاعبها مع ابوي
    عليها؟؟؟؟؟كيف فكرت كذا كيف؟؟
    مها/وانت زعلان من تفكيرها ياخالد؟؟؟؟؟؟وماتدري ليش فكرت كذا!!!!!انا بقولك ليش
    فكرت كذا...لان علاقتك بهيفاء من البداية ماكانت مبنية على رغبتك انت!!!بداية العلاقة
    كانت من امي ونهاية العلاقة بعد ماكانت بيدك انت كانت من ابوي!!!!!كيف تبيها اللحين
    تحسب حساب لمشاعرك وعواطفك وانت اللي ذليتها واهنتها بطلاقك منها ومااهتميت بذيك
    الساعة كيف ياخالد؟؟؟؟
    خالد/مها لاتصيرين انتي بعد ضدي؟؟؟؟؟مو كفاية عادل طول الوقت يقولي اني انا
    الغلطان!!!!!!!!!!ويكفي صدها لي وتكذيبها لمشاعري؟؟؟؟؟؟
    دق جوال مها بها اللحظات وشالته وهي عينها بعين خالد..
    مها/هلا هيفاء.....
    اول ماسمع خالد اسمها نزل راسه بالارض..
    مها/موجودة ليش تسالين؟
    أي...يعني.......طيب وليش هي قالت ها الحكي؟......وشنو بعد؟.....اكيد.......طيب بعدين
    احاكيك؟؟؟؟؟؟؟
    خالد/وش تبي منك؟
    مها/لا ابدا سالفة عادية..
    خالد/اممم وها السالفة العادية طبعا فيها محمد والخبر صحيح ولالا؟
    مها تنهدت/خالد.....انا بس استغربت من الخبر يعن انا عارفة ان مافي توافق بين محمد
    وفاتن يعني كيف راح يرتبطون مع بعض؟
    خالد/لا يامها انتي تحبينه وكنتي خايفة يكون ها الخبر صحيح؟؟
    مها تنهدت وماقدرت تعلق بش بعد....
    //////////////////////////////////////////////////////////////هنادي/محمد...محمد...
    فتح عيونه وهو مسوي انه كان نايم قبل شوي....
    هنادي/يالله قوم جبت لك شي بسيط تاكله...مايصير تظل كذا...
    محمد بصوت يتميرض/هنادي اللي مايصير ان احنا مانقعد نتفاهم مع بعض ونظل كذا!!!!
    هنادي حطت الصينية قريبة منه ومسكت الملعقة بصحن الشوربة وقربتها منه وهو مسك
    يدها بالملعقة..
    محمد/اذا خايفة علي خلينا نتفاهم بالاول ياهنادي؟
    هنادي بصوت ضعيف/شعليه نتفاهم وانت تعبان يامحمد!!!الله يخليك تبعد كل شي عن
    تفكيرك اللحين وتهتم بصحتك وبس!!!
    محمد بعناد/لا...يانتفاهم ياتركيني بروحي ياهنادي؟؟؟
    هنادي/محمد..
    محمد/عمري انتي...والله اني مقدر افرط فيك ولابلحظة وحدة!!!انا اسف على تفكيري
    الاناني بلحظة من اللحظات ناحيتك واوعدك لو شيصير بالعالم مااتخلى عنك ابدا ولا افكر
    بغيرك ياقلبي...يكفيني من الدنيا شوفتك انتي وسارة مرتاحين والله يكفيني؟؟؟؟؟؟؟
    حطت الملعقة من يدها وصارت تناظر بالصينية..هذا هو حبيبيها وزوجها وابو بنتها...قدام
    عيونها وتعبان ويعتذر لها عن اللي صار ويوعدها بكل اخلاص انها ماراح تندم اذا عطته
    ها الفرصة؟؟؟خلاص المفروض انها تسامحه؟؟؟وتعطيه ها الفرصة ليش بعد ها العناد هذا
    كله؟؟؟هي تسامح كل الناس اللي حواليها؟؟حتى محمد اخوها اللي طردها من البيت ماهي
    شايلة عليه بتشيل على زوجها وهو بين يدينها ويعتذر لها بين كل لحظة والثانية!!!
    وش اللي قسى قلبك كذا ياهنادي......خلاص سامحيه وعطيه ها الفرصة ...هو طول عمره
    ماغلط معك...تذكري دايما مواقفه الزينة معك ولاتذكرين غلطاته علشان تعرفين تكملين
    حياتك بهدوء وسكينة....
    رفعت راسها علشان تقوله انها سامحته خلاص وفجاْة انربط لسانها بعد ماجامن وراها
    صوت عمتها..
    ام محمد/محمد يمه..سلامات؟؟؟عسى ماشر؟
    ///////////////////////////////////////////////////////////في غرفة مشاري....
    مشاري/لاعبود هاذي جيبها هنا..
    عبود/طيب وهاذي...
    مشاري/هاذي خليها على جنب ضمن الاشياء اللي برميها؟
    دخلت الجدة/شتسوي انت بغرفتك؟
    مشاري/اوف شوفت عينك ارتبها صايرة زبالة؟؟؟
    الجدة/طبيعي بتصير زبالة منو اللي عايش فيها غيرك؟؟؟؟؟
    مشاري فتح الباب معليش جدتي غرفتي فيها مواد كيماوية واخاف تتسممين اذا شميتيها؟؟؟؟
    سكر الباب وراها وهو ياشر لعبود ان الجدة مغثة مووت وماتنطاق!!!
    ورجعت تفتح الباب بعد ماسمعت صوت عبود يضحك..
    الجدة/اقول ياالساقط.....
    مشاري/نعم نعم؟؟؟خير ان شاءالله قولي؟؟
    الجدة/هههه عجبتني مووت سالفة الساقط...شرايك تخليها بتوقعيك بالمنتدى؟
    مشاري/والله!!!تدرين انك ظريفة؟
    الجدة/كم مادة ساقط فيها؟
    مشاري/وش تبين انتي بالله؟
    الجدة/جاية اتطمن عليك قلت يمكن نفسيتك بعدها تعبانة من رسوبك بالمدرسة؟
    مشاري رجع سوى فيها نفس الحركة طلعها وسكر الباب..
    عبود/قفل الباب احسن؟
    مشاري/المشكلة مدري وين المفتاح الصباح كان هنا اكيد هبة شالته؟
    الجدة افتحت الباب من جديد/لا مو هبة اللي شالته انا اللي شلته قلت انت بعدك مراهق ليش
    تقفل غرفتك بالله؟؟؟
    مشاري/اللهم طولك ياروح؟؟؟انتي وش تبين مني؟؟
    الجدة /ووين تبيني اروح بالله!!!
    مشاري/وش ها السؤال السخيف؟
    الجدة/مو انت اللي سالت وش ابي منك؟
    مشاري/طيب......روحي قعدي مع غيري وخليني اخلص ترتيب غرفتي؟
    الجدة/امك وابوك قاعدين بغرفتهم دقيت لهم الباب مليون مرة بعصاتي ومافتحوا!!!!
    مشاري/استحي عاد داقة عليهم الباب بعصاتك؟؟؟
    الجدة بدون اهتمام/ومحمد اخوك مسوية فيه خير ورحت ادور مصلحته وخطبت له بنت
    خالته وكاهو قالب الخلقة علي ومن يشوفني قام من المكان اللي انا فيه؟؟
    مشاري/ماينلام والله ليش انك منتي وجه خير ابدا؟؟؟
    الجدة/وهيفاء بعد..بسوي فيها خير وبخلي زوجها يرجعها زعلت مني ومن الصبح
    ماتكلمني!!!!
    مشاري/لاتعليق؟؟؟
    الجدة/عاد وذيك اللي بتموت على نفسها تقول عندها امتحان وخلصت واجباتها ونامت
    علشان تقعد الليل تذاكر مدري من وين جايبة ها الموضة بعد؟؟؟وفار بيتكم قاعدة تشاهد وانا
    مالي خلق الكرتون اللي تشاهده؟
    مشاري باهتمام/ليش شتشاهد؟
    الجدة بقهر/وحدة ماتعرف تتدلع ولاشي!!!مسوية روحها مافي الا هي عندها ابو يحبها
    وعنده فلوس ووداها لندن؟؟؟؟سالي مدري وش خلقتها؟؟اكرهها موووت بس ياليت ظلت
    طول عمرها شغالة ومارجعت تصير غنية؟؟؟؟؟؟
    مشاري/والله في الواقع ياجدتي انتي صعبة جدا؟؟؟؟حالتك النفسية كل مالها وتصير في
    الحظيظ؟؟؟يعني مو معقولة باخر عمرك بتغارين من سالي!!!!!!
    ************************************************** ***



    البارت السادس والاربعين,,,,,
    ///////////////////////////////////////
    الجدة/وش دعوة اغار منها انا احلى منها بمليون مرة؟؟؟قال شعرها اسود وناعم
    قال؟؟؟ماشافوا الشعر الزين شلون؟؟؟
    تعال شوف انا شزين شعري بس؟؟؟
    وسندت عصاتها على الجدار وفتحت ملفعها علشان تطلع شعرها اللي طلعت ريحة الزيت
    اللي فيه من فتحت الملفع...فكت جدايلها ونكشت شعرها وعبود لزق في بنطلون مشاري
    وهو شبه خايف...
    كملت فك جدايلها ونكشت شعرها بيدها وارتفع للسقف؟؟؟؟؟
    عبود بخوف/لاليوه...عو...عو..؟؟
    مشاري وهو مسوي روحه خايف/أي والله عو؟؟؟؟عبود امسكني زين؟؟؟
    ومسك يد عبود بقوة وصرخ/يمه لحقي علي؟؟؟في وحش طب بغرفتي بالغلط ,وباينته مو
    من الارض شكله من المريخ لو من بلوتو؟؟؟؟
    وطلع وهو يركض مع عبود؟؟؟؟؟؟
    /////////////////////////////////////////////////
    في غرفة مها....
    من كلمتها هيفاء تقولها ان الخبر مو صحيح وهي مترددة ترد على مكالماته ولالا؟؟لاسيما
    ان دز لها مسج اعتذار لانه مايدري بنية جدته ولا ماكان جابها من الاساس وبعدها اتصل
    مرتين وماردت عليه....شوي وشوي وهي دزت له مسج...(تحرق اعصابي وطبعا
    مادريت...ان قلبي من كثر همه يذوب,,,همت في حبك ولاغيرك رجيت,,,شفت في بعدك
    عذاب من كل صوب!!!)
    علطول اتصل فيها محمد وخلته شوي يدق لين طلعت روحه وبعدها شالته.,,,,
    ///////////////////////////////////////////////////////////لفوا ثنينهم على صوت ام محمد اللي
    كانت داخلة مع سارة....
    ام محمد/عسى ماشر يمه وش فيك بنتك تقول انك مريض!!!!!
    تنهدت هنادي؟؟؟هي عارفة انها اكيد شافت بو عبد الرحمان داخل معه ولا سارة من جت
    من مدرستها مانزلت تحت!!!
    محمد اعتدل في قعدته وماتمنى دخلت امه اللحين ابدا!!!/هلا يمه حياك....
    كانت امه تناظر بهنادي..../شكلي مو مرغوب فيني في بيتك؟؟؟عموما انا كنت جاية اتطمن
    عليك وبس!!!
    هنادي/حياك خالتي البيت بيتك ليش واقفة عاد؟؟؟؟
    ام محمد/ماشفتك قلتيلي دخلي وبيني وبينك انا مااحب احشر روحي؟؟؟؟؟
    محمد/شها الكلام يمه البيت بيتك؟؟؟
    دخلت ام محمد وقعدت جنب محمد/عسى ماشر....
    كانت امه عن يمينه وهنادي عن شماله....
    محمد بضيق/لا بس تعبت شوي...ام محمد/انت بعد الله يهداك...ماتنتبه لنفسك ولاتريح
    نفسك ابدا!!!اي يامحمد لو الدنيا دنيا كان اللحين عندك عيال يشيلونك لاتعبت ولامرضت
    ولا بنيتك بكرة اذا كبرت مردها لبيت زوجها وانت بتقعد تصفق يدينك ببعض!!!
    لف محمد على صوت الصينية اللي طاحت بما فيها وتكسرت؟؟؟؟؟؟؟؟؟؟؟؟؟وهنادي
    دموعها واقفة بعيونها............
    هني بس ارتبك وماعرف شيقول ولا شيسوي امه الله يهداها دايم تفتح ها الموضوع قدام
    هنادي رغم انه منبه عليها الف مرة ودايم تقول من حرقتها عليه؟؟؟؟؟؟
    ام محمد بدهشة/عسى ماشر؟؟؟ماتشوفين ولامانتبهتي؟؟؟؟شوفي نعمة الله كيف مرمية على
    الارض؟؟؟؟
    هنادي بهدوء/معليش اسفة طاحت مني بالغلط؟؟؟؟؟
    بقوم احط لك وكل بالمطبخ على ماانظف المكان واجهزه...
    ام محمد/ليش انت مابعد تغذيت يمه؟؟تصدق حتى انا ماتغذيت عمتك اليوم عندنا وخذتنا
    السوالف وماطبخت؟؟اقول هنادي حسبي حسابي بتغذى مع ولدي وبدق على عمته ام ياسر
    تركب تتغذى معنا علشان نفتح نفسه؟؟؟؟؟
    هنادي/؟؟؟؟؟؟؟؟؟؟
    ///////////////////////////////////////////////////
    عبود/ماما شفنا عو بغرفة لاليوه؟
    مشاري وهو مسوي روحه مرعبو/مابي اطب الغرفة مرة ثانية؟؟؟داخلها اهل الارض اللهم
    ياكافي!!!
    هيفاء/وشفيك انت معه؟؟؟
    عبود/الجدة صارت عو؟؟؟
    مشاري/ههههههههههههههه
    هيفاء/مشاريوه قول الصدق وش مهببين انت معه؟
    مشاري/تدرين راحت علي اصورها كيف نسيت بالله؟؟؟جيبي جوالك بصورها للذكرى
    وبعرضها على سينما هوليوود للافلام المرعبة؟؟؟
    هيفاء/مشاري اعقل ترى
    مشاري/اجل ماحد يكلمها بالبيت؟؟احسن تستاهل عساها من ذا وزود ان شاءالله؟
    هيفاء/مشاري عيب مهما كان هاذي مرة كبيرة؟
    مشاري/تذكرين يوم تجين تساليني اذا كنت انا اللي اقول لعبود الكلام اللي يقوله لك
    ولالا؟؟مو قلت لك احلف لك يمين انها هي اللي تقوله وقلتيلي لاتحط بذمتك جدتي مو راعية
    ها السوالف؟؟؟طلعت راعيتها ولالا؟؟
    هيفاء/لاتهذر واجد بكبري مالي خلق شي بالدنيا متى ينتهي اليوم ويجي اليوم اللي بعده؟
    مشاري/انا بقوم اصورها قالت شنو قالت احلى من سالي؟؟؟؟لاتعليق بعد شقول؟؟؟؟؟
    /////////////////////////////////////
    محمد بلهفة/حبي مها...
    مها بهدوء تدربت عليه ساعة قبل لاترد/نعم...
    محمد/افا عليك بس كذا تسوين فيني؟
    مها بلا مبالاة بس مو من قلبها/مبروك..وصلني خبر خطوبتك؟؟
    محمد بانفعال/لا يامها لاتصدقين؟؟؟مو صحيح ها الموضوع ابدا!!!!!انا ماقلت لجدتي تقولك
    ها الشي هي من راسها راحت وقالت لك؟؟؟؟؟؟
    مها/..........
    محمد بخيبة امل/هيفاء ماكلمتك وقالت لك؟
    مها/بلى كلمتني وقالت لي بس مدري حاسة نفسي مو مقتنعة؟؟؟؟
    محمد بعده بخيبة الامل/شلون يعني؟؟؟؟
    مها/انسى الموضوع بغيت شي مني؟
    محمد بصدمة/مها وشفيك؟
    مها/مافيني شي بس راسي يعورني واليوم عندي موعد علشان افك الجبيرة وابي اريح قبل
    لااروح المستشفى؟؟
    محمد بهمس/مها....انتي فيك شي ..صوتك مو طبيعي؟
    مها/قلت لك مافيني شي صدقني بروح اريح واذا رجعت من المستشفى انا بكلمك؟؟؟مع
    السلامة..
    قفلت الجوال حتى قبل لايقولها الله يسلمك...كانت تبي تعطي دموعها الحرية بانها تنزل
    على راحتها وبدون مايسالها احد عن الاسباب؟؟؟محمد...ياصديق الطفولة وصحبة الصبا
    وحب الشباب!!!يانبض قلبي ودف ءمشاعري؟؟سامحيني يالغالي بس ماني قادرة تعبت والله
    تعبت...حتى مافكرت تقولي انا ابيك انتي مو غيرك !!!!!انا ماراح اتزوج غيرك
    يامها!!!خليني ابعد عنك وارتاح كذا ماراح ينفع انت منت ملمح لموضوع الارتباط لامن
    قريب ولا من بعيد ابدا!!!سامحني حبيبي بس والله ماعدت اقوى اكثر من كذا احس نفسي
    مخنوقة وانت اللي قاعد تخنقني؟؟؟؟؟؟؟
    ///////////////////////////////////////////////////////
    كانت تشوف لمتهم من بعيد لبعيد وهم قاعدين ببيتها وياكلون من اكلها ويحشون بهذا
    ويتكلمون عن ذاك؟؟؟وبنفس الوقت ماهم طايقينها!!!!هم اللي دخلوا الفكرة براس محمد
    واللي غيروه عليها؟؟؟اه من غدرك يازمن رجال ومرته مرتاحين بعيشتهم ليش تدخلون
    بينهم بس وش بتستفيدون من زواجه بوحدة ثانية وانقسام حياته!!!!!!!!!
    انتبه محمد على نظراتها اللي من بعيد لبعيد ورفعت ام ياسر عيونها وشافتها واقفة تناظرهم
    من الصالة وهم بالمطبخ...
    ام ياسر بحدة/شدعوة ياحافظ محنا ضيوفك وفي بيتك ماتبين تقعدين معنا؟؟ظ
    ام محمد/البيت بيت ولدي محمد بغت تقعد حياها الله مابغت بكيفها ماحد متشوفق على
    قعدتها؟؟؟؟
    ام ياسر/أي بس السنع والاصول يقولون اذا جووك ضيوف قعدي معهم مو كفاية معيشة
    ولدنا بجحيم ومرضته؟؟وتخزينا من بعيد لبعيد؟؟؟
    لها الكلمة وبس واخذت بعضها ودخلت غرفتها ..هم اللي خربوا بينها وبينه...قبل لاتجي
    امه بس كانت بتقول له انا سامحتك وخلينا نرد مثل ماكنا ويادار مادخلك شر!!!
    بس اللحين ادركت ان السالفة اكبر من انها تسامحه وتنسى...المسالة تتعلق بباقي حياتها اذا
    عاشتها على ها الوضع!!!بتتعب كثير وماراح تقدر تتحمل ككلامهم باقي عمرها والاكيد ان
    اللي بيكون جاي اكثر؟؟؟؟
    اه يامحمد..والله اني احبك واعزك واحترمك..بس شقول حسبي الله على اللي حال بيني
    وبيك!!!!!
    ///////////////////////////////////////////////////////////
    احمد/لاتقولين بعدك نايمة؟؟؟بذبحك ترى؟
    هند بزعل/لاقاعدة ماني بنايمة؟
    احمد/وش فيك اسم الله عليك تتراقص شياطينك قدامك؟
    هند/ولاشي..
    احمد/قولي بس قولي منو طاقك؟
    هند بعصبية/ماحد طقني؟
    احمد بمرح/لاوالله شكله خالي ناسف غترته على ضهرك؟؟اعترفي بس يالله؟
    هند/قلت لك محد طقني هذا محمد مدري وش فيه معصب وحط ناره فيني انا؟؟؟
    احمد بجدية/وش قال لك؟
    هند//ماابي اقول؟
    احمد/واذا قلت لك اني ملزم اعرف؟
    هند/ماابي اتكلم بخصوصيات بيتنا؟
    احمد بنرفزة/طيب يامحمد تشيطر على هند وبتشوف؟؟؟
    هند/شتقصد؟
    احمد/تبين شي من سعد الدين؟
    هند/ها..
    احمد/انا واقف عند سعد الدين تبين شي اجيبه لك لاني بجي بعد شوي بيتكم؟
    هند/اممم..شيز كيك بالتوت؟
    احمد بحب/تبيني انا ولاهي؟
    هند بعصبية/خلاص ماابي شي انا الغلطانة...
    احمد/هههههههههههههه
    ////////////////////////////////////////////
    هنادي/طيب حرف السين حرف شنو؟
    عبود/السمكة؟
    هيفاء/شاطر ياقلبي...طيب وحرف الدال؟
    عبود/اممممممم دانيت...
    هيفاء/ههه وغيره؟
    الجدة/ليش ولدك يعرف غير الاكل بحياته؟
    هيفاء كانت مطنشة الجدة على الاخر والجدة مافي كرامة ومصرة انها ماغلطت ابدا!!!
    هيفاء/وغيره حبيب فكر....حيوان بحديقة الحيوان كبير يخوف...
    عبود/دب...
    هيفاء/شاطر حبيبي تعاتل ببوسك..
    الجدة/الدب اللي انت مثله كل مااكلت صرت مثل جسمه؟؟؟بس انت اخر شي بتنفجر؟
    هيفاء/طيب واحد اذا جمعناه مع الثلاثة كم يعطينا؟
    عبود مد اصابعه/هذولا كم شوفي..
    هيفاء مسكت اصابع يده/انت عدهم...هذا واحد..وهذا اثنين وهذا ثلاثة..وهذا واحد..كم
    صاروا؟
    عبود/اربعة؟
    هيفاء/ياقلبي عليك؟طيب اثنين نجمعهم مع اثنين كم يعطونا؟
    عبود/هذا واحد..وهذا واحد وهذا واحد..وهذا واحد..اربعة....
    هيفاء/ياعمري انت ..
    عبود/مامما هيفاء انتي ماعندك راي تمشين عليه؟قبل شوي جمعنا الواحد مع الثلاثة
    وصاروا اربعة واللحين جمعنا اثنين مع اثنين وصاروا اربعة بعد!!!
    هيفاء/هههه تدري انك قشطة...تعال ببوسك...
    اخذت عبود وحضنته بقوة وقامت تبوس فيه وهو معترض يبي يقوم..
    عبود/فكيني..لا فكيني ماابيك تبوسيني انا صرت رجال؟
    هيفاء/والله!!يعني بكرة ماتبي تروح معي للكورنيش اذا رحت مع فاتن؟
    حضنها عبود بقوة وهو اللي قام يبوسها/انا كنت امزح معك ماما ..انا بعدني صغير؟؟؟
    هيفاء/ههههههه
    الجدة/والله مالكم سالفة كل شوي وتحضنون في بعض وتبوسون بعض؟؟؟مصاخة؟؟؟؟
    دق جوال هيفاء وكان خالد داز لها مسج(اذا صارت لك رغبة تخليني اشوف عبود ترى انا
    بكون منتظر لاني بجد ودي اشوفه)
    ردت عليه(اليوم لاتنتظر مااتوقع...بكرة فيك تشوفه مثل ماتبي)
    دق جرس الباب ومشاري كان بالحديقة وهو اللي فتح الباب ودخل بعدها الصالة
    مشاري/هيفاء روحي غرفتك هذا احمد ولد عمتي جاي ويقول بيسلم على جدتي وبيمشي؟
    هيفاء/بقوم انت اقعد سلم على عمك طيب...
    ركبت غرفتها ونزل محمد بيطلع...والتقى باحمد اللي عيون الجدة زاغت من شافت اكياس
    سعد الدين بيده وقامت تهلل وترحب...
    محمد/استريح ليش مستعجل؟
    احمد/لا معليش وراي مشوار للمستشفى؟
    محمد/عسى ماشر؟
    احمد هس لمحمد/لاوالله بس يد مها اليوم بيفكون الجبيرة من على يدها وخبرك انا اللي
    كاسر يدها ياليتني بس موتها وافتكيت منها...
    محمد بعصبية/وش ها الكلام يااحمد؟
    احمد بضحكة وهو مستغرب من نفسه/بيني وبينك البنات مايجيبون غير الهم بالدنيا!!!!تبين
    شي ياجدتي؟
    الجدة/سلامتك يالحنون سلامتك؟(قالتها وهي حاضنة اكياس سعد الدين )
    طلع احمد وترك محمد يغلي بناره...احمد هو اللي كسر يد مها؟؟؟معقولة؟؟طيب وليش
    ماقالت لي؟؟؟؟معقولة كانت منحرجة تقولي ان اخوها هو اللي كسر يدها؟؟؟؟؟
    ///////////////////////////////////////////////////////////////دخل محمد الغرفة بعد هنادي بشوي
    وكانت واقفة عند الباب بدون ماتتحرك ودموعها طايحة على خدها...
    محمد بخوف/هنادي.....انا اس...
    هنادي بانفعال/محمد هي كلمة وحدة وريحني عاد؟؟
    محمد/.......
    هنادي بعد تردد طويل/طلقني....طلقني وخليني ارتاح وريح نفسك؟؟؟؟انا ماعدت طايقة
    نفسي ولاعيشتي بها الوضع ابدا!!!!كنت احلم بالبيت اللي بنتقل له وبخلص من ها
    الوضع؟؟وكاهو البيت راح...يعني ماراح اقدر اكمل باقي عيشتي كذا وبها الطريقة...فاالحل
    الانسب لك ولي ان احنا نعيش كل واحد بحاله وبطريق منفصل عن الثاني يامحمد؟؟؟تكفى
    طلقني وريحني؟؟؟؟
    محمد/؟؟؟؟؟؟؟؟؟؟؟؟؟؟؟؟؟؟؟
    //////////////////////////////////////////////////////////////اليوم الثاني على الكورنيش بعد صلاة
    المغرب....
    فاتن/هيفوا..وين عبود ماقلتيلي انك راح تجين معه؟
    هيفاء ناظرت بالجهة الثانية اللي فيها مراجيح وكان عبود يلعب مع ابوه خالد.....
    فاتن/ماقلتيلي انه بيكون موجود؟
    هيفاء/انا بعد مدري عنه....كلمني العصر وقال انه يبي يشوف عبود قلت له انا ماراح ارد
    البيت بطلع من المستشفى على الساعة سبع وبروح الكورنيش امشي ساعة مع فاتن وبعدها
    برد شوف انت متى يناسبك...الظاهر انه عجبته الفكرة و..
    فاتن قعدت جنبها/وش فيك زعلانة ومضيقة خلقك؟
    هيفاء بضيق/ولاشي؟؟
    فاتن/كذبي على العالم بس مو علي؟؟؟
    هيفاء بضيق/طول الامس وهو يبي ابوه ويحلم فيه....واليوم يوم جيت هنا وشفتهم ماكانه
    يعرفني ولاحتى ناظر بوجهي ولافرح يوم شافني لازق في ابوه وخايف انه يتحرك خطوة
    عنه؟؟؟؟عبود تعلق بابوه وشكله بيتركني يافاتن؟
    فاتن بضحة/وش تبين فيه يبنت الناس خله يولي مع ابوه؟؟؟؟وافتكي من همه ومن مشاكله
    وانبسطي,,,مسوية روحك بنت اربعين سنة وانتي توك يادوب على عتبات العشرين
    ياهيفاء مايصير كذا؟؟؟خلاص خلي خالد يتحمل مسؤليته وانتي فكري بحياتك؟؟
    كانت هيفاء تسمع وهي شاردة..شتقولين يافتن وانتي
    مو حاسة بااحاسيسي ومشاعري..انا ام..وجبته بروحي بعيد عن ابوه وربيته لين كبر
    وعرف الالف من الباء والواحد من الاثنين؟؟؟مايجوز يجي خالد ويغيره علي بها السرعة
    مايجوز؟؟؟؟
    فاتن/ياعالم ياناس؟؟وين سرحتي بالله؟
    هيفاء/ولاشي...بس كنت اقول ربينا ودلعنا وقلنا النهاية خير...واخرها بايعنا ورايح لحضن
    الغير؟؟؟
    فاتن/من صدقك انتي؟؟؟؟
    عبود/ماما...
    لفوا ثنتينهم لعبود اللي كان واقف وراهم وخالد بعيد عنه شوي...
    هيفاء/هلا حبيبي...
    عبود/وش تبين تاكلين؟
    هيفاء/ماابي شي انا شبعانة؟
    عبود باصرار/لا..لازم تبين شي؟
    هيفاء/قلت لك ماابي شبعانة؟
    عبود/فاتن قولي لها...البابا قال لي بيشتريلي وبيشتريلك بعد؟
    هيفاء/قوله امي موراضية؟تقول انها اكلت بالمستشفى عطيني بس انا؟
    فاتن/ماتبي ترجع البيت احنا بنرجع اللحين؟
    عبود/لا بنام مع بابا خالد؟
    هيفاء/ومين بيقولك قصة قبل لاتنام ؟؟
    عبود/مو لازم اسمع قصة قبل لاانام!!!!
    هيفاء كبتت زعلها بقلبها وقالت لفاتن تقوم لانها ماتبي تطول الجو حار؟؟
    فاتن/يالله...
    خالد شافهم واقفين ...
    خالد/على وين ؟
    هيفاء بعصبية بوجه خالد/على جهنم الحمرة انت وش لك فيه؟
    خالد وقف مكانه...وقال بزعل/انا اسف اذا كنت زعلتك يوم جينا هنا..بس توقعتك تفرحين
    اذا شفتي عبود يلعب قداامك؟
    هيفاء بقمة العصبية/افرح؟؟؟تبيني افرح اذا شفت ولدي يضيع مني ويروح لك؟؟؟
    خالد جمد مكانه وعبود لزق في ثوب ابوه وفاتن نزلت راسها...
    كانت هيفاء تتكلم بصوت عالي وبانفعال وقهر...
    هيفاء/وش تبي؟؟قول وش تبي قول وش تبي تبي تاخذه عندك وتنسي وجودي؟؟اخذه
    ماعدت ابيه ولاراح اسال فيه حتى اذا كان هذا بيرضيك؟؟؟؟بس لاعاد اشوف وجهك باي
    مكان اروحه ياخالد؟؟؟
    خالد تنهد بقوة ومسك يد عبود وجابه لعندها وحط يد عبود في يدها ومشى وسط بكي عبود
    وهو ينادي خالد...
    فاتن بهدوء/هذا ولدك عندك وش تبين بعد!!!!
    هيفاء بعدها في نيرانها ماهدت قعدت على الكرسي وقامت تبكي....
    ////////////////////////////////////////////////
    سارة دقت باب الغرفةوقالت من ورى الباب/بابا امي العودة تبيك؟
    هي هذا بعد اللي كان ينقصها هم عارفين ان جاي يراضيها وماتحملوا يدخل يراضيها لازم
    يخربون كل شي..
    قالت له بعصبية/روح لهم يامحمد روح وطول منت قاعد معهم فكر بكلامي زين واذا حاب
    تشاورهم بعد ماعندي مانع!!!!
    قالت كلامها وطلعت من الغرفة بسرعة وسط سكون محمد واستغرابه من طلبها؟؟؟بينهم
    مشكلة أي نعم بس ماتوصل انها تطلب الطلاق؟؟؟هاذي عويصة ؟؟؟؟؟
    ///////////////////////////////////////////////////
    احمد ومها بالسيارة..
    احمد/كيف تحسين؟
    مها/عادي...مايفرق الالم عن غيره؟؟
    احمد/وش فيك يابنت صايرة ماالك خلق على شي؟
    مها/معك حق مالي خلق على احد ولاعلى شي ابدا!!!
    احمد/من شنو يامها صارحيني انا اخوك؟
    مها/مافي شي...
    احمد تنهد/علشان محمد؟
    مها/احمد صدقني انا قط..
    احمد/مصدقك يامها مصدقك؟؟؟؟بس انتي شفيك...
    مها/مدري...بس ساعات احس انه ماراح يكون من نصيبي؟
    احمد/تبين نصيحتي يامها؟
    مها/قول يااحمد؟
    احمد/اقطعيه نهائيا من حياتك؟؟
    مها/..........انا قاعدة احاول اقطع اللاتصالات اللي بينا يااحمد؟
    احمد/اقطعيها يامها...محمد اذا يبيك يعرفك ويعرف اهلك ويدل بيتك علشان يجي
    ويخطبك..هو ماله حجة دراسة وخصل منها وظيفة وتوظف من كم سنة وكون حاله والحمد
    لله ؟؟وش اللي يخليه للحين معلقك!!! اذا هو يبيك بيجي لعندك...
    ///////////////////////////////////////////////////////////////اليوم الثاني.....
    خالد/مالي خلق اداوم بالشركة ولااشوف أي احد ياعادل؟
    عادل/زين اطلب لي كافي؟وحط رجل على رجل؟
    خالد بنرفزة/انت من صدقك.؟؟.اقولك مالي خلق شي ابدا وانت تقول اطلب لي كافي؟؟
    عادل/وانا وشعلي منك؟؟انت مالك خلق شي بس انا طالع من دوامي وجاي لعندك بشركتك
    وابي كافي؟؟؟؟
    خالد مارد عليه بس طلب من السكرتير يجيب لعادل كافي....
    عادل/خالد انت ماكلمت اختك تشوف لي بنت حلال صح ؟؟
    خالد/مافي تتزوج الا اذا انحلت مشكلتي؟
    عادل/يااخي خلني اتزوج واجيب ولد مثلك وبعدها انتظرك لين انت تاخذ هيفاء ونكمل مع
    بعض؟
    خالد/عادل والله مافيني اتحمل شي انت لو شايفها كيف كانت تتكلم معي البارحة كان ....
    عادل/طيب والحل وش تبي تسوي اللحين؟
    خالد/ابي امرض باي طريقة ياعادل دبرني؟؟؟
    عادل/وليش تبي تمرض بالله؟
    خالد/لازم اروح لها المستشفى واتكلم معها؟
    عادل/ولازم تمرض؟؟
    خالد/أي بدون مرض ماينفع؟.
    عادل بعد تفكير عميق/تبي تمرض مالك الا الخطة ب...
    خالد باهتمام/وشنهي الخطة ب؟
    عادل/هاذي تحتاج ان احنا نطلع اللحين من الشركة؟
    وقف خالد وهو كله اصرار/الله طلعنا بس اعطي السكرتير خبر....
    ////////////////////////////////////////////////////
    العنود/يعني اذا ماامرك انا هنا انتي ماتفكرين تشوفيني؟
    هيفاء تنهدت/واله ماني فاضية وحياتك..
    العنود/مصدقتك مايحتاج..المهم كيف البنات؟
    هيفاء/بخير البارح كنت مع فاتن..
    العنود/صدق شخبار نفسيتها بعد زواج تركي؟
    هيفاء ابتسمت/من صدقها بتتاْثر لانه تزوج؟؟
    العنود/هههه فاتن عليها سواي عجيبة؟انتي مو على بعضك ياهيفاء وش فيك؟
    هيفاء/ولاشي بس للحين مو قادرة اتقبل فكرة وجود خالد قريب من عبود؟؟
    العنود/هذا اللي مضايقك؟؟بدل ماتحمدين ربك انه انتبه على نفسه ودار بال على ولده؟؟
    هيفاء/الحمد لله...بس انا اخاف انه ياخذه مني؟
    العنود/هو لمح لك انه يبي ياخذه منك؟
    هيفاء/لا..
    العنود/معناته كلها مجرد اوهام في بالك؟
    هيفاء/يمكن.....اليوم ماعندك دوام؟
    العنود/ماخذة اجازة خبرك سعود يبي العرس بعد رمضان علطول ومافي وقت حق التجهيز
    ؟
    هيفاء/جد...وبديتي تجهزين؟
    العنود/شوفت عينك مابعد رحت ولاجيت البركة فيك انتي والبنات؟؟
    هيفاء/حاضرين ..وقت ماتبين دقي وبنفضي نفسنا علشانك...
    //////////////////////////////////////////
    عادل/انزل..
    خالد بدهذة/وين انزل؟
    عادل/انت انزل وبعدها اقولك وين؟
    نزل خالد ورى عادل اللي تقدم من بوفية مكسرة وحالتها لله؟
    خالد/انت وين جايبني..
    عادل فتح الباب ودخل وكان شكلها من داخل تحفة؟؟؟
    خالد باشمئزاز/انت وين جايبني الله يهداك؟
    عادل/مو تقول تبي تمرض؟؟؟خلاص مالك الا تاكل من بوفية ها الهنود الوسخة علشان
    تمرض؟؟
    خالد تلثم بشماغه وطلع..
    وطلع وراه عادل وهو يضحك/ها شكلك مو بقدها؟
    خالد/هذا مو مرض !!!هذا موت محتم وانا ماقلت لك ابي اموت قلت لك بس ابي
    امرض؟؟؟
    عادل/هههه بس والله النتيجة مضمونة ياخالد بتتنوم وبتصير تحت رعايتها واهتمامها!!!!
    خالد ركب السيارة وفي باله فكرة ثانية

    /////////////////////////////////////////////////////////
    الجدة/وين عيالك؟
    ام محمد بضيق/يعني وين بيكون خالتي الله يهداك؟؟
    الجدة/انا ادري جاوبيني؟
    ام محمد طنشت وقامت تكمل طبخها
    الجدة بصراخ/ماتسمعيني؟؟؟
    ام محمد/خالتي انتي ماتبين تتغذين؟؟خلاص خليني اكمل طبخي علشان اذا رجعوا العيال
    يكون الاكل جاهز ومااتاخر عليهم؟؟
    الجدة/مو من زين اكلك اللي تصلحينه اكل المطاعم احلى؟؟؟؟
    ام محمد/كذاّ!!!!!!! معناته اليوم انتي بسوي لك مخصوص سمك مشوي واحنا بنتغذى
    مقالي؟؟؟؟
    الجدة/مو بكيفك تتحكمين باكلي؟؟؟انا قايلة بزوج ولدي وبخليه يجيب لك شريكة تطلع
    عيونك لاني مو قادرة عليك!!!!!!!!



    البارت ماقبل الاخير,,,,
    ////////////////////////////////
    الجدة/وين عيالك؟
    ام محمد بضيق/يعني وين بيكون خالتي الله يهداك؟؟
    الجدة/انا ادري جاوبيني؟
    ام محمد طنشت وقامت تكمل طبخها
    الجدة بصراخ/ماتسمعيني؟؟؟
    ام محمد/خالتي انتي ماتبين تتغذين؟؟خلاص خليني اكمل طبخي علشان اذا رجعوا العيال
    يكون الاكل جاهز ومااتاخر عليهم؟؟
    الجدة/مو من زين اكلك اللي تصلحينه اكل المطاعم احلى؟؟؟؟
    ام محمد/كذاّ!!!!!!! معناته اليوم انتي بسوي لك مخصوص سمك مشوي واحنا بنتغذى
    مقالي؟؟؟؟
    الجدة/مو بكيفك تتحكمين باكلي؟؟؟انا قايلة بزوج ولدي وبخليه يجيب لك شريكة تطلع
    عيونك لاني مو قادرة عليك!!!!!!!!
    عبود/ماما...ابي روب؟
    الجدة/جاك الثاني انا ماعمري سمعته الا يقول ابي اكل؟؟
    ام محمد/تعال حبيبي اقعد على الطاولة وبحطه لك؟
    ///////////////////////////////////////////////////////////
    عند باب المستشفى...
    خالد اخذ زجاجة من تحت باب المستشفى وجرح يده وسط دهشة عيون عادل اللي كانت
    بتطلع...
    واول مابدا الدم يطلع خاف عادل/خالد انت جنيت؟
    خالد/هي صحيح تاْلم بس ولا المكان اللي تبيني اكل منه؟؟؟؟
    عادل/قوم خل ندخل بسرعة؟

    خالد/اصبر شوي بوسع بالجرح علشان تطلع السالفة تسوى تعنينا؟
    عادل/صدق انك مجنون ؟؟؟؟؟؟
    ////////////////////////////////////////////////////////////محمد/وكيفها يدك؟
    مها بضيق/تالمني؟
    محمد بتردد/مها...من شنو يدك انكسرت؟
    مها/قلت لك وقعت من الدرج؟
    محمد بجدية/مها لاتكذبين علي؟؟؟
    مها بانفعال/وض تقصد باني اكذب عليك بالله؟
    محمد/يعني انتي ماوقعتي واحمد هو اللي ضربك؟
    مها ماتدري ان احمد قال لمحمد السالفة
    مها/محمد انا مااحب احد يكذبني!!!!
    محمد/انا ماكذبتك انا بس ابي اعرف الشي اللي خلاه يمد يده عليك؟
    مها بانفعال/مالك شغل زين؟؟؟؟
    ////////////////////////////////////////////////////
    في المستشفى....
    خالد كان بغرفة الاسعاف ومعه ممرضة فلبينية وعادل راح الاستقبال,,,
    خالد/لاتلمسيني انا ماابيك ابي وحدة سعودية؟
    الممرضة/لمى ..تعالي هنا هدا مايمبى اني؟
    لمى تقربت خير اخوي؟
    خالد بخجل/ابي زوجتي هيفاء اذا ممكن تناديها؟
    لمى/طيب هي بغرفة ثلاثة على مااناديها خليها تطهر...
    خالد قاطعها/لا..
    لمى/طيب....نادي على هيفاء وخليها تجي؟
    ///////////////////////////////////////////////////////////////في شقة هنادي ومحمد
    محمد/مايصير انتي من امس لانمتي ولااكلتي ولاتحركتي من مكانك؟
    هنادي/هي كلمة وحدة وانت اختار يامحمد وماراح اعيدها؟
    محمد/بس ياهنادي..
    هنادي بجدية/ياتختارني انا وتطلعني من ها البيت؟؟ياان كل واحد يروح بطريقه؟؟اكثر من
    كذا مافيني اتحمل والله؟؟
    محمد بحزن/هنادي انتي وش قاعدة تقولين؟
    هنادي/هذا اللي عندي غيره والله مابقدر اتحمل؟
    محمد/انتي كذا قاعدة..
    هنادي/محمد وين فلوس البيت؟؟؟تصرفت فيهم؟
    محمد/لا..
    هنادي/معناته اذا انت تبيني نشتري بيت حتى لو كان صغير ونروح نسكن فيه حتى لو
    مافرشناه اهم شي اني مااقعد هنا اكثر؟؟؟
    محمد/هنادي....
    محمد/طيب واذا هي مؤقت نروح نقعد في بيت اهلي....لين ناخذ البيت ولاتشوف لك حل
    ؟؟كذا مااقدر والله مااقدر؟
    محمد/لاحول ولاقوة الابالله؟
    ///////////////////////////////////////////////////
    هيفاء تخرعت يوم شافت خالد قاعد ويده تنزف دم...
    طبعا نست كل كراهيته ذيك اللحظة وكان تفكيرها في انه يكون بخير......
    هيفاء بخوف/خالد..سلامات وش فيك؟
    خالد بهمس/ممكن تسكرين الستارة شوي؟
    هيفاء بصرامة/لا...
    تنهد وسكت..
    هيفاء/معليش المطهر بيحرقك شوي بس لازم تتحمل.....
    خالد/انا بتحمل كل شي علشان ترضين عني؟؟؟؟
    هيفاء/خالد احنا بمستشفى؟
    خالد/عارف واذا تبين الحقيقة انا جارح نفسي علشان اكون بين يدينك بها اللحظة؟
    رفعت راسها وقامت تناظره معقولة يوصله جنونه لها الشي؟؟؟؟

    خالد/هيفاء احبك..والله احبك ليش منتي راضية تصدقيني؟؟تفارقنا وماكنت مدرك لحظتها
    اني بحبك بلحظة من اللحظات وبيوم من الايام!!!!ارحميني الله يخليك مايكفي ان بينا ولد
    مثل القمر ولازم نكون حواليه؟؟هيفاء انتي ماراح ترضين انه يكون عندي علطول ولاانا
    راح ارضى انه يكون عندك علطول؟؟؟ابي افهم انتي ممكن تسامحيني بيوم من الايام؟؟؟؟
    كانت بها اللحظة خلصت من تنظيف الجرح ولفه وسكرت الستارة بعصبية ووقفت قباله
    وتكلمت بكل الم/خالد انت وش تبي؟؟فهمني وش تبي؟؟؟تبيني احبك..تطمن ياسيد قلبي
    ماحب غيرك بيوم من الايام ولافكر حتى انه يحب غيرك؟؟؟تبيني اعشقك تراني اموت
    على الثرى اللي تمشي عليه من زمان ؟؟كيف لا وانت اول رجال بحياتي وبتكون الاخير
    بعد!!!احبك حب ماحبه قبلي احد ولاراح يحبك بعده احد!!!زين ارتحت اللحين يوم عرفت
    اني احبك وش تبي بعد؟؟بتذلني مرة ثانية وبتجرحني؟؟اجرح ياخالد اجرح...ماعادت تفرق
    معي ابدا؟؟صار جرحك مثل العسل على قلبي؟؟وش انتظر بعد وانت طلقتني؟؟؟وش انتظر
    اكثر؟؟؟
    كانت تتكلم بدموعها وباحاسيسها اللي كانت تبي تكتمها وماقدرت واوا ماخلصت من كلامها
    فتحت الستارة ومشت؟؟؟؟؟
    /////////////////////////////////////////
    الجدة/تعال قولي امك ماتقول لك شي عن ابوك خالد؟
    عبود يناظرها مستغرب وموفاهم..
    الجدة/لاتسوي روحك تيس ماتفهم وانت تعرف كل شي؟؟؟قول ماجابت لك سيرة انها
    تهاوشت معه ولاشي بعد مامر بياخذك اول امس؟
    عبود/شنو؟
    الجدة/شوف الغبي؟؟
    عبود بعصبية/انا مو غبي؟؟
    الجدة/بلى غبي وثور بعد زين؟؟يالله قول؟

    عبود/قلت لك مو غبي....
    ام محمد/خالتي ...وش عندك قاعدة مع عبود هنا؟
    الجدة حضنت عبود/فديته انا احبه واحب اقعد العب معه ليش اول مرة اكون قاعدة معه؟
    ام محمد بدون تصديق/لا مو اول مرة بس ...
    عبود فك روحه من حضنها وراح لجدته/شوفيها تقول انت غبي وثور بعد؟؟؟؟
    ام محمد/لاتعليق؟؟
    الجدة بانفعال/اه...انا قلت لك ها الكلام؟؟؟ياشينك عاد لاقمت تكذب ياعبيد؟؟؟
    عبود بانفعال/لاتقولين عبيد انا مو عبيد انا عبود بس؟؟
    الجدة ضربته بعصاها /وليش تقول ان انا قلت لك ها الكلام الوصخ؟؟؟ماتستحي مدري من
    وين سامعه؟؟؟
    ام محمد حملت عبود/ماعليك حبيبي تعال بسبحك علشان تصير نظيف....
    عبود/وبتجي ماما هيفاء اللحين؟
    ام محمد/لا مو اللحين بتجي بعدين بس بتسبح وبعدها تقعد تلعب شوي مع هبة على مايجي
    جدك ونحط الغذى زين؟
    عبود/متى بنروح المطعم ناكل هناك؟
    الجدة/اقولك مايفكر غير بالاكل بس انتي ماصدقتيني؟
    //////////////////////////////////////////////////////////////في بلدية الدمام مكان ماكان يشتغل ابو
    محمد....
    واحد من الموظفين/يابو محمد في واحد يسال عنك وقعدته بغرفتنا؟
    ابو محمد/منو؟
    الموظف/والله مدري ياخوي قوم شوفه وانت بتعرفه؟
    راح بو محمد للغرفة اللي كانوا يتجمعون فيها لشرب الشاي والصلاة وماكان فيها احد غير
    خالد اللي قاعد ينتظره..
    ابو محمد بخوف/خالد...وش فيك يبى عسى ماشر؟
    خالد وقف يوم شاف خاله/هلا خالي..ماشر بس حبيت اسولف معك بدون مايسمعنا احد
    وقلت مافي الا هنا؟
    ابو محمد/تفضل يبى استريح...وانتبه على يده الملفوفة....خالد خير وش فيها يدك؟
    خالد/ها.. سلامتك خالي مافيها شي بس جرح بسيط.....
    ابو محمد/أي...الحمد الله يوم انه بسيط...خير يبى..اقلقتني؟
    خالد تنهد ونزل راسه بالارض..
    ابو محمد/خالد...وش فيك تكلم؟
    خالد/خالي...اذا جيت اطلب يد هيفاء من جديد وش بتقول؟
    ابو محمد بانفعال/ماراح اوافق طبعا؟؟؟؟؟
    ///////////////////////////////////////////////////////////////كانوا بيت السالم متجمعين وينتظرون
    جية محمد وابوه......
    مشاري/الا ماقلتي ياجدتي ليش جدي الله يرحمه توفى؟
    الجدة بلامبالاة/لانه يستاهل وش يبي يسوي لو عاش؟؟؟؟؟
    كل الوجوه ناظرتها باستغراب...
    هند لفت على امها علطول وقالت بسرعة/اكيد انه مات بسكتة دماغية لو جلطة قلبية؟
    الجدة علطول/والله لاهاذي ولاهاذي؟؟؟؟مات لانه تعب من ابوكم ومشاكله؟؟
    ام محمد بانفعال/خالتي وش ها الحكي عاد؟؟؟؟
    الجدة/هذا الصدق لامات بسكتة ولاجلطة اجل شمنه مات؟؟؟؟
    ام محمد/مات لانه الله كاتب له يموت وبعدين انتي ناسية انه تعب باخر ايامه ..
    الجدة/أي ماني ناسية يوم انه يخرف؟؟؟؟؟
    مشاري وهند كانوا يطالعون في بعض وهم مو عارفين شيسون يضحكون ولا
    يبكون؟؟؟عجيبة ها الجدة؟؟؟؟
    محمد دخل وسلم وركب فوق علطول..
    الجدة/ليش تركب تعال اللحين بنحط الغذى؟
    محمد بضيق وهو بنص الدرج/انا ماابي تغذوا انتوا بالعافية انا بنام ولاحد يصحيني مابرجع
    اداوم العصرظ
    ام محمد بخوف/ليش يمه شفيك؟
    محمد/ولاشي يمه سلامتك بس حاص اني مصدع وابي ارتاح......
    دخل غرفته وسكر على نفسه الباب.......واخيرا بيتنفس الصعداء بروحه...طول اليوم وهو
    جايته ضيقة سببها ها المها؟؟؟ياترى ليش كانت تكلمه بها الطريقة الجافة؟؟؟بالعادة مايسمع
    صوتها من كثر ماهي ذايبة..بس مها فيها شي متغير....لازم اعرفه...وبعدين هي ليش
    كذبت علي وماقالت لي ان احمد هو اللي ضربها وكسر يدها ليش؟؟؟؟
    دق الباب..
    ام محمد/يمه فيني ادخل..
    محمد/أي يمه تعالي.....
    دخلت ام محمد وكان منسدح على السرير قعد لها يوم جلست جنبه..
    ام محمد بحنان/عسى ماشريمه؟
    محمد/يمه قلت لك مصدع شوي وبنام ارتاح اخذت باقي اليوم اجازة؟
    ام محمد/متاْكد ياعريس مافيك شي؟
    محمد/انتي قلتي لعمتي؟
    ام محمد/لا يمه بعدني ماكلمتها قلت بشوفك انت وابوك شتقررون وبعدين يصير خير؟
    محمد/يمه صبري شوي..عندي شوية شغلات بخلصها اول؟
    ام محمد/شنو بعد؟؟انا ماصدقت على الله تقول نويت اعرس تقولي بعد صبري شوي؟
    محمد/يمه هي كم شغلة وبعدين ان شاءالله...
    ام محمد/اذا ماتتعلق بالخطبة ماله داعي التاْجيل؟
    محمد/معليه يمه صبري شوي محنا خسرانين والبنت ماراح تطير؟
    ام محمد/ومنو قال لك انها مابتطير ولد عمها يبيها؟
    محمد/هي لو تبيه اخذته مانتظرت للحين؟؟؟؟
    سكتت ام محمد وكانها اقتنعت برده.؟؟؟؟
    ////////////////////////////////////////////////////////////هيفاء كان وضعها ثاني.....
    كانت مرتبكة وخايفة ومتندمة انها صرحت لخالد بعواطفها تجاهه؟؟
    هي عارفة انها ماالمفروض تتسرع كذا وتقوله عن شعورها ناحيته...بس موقفه وتصرفاته
    هم اللي خلوها بحالة لاوعي وقالت اللي بقلبها بدون تردد؟؟؟؟
    اه ياخالد...حسبي الله على من كان السبب في بعدنا عن بعض!!!!!!
    /////////////////////////////////////////////////////
    ابو محمد/ماراح اوفق طبعا.....اذا هي ماوافقت؟
    خالد بخوف/شلون يعني؟
    ابو محمد/خالد...انا عطيتك هيفاء مرة وهي صغيرة ماهي فاهمة شي بالدنيا وتوقعت انك
    تحطها بعينك وتسكر عليها...بس اللي صار انك رديتها لي مطلقة ياخالد؟؟
    خالد بخجل من خاله/انا اسف ياخالي على اللي صار...معك حق بكل اللي بتقوله وانا
    مالومك...بس انا..
    ابو محمد/انا احبك واحترمك واعتبرك بحسبة محمد ولدي...ويوم طلقتها ياخالد مافكرت
    حتى اني ارفع سماعة تلفون واسالك ليش طلقتها لاني عارف يقين ان هاذي رغبة ابوك الله
    يصلحه؟؟؟بس ياخالد لاتنتظر مني اني اوافق اعطيك اياها مرة ثانية....
    خالد/ياخالي انا تغيرت والله تغيرت...ابيها وبحطها بعيوني؟
    ابو محمد بحنية/وانا ابيك ياخالد...بس ياولدي مااقدر اقولها تعالي عيشة تجرب ثانية مع
    خالد ماهي مضمنوة؟؟؟
    خالد بانفعال/وعد ياخالي اني احطها بعيوني وعد؟؟؟صدقني...بعيش انا معها وولدي....انا
    محتاج لها ياخالي صدقني...ابيها وماراح افرط فيها هذا وعد؟
    ابو محمد/خالد ياولدي لاتحرجني....قلت لك مقدر يعني ....
    خالد/لاتتكلم عن شعور هيفاء ياخالي انا ابي اعرف شعورك انت؟؟انت رافض الفكرة كلها
    ياخالي؟؟؟
    تنهد بو محمد وسكت.....
    ////////////////////////////////////////////////////////////////بعد الغذى في بيت العواد....
    خالد/ابيكم بسالفة؟
    ابوخالد/خير ان شاءالله؟
    خالد/خير.....
    قاموا من السفرة وقعدوا بوخالد وام خالد واحمد ومها وخالد وبس!!!!
    خالد/انا ابي ارتبط؟
    ابو خالد/وهاذ ي الساعة المباركة ياولدي...
    خالد/وانا حاط شي في بالي وابيه؟
    هني بس عم السكون في المكان واحمد ومها حسوا باقتراب القنبلة من الانفجار؟؟بس ياالله
    تنفجر اللحين ولاتنفجر بعدين؟؟؟؟؟
    ام خالد بخوف/شلون يعني؟؟؟انت تعرف وحدة وتبينا نخطبها لك؟
    خالد بثقة/مو بس انا اعرفها حتى انتوا تعرفونها؟
    ابو خالد بخوف/منهي؟
    .................................................. ..................................................
    ..............................
    خالد/هيفاء بنت خالي زوجتي وام ولدي؟
    ام خالد بصوت عالي/لاوالف لا؟؟؟
    كل الانظار راحت لعندها......هم توقعوا رفض ابو خالد مو ام خالد؟؟؟؟
    /////////////////////////////////////////////////////////هند/يبى ماكلت شي؟
    ابو محمد/الحمد لله يابنتي؟
    الجدة/من زين طبخ امك؟؟؟؟قايلة لك ياوليدي جيب لنا طباخ بس انت الله يهديك بخيل على
    الريال؟؟؟؟
    قام بومحمد وهو مطنشها مما اثار استغرابهم؟؟طول السفرة وهو ساكت وماتكلم ولااكل شي
    وحتى يوم تكلمت امه مارد عليها؟؟اكيد فيه شي؟؟؟
    مشاري/ياترى وش فيه ابوي شنو اللي شاغل باله؟
    هند/الله يستر ابوي مايصير كذا الااذا وراه سالفة؟
    قامت ام محمد ورى زوجها بتاخذ اخباره وقامت وراها الجدة وقام مشاري بسرعة وصار
    بوجه الجدة
    الجدة/وخر عني؟
    مشاري/على وين ياحلوة؟رجال ومرته بيسولفون انتي شكوا بالله؟
    الجدة/هو ولدي قبل لايصير زوجها يعني انا اللي المفروض اخذ اخباره وعلومه؟
    مشاري/ماقلنا شي بس انتي عاد ماتاخذينها مباشرة انتي كل من ورى الابواب؟؟؟
    الجدة/ماعليك مني؟
    هند بمسكنة/مشاري خلها عيب هاذي جدتي ومن حقها تعرف كل شي؟
    مشاري لف مستغرب وغمزت له بعينها يعني حركة نذالة..
    مشاري/طيب شلون يعني؟
    هند بخبث/روحي جدتي...خلاص وخر مشاري صدقني ماني قايلة لها انهم بيسولفن
    بالسيارة علشان لاتروح تقعد فيها؟؟؟؟
    الجدة بغتها من الله وراحت ركيض قعدت بالسيارة وغصغصت حالها تحت!!!!
    ومشاري وهند قلبوا السالفة ضحك عليها؟؟
    /////////////////////////////////////////////////////////
    خالد/يمه..
    ام خالد بعصبية/قلت لك لا..وشيلها من بالك؟
    مها باستغراب/ليه عاد يمه انتي تحبين هيفاء وانتي اللي بالاول رشحتيها لخالد؟
    ام خالد/مو علشان اني احبها ماابيه يضرها مرتين؟؟
    خالد تنهد/لا يمه لا...صدقيني انا تغيرت...انا فعلا ابيها وابي ولدي يعيش بينا احنا الاثنين؟
    احمد/يمه....انتي تحبينها والمفروض هالشي سعدك مو يضايقك؟
    ام خالد/ياعيال فهموني...انا ماابي يصير شي ها المرة بعد واخسر اخوي وعياله
    نهائيا؟؟؟يكفي انك طلقتها ياخالد وسببت بيني وبينها فجوة عميقة للحين ماصطلحت؟؟؟يكفي
    اني كل ماشفت عذابها ذيك الايام ودموعها حسيت بالندم والحسرة بس شيفيد الندم ياخالد
    شيفيد؟خليها تعيش باقي حياتها وهي بعيدة عنك وعن جرحك ياخالد؟
    خالد باسى/يمه انا ابيها وبحطها بعيوني ها المرة صدقيني؟؟؟ماراح يطلع مني أي تقصير
    ان شاءالله؟؟
    كانوا كلهم يتكلمون ويقنعون في ام خالد الا ابو خالد اللي كان ساكت وباله مشغول.....
    /////////////////////////////////////////////////////////////كان بومحمد واقف عند درابزين الدرج
    من فوق ويكلم مرته وهو وجهه بالدرج علشان يشوف اذا احد مر ولاتكلم(القصد ان الجدة
    ماتفاجئهم طبعا)
    وكان محمد طالع من غرفته ووقف مكانه بعد ماسمع كلمة ابوه...
    ابو محمد/اليوم مرني خالد يالدوام ياام محمد.....
    ام محمد/وخير ان شاءالله؟
    ابو محمد/خالد يبي هيفاء ترد له ياام محمد يبيها وانا مو عارف شسوي...اقنعني انه بيحطها
    بعيونه وانها بتكون مرتاحة معه والاهم انهم بعيشون مع ولدهم ببيت واحد؟؟؟
    ام محمد استغربت الموضوع وماعلقت بشي..اما محمد رجع غرفته من جديد وافكراه
    تغيرت نهائيا!!!خالد يبي هيفاء؟؟؟؟؟ياترى ها الشي بيقربك مني يامها
    ولابيبعدك؟؟؟بتصعب سالفتي معك ولابتتسهل؟؟؟الله يستر؟؟؟
    /////////////////////////////////////////////////////////////////في المستشفى..
    فاتن/هذا اني جيتك قولي شفيك؟
    هيفاء/قومي نمشي بالممر مالي خلق القعدة؟
    وطلعوا يمشون...
    فاتن/اقلقتيني تكلمي؟
    هيفاء/خالد كان هنا اليوم.....
    فاتن/ياانه مغثة؟؟وش يبي بعد؟
    هيفاء بحزن/كان جارح يده...جارح يده علشان يقدر يتكلم معي؟؟؟
    فاتن بدهشة/ماهو بصاحي!!!!احد يجرح نفسه علشان بس يتكلم؟؟؟
    هيفاء قربت تبكي بس امسكت نفسها لانها بالمستشفى/كلمني عن حبه وعن رغبته فيني
    وانها رغبة صادقة واني مابندم عليها؟؟؟وانا ماقدرت امسك مشاعري اكثر قلت له كل
    شي؟؟قلت له اني احبه واموت بترابه؟؟؟؟
    فاتن/...........وبعدين؟
    هيفاء/ادري اني استعجلت وماكان لازم اقول ها الشي بس ماكان في يدي شي اسويه يافاتن
    وانا بها الموقف؟
    فاتن/وش كانت ردة فعله ياهيفاء يوم عرف عن مشاعرك؟
    هيفاء/وانا اتكلم حسيت ان تعابيره تغيرت وصارت متفاجئة؟؟؟بس اول ماخلصت كلامي
    طلعت من الغرفة كلها وحطيت جوالي على الصامت علشان لااسمع مكالمة منه لو
    مسج؟؟؟؟؟
    فاتن/اه...والله ان سالفتكم غريبة؟؟؟تطلقتوا وبعدها اكتشفتوا انكم تحبون بعض!!!!الله يكون
    بعونكم ياهيفاء تراها ماراح تعدي ببساطة كذا؟؟؟
    ////////////////////////////////////////////////////
    احمد/يايمه ياحبيبتي....انتي لاتعارضين خالد وخليه يسوي الشي اللي يبيه...خلوه يتخذ
    قراره بنفسه هو عارف الصح من الغلط؟
    مها/يمه هو حاس انه يبيها لاتوقفين بوجهه وخليه يقرر حياته مثل مايبي؟
    احمد/ولاتنسين ان عبادي بيكون بينهم وهذا الاهم؟؟؟
    ام خالد تنهدت/واذا جرحتها بعد ياخالد..شبيصير معي انا واخوي؟؟؟خوب انتوا تغلطون
    واحنا اللي بتطيح فوق راسنا؟
    خالد برجا/يمه ماراح يصير شي هيفاء بتكون بعيوني؟؟؟الله يخليك لاتقولين لا....انا ماابي
    اخذها وانتي مو راضية عني..ابي رضاك ودعواتك ياام خالد؟
    ام خالد/الله يرضى عليك يايمه؟؟؟بس اذا ها المرة صار شي تاْكد اني مو بس بخسرهم هم
    بخسرك انت بعد!!!
    خالد/لايمه ماراح يصير وعد....
    ام خالد/سوي اللي تبيه ياخالد...واحسن من هيفاء ماراح تلاقي؟؟
    خالد بفرح/يعني راضي؟
    ابتسمت امه بوجهه واحمد قام يصفق ومها كللوش
    ابو خالد/خلصتوا من اقناع امكم؟
    لفوا ها المرة على ابو خالد اللي كان حاضر الجلسة من اولها بدون مايقول شي....
    ابو خالد/تعالوا اقنعوني لاني مو موافق ياخذها؟؟؟ولو شتقولون من اللحين اقولكم انا ماابي
    خالد ياخذها؟؟؟؟؟؟؟
    صاروا يطالعون ثلاثتهم بوجه بعض والحيرة على وجوههم؟؟؟؟
    //////////////////////////////////////////////////////////الليل..
    هند/بتنامين؟
    هيفاء/أي..حاسة نفسي تعبانة؟
    هند/بس بعدها ثمان ونص ياهيفاء؟
    هيفاء/اقولك جسمي مكسر...يمكن اصحى بعدين بس لازم ارتاح شوي....
    هند/ماتبين تاكلين شي..
    هيفاء/اذا جلست بصلح لي قهوة؟
    هند/طيب اذا صحيتي بخليك تراجعين معي اشياء ماني فاهمتها بالاحياء وماضني بفهمها
    بعد؟
    هيفاء/طيب شيلي عبود معك وطفي الانوار...
    هند وقفت/يالله عبود..قوم...
    عبود نام جنب امه../لابنام مع ماما هيفاء
    هند/أي بس ماما تعبانة اللحين,,تعال بحط لك ام بس يس ثري بيحطون توم وجيري
    اللحين؟
    عبود/ماابي بنام؟
    هيفاء/خلاص خليه ماعليك منه اذا نمت عنه بيقوم بحاله بس لاتسكرين الباب علشان يطلع
    بعدين؟
    هند/ان شاءالله...وطلعت...
    عبود/ماما..شلونك؟
    هيفاء/الحمد لله...
    عبود/طيب انا ابي تلفون سبايدرمان؟
    هيفاء/ياربي ..والله هلكانة من الدوام خليها لبكرة؟
    عبود/لا اللحين؟
    هيفاء بتعب/عبود؟؟؟
    عبود باصرار/ماما!!!
    هيفاء/خلاص لاتفتح اذاعتك قلت لك بكرة يعني بكرة والله مافيني حييل؟
    عبود/كلمي بابا خالد؟
    هيفاء/لو تعطيني مليون ماكلمته؟
    عبود/كلمي بابا خالد...اللحين..يالله خليه يمرني اشتريه؟
    هيفاء بعصبية/ووجع؟؟قلت لك بكرة شفيك انت ماعندك صبر؟
    عبود بدت اذاعته بالبث/لالالالالالالالالالالا
    هيفاء بعصبية قامت وضربته على يده وهاذ اول مرة تسويها....
    وهو من غير شي الاذاعة مفتوحة وبعد ضربته ماسكرت......
    ///////////////////////////////////////////////////////
    خالد وعادل بالكورنيش....
    خالد بالم/هي تحبني ياعادل تحبني؟؟بلسانها قالتها؟
    عادل/طيب وانت شايف ان هذا هو الحل؟تكلم ابوها وتفتح معه الموضوع وبعدها تروح
    تكلم اهلك؟
    خالد/وش تبيني اسوي ياعادل؟؟؟ابيها تكون زوجتي على سنة الله وقدام العالم....
    عادل/طيب وش صار؟
    خالد تنهد/خالي مااقتنع بس بعد كلام وكلام..قال انها اذا رفضت فهو ماراح يجبرها وبيسكر
    الموضوع من اساسه؟؟
    عادل/يعني انت طلبتها منه؟
    خالد/انا كلمته بالموضوع وقلت له اني بجيب اهلي وبخطبها؟
    عادل/طيب واهلك شقالوا؟
    خالد بمعاناة/بعد ماقعدت اقنع باامي انا واحمد ومها..واقتنعت...نطق ابوي وقال انه مو
    موافق؟؟؟
    عادل/وبعدين وش صار؟
    خالد/ضلينا نقنع فيه و نقنع...لين اذن العصر وقام وهو مو مقتنع وقال انا ماابيها ومراح
    اغير راي؟
    عادل/والحل؟
    ///////////////////////////////////////////////////////////مشاري وهند وهبةبالصالة...
    هبة/هههه ماشفتوا شكل جدتي يوم تطلع من السيارة؟
    هند باهتمام/صحيح متى طلعت؟
    مشاري/اوه..راحت عليك ماطلعت الا قريب الثلاث..تصوري قعدت فوق الساعتين
    بالسيارة؟
    هند/ههههههه
    هبة/انا يتراوالي انها نامت؟
    هند ومشاري/ههههههه
    مشاري/انا اقول هاذي مالها الا دار المسنين؟
    هند/هههه بس لاتسمعك؟
    نزل عبود وهو يبكي ولفوا عليه...
    هبة/شفيك؟
    عبود ببكي/هيفاء ضربتني؟
    هند/عيب قول ماما هيفاء؟
    مشاري/هذا وين يعرف البيت وهو قاعد مع جدتي طول اليوم؟
    جا عبود لهند وقعد عندها/كلمي بابا خالد ابي اكلمه؟
    هند/مشاري دق عليه انت انا استحي؟
    مشاري/ماعندي رصيد؟
    هند/طيب خذ جوالي وانت حاكيه مو حلوة انا اكلمه؟
    مشاري/جيبيه...تعال عبود....
    /////////////////////////////////////////////////
    في حديقة بيت العواد كانوا احمد مها قاعدين...
    مها/اه...شكلها السالفة مابتعدي؟
    احمد بنفس التنهيدة/لو تعدي كانت مشاكلنا انحلت انا وانتي؟
    مها/شتقصد؟
    احمد/اذا خالد رد لهيفاء معناته انتي ضمنتي محمد وانا ضمنت.....
    مها ببتسامة //وانت ضمنت منو؟

    احمد نزل راسه...
    مها/كمل..... على فكرة ترى خالد قال لي بس انا كنت انتظرها منك؟
    احمد/وليش ماعطاني خبر؟
    مها/لاني انا وخالد اسرارنا وحدة؟
    احمد/تتصورين نتزوج انا وهند وانتي ومحمد؟
    مها/مدري ياخوي بس ساعات احسها مستحيلة وماراح تصير؟
    احمد/الله يسامحك يايبى..شفيها عاد هيفاء بنت خالي....زينة البنات والله؟
    مها بخبث/واختها هند وش تطلع؟؟؟
    ابتسم لها احمد ابتساة حزينة وهو يحس ان هند حلم بعيد عنه وكانه توه مدرك لهاالشي....
    ///////////////////////////////////////////////////
    خالد/مدري ياعادل مدري...كل اللي اعرفه اني ماوصلت مع ابوي لخط رجعة؟
    عادل/اذا انت تبيها خليك مصر عليها ها المرة ياخالد؟
    خالد باصرار/اكيد ابيها وماراح ....
    ودق جواله...
    عادل/منو؟
    خالد/مدري بس الرقم غريب؟
    عادل بضحكة/عفية اذا هي بنت اخطبها لي بدون لاتسالها عن اسمها حتى؟
    خالد/الو....هلا مشاري....شفيه...وينه....ها عبود حبيبي وش فيك.....طيب ..
    طيب..لاتبكي..لاتبكي انت رجال يالله انا شوي وبجيك انا وعمك عادل بس اذا جيت وانت
    تبكي ماراح اطلع معك طيب؟
    عادل/وش فيه؟
    خالد/يقول امه ضربته؟
    ////////////////////////////////////////////////////////////هي صحيح دخلت تنام وترتاح بس
    النوم والراحة بجهة وهي بجهة ثانية بعيدة عنها كل البعد....
    ظلت تتقلب بفراشها وهي تتذكر ايامها مع خالد وكانها ماصار لها شي رغم انها قربت تكمل
    ثلاث سنين...
    خالد..وليلة العرس...وكل شي حلو فيه...اه...كانت ايام...ياليتها ماصارت؟ولاعلقتني فيك
    ياخالد ياولد عمتي؟؟؟؟حبيبي انت...وروحي وابو ولدي..واغلى شي بدنيتي....سامحيني
    ياخالد سامحني....يمكن اكون تسرعت وتصرفت معك البارحة بوقاحة بس بعد تهورت
    وقلت لك عن مشاعر المفروض اني اظل حابستها بصدري؟؟؟؟؟
    لفت على مخدة عبود اللي طلع مع ابوه قبل ساعتين....كيف اليوم مدت يدها عليه....كيف
    جاها قلب..وهذا عبود نسخة خالد بالشكل....هذا حبيب قلبها اللي بتحارب العالم علشان
    سعادته؟
    دز لها خالد بذيك اللحظة مسج(حبيبي ممكن اخلي عبود معي الليلة لانه يقول انك تعبانة)
    ردت عليه(مافيني شي وجيبه هذا انا منتظرته)
    دق عليها خالد وردت بس بهدوء/شلونك.
    هيفاء/الحمد لله..
    خالد/اذا فيني اخذه عنك وتغ..
    هيفاء بدوء/لا انا منتظرته؟
    خالد/بس مو الوقت متاْخر؟يعني الساعة على الاثنعش واكيد كلهم نايمين؟
    هيفاء باصرار/قلت لك انا منتظرته؟
    خالد/احبك ياهيفاء....وابيه قربي علشان يحسسني بوجودك جنبي؟
    هيفاء بارتباك/خالد..
    خالد باصرار/احبك..احبك...
    كان عادل يطاله بالسيارة وكانه يشاهد فلم سينمائي وهو يكلم عبود بهمس/شفت بعد ابوك
    بيعلمنا المصاخة انا وانت!!قاعد جنبنا ولاهو مستحي لامني ولامنك طايح مغازل بامك
    واحبك واموت فيك؟؟شفت الدنيا شلون؟
    عبود كان ياكل وجبته وهو مو شايل خبر لاعادل ولاخالد؟؟؟
    هيفاء/خالد لو سمحت اذا جبته اتصل فيني وبنزل اخذه؟
    خالد/اخر كلام؟
    هيفاء باصرار/أي..
    خالد/معناته انزلي اخذيه؟
    قامت هيفاء من فراشها ولبست عبايتها وطلعت من غرفتها ونزلت من الدرج...
    محمد ها الوقت كان قاعد بغرفته وسط الهدوء الشديد اللي ماعكره غير فتحة بابا غرفة
    هيفاء وقام من فراشه يستطلع الموضوع...
    راح غرفة مشاري ولقاه نايم..وغرفة البنات بعد لاقاهم نايمين راح لغرفة هيفاء لقاها فاضية
    واستغرب لانها كانت قبل ساعتين نايمة؟؟؟وين ممكن تكون معقولة جاعت وراحت تاكل
    وراها شي.....
    نزل تحت ولقى بابا الصالة مفتوح..غريب بالعادة امي تقفل الابواب قبل لاتركب تنام وش
    اللي فتح الباب...
    جا بيقفله وانتبه على سواد واقف قبال الباب وشبه ظل رجال!!!!!!
    اخذته رجله وشي لقدام وبعدها خطا خطوة وتراجع ورجع تقدم وظل كذا يقدم خطوة ويرجع
    لورى خطوتين........
    خالد نزل عبود لهيفاء علشان تاخذه.../طيع الماما ومو تجننها ياعبود زين؟
    عبود باعتراض ان ابوه مو واقف معه/بس هي ضربتني؟
    خالد بحنان وموجه كلامه لهيفاء اللي نزلت راسها من سمعته يقول ها الكلمة..
    خالد/أي بس هي اليوم بالذات عندها ظرف استثنائي فياليت ماتثقل عليها حييل طيب...يالله
    تصبح على خير,,
    مشى عبود لاامه وخالد كلمه وهو يقصد امه/توصيني بشي قبل لاامشي...
    هيفاء بدون ماتناظره/تصبح على خير.....
    خالد تذكر الورد اللي في يده/لحظة لاتدخلين...عبود تعال عطيه الماما....
    عطى عبود بوكيه الورد الاحمر اللي كان جايبه لها وراح سيارته علطول اخذت الورد من
    عبود ومسكت يده وسكرت البا ب وراها ولقت محمد واقف وراها بشوي ومكتف
    يدينه؟؟؟؟؟؟؟
    /////////////////////////
    في السيارة..
    عادل/والله انا اشوف ان تصرفاتك كلها تصرفات ناس طايشة مو تصرفات عاقلين؟؟؟
    خالد بلامبالة/فكرك وش راح تسوي بالورد؟
    عادل بدهشة/ليش الورد شيسوون فيه بالله!!!!
    خالد مطنش/انت شيفهمك بالله!
    عادل/يوم اني طلعت بالنهاية ماافهم ردني البيت انا بكرة وراي دوام مو مثل حضرتك
    مدير؟؟؟؟
    خالد/هيفاء تحبني؟؟فاهم وش معنى ها الكلام؟؟؟؟معناته اسلوبي معها اذا كان رومنسي
    وحساس بقدر استميلها بسهولة لناحيتي؟
    عادل/اقول ردني بيتنا بس ردني؟؟؟وقول لااختك تشوف لي بنت حلال لاتخليني اتهور
    بالنهاية واتزوج تكرونية ياخالد!!!!!!!!!
    /////////////////////////////////////////////////////
    هيفاء نشف الدم بعروقها بذيك اللحظة وعرفت ان مصيبة جايتها بالطريق لامحالة!!!
    محمد وهو مكتف يدينه وبهدوء شراني/خير ان شاءالله..وش اللي مطلعك ها الحزة من
    البيت؟؟
    هيفاء بارتباك/انا..انا ماطلعت....انا كنت ...
    عبود/ماما ماراحت معنا انا وبابا خالد لا..بس انا طلعت واللحين جابني البابا؟
    ناظرها محمد من فوقها لتحتها بدون مايتكلم....وبعدها قال/هيفاء..انتي متاْكدة مابينك وبين
    خالد شي؟
    هيفاء بخوف/وقسم بالله مابينا يامحمد؟؟؟انت كيف مر ها الشي على بالك؟
    تقرب منها محمد خطوة زيادة/يمكن علشان ها الورد اللي عندك؟؟؟؟؟؟
    حانت لحظات النهاية ياهيفاء!!!!
    هيفاء بتلعثم/الورد؟؟؟؟الورد....
    محمد بقسوة/اذا مابينك وبينه شي ليش بعد داز لك ورد ها الحزة؟
    هيفاء ماتت من الخوف من اسلوب محمد بس ماعندها حل ثاني خلها تجرب ها الفكرة عل
    وعسى تنقذها من الموت؟؟؟
    هيفاء بشوية ثقة/الورد ماهو لي يامحمد الورد لك؟؟؟
    محمد بتشكيك/نعم؟؟؟؟؟
    مدت له الورد وقالت له/الورد دازت لك مها ..هي قالت انها اليوم كانت شوية عصبية عليك
    وسكرتوا وانتوا مو راضين عن بعض فدقت علي وقالت لي بدز مع عبود بوكيه ورد عطيه
    لمحمد!!!
    محمد بدون تصديق اخذ الورد منها وهو يشوفه ودقامت تدعي ربها انه مايكون فيه بطاقة
    ولاشي؟؟؟؟
    اخذه محمد/وشقالت لك بعد؟
    هيفاء/قالت انها بتدق عليك تراضيك بعد ماتاخذ الورد؟
    اخذه محمد ودخل وهو مو مصدق ابدا الحكاية بس قال في باله خليني اسايرها لين امسكها
    متلبسة بجريمتها اذا فعلا بينهم شي؟؟؟
    وهيفاء اول شي حمدت ربها مليون مرة انها عدت على خير وبعدها راحت طيران لغرفتها
    دقت على مها مسج تقولها انها تدق على محمد وشرحت لها السالفة كلها بمسج خوف من ان
    محمد يكون واقف ورى بابها يسمعها!!!!!
    وفعلا مضت ثلث ساعة وبعدها اتصل مها بمحمد....
    محمد بزعل/عسى ماشر؟
    مها بتردد/وصلك الورد؟
    محمد تنهد/ماابي الورد ابي رضاك عني يامها؟
    تنهدت مها بحرقة هي تحبه وتموت فيه بس تصرفاته هي اللي مخليتها تتباعد غصبا
    عنها!!!
    محمد/حبيبي والله اني..
    مها قاطعته/محمد انا عارفة اني متغيرة ها اليويمن بس والله حاسة بضغط رهيب في
    مشاعري؟؟
    محمد برومنسية/حبيبتي قلت لك همي وهمك واحد؟؟وحتى مشاعرنا وحدة ولازم نتشارك
    فيها؟؟؟
    مها/المشكلة يامحمد خبر خطوبتك من فاتن قتلني وهز مشاعري!!!انصدمت!!تفكيري كله
    وقف بلحظة معينة وماقدرت اتخلص من ها الخبر للحين؟
    محمد بهمس/غلاي وش ها الكلام؟؟؟تدرين القلب مايبي غيرك؟
    ///////////////////////////////////////////
    ظلت مها تسولف مع محمد وهي شبه ناسية ان قلبها بدا يشيل عليه ومحمد بعد شبه تناسى
    سالفة خالد وهيفاء؟؟تناسها بس مانساها اكيد!!!!
    ///////////////////////////////////////////////
    وحدها كانت هيفاء بغرفتها ترجف من الخوف!!!
    خوفها من محمد اللي ان شاءالله تكون مها اللحين سلته وبعدت تفكيره عنها..وخوفها من
    حبها لخالد واعترافها له بها الحب واللي بيجره عليها بالايام الجاية!!!!!!!!!!!
    اه منك ياخالد ومن حبك المدفون بصدري؟؟؟؟
    ليش ياربي كتبت لي ها العذاب بس!!!!
    يوم انه كان زوجي ماكنت اقدر اصرح له بمشاعري وحبي!!!ويوم انه طلقني حبيته
    وحبني!!!
    ياربي وش هالعذاب اللي انا متعذبته معك ياخالد؟؟؟؟
    يارب...ياربي سوي اللي فيه الخير...حتى لو كان نسيان خالد!!!!!!!!!
    /////////////////////////////////////////////////
    اليوم الثاني مر بسرعة وبدون أي احداث تذكر غير ان خالد رجع فتح الموضوع من جديد
    مع ابوه اللي رفضه بدون أي نقاش!!!!!
    وحيرة احمد ومها بعيونهم.....
    في الحديقة...
    احمد/مها...شتتوقعين يصير اللحين؟
    مها بشرود/على شنو بالضبط؟
    احمد بتنهيدة حارة/على سالفة خالد وهيفاء؟
    مها/مدري...بس راي ابوي مايطمن يااحمد؟
    احمد/هيفاء موافقة على خالد؟
    مها/مدري انا بصراحة مامداني اخذ واعطي معها بالموضوع لانه صار بسرعة من جهة
    خالد وبكرة لارحنا بيت خالي بقعد معها وبتكلم معها وبشوف شنو رايها لان امي بعد سالتني
    وقالت لي هيفاء شرايها وقلت لها اني مدري؟؟؟
    احمد/شلون يعني؟وضعنا شبيكون؟
    مها بتنهيدة حارة/اذا تبي راي يااحمد فالاحسن لك تنسى هند وتشلها من بالك!!!اذا ضل
    الوضع كذا انت وهي ماراح تاخذوا غير العذاب يااحمد!!!شوفني انا ومحمد ثلاث سنين
    مايكلمني لانه متضايق علشان اخته اللي طلقها اخوي؟؟؟؟
    علاقتنا مشربكة ببعضها البعض ومافينا واحد بيقدر يتحمل تعب اخوه ولاهمه ..اكيد بيثور
    وبيتضايق؟؟؟
    احمد ترى علاقتك مع هند توها بالبداية..حسسها ان الشي بينكم مجرد صداقة واخوة لااقل
    ولااكثر!!!
    لاتعيش بهم اختك وعذابها وتعبها؟؟؟ياريتك ياخالد ماحبيت هيفاء انت الثاني!!!!اللي
    ببيصير لك اللحين ماراح يرضيك ياخالد ولاراح تتحمله؟؟ابوي بيعند وماراح يوافق على
    واحد منا يرتبط بواحد من عيال خالدي؟؟تفتكر لو عرف عني وعنك شبيصير؟
    ناظرها احمد بنظرة خوف بدون مايعلق....
    مها بانكسار/ماتبي تقولها...لاتقولها علشان لاتنجرح منها يااحمد..انا عارفتها وحاسة
    فيها...بس كنت ببينها لك....
    احمد بانكسار وضعف/يعني شلون يموت حبي لهند؟؟؟
    مها/يموت اللحين وهو صغير ولايموت بعد مايكبر وتتعلق فيها اكثر؟؟
    احمد بانفعال/ومن قال لك اني مو متعلق فيها؟؟؟؟
    مها/بس مو حرام انك تعلقها هي فيك يااحمد!!!لاتفكر بمشاعرك بس فكر بمشاعر هند
    وعواطفها اذا تعلقت فيك وبعدها تركتها لانك ماتقدر تتزوجها بدون رضى اهلك عنك
    يااحمد؟؟؟؟وانت اختار سعادتكم اللحين وعذابكم بعد ماتتعلقون ببعض؟؟؟ولا تتفرقون
    وتتحملون شوية زعل وضيقة من اللحين وتنسون بعد كم يوم؟؟؟؟؟
    ///////////////////////////////////////////////////////////
    هيفاء كانت توها رادة من دوامها وقعدت شوي تحت وركبت علشان تبدل وتنزل لهم...وهي
    راكبة دق جوالها وكان مافي غير محمد طالع من غرفته..
    هيفاء ماانتبهت له وردت على جوالها..
    هيفاء/هلا خالد......تمام....انت شلونك.....
    وقف محمد مكانه يبي يتاْكد من الاسم صح ولاغلط؟؟؟بس مامداه هيفاء دخلت دارها
    وسكرت الباب وظل هو واقف وافكار تجيبه وافكارتوديه!!!
    هيفاء تكلم خالد؟؟؟يعني بينهم شي وهي الكلبة تقول مابيني وبينه أي شي؟؟؟؟
    يعني شكك يامحمد بمكانه.....بس ياترى من زمان هي تكلمه ولا شسالفتها؟؟؟وحضرتها
    قاعدة تبين لنا انها تكرهه!!!
    طيب ياهيوف طيب...انتي من انفتح لك باب التمريض وانتي فالة الدنيا وتلعبين على كيفك
    وماحد رادك!!!
    بس وقسم بالله ها المرة لا..ها المرة بتكون غير؟؟؟خلني بس امسكك بالمرة الجاية والله
    مايصير لك طيب والله؟؟؟؟
    ////////////////////////////////////////////////////////////
    ام محمد/تهقى خالد كلمها بالموضوع؟
    ابو محمد/لا مااظن...ليش؟
    ام محمد/ماتشوف حالتها هاليومين دايم قاعدة بدارها بروحها ومقفلة عليها الدار!!!لاتاكل
    ولاتشرب ودايم تقول تعبانة؟؟
    ابو محمد/يمكن انها تعبانة من المستشفى؟
    ام محمد/المستشفى صار له فترة ماتعبها اللحين بيتعبها ها اليومين اللي قال خالد انه يبيها؟؟
    ابو محمد/شتقصدين؟
    ام محمد/ماابيها تتعب من جديد يابومحمد مابيها؟؟؟انا ماصدقت انها ننست وارتاحت
    وتغيرت نفسيتها علشان ترجع تفكر من جديد بها الموضوع!!!!
    ابو محمد تنهد/والله مدري شقولك بروحي محتار....
    //////////////////////////////////////////////////////////////يوم الخميس بعد مر بسرعة بنهاره
    واول ما جا الليلوصلوا بيت ام خالد مثل عادتهم كل اسبوع....
    وقعدوا كلهم بالخيمة يسولفون مع خالهم ...وام خالد وام محمد وهيفاء يجهزون العشى
    داخل...
    مشاري/تدرون اني اكتشفت اكتشاف خطير ها الاسبوع؟
    خالد باهتمام/شنو؟
    مشاري/لا بسوي مزاد اول اللي يبي يدفع...
    احمد/يسوى الخبر...
    مشاري/افا عليك انا مكتشفه مايسوى شلون هاذي بالله؟
    محمد/عن منو؟
    مشاري/لا ماراح اقول.....
    احمد/والله اني تحمست؟ها بدفع عشرين؟
    مشاري/مالت على ها البخل؟
    محمد/ههه طيب وهاذي خمسن؟
    مشاري/اعلى..
    خالد/مية وبس؟؟يمكن ان الخبر مايسوى؟
    مشاري/اقولك شي يخص العيلة وانت تقول مايسوى؟
    الجدة باهتمام/عن منو بالضبط؟
    مشاري بنفخة/عن جدي الله يرحمه؟
    الجدة بلا اهتمام/خاس بقبره وانت فاتح سيرته؟؟؟سكرها واللي يعافيك ومسوي مزاد بعد
    لعن ابوك سوي شي زوين مو خرابيط مامنها فايدة؟؟
    مشاري/اولا ابوي يصير ولدك؟؟؟ولاعادي تلعنين ولدك؟؟؟
    الجدة/عادي..
    ابو محمد تفشل وقام يحمحم/احم احم..
    الجدة ولاهامها/كم مرة قايلة له يجيب لنا طباخ وماهو طايع يسمع الحكي؟
    هند/جدتي انتي قاصرك شي؟؟؟
    الجدة/طبعا قاصرني..قاصرني اقعد مثل العالم والبس مثل العالم واكشخ مثل العالم وكل ليلة
    اتعشى بمطعم وكل يوم اتسوق بمجمع واخذ لي ماركات وا...
    مرام/جدتي عفية لاتطيح علينا السما؟
    هههههههههههههههههههههههه
    محمد/بس هذولا قاصرينك؟؟؟
    الجدة/وبعد..بس هاذي قاطعتني؟
    مها فتحت شنطتها وطلعت ميتين/خذ هاذي ميتين بس قول وش الخبر؟
    مشاري/احم احم احم...هاذ يبيلها وقفة...
    ووقف عند الخيمة وطلع من تحت البساط مجموعة اوراق..
    احمد/شكلها السالفة خطيرة؟؟
    خالد/لايكون بس جدي عنده املاك وماحد اكتشفها غيرك؟
    الجدة/وين..وين الاملاك ,,اذا في املاك تراها حرام عليك يامشاري تصير من نصيبي
    ولاتاكل مالي وانا يتيمة؟؟؟
    مها بانفعال/لاتعليق ابدا!!!!مشاري عفية....قول؟
    مشاري ضخم صوته وسوى روحه يلقي خطبة/بصراحة انا ها الاسبوع اكتشفت اكتشاف
    خطير جدا...وهو سبب موت جدي الله يرحمه؟؟؟ماابي احد يقاطعني ولايتكلم لين تجيه
    الورقة ويشوفها زيين؟؟وبيشوف ان معي حق؟؟؟
    هبة جود..تعالوا وزعوا ...؟
    قاموا هبة وجود يوزعون الاوراق وكل اللي فتحها طلعت عيونه من الدهشة وبس وصلت
    الصورة لاابو محمد مشاري ماشافوه طار!!!!!!!!!!
    مها فطست ضحك ووراها البنات...
    احمد/كان الله بعون جدي اذا كان يشوف ها المنظر كل يوم؟
    محمد/لا وكاتب تعليقه بعد؟؟
    مشاري كان ناسخ لهم صورة الجدة وهي ناكشة شعرها بغرفته ومو مبينة ملامحها من كثر
    ما الشعر مجعد وكاتب فوقها (الله يرحمك ياجدي ماحد يلومك يوم تجيك السكتة من شفت
    شعرها؟؟؟)
    احمد/وش رايكم انا عندي اقتراح نسميها ام خماس؟؟
    ضحكوا البنات عليه..
    الجدة للحين ماهي عارفة بالسالفة/منهي ام خماس؟؟؟
    محمد/هاذي وحدة رفيقة امي....
    الجدة/امك اصلا ماتعرف ترافق ناس عدلة ابدا!!!الشره على ابوك اللي ساكت لها ولا لو هو
    واحد ثاني علمها شغل الله؟
    مرام/انا لو منك ياخالد ابروزها واحطها فوق مكتبي؟
    هند بضحكة/لالالا اول كبرها ياخالد بعدها علقها قبالك؟
    خالد بضحكة/تبين تجيبين لي الفقر يابنت؟؟؟؟
    هههههههههههههههههههههههههههههههههه

    مها/واخيرا صرنا بروحنا علشان ندردش مع بعض؟
    هيفاء كانت ساكتة وهي عارفة الموضوع..
    مها/ماتعشيتي؟
    هيفاء/مالي نفس...
    مها/بس طولت سالفة مالي نفس هاذي عندك..تعرفين نفسك بسرعة تتعبين اذا مااكلتي ليش
    بعد تضرين حالك وانتي وراك دوام؟
    هيفاء تنفست بقوة..
    مها/عارفة ان الموضوع ماهو سهل...بس ترى حتى عليه صعب ياهيفاء مو بس عليك؟
    هيفاء بحزن/ليش انا حظي كذا مايل؟؟؟؟يوم كنت معه ماكان يبيني ويحبني؟؟ويوم تطلقنا انا
    حبيته وهو حبني؟؟؟؟؟
    مها /انا عارفة صعوبتها عليك ياهيفاء بس اذا انتي تبينه وهو يبيك لازم تقاومون وتتحدون؟
    هيفاء ضحكت/وانتي ليش ماتقاومين؟؟اشوف اول ماتجي الزلة من محمد زعلتي
    وطنشتي؟؟
    مها تنفست بقوة ها المرة/انا ومحمد غيرك انتي وخالد؟؟؟انتي وخالد بينكم عبود وصريحين
    مع بعض؟؟؟انا ومحمد ..احبه أي ويحبني أي...بس معلقني وماهو راضي يوقفني على
    بر؟؟؟وش ينتظر علشان يقولي ابيك تكونين زوجتي؟؟؟
    هيفاء/معك حق؟؟؟في هاذي انا معك مو مع محمد؟؟ماله حجة يتاخر اكثر؟
    مها/تعبت ياهيفاء احس ساعات انا اللي بعرض نفسي عليه من كثر ماهو مايجيب طاري
    للسالفة؟
    هيفاء/غريبة الدنيا...انتي تنتظرين محمد يجيب طاري العرس....وانا متاْكدة مليون بالمية
    لو خالد عرض فكرة العرس راح يرفضها ابوه!!!!مدري ليش نتعاند بها الدنيا وماتعطينا
    اللي احنا نبيه؟؟؟

    بالمطبخ كان احمد واقف ومسوي روحه مدخل الاغراض وهند تغسل وهو واقف عند الباب
    علشا ن يشوف الرايح والجاي...
    هند/وش فيك صاير حرس؟؟
    احمد/.........
    هند لفت له ولقته واقف يناظرها.....
    هند/فيك شي؟؟تعبان ولامريض؟؟؟
    احمد بصعوبة/هند...انا شنو اعني لك؟
    هند فاجاْها سؤاله وماعرفت ترد عليه ظلت ساكتة؟
    احمد كرر نفس السؤال....
    هند بثقة/بجاوبك بس اذا انت جاوبتني اول....احمد انت تكلمني وانا اكلمك...ونهايتها شنو
    بيكون؟
    احمد/........
    هند/ماعندك رد صح....تدري ليش...لانك ماتبي تتزوجني؟؟؟تبي تتسلى فيني وبس؟؟
    احمد قاطعها بانفعال/مو كذا السالفة والله؟؟؟احبك وابيك...بس اذا كان خالد طلق هيفاء فكرك
    احنا بناخذ بعض بيوم من الايام؟؟؟
    هند دمعت عيونها وقالت بهمس/كنت متوقعة تجي ها اللحظة يااحمد وتعتذر بها العذر
    بالذات اللي متخذينه شماعة لكل شي؟؟؟خالد طلق هيفاء!!!!على فكرة اذا هو طلقها مو
    معناته نهاية الكون يااحمد....بس بما انك فتحت الموضوع ...تفضل....هاذي اخر مرة
    اشوفك فيها ولا ابي المحك حتى ولول بالغلط؟
    احمد عصب وانفعل/وش عندك انتي تكلميني بالطريقة ذي وكني سارقك؟؟؟انا قصدي
    واضح ومفهوم من البداي؟وكنت صريح معك وقلت لك احبك..بس انتي حساسة بزيادة
    وتفسرين الامور كلها على كيفك ومزاجك؟؟؟بس تدرين شلون...شكلنا لاانا ولاانتي
    نتفق...يعني لازم نفترق؟؟؟؟؟
    //////////////////////////////////////////////////////
    خالد دز مسج لمها يسال عن هيفاء ونفسيتها...
    مها/شوفي اخوي شقد حبوب ويسال عنك؟
    اخذت هيفاء المسج وقرته وطاحوا دموعها لاشعوريا...هي قاعدة تحس بالتعب لحظة ورى
    الثانية بمجرد تشوف اهتمام خالد فيها...
    مها علطول اتصل في خالد اللي كان يسولف معهم....
    خالد/هلا...ها....
    مها/شفت بكيتها لي شلون اوقف دموعها انا اللحين؟
    خالد/وانا شسويت؟
    مها/سالت عنها والبنت حساسة ماتبي احد يسال عنها هههههه
    زاد بكي هيفاء بها اللحظة من الاحراج لانها ماتوقعت مها تدق على خالد...
    وخالد وقف قلبه...../طيب...اروح اشتريلها كيك؟
    محمد لف له وهو متاْكد ان السالفة فيها هيفاء بس شلون؟

    مها/أي روح اشتري وانا اللي باكله عنها ههه يالله....
    //////////////////////////////////////////////////////////رجعوا يسولفون من جديد واحمد بعد
    موقفه مع هند طلع وخالد راح يشتري لهم كيك على العمو م واللي فاهمها يفهم انها
    بالتخصيص؟؟؟؟
    وكانت السوالف من هنا ومن هنا لين طاح عبود من فوق المرجيحة اللي بالحديقة وصرخ
    صرخة فزعت اهل البيت كلهم,,,,,,
    وعلطول اسعاف محمد وهيفاء ومها راحت معهم بعد.....
    /في المستشفى..
    كانت هيفاء تعبانة تعب مو طبيعي يكفي انها طول ها اليويمن ماقاعدة تاكل شي وبعد
    اللحين عبود انكسرت رجله فزاد التعب عليها..
    مها/روحي ارتاحي انا ومحمد بنظل واقفين هنا لين يطلعونه؟
    هيفاء بتعب/لا معليش بنتظره؟
    محمد/وش فيك انتي وش اللي متعبك؟
    هيفاء/لا بس مجرد هبوط بالدم....
    محمد/طيب ارتاحي...
    مها/روحي داخل ..اخذي لك مسكن ولا شي يريحك...يكفي ها البكي اللي بكيته وتعبك
    زيادة؟
    كانت دموعها كل مانشفت طلعت من جديد ..
    قامت وراحت لغرفة المختبر اللي كانت قبالهم ودخلت وقعدت مع اللي هناك تسولف
    شوي....
    وعبود خلصوا من جبيرته وكان بغرفة مشتركة مع مرة ثانية لانه بعده بالاسعاف...
    هيفاء/شلونك اللحين؟
    عبود يبكي/ماما تعور؟
    مها/من شطانتك واحد ثاني شيركبه على الرجيحة بها الطريقة بالله؟؟
    عبود/انا اسوي مثل سبايدر مان؟
    محمد بعصبية/انت وش اللي مضيعك غير ها السبايدر مان؟
    رجعت الممرضة اللي كانت بالمختبر قاعدة مع هيفاء وهي جايبة لها كوب فيه شي تشربه
    ومحمد كان واقف بين الستارتين وبعيد عن عبود شوي علشان مها كانت هناك فكان واقف
    قبال الجدار...
    ويوم جت وراحت للمريضة الثانية اللي كانت معهم بنفس الغرفة ومحمد طبعا ماشافها تدخل
    للمريضة فيوم جت بتطلع لف لها محمد وهو بيده اشر على الستارة الثانية مو على ستارة
    عبود..
    محمد/ها شلونها اللحين؟
    الممرضة/عادي..انت مافيه خوف عليها مافي مشكل...
    محمد/شلون يعني؟
    الممرضة/يعني هذا في بداية الحمل كله كذا يصير تعبان ومايشتهي ياكل وكله دوخة...اول
    حمل هذا انت مايعرف؟؟؟
    محمد جمد مكانه وهيفاء طاح كوبها بيدها لانها متاْكدة ان محمد يسال عنها هي مو عن اللي
    جنبهم..وقفت بسرعة وهي مرتبكة/محمد....
    محمد ها الكلمة بس خلته بعالم ثاني؟؟؟يعني ظنونك يامحمد بمكانها وعلاقتها بخالد اكثر من
    اللي توقعته؟؟؟؟؟
    دخل لها وسكر الستارة ومها ميتة خوف من شوفته كذا؟؟؟؟؟
    محمد بدون وعي/حامل ياكلبة؟؟؟حامل؟؟
    هيفاء/محمد انت....
    مامداها تتكلم او وكف على وجهها وطاحت على الفراش وقام عبود يبكي..ومحمد تحول
    لاانسان ثاني وشالها من شيلتها وانفكت ومسك شعرها بيده وقام يضرب فيها وهو يسب
    ويلعن وسط صراخ عبود وجمود مها اللي ماهي عارفة تتحرك وتدخل الممرضة لاابعاده
    عن هيفاء...
    محمد/خليها خليني اربيها ها الواطية الكلبة...هاذي اخرتها ياحيوانة؟؟؟ذبحتك على ايدي
    والله؟؟وانا اقول ها الاتصالات بينك وبين خالد ماهي لله الا بينكم شي؟؟؟؟كذا ياهيفاء كذا
    تاخذينه بالحرام...؟هذا اللي تربيتي عليه؟؟؟
    هيفاء كانت تناظره ودموعها واقفة بعيونها مو معقولة توصل فيه انه يصدق فيها ها
    الشي؟؟؟
    وحده محمد ماصحى الا بكف من مها اللي كانت دموعها مبللة شيلتها...
    مها بدموع وانفعال/اطلع برة يامحمد اطلع؟؟؟؟ياولد الناس حرام عليك..اختك ومن لحمك
    ودمك تشك فيها؟؟؟
    الممرضة تدخلت بها اللحظة/انت في يسال عن هذا مو عن هيفاء؟؟؟وكانت تاشر بيدها
    على الستارة الثانية؟
    وظل محمد جامد بمكانه/
    هيفاء بصوت باكي وبهدوء/اذا تبيني اسويلك تحليل والله لااسويه يامحمد اللحين؟؟؟
    مها بانفعال/لمنو تبين تسوينه؟؟لمحمد؟؟؟ومن قال لك عاد ان اخوك يستاهل تسوين له شي
    ولاتثبتين له شي؟؟؟محمد انا اسفة بس اعتبر اللي بينا كله مات ومالك مكان بقلبي
    يامحمد؟؟؟بتزوج سعود خلاص..مافيني انتظرك؟؟وحتى اذا فكرت اني انتظر..ماراح اخذك
    وانت بها النفسية المريضة اللي تشك باقرب الناس لها؟
    محمد برجاء/هيفاء انا اسف...انا الشيطان لعب بمخي؟
    مها هي اللي كانت تكلمه وبكل انفعال وهيفاء تبكي بصمت وتهدي في عبود اللي كان
    يبكي...
    مها بقوة وصراخ/محمد اطلع برة مدام النفس للحين راضية عنك؟
    محمد/مها..
    مها بصراخ/قلت لك اطلع...ماابي اشوفك؟
    بدون مقدمات ولاانذارت وصل خالد وام محمد وام خالد اللي كانوا ينتظرون خبر وماحد رد
    عليهم وخالد اللي راح يشتري الكيك وماحد عطاه خبر ان عبود طاح الا يوم انه وصل
    البيت؟؟ وساد الجمود بين الكل ومحمد انسحب بهدوء وبدون مايقول أي شي؟؟؟؟
    ///////////////////////////////////////////////////////////ظلت ام محمد مع عبود ورجعت هيفاء
    مع ابوها بسيارة خالد اللي كان جايبهم وطول الطريق ماكان في غير صوت بكي مها اللي
    ماحد عارف له أي سبب؟؟؟
    ووصلوا بيت بو محمد...
    خالد/تبي شي ياخالي؟
    ابو محمد/سلامتك؟
    ام خالد/خالد..نادي مرام خليها تطلع....
    خالد/ان شاءالله...
    نزل بو محمد ووراه هيفاء اللي كانت تمشي بدون تفكير ولحقها خالد بسرعة علشان يتكلم
    معها وانتبهت له ام خالد بس مها كانت غارقة بدموعها...
    خالد بهمس/هيفاء وش فيك..مجرد كسر بيطيب مع الايام.....
    هيفاء زادت دموعها وحست انها ماتشوف شي والخيرة انهم وصلوا لداخل البيت وتسندت
    على الجدار.....
    خالد بخوف/حبيبي وش فيك؟
    هيفاء رمت نفسها على خالد وقامت تبكي بقوة/محتاجة لك ياخالد محتاجة لك؟؟؟محتاجة
    لوجودك جنبي ومعي وتحميني؟؟؟حتى اخوي ما رحمني ياخالد مارحمني؟؟؟
    خالد بخوف/محمد سوى لك شي ياهيفاء؟
    انتبهت هيفاء ان مرام طلعت وبعدت نفسها عن خالد وصارت تمسح دموعها...
    خالد/قولي لي؟
    هيفاء/مها بتحكي لك ياخالد...تصبح على خير؟
    //////////////////////////////////////////////////
    كان محمد قاعد على البحر بذيك اللحظات ودموعه مالية وجهه وكل شوي يمسحهم
    بشماغه...
    يامحمد اللي سويته غلط وغلط كبير بعد؟؟؟
    مادورت تشك الا باختك بنت امك وابوك؟؟؟
    انا اسف ياهيفاء اسف..وعارف انك ها المرة مابتسامحيني ابدا..بس والله يااختي غصبا
    عني؟؟واوعدك وعد اني اتغير تغير كلي من اليوم ومن ها اللحظة...وعد ياهيفاء
    وعد...انتي اختي وحبيبتي وماراح يفرق بينا الا الموت وعد ياهيفاء وعد؟؟
    وخالد تاج راسنا وياليت تردون لبعض علشان عبود...اي عبود اللي بيكرهني بعد
    ماضربتك اليوم ومااحترمت وجوده؟؟؟بس اوعدك يالغالية وحياتي كل شي بيتغير.....
    جاه مسج من مها بها اللحظات اللي كان يعاهد فيها نفسه بالتغير وغيره فعلا وغير نفسيته
    بعد!!!!واول ماقراه طاحت دموعه اكثر واكثر...
    ارسلت له مسج صغير بس انه بمعانيه يحمل كل شي كبير(مات حبك والبقية بحياتك
    يامحمد)
    ليش يامها ليش؟
    اتصل فيها وهو مثل المجنون وحلف لو كانت مقفلة جوالها انه بيروح لباب بيتهم..بس مها
    ماقفلت جوالها بالعكس ردت عليه من اول رنة....
    مها بقوة ودموع مايناسبون بعض/خير وش تبي...ماتعرف تقراْ وتبيني اقولك وش دزيت
    لك؟؟؟قلت لك يامحمد مات حبك والبقية بحياتك؟
    كانت تقولها وهي تتقطع من داخلها اصلا؟؟
    محمد برجا وانكسار/مها..مها انا احبك؟
    مها/وش تحبني ياولد الناس؟؟؟انت ماخليت فيها حب؟
    محمد/مها الله يخليك لاتخلين الا شياء اللي حوالينه تاْثر فينا وعلى علاقتنا؟؟
    ضحكت مها والموقف مايناسب ومحمد وقف قلبه من ضحكتها..
    مها/قلت لي....يعني الاشياء اللي حوالينه مالازم تاْثر فينا طيب..مممكن اسالك سؤال؟
    بدى صوتها يميل لالالاانكسار والضيق
    ليش يوم تطلقت هيفاء من خالد قطعتني من حياتك وقطعت حتى السلام علي اذا كانت
    الاشياء اللي حوالينا ماللازم تاْثر فينا!!!!
    تدريوش مشكلتك يامحمد؟؟؟مشكلتك تسوي الشي وماتبي غيرك يجاريك ويسويه؟؟؟محمد انا
    عبت والله ماعاد لي صبر..طول الوقت وانا اقول لنفسي محمد يعرفك ويعرف انتي من بنته
    ويعرف بيتكم ويدله ولو كان يبيك كان طلبك للزواج؟؟؟ماتقولي وش اللي خلاك ماتطلب
    يدي للحين مدام ان الاشياء اللي حوالينا مالازم تاْثر فينا؟؟؟
    بعد في شي ثاني كنت تبي تعرفه..يدي اللي انكسرت وسببها..اي احمد اللي
    كسرهها..وكسرها يوم قعدت معك بالسيارة يوم اللي رحنا جرير لانه شافني داخلة المكتبة
    من جديد وغلط نفس غلطتك اليوم بهيفاء بس انا سكت وداريت لاني ماحبيت اجرح
    خاطرك ولا بكلمة صغيرة يامحمد؟؟بس انت ماتستاهل ابدا...خلاص....خليني اعيش حياتي
    بدونك.. بشلك من افكاري يامحمد بشيلك؟
    //////////////////////////////////////////////////////
    خالد/يبى....عبود صار له يومين متنوم بالمستشفى ماتبي تروح تشوفه؟
    ابو خالد/مو انا قلت لك ماابي اشوف احد منهم؟
    خالد/انا ابي افهم شي واحد انت ماتحب ولدي؟
    ابو خالد/شلون مااحبه وهو ولدك؟؟؟
    خالد/قول لنفسك....
    ابو خالد/شوف ياخالد..ولدك يطلع من المستشفى يجي هنا علطول..هم ماهم دايرين بالهم
    عليه كويس؟؟
    خالد/لا ان شاءالله يروح بيتنا انا وامه؟
    ابو خالد/شتقصد؟
    خالد/كلمت عمي وقلت له اني برد مرتي...وقال لي الف مبروك؟
    ابو خالد بعصبية/وانت من كيفك تبي تردها؟
    خالد/واتقت معه ان انا وانت وهو نكلم عمي بو محمد بس علشان ماندخل بسين وجيم قررنا
    نروح نقعد معه بالقهوة اللي يتقهوى فيها كل ليلة ونتكلم بالموضوع لين نوصل لااتفاق؟
    ابو خالد/شتفاقه بعد ياخالد؟
    خالد/انت ناسي انه مايبيني اتزوجها؟
    ///////////////////////////////////////////////////////
    هند/هيفاء انتي ماتروحين المستشفى ها اليومين ليش؟
    هيفاء بعد فضيحتها من محمد تركت المستشفى وقررت تقدم استقالتها لان سمعتها هناك اكيد
    صارت بالحضيض بعد اللي صار قدام عيونهم؟
    هيفاء بشرود/مالي خلق دوام وعبود بكرة بيطلعونه؟
    هند/أي بس هو سال عنك اليوم؟
    هيفاء/كلمته...مالي وجه اوطى المستشفى مرة ثانية؟
    هند/شصار بينك وبين محمد ياهيفاء؟
    محمد كان بها اليومين يتذلل لهيفاء ويعتذر منها بس هي كانت جامدة بكل شي.....
    هيفاء/سوء تفاهم بسيط بيني وبينه ان شاءالله انك ماتنحطين فيه بيوم من الايام لابجد
    بتفقدين ثقتك بنفسك؟
    هند بلا وعي/معقولة الحب يخلي الواحد كذا؟
    هيفاء/أي حب؟
    هند بتنهيدة/الحب اللي ضيع محمد...وخلاه يتصرف مثل المجنون معنا؟؟حبه لمها اللي
    للحين ماهي راضية تصير من نصيبه؟
    هيفاء/كل الحب عذاب ياهند كله؟؟من بدايته لنهايته مافيه شي يفرح ابدا!!
    هند/معك حق..كل الحب..كله يعذب بدون استثناء؟؟؟
    //////////////////////////////////////////
    بالقهوة...
    ابو سعود/شقلت يابو محمد؟
    ابو محمد/قلت لااله الا الله محمد رسول الله..بس انا مااعطي ولااوفق على هيفاء لخالد الا
    اذا عطوني مها لمحمد؟
    ابو خالد وقف/لا وستين لا...؟
    خالد/يبى!!!!!
    ابو سعود/شها الكلام يابو محمد الله يهداك انت اللحين بتربط مصير بنتك مع
    ولدك؟؟؟مايصير خلينا نخلص من موضوع خالد وبعده اذا في شي نتكلم فيه بوقته؟
    ابو محمد/انا هذا اللي عندي غير كذا والله ماعندي؟
    ابو سعود/شقلت ياخوي؟
    ابو خالد/قلت لا؟
    خالد بنرفزة/زين ليش لا؟؟؟وش فيه محمد بالله ماياخذ مها؟
    ابو خالد بعصبية/انا عارف ان خالك يبي ها الشي من زمان!!!!يبي يزوج محمد لمها
    علشان يرجع بنتي مطلقة لبيتي!!!!
    خالد/يبى!!!!
    ابو خالد/واللحين جت الفرصة يبي ياخذها وانت تاخذ اخته ولو تفكر تطلق اخته يقوم هو
    بعد يطلق اختك؟
    خالد/يايبى محمد لايفكر بها الطريقة ولاهم يحزنون انت ليش تظن بالنية الشينة عاد!!!!
    ///////////////////////////////////////
    في بيت العواد..
    ام خالد/الله يستر من طلعوا مارجعوا للحين؟
    احمد/انتي هدي بالك وان شاءالله يصير خير يمه؟
    ام خالد/أي خير يمه ماظني انه خير ابدا؟
    مها كانت صافنة بروحها وماهي معهم بالدنيا......
    احمد/مها فيك شي؟
    مها/لا..بس..كنت افكر بالموضوع واللي ممكن يوصلون له..,اغلب الظن انهم ماراح
    يوصلون لنتيجة؟
    احمد/وليش هالتشاؤوم بالله!!!!
    مها/ابوي واعرفه وواثقة فيه..زين؟
    احمد/اهم شي خالد لايغير رايه اذا هو معزم عليها صدق ويبيها؟؟
    ام خالد/الله يستر بس !!!انا قلبي مو متطمن يااحمد ,,والله ماني قادرة افكر في شي ابدا!!!
    احمد/يمه انتي ريحي بالك وان شاءالله مو صاير الا كل طيب وبعدين انتي.....
    دخل ابو خالد وخالد بها اللحظة....وسلموا وكل واحد راح داره!!!!!
    ///////////////////////////////////////
    في بيت السالم,,,,
    ابو محمد/السلام عليكم...
    وعليكم السلام والرحمة....
    ام محمد/يعطيك العافية....اجهز العشى؟
    ابو محمد/لا بعدين.....وين هيفاء ماهي قاعدة معكم؟
    هند/بدارها يبى؟
    مشاري/اناديها ..تبي تسولف معها؟
    ابو محمد/لا انا بركب ابدل ثيابي وبمرها اشوف وش سالفتها ماراحت دوامها ولاراحت
    لولدها؟
    هند/يبى بعد شوي بيرخصونه.....
    ابو محمد/ومنو بيطلعه؟
    ام محمد/مدري بس خاله محمد وهنادي معه من العصر..الا اذا عيوا لازم خالد يجي يطلعه؟
    ابو محمد تنهد/يصير خير...الا وين امي؟
    مشاري ياشر على المطبخ ويسوي حركات بمعنى انها تاكل؟؟؟
    ////////////////////////////////////////////////////////
    في غرفة ابوخالد,,,,,
    ام خالد/ابو خالد..خير ان شاءالله وش سويتيوا؟
    ابو خالد بعصبية/سالي ولدك اللي بيسوي روحه رجال على اخر عمره ؟
    ام خالد/عسى ماشر يابو خالد..انت جيت دارك وهو راح داره؟قول وش اللي صاير ياولد
    الناس ترى وقفت قلبي؟
    ابو خالد/انتي لو مصرة على رايك وماغيريته على انك ماتبين ها العرس مو فكيتيني من
    مقابل اخوك الليلة؟
    ام خالد/طيب قولي شصار؟
    ابو خالد/روحي لولدك وخليه يعلمك انا ماني متكلم؟؟
    ///////////////////////////////////
    في غرفة هيفاء..
    هيفاء/يبى..حياك تفضل؟
    ابو محمد دخل وسكر الباب وراه وجلس جنبها..
    ابو محمد/ليش قاعدة بروحك هنا؟
    هيفاء/بس..كنت بريح شوي قبل لايجي عبود؟
    ابو محمد/وراك مارحتي تزورينه يبى؟؟؟معقولة قلبك مو شاغلك عليه!!!
    هيفاء/الله يشهد انه مايغيب لحظة عن بالي يبى...بس ماعليه الليلة بيكون هنا ان شاءالله؟
    ابو محمد/يبى...شصاير بينك وبين اخوك محمد بعد؟ليش ماتتكلمون؟
    هيفاء/...................
    ابو محمد/محمد غلط عليك بشي؟
    هيفاء/لا يبى ماغلط علي؟
    ابو محمد/اجل وش له ماتكلمينه ياهيفاء!!!كل البيت ملاحظ ها الشي من يوم مارحتوا
    تودون عبود المستشفى لليوم وانتوا كلو واحد بصوب يقعد وكل ماقرب محمد صوبك يكلمك
    صديتيه؟؟
    هيفاء بدت دموعها تنزلوقالت بصوت مبحوح/يبى انت ممكن تشك فيني ولافي تصرفاتي؟
    ابو محمد/حشى لله!!!انا مربيك بيدي بشك فيك يابنيتي؟؟؟
    هني بس علا صوتها بالبكي واخذها ابوها بحضنه وربت على كتفها...
    هيفاء/انا تعبانة يبى تعبانة مو قادرة افكر بشي حتى الدوام بطلع منه علشانه هو بس
    ؟؟وعلشان يرضى ويطيب عيشه يايبى؟؟
    ابو محمد/هيفاء محمد ماهو ولي امرك علشان ترضينه!!!!اذا انتي حابة شغلك وحاسة نفسك
    ماقاعدة تغلطين لاترمين نفسك يايبى علشانه؟؟؟هو وش قال لك بالضبط قوليلي انا ها المرة
    مصر اعرف لانك بنتي ولاني بعدني مسئول عنك؟؟
    هيفاء بعدت عن ابوها وصارت تمسح دموعها/لايبى عادي..موقف وفهمه محمد بالغلط وانا
    مالومه.....هذا اخوي وحبيبي وتاج راسي....شرايك ننزل انا الليلة بعشيكم علشان طلعت
    عبود بالسلامة؟
    ابو محمد/قبل لاتعشين ودي اكلمك بسالفة يبى؟بس شايفك زعلانة بخليها لوقت ثاني؟
    هيفاء/لا يبى مافيني شي قول اللي عندك....
    /////////////////////////////////////////////////////
    في غرفة خالد,,,
    مها/خالد..صار لنا ساعة انا واحمد نكلمك قول وش صار وريحنا؟
    احمد/ياولد الناس تعبنا من كثر ماتنهدت بوجهنا ؟؟علامك انت؟؟؟
    خالد/وش تبوني اقول يعني؟
    مها/اللي صار؟
    خالد/يعني تتوقعون ان شكلي يدل على انه صار شي محرز وحلو؟؟؟
    احمد/قطعا لا؟؟بس نبي نعرف وش الحكاية بالضبط يابو عبادي؟
    دخلت ام خالد بها اللحظة وقعدت قبال خالد اللي كانت مها عن يمينه وجنبها احمد...
    ام خالد/خالد يمه وش اللي صار..ابوك مارضى يتكلم وقالي روحي لولدك خله يعلمك؟
    خالد/اوووف من جد مالي خلق؟
    ام خالد/وانا فيني صبر..يبى تكلم..بعد شوي ولدك بيطلعونا من المستشفى وابي اعرف وش
    اللي صار بينكم وبين اخوي علشان اعرف شلون اتكلم معه وشلون اقابله من الاساس؟؟
    خالد /اوه ه ه عبود بعد شوي بعد يبيلي اجيبه؟؟زين ذكرتيني؟
    مها/خل عنك عبود بعدين نروح نطلعه سوا..بس قول شقلتوا لخالي......
    خالد/عادي عمي هو اللي فتح الموضوع وكلمه فيه بس خالي رفض الموضوع الا اذا قبلنا
    احنا شرطه؟
    احمد ومها وام خالد ناظروا في بعض..
    ام خالد/اخوي عنده شرط؟؟؟
    احمد/اكيد يبيك تبصم على ورقة انك ماتطلق هيفاء مرة ثانية!!!
    خالد كان يناظر بمها../لا كان يبي محمد لمها؟
    مها بس سمعت ها الكلمة صارت عيونها بعيون خالد وتجمعت فيها الدموع بس حاولت
    تكون طبيعية.....وام خالد واحمد يناظرون فيها..
    ام خالد/يبي محمد لمها!!!وابوك شقال؟
    خالد/طبعا ماوافق؟
    ام خالد/غريبة..
    احمد/وش الغريب يايمه محمد ولد خالي واكيد ان الشر بيعم عليه مثل ماعلى ابوه واخته من
    قبله؟؟
    ام خالد/لا..الا محمد ابوكم يحبه ويتمنى قربه بالفعل ...بس ليش رفض؟؟
    خالد/يقول انها لعبة من خالي ..علشان اذا انا طلقتهيفاء يقوم هو ويطلق مها وترجع له بنته
    مطلقة؟؟؟
    احمد/ياسلام..ماهو رضى على بنت نسيبه ترجع مطلقة بيوم من الايام وهي حامل كيف
    مايبييرضاها على بنته يعني؟؟
    ام خالد بصرامة/احمد!!
    احمد/يمه هذا الصدق ؟؟
    مها بصوت هادىء/وش صار بالنهاية؟
    خالد/ولاشي مااستقرينا على شي لاانا عرفت شبسوي ولاهم اتفقوا على شي محدد وقطعتنا
    الصلاة وقمنا؟؟؟
    مها/يعني ابوي ماقال له أي شي بخصوص محمد؟
    خالد/لا...
    مها وهي تناظر بالارض وبصوت واطي/احسن..زين ماسوى ابوي..انا ماابي محمد؟؟؟؟
    قالتها وقامت من غرفة خالد وهم يناظرونها...
    خالد بانفعال/من صدقها هاذي ؟؟هي مو تنتظره؟؟ليش بعد تقول ماتبيه يوم ان جاها؟
    احمد/هي الوحيدة اللي لازم تحدد مصيرها بمنو يرتبط واحنا مالنا شغل؟؟؟
    خالد/يالله انا بروح اطلع عبود...تبون شي؟
    ام خالد/بتوديه هناك..
    خالد/اكيد..مابيرضى يقعد بدون امه ولاليوه؟؟؟انا يمكن اتاخر لاني بقعد معاه وبعدين برد..
    احمد/وش دعوة احنا مطرودين انا والوالدة بعد بنطلع ناخذ له هدية السلامة وبنجيه بيت
    خالي بعد شوي؟
    خالد/معناته قوم اذلف خلني اصلي واروح لولدي؟؟؟
    /////////////////////////////////////////////////////
    هيفاء بدهشة/خالد طلبني منك؟؟
    ابو محمد/أي يبى..اليوم هو وابوه وعمه كلموني وقالوا لي ووقالوا نتفق وبعدها بيجون
    يخطبون رسمي...بس انا طينتها يبى وطلبت محمد لمها ماكان المفروض استعجل
    المفروض اروح بيته واطلبها منه هناك وماربط مصيركم ببعض؟
    هيفاء/لايبى...محمد محتاج زوجة ومها بالتحديد وانت تقول انه مكلمك عنها يبيها خلاص
    بعد؟
    ابو محمد/المشكلة انه رافض...واللي انا خايف منه انه يغير رايه ومايجي خالد يطلبك مرة
    ثانية واكون انا السبب اللي وقفت بوجهكم يبى؟
    هيفاء/ماعليك يبى..انا اصلا ماقلت لخالد شي ولاهو كلمني بالموضوع ؟؟يعني اذا هو كان
    جاد بيجي مرة ثانية واذا مايبي بكيفه...انا مابموت اذا ماتزوجت يبى؟
    ابو محمد/بس انا مالي حق لسوي كذا يايبى انا اسف..
    هيفاء ابتسمت/ولاتتاسف ولاتعتذر يالغلي اصلا مافي احلى من القعدة بهاالبيت ومع ها
    الوجوه الطيبة..عسى ربي مايحرمني لامنك ولامن الغالية...ولامن اخواني...
    ///////////////////////////////////////////////////////////بالخيمة..
    الجدة/وش له ها السوالف ذي كلها بالله؟
    هند قاعدة تركب البالونات ومشاري الكشافات..
    مشاري/اقول اذا مالك لزمة لاتوقفين على راسنا؟
    هبة/اجيب شي بعد؟
    هند/قولي لاامي تفضي الطاولة اللي بالمطبخ علشان بنحط عليها الكيكة اللي فيها
    صورته...مشاريوه جبتها الكيكة؟
    مشاري/لا كلمت احمد يجيبها معه منو وين بجيبها وانا ماعندي سيارة اروح على حمار
    جدتي اجيبها؟
    هند من جابوا طاري احمد تبهدلت احوالها ونزلت يدها وطاح الخيط اللي فيه البالونات
    كلهم؟؟؟
    مشاري بنرفزة/اوه ه ه؟؟؟
    هند انتبهت وخافت منه/ياجدتي قايلة لك الف مرة انتي اذا وقفتي على راسنا يخترب كل
    الشغل؟؟
    الجدة/انتي تسرحين ياوجه العنز وانا اطلع اللي مخربة الشغل؟؟
    مشاري/اختي معها حق..على الاقل روحي داخل شوفي لك شغلة ولامشغلة؟
    ام محمد/ها تبون مساعدة ولاشي؟
    مشاري/تسلمين..
    ام محمد/سارة يمه مو قلتي بتغلفين لي الهدية ماغلفتيها؟
    سارة/نسيت جدتي....قعدت اساعدهم...
    هند/خلاص سارونة روحي غلفيها لها وبالمرة طلي على اللي خبرك وشوفي كل شي تمام
    وبعدينتعالي ساعدينا في شغلة مخصوصة لك انا خاشتها؟
    سارة/امي بتتاخر مع خالي ياجدتي؟
    ام محد/لا ان شاءالله ماهم متاخرين اكيد جايين اللحين بالطريق لانهم قالوا ان ابوه بيجيبه؟
    سارة/انا مابقولكم انا وامي شنو شرينا لعبود هدية؟؟امي قالت انه بيفرح فيها؟
    الجدة/اكيد شارين له دباب؟؟؟
    سارة/كيف دباب وهو رجله مكسورة؟
    مشاري/سارة لاتقعدين روحك يابابا...طنشي احسن لك؟
    /////////////////////////////////////////
    ابو محمد/هذا خالد متصل علي...
    هيفاء وقف قلبها....
    ابو محمد/هلا يبى....هلا خالد...الله يسلمك...الحمد لله...شلون .....لا عادي..مافيها شي انا
    ماعندي مانع اذا تبي تروح...خلاص لحظة بس اسالها لك....هيفاء يبى..هذا خالد يقولك كلم
    عبود وعبود يبيك تكونين معه...يمرك اللحين تروحين معه لانه رايح يجيبه؟
    هيفاء سكتت وماعرفت شتقول....
    ابو محمد ياشر لها انها ماتطول خالد ينتظر ردها؟
    هيفاء/بكيفك يبى اللي تشوفه؟
    ابو محمد/خلاص..تعال يبى....شلون انت تحت هههه يعني مو متصل تاخذ راي مخلص
    شغلك يبى...هههههه يالله بخليها تنزل لك؟
    يبى لبسي عبايتك ونزلي خالد تحت ينتظرك ويقولك لاتطولين ترى عبود مو طايق ينتظر
    اكثر,,,,,
    تمنت بها اللحظة انها قالت لاابوها لا...بس خلاص كلمة وانقالت وصار مالازم
    تتراجع...قامت تلبس عبايتها وهي تفكر كيف بيكون لقاءها مع خالد..يارب تكون مها معه
    مع عمتي....
    ////////////////////////////////////////////////
    مها كانت بغرفتها وواقفة قبال المرايا وفتحت شعرها القصير وصارت تتامل بملامح
    وجهها...
    ملامح ناعمة وفيها من الزين اكثر...كم عمرك يامها؟اربعة وعشرين داخلة على الخمس
    وعشرين؟؟كم سنة انتظرتي محمد يقول انه يبيك؟فوق الاربعة سنين,,,وش اللي خلاك
    تقولين احسن انا ماابي محمد؟؟تكذبين على نفسك مو عليهم...كلهم عارفين انك تبينه مثل
    ماهو يبيك؟؟؟
    غمضت عيونها وهي تذكر اخر موقف صار لها مع محمد بالمستشفى...وكيف تجراْت
    ورفعت يدها عليه...لا يامها انتي فعلا ماتبينه؟؟؟؟بس يمكن خيرة...لك وله بعد,,,,الله
    يوفقك يامحمد....الله يوفقك.....انا مالي الا ولد عمي مثل ماقال ابوي....
    وانت.....الله يوفقك ويموت حبك بقلبي!!!!!!!!!!
    ////////////////////////////////////////
    في السيارة..
    ركبت هيفاء وخابت امانيها كانت السيارة فاضية الا من خالد وعطره وصوته!!!
    لف لها/اعتبرتيني سايق وقعدتي ورى وقلنا ماعليه بنعديها بس سلام وماتسلمين لا؟؟ترى
    السلام لله؟؟
    هيفاء ناظرت بالارض/هلا...
    خالد بنعومة/اهلين....
    هيفاء/........
    خالد حرك السيارة ومشى.../اشتقتيله؟
    هيفاء/مافيها شك...احس اني ضايعة بدونه؟
    خالد/حرام عليك كان كل يوم يسال عنك؟ماقلتيلي ليش ماكنتي تروحين تزورينه؟
    هيفاء/اسباب خاصة؟
    خالد/طيب وانا اشتقتيلي؟
    استغربت سؤاله وماردت عليه رغم انها كانت تبي تقول أي...
    خالد/هيفاء ممكن اهديك اغنية؟
    هيفاء/والمناسبة؟
    خالد/اذا سمعتي الاغنية...بتعرفين شنو المناسبة...هو خالي كلمك؟
    هيفاء نزلت راسها بالارض/أي....بس انت ليش ماقلت لي؟
    خالد/لاني ابيك...وشغل السي دي ورفع الصوت على اخره وعلى صوت عبدالمجيد عبدالله
    بالسيارة كلها(قررت اموت بحبك,, وامشي معاك بدربك,,انت ياساكن قلبي,,,اسمحلي
    اعيش بقلبك,,صوتك ترى يكفيني,,,وقلبك ترى يحيني,,,)
    /////////////////////////////////
    هنادي/الله..وش ها الحركات ذي الحلوة.
    سارة/ماما انا بعد ساعدتهم؟
    ام محمد بفرح وحب/واحنا بدون سارونة وش نسوي؟؟نضيع؟
    الجدة بحقد/ولانضيع ولاهم يحنون؟؟؟وش سوت عاد؟؟؟كل ماتحط شي يطيح من العوابة؟
    سارة استحت وراحت ورى امها...
    محمد/تعالي حبيبتي .....اصلا انتي اجمل بنت لقيتها بالدنيا تعرفين هالشي؟
    الجدة/انا بنتك تذكرني بمولان؟؟ياشينها؟
    هنادي/؟؟؟؟؟؟؟؟
    مشاري/وش جاب مولان الصينية لبنت اختي السعودية الجميلة؟
    الجدة/جميلة بعينك؟
    ابو محمد/يمه الله يهداك وش ها الكلام عاد؟
    الجدة/ها بتقلب انت بعد ؟بتصير انت والزمن وعيالك علي؟؟؟
    هنادي/سارونة روحي شوفي من على الباب؟
    افتحت سارة الباب وكانت العمة جاية مع عيالها واحمد وكل واحد في يده هدية مغلفة للغالي
    عبود...
    مشاري دف جدته/استحي عاد كل الناس جابت هدايا لعبود علشان يفرح مافي الا انتي
    يالبخيلة؟؟
    الجدة بثقة/انا ماقلت اني ماراح اجيب؟؟؟بس يجي بعطيها اياه؟
    مشاري باستغراب/صدق؟؟
    الجدة/اليوم رحت محل ابوعشرة مع رفيقك ضاري شفته واقف عند باب بيتهم وخليته
    يوديني وشريت له تعرفني عاد فليساتي على قدي ماقدرت اشتري له شي فخم اهم شي شي
    يفرحه؟
    محمد من شاف مها وقف قلبه....وهي ماكلفت على خاطرها حتى ترد على سلامه وراحت
    قعدت جنب هنادي..الشي اللي ضايقه وخلاه بيقوم بس يد احمد كانت اسرع ومسكته..
    احمد/وشعليه مستعجل احنا ضيوفك؟
    محمد بضيق/البيت بيتك ومنت ضيف يااحمد؟
    احمد بهمس/مافي شي يخليك تقوم.....اقعد؟ماصر شي بالموضوع بعد.....
    مشاري/يبى كنسل طلبية المطعم هيفاء اتصلت فيني وقالت ان خالد موصي على عشى
    وبيجيبه معه وقالت لي خلاص كنسل...
    الجدة باعتراض/وليش تكنسلون بالله زيادة الخير خيرين؟
    ام خالد/يمه؟؟؟حرام نعمة الله بتترمى بعدين؟؟اكل المطاعم يايناكل بحزته يامالنا حاجة فيه
    بعدين؟
    الجدة بصوت واطي/انا عادي يقعد بالثلاجة اسبوع وبين الرايحة والجاية اصخن لي
    بالميكروف واكله؟؟؟الله يلعن بخلكم؟؟؟
    هند/قومي ندخل داخل شوي..
    مرام/ليه عاد..سوالف جدتي توسع الصدر خلنا نضحك....
    هند/ياشينك بس وش اللي توسع الصدر؟؟؟هاذي الصدر كل ماله ويضيق منها ومن
    سوالفها؟؟
    مرام/ههههه لو بس ترضى تجي عندنا كان وريتك فيها بس ماترضى..
    هند/من حبها لكم مخليتكم عايشين بسلام بعكسنا؟؟؟مايمر يوم بدون ماتتمشكل مع احد وحتى
    ابوي ماهو سالم منها؟؟؟

    في السيارة كان عبود بحضن هيفاء وخالد كل شوي يلف عليهم ويسولف.....
    عبود/زعلان منك لاتحاولين....
    هيفاء برجاء/الله يخليك سامحني والله مو قصدي...
    عبود/ماراح اسامحك...اصلا حتى خالي محمد جاني وتسامح مني على انه ضربك وانا
    سامحته وجاب لي هدية بعد؟؟
    لف خالد بسرعة لهيفاء يستفسر عن كلام عبود وهي غيرت الموضوع محمد مهما كان
    اخوها واذا خالد عرف يمكن تاْكد شكوك محمد فيها ان بينها وبين خالد علاقة علشان كذا
    عرف!!!وبعدين هي ماسامحته للحين وماتدري انه تغير اكيد....
    خالد بحيرة/مافهمت شيقصد عبود؟
    هيفاء بدون ماتناظره/ولاشي....
    عبود/يوم بالمستشفى يضربك خالي محمد وتبكين وعمتي مها..
    هيفاء بصراخ/عبود؟؟؟
    سكتوا مرة كلهم وشوي عبود ارتفع صوت بكيه..
    حضنته هيفاء/حبيبي خلاص.....
    خالد/ممكن اعرف شالسالفة؟
    هيفاء بتنهيدة/خالد معليش انا واخوي وسوء فهم بينا...عادي...مافي شي يسوى؟
    خالد/بس عبود يقول انه ضربك وبالمستشفى؟
    هيفاء/اذا تبي تدوخ راسك وتقلبني عليك اسال؟؟واذا تبي ترتاح وتريح مزاجك خليك كذا
    وماكانك سمعت شي وعن نفسي اقول السالفة بسيطة وعدت وتفاهمنا ومافي أي شي.....
    خالد/ودي اصدقك بس تذكرت كلمة مها اليوم وحاس ان فيه شي؟
    هيفاء بخوف/مها؟؟؟ليش شقالت؟
    خالد/يوم قلت لها عن محمد قالت احسن انا ماابي محمد؟؟؟؟وهي اللي بتموت على محمد
    ومنتظرته!!!ماتحسين ان في شي صاير؟
    هيفاء بخوف/مها لازم تكون اكبر من كل شي وتخلي حبها لمحمد فوق كل الاعتبارات
    وماتدخل أي قضية بينهم؟؟؟؟
    خالد/وانتي بتخلين حبي لك فوق كل الاعتبارات؟
    هيفاء/خسارة وصلنا البيت ولا كان جاوبتك؟
    خالد/ههههه وش ها الاجابة الدبلوماسية يعيني؟؟؟؟على العموم انا الليلة مو تاركك خوب
    انتي لادوام ومتفرغتي الليلة؟
    //////////////////////////////////////
    مشاري/يالله بسرعة وصلوا.....
    اول مادخلت هيفاء حاملة عبود شغلوا اغنية شاطر شاطر اللي يحبها عبود وقاموا يغنوا له
    وهبة وجود وسارة فتحوا الزينات عليه وهو متفاجىء من الجو...
    هيفاء/الله شوف عبود شنو مسوين لك...بالونات وكاتبين اسمك عليهم...
    ابو محمد/جيبيه ياهيفاء...ها عبود ماتشوف شر يبى والله ان البيت من دونك ماهو شي.....
    ام خالد/ماتشوف شر يايمه..عساه فيني ولافيك؟
    ام محمد/نور بيتنا بك يابو محمد....عساه اخر الشر ياوليدي؟
    مها/جبت لك حاجة تحبها مرة....
    سارة/انا بعد شريت لك هدية....
    مرام/وحشتني عبود ياقلبي....ماتشوف شر...
    هند شوي وتبكي واحمد بيموت/ياعمري مابتقدر تقوم تمشي وتلعب معي؟؟؟ان شاءالله اخر
    الشر ياجعله فيني ولافيك؟
    مشاري/بتقلبيها مناحة انتي؟؟ماعليك منها عبود تعال عندي بس وانا خالك لاليوه؟
    الجدة/هيفاء..
    هيفاء/نعم جدتي؟
    الجدة/خالد جاب العشى ولانسى؟؟؟
    كلهم ناظروا بذيك اللحظة بنظرات دهشة وعجب!!!!
    الجدة/عسى ماشر؟؟ليش تناظروني كذا ان شاءالله؟
    مشاري/اللحين من الصغير للكبير يسال عنه وانتي تسالين عن العشى؟
    الجدة/وش اسوي فيه انا بالله!!!اللحين بيرد كانه فار يحوس بالبيت اعرفه انا؟؟؟؟
    هيفاء قعدت وهي متضايقة من كلام جدتها..
    هنادي/لاتقولين زعلتي لابذبحك؟؟؟تكونين ماتعودتي عليها؟؟؟لاتخافين قبل شوي بكت بنتي
    لين شبعت؟
    هيفاء باسى/يابعد عمري ياسارونة والله ماتستاهل؟
    مها/تعال عندي عبادي...
    عبود ماكان له خلق احد ابدا حتى لاليوه وكان لازق بحضن امه بحكم رجله اللي فيها
    الجبيرة وماهو قادر يتحرك وكل شوي يبكي.....
    خالد/احم احم..يااهل البيت؟
    الجدة فزت من شافت خالد داخل باكياس العشى/تعال يمه احنا هنا تعال مافي غرب ادخل...
    احمد/بس خالد ولدها اللحين على العشى؟
    مشاري/أي والله مو مني لله؟
    الجدة/انت اسكت وانطم والله لاتاكلها يامشاريوه يعني لاتاكلها وبدبرها لك لاتخاف!!!
    خالد/مشاري اقول قم الله لايهينك ونزل باقي الاغراض؟
    الجدة بعصبية/بتقوم لو اطلع انا اجيبهم؟
    ابو محمد/يمه الله يهداك وين تطلعين؟؟السيارة بالشارع؟؟؟
    الجدة/قوموا انتوا ياعلل وجهزوا لنا السفرة خلنا ناكل ميتيتن جوع؟؟؟
    ام محمد/قوموا بنات قوموا...
    قاموا مرام وهند ولحقتهم هنادي ومها كانت واقفة وتمشي على هونها....
    الجدة/انتبهي عاد لاتوقعين!!!قاعدة تمشين على بيض؟؟ولامفكرة الليلة عرسك يالعانس
    وقاعدة تتمشين على الجسر؟
    مها بصدمة/انا عانس؟؟؟؟
    الجدة/ليش ان شاءالله كم مفكرة عمرك؟
    مها بثقة/الحمد لله بعدني مادخلت الخمسة والعشرين؟
    الجدة ضربت على صدرها/اه؟؟؟معناته عانس ثلاث مرات!!!!تدرين البنت عندنا كم كانت
    تتزوج؟؟تتزوج وعمرها ثمان سنين واذا وصلت للعشر وهي مابعد اعرست يسمونها
    عانس؟؟؟؟
    هيفاء /عاد جدتي شها الحكي؟؟؟؟؟عشر سنين عانس؟؟يعني هبة وجود خلاص عنسوا؟
    الجدة/انا ادري فيها ها الخايبة كل ماجاها معرس قالت ماابيه
    ابو محمد ساعتها حمد ربه انها ماتدري عن سالفة خالد وهيفاء ولا انه طلب مها لمحمد لانه
    محمد تغيرت الوانه من وقفت مها وحاكتها الجدة...
    مها بثقة/ووين بنروح عن العرس عاد...؟؟ورانا ورانا...ماغير نماطل فيه شوي بالطول
    وشوي بالعرض؟
    الجدة/وولد عمك وين يشتغل؟
    مها/في التعقيب الجمركي..توصين علي شي يجيبه لك؟
    قالتها ودخلت وقلب محمد تقطع ساعتها...هاذي بايعتها من جد؟؟؟يعني من صدقها تفكر بولد
    عمها....
    خالد قعد جنب هيفاء وشوي شوي سوالف بالهمس....يوم ان محمد باله مشغول وماهو مع
    احد من الجماعة؟
    مشاري/الا اقول جدتي كلنا عطينا عبود هداياه وين هديتك متشوق اشوفها انا بصراحة؟
    احمد/وانا اكثر؟؟
    الجدة/أي ذكرتوني بروح اجيبها...
    ودخلت الصالة تجيب اكياسها....
    ام محمد/الله يستر....
    هيفاء/ماابي منها شي بس خلوها بعيد عني؟
    ابو محمد/ماعليه يبى تحملي؟
    هيفاء/اذا هي بتتعشى هني بدخل مع ولدي داخل بروحه متكسر ومتعور وعيونها
    ماترحم؟؟؟
    الجدة جات وهي حاملة كيسين كبار ومبين ان الكيسين غايصة فيهم الاشياء..
    الجدة بفخر/حمد الله على سلامتك ياعبود؟
    عبود ناظر بالاكياس وتخرع من حجمهم وهيفاء وخالد متحقرصين كل واحد مسك كيس
    بيفتحه والجدة انتفخ ريشها لاسيما ان الكل كان مترقب انه يشوف هديتها شنو..
    خالد انصدم بعد مامد يده في الكيس الكبير وماطلع له غير واحد دانيت؟؟؟بس ماقدر يتكلم
    عطاه عبود وهويبتسم بس وده يضحك من قلب؟؟؟
    عبود لف وجهه/ماابي...هذا حقي هي اخذته امس من المستشفى؟؟؟
    مشاري/هههههههههه
    هيفاء فتحت الكيس الثاني وطلعت من كرة وناظرت الجدة بصدمة/الله يهداك ياجدتي اللحين
    رجله مكسورة تجيبن له كرة؟؟؟؟؟علشان تتعبين نفسيته وبس!!!
    الجدة بعصبية/علشان يتلحلح ويحرك نفسه ويقوم ورى الكرة ومو كل قاعد ومتبطح بحجة
    ان رجله مكسورة؟؟
    عبود شاف الكرة وقام يبكي يبي يلعب فيها وصارت حروب لين يهدوه وهي ماغير العشى
    شاغل بالها وتفكيرها؟؟؟؟؟؟
    //////////////////////////////////////////////////////////////
    مضى العشى وقامت السوالف داخل
    ومها كانت بالمطبخ لانها مالها خلق محمد ونظراته اللي حست انهم بيضيعونها..هي من
    غير شي ماتقدر تناظره تذوب..كيف بعد والزعل كله بعيونه.....
    ويوم انها حبست روحها بالمطبخ محمد جاها لعندها علشان يكلمها...
    محمد عند باب المطبخ بهدوء/مها ممكن نسولف؟
    مها لفت له وهي كاشفة وجهها وقالت له بكل ثقة/لا كل اللي بينا قلناه ماعاد في شي نقوله
    بعد؟؟
    محمد وهو يناظرها/مها الله يخليك..اسمعيني...
    مها بصوت متكسر وضعيف/محمد خلاص عافك الخاطر خلاص!!!حاولت اسامح ماني
    بقادرة خلاص روح الله يوفقك....عافك الخاطر يامحمد عافك؟
    نزلت منه دمعة وقدام عيونها...وقال بانكسار وهمس/اعطيني فرصة يامها الله يخليك؟
    لفت علشان لايشوف دموعها بعينها اول ماشافت دمعته....محمد ها الانسان الرومنسي
    الهادىء الحساس؟؟كيف بقدر اعيش بدونك وبدون مشاعرك؟؟لاتبكي ياعمري مقدر اشوف
    دموعك...بس والله انت اللي حطيتني بها الموقف؟؟
    محمد بنفس انكساره ورجاءه/قلت لك بس عطيني فرصة اخيرة وماراح تندمين
    صدقيني؟؟لاتخلينا نضيع حبنا يامها؟
    مها بثقة زايفة/حبك بروحك يامحمد حبك بروحك؟؟قلت لك مات حبك بقلبي يامحمد
    مات؟؟؟والبقية بحياتك؟؟؟؟؟
    محمد/مها..
    مها/لاتنطق اسمي يامحمد انا بصير على ذمة رجال ثاني بعد كم يوم؟
    محمد بسرعة/بس انا ابيك انا كلمت ابوي يكلم ابوك....مها لاتبيعيني وتاخذين سعود يامها؟
    مها/...................
    محمد/مها حرام عليك......لاتعذبيني اكثر؟
    مها/اول مايجي سعود بنتكتب كتابنا يامحمد؟والله يوفقك بحياتك؟
    قالتها وكسرت قلب محمد فيها وطلعت من المطبخ؟؟؟طلعت وتركته وحده يكلم الجدران
    ويناظرها وهو مقرب يجن؟؟؟هي عارفة انه يحبها ليش تتركه وتروح لغيره علشان تعاقبه
    ليش؟؟؟تعاقبه باشياء ثانية بس مو انهم يتركون بعض نهائيا هذا ظلم؟؟؟؟
    ////////////////////////////////////////////////
    خالد/يالله انا قايم توصون شي؟(ماكان فيه غير هيفاء والجدة وابو محمد ومشاري والباقي
    راحوا بيوتهم ولاناموا)
    الجدة/اقول خالد ترى احنا تروعنا على عبود وليلة وحدة بس تعشينا هذا مو مقدار معزة
    ولدك عندك؟
    خالد/ههه لااكيد...وش تامرين عليه يالغالية؟
    الجدة/لو انك تعشينا اسبوع كامل ماراح يضرك شي....
    خالد/على ها الخشم ياجدتي يستاهل عبود....يالله تصبحون على خير...
    ابو محمد/وانت من اهله يبى....
    مشاري/اقول ولد عمتي ولا كانك تسمع طنش؟
    خالد/ههههههه
    عبود/بابا بكرة مو تنسى تجيب لي هدية كلهم جابوا لي الا انت وماما هيفاء نسيتوا؟
    خالد/هههه بعد تبي هدية ولايهمك تبي شي حبيبي..قالها خالد وهو يناظر بهيفاء وفهمتها هي
    علطول ونزلت راسها بالارض....
    عبود/أي جيب لي ايسكريم بعد؟
    خالد/ان شاءالله يالله باي؟؟؟
    ///////////////////////////////////////////////
    في سيارة محمد..
    كان قاعد مع ثامر صاحبه...
    محمد باسى/قالتها ومااتمت لمشاعري ياثامر؟
    ثامر/شوف يابو حميد../الك الا انك تروح بيتهم وتخطبها رسمي من ابوها وتشوف وش
    يقولون لك اما انك تسمع كلامها وتضيع اخر فرصة لكم فاانا مو معك فيها؟؟؟
    محمد تسند على كرسيه/تعبان والله تعبان وماحد قادر يحس فيني؟
    ////////////////////////////////////
    في بيت العواد..
    ابو خالد/حمد الله على السلامة كان لاشرفتوا؟
    مرام/فاتك العشى يبى خوش عشى جابه لنا خالد حق سلامة عبادي؟
    ابو خالد/مااشوفه جاب لنا؟؟الا وينه ماهو معكم؟
    ام خالد/جاي بالطريق....
    ابو خالد/مها ليش واقفة قعدي يبى....
    مها/ها...يبى كنت بكلمك بسالفة؟
    ابو خالد/قعدي يبى تكلمي..احد ضايقك ولاقال لك شي؟
    مها/لا يبى..بس انا بغيت اسالك سؤال ومنحرجة منك؟
    احمد/خير ان شاءالله؟
    مها حست من كلام احمد ان فاهمها ومايبها تقول....
    ابو خالد/تكلمي....
    مها/يعني...
    احمد/بتطول السالفة يعني خلاص انا بقولها عنك...هي تبي تسال يعني لمتى بتحجز السفرة
    اللي وعدتها فيها تراها ملانة وضايق خلقها؟
    ابو خالد/بس كذا؟؟؟
    مها/ها..اي بس...
    ابو خالد/معك حق تراني مو ناسي وحاس انك متضايقة بس صبري علي شوي يابنتي...
    مها/أي زين.....وركبت دارها وركب وراها احمد....
    كانت طول الدرج تمسح في دموعها اللي مغرقة عينها لدرجة انها باخر درجة ماشافت اللي
    قدامها وكانت بتطيح لو مامسكها احمد..
    احمد بهمس/تعالي هنا شوي...
    ودخلوا غرفتها وكان بابها مفتوح...
    واول مادخلوا بكت.../مها/ليش يااحمد ليش كنت بقوله شي ثاني؟
    احمد بلوم/عارف يامها كنتي بتسالينه عن سعود واذا كان بعده يبيك؟افاعليك يااختي بس
    تروحين لسعود ومحمد يبيك؟؟
    مها زاد بكيها وطاحت على صدر اخوها تبكي/مقدر اخذ محمد ياخوي مقدر؟؟؟؟؟خلاص
    اللي بينا انتهى ومالازم يصير شي بعد؟؟اللي شفته من محمد بالفترة الاخيرة ماكان في
    صالحه ابدا!!!
    احمد بهدوء/كلنا نغلط يامها ياعمري بس مو نتخذ القرار الخاطىء علشان كرامتنا انجرحت
    مرة ولامرتين؟؟؟الحب يبيله صبر يامها وانتي ام الصبر ؟؟صبرتي كثير علشانه وعلشان
    يجيك واللحين يوم انه جاك قلتي ماابيه؟؟؟كيف عاد يامها كيف؟
    مها/لو بس خليتني اسال ابوي وانهي ها الشي اللي بقلبي كان ارتحت يااحمد والله ارتحت؟
    احمد بحنان/ومنو قال لك انك اذا كنت على ذمة رجال ثاني ممكن تنسين حبك الاولي
    بالمرة؟؟؟مو صحيح يامها موصحيح..اذا سعود مقدر ينسيك محمد فما في شي بالعالم بيخليك
    تنيه وانتي تحبيه وبتكوني ظلمتي نفسك مرتين بها الطريقة وقعدتي تفكري برجال وانتي
    بذمة رجال ثاني يامها؟؟؟؟
    خالد/عسى ماشر اشوف فلم هندي حي قدامي؟؟؟؟؟
    لفوا اثنينهم لخالد اللي كان واقف عند الباب....
    خالد/خربت عليكم اجواكم هههههه
    احمد/انا وين وانت وين؟؟
    خال رفع جواله/انا بروح اروق يوم اني اخذت لي اذن مالي خلق مشاكل ها البيت نهائيا!!!
    وطلع من غرفتها وراح غرفته...
    احمد/شفتي الخيانة عاد؟؟
    مها/يارب تكون من نصيبه ويرتاح وهي بعد ترتاح ويرتاح ولدهم مابينهم؟؟
    احمد بضحكة/ويجيبون شهد واحمد ...ههههه
    مها/بس هذا اللي هامك يجيبون شهد واحمد؟
    احمد/بذمتك بيخلون عبود بروحه لازم يجيبون له عيال علشان يتقيوى عليهم؟؟؟بس
    يتراوالي بيذبحهم عبادي قدها وقدود ها السبع!!!!
    /////////////////////////////////////////////////////
    بغرفة هيفاء...
    هيفاء/بالموت يالله رضي ينام؟
    خالد/يالله نيمتي واحد نيمي الثاني؟
    هيفاء باعتراض/ليش ان شاءالله اشتغل عندك وعند ولدك وانا مدري؟
    خالد/بالله!!!هذاك تنيميه ماتقولين شي انا تنيميني تقوم الاعتراضات ويقوم الدلع ويطلع
    التعب!!!
    هيفاء/ههههه والله من جد تعبانة؟
    خالد/عاذرك عاذرك ادري التفكير فيني طول اليوم يتعب؟؟؟
    هيفاء/هههه لاتصير واثق بزيادة؟
    خالد/وكيف ماتبيني اوثق وانتي كل شي بدنيتي؟؟
    هيفاء/ياعمري انت....بس منت ملاحظ ان احنا فتحنا على بعض بسرعة؟
    خالد/علمتك جدتك تحسدين؟
    هيفاء/هههه حرام عليك وش جاب لجاب عاد!
    خالد/المهم ماعلينا وش قال لك خالي بعد؟
    هيفاء/سلامتك بس اللي قلته لك؟
    خالد/طيب ماقال لك وش رايه؟
    هيفاء/هو قال الراي رايك وماراح افرض عليك أي شي انتي قرري واختاري ونا بوافق؟
    خالد برومنسية/وانتي وش رايك يابنت؟
    هيفاء/انا ابيك ياخالد.....ابيك وارفض الواقع!!!الواقع اللي انحطينا فيه انا وانت بدون ذنب
    جرى منا؟؟؟
    خالد/هيفاء اذا تحبيني وتبيني لازم تتحملين؟؟
    هيفاء/اكثر من اللي تحملته بعد ياخالد!!!
    خالد/أي ياهيفاء أي اكثر!!!اللي راح يجي يمكن ياثر بقرارك وبتفكيرك وابي منك وعد انك
    تظلين صامدة ومايزعزك أي شي؟
    هيفاء/فاهمة قصدك ياخالد...انت قاصد مها ومحمد مو؟
    خالد/ماحد شايف محمد بقلب مها كثري ياهيفاء؟مو قادر اتصور كيف انها رافضة الفكرة؟
    هيفاء/صار بينهم سوء تفاهم ياخالد وهو اللي غير نظرتها له...بس ان شاءالله انها ماتتهور
    مثل ماهي قاعدة تفكر؟
    خالد/ماعلينا مانبي نتكلم بمها ومحمد وننسى خالد وهيفاء وحبهم؟
    هيفاء/وش فيهم خالد وهيفاء شحليلهم كاهم قاعدين يسولوفن مع بعض؟
    خالد بدون مقدمات/احبك....
    هيفاء ذابت من ها الكلمة مرة وحدة..وتنهدت تنهيدة ارتياح.....
    ////////////////////////////////////////////////////
    اليوم اللي بعده..
    محمد/يالله يبى؟
    ابو محمد/يبى مايصير احنا ماكلمناه ولا قلنا له رايحين نزوره في بيته كيف ذي بالله؟
    محمد بنفاذ صبر/ماعليه يبى....اكيد انه اللحين قاعد هم بالعادة يتغذون وماينامون..
    ابو محمد حس باصرار محمد ووكل امره لله وقام معه,,,,
    ////////////////////
    الجدة/وين رايح ابوك مع اخوك ها الحزة؟
    مشاري بشماتة/رايحين دار العجزة يحجزون لك هههههههه
    الجدة مسكته من اذنه وتلتها/عيد شقلت؟
    مشاري /أي...اتركيني حشى مو عجوز الا جونكر؟
    الجدة/وين قلت رايحين؟
    مشاري/يبى تراك اذيتيني مو مجاوبك زين روحي سالي غيري ؟
    الجدة/بروح بس ماني بمعديتها لك ياوجه النحس؟
    ////////////////////////////////////////////////////
    محمد/ها وش رايك بالبيت يالغالية؟
    هنادي/يجنن بس لايضيع روح كلم صاحبه؟
    محمد/بس مو اصغر من اللي كنا نبنيه و..
    هنادي/يكفي انه بيت بعيد عن ها الاجواء؟؟؟الله يخليك كلمه قبل لايطير منا؟؟
    محمد طلع ورقة البيت وراوها اياه..
    هنادي/شريته!!!!!من جدك شريته؟؟؟؟وي الف الحمد الله يارب....روح والقلب داعيلك
    ياعمري؟
    محمد مسك يدها/من زمان مادعيتيلي ياهنادي؟
    هنادي/خلنا نصير بروحنا وكل يوم بدعي لك؟
    محمد/وليش ننتظر لين نروح هناك ادعيلي من اللحين..
    هنادي/وليش مستعجل؟؟؟؟؟
    محمد/مو لان البيت يبيله تاثيث وصبغ وشغلات كثيرة يام سارة يعني ماراح ننتقل قبل
    ثلاثة شهور؟؟؟بتخليني ثلاثة شهور بعد بدون دعواتك الكريمة؟
    هنادي/لا يامحمد انا بروح هناك ان شاءالله حتى لو مافي ابوابو ونوافذ؟؟؟ماتتصور شقد انا
    ميتة على الطلعة من ها البيت؟
    ////////////////////////////////////////////
    ابو محمد/انا عارف ان انا جيت بدون موعد مسبق بس محمد اصر على جيتنا بها الوقت
    وبدون ميعاد مسبق؟
    ابو خالد من خشمه/وخير ان شاءالله؟
    ابو محمد/والله انا جاي اطلب يد بنتك مها لولدي محمد؟؟؟
    ساد الصمت على المجلس وماحد نطق...
    ابو خالد/قلت لي قبل يومين ها الحكي....
    ابو محمد/أي نعم..بس انا جاي اطلبها رسمي علشان يكون الامر جدي اكثر؟
    خالد/معناته اجي انا بعد لبيتك ياخالي واطلب يد هيفاء رسمي؟
    ابو محمد/........لا يبى بس الواجب واجب والحشيمة لاابوك؟
    ابو خالد/انا محمد بعيوني وابيه لمها بس بشرط؟؟
    محمد بخوف/خير ياخالي؟؟؟
    ابو خالد/هي وحدة من الثنتين,,ياخالد يتزوج هيفاء ولامحمد يتزوج مها بس الاربعة
    ياخذون بعض لا والف لا...بعطيك واحد من عيالي بس...الاثنين مااقدر؟؟؟انت قرر ياهيفاء
    لخالد ولا محمد لمها؟؟؟
    كل الوجيه اللي بالمجلس بانت عليهم الخيبة واولهم محمد؟؟؟؟
    محمد/بس ياعمي خالد وهيفاء شي وانا ومها شي ثاني؟؟؟
    ابو خالد/هذا اللي عندي...
    ابو محمد/ومو مهمة رغبة عيالك؟
    ابو خالد واحد فيهم لازم يضحي علشان الثاني؟؟؟؟
    كانت النظرات بذيك اللحظة بين خالد ومحمد اللي واحد فيهم حبه بينهي بالم وحسرة؟؟؟
    ***************مها اللي كانت تسمع وش صاير من ورى الباب حطت يدها على فمها
    تمنع صرختها تطلع بس ماقدرت تمنع دموعها اكثر وتسندت على الجدار اللي جنبها وشبه
    انهارت!!!!!
    هي صحيح قاعدة تكابر على حبها لمحمد لانه قهرها بمعاملته لهيفاء وفي النهاية يقول لها
    لاتخليني اللي حوالينا ياثرون بعلاقتنا وهو اللي قطع علاقته فيها علشان اخته تطلقت من
    اخوها!!!!
    بس ابوي بها الكلمة هدم كل شي خلاص...مستحيل ان محمد يصير من نصيبي بيوم من
    الايام!!!!
    اخذت بعضها وراحت غرفتها تبكي هناك على راحتها وتودع ذكريات محمد للابد!!!!
    ***احمد بروحه كان قاعد وهو جسد بدون عقل!!!!لو يعرف ابوي ان انا ابي هند وش قال
    بالله؟؟؟قال ان خالي ساحرنا ولا مجال للشك؟؟؟؟؟ليش يبى ليش...بتخلي عيالك يختارون
    سعادتهم على حساب بعض عاد؟؟؟فكرك بكذا قهرت خالي وانت قاهر عيالك ....
    ///////////////////////////////////////////////
    في بيت ابو محمد...
    ام محمد وقفت من شافت ابو محمد ومحمد دخلوا...
    ام محمد بخوف/خير ان شاءالله في شي صار بينكم اشوفكم ماطولتوا؟
    محمد ماتكلم وراح غرفته وابو محمد عيونه عليه...
    تنهد وقعد بعد مادخل محمد غرفته...
    ام محمد بكل خوف الدنيا/ماوافق يعي محمد بنته صح؟
    ابو محمد/ياليته قالها كذا ياليت؟
    ام محمد/وش اللي صار يارجال علمني....
    ابو محمد/خيرنا خيارين كل واحد اصعب من الثاني....
    ام محمد/شلون يعني؟
    /////////////////////////////////////
    ام خالد/وانتوا بتظلون ساكتين كذا؟؟علموني وش اللي صار؟
    احمد/وليش مسالتي ابوي؟
    ام خالد/وليش ماتقولون لي انتوا؟
    احمد لف على خالد اللي مانطق بكلمة وحدة من قام خاله....
    ام خالد/والله ماعاد فيني صبرتكلم يايمه يااحمد ؟
    احمد بانفعال/وش تبيني اقولك يعني!!!ابوي ماقصر سوى الواجب واكثر؟؟؟
    ام خالد/...........
    احمد وبنفس الانفعال/انا ابي افهم في احد يخير عياله ويقول لهم تعالوا واحد فيكم يستعد
    والثاني باي باي؟؟؟
    خالد بهدوء/انت مافهمت قصد ابوي يا احمد؟
    احمد/شلون يعني ياخالد؟؟؟شكان يقصد فهمني؟
    خالد وبنفس الهدوء/ابوي مايقصد اني اتنازل لمها ولاهي تتنازل لي...لا ..ابوي قصده ان
    احنا الاثنين نترك الموضوع وماعاد نفكر فيه من جديد علشان كذا عرض الفكرة لانه
    عارف مها ماراح تتنازل لي ولاانا راح اتنازل وكل واحد فينا يبي سعادة الثاني
    اكثر....فعرض السالفة كذا...يعني ماهي عرضية ابوي مقولبها براسه زين يااحمد فهمتني؟
    احمد/طيب ليش؟؟؟؟
    خالد/لاتسالني انا؟
    احمد/وانت وش بتسوي ياخالد؟
    خالد تنهد/وانت تبيني اترك محمد يروح ويترك قلب مها مجروح من جديد؟
    ام خالد بتاْثر/وانت ....تترك هيفاء بعد ماعلقتها؟؟؟يعني تكون جرحتها مرتين؟؟؟؟
    خالد/انا مقدر اعيش مرتاح واختي تعيش بهم؟
    احمد/وعبود؟؟؟يعيش باقي عمره بينك وبين امه؟؟؟هذا مو عدل؟
    خالد/محمد ماراح يجي مرة ثانية؟؟؟وهي تنتظره من زمان؟؟؟؟؟؟
    ام خالد لهنا بس ونزلت راسها تبكي الم وحسرة على ها العيال؟؟؟؟؟؟
    ////////////////////////////////////////////////

    هيفاء دخلت وهي حاملة عبود....
    هيفاء/يبى...انت رديت؟
    ابو محمد/أي يبى رديت..
    هيفاء/علامك يبى...ليه وجهك متغير؟
    ابو محمد/ولاشي ياهيفاء..وينه ولدك؟
    هيفاء/مع هند قاعدة تمرجحه...يبى شصار..خطبت مها لمحمد؟
    ابو محمد/أي خطبتها...وبقى الشور عند ابوها يايوافق يايرفض؟
    ام محمد لفت عليه ..ياترى ليش ماتبي تقول لهيفاء عن شرط ابو خالد يابو محمد ليش؟؟؟؟
    ////////////////////////////////////////////////
    خالد جلس جنب امه وحط يده على كتفها/يمه لاتشغلين بالك..الزمن كفيل انه يحل كل شي
    ويغيره؟
    ام خالد باسى وبكي/بعد شنو ياخالد يمه بعد شنو؟الله يصلحك يابو خالد بس!!!شذنب العيال
    مايرتاحون بحياتهم علشان مبداْ انت تمشي عليه؟
    احمد/المشكلة ان عمي بو سعود ماهو متحسس والوضع عنده عادي بس ابوي الله يهداه هو
    اللي .....شيقول الواحد بس!!!!
    خالد/قومي يمه..قومي ارتاحي ولاتشيلين هم ان شاءالله ماهو صاير الا كل طيب....
    قامت ام خالد وهي مقتنعة مية بالمية ان مافي خير بيصير بس علشان ماتزعل خالد اللي
    بكبره الدنيا ماهي شايلته من همها؟؟؟؟
    خالد/وش فيك انت بعد صفنت بعالم ثاني!!!
    احمد ضحك ضحكة استهزاء على نفسه/تصدق عاد...كنت بين الكلمة والثانية بنط وبقول
    اني ابي هند ..بس خفت من ردة فعله تكون شرسة وعنيفة بزيادة قدام خالي؟؟؟
    خالد ناظره بدون مايتكلم...بس عيونه تقول حتى انت يااحمد ماشكلها بتنفتح لك؟؟؟
    /////////////////////////////////////////////
    محمد/لبستوا؟
    هنادي/ننتظرك...
    محمد/وسارونة؟
    سارة/يالله بابا متشوقة اشوف بيتنا....
    فتحوا الباب وكانت ام ياسر واقفة..
    ام ياسر/طالعين؟
    هنادي استغربت وقوفها على بابهم بها الشكل وهم صار لهم فترة واقفين ماسمعوا احد يدق
    الباب؟؟؟بس يالله كلها كم يوم وترتاح اعصابي منكم ومن مشاكلكم؟؟
    محمد/أي والله ياعمتي طالعين...تفضلي..
    سارة باعتراض/لا احنا بنروح نشوف بيتنا الجديد اذا قعدت بنتاخر؟
    ام ياسر/يعني صدق شريت بيت مو اشاعة؟
    محمد/........
    هنادي/أي صدق؟؟حياك معنا اذا حابة تشوفينه؟
    ام ياسر/يالله نروح نشوفه وش ورانا؟؟؟؟
    التقوا نظرات هنادي ومحمد مع بعض وطلعوا يشوفون البيت؟؟
    /////////////////////////////////////////////////////////
    بالصالة في بيت السالم.....
    طلعت الجدة وهي حاملة اغراضها ولابسة عبايتها...
    ابو محمد باستغراب/يمه...خير على وين ان شاءالله؟
    الجدة ومسوية روحها تبكي/ولدك طردني من البيت وقال لي ابوي راح يحجز لك بدار
    العجزة؟؟؟؟هذا انا لابسة روح ودني ارميني هناك بين ايادي ماترحم؟؟؟خلهم يموتوني
    ويفكوني ويفكونك انت وعيالك مني؟
    ام محمد/خالتي شها الكلام؟؟؟
    الجدة بعصبية/ولدك اللي قال لي وش اسوي فيه يعني؟؟؟ماني بقاعدة....
    ابو محمد بروحه مو قادر يفكر بشي علشان عياله تجيه بعد بها الوقت وتضيق خلقه....
    ابو محمد/يمه تاخذين بكلام مشاريوه عاد؟
    الجدة باصرار/قلت لك ماني بقاعدة في بيت طردوني اهله منه!!!!على بالك ماعندي
    كرامة؟؟؟يتشمت فيني طول اليوم ورايح جاي علي ساعة يالمغثة وساعة متى بتموتين
    وساعة مدري شنو؟؟؟خلاص نفسيتي صايرة سودة منه ومن عشرته؟؟
    ابو محمد قام وهو معصب وينادي مشاري باعلى صوته!!!!!
    ///////////////////////////////////////////////////
    في غرفة مها.....بالموت قدرت تمسح دموعها وتغسل وجهها من كثر الدموع اللي بكتها
    وتفتح الباب...
    مرام/ابوي يبيك تحت؟
    مها/يالله نازلة..
    مرام/قال لي لاتنزلين الا وهي معك؟
    مها سكرت بابا غرفتها ونزلت ورى مرام وقلبها يدق بسرعة من الخوف...مع السلامة
    ياحب محمد مع السلامة؟؟؟؟؟؟؟؟
    نزلت ولقت ابوها بالمجلس مع خالد وامها واحمد سلمت وجلست بعيد عن الكل...
    ابو خالد/اليوم محمد جا يطلب يدك مني يامها؟
    مها/..................
    //////////////////////////////////////////////////
    ام محمد/خلاص بس كافي ذبحت الولد يابو محمد...
    ابو محمد بروحه كان ثاير من ابو خالد ومالقى متنفس لها الثورة غير مشاري اللي كان
    ناسف الغترة عليه وقاعد يطقها..
    الجدة/خله يادبه اجل يبي يطردني....
    مشاري كاتم صرخته من الضربة ودموعه بعد؟؟يافشلتي انطق قدام امي واختي
    علشانها؟؟؟؟؟
    هيفاء بصرامة/يبى!!!!
    ابو محمد بعصبية/خليه يحترم جدته؟؟؟

    الجدة/أي خليه يحترمني؟
    ام محمد/حرام عليك يارجال بصغرهم مامديت يدك عليهم اللحين بتذبحه؟
    هيفاء صارت بين بو محمد وبين مشاري
    ابو محمد/وخري عني ياهيفاء؟
    هيفاء/ماني موخرة؟؟؟سوالف جدتي وكذبه كل يوم وهو معنا وين الجديد بالله!!!
    ابو محمد بصرامة/هيفاء؟؟
    هيفاء/يبى....مايصير هذا مو اسلوب تفاهم؟؟
    ام محمد/قوم يمه قوم.....
    مشاري من الفشلة قام وراح غرفته علطول وقفلها عليه..
    الجدة بانفعال/شوف ولد اللذينا!!!راح ولااعتذر مني!!!ناديه ياحظي خله يتسامح مني؟؟؟؟؟
    /////////////////////////////////////////////////
    في بيت محمد وهنادي..
    سارة كانت بالحديقة تفكر شلون بتحط العابها...ومحمد واقف بالصالة وجته عمته...وهنادي
    كانت بالمبخ وبعدها راحت الصالة وقبل لاتدخل..
    ام ياسر/يمه محمد انا بغيت اكلمك بموضوع ومستحية منك بس قلت انا عمتك ومابيني
    وبينك حيا لازم اقولك؟
    محمد/اكيد عمتي اكيد...انتي محتاجة شي تبين شي؟
    ام ياسر/سلامتك يالغالي عسى الله لايحرمنا منك ومن شفقتك علينا..بس السالفة ماتخصني
    تخص امك...بصراحة امك كاسرة خاطري..
    محمد/وش فيها امي ؟؟؟
    ام ياسر/يعني مثلك عارف امك مرة كبيرة ووحداني ونوف ماباقي شي على عرسها
    ومابيضل لها احد...ومرة اخوك بدر الله يسامحها ماتواطن امك ابدا ولاتقدر عليها!!!
    هنادي في بالها ذيك اللحظة(يتفقون بس على الشر!!!!!)
    محمد/زين وبعدين؟
    ام ياسر/يعني انا قلت....لو انك تاخذ امك وتجيبها تسكن معك بالبيت مابيضرك شي..الله
    مرهي عليك بيت شكبره ومافي غيرك وغير بنتك وغرفة وحدة لها مابتثقل عليك لاتنسى
    ان هاذي امك جنتك ونارك ياوليدي!!!!
    هنادي هني دخلت/لا وستين الف لا؟؟؟
    لفوا اثنينهم لها..
    ام ياسر بكذب/بسم الله!!!انتي من وين تطلعين ياام السحور؟؟؟اللهم ياكافي.....بسم الله
    الرحمان الرحيم ..ترى صدق تروعت؟؟
    هنادي/شوف يامحمد بلاتمثيل بلا كذب؟؟؟انا بيتي يتعذرهم ماابي احد خلاص كافي اللي
    عشته؟؟
    محمد/هنادي وش ها الكلام عاد؟؟
    ام ياسر/مشاءالله هذا قدامي وها الكلام هذا من ورانا وش تقولين عنا بعد ياست الحسن
    والدلال!!!!وانت بس هذا اللي قدرت عليه شها الكلام؟؟
    هنادي قاطعتها/امه بتقعد في بيتها وغرضها يوصل لها وكل يوم بيمرها وش تبي بعد ؟؟؟
    محمد/هنادي لو سمحتي لاتتكلمين عن امي بها الطريقة لاني مااحب احد يهينها هاذي امي؟
    هنادي لفت شيلتها عليها/وانا اقولها لك من اللحين اذا بيجي احد رابع يسكن بها البيت والله
    ماادخله وهذا انا حلفت؟؟؟؟
    طلعت لبره وتركت محمد واقف بحيرته وابتسامة ام ياسر على شفايفها؟؟؟؟
    ///////////////////////////////////////
    مها/وانت شقلت يايبى؟
    ابو خالد/انا ماقلت شي قلت له واحد منكم يختار يانتي تاخذين محمد ولا خالد ياخذ هيفاء بعد
    مايصير تفشلوني وثنينكم تاخذون عيال خالكم وعيال عمكم لا واحد من هنا وواحد من هنا
    علشان نرضي الطرفين...وبيني وبينك يامها يابنيتي انا اشوف ان محمد ماينعاب وانا كنت
    منتظره من زمان....فشوفي أي يوم يناسبك علشان يجون يملكون...
    خالد/.......................
    احمد/.............
    ام خالد/..............
    مها بثقة مهزوزة/بس انا موافقة يايبى!!!
    ابو خالد/شلون يعني مو موافقة؟؟؟
    مها/يعني ماابي محمد...ريحتك في القرار؟
    ابو خالد بانفعال/بس انا عندي محمد يسوى سعود وطوايفه!!!هذا رجال احنا نشتري نسبه
    مو هو يشتري موافقتنا؟؟؟؟
    مها/والله ماعرفت لك يبى؟؟انت موكنت تبيني لسعود هذا انا اقولك اني موافقة وابي سعود
    وشتبي بعد!!!!
    ابو خالد/..........وانا اشوف ان محمد انسب من سعود لك يامها؟
    مها وقفت/وانا ماابي غير سعود خلاص حطيته في بالي وابيه....خلي خالد ياخذ هيفاء
    ويتيسرون؟
    ابو خالد بعناد/بس انا ماابي هيفاء؟؟؟ابي محمد؟؟؟محمد اللي بيشرفني نسبه مو ذيك اللي
    مابقى رجال بالعالم ماشافها ولاعرف هي من بنته؟؟؟
    خالد بانفعال/يبى لو سمحت...مسالة انها تكشف وجهها ماتعني ابدا انها فلاتانة ولاماهي
    متربية نص البنات بالسعودية يكشفون اللحين وين المشكلة بالله!!!
    ابو خالد/المشكلة اني ماابيها لك ياخالد شيلها من بالك؟
    احمد/يبى انت مو تقول واحد لازم يختار؟؟؟
    مها/هذا انا اخترت الف مبروك مقدما ياخالد....
    قالتها وطلعت بسرعة ولحقها خالد لنص الدرج ومسكها من يدها ولفها له وشاف الدموع اللي
    كانت خاشتهم طول ماهي قاعدة بوسطهم..
    خالد بحنان/لا ياهيفاء لا...انا ماراح اخليك تتنازلين علشاني....
    //////////////////////////////////////////////
    هيفاء/مشاري افتح الباب ..عفية افتحه والله ماتسوى تزعل نفسك علشانها؟
    مشاري كان منبطح على سريره وخاش وجهه تحت مخدته من القهر والالم...هاذي اول مرة
    ابوه يمد يده عليه..لالا ثاني مرة في مرة بعد من قبل طقني علشانها ست العجايز,,,,
    لكن وين بتروحين مني يالعجوز الشمطاء والله لاانتقم شر انتقام واخليك ماتنامين الليل ولا
    النهار بعد!!!!!
    هيفاء بتذلل/مشاري...عفية يالغالي افتح...يابو هيفاء افتح...طب بلاها ابوهيفاء ابو خديجة
    افتح لاتذلني اكثر...
    شوي اللي انفتح الباب وطل مشاري وهو وجه ثاير ومعصب/والله مااسمي خديجة على
    اسمها اذا جوني عيال ان شاءالله تجيني مليون بنت مااسمي وحدة خديجة علشان لاتفرح
    بقبرها؟؟؟
    هيفاء/هههه مليون بنت بتجيك مرة وحدة!!!!مشاءاللله...قوم وماعليك منها...
    مشاري/انا ابوي يرفع يده علي ياهيفاء علشانها؟
    هيفاء/ابوي اصلا معصب وجت جدتي وزادته ومالقى غيرك يحط فيه قهره؟؟؟بس انت الله
    يهداك ماتعرف جدتي وسوالفها!!!!
    مشاري/لاوتبيني اعتذر بعد!!!!تحلم عجوز النار؟؟؟؟
    هيفاء/احسن دواء للي يحاول يستفزك تحقره؟؟؟
    مشاري/مو بس تحقره الا تشب بقلبه نار؟؟؟لكن تدرين شلون الا احسرها تحسيرة واخليها
    تترزل علي بالروحة والجية....شرايك نطلع مشوار صغير علشان تموليني لمشروعي اللي
    بسويه؟
    هيفاء/ههههه ياحليلك وبتسوي مشروع بعد وبتجننها؟؟؟يالله بس البس عبايتي واطل على
    عبود واجيك... انتظرني تحت؟
    مشاري/ابوي وينه؟
    هيفاء/ركب يريح شوي..
    مشاري/خلاص اجل بنزل....
    ////////////////////////////////////
    مها بحزن/شفت ياخالد شفت...حتى ماناديتني باسمي ناديتني باسمها!!!وتبيني مااتنازل لك
    واخذ انا محمد؟
    خالد بضعف/انتي تحبينه وهو يحبك؟؟؟وتنتظرون ها اللحظة من زمان!!!والله ماراح
    اسامح نفسي ابدا اذا بصير السبب في فراقكم يامها؟؟؟
    مها/لاياخالدلا...انا تركت محمد وهو تركني خلاص؟؟؟ماعاد شي يجمعنا ببعض غير
    النسب وبس!!!
    خالد بصرامة/لاتكذبين علي يامها؟؟انا قاعد اشوف محمد بعيونك يالغالية,,,,انا وهيفاء
    جربنا نعيش مع بعض من قبل ويمكن خيرة ان احنا مانكون لبعض بس انتي ومحمد لا
    يامهالا...هاذي فرصتكم واللي يمكن تكون الوحيدة؟؟؟؟لاتضيعينها يامها الله يخليك؟
    مها/لا ياخوي لا.....انت لهيفاء...ماابيك تجرحها مرة ثانية بعد ماصرحت لك بمشاعرها
    وحبها ..انت لازم تكون لها ولعبادي وتعيشون مع بعض!!!!انتوا بينكم شي مشترك احنا
    مابينا ياخالد....الله يخليك لاتتنازل عنها...تكفى ياخالد تكفى؟
    احمد كان يناظرهم من تحت بدون مايسمعهم بس وش بيكونون يتكلمون فيه بها الوضع غير
    ها السالفة!!!!المشكلة ان هيفاء بعيون خالد ومحمد بعيون مها وكل واحد مسوي روحه قادر
    يتحمل علشان الثاني وهم مو قادرين بس يكذبون على بعض!!!!!
    غمض عيونه بقوة علشان يمنع دمعة بعيونه كانت بتطيح....هند..انا احبك وابيك.....بس
    القدر وقف بيني وبينك ...الله يسعدك ويريحك...ويصبر قلبي ويخليه يفكر بغيرك
    وينساك؟؟؟؟؟
    /////////////////////////////////////
    هيفاء/تراك اتعبتني وانا امشي معك؟
    مشاري/قلت لك لازم اخليها تشوف الويل يعني بتشوفه؟؟؟صديق عندك مثل هذا بس
    يخوف؟؟
    هيفاء/انت وش ناوي عليه؟؟؟
    مشاري/قصري حسك لايسمعك الصديق؟؟؟؟وناظرها بضحكة يعني لاتسالين واجد ...
    هيفاء/على ماتشوف اللي تبيه بدور شي لولدي يفرح فيه.....
    مشاري/انا بعد اشتريلي شي افرح فيه؟
    هيفاء/حلوة ذي هذا انت قاعد تتشرى على راحتك؟
    مشاري بمسكنة/لاتنسين اني توني مضروب وعظامتي تكسرت؟؟؟
    هيفاء بخبث/مافيك شي هذا انت قاعد تدور بالسوق على شعر راسك ومافيك الا العافية!!!!!
    ///////////////////////////////////////////////
    احمد/هلا خالد...
    خالد/وينك انت...
    احمد/والله قاعد بالبيت ماطلعت مالي نفس؟
    خالد/غريبة انت الطلعة هي اولى اولوياتك؟؟
    احمد/مو في ظل ها الظروف؟
    خالد/لو كنت انت اللي بتتزوج وحطوك بها القرار وش بتكون ردة فعلك؟؟؟حالك ماهو مثل
    حالي يااحمد انا عارف انك تفكر بالموضوع ومتاْثر فيه بس مو مثلي ومثل مها
    صدقني.....على كلا مو هذا موضوعنا...بغيتك بشغلة؟
    احمد/امرني..
    خالد/ماياْمر عليك عدو ....بغيتك تمر عبود تشوف اذا قاصره شي ولا يبي شي...مااتوقع
    اني اطلع من الشركة وامره مالي نفس وماابي اشوفها...احس اني منحرج حتى من اني
    اطالعها؟
    احمد/خلاص مو مشكلة اللحين امره....
    ////////////////////////////////////////////
    محمد/تعالي خلينا نتفاهم...
    هنادي/سارة قومي غرفتك.....
    محمد/يابنت الناس انتي ليش قالبة خلقتك علي كذا!!!!طول الطريق وانتي ساكتة
    وماتتكلمين؟؟
    هنادي/هي كلمة ماغيرها...ياادخل البيت بروحي ياماراح ادخله مع غيري؟؟
    محمد بضعف/بس هاذي امي ياهنادي امي...,انا مسئول عنها؟
    هنادي/عندها ثلاثة عيال غيرك اثنين طالعين في بيوت بروحهم ومانشوفهم غير بالعيد
    وواحد ماتقدر تامر عليه بكوب ماي يجيب لها اياه لانهم مايقدرون على لسان
    مرته!!!!!وخواتك مشاءالله حولها وحواليها طول السنة؟؟؟انا ماقلت لك اتركها العمر
    كله...انت بتزورها كل يوم هذا حقك ومامنعتك عنه بس انها تسكن معنا ببيت واحد لا والف
    لا؟؟؟ماسوينا شي اذا جت هي معنا نظل هنا ابرك؟؟؟
    محمد بضعف/انتي ترضينها عاد...يعني لو كانت امك بترضين ان محمد يتركها ويتخلى
    عنها...
    هنادي قامت وهي دموعها بعينها/يااخي حس فيني لو مرة وحدة جو بيتكم
    خانقني!!!نظراتهم وكلامهم مثل السم على قلبي!!!!وش سويت لهم ماادري؟؟؟؟ماابي اعيش
    معهم يامحمد وهذا اخر كلام وانت اختار اللي يعجبك؟؟؟
    ////////////////////////////////////
    ام محمد/هلا يمه احمد شلونك...
    احمد/هلا خالتي....انتي شلونك..
    ام محمد/نسال عنكم ...
    احمد/الله يسلمك......وينه عبود...شلونه اليوم؟
    ام محمد/فوق مع خالته مسكين يامن ينزله ويامن يركبه وكل شوي يبكي مو متعود على
    حبسة الدار كذا بالعادة ياطالع ياداخل.....
    احمد/الله يهونها عليه....ان شاءالله ماتطول عليه يارب...
    ام محمد/ليش واقف تعال اقعد تقهوى...
    احمد/لاوالله انا بس مار عبود بطلعه شوي لان خالد بيتاخر بالشركة الليلة وقال لي امره
    اشوفه واطلعه يغير جو قلت فرصة قبل المغرب يعني.....
    ام محمد/مو توديه العاب يمه ؟؟؟
    احمد/لا خالتي بوديه السوبر ماركت ...بس في احد يجي معي علشان بصراحة اخاف احمله
    وهو رجله كذا اخاف يتعور لو شي؟
    ام محمد/المشكلة مشاري طالع مع هيفاء وهبة في بيت الجيران!!!(طيب والجدة هههههه)
    بس مو مشكلة هند قاعدة بخليها تلبس وتنزل لك....
    احمد دق قلبه بقوة ماتوقع انها هي اللي بتكون الاختيار المنتظر؟؟؟؟تنهد ...ياحبي لها والله
    انها وحشتني بس شسوي فيك ياقلبي لاانت من نصيبها ولاهي من نصيبك؟؟؟
    احمد/خلاص خالتي انا بنتظرهم بالسيارة وقت اللي يخلصون يطلعون لي؟
    ////////////////////////////////////////////////////
    ام خالد/مها...
    رفعت راسها/نعم يمه...
    ام خالد/..........
    مها/يمه في شي....
    ام خالد تنهدت وجلست جنب بنتها/يمه...انتي فكرتي قبل لاتقولين لاابوك رايك؟
    مها بهدوء/أي يمه...خالد اولى من اني اخذ محمد ويضل هو .......مدري شقولك يمه...بس
    هو عنده عبود ولازم يبدي حياته من جديد بس انا ومحمد ونصيب ماانكتب بينا شنسوي
    بعد!
    ام خالد/لااله الا الله....والله ان الدنيا ضايقة فيني ومو قادرة اقبل احد اصلا!!!!حاسة اني
    مخنوقة وانا اشوفكم كذا؟؟؟اهون علي انكم اثنينكم تقعدون بلا عرس ولا تختارون شريك
    حياتكم بالطريقة ذي؟؟؟؟
    مها/يمه وش فيك..محمد طلبني وانا قلت لا وين المشكلة يعني؟؟؟؟كان لسانها يتكلم بهدوء
    وقلبها ينزف من حرقته على فراق محمد ومحاولة انها تكون طبيعية جدا!!!!!!
    ////////////////////////////////////////////////
    في السيارة ركبت مها وهي مجبرة ومافي يدها خيار ثاني هيفاء وطلعت مع مشاري وهبة
    في بيت الجيران ؟؟؟؟
    شها الحظ السيْء.؟؟؟؟
    احمد/مافي سلام؟؟؟
    عبود/سلام عمو احمد..
    ابتسم له احمد وهو يناظر بهند....
    وكانت نظراتها مثبتة على عبود الشي اللي ضايقها وتعبه.....
    احمد/هند ممكن.....نتكلم مع بعض شوي؟
    هند/.................
    احمد حرك السيارة...../انا عارف انك فاهمتني غلط بس وربي تفكيرك مو في
    مكانه....الشي اللي انا خايف منه غيري عايشه اللحين ومتجنن منه...ياهند..
    هند بحدة/لو سمحت لاتكلمني؟؟؟؟
    عبود ببراْة/ليش مايكلمك؟
    هند/عشانه جايبك السوبر ماركت واذا كلمني بنتاخروبيسكرون للصلاة ومابتدخل تشتري
    لك شي؟
    عبود بصراخ على احمد/لاتكلمها لانتاْخر؟؟؟؟
    احمد تنهد ورفع صوت المسجل على العالي...
    (ياصغيرونة ياصغيرونة ياصغيرونة,,,قلبي اللي حبش الله بعونه ياصغيرونة,,,,شوفي
    الحب اجمل كلمة ياصغيرونة,,,ومحتارين وين نضمه ياصغيرونة,,,الناس تغار,,شافونا
    صغار,,,واحد عن الثاني يبعدونا ياصغيرونة)
    //////////////////////////////////////////////////
    باخر الليل..
    هيفاء/وينك اليوم مادقيت ولا سالت..لهادرجة بايعنا ومو على بالك؟
    خالد تنهد/والله انشغلت؟
    هيفاء/وش اللي ممكن يشغلك عنا؟
    خالد/ليش ماتبيني اداري حلالكم لايضيع؟؟
    هيفاء/خبري انا وعبود اغلى من الحلال عندك ولاتغيرت القاعدة!!!!
    خالد تقطع من ها الكلمة...
    خالد بهمس/هيفاء قال لك ابوك ان اليوم كان في بيتنا وطلب محمد لمها؟
    هيفاء/أي قال..وقال انه ينتظر رد ابوك؟
    خالد/شلون يعني؟؟ماقال لك اللي صار؟؟
    هيفاء قعدت على فراشها عدل/شلون يعني اللي صار؟؟؟في شي صار ياخالد؟؟؟؟
    خالد تنهد/أي.....في.....ابوي الله يسامحه؟
    هيفاء بخوف/وش قال؟
    خالد بضعف/خيرنا خيارين؟
    هيفاء/منو انتوا يعني ياخالد؟
    خالد/ياانا اخذك او مها تاخذ محمد؟؟؟؟؟واحد منا لازم يتنازل للثاني؟؟؟؟
    هيفاء حبست غصة طلعت منها وهي اللي عارفة ابو خالد زين اذا قال سوا ومايهمه شي...
    قالت له بضعف/من وين جايب ابوك قسوته؟؟؟؟؟
    خالد/حبيبي انا ضايع والله ماني عارف افكر؟؟؟؟
    ***********************************



    البارت الاخير,,,,
    ///////////////////////////////
    هيفاء حبست غصة طلعت منها وهي اللي عارفة ابو خالد زين اذا قال سوا ومايهمه شي...
    قالت له بضعف/من وين جايب ابوك قسوته؟؟؟؟؟
    خالد/حبيبي انا ضايع والله ماني عارف افكر؟؟؟؟
    هيفاء بدت تبكي....
    خالد/لاتبكي حبيبتي لاتبكي...انا ماحبيت اجي اشوفك اليوم لاني كنت متوقع ان خالاي
    مايقول ماكنت ابي اشوف الضعف في عينك وبدموعك بس انتي كذا تخليني اتندم ....
    لاتبكي عمري وانا بعيد عنك لاتبكي؟؟
    هيفاء/حرام ياخالد حرام!!!!وش سوينا له علشان يوقف بوجه سعادتنا؟؟؟؟
    خالد/احنا عياله ياهيفاء والمفروض انه يكون واقف معنا وجنبنا.....بس شقول ابوي كل
    تصوراته للحين ان بنت العم لولد العم؟؟؟؟؟
    هيفاء/وش بيصير ياخالد وش بيصير؟؟؟
    خالد/ابيك ياهيفاء ابيك,,,ابيك وارفض الواقع اللي ابوي بيفرضه علينا!!!!مايهمني شلون
    ولاكيف كل اللي يهمني اني اخذك وتكونين جنبي احميك وتحميني؟؟؟؟بس بنفس الوقت
    ماارضى بتعاسة مهاوي وانا عارف انها منتظرة محمد من سنين؟؟؟
    هيفاء هدت شوي بس ضاهريا بس في داخلها براكين تدعي على ابو خالد/ومن قال لك اني
    ابيك ياخالد؟؟؟
    خالد بصدمة/شلون يعني؟؟؟
    هيفاء تنهدت/محمد اولى بانه ياخذ مها مني ومنك,,,احنا عشنا تجربة وفشلنا فيها...صار
    لازم يجربون هم حياتهم مع بعض!!!!
    خالد/قلتها ياهيفاء قلتها بس المشكلة ماهي بعندي ولاعندي...المشكلة ان مها قالت لاابوي
    انها ماتبي محمد وماهي بموافقة عليه!!!!
    هيفاء بصدمة/مها ماتبي محمد؟؟؟؟ومحمد عرف بالموضوع؟؟؟؟؟؟
    //////////////////////////
    في غرفتها كانت قاعدة وحزينة ومكتئبة...
    حب دخل قلبها بسرعة البرق..وطلع منه بعد بسرعة البرق!!!لاماطلع..لايخونها التعبير بها
    الشي...حب احمد في قلبها بعده رغم ان ماصار شي بينهم يخليها تتحسر ..بس المشاعر
    ماحد له تاثير عليها غير ها الطرف المجهول اللي ماندري من وين يجينا ولامتى؟؟؟؟
    شكنت تبي تقول يااحمد...وكنت تبيني اصدقك فيه...انك تحبني بس القدر واقف
    بطريقك؟؟؟انك تبيني بس لان خالد وهيفاء تطلقوا علشان كذا انت ماتقدر تاخذني ولاتقدر
    تفاتح اهلك بالموضوع!!!!انك تبيني بس ابوك بيفرض عليك بنت عمك بس تتخرج وتستلم
    وظيفتك؟؟؟؟
    اه يااحمد اه...تعبت وانا ادور لك على عذر اعذرك فيه....اذا كان في بالك سبب من
    الاسباب اللي راحوا بتقوله فليش علقتني من الاساس!!!!!!

    احمد بعد كان قاعد بغرفته ويفكر فيها مثل ماهي شاغلة بالها فيه...
    والله احبك ياهند...بس مشكلتك ماتبين تصدقيني ولاتبيني اشرح لك؟؟؟على بالك اني كنت
    اتلاعب بمشاعرك,,,ليش هي كلمة الحب سهلة كذا ويقولونها متى مابغوا يقولونها!!!!!
    اه ياقلبي منك اه,,,,,تعبان والله ومحتاج وجودك جنبي...اصلا ماحد بيحس فيني غيرك
    ياهند..انتي اللي عايشة معي نفس الدور بالبيت...نعاني لان اللي اكبر منا مو قادرين
    ياخذون بعض واحنا بنصير مثلهم بيوم من الايام؟؟؟
    انا ماابي اعلقك فيني ونصير كذا...بس ماني قادر اشيلك من بالي ودي تشاركيني همي
    واشاركك فرحك؟؟؟؟؟
    بس لو تصدقيني ,,,,,
    مرة وحدة صدقيني واوثقي بكلامي وافهميني زين وش ابي اقولك خلينا نتشارك همومنا من
    جديد؟؟؟
    ///////////////////////////////////////////////////////
    اليوم الثاني,,,,,
    هيفاء/يمه وين محمد؟
    ام محمد/راح شغله؟
    هيفاء/وليش طالع بدري كذا؟
    ام محمد/ولاهو بدري ولا شي عادي مثل وقته تماما؟؟؟
    هيفاء في بالها تقوم تكلمه رغم انها مانامت طول الليل من قال لها خالد بالسالفة وكل ماتكلم
    مها مقفل كلمت فاتن واتفقت معها تروح لعند مها تشوف وش سالفتها وتعقلها عن جنانها.....
    ام محمد بخوف/تبين منه شي؟
    هيفاء/يمه بصراحة وش فيكم انتوا انتي وابوي من امس مانتوا طبيعين؟
    ام محمد/مافينا الاالعافية يمه؟
    هيفاء/لايمه في بس انتوا ماتبون تتكلمون؟
    ////////////////////////////
    هنادي/فكر بكلامي زين يامحمد اذا علاقتنا بتستمر كذا فترانا ماسوينا شي...قلتي بشتري
    رضاك ويوم قلت لك شنو رضاي غيرت رايك؟
    محمد/والله ماغيرت راي...بس كيف اجي بالله عليك واقول لاامي ماابيك تجي معنا البيت؟
    هنادي/محمد لاتكبر السالفة امك ماعرضت الموضوع اصلا عمتك هي اللي عرضته وعلى
    قولة عمتك انها ماحبت تفتح الموضوع قدام امك لين تعرف رايك...خلاص انت سوي
    روحك ماسمعت ولاسمعت وماوافقت هي مو غصب؟؟
    محمد/طيب وافترضي انها عرفت ولاقالت لي خذني معك وش اسوي ساعتها؟
    قامت هنادي من الطاولة/ساعتها بس انت اللي لازم تتخذ القرار بدون ماتشاور احد
    ياسعادتك معي بتكون وبعيد عنهم ياسعادتك معهم وبدوني؟؟؟؟؟؟
    ////////////////////////////////////////////////////////
    محمد/ثامر انا بتجنن والله العظيم بتجنن من امس لاذقت نوم ولاراحة؟؟
    ثامر/صلي الضهر وروح بيت عمتك شوف الخبر عندهم؟
    محمد/صاحي انت!!!امس خاطب اليوم اروح اسالهم عن رايهم؟
    ثامر طلع من جيبه تذكرتين وعطاهم لمحمد/انا اخذت لك اجازة وحجزت لنا على مصر انا
    وانت ..اعصابك ماهي عاجبتني ابدا بالاول سالفة اختك واللحين سالفة بنت عمتك...يااخي
    اعرف قرارها اليوم والليلة لازم نسافر سواء كانت رافضة ولاموافقة...انت لازم تغير جو
    يامحمد لازم,,,,
    محمد/.................
    ثامر/طيعني روح لهم وقول لهم انك بتسافر ومحتاج تعرف رايهم علشان تدبر امورك وهم
    اكيد بيعطونك الرد اليوم......
    محمد بانت دمعة بعيونه وتبتعنها نظرة خوف وقال بلهجة تكسر الخاطر/واذا كان الرد
    لا؟؟؟شسوي ساعتها بنفسي....
    ثامر/ساعتها بتسافر وتنسى كل شي باراضي السعودية واذا رجعت بتشوف لك بنت حلال
    تكمل معها نص دينك؟؟؟
    محمد بخوف وضعف وانكسار/انت شتقول هاذي مها ياثامر مها!!!!مها اللي انا انتظر
    تصطلح الامور بين خالد وهيفاء علشان اخذها..مها الوحيدة اللي عايشة بقلبي ولها معزة
    عندي...كيف تبيني اتركها وانا اللي كاتب فيها اشعار وقصايد كيف!!!!انت تدري كم سنة
    صار لي احب مها ياثامر تدري كم؟؟؟؟خمس سنين ياثامر خمس سنين؟؟؟؟على بالك اذا
    صار الرد لا ماراح يصير فيني شي؟؟؟؟/
    /////////////////////////////////////////////////
    بعد صلاة الضهر في بيت العواد,,,,
    جود/يمه محمد ولد خالي واقف يبي يكلمك ضروري؟؟؟
    ام خالد دق قلبها ومها بغى يغمى عليها ...
    ام خالد/شقوله بس شقوله....
    مها بكذب/قوليله ماوافقت ولاتسوين لنفسك سالفة مع ابوي...خلاص انهونا من ها السالفة
    ترى تعبنا!!!لانوم ننام ولاراحة نرتاح...قولي له مها تقولك انك تستاهل اللي هي احسن
    منها؟؟؟
    ام خالد ماكانت مصدقة ولاكلمة من مها بس هذا قرار مها ولازم مها بروحها تتحمله يوم انها
    اختارته...
    جود/يمه...
    ام خالد/خليه يدخل مافي احد....
    قامت مها وراحت المطبخ........

    محمد/عمتي شلونك؟
    كانت عيون ام خالد تتامل في محمد...ها الشباب والحلاوة والوسامة والرجولة كلها راحت
    عليك يامها راحت عسى الله يحفظ لك شبابك ياولد اخوي يازينة الشباب,,,,,
    محمد/عمتي انا اكلمك؟
    ام خالد/ها...لاتواخذني ياولدي بس كنت سرحانة شوي؟
    محمد/عمتي انا ابي اعرف ردكم على الموضوع انا الليلة مسافر ويمكن اطول اكثر من
    شهر وابي ااعرف شنو ردكم اللحين؟
    ام خالد تنهدت/ والله مدري شقولك ياوليدي يامحمد...
    محمد بحزن وضعف/لاتقولين مالي نصيب فيها ياعمتي؟
    ام خالد/والله انك تستاهل طوايف مها يامحمد؟
    محمد بحزن/هي اللي رافضة ولاابوها؟
    ام خالد/شاور على أي بنت يامحمد وانا بخطبها لك....
    ناظرها بنظرة اسى وضعف وانكسار وطلع..طلع وهو مقهور ومتضايق..ومسكت العمود
    اللي جنبها ودمعت عيونها وكان خالد واقف بعد مادخل وماانتبهوا عليه وهم يتكلمون وقف
    جنبها ومسك يدها
    ام خالد بقهر/محمد طلع من بيتي وهو مكسور الخاطر.....
    خالد/يمه اهدي انا بروح وراه ماشكله يطمن...
    اول ماطلع محمد من باب الصالة لقى مها قاعدة بعبايتها على اول عتبات الدرج وهي
    غرقانة بدموعها كانت تناظره وتبكي بدون ماتتكلم..
    تقرب منها محمد مثل المجنون وهو عارف انها اخر لحظة له معها..
    محمد بضعف/منو اللي رافض يامها انتي ولاابوك؟؟؟معقولة تبيعين حبي يامها!!!!
    مها كانت دموعها تتكلم بدالها بذيك اللحظة
    مها من بين بكيها/انا مت يامحمد مت خلاص!!!!كل ماتشوف صورتي لو تسمع اسمي
    ترحم علي واذا جاك خبري لاتبخل بصلاتك علي!!!!!
    محمد بضعف/مها انا ابيك..انا احبك....انا رافض الواقع اللي فرضه ابوك علينا...ابي هيفاء
    لخالد وابيك لي !!!!
    مها/قلت لك مها ماتت يامحمد ماتت!!!
    خالد/محمد...
    محمد لف عليه ومها نزلت راسها/
    //////////////////////////////////////////////////////





    كانت هيفاء قاعدة على اعصابها وهي كل ماتدق لمحمد مقفل ومها مقفل وبيت عمتها
    مشغول واشتغلت فيها نيران العالم....
    ام محمد/انتي ماتقولين لي شفيك؟
    هيفاء/يمه انا لايمكن اخذ خالد لايمكن؟؟؟محمد لازم ياخذ مها انتي عارفة انه يبيها من زمان
    ومستحي يقول...انا ماراح ابني سعادتي على تعاسة اخوي يمه؟؟؟؟
    محمد من وراها /ماله داعي ياهيفاء.....مها رفضت وانتهى الموضوع!!!!
    لفوا ثنتينهم لمحمد اللي كان واقف وهو زعلان وتعبان حييل ولو ماالحيا لقالوا ان كان يبكي
    من القهر!!!!!!
    هيفاء بخوف/ليش يعني!!!
    هاذي اول مرة تكلمه وترد عليه من صار اللي صار بينهم بالمستشفى!!!
    محمد جلس وهو مو معاهم بالعالم/مها رفضت؟؟
    هيفاء بصراخ/مجنونة وقسم بالله مجنونة!!!!كيف ترفضك بالله كيف؟؟؟؟انت لها وهي لك
    وانا وخالد خلاص تقبلنا ها الشي!!!!
    محمد كان يناظرها وهو مكسور وام محمد كانت تبكي بصمت/انتي تقولين ها الحكي
    ياهيفاء؟؟طيب ليش؟؟
    هيفاء بانفعال/لانك تبيها ولانها تبيك ولان لازم واحد يختار فينا؟؟؟وانت اللي لازم تاخذ
    مها...انا اخذت نصيبي مرة مع خالد خلاص...اللحين دورك ياخوي تعيش حياتك وتبني لك
    اسرة وعيال وزوجة....
    محمد بانكسار/عارفة انا كم ظلمتك ياهيفاء!!!!هذا ربي يعاقبني على اللي كنت اسويه فيك؟
    هيفاء/مو صحيح ها الكلام؟؟مها استعجلت بردها يامحمد استعجلت؟؟؟
    محمد/تبين تضحين علشاني وانا اللي كنت معيشك بنار طول الوقت؟؟
    هيفاء جلست جنبه ومقابلته وهي حاسته وحداني ومكسور بذيك اللحظة/انت اخوي وسندي
    وعضيدي؟؟؟محمد لاتياس مها اكيد انجبرت انا اعرف ابو خالد اكثر منك اكيد هو جبرها
    على ها الشي؟
    الجدة من وراهم/انتوا شفيكم قالبيها مناحة وبكي!!!لاتقولون احترق الغذى؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    الجدة/ادري انه مااحترق لاتناظروني بها النظرات بس انت ثور قايلة لك بخطب لك بنت
    خالتك احسن لك لاني عارفة وشبيصير بس هذا اللي مايطيع يضيع!!!
    صرخت ام محمد صرخة قوية بوجه الجدة تبيها تسكت وترحمهم من كلامها اللي يغث!!!!
    //////////////////////////
    بعد صلاة المغرب...
    في غرفة احمد..
    مها/توك راد من الجامعة وتعبان عارفة ها الشي بس ابي منك شي ياخوي؟
    احمد/خير...مو شفتيني متعاطف مع قضية فلسطين حقتكم تقومين تتمسكنين؟؟؟
    مها/ابي اروح المطار يااحمد؟؟؟
    احمد/خير ان شاءالله بتهجين من الديرة مرة وحدة؟؟؟والله حركة حلوة بس ماعندك الشجاعة
    تسوينها لاسيما انك تحبين الشرقية؟؟
    مها نزلت راسها وتنهدت وحاسة ان راسها ماقام يجمع شي من كثر ماتبكي ومن كثر
    ماصدع!!!
    مها/ماراح اخبي عليك يااحمد...ابي اروح اشوف محمد....محمد الليلة مسافر وابي
    اشوفه..اخر شوفة يااحمد اخر شوفة!!!!!
    ////////////////////////////////////////////////////////
    مشاري بتاثر/محمد ..خالد واقف ينتظرك بره واخذ اغراضك....
    محمد وقف وبدت المناحة...
    محمد بهدوء يقطع/وش فيكم انا رايح اغير جو وبجيب لكم هدايا معي؟؟؟
    الجدة/أي كثر من الهدايا واللي يعافيك؟؟؟
    محمد باس را س ابوه واياديه وهو ماسك نفسه...
    ابو محمد بحنية مسكه/انتبه لنفسك يامحمد ياولدي وادري انا مافي احد ياخذ من الدنيا الا
    نصيبه مهما سوى ومهما عمل؟؟؟؟ولاتنسى تذكر الله وين مارحت؟؟؟؟
    رجع باس راس ابوه مرة ثانية...ها الابو العظيم اللي خلاه رجال يعتمد عليه...ها الانسان
    الغالي الحنون المتفهم..عسى الله يطول بعمره..
    ام محمد دموعها ماوقفت من عرفت انه بيسافرواول ماباس راسها حضنته بقوة ومافكته..
    محمد/يمه..حبيبتي لاتخافين علي انا رجال ماني بزر؟؟؟
    ام محمد/لو اشوف ضناك يلعبون حواليك بظل خايفة عليك يايمه؟؟؟
    محمد/توصيني شي يالغالية؟؟؟
    ام محمد بدموعها/اذكر الله بكل وقت يامحمد اذكر الله واتوكل عليه ومابتخيب وبس ترجع
    نذر علي لااسويلك اللي تبيه وتطلبه يانظر عيني انت!!!
    محمد باس اياديها ها الام العظيمة..الصدر الحنون اللي عمرهم ماشافوه غير يبتسم ويضحك
    لهم حتى باقسى الحالات!!!ياريت كل النا س بطيبتك يايمه؟؟
    لف على هيفاء اللي بعد كانت بدموعها وحضنها بالقوة وهمس لها/سامحيني يااختي على كل
    لحظة بحياتي غلطت فيها معك سامحيني!!!!
    هيفاء بدموعها وبنفس الهمس/مسامحتك يااخوي مسامحتك يالغالي؟؟؟انت دير بالك على
    حالك....
    محمد/خلي بالك من عبود....وانتبهي عليه زين!!!!
    هند اللي مابطلت دقيقة وحدة..
    محمد بضحكة/شكلك ماتبين تسلمين علي/؟؟
    هند حضنت اخوها بكل مافيها/اقعد يامحمد لاتسافر!!!
    محمد/وش ها الدلع يابنت بروح وبجيب لك هدايا؟؟
    هند/ماابي العهدايا ابيك انت ياخوي مافي شي بيعوضنا عن غيابك بالبيت اذا
    غبت!!!!اتصل كل يوم طمنا عليك؟؟؟لاتقطعنا علشان ماينشغل بالنا يامحمد؟؟
    محمد/ان شاءالله؟؟؟
    الجدة بعد كانت تبكي بدموع حقيقة ولااول مرة احد يشوفها تبكي كذا من قلب...؟؟؟
    محمد /جدتي ليش تبكين؟؟تبين تجين معي!!!
    الجدة وهي تمسح دموعها/لاتسوي روحك فرحان وانت الهم ماكل قلبك يامحمد!!!!روح
    عسى الله يكتب لك بكل خطوة خير وفلاح؟؟
    محمد/امين ياجدتي امين...
    الجدة بقهر/عسى الله لايوفقك يابو خالد كانك كسرت بخاطرهالاثنين ووقفت حياتهم@!!!!
    اخذت محمد بحضنها وهمست له/انا احبكم يمه ويضايقني تعبكم والمكم!!!عسى الله يخليكم
    لبعض ولايحرمكم من بعض!!!
    مشاري ماكان اقل من الباقيين تاثرا بسفر محمد المفاجىْءوكان يبكي..
    محمد ضربه على كتفه/شد حيلك يامشاري!!انت رجال البيت شوف خواتك وحط بالك
    عليهم ولاتخليهم يحتاجون لااي شي؟؟؟؟
    مشاري/ان شاءالله ياخوي ان شاءالله؟؟
    محمد/يالله ياجماعة دعواتكم وسا..
    ام محمد/يايمه باقي وقت ليش طالع من بدري كذا!!!
    محمد/ماعليه يمه بروح اسلم على هنادي وسارونة بعد وبمر خالتي ام عادل!!!!يالله مع
    السلامة....
    طلع من عندهم وهو قلبه مو قاوي على بعادهم اصلا هو مو متعود يسافر مثل باقي الشباب
    بروحه
    كل سفراته كانت مع اهله؟؟؟
    ركب السيارة وحس انه متضايق مرة وكان خالد ينتظره لانه هيفاء موصيته عليه ودزت له
    مسج يدير باله عليه لانه تعبان ويبي من يسليه...
    اول ماسكر محمد الباب لف له خالد..
    خالد/وين اللحين؟
    محمد كان فعلا متضايق ودموعه باينة بس مو قادر ينطق وحس خالد فيه!!!
    خالد/محمد...وين اول لعند هنادي؟
    محمد بانكسار/اللي يريحك؟
    خالد مسكه من كتفه واخذه بحضنه وهالشي اللي كان محمد ينتظره بالفعل,,احد ياخذه
    بحضنه ويطبطب عليه مثل البزارين,,,,
    خالد/محمد...مايصير كذا ياخوي انت راعيها و..
    قاطعه محمد بضعف/والله مو قاوي على شي ياخالد,,,,مها راحت مني ؟؟
    خالد تنهد/انت رجال يامحمد رجال!!!والرجال ماتهزه مرة مهما كانت؟؟؟
    محمد بنفس الضعف/الا مها ياخالد الامها!!!مقدراها بقلبي غير عن كل الناس!!!
    نزلت منه دمعتين بعد طاري مها وخالد تاْثر كثير وهو في باله ان محمد الرجال حاس
    بالضعف كيف حالك يامها !!!!
    محمد ابتعد عن خال وتنهد ومسح دموعه/خالد..حط هيفاء بعيونك تراها درة وثمينة؟
    خالد/لاتوصيني عليها يامحمد؟؟؟انا قلت اذا باخذ هيفاء انت بتاخذ مها بنفس الليلة وماراح
    اخون بوعدي ياخوي يامحمد؟؟؟بيظل عندي امل لااخر يوم ان احنا زواجنا بيكون بيوم
    واحد!!!
    محمد/لا ياخالد لا!!!لاتربط مصيرك بمصيرنا انا ومها؟؟؟
    انا ومها خلاص....انتهينا...اللي بينا خلص خلاص!!!
    خالد/لاتقول كذا يامحمد...انا بظل منتظر اليوم اللي بنتزوج فيه مع بعض اثنينا يامحمد وهذا
    وعد مني وماراح اخلف فيه مهما كان!!!
    محمد/لا ياخالدلا اذا واحد منا خسر شي مهم بحياته فمالازم الطرف الثاني بعد يخسر...يمكن
    هذا اللي مكتوب اني مااخذها بس لاتفكر بانانية وتنسى عبود اللي بينكم ياخالد!!!!
    ////////////////////////////////////////////
    فاتن/خلاص ياهيفوا خلاص حرام عليك وش بيصير له يعني اذا سافر؟
    هيفاء وهي تبكي/مابيصير شي بس انا عارفة انه زعلان ومتضايق علشان مها رفضته؟؟
    فاتن/مهوا هاذي وحدة مدري من وين طالعة تحبه ويحبها ويوم جا يخطبها قالت لا؟
    هيفاء/انا عاذرتها لاني مثلها كنت بضحي علشان محمد وماراح اخذ خالد؟
    فاتن/لعنة الله عليك يابو خالد على ها الكلام اللي مثل وجهك!!!!!اللحين احد يخير عياله اذا
    واحد منكم ياخذ اخت الثاني الثاني لازم يتنازل ومايتزوج!!!شها التخلف هذا بالله؟؟
    هيفاء/...........
    فاتن/وهم ليش يسمعون كلامه بالله؟؟المفروض يحجرون عليه بمستشفى المجانين؟
    هيفاء/يظل ابوهم وتاج راسهم يافاتن...مابياخذون موقف سيى منه وينسونه باقي المواقف
    الحسنة والمعاملة الطيبة له.....بس المشكلة اني خايفة تكون مها وافقت بس علشان اللي
    صار بيني وبين محمد هني صحيح بتكون مصيبة؟
    فاتن/شوفي انا بمرها اللحين وبقولها ان احنا بكرة بنلتقي بجوفريز وغصبا عنها تجي
    مايصير جوالها هذي يومين مقفلة جوالها وماحد عارف لها ارض ولاسما؟
    هيفاء/اقنعيها يامها اقنعيها لازم تجي.....
    /////////////////////////////////////////////////
    في المطار...
    ثامر/انا بروح اخذ لي شي وبرد.....
    وظلوا ساكتين فترة طويلة محمد وخالد بعدها قطعها محمد...
    محمد/خالد...انا كنت شايل عليك يوم انك طلقت هيفاء....
    خالد/عارف ها الشي ملاحظ علاقتنا كيف صارت بعد ماكانت حلوة وكنا مثل الاخوان؟؟؟انا
    مالومك يامحمد هذا حقك ولازم تغضب وتثور لزعل اختك..بس اللي ابيك تصدقه اني فعلا
    لاحبيت اختك ولاكرهتها وكنت مسير بعلاقتي معها وفق رغبة ابوي الله يسامحه؟؟
    محمد تنهد/كنت اشوف التعب بعيونها لحظة بلحظة والومك ياخالد بس ماكان في يدي شي
    اسويه ولااقوله وانا اشوف ابوي ساكت ومايبي يدخل بمشاكل مع اخته الوحيدة اللي هي بعد
    ماكان لها ذنب في اللي صار؟؟؟
    خالد/كانت ازمة يامحمد ازمة وان شاءالله ماتنعاد؟؟؟؟ان شاءالله الايام الجاية تغير كل شي
    فينا يامحمد كل شي ويرجع كل شي مثل اول واحسن؟؟؟
    محمد/ان شاءالله ان شاءالله...انا ناوي على التغير بحياتي برد انسان ثاني من ها السفرة
    ياخالد....
    خالد/ان شاءالله يكون تغير للافضل يامحمد ...
    وبها اللحظات جا مسج لخالد من احمد..
    خالد/محمد....
    محمد/خير ان شاءالله..
    خالد/هذا احمد داز لي مسج ويقول انه جاي مع مها تبي تشوفك....
    محمد طاحت نظراته بالارض وسكت..
    خالد/تبي تشوفها؟
    محمد/ماعادت تفرق عندي؟
    قام خالد من مكانه ومحمد بعده منزل راسه بالارض وبعد دقايق مضت جت مها وقعدت
    جنبه وهي مرتبكة وخايفة وكل مشاعرها مختلفة.....
    مها بصوت متقطع/محمد..
    محمد/.........
    مها/محمد رد علي...
    محمد بدون مايرفع نظراته/مو قبل مااعرف منو اللي مايبيني انتي ولاابوك؟
    مها بانكسار/انا اللي رفضت يامحمد..بس صدقني ..
    محمد وقف وقامت تناظره بخوف
    مها برجاء/محمد اسمعني؟؟الله يخليك....
    محمد تنهد /مها..انتي بحياتي غلطة لكن ماحكررها!!
    قالها ومشى عنها وماتت في مكانها بذيك اللحظات...كانت جاية تعتذر بااخر لحظة بينهم
    وتقوله انها تعجلت وماكان المفروض انها تقول لا وانها اسفة ومستعدة تكون خدامة بين
    رجليه بس لايسافر يظل جنبها وان شاءالله كل شي بيتصلح ..بس ردة فعل محمد ماتوقعتها
    ابدا!!!!ليش يامحمد ليش انا غلطت وانت المفروض تكون اعقل مني وماتصد يامحمد
    وتتركني!!!محمد ارجع ارجع الله يخليك لاتروح لاتتركني انا مااعيش بدونك صدقني
    ولاابي غيرك ياخذني ..موتي اقرب لي من انسان ثاني يفكر ياخذ مكانك بقلبي يامحمد
    صدقني بس ارجع واسمعني وخل عنك كل شي يامحمد الله يخليك......!!!ظلت كلماتها
    واقفة بحلقها وهي تناظر بسراب محمد اللي راح وماتشوف شي من كثر دموعها اللي
    عاميتها واحمد وخالد يطالعون في بعض وهم لاحول ولاقوة!!!!
    /////////////////////////////////////////////////////////


  • #5
    ملاذية مميزة وعضوة في فريق الروايات الرومانسية المكتوبة
    حالتي : سفيرة الحب2009 غير متواجد حالياً
    تاريخ تسجيلي: Apr 2012
    عضويتي رقم: 23546
    الدولة: العراق
    هوايتي: القراءه
    سيرتي الذاتية: ؟
    عملي: التدريس
    العمر: 26
    مشاركاتي: 3,041
    معدل تقييم المستوى : 2147483695
    سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى. سفيرة الحب2009 من افضل السمعات في المنتدى.

    رد: رواية أبيك وأرفض الواقع لـ ملح الحياة... كاملة مع رابط التحميل

    فاتن/يعني طلعت؟
    ام خالد بتعب/أي والله طلعت قبل ساعة مع احمد اخوها بس مدري وين راحوا قعدي يمه
    اللحين ادق على احمد اشوفها وينها فيه؟
    فاتن/لاخالتي بس ان كل ماادق عليها مقفلة جوالها من يومين ....
    خلاص انا بمشي بس قولي لها بكرة ضروري تجينا بنكون على الكورنيش البنات يبون
    يشوفونها ضروري!!!
    ام خالد/ماعليه يمه بخليها تكلمك وتفاهموا...انتي قعدي ييمه؟
    فاتن/لا يخالتي شكرا انا بس كنت بمر اتطمن عليها سلمي عليها وموتنسي قولي لها
    ضروري؟؟؟
    طلعت فاتن....وظلت ام خالد بحيرتها وين راحت ذي مع احمد مالها بالعادة تطلع ها الحزة
    وهي بها النفسية السودة؟؟؟؟؟الله يستر بس!!!!!
    //////////////////////////////////////////////////////
    اليوم الثاني في بيت السالم,,,,
    هند/البيت بدون محمد مايسوى...
    مشاري/معك حق....رغم انه مايقعد معنا كثير بس وجوده كان له اهمية بينا واحس ان في
    شي ناقصنا؟؟
    هند/تصدق اول مرة اشوف جدتي تبكي بصدق البارحة!!!!
    مشاري/ماعليك منها انا بوريها هاذي مسوية روحها علي عنتر قبل يومين؟؟
    الجدة/منهي هاذي ؟؟؟
    لفوا هند ومشاري لها
    مشاري/وحدة من ذاك الفريق.....
    الجدة قعدت بينهم/شتسولفون فيه؟
    هند/بس سالني عن هيفاء وقلت له طلعت مع ولدها؟
    الجدة/وين راحت فيه وهو معوق!!!!
    مشاري بعصبية/جدتي شها اللفظة!!!اسم الله عليه فالك ماقبلاناه؟؟؟؟؟
    الجدة/وانا الصادقة وين بتروح معاه وهو مكسر ومايمشي؟؟؟
    هند ناظرت مشاري بدون تعليق.....
    مشاري/تدرين ان الليلة بتجي خالتي ام عادل؟
    الجدة/مو الليلة بكرة؟
    هند/انتي في شي ماتعرفينه؟
    الجدة/لاطبعا انا كبيرتكم ولازم اعرف كل كبيرة وصغيرة بالبيت لاتنسون ان بيت ولدي
    واذا ماعرفت احتمال اطردهم؟؟؟؟؟
    مشاري/وياليت تعرفينهم بطرق واضحة وصريحة!!!الا كل شي تعرفينه من ورى
    الابواب؟؟؟
    //////////////////////////////////////////////////////////////في الكورنيش,,,,
    هيفاء/اذا ماجت شنسوي؟
    فاتن وهي تاكل عبود الدانيت/ولاشي بننتظرها لين تفكر تجي؟؟؟دقيت عليها لين مت
    البارح ومافتحت جوالها؟
    هيفاء/خالد يقول انها راحت لمحمد المطار وطلعت تعبانة حييل وذبحت روحها من البكي؟
    فاتن/وش لها تروح بعد؟؟؟مو كافي انها رفضت؟؟؟
    هيفاء/هي تبيه بس كانت تكابر على روحها؟؟؟انا ابي اشوفها لازم اشوفها؟؟؟
    ///////////////////////////////
    مها/يبى انا بطلع شوي لعند صاحباتي؟
    ابو خالد/ليش؟؟
    مها/انا قايلة لك امس اني بطلع لصاحباتي من زمان ماشفتهم؟
    ابو خالد/ووين بتروحون؟
    مها/يبى قلت لك الكورنيش؟
    ابو خالد/اخذي عمر معك لاتروحين بروحك؟
    مها/طيب...يالله عمر قوم....
    ********************************عادل/طيب وش صار اللحين؟
    خالد/ولاشي البارح انا قعدت مع ابوي ويطلع من حجة ويدخل بحجة ثانية ساعة يتحجج
    انها تكشف وجهها وساعة يقول ليه تشتغل ها الشغلة وساعة مدري وش يقول؟؟؟
    عادل/اللحين منو اللي بيتزوجها انت ولاهو؟
    خالد/هو بروحه متضايق على محمد كان على كلام امي يبيه لمها ومنتظره من زمان ياخذها
    وتضايق ان مها قالت لمحمد ماتبيه كان يبيها ومايبيني اخذ هيفاء؟
    عادل/صدق ابوك ماعنده سالفة ياخالد..يبي محمد بس مايبي هيفاء!!!طيب محمد وهيفاء من
    نفس الابو ومن نفس الام ومن نفس البيت!!!وين المشكلة ..؟؟وش اللي يخليه يوافق على
    محمد ويكره هيفاء؟؟؟
    خالد/ابوي مقتنع بمحمد ومن يقدر يرفض محمد عاد ياعادل!!!بس هيفاء لاماهو متقبلها
    ابدا..وبعدين محمد لومااخذ مها بياخذ اللي تسوى طوايفها ماهي واقفة عنده لكن هيفاء
    تطلقت وموكثيرين اللي يدورون مطلقة ياعادل يعني بيظل ابوها شايل همها ويحاتيها
    وابوي هذا هدفه ان مايخلي خالي يفرح ابدا!!!

    عادل/والله مدري وش اقولك ياخالد بس السالفة صدق مو هينة...انت واختك وهي
    واخوها....الله يسهل بس انا مالي شغل تقول لااختك اليوم تدور لي مرة يعني تدور لي
    ؟؟؟خلاص ياولد الناس قلت لك بتزوج تكرونية في النهاية من كثر مانفسي ضاقت علي؟؟؟
    خالد ابتسم/وينها ها التكرونية من زمان اسمع عنها ولاني شايفها!!!
    عادل/هههه اروح لها مكة اجيبها ولا تبيها من المدينة هني بالشرقية ماعندنا الحمد لله...
    خالد/والله ان الوقت ماهو مناسب...
    عادل/معليش قولها عادل طالب منك ها الخدمة وماراح ينساها لك طول عمرك؟
    ///////////////////////////////////////////
    فاتن/تدرين لو ماجيتي شكان بيصير؟
    مها/...........
    هيفاء ببرود/شلونك..
    مها بتعب/وش تتوقعين يكون لوني يعني؟
    هيفاء/ماابي الومك ولاابي اقول شي بس ابي اعرف شي واحد ماغيره يامها...انتي رفضتي
    محمد علشان خالد ياخذني ولا علشان اللي صار بيني وبين محمد ذاك اليوم بالمستشفى؟
    مها انهارت وقامت تبكي.....
    فاتن/مها...ترى والله كلنا معك وقلبنا مشغول عليك بس بعد...والله مدري شقول؟
    مها/انا ابيه ياهيفاء ابيه بس مقدر اسوي شي؟
    هيفاء بعصبية/انا ابي اجابة واضحة علشان شنو رفضتي بالضبط يامها؟؟؟
    مها رجعت تبكي وفاتن تهديها....
    عبود يوم شاف عمته تبكي هو بعد قام يبكي....
    هيفاء/عمر ممكن تاخذ عبود شوي وتشتريله أي شي؟
    عمر كان بعيد عنهم يوم سمعها ولاكانه يسمع....
    فاتن بصوت واطي/شوف ولد ال....
    مها /جيبيه انا بعد ابي اخذ لي ماي؟
    قامت وحملت عبود وراحت للكافترريا ووراها راحت فاتن.....
    ///////////////////////////////////////////////////////
    ام محمد/أي يمه اتصل وقال انه وصل من البارحة واليوم الضهر بعد اتصل......انتي
    شلونك....وشلون سارة......الحمد لله....وش صار على البيت اشتراه
    ولابعد!!!....صدق...يالله الله يعطيكم خيره ويكفيكم شره......ويبيله شغل كثير ولا.....زين
    يعني اذا بديتوا فيه اللحين على الشهر الجاي بتكونون انتقلتوا؟؟....يمه وش فيه صوتك
    ماهو عاجبني؟؟؟بلى فيك شي قولي وانا امك...خالتك مضايقتك بشي ولاشي..........الله
    يرضى عنك يمه مايصير كله ساكتة وشايلة همك بقلبك قوليلي انا
    امك.......اكيد...ولاشي....طيب.....بخليك اللحين...سلمي على سارونة ...يالله مع السلامة؟
    الجدة/مابغيتي تخلصين؟
    ام محمد/هوا!!!وش فيك علي قاعدة اكلم بنتي؟
    الجدة/ومنو اللي بيدفع الفواتير ولدي المسكين اللي كاسرين ضهره انتي وعيالك؟
    مشاري/وش فينا احنا بعد!!!
    الجدة/انت اسكت ياللتيس ماحد كلمك...وبعدين تعال انت ليش كله راز الوجه
    عندنا؟؟؟وبعدين راسب بالمدرسة مفهومة الا احد ابوك عليك؟؟؟
    ام محمد/وش فيك على عيالي ياخالتي؟
    الجدة/مااطيقهم؟؟؟
    ام محمد/.........
    مشاري/وشدعوة احنا بنموت عليك يعني الحمد الله اذا عدوا الجدات عدوك معهم ياحظي!!!
    الجدة/سكتي لاتقولين له شي ابدا اسكتي ولاكانك تسمعينه يهيني وانا جدته واحترامي
    واجب!!!!
    ام محمد/لااله الا الله عليك ياخالتي...
    الجدة/لاتقولين خالتي ماابي اصير خالتك؟
    مشاري/ماعليك منها يمه...شرى محمد البيت ولا لسه؟
    ام محمد/أي شراه وتقول مايبيله شغل كثير اذا هموا فيه يخلصونه الشهر الجاي....
    مشاري/وبكم شراه؟
    ام محمد/وانا ادري بكم شراه...بروحه فديتها صوتها متغير اكيد خالتها مزعلته ولارامية
    عليها كلمة من هنا ولامن هنا؟
    الجدة/انا خالتها لو اشوفها بموجب احط عصاتي عليها وماشيلها الا اذا تشهدت؟
    مشاري/ياريت ياجدتي ياريت تسوين فينا خير على الاقل بنضمن هنادي تعيش
    بسلام...شرايك نعزمها ياخالتي؟
    الجدة/حق الخساير نعزمها ؟؟؟هاذي لو تحط لها سم تاكله وتجيك من الصبح ماتطلع الا اخر
    الليل؟؟؟؟يعني احسبها فطور وعشاء وغذا واكيد بين الوجبات قهوة وعصير ومكسرات
    ويالله احنا نقعد مستحين منها وماناكل شي نظل جوعانين؟؟؟؟
    ////////////////////////////////////////////
    عمر بعد مامشوا تقرب من هيفاء/تدرين وش فيها مها؟
    هيفاء ارفعت راسها له وقالت لا..
    عمر/بعد ماهي رفضت خالد غير رايه وقال مايبيك !!!!
    هيفاء/.............
    عمر/قعد مع مها وتكلم معها بخصوصك وبخصوص شغلك وهي قالت ان انتي مالك نية
    تطلعين وهو مومتقبل شغلك اول ليل واخر ليل يقول وش ها الحرمة اللي باخر الليل تطلع
    من بيتها وتظل بمكان كله رجال ياتطلع من شغلها ياامابيها؟؟؟؟
    هيفاء ببرود/هو قال كذا؟
    عمر/أي.....وقال ماظل احد بالشرقية ماشاف وجهها بعد ها الشي خلاه يتراجع يقول وش
    استفيد انا اذا غطت وجهها اللحين كل الناس شافتها وعرفتها!!!وبعدين يقول هو مو ناوي
    يطلع من البيت يبي يقعد معنا وانتي وابوي ماتتفقون فبيظل محاتي ها النقطة بعد......وقال
    لمها ومها تعبت لانها رفضت محمد علشانه وقالت له ياليت قلت لي قبل واتخذت قرارك
    قبل لاارد على محمد بس شيفيد الندم اللحين وابوي قال له منت مجبور تاخذ هيفاء اذا منت
    مقتنع فيها......
    وخالد قال انه بيطنشك ها الفترة لين تنسين السالفة وبعدها بيخطب بنت عمي.........هيفاء
    الاحسن انك تشيلين خالد من بالك ابوي اثر عليه واقنعه انك ماتصلحين له وهو غير رايه
    وامي تعبت من ها السالفة كل ساعة واحد يبي الثاني وبيتنا صاير فوق تحت....خلصونا
    حرام ارسوا على بر حنا مالازم نتحمل مشاكلكم؟؟؟؟؟
    ///////////////////////////////////////////////////////////////في اخر اليل بغرفة الجدة كانت قاعدة
    وتشاهد فلم هندي ومطفية الانوار ومافي غير الابجورة مشغلة (عايشة الجو الحلوة هههههه)
    وشوي شوي الا وينفتح الباب بشويش ويرجع يتسكر ...في البداية طنشت بس بعدين كل
    ماجاها الحركة تكثر وباصوات بعد...
    جمدت مكانها ومسكت عصاها...
    الجدة بشوية خوف/منو...منو عند الباب؟
    ماسمعت غير صوت الباب اللي يفتح ويسكر وشوي شوي شافت قطوة داخلة لها من باب
    الغرفة...
    الجدة وقفت بسرعة وقامت تصارخ/يمه...يمه لحقي علي شنو هذا ......منو ..منو
    هنا.....تكلم..
    دخل ظل خفيف وبعدها طلع بسرعة وقامت الجدة تصارخ تصارخ ولااحد حواليها واخذت
    سماعة التلفون ودقت على غرفة ولدها علشان ينزل لها.....
    *******هيفاء كانت قاعدة بغرفتها وسرحانة بكلام عمر....ياترى ها الشي صار صدق
    ولا....طيب اذا هو مو صدق من وين بيجيب عمر ها الكلام!!!!
    صارت الساعة وحدة وخالد اليوم مااتصل وهو ماله بالعادة يقعد لها الحزة ومايتصل.....
    مسكت جوالها وهي مترددة تتصل فيه ولا تطنشه وتشوف وش سالفته...ماطاعها قلبها
    ودقت عليه بس تفاجات ان جهازه مغلق ودق قلبها بقوة!!!!!!!!
    ///////////////////////////////////////////////////////////في الحديقة....
    خالد/انت مابتنام؟
    عمر/بكرة مو رايحين المدرسة ليش انام عاد؟
    مها/واذا مابتروح المدرسة تسهر لها الوقت؟
    عمر/طيب ماانتوا سهرانين خلوني اسهر معكم؟
    خالد/انا شوي وبقوم وراي شركة وبعدين ابوي يبيني بكرة اروح معه الرياض يبي يجيب
    بضايع ويدوبي اريح....
    عمر/طيب هذا انا قمت...
    ويوم مشى...
    مها/اول مرة يقعد معنا ويسولف واللي مو داخل مخي ان ابوي اليوم خلاه يروح معي
    الكورنيش بحجة اني ماالمفروض اروح بروحي ويوم رحت اشتري لعبود من الكافتريا
    لقيته قاعد مع هيفاء ويسولف معها ويوم شافني سكت ومانطق بشي؟؟
    خالد/يابنت الحلال خليه يقعد معنا شاف مشاري دايم لازق في الكبار اكيد غار
    منه...ماعلينا...عادل يقول متى بتشوفين له بنت حلال تراه مستعجل يامها وهو طالبها منك
    طلبة؟
    مها بتعب/والله ياخوي انا مااطلع من البيت ولااعرف احد بعد!!!خل امي تشوف وش
    طلباته والمواصفات اللي يبيها وهي تختار له انا نفسيتي تعبانة ومالي خلق شي؟
    خالد برجا/علشاني يامها علشاني هاذي اول مرة عادل يطلب مني فيها شي ومو حلوة اقوله
    ماقدرت اختي تسويها؟
    مها /والله مااقدر ...خلي هيفاء تختار له هي تعرف بنات كثير اكيد من اللي صاروا معها
    بالدراسة ولااشتغلوا معها واذا هو عادي يبيها تشتغل بتلاقيله صدقني؟
    خالد/ذكرتيني فيها اليوم ماكلمتها..
    ورفع جواله اللي كان على الطاولة ولقاه مطفي..
    خالد/اوه ه هذا بعد متى طفى؟؟؟والله اني تعبان حييل ومتكسر يالله خليها لبكرة اذا كلمتها
    مرة وحدة تصبحين على خير؟
    /////////////////////////////////////////////////////////////ابو محمد/يمه الله يهداك أي حرامي انا
    قلبت البيت كله ماشفت شي؟
    ام محمد بنعس/وبعدين ياخالتي من وين بيدخل الحرامي وكل الابواب مقفلة والشبابيك بعد
    ولافيهم أي اثر لكسر ولاشي!!!!انتي شكلك حلمانة ياخالتي؟؟؟؟الجدة ببكي عجايز(اللي
    بصوت عالي هههه)/ماني نايمة بروحي ولاانا تاركة داري لايسرق منها شي؟؟
    ابو محمد/طيب والحل يايمه شنو؟
    الجدة/خلي مرتك تنام معي علشان اذا جا الحرامي تكون هي بوجهها مو انا؟؟؟
    ام محمد فتحت عيونها على وسعها ونظرة الرجاء في عيون بو محمد خلتها تتراجع !!!!

    اليوم الثاني العصر...
    ام عادل/شفيك ياخيتي شكلك مانمتي زين البارح؟
    ام محمد ناظرت بالجدة وسكتت..
    مشاري/الا الصدق الصدق انا البارحة سمعت صوت صراخ من وين طالع..
    الجدة /من الحرامي اللي طلع بداري يبي يسرقني؟
    هند بخوف/كان في حرامي في بيتنا البارح؟؟؟
    مشاري/جد؟؟؟
    الجدة/أي والله طيح قلبي من الخوف؟؟؟؟
    ام محمد/خالتي الله يهداك انتي تقولين حرامي وبومحمد دار البيت كله ماشاف شي من وين
    بيطلع ها الحرامي بالله!!!!
    الجدة/قصدك اني اكذي يعني ؟؟؟قلت لك شفته بعيوني؟؟
    ام عادل بدون تصديق/لاوالله شكلك كنتي نعسانة ولا خرفتي وحدة من الثنتيني؟؟
    مشاري وهند/ههههههه
    الجدة بعصبية/انا ماخرفت ؟؟انا اصغر منك ياحظي؟؟؟؟
    ام عادل/أي اذا على الصغر بعدك صغيرة الامس بو محمد يقول واحد خاطبك منه؟؟
    الجدة/صدق؟؟؟في واحد خاطبني؟؟؟
    ام عادل تسايرها/أي بس بيني وبينك ياام عبدالله لاتوافقين تراه داخل على طمع حافي منتف
    ويبيك تصرفين عليه وياخذ ذهبك وارضك لاتوافقين؟؟؟
    الجدة/عمى بعينه ان شاءالله ها الطماع جعله مايربح؟؟؟ماني بموافقة هي جت عليه يعني اذا
    نصيبي ماجاني منه بيجيني من غيره ماني متوقفة عليه؟؟؟؟؟
    مشاري وهند/هههههههههههه
    الجدة/وش فيكم تضحكون انتوا؟
    مشاري وقف/ولاشي...دقيقة بجيب شي وبجي............مشاري/خالتي لازم تاكلين ها
    السينيبون انا شاريها مخصوص علشانك؟
    ام عادل/وي فديتك يابعد عمري؟
    مشاري/هذا سينبيون شوكلاته بس شي رهيب جربي وبتصدقيني؟يمه اكلتي حقتك؟
    ام محمد/أي اكلتها مع القهوة ان شاءالله تعيش وتجيب غيرها ....
    الجدة سال لعابها من شكل السينبيون بس ماقدرت تتكلم مشاريوه للحين مايكلمها عدل علشان
    الضرب اللي اكله؟
    //////////////////////////////
    في غرفة هيفاء..
    فاتن/وش فيك منتي على بعضك ياحظي؟
    هيفاء بدون نفس/مدري بس خالد من امس لليوم ماكلف على عمره يتصل؟؟
    فاتن/وان شاءالله بالك مشغول عليه؟
    هيفاء/دقيت عليه البارح وكان جواله مقفل...واليوم خفت اتصل ويكون مقفل بعد......
    فاتن/خليه يولي عنك زين...ثقلي عليه مو رامية حالك عليه رمية؟
    هيفاء تنهدت وهي تذكر كلام عمر الامسي؟؟؟
    //////////////////////////////////////////////////
    في بيت العواد....
    احمد/اجل وين ابوي؟
    ام خالد/راح مع خالد الرياض يجيبون بضايع للمحل؟
    احمد/أي بس خالد ماقال لي انه رايح؟
    ام خالد/هي كلها عصرية رايحين فيها واللليل بيكونون هنا؟
    مها/يمه ابوي اتصل وقال انهم بيبتون لان البضايع اللي هو يبيهم ماشافهم كلهم مدري وش
    قال الزبدة انهم بينامون هناك الليلة؟
    ام خالد/متى اتصل؟
    مها/قبل ساعة.....
    ام خالد/الله يسهل عليهم.....
    احمد طلع جواله ودق على خالد.../يؤ مقفل....
    ام خالد/تبي منه شي؟
    احمد/هناك محل يسوون عصير منجا مو طبيعي تموتين وانتي تشربينه بوصيه يجيب
    للربع؟؟
    مها/احنا وها الربع ماشوفهم يذكرونك كثر ماتذكرهم؟
    احمد/انتي قلبي لسانك ومالك بربعي؟؟؟؟
    تينا/ماما هذا جوال يشوف في الحديقة؟
    ام خالد/يؤ هذا جوال خالد فديته نساه؟؟؟؟
    //////////////////////////////////////
    مشاري/خالتي شوفي يدي ماتعور بقلبك؟
    ام عادل/وش فيها؟
    مشاري/اكلت ضرب ها الاسبوع لو عدو منضرب قدامك كان رحمتيه؟؟
    ام عادل/بسم الله عليك يمه منو اللي ضاربك؟؟
    مشاري/الله يسامحه اللي ضربني بس لك الحق تدعين على اللي امره يضربني؟
    ام محمد/مشاري خلاص يمه...
    مشاري/على قولتك خلاص....الا جدتي انتي شفتي الحرامي الامس؟
    الجدة حمدت ربها ان موضوع الضرب تغير من قدام ام عادل/أي والله يولدي شكله يخوف
    مووت...كبير ومرعب وخلاني افكر طول الليل؟
    هند/يمه....
    الجدة/شعره خشن!!!!خوفني؟؟؟واسود مثل الفحم؟؟؟؟
    ام عادل بدون تصديق/هذا ماكو غير سواياك الشينة طالعة لك تخوفك ولا لاحرامي ولاهم
    يحزنون؟
    الجدة/اقولك حرامي تقولين مافي شي؟؟؟

    ///////////////////////////////////////////////////////
    اليوم الخميس ياهيفاء وبيجي خالد معهم وبتشوفين تصرفاته وقرري بعدها اذا كان صادق
    ولاكاذب؟؟؟؟
    اربعة ايام لااتصل ولاسال !!!!كان يتصل على البيت ويسال عن عبود ؟؟؟معقولة كانت
    مشاعره كذب في كذب وانا صدقتها؟؟؟؟؟لو مااتصل يسال عن ولده كان قلت أي ماعنده
    وقت ولامشغول بس يتصل بوسط البيت ويسال عن ولده هاذي ماتعني غير شي واحد
    بس؟؟؟؟
    اذا كانت السالفة كذا الله لايسامحك ياخالد على لعبك بمشاعري وكذبك علي!!!!انا مو لعبة
    بيدينك ياخالد مو لعبة وبتشوف....

    ام خالد/شلونك ياهيفاء يمه؟
    هيفاء/طيبة؟
    ام خالد/وشلون عبادي اللحين؟
    هيفاء/ماشي حاله عود نفسه انه مايقدر يمشي وابوي سوا له دراجة يقعد عليها بعجلات
    وتوديه وين مابغى.....
    مها بهمس/وشفيك سرحانة؟
    هيفاءبنفس الهمس/سرحانة في اخوك يعني بشنو؟
    مها /أي هانت باقي يويمن وينزلون من الرياض...انا من اول قلت لهم بتاخذون اسبوع بس
    ماصدقوني؟؟؟؟
    هيفاء وقف قلبها خالد بالرياض ماهو هنا؟؟؟زين ليش ماقال لها ولا عطاها خبر؟؟؟؟
    مها/وينك...اكلمك؟
    هيفاء/وش صار على سالفتك انتي؟
    مها تنهدت/قلت لاابوي اني ماابي خطوبة ابي نجهز كل شي وتصير الملكة والعرس بلبلة
    وحدو وهو حضرته يبي قبل رمضان وخبرك ماباقي على رمضان غير شهرين بس؟؟
    هيفاء/يعني بتتزوجين برومضان مع العنود؟؟؟بس الله يخليك مو بنفس الليلة؟
    مها/اقولك قبل رمضان تقولين لي برمضان؟؟وش فيك؟؟
    هيفاء/أي صح....مها تقبلتي وجوده؟
    مها تنهدت/لا...يمكن لاني ماقعدت معه ولامرة وحدة بس مدري وش يصير من ها اليوم
    لليوم اللي بنزوج يمكن اكون مت وارتحت؟؟
    هيفاء/بلا ها الكلام البايخ.......
    مها/ابي اطلب منك طلب.....
    هيفاء/شنو....
    مها/قومي من هنا اول؟
    /////////////////////////////
    الجدة قاعدة وناصبة لها مناحة وبكي...
    الجدة/اه يايمه اه على حظي....
    ام خالد/يمه؟؟وش فيك؟
    الجدة/ها الحرامي اذاني كل ليلة يطلع لي يابنيتي؟؟؟وبكل مكان؟؟؟بالحمام مااسمع الا دق
    على الباب بقوة؟؟؟وانا امشي بالحديقة اشوف طيفه وانا بغرفتي يدق علي الشباك وامس
    جاني وخوفني وسوى لي حركات مجنونة؟
    مشاري/جدتي اسمحيلي انتي خرفتي بصراحة مو معقولة بتكملين اسبوع وانتي ماذيتنا
    بسالفة الحرامي واحنا عايشين معك في بيت واحد ومو شايفين شي؟؟؟؟
    الجدة زاد بكيها/متقصدني ومتقصد فلوسي؟؟؟؟؟؟
    احمد كان طول الوقت عيونه على هند وهدوءها وضحكها مع مرام بخفة ويتحسر .....
    كل شي ضاع ومابقى شي.....حتى الجامعة مالي نفس اخلصها وليش اخلصها بعد وانا
    ماراح اخذك؟؟؟؟
    انتبهت هند على نظراته لانها كانت كل شوي تناظره بعد ويوم شافته يناظرها غيرت
    نظراتها.....
    احمد/متى بيجي محمد ياخالي؟
    ابو محمد/والله مدري ساعة يقول بيكمل شهر وساعة يقول بعد اسبوع وساعة يقول ماله
    خلق يرجع ولا انا عارف شناوي عليه ها الولد؟؟؟؟
    ///////////////////////////////////////////////////
    هيفاء/هذا احنا صرنا بروحنا قولي شتبي؟
    مها بخوف/ابيك تكلمين محمد ابي اسمع صوته؟
    هيفاء/اذا تبين نصيحتي لاتكلمينه يامها خليكم كذا احسن هو رايح ينساك اذا كلمتيه بيظل
    يفكر فيك وانا ماابي يصير فيه شي وهو بروحه هناك ماحوله احد؟؟
    مها والدموع مغرقة وجهها/بس انا مو قاوية على فراقها ياهيفاء......بالاول ماكنت اسمع
    صوته بس كنت اشوفه كل اسبوع هنا اللحين حتى شوفته ماهي موجودة حاسة اني مضيعة
    شي غالي علي ياهيفاء؟؟؟حسي فيني الله يخليك؟
    هيفاء بعطف/حاسة فيك بس بعد حاسة في اخوي اللي قاعد بالغربة علشان ينسى
    رفضك؟؟؟؟؟
    نزلت مها راسها وقالت بياس/طيب ابي اروح داره ياهيفاء الله يخليك لاتقولين لا...ابي
    اشبع منها قبل لااصير بذمة واحد ثاني ويحرم علي!!!!
    هيفاء تنهدت بقوة كل ماتحاول تسكرها بوجه مها تفتحها من جديد شتسوي لها بس.....
    هيفاء/طيب بجيب المفتاح وبجي.....
    ///////////////////////////////////////////////////////////بعد ماقامت هند المطبخ قام احمد وراها
    بدون ماحد ياخذ باله منه لانه اصلا كان بيطلع وسلم عليهم علشانه بيطلع.......
    وفي المطبخ سحبها من يدها وجرها لعند باب المطبخ الخارجي وكتم على فمها علشان
    لاتصرخ وسندها على الجدار وصار قبالها وهو بعده مغطي فمها وهي فاتحة عينها على
    وسعها......
    احمد تقرب منها شوي شوي وصار شبه حاضنها وهي وقف الدم بعروقها...
    احمد بهمس متقطع/هند انا احبك!!!!!
    وبعد عنها شوي وفتح نقابها وسط اعتراض يدينها اللي كان مسندهم ورى ضهرها ومسندها
    عليهم.....
    مها اول مابعد يده وفتح النقاب/احمد روح..روح لايشوفنا احد وتصير مصيبة!!!
    احمد بلهفة/مو رايح ياهند مو رايح!!!انتي ماتحسين فيني ولاراح تحسين بعد!!!حبك مجنني
    ومو مخليني افكر ولاانام وانتي ولاهامك شي!!!الاقيها منك ولامن ابوي ولامن شنو
    بالضبط ياهند؟
    هند ببكي وتوسل/احمد اللهي خليك بعد عني؟؟؟
    احمد تقرب منها/احبك صدقيني احبك...ليش منتي راضية تصدقيني؟؟؟
    هند/اذا بعدت عني واركتني بصدقك يااحمد؟؟وبصدق انك ماتبي تاذيني!!!
    احمد ابتعد عنها ورفع يدينه فوق كانه يقولها هذا انا بعدت يالله صدقي وبانت دمعتين بعيونه
    همس لها/انا احبك ياليت تصدقين ها الشي...
    وطلع من البيت بكبره مو بس من المطبخ وتركها تبكي على راحتها؟؟؟
    *****بغرفة محمد ....
    دخلت مها وقفلت الباب وراها.....
    وشغلت الانوار ....وغمضت عيونها...الله يردك سالم ياراعي ها الغرفة .....
    تقربت من مكتبه....ولمست لاب توبه اللي كان كاتب لها فيه الخواطر ذاك اليوم بس
    ماقدرت تفتحه ها المرة ماتدري ليش....
    مسكت صورة محمد اللي بمكتبه وهو قاعد على مكتبه بالشركة وضمتها لصدرها بكل قوة
    وكانها تضم محمد لها وقامت تبكي من قلب ومشت لفراشه وانسدحت عليه وهي بعدها تبكي
    وساعة تضم وسادته وساعة تشيل لحافه وتضمه وكانت مغرقته بدموعها وكانها تودع انسان
    غالي للابد!!!!!
    ////////////////////////////////////////////////////////
    يوم الجمعة العصر....
    هيفاء/يالله مشاري ترى اخرتني؟
    مشاري/يالله...
    هيفاء/احمل عبود....
    مشاري/من وزنه الخفيف ولدك؟
    هيفاء/اذا مابتحمله خلك قاعد ماابيك؟
    مشاري/ياعمري علشان الفلوس احمله واحمل جدة امه بعد!!!اللي هي جدتي...بس وناسة ها
    الحرامي...
    هيفاء/ترى شوي واقول لاابوي انك انت بس ماسكة نفسي....
    مشاري/لو تسوينها اذبحك مابعد اخ بس لو اشتري القناع اللي يخوف كان من زمان سدحتها
    بسكتة قلبية عجوز النار بس يالله...
    فتحوا الباب وهم طالعين الا خالد جاي بوجههم وحامل اكياس بيده...
    خالد بفرح/هلا والله وين رايحين...؟
    هيفاء ببرود/حمد الله على سلامتك؟
    تجاهل برودها وهو عارف انها بتعب بس مو قدام اخوها/تعال عبود حبيبي شوف شنو
    جبت لك من الرياض العاب حلوة كثير.......
    مشاري/البيت بيتك ماعليك عزيمة يابو عبدالله انا واختي عندنا مشوار وراجعين..
    خالد/عبود بيقعد معي؟
    هيفاء/لا بيروح معي المستشفى عنده موعد؟
    خالد قام يناظرها بدون مايقول شي....
    وعطاها عبود بس عبود مارضى يروح عندها ظل لازق في ابوه خالد..
    مشاري/بروح اجيب له الطائرة قايل لك مابيسكت الا فيها؟
    دخل مشاري وكان خالد بعده لازق في هيفاء...
    وقال لها بهمس/وش فيك تكلميني كذا؟
    هيفاء/وشلون تبيني اكلمك بالله!
    خالد عصب/شلون يعني؟
    هيفاء/لك عندي شي؟؟مال...خلاص امشي عني...
    خالد/انا قاعد اكلمك باحترام وماله داعي تكلميني كذا ؟؟حتى اخوك اللي اصغر مني تكلمينه
    احسن مني؟؟
    هيفاء/انت اللحين وش تبي؟
    هيفاء/هذا بدل ماتقولين حمد الله على سلامتك؟
    هيفاء ببرود/ليش انا كنت عارفة انك مو هنا!!!!!
    خالد كان عارف انها بتعاتبه بس مو كذا بتستقبله !!!!
    خالد بهمس/وين رايحة أي مستشفى؟
    هيفاء/مالك شغل؟
    خالد مسك كتفها بقوة وقال لها/لاتكلميني كذا لااذبحك؟؟؟ماني باصغر عيالك ولاانا تابع لك
    ولابموت عليك من الاساس!!!!!!!!
    هيفاء بعصبية/هذا انت قلتها....فاتركني امشي احسن؟؟؟؟؟
    ///////////////////////////////////////////
    في بيت العواد..
    مها/لحقت رجعت مو توك رايح؟
    خالد كان متنرفز حيييل/وش تبيني انتي الثانية بعد؟
    مها/وليش تصارخ علي؟؟؟؟
    خالد/ولاشي بس اذا ماعندك شي لاتدوشيني وخليني بروحي الله يخليك؟
    مها قعدت/أي بس انا مصرة اعرف ..
    خالد راح غرفته وقفل عليه......
    ////////////////////////////////////////////////باخر الليل كانت هيفاء تنيم عبود ودق جوالها
    وكان خالد اللي متصل...
    هيفاء ردت بدون نفس/نعم..
    خالد/عندك وقت نتكلم؟
    هيفاء/لا
    خالد/ماني ماخذ منك وقت كثير خمس دقايق وبنهي كل شي؟؟؟
    هيفاء بذهول وقهر/وش يعني تنهي الموضوع بخمس دقايق!!!!
    خالد/مدري عنك وعن استقبالكلي قلت خلني اقولك علشان..
    قاطعته هيفاء بسرعة/مايحتاج اعتبر الموضع انتهى خلاص!!!مع السلامة,,,وقفلت التلفون
    بوجهه وقفلت جوالها نهائيا!!!!

    خالد في غرفته استغرب من حركتها...هاذي جنت اكيد ولا صار فيها شي ليش تسوي كذا
    معي!!!انا عارف اني رحت بدون مااقولها ولا حتى كلمتها من هناك بس هذا مايعني انها
    تعاملني بها الاسلوب وبها الطريقة!!!!!
    لكن هي الغلطانة وهي اللي لازم تعتذر عن غلطها انا مو معتذر لها وانا ماغلطت اسلوبها
    هو اللي ينرفز وهي اللي لازم تعتذر مني!!!!
    صفع بجواله جنبه وطفى النور وحط راسه علشان ينام بس النوم طاير طاير لامجال
    للشك!!!
    ****هيفاء بعد بغرفتها قعدت وقلبها مقبوض من كلام خالد...كيف قدر يقولها بكل بساطة
    خمس دقايق وبنهي كل شي بينا!!!!!وكيف انا قدرت اصدق انه يبيني ويحبني وبيردني
    وبنسى وجود بو خالد وتاْثيره عليه كيف!!!!
    انا ليش حظي كذا دايم مايل ولاهو راضي يتعدل ابدا!!!!
    حرام والله حرام...كل ذنبي اني حبيتك ياخالد بعد مارميتني وذنبي الاكبر اني صرحت لك
    بمشاعري والمفروض اني مااقولك شي عنها..وهاذي النتيجة!!!هذا انت رميتني رمية ثانية
    وياليتني اتعلم منها ياليت!!!!!!
    //////////////////////////////////////
    ******مها طول ها اليويمن قاعدة وحاطة الوردة اللي اخذتها من غرفة محمد قبالها...هاذي
    الوردة اللي عطتها ايه بملكة العنود....صحيح انها ذبلت بس محمد كان حاطها جنب فراشه
    يعني كان يشوفها ويتذكرني فيها كل ليلة قبل لاينام!!!!
    ياترى شلونك يامحمد اللحين..نايم ولاقاعد ..تفكر فيني ولانسيتني..تعبان ولاسهران ولا
    شقاعد تسوي هناك!!!
    طولت يالغالي قربت تكمل شهر وانت بعيد وقلبي متقطع عليك...بس لو اسمع صوتك لو
    المحك واقف قبالي علشان اتطمن عليك ياعمري.....
    يارب احفظه وين ماكان ووفق له دربن يمشيه واحميه واحرسه من عيون الشياطين
    والحاسدين!!!وسدد له دربه واسعده بحياته يارب........
    تنهدت بقوة وبعدها حطت راسها علشان تنام ...النوم اللي صار لها عدوم بعد فراقك يامحمد
    وصارت ماتشتهي حتى طاريه !!!!
    /////////////////////////////////////////////
    اليوم الثاني بغرفة الجدة....
    كانت قاعدة وهي ترتب ثيابها على سريرها وماتشوف الا اربعة قطاوة داخلين عليها غرفتها
    ووراهم واحد واقف وهو لابس قناع يخوف على وجهه ولابس عباة اخته الكتف كانها رداء
    يعني والجدة ماتت من الصراخ وهو طلع بسرعة....
    ام محمد/خالتي شفيك؟
    الجدة/كان هنا...كان هنا الحرامي.....
    ام محمد بنرفزة/خالتي الله يهداك أي حرامي وينه مافي احد؟؟؟
    الجدة/شوفي بالعلامة ها الاربع القطاوة اللي دخلوا الغرفة معه.....ولفت عيونها بالغرفة
    مالقت ولا قطوة كلهم طلعوا وراه!!!!!
    الجدة/صدقيني كانوا هنا اربع قطاوة!!!
    ام محمد/خالتي شكلك مانمتي زين البارح تصبحين على خير روحي ريحي شوي؟؟؟؟؟
    الجدة/عيالك وينهم اكيد واحد منهم هو اللي قاعد يسوي فيني كذا انا متاْكدة؟؟
    ام محمد/خالتي العيال بالمدارس مابعد رجعوا !!!!نامي بس تراك دوختيني بها السالفة الله
    يسامحك؟؟
    طلعت ام محمد وظلت الجدة بروحها تبكي/لكن على منو...انا له ها الحرامي والله ان عتب
    مرة ثانية لااكسر عليه عصاتي لين يقول بس التوبة ياخالتي!!!!!!
    ///////////////////////////////////////////////////////////في بيت العواد على الغذى...
    ابو خالد/خالد وراك يبى ماكلت شي؟
    خالد/شبعان شوي.....
    ام خالد/فديتك انا مافطرت عدل الصباح و شاللي مشبعك بس؟؟
    خالد/لا بس شربت قهوة وشاي بالعمل وشبعت......يبى متى بنروح بيت خالي نخطب
    هيفاء؟
    ابو خالد/اوووف ماشلتها بعدك من بالك؟
    خالد/لا....
    ابو خالد/خليني اخلص سالفة مها اول بكرة سعود بيجي وبيملكون الصباح وبعد اسبوع
    بيصير العرس؟؟؟
    الكل استغرب الا مها...
    ام خالد/بكرة بيملكون؟؟؟
    احمد/واحنا ماعندنا خبر؟؟؟
    خالد/مايصير كذا ابدا!!!
    ابو خالد/ومن قال اني ابيكذا...هذي اختكم عندكم وهاذي رغبتها؟
    ام خالد/انتي تبين كذا يامها؟؟؟ليش؟؟
    مها بهدوء/ماعليه يايمه..كذا احسن...انا مافيني احاتي عرس وحفلة مدة طويلة اسبوع
    بنشغل فيه في الثوب والعرس والسوق وبيمضي بسرعة وباقي شغلي بعدين بسويه على
    راحتي؟؟؟
    خالد/أي بس يامها..
    مها/خالد انا ابي كذا....
    احمد/انا مو مصدق!!!!انا حتى مو مصدق انك تبين سعود ولد عمي!!!!!
    عمر/وليش يعني هي اللي قالت أي ماحد جبرها؟؟؟؟
    احمد/الا جبروها بس بطريق غير مباشر!!!!!
    مها قامت من السفرة...
    ابو خالد يكلم احمد/انت علامك كلامك كله مغثة بمغثة ماتعرف تقول شي عدل ابدا!!!
    احمد/هذا الصدق يبى!!!!شوف شلون كسرة الحزن بعيونها ماتقول بكرة ملكتها
    ابدا!!!!وتقول انها راضية لاوالله انها مو راضية بس حكم القوي على الضعيف؟؟
    ابو خالد/لا!!!!ومنو القوي بالله؟؟انا طبعا!!!!
    خالد/يبى خلاص لاتدخلون بسالفة ثانية....انت قلت ياانا اخذ هيفاء يامها تاخذ محمد وكاهي
    مها قالت ماتبيه يعني مالك حجة كلم خالي وخل نشوف شيقررون؟.
    ابو خالد/وان شاءالله انا برضخ للي يقررون له بالله!!!قلت لك خلني اخلص من موضوع
    اختك ويملكون على خير وياخذها ويسافرون وبعدها بتفرغ لك لاني في اشياء كثيرة ابيك
    تغيرها في ست الحسن والدلال مرتك؟؟؟؟؟؟
    //////////////////////////////////////////////////
    بعد صلاة المغرب في بيت السالم,,,,
    مشاري/هلا خالد.....تفضل حياك...
    خالد/لا بس بغيت اشوف عبود؟
    مشاري/معناته طلبك مو عندنا سارة مرت عليه اليوم وودته معاها بيتهم يلعب هناك...
    خالد/لا...وها الولد لايعرف يستاْذن ولايتصل ولايقول يبى ميخالف اروح ولا شي ابدا!!!
    مشاري/هههههه متحضر الولد مايحتاج ياخذ اذن من احد؟
    خالد/هيفاء هنا ولا..
    مشاري/ولا؟؟يعني عبود متكسر بتخليه بروحه!!اكيد راحت معه شقة هنادي؟
    خالد/طيب...سلم على خالي...وقول لعبود الليلة يكلمني ابي اسولف معه؟
    مشاري/ماشي ...

    في غرفة مها..
    فاتن/بكرة الصبح!!!!ليش عاد كذا بسرعة؟
    مها بتنهيدة/ابي كل شي سريع وهادى ؟
    فاتن/أي بس...
    مها بغصة/كذا افضل صدقيني .....
    فاتن بحنان/مها اذا ودك تبكين ابكيني وبترتاحي شكلك متضايقة؟
    مها/تعبت من كثر البكي والنوح يافاتن تعبت؟؟؟
    فاتن/الله يصبرك...قدر وانكتب عليكم...لازم تتحملون...
    مها/يالله الله يعوضنا خير ويسعد خالد وهيفاء.....
    فاتن بضحكة شماتة/خالد وهيفاء!!!
    مها/وراك تقولينها كذا؟؟؟
    فاتن/ليش خالد ماقال لك؟
    مها باستغراب/لاماقال لي شصاير بعد!!!
    فاتن/سمعي السالفة من بدايتها ..تذكرين يوم نروح الكورنيش وتجين
    مع................................................ ..................................................
    .................................................. ................................................
    مها بذهول/شوف النذل؟؟؟؟خالد ماعنده خبر؟؟؟مستحيل يكون عنده خبر؟؟؟وهذا منو وين
    جايب ها الحكي؟؟؟؟
    فاتن/انتي متاْكدة ان ماعنده خبر يامها؟؟
    مها/واقسم لك بعد!!!اخوي وانا اعرفه زين مازين مستحيل يسوي مثل ها الاشياء
    البايخة؟؟؟خالد واضح وصريح بكل شي؟؟وبعدين اليوم بس كان مكلم ابوي علشان
    يروحون لخالي يتفاهمون؟
    فاتن/غريبة؟؟؟
    مها/أي والله غريبة!!!يعني علشان كذا كان هو زعلان البارح!!!!بس ماعليش اليللة يمكن
    مااشوفه ماشكله وصل بكرة اول مااملك واخلص بقوله لانه اكيد ماعنده خبر؟؟؟؟؟
    ////////////////////////////////
    في شقة هنادي...
    هيفاء/احلى قهوة شربتها بحياتي....
    هنادي/هههه تسلمين....الا وش صار على الدوام؟
    هيفاء/اه لاتذكريني مو راضي رئيس القسم ينقلني لفرع ثاني يقول لازم اعطيه الاسباب
    اول!!!
    هنادي/وش بتسوين اللحين؟
    هيفاء/والله مدري بروحي مو عارفة افكر في شي؟
    هنادي/كلنا واقف تفكيرنا ومو قادرين نتخذ قرار واحد ونرضى عنه؟
    هيفاء/ماصار شي جديد...
    هنادي/اشوفه قاعد يكمل صبغ بالبيت وكل يوم ومودينا نختار اثاث وفرش ولاهو راضي
    يقول امه بتجي معنا ولالا؟
    هيفاء/الله يستر؟
    هنادي/انا حلفت له اذا هي تدخل البيت انا اطلع منه ياهيفاء ؟؟؟ماتدرين شقد انا عايشة
    بعذاب وتعب معهم؟؟؟قاعدة اعاني ولاهو حاس فيني؟؟؟يقولي امي كيف اتركها؟
    هيفاء/طيب امك ماقلنا شي؟؟امك عندها غيرك مو ماعندها الا انت!!!مرها كل يوم شوف
    وش ناقصها وش اللي تبيه بس مو لازم تسكن معك ببيت واحد؟؟؟
    هنادي/والله ماعدت فتحت الموضوع لين يقول قوموا ننقل البيت الجديد ساعتها بيتحدد كل
    شي يابرد عندكم البيت يابكمل معه؟؟
    هيفاء/لاتقولين كذا ياهنادي ان شاءالله الله يهديه ويصلحه ويريح بالك وباله قولي امين!!!!
    هنادي/امين ان شاءالله ..زطيب وانتي صار شي جديد بموضوعك مع خالد؟
    هيفاء تنهدت وسكتت....
    هنادي/تدري بها الفترة كل يومين وهجرت محمد وفراشه واحس بالنار تحرقني وانا بعيدة
    عنه!!!انتي كيف قدرتي تعيشين ثلاث سنين بدون خالد ياهيفاء شلون؟؟؟
    ناظرتها هيفاء بحزن/واقع وانفرض علي ياهنادي واقع وانفرض!!!وش تبيني اسوي يعني
    ؟؟؟؟اللي الله كاتبه لازم بناخذه؟؟
    هنادي/الله يجمع شملكم مع بعض ويتمم عليكم فرحتكم ويتربى ها القمر بينكم انتوا الاثنين؟
    /////////////////////////////////////////////////
    خالد/انت فيك شي منت طبيعي ابدا!!
    احمد/متضايق ياخالد متضايق وضع مها ماهو عاجبني؟
    خالد/ولا انا بعد بس شسوي بروحي وضعي مو عاجبني هيفاء متغيرة حييل ؟
    احمد/من متى؟
    خالد/من رديت من الرياض وهي قالبة علي جوالها دايم مقفول واذا رحت هناك ماالاقيها؟
    احمد/يمكن زعلانة علشان اخوها.....
    خالد/الى يوم سفرته وهي طبيعية معي ومافيها شي؟؟؟شمعنى ها الاسبوع بس؟؟؟
    احمد/والله مدري شقولك ياخالد...اشيل همك ولاهم مها ولاهمي ؟؟؟
    خالد/ صاير بينك وبينها شي؟
    احمد/لا بس ماني قادر كل مااشوف الوضع كذا تتاْزم نفسيتي ولاني قادر اركز
    بشي!!!مصيرنا بيكون مثل مصيركم اكيد؟
    خالد/قلت لك لاتشغل بالك فيها اللحين وخلص الجامعة واستقر وبعدين يصير خير؟
    احمد بانفعال/بس ها الشي مو في يدي ياخالد مو في يدي؟؟؟؟مشاعري هي اللي تتحكم فيني
    انا مالي شغل فيها؟؟؟؟
    خالد/عارف ها الشي يااحمد عارف...بس انت لازم تكون اقوى وتقدر تتحكم بنفسك
    وبمشاعرك علشان ترتب وضعك بالحياة والزواج لاحق عليه ياخوي واذا هي من نصيبك
    بتاخذها؟
    ///////////////////////////////////////////////////////////////اليوم الثاني مر بطيء على الكل
    وكئيب بنفس الوقت الكل كان يفكربمها وبملكتها ومتوقعين يصير شي يغير رايها بالنهاية
    حتى الجدة كانت تفكر فيها ذيك اللحظة وكل شوي ترفع يدينها وتدعي ان يصير شي يوقف
    هذا كله وهم كلهم يناظرونها بدون أي تعليق!!!!!!
    بس جاهم اتصال من ام خالد وتقول انهم ملكوا وخلصوا وتضايق الكل من ها الخبر وكلهم
    تفكيرهم راح ها الحظة لمحمد....الله يرزقه بوحدة احسن منها؟؟؟؟
    كانت الملكة ضيقة جدا جدا جدا!!!ابو خالد وعياله وابو سعودو وعياله والشهود والشيخ
    وبس!!!حتى باقي الاهل ماحضروا لان هذا كان طلب مها....
    حتى بيت العواد ماهم حاسين انهم بفرح وملكة لا احد فرحان ولااحد يغني ولااحد يصفق
    حتى بو خالد ماكانت الفرحة باينه عليه مية بالمية والمعرس مبين عليه الارتباك
    والخوف!!!!
    وكانهم قاعدين بعزاء مو بفرح..
    مها من وافقت ووقعت راحت غرفتها بدون أي كلام وقفلت على نفسها وهي خلاص
    صارت محسوبة على ذمة رجال اللحين!!!!
    ام خالد/خلصتوا يمه؟
    خالد/أي يمه...طلعوا كلهم باقي عمي بس قالوا الليلة بيتجمعون علشان يتفقون على العرس
    والمعازيم ووين بيسكنون؟؟وينها مها؟
    ام خالد نزلت منها دمعة/بغرفتها؟؟
    خالد قعد جنبها وباس راسها/يمه هي اختارت ماحد جبرها ...لاتتعبين نفسك ماهو
    زين...شوفي صحتك شلون صايرة تعبانة يالغالية؟؟؟
    ام خالد ودموعها على خدها/اختك ماتبيه ياخالد ماتبيه!!!!!وين تبيني افرح وهي زعلانة
    ومكسورة وين؟؟؟؟الله يسامح اللي كان السبب؟؟؟
    ابو خالد دخل/وين الصلاة على النبي وين اجواء العرس مافي شي ابدا!!ماكانه قاعدين
    بفرح؟؟؟
    ام خالد/مو اذا فرحت العروس اول؟؟؟
    ابو خالد/عمر روح قول لااختك تنزل تعزمنا على غذى بره لان امها ماطبخت اليوم قول
    لها ابوي يقولك نبي مطعم فخم تعزمينا فيه يالعروس!!!!!وانتوا ليش كل واحد قالب خلقته
    قدامه؟؟؟؟
    /////////////////////////////////////////////
    ابو محمد/ها ماكلمت اختي؟
    الجدة ببكي/بلى اتصلت وقالت انهم ملكوا واخلصوا عسى الله لايريحك يابو خالد ان شاءالله؟
    ابو محمدبتاْثر/ يمه خلاص لاتدعين هذا نصيب البنت الله يوفقها؟
    مشاري/طيب ومحم..
    ام محمد/وشفي بعد ولدي ؟؟؟بكرة بياخذ اللي تسوى طوايفها وطوايف اهلها!!!
    هيفاء/يمه...
    الجدة/أي صدق لاتكوني بس ماسويتي غذى تراني ميتة جوع؟
    هند/توك تاثرة ياجدتي وتبكين؟
    الجدة/أي بس لو مااكلت ماراح اقدر اكمل بكي؟؟؟اضعف بعدين ويصيبني هبوط؟؟؟؟
    ام محمد بعصبية/لا ماطبخت اللي يبي ياكل ياكل أي شي؟؟؟؟؟
    الجدة/وليش تصارخين بعد!!!!
    بها الوقت رن تلفون البيت وشالته هند..
    هند/الو نعم.....محمد!!!!هلا والله شلونك ...بخير كلنا بخير...تمام......اي ابوي وامي بخير
    وعبود احسن اللحين الحمد الله انت شلونك...طمنا عليك...كيف جو مصر معك؟متى بترد
    يامحمد.....اخذت الجدة السماعة من هند بها اللحظة وقامت تبكي وهي تكلم محمد/لاترد يمه
    لاترد اللحين؟
    محمد بخوف/ليش شصاير ياجدتيظ
    الجدة بنفس البكي/مها توهم مالكين عليها واذا رديت بتتضايق لان عرسها يوم الخميس
    الجاي يامحمد ؟؟؟لاترد يمه؟؟
    ام محمد بعصبية/خالتي!!!انتي مالك شغل؟؟؟واخذت السماعة من يدها/الوز.هلا يمه محمد..
    محمد بانكسار/هلا يمه....شلونك..
    ام محمد/يمه احنا كلنا بخير انت شلونك...
    محمد بضعف/متى ملكت يمه؟
    ام محمد تنهدت/ماعليك يمه لاتشغل بالك؟؟
    محمد/سلمي عليها وباركي لها..............سلمي عليهم كلهم مع السلامة يمه؟؟؟
    ام محمد بعصبية/شفتي كاهو سكر الخط وهو زعلان؟؟؟انتي شفيك ماتفهمين ليش تقولين
    له؟؟؟بروحه زعلان ومتضايق بسبتها تروحي تزيدينه وهو هناك بروحه؟؟
    الجدة بثقة/لازم يعرف لمتى ان شاءالله يعرف لين ينزل بنفس ليلة عرسها ويتاثر ويسوي
    فلم هندي؟؟
    ام محمد صفعت بالتلفون وطاح وانكسر وركبتها غرفتها علشان تنزل دموعها على ولدها
    وابو محمد راح وراها..
    الجدة/شوف الثور بدل مايقولها ليش كسرتي التلفون رايح يراضيها!!!!!وانتوا ليش
    تطالعوني كذا ياجعلكم ماتربحون ان شاءالله؟؟؟؟
    قاموا كلهم وراحوا غرفهم وخلوها بالصالة بروحها تتحلطم وتهذر بروحها..,,

    *********العصر في بيت العواد....
    مرام/يمه مها من الصبح وهي قافلة على روحها الباب وماهي راضية تنزل؟
    ام خالد/وش تبيني اسوي لها يمه؟
    احمد نزل بسرعة/وينها؟
    مرام/منهي؟
    احمد/مها...
    ام خالد/بغرفتها؟
    احمد/شوف بنت الللذينا تقولي ابيك توصلني مشوار هذا انا قاعدة انتظرك؟
    ثواني بس ونزلت مها بعبايتها..
    ام خالد/مها وين بتروحين؟
    مها/مشوار صغير وبرد؟
    ام خالد/احمد انتبه لااختك تراها بذمتك يمه؟
    احمد/يمه شفيك هي قالت انها متضايقة وتبي تغير جو بس !!لاتخافين عليها....
    ام خالد بعد ماطلعوا/الله يستر بسظ
    ابو خالد من وراهم/من شنو؟
    ام خالد/من طلعة بنتك؟
    ابو خالد/مها طلعت؟؟؟وين راحت؟؟؟؟
    مرام/احمد يقول انها متضايقة وتبي تغير جو وهي قالت شوي وبترجع ماهي مطولة؟؟
    ابو خالد ماكان عاجبه بس سكت وطنش؟؟؟؟؟
    ////////////////////////////////////////////////////////
    فاتن/يعني ملكت خلاص؟
    هيفاء/أي....
    فاتن/الله يصبرك يامحمد؟
    هيفاء/والله مو قاوية اكلمه؟
    فاتن/وش دراه مسكين عنها....
    هيفاء/ماقصرت جدتي قالت له؟
    فاتن/شوف وجه النحس هاذي بعد!!!!ومن اللي امرها تقوله بالله!!!
    هيفاء/تقول لازم يدري مالازم نخش عليه اكثر من كذا؟؟؟وامي حالتها حالة من
    الصبح....من عرفت الخبر لاهي متهنية بقعدة ولابنومة..:ان المفروض ياخذون بعض من
    قبل خمس سنين يافاتن وشوفي وش صار.....ساعات احمل نفس المسؤلية يعني لو
    ماتزوجت خالد من الاساس ماكنت تطلقت منه وكانوا اخذوا بعض من زمان ولاصار اللي
    صار؟؟
    فاتن/بلى خبالة انتي بعد؟؟؟ها الشي مكتوب ومقدر لهم ولكم...وبعدين هذي جدتك ياني ودي
    اعضها بصراحة؟؟؟لقافة ماشفت ولابشوف مثلها بجد ترفع الضغط زين يسوي فيها
    مشاريوه؟
    هيفاء/واطي صوتك لااحد يسمع واروح انا فيها
    فاتن/ومنو اللي بيسمع بالله؟
    هيفاء/عادي جدتي تكون رافعة سماعة التلفون تتسمع علينا دايم تسويها؟
    فاتن/الا اعلم امي عليها واخليها تجي توريها نجوم الضهر؟؟؟؟؟الا صدق انا امس يوم كلمت
    مهوا بالسالفة حلفت لي ان خالد ماعنده خبر ومايدري عن الموضوع وان عمر جايب
    السالفة من كيفه تقول انه كلم ابوه علشان يجون يتفاهمون مع ابوك بس ابوه قال له لين
    تخلص سالفة مها بالاول وبعدين بيخلص سالفة خالد معك؟؟؟يعني بالمختصر في شي مو
    واضح بالسالفة؟؟؟؟
    هيفاء/غريبة....وش يعني ها الكلام؟؟؟؟يعني خالد ....
    فاتن/لوشفتيه ها اليويمن اعطيه فرصة يقول اللي عنده..
    هيفاء/امس كان هنا وسال عني ......تتوقعين شنو يعني؟
    فاتن/يمكن السالفة فيها شي....يعني اسمعيه وبعدين قرري لاتنسحبين وتظلمينه اول اخذي
    اللي عنده؟

    /////////////////////////////////////////
    على الساعة ثمان وربع في بيت العواد
    كانت ام خالد وابو خالد وخالد قاعدين وهم على نار مها طلعت من العصر مع احمد
    وماردوا.....
    دق جوال خالد بها اللحظات..../هلا احمد ويكم فيه؟
    نظرات ابو خالد وام خالد راحت لعند خالد..
    خالد/شلون يعني؟؟؟؟طيب انتوا وينكم؟؟؟يالله انا شوي وجايكم مسافة الطريق بس!!!!
    ام خالد/خالد يمه اوقف قولي شصاير؟؟؟
    خالد وقف ناظرها وتنهد وطلع بدون مايقول كلمة وام خالد وابو خالد ماتوا بحرتهم ذيك
    اللحظة وهم مو عارفين وش اللي
    صار؟؟؟؟؟؟*****************************************
    ************************************************** ******مرت الدقايق بطيئة
    عليهم كلهم عشر دقايق ,وربع ساعة,,نص ساعة,,وساعة الاربع..وكاهم داخلين...
    خالد/طريق طريق..معنا سعود يايمه..
    ام خالد جمدت/خله يدخل يمه مافي غيري وغير ابوك؟
    دخلوا مها واحمد وسعود وخالد......والكل سكت...
    ابو خالد وهو جامد مكانه/شفيكم..
    مها تكلم سعود/قولها قدام ابوي ياسعود؟
    سعود برجاء/مها لو سمحتي عطيني فرصة اشرح لك...
    مها/تناقشنا بالموضوع خلاص واطلع وريحني عاد؟؟؟
    خالد/مها في مجال..
    مها قاطعته/لو سمحتوا ماابي أي كان يدخل بينا؟؟؟
    ام خالد/وش اللي صاير بينكم؟
    مها بعصبية/قولها وخلصني؟؟؟
    سعود/مها...انتي طالق...طالق طالق...
    ابو خالد جمد مكانه وانربط لسانه ماعرف شيقول!!!!!!!!!!!!!
    ام خالد بعد من الصدمة مانطقت...
    مها/شكرا ياسعود شكرا....شكرا على الغش اللي كنت بتعيشني فيه؟
    سعود/يامها خلني اشرح لك..زيعني انا...
    خالد/طلقتها خلاص؟؟؟اطلع برة؟؟؟وبكرة لاتنسى تروح المحكمة وتقول لهم انا اللي ملكت
    الصبح طلقت بالليل؟؟؟؟
    طلع سعود بدون أي تعليق ..
    ابو خالد بعصبية/وش اللي صاير فهموني؟؟؟هو لعب عيال عندك يابنت الكلب!!!تملكين
    الصبح وتتطلقين الليل؟
    مها بدموعها اللي على خدها/ماهو ذنبي يبى ماهو ذنبي!!!الذنب ذنب ابوي اللي رماني على
    ولد عمي وهو مو عارف انه متزوج بالسر ومرته حامل!!!!كيف تبيني ابدي حياتي معه بها
    الغش والخداع كيف؟؟؟
    ابو خالد/سعود متزوج؟؟؟؟؟؟؟سود الله وجهه الكلب؟؟؟؟؟انتي وشعرفك؟
    احمد/زوجته اتصلت فيها العصر وقالت لها وطلبت تشوفها وانا رحت معها فعلا راوتنا
    الاوراق وصورهم مع بعض صار له سبعة شهور متزوج بحرينية وجايبها هنا وحامل
    بعد؟؟؟انا بصراحة معها مالازم تعيش بكذبة من بداية حياتها معه؟؟؟
    ام خالد/خالد جيب عبايتي يمه وودني بيت خالك؟؟؟؟؟؟؟؟؟
    /////////////////////////////////////////////////////
    ابو محمد/لاحول ولاقوة الا بالله العلي العظيم...اهدي ياختي اهدي...
    ام خالد وهي تبكي بمرارة/كيف اهدى يااخوي كيف؟؟؟الصبح تملك واللليل تتطلق وهي
    مابعد دخلت عليه حتى؟؟؟شبيقولون الناس شبيقولون؟؟؟والله حالتها تكسر الخاطر..صايرة
    مثل المجنونة بالبيت طول الوقت قافلة على روحها الباب وماتقعد مع احد..
    هيفاء جابت الماي لعمتها.../اشربي ياعمتي واذكري الله.....
    ام خالد/والله تعبت تعبت...بيموتني ها العيال اكيد بيموتوني؟؟؟
    ام محمد بحسرة/يااختي لاتسوين بروحك كذا؟؟قولي الحمد الله انها عرفت من اللحين قبل
    لاتعرف بعدين...وبعدين ليش ماقال لها انه متزوج وبيجيه ولد؟
    خالد/كان ناوي يطلقها وقال لها باخذ بنت عمي وبطلقك؟
    هيفاء بقهر/وهم هاذي سالفتهم الرجال يتزوجون وقت مايبون ويطلقون وقت
    مايبون؟؟؟؟؟ناقصين عقول ماعليهم شره؟؟
    كلهم كانوا يناظرونها وهي تتكلم بس الوحيد اللي صابته كلمتها خالد؟؟؟لانهااكيد تقصده هو
    مو غيره.......بس مايقدر يرد عليها بوسطهم....
    الجدة/لكن تدرين خيرة انها تطلقت علشان تكون لمحمد؟؟؟
    بعد ها المرة الكل سكت وماتكلم وماهم عارفين يقولون أي صحيح ولالا ؟؟؟
    خالد/يالله يمه قومي البيت ارتاحي؟
    ابو محمد/خلي امك هني الليلة ياخالد لين تهداْ وانا بجيبها الصبح عندكم...
    خالد/أي بس..
    خالد/خالد بتعارضني يبى؟
    خالد/لا ياخالي لا...تصبحون على خير.....
    طلع وهو يتمنى تطلع هيفاء بعده علشان يقدر يكلمها بس ماطلعت ونادى مشاري وقال له
    يناديها مافي غير الحل هذا وجت بعد ثواني..
    هيفاء/نعم..
    خالد/ابي نتكلم...
    هيفاء/مو وقته ياخالد ماتشوف الدنيا مقلوبة فوق تحت؟
    خالد/بس من حقي اني اتكلم معك وتسمعيني واسمعك؟
    هيفاء/طيب..زبكرة؟
    خالد/وين نلتقي؟
    هيفاء/ماعندي مشكلة وين مابيكون..
    خالد/يبيلها ياغذى ياعشى؟
    هيفاء/الضهر لا مااقدر خليها المغرب مو مشكلة؟؟؟؟
    /////////////////////////////////////
    احمد/يبى...ليش قاعد بروحك؟
    ابو خالد/وين تبيني اروح؟
    احمد/قوم ارتاح؟
    ابو خالد/عمك مااتصل؟
    احمد/لا...يمكن ان سعود ماقال له؟
    ابو خالد/شلون ماقال له وهو متفقين يمرون الليلة نتفاهم مع بعض على العرس وهم
    لااتصلوا ولامروا؟؟
    احمد/تهقى عمي يدري؟
    ابو خالد/مستجيل اخوي يدري وساكت يااحمد مستحيل؟
    احمد/الله يعين قلبك يامها؟
    ابو خالد/وقلب امك بعد يااحمد قلب امك....هي اللي شايلة الهم كله بقلبها وساكتة؟
    احمد/أي صح..خالد اتصل وقال انها بتظل في بيت خالي الليلة؟
    ابو خالد/هاذي اول ليلة امك تنام بره البيت يااحمد من ثلاثين سنة؟
    احمد/يارب تريح بالها وتعافيها وتردها لنا سالمة ومافيها الا العافية وضحكتها على خدها؟؟؟
    ابو خالد/روح شوف اختك مالي قلب اشوفها يااحمد؟


    خالد بهمس/وانتوا وش عليكم مني !!!!صدق انكم عواذل؟؟؟؟
    ********************************الليل خلصوا عشاهم وصارت اكثر من مشادة كلامية
    بين الجدة وام عادل كالعادة دائما بس ها المرة الجدة تكون منسحبة لتدخل مشاري
    بالموضوع وخوفها لايطير العريس!!!!!
    البنات قعدوا عند خيمتهم حوالين النار اللي شابينها علشان يتدفوا بالدرجة الاولى,,,,
    (فاتن وهيفاء ومها بس)
    فاتن/وش فيكم كل وحدة سرحانة بجهة وانا صايرة كني الطوفة الهبيطة بينكم؟؟
    هيفاء/ها لاانا مو سرحانة؟
    فاتن/عارفة انك سرحانة بوجه العنز خالدوا!!!ومسوي روحه متشوفق على العشى كل شوي
    واتصل اكلي زين ترى ملاحظك ماتاكلين!!!خلي عنك عبود انا بعشيه ومدري
    وشو؟؟؟صدق مغثة؟
    هيفاء بزعل/فاتنوا!!!ترى بجد بزعل خالد مو كذا!!!!
    فاتن/على بابا ياماما؟؟؟
    هيفاء/مها شوفيها وش تقول عن اخوك؟
    مها كانت تناظر بالشباب اللي غاروا منهم وحطوا لهم بساط وراهم وشبوا لهم نار وقعدوا
    حواليها بنفس طريقة البنات..
    فاتن وهي تناظر وين ماتناظر مها/صدق مايعرفون يقلدون ابدا؟؟؟
    مها/طنشي وسوي روحك ماتشوفينهم ماله داعي تلفين عليهم وتراوينهم ان احنا انتبهنا
    لوجودهم قربنا!!!
    فاتن/مالت عليهم كلهم الاولد خالتي؟
    مها/يعني اخواني ثنينهم وصديق اخوي؟
    فاتن/ههههه احتمال صديق اخوك ينشال من القائمة بس اخوانك أي مالت عليهم؟
    هيفاء/نام عبود وصرنا محررين..وش نسوي وش رايكم نلعب منوبولي؟
    مها/فكرة مش بطالة جيبي جوالي بدق على مرام تجيبها لنا هنا؟
    هيفاء/لابقوم ادخل اجيبها تبون شي من داخل؟
    فاتن/شيبسات وبيبسيات لتكملة اجواء المتعة؟
    مها/بيبسي بها الجو بالبارد؟
    فاتن/زين بس جيبي لي شي اشربه مااعرف اكل بدون مااشربظ
    هيفاء/طيب...
    خالد قبالهم ميت على قومتها يبي يعرف هي بترجع ولا لا بس مو قادر يتكلم ومحمد معهم
    بنفس القعدة؟؟؟
    مها بدت تترنم/وش مسوي مع غيري . وش الدنيا بدوني قول..ياروحي انت متهني ولا
    بشوقك لي مشغول!!!
    انا مازلت افكر فيك واموت بحبك وطاريك...الله عليك وعلى طاريك...
    فاتن/ههههه وش ها المداخلات بعد!!!
    مها ضحكت وكملت غنيتها/رجعت اسال غصب عني جبرني الشوق واعذرني انل مقدر
    على قلبي..عجزت القى لووفاه حلول,,انا لازالت افكر فيك واموت بحبك وطاريك ولكن
    هاذي اطباعي اخبي الحزن بي مااقول...وش مسوي مع غيري وش الدنيا في بعدي قول
    ياروحي انت متنهي..اكيد ومافيها شك...
    فاتن/ههههههه موتني ضحك والله..
    محمد كان يبتسم داخله عليها بس بعد مو عارف شيسوي ولاشنو يقول؟؟؟هي اللي باعت
    حبه ورفضته؟؟؟؟كيف ممكن يسامح بنت ترفض حبه والقرب منه وهي عارفة شقد هو
    ميت عليها!!!!الله يسامحك يامها كيف كنا وكيف صرنا!!!حتى العيد مو قادر افرح فيه
    ولاانتي بعد قادرة تفرحين فيه؟
    **عند باب خيمة البنات..
    كانت هيفاء بتدخل وناداها احمد....
    هيفاء/هلا حمادة؟
    احمد بزعل/بطلي تقولين لي حمادة لابجد بزعل منك ترى مااحب ها الاسم ابدا!!
    هيفاء/ههه ماشي ياعم وش بغيت؟
    احمد/شوفي الثنتين المجانين اللي هنا وقولي لهم احمد يبيكم؟
    هيفاء/وش تبي فيهم؟
    احمد/ماخبري فيك ملقوفة يعني ياهيفاء؟؟؟
    هيفاء/هههه ماشي بناديهم ودخلت تنادي مرام وهند...
    وبعد شوي طلعت مرام..
    مرام/احمد بغيتنا...
    احمد/أي تعالي انتي وبنت خالك بكسب فيكم اجر وبمشيكم شوي بالبر وباخذ لكم شي على
    الطريق كسرتوا خاطري؟؟
    مرام بفرح/جد والله!!!
    احمد بنفخة/شسوي بعد!!!مافي غيري قلبه رحيم ويفكر فيكم...يالله خلصي علي
    لااغيرراي؟؟
    مرام/يالله بسرعة...
    احمد/يالله انا بسيارتي لاتطولون....ولاتجيبين لي البزارين كلها جيبي بس عبود وسارة....
    مرام/منو ظل غير هبة وجود؟
    احمد وهو ميت ضحك/بقت جدتي البزر الكبير هههههههه

    البنات دقوها سوالف ولعب منوبولي والشباب وراهم بس يتسمعون عليهم وعلى سوالفهم
    وهم لاشغلة ولامشغلة بس سوالف خفيفة مالها أي اساس بس كل واحد كان معاند ويبي يقعد
    بها المكان كان مافي اماكن غير ها المكان بطول البر وعرضه!!!
    واحمد طلع مع البنات وعبود لان سارة قعدت مع ابوها وامها مارضت تروح...
    في سيارة احمد..
    مرام/تصدق يااحمد انك احلى اخو بالدنيا؟
    احمد وعيونه على المرايا يشوف اللي جالسة ورى/ماقلتي شي جديد من زمان وانا احلى
    اخو بالكون؟
    مرام/بجد اتكلم مهما سويت مااقدر اوصف لك مدى حبي لك يااخوي الغالي عسى الله يبلغني
    وارقص بعرسك واشيل عيالك يارب..
    احمد/امين.....انتي ورى ماقلتي امين؟
    هند استحت وسكتت..
    احمد/هههههه يالله ماشي مانبيك ترقصين بعرسنا.....
    مرام/ماعليك بترقص وغصبا عنها...؟
    احمد/أي والله بترقص وغصبا عنها!!!!ورفع عيونه لهند اللي بعد رفعت عيونها له وكانت
    عيونه ملايانة كلام استحت منه هند ونزلت راسها بسرعة..
    احمد/عبادي شلونك حبيبي..
    عبود كان بحضن مرام/ابي دانيت؟
    احمد/وش ها المصيبة دانيت بالبر!!!!!
    عبود مسوي حركات بوجهه علشان يكسر خاطر عمه احمد ويشتري له واحمد مات عليه..
    احمد/يابعد قلبي انت...زين في بليلة عادي تاكل بليلة بدل الدانيت!
    عبود/أي...
    احمد/يالله ناخذ بليلة....انتوا وش تبون؟
    مرام/ذرة....اكواز ..
    هند/لاانا ماابي....
    احمد/وش تبين...
    هند/ماابي شي....
    احمد/ياذا الدلع...تبون تركبون دباب من صدقكم؟
    مرام/أي والله...
    احمد/خلاص بكرة الصبح بعد الصلاة خلكم جاهزين انتوا بس مو تروحون تجيبون لي
    العالم كله ؟
    هند/لاانا ماابي اركب اخاف؟
    احمد لف لها لانها رفعت ضغطه/انتي كل شي لا؟؟؟؟وش تبين اجل خلنا نفهم؟
    هند ارتبكت وقربت تبكي/ماابي شي...
    احمد وهو يناظرها/يالله اللحين بتبكي ها البزر؟
    هند بصوت واطي/ماني بزر؟
    احمد/متاْكدة؟
    عبود/عمي احمد هنا البليلة؟
    احمد/قومي مراموه اشتري له واشتريلي بعد؟
    مرام/مو من عيوني تعال عبود ننزل,,,,,
    ونزلوا من السيارة وهند عدلت نفسها علشان تنزل وراهم بس يد احمد مسكتها..
    هند بخوف/احمد شيل يدك عني؟؟؟
    احمد بهمس/ابي اعرف شي واحد بس..انتي ليش تخافين مني ومن ان احنا نكون مع بعض
    بروحنا؟؟
    هند وهي مقربة تبكي/اسال نفسك وش تسوي؟؟؟انت تخوفني بتصرفاتك؟؟؟
    احمد/انتي عارفة اني احبك واللي يحب مستحيل يضر الانسان اللي يحبه ياهند؟
    هند/...........
    احمد/ابي اعرف بس شي واحد اذا ممكن..انتي تبادليني شعوري ولالا؟
    هند رفعت راسها وصارت عيونهم تحكي مع بعض فترة لين كرر عليها احمد نفس
    السؤال..
    احمد/هند انتي تبادليني شعوري ولالا؟
    هند بارتباك/احمد ...احمد انا...
    فتحت مرام الباب بها اللحظات واحمد قام يسب فيها وهي مانتبهت بس هند انتبهت عليه...
    احمد بعد ماركبت مرام وعبود/تصدقين خاطري في شنو؟
    مرام وهي مادة له يدها بالبليلة/في شنو يالغالي؟؟؟
    احمد بقهر/في اني ارميك بها البر وامشي عنك؟؟؟؟؟
    //////////////////////////////////////////////////////////////عادل/خلاص انا بقوم امشي شوي
    وبرجع انام ...
    خالد/خذني معك وش بقعد اسوي....بتقوم محمد
    محمد /بروح عند ابوي وبعدها بمشي لي شوي....
    وقاموا ثلاثتهم محمد دخل خيمة ابوه اللي كان نايم وهو عارف انه نايم وخالد وعادل قاموا
    يتمشون ويوم صاروا جنب البنات خالد غمز لهيفاء انها تقوم وتلحقه وتترك البنات....
    عادل بعد مابعدوا/ياسلام عليك واظل امشي بروحي ؟
    خالد/ههههههه
    عادل/انت ماتخاف علي يطلع لي وحس ياكلني؟؟
    خالد/ههه مو مشكلة جيب لك سبايدرمان على قولة عبود ينقذك من الاشرار؟؟؟
    عاتدل/تسخر انت ووجهك؟؟لكن زين....كاهي شرفت ست الحسن والدلال نلتقي بعدين لو
    صار شي لو شي بعطيك اشارة....

    مها/قومي يالله.....النكابة نكبت فينا وراحت له؟
    فاتن/حسابها اذا رجعت ناخذ منها التقرير كلمة كلمة قالوها؟
    مها/هذا وجهي اذا قالت شي؟
    فاتن/وهم يمشون للخيمة /تصدقين احس نفسي سكرانة...
    مها/هههه الله ياخذك على ذا احساس.....
    فاتن/وهندوا ومراموه طلعوا.....شوفي مشاري قاعد بالخيمة المفتوحة مع جدتك خلنا نروح
    لهم...
    مها/بس ندخل اغراضنا شوي.....
    دخلت مها وبقت فاتن عند الباب ومحمد طلع من خيمتهم وظل واقف ومغطي الباب بس
    يشوف فاتن واقفة وهو عارف ان مها بتطلع باي لحظة وكانوا الخيمتين جنب
    بعض....ومافي أي احد غير مشاري والجدة اللي قاعدين بالخيمة الاخيرة...
    مها طلعت وهي فاتحة وجهها لانها عارفة ان مافي أي احد...
    مها/يامحمد الدنيا والعمر........انا ادفع شبابي والعمر....لو يرجع لي اضمه
    واعتذر...ويشوف شسوى فيني القهر....
    فاتن حطت يدها بيد مها ومشوا وكملت عنها/فص ملح وذاب مابين يدي وراح.....شبابي
    وراح...ماتهنى يامرتاح.....
    مها وهي مسوية روحها ترقص بالهوا,,,/تحرميني ليه يادنيتي....ايدي بيد محمدهي
    فرحتي..تالا لالا لالالالا...
    محمد وقف قلبه وهو يشوفها ويسمعها...
    ها الانسانة احبها وحبها قاعد يكبر بقلبي يوم ورى الثاني بس مو قادر اسوي شي.....هي
    اللي رفضتني وهي اللي جبرتني اشيلها واسوي روحي اني شلتها من بالي!!!!احبك يامها
    احبك....فرحتي بتكون وانتي جنبي ماابي غيرك بها الدنيا صدقيني....ياانتي ياقبري؟؟؟؟؟
    تنهد وظل واقف يشوفها وهي راجعة وكانها نست شي لانه سرح وماانتبه على كلامها
    وفاتن كملت طريقها لخيمة مشاري والجدة...

    ورى خيمة ام خالد اللي كانت ابعد خيمة عنهم كانت هيفاء واقفة ومتسندة على الخيمة
    ووقبالها واقف خالد...
    خالد/وحشتيني؟
    هيفاء/خالد اعقل صاير كنك مراهق؟
    خالد/حرام عليك؟
    هيفاء/كل شوي وناط لي ...وهم طول الوقت تعليق عليك علشان وقت العشى؟
    خالد/هذولا ناس غيرانين من حبنا؟؟؟واحد ويبي يتطمن على مرته تعشت زين ولالالا هم
    شيدخلهم بالله؟
    هيفاء/لاتعليق؟
    خالد/خفت ان عبود يكون ماشبع وياكلك عني!!!
    هيفاء/والله ان جبت طاريه كذا مرة ثانية لااذبحك؟؟؟
    خالد/ههههههههه معناته بقولها مليون مرة؟
    هيفاء/يعني منت خايف على نفسك تومت؟؟
    خالد برومنسية وهمس/احلى موتة والله اللي انتي بتذبحيني بيدك!!!!
    هيفاء بهمس/خالد...
    خالد بنفس الهمس بعد ماتقرب منها اكثر/يابعد طوايف خالد....
    هيفاء ذابت/خالد متى بنتزوج؟؟؟والله مقدر امسك نفسي اكثر من كذا!!!
    خالد بعد تنهيدة طويلة/هانت حبيبتي هانت!!!ان شاءالله بعد العيد تكون الامور احلى
    واركد...
    هيفاء بزعل/لمتى ياخالد..,الله ماعاد فيني صبر حبيبي؟
    خالد حط يده على خدها وصار يلعب فيه/قلت لك هانت صدقيني هانت....يعني على بالك
    اني مابموت؟؟؟انا اموت الف مرة ومتحمل واقول اللي جاينا بالطريق خير....
    هيفاء/ان شاءالله حبيبي ان شاءالله.....
    /////////////////////////////////////////
    في خيمة مشاري والجدة.....
    مشاري/اللحين وقفي وتلثمي؟
    الجدة/شلون يعني؟
    مشاري بملل/يعني سوي أي شي يعجبك؟
    مشاري/هو قال لك كم صورة يبي لي؟
    فاتن كتمت ضحكتها وقالت/البوم كامل يبي يختار على كيفه؟
    الجدة/امري لله والله لو انه يبي صوري القديمة كان عطيته ذيك الصور النارية بس هو
    مايبي الا صور ها الايام؟؟؟
    فاتن/وش رايك ياام عبدالله لو تفتحين شعرك ونصورك وانتي تاركته يطيح على كتوفك
    علشان يشوف طوله؟؟؟
    مشاري بصرخة زين انها ماقعدت اهل البر/لالالالالا مستحيل الا هاا الشي؟؟؟شعرها
    مايحتمل شكله وهو مفتوح!!!
    فاتن تهمس لمشاري/انت مو تقول اعمى يعني مافرقت عنده مفتوح ولامسكر؟؟؟
    مشاري/الخوف علينا احنا من الصدمة اخر اللي مو عليه هو؟
    فاتن/ههههه قلت لي؟؟
    الجدة/شعنه تتهامسون انتي وولد خالتك؟
    فاتن/سلامتك بس يقول انه شاف عبود ومات عليه وكل يوم يكلم مشاري ويقول بوس لي ها
    الحلو اللي عندكم؟
    الجدة/وليش ماقلت لي يامشاري؟؟؟روح جيب عبود ببوسه انا بعد!!!

    مها كانت راجعة للخيمة بتاخذ شي واول ماوصلت لباب الخيمة طلع محمد ونادها ووقفت
    مكانها من الخوف ووقف قلبها لفت له لاشعوريا وهي عارفة انها مو مغطية وجهها...
    مها بارتباك/محمد...وش تبي؟
    محمد بدون مايرفع عيونه عنها/كنت بكلمك بسالفة لو ماعندك شي؟
    مها تنهدت وهي تذكر كلام الاغنية اللي غتاها اليوم وكيف انه نسى حبه وودع الماضي
    وماقوت ترفع راسها ووتواجه معه ظلت منكسة راسها بالارض
    مها/خير..
    محمد/كنت بسالك عن....
    مها وقفت وهي مو قاوية تناظر بوجهه..حاسة بشي داخلها بينفجر كل اللي تبيه انه يحضنها
    وبقوة وبس!!!!!!!!
    محمد بعد كانت عند نفس مشاعر مها اصلا هو ماوقفها الا علشان يسمع صوتها ويتاملها
    وهي كاشفة وجهها اللي حرمته منه ولاهو مو ناوي يحط لسانه بلسانها بس النصيب والقدر
    ,,,,
    ظلوا يطالعون كل واحد بالثاني وقت طويل مايدروا كم مدته لين سمعوا صوت سيارة احمد
    قربت من خيمهم ووقفت..
    مها بتردد/عن شنو كنت تبي تسالني؟
    محمد بارتباك وضيقة/ولاشي....ولف وجهه عنها ودخل خيمته وظلت هي واقفة تتامل
    مكانه اللي فضى ودموعها بعيونها....
    هذا محمد وبيظل محمد ولاهو متغير في شي ....اه ياعذابي معك يامحمد بقربك عانيت وفي
    بعدك اعاني !!!!متى بترحمني يامحمد وبتشل حبك من قلبي وبتخليني اعيش مرتاحة
    متى؟؟؟؟
    ////////////////
    نزلوا من السيارة واحمد في قمة عصبيته وعبود كان نايم عند مرام,,وهند وراهم..
    مرام/بصراحة انت اخو شي احبك موت..
    احمد بعصبية/وانا مااطيقك؟؟
    مرام/علامك انت طول الطريق تقول ماتحبني وودك تذبحني وش سويت لك بالله!!!!!
    احمد/روحي جيبي لي كاس ماي بسرعة في ثواني لايتكنسل مشوارك وهو اصلا تكنسل
    خلاص؟؟؟
    مرام طيران لداخل الخيمة..
    احمد يكلم هند بسرعة اللي قربت توصل خيمتهم/ممكن اكامك بالتلفون الليلة؟؟؟؟
    هند لفت له وهي مرتبكة وبعدها قالت/لا..
    وكملت طريقها ودخلت الخيمة واحمد وقف وهو متضايق حيييل كان بيعرف اجابتها بس لو
    ماوجه العنز مراموه دخلت بالسالفة!!!!
    مرام/تفضل يالغالي؟؟
    احمد اخذ منها كاس الماي وكبه على وجهه وسط فزعها ودهشتها..
    مرام بفزع/جنيت انت؟؟؟حرام عليك الدنيا برد؟؟
    احمد بقهر/احسن ان شاءالله تمرضين الليلة مثل مامرضتيني !!!!ياجعلك ماتقومين تستاهلين
    منه اكثر!!!!!!
    /////////////////////////////
    فاتن تململت من مها اللي تاخرت وهم اللي متفقين تجيب الكاميرا وتجي!!
    اخذت بعضها وراحت لها وقبل لاتدخل الخيمة كان عادل يمشي بروحه وواقف بها اللحظة
    عند خيمتهم....
    فاتن/تركك خويك مو؟؟؟غدارين وماينضمن لهم؟
    رفع عادل راسه ولقاها واقفة....وماعرف شيقول.....
    فاتن/بس تطمن سالفتهم مطولة ماراح يجيك اللحين؟
    عادل/لا مو مشكلة انا اصلا قاعد امشي قبل لاادخل انام؟
    فاتن/رياضي...تحب الرياضة؟
    عادل/انتي منو؟؟؟
    فاتن/..........وليش تسال؟
    عادل/اسف بس....انتي اخت خالد؟
    فاتن/وي جعله مايربح لاماني اخته اسم الله علي من اني اكون اخته؟؟؟قايلة لك اني بنت
    خالة مرته...
    عادل/أي صح قلتيلي بس انا نسيت....اسف....
    فاتن/انت وين تشتغل؟
    عادل/بالحكومة؟
    فاتن/وناسة خطيبتك مرتاحة طبعا من الضهر انت عندها بلادوام ثاني بلا بطيخ!!!قالتها
    متعمدة وهي عارفة انه مو مرتبط؟
    عادل ابتسم/والله لسه ماارتبطت...
    فاتن/بسم الله عليك وش تنتظر لاتقول لي ماكونت حالي...ترى هاذي مو حجة؟
    عادل/ههههه لامو كذا بس انتظر بنت الحلال؟
    فاتن بقهر/ليش متغربة تدرس ولا شسالفتها تنتظرها؟
    عادل ابتسم/انتظر احد يشوف لي عروس انا ماعندي شي في بالي.....ولاعندي خوات
    اصلا وماابي زوجات اخواني هم اللي يخطبون لي؟
    فاتن ارتاحت/أي قلت لي...........انت من ولده؟
    عادل(وش ها المصيبة كني بتحقيق المفروض انا اللي اسال مو هي بس يالله وش
    ورانا)/ولد........
    فاتن وهي مجهزة الاجابة من قبل بس مسوية انها تذكرت/اه...ولد ام بندر.....شلونها اللحين
    شخبارها...من زمان ماشفتها تصدق كنت ازورها مع امي في بعض المناسبات بس انقطعنا
    وتبدلت الاحوال؟
    عادل/تعرفين امي؟؟؟
    فاتن/أي اعرفها ام بندر والله انها حبابة وتنحط على الجرح يطيب...شلونها عساها طيبة؟
    عادل/الله يسلمك بس تعرفين كبيرة ومريضة وماتطلع من البيت شغالتها عندها وقايمة فيها؟
    فاتن/ليش مافي احد من اخوانك المتزوجين ساكن عندها؟
    عادل اخذ على الجو وقام يسولف طبيعي/لا والله ماحد ماغيري انا وهي بالبيت بس....
    فاتن مسوية انها متاسفة ومتمسكنة على امه/لالالا مو زين عليكم حرام..هي تبي من يونسها
    اللحين ليش اخوانك ماحد سكن فيهم...بندر ومرته من يوم يومها ماتتعاشر بس الباقيين ليش
    مايقعد واحد عندها وهي اذا شافت حوالينها عيال ولدها اكيد بتصير نفسيتها اريح الكبار
    بالسن اذا شافوا عيال عيالهم يرتاحون نفسيا ويطيبون صدقني؟
    عادل بتنهد/ماتجي السالفة بالاجبار واذا هم مو حابين كيف اجبرهم وانا الصغير؟وبعدين
    انتي شكلك عارفة مرة بندر وطبايعها ماتقولين لي بالله كيف بيتعيش هي وامي في بيت
    واحد؟
    فاتن لاتعرفها ولاهم يحزنون بس دقتها وصابت معها...
    فاتن/بس تدري اللوم مو عليهم اللوم عليك انت؟؟تزوج يااخي وجيب مرتك معها تونسها
    وتسليها.....
    عادل/الله يسمع منك ويرزقني ببنت الحلال اللي تقوم باامي وتباريها...
    فاتن/امين يارب....معليش انا بروح لمها اللحين اشوفك على خير...باي...
    عادل/باي.....
    ظل واقف يناظرها...بدون أي تعليق .....
    //////////////////////////////////////////////
    خالد/خلاص راضي عني؟
    هيفاء بدلع/مو رضا كامل بس يعني يمشي الحال؟؟؟
    خالد بضحكة/يالعيارة؟؟؟
    هيفاء/خلاص حبيبي لازم ندخل اللحين زمان واحنا واقفين هنا؟
    خالد/اوووف انتي تململتي مني؟
    هيفاء/والله لو اقعد معك العمر كله ماامل!!!بس صايرين نسرق من بعض الشوفة سرقة
    ياخالد؟؟؟
    خالد/شنسوي بعد ياحبي هذا قدرنا ولازم نتحمل.....
    هيفاء/متى ..
    خالد/ا صحيح كيف دوامك اللحين؟
    هيفاء/مو راضي رئيس القسم ينقلني وانا ماابي اظل بها القسم..ابي انقل لقسم ثاني ؟
    خالد/ماراح تقولين لي ليش؟
    هيفاء/افضل اني احتفظ فيها لنفسي.....
    خالد/طب وانتي وين تبي تروحين لو مانقلوك ماتبين تنقلني مستشفى ثاني ولا تبين تقعدين
    بدون شغل ابرك؟
    هيفاء/لاطبعا بشتغل ماني قاعدة بالبيت!!!بس مدري....
    خالد/لازم تقررين من اللحين علشان نتصرف..
    هيفاء/انت وش رايك؟
    خالد/وليش تبين راي ؟؟؟لمجرد اضافة راي جديد عندك ولا لشي ثاني؟؟؟
    هيفاء/ليش تقول كذا حبيبي؟؟؟رايك على عيني وعلى راسي طبعا بس لاتقول لي طلعي
    لاني ماراح اطلع؟؟؟
    خالد/انا راي يقول انك تشتغلين بالحكومة افضل.....
    هيفاء/........
    خالد/اذا لك نية بكلم واحد اعرفه وبوضفك هنا بالشرقية وش قلتي؟
    هيفاء/مدري الراي رايك يابو عبد الله!!!!
    //////////////////////////////////////////////
    مها/كان كملتي سوالف معه ليش دخلتي عاد؟؟
    لفت لها فاتن وهي مستغربة/وانتي وش عرفك؟؟؟
    مها/فاتن بالعقل انتي لازقة لي بالخيمة وانتي تسولفين وكل كلمة قلتيها عندي هنا!!!!
    فاتن/ههههه ياخذك ربي ويفكنا منك؟؟؟
    مها رمت عليها المخدة/علشان فضحتك يعني!!!!
    فاتن/ههههههه تعرفوني انا اموت ولااشوف واحد مزيون وماهو مرتبط اموت تجيني حالة
    نفسية والله...
    مها/ههههه ياربي متى تتزوجين ونرتاح من همك يابنت؟
    فاتن/دعواتك يابنت الناس تراني مو قادرة على نفسي اخر شي بتزوج مسيار؟؟؟؟
    مها فطست ضحك.........
    دخلت هيفاء/ها ضحكم لااخر الدنيا عسى ماشر؟
    فاتن ومها ناظروا في بعض...
    فاتن تكلم مها/لا تفرغتي مها توك؟
    مها مكملة معها/نسيت نفسي تصدقيني؟؟؟؟
    فاتن/واحنا على الفضيل طبعا بعد ماتتذكرين نفسك!!!!
    مها/شسوي هو عطلني انا مالي شغل؟؟؟؟
    هيفاء/هههه مااسخفخكم انتي معها؟؟؟؟؟
    ***********************************الصباح بعد الفطور كانوا الشباب متجمعين مع
    الجدة والبنات مو كلهم وصلوا.....
    مشاري/جدتي بقولك خبر بس ماابي يصدمك بصراحة؟؟
    الجدة/خير ان شاءالله خرعتني؟؟؟
    مشاري/الصور اللي صورتك اياهم امس وديتهم اخر الليل بفاكس لبو مساعد وماعجبتي
    بصراحة وغير رايه وانسحب من السالفة وقال ماابي اعرس هونت؟؟؟؟؟؟
    الجدة رمت روحها ومسوية انها اغمي عليها,,,,
    وخالد واحمد ومحمد وعادل ومشاري وهندوفاتن يناظرون فيها.....
    فزت من مكانها مرة وحدة وقالت بعصبية/الله ياخذكم من عيال!!!ولاواحد فيكم قال مسيكينة
    جدتي اغمي عليها بنجيب لها باتشي يصحيها ويرفع لها السكر شوي بدل طيحتها؟؟؟؟
    محمد/ه انتي مغمى عليك ياجدتي وتبين باتشي كيف تجي ذي بالله!!!!
    الجدة/انت اسكت ؟؟اصلا حتى مافكرت طول ها الشهر تسالني اذا كان التفكير تاعبني
    ولالا؟؟؟
    خالد /احم احم..(علشان تروح ضحكته)
    احمد/يمكن خيرة ياجدتي يعني زين ان الرجال باخر لحظات فكر مزبوط بحياته!!!
    مشاري/هههههههههه
    فزت الجدة من مكانها وشالت نعالها الزنوبة وركيض ورى مشاري اللي انتبه باخر لحظات
    وطيران..
    الجدة وهي تركض وراه وتصارخ/وين بتروح مني!!!!اجيبك يعني اجيبك ؟؟؟والله لااطلع
    حرتي كلها فيك؟؟؟مو جد صاحبك؟؟ليش مااقنعته بالله!!!
    مشاري وهو يركض ويضحك/غصب يعني يتزوجك؟؟مو غصب؟؟؟؟
    الجدة/من حلاوته لو من حلاوته!!!!اصلا هو كان طماعان فيني وفي فلوسي؟؟؟؟
    هيفاء توها واصلة مع عبود/وش فيها جدتي تصارخ؟؟؟
    احمد/لااله الا الله كان مشاري بحياته انسان حبوب والكل يحبه بس يالله قدره ونصيبه؟؟؟
    هيفاء بفزع/مات!!!!مشاري مات؟؟؟
    خالد بخوف/أي انت احمدواخوفتها ترى؟؟؟قالها بخوف وحنان ومحمد لف له علطول
    يناظره وهيفاء استحت واحمد وعادل ضحكوا وخالد نزل راسه من الفشلة؟؟
    احمد/هههه وانت متاْكد ان مشاري بيعيش؟؟؟خلاص انا ترحمت عليه وبفتح جوالي استقبل
    العزاء فيه؟؟
    هند /اسم الله على اخوي في العدو ولافيه؟؟؟
    احمد مابغاها تنطق وخالد فهم ان يبي يكلمها فكلم محمد علشان يشغله شوي..
    احمد يكلم هند وفاتن مشغولة مع هيفاء /افهم من كلامك اني انا العدو؟؟؟
    هند بحيا/انا ماقلت كذا؟؟
    احمد/بس انتي تعنيني صح ولا انا غلطان؟؟اللي انا فاهمه ان شعورك ناحيتي شعور أي
    انسان يشوف اللي قباله عدو؟؟؟
    هند بفزع وشوي وعينها تطلع من تحت النقاب/انا ؟؟؟؟
    احمد بفرح وهو شايف العكس/أي...وماهي اول مرة؟؟؟
    هند بارتباك/غلطان ..غلطان يااحمد....
    مروا مشاري والجدة من جنبهم..
    فاتن بصوت عالي/روح تخبى ورى امي والله ماتطولك؟؟؟
    الجدة ناظرت فاتن بنظرات شر/انتي وامك اصلا اساس البلى والشر؟؟؟عارفتها امك اكيد
    حطت لها الاحمر والاصفر بوجهها وصورت وسوت روحها حلوة وغير راي عني
    ؟؟؟مايدري اني انا الاصل وهي بس تخرب حياتي؟؟؟
    فاتن/لااله الا الله عليك؟؟؟من زينه عاد؟؟؟مادري شيطلع ها الابو مساعد اللي يبيك وامي
    تبيه....منو بالله؟؟
    الجدة بقهر/احلى من ياسر القحطاني؟؟؟؟
    هيفاء فطست ضحك وخالد ميت عليها ومحمد ابتسم....
    محمد بصوت واطي/الصدمة بتطول عليها.....
    هند/منو الاحلى ياجدتي بو مساعد ولااخوي محمد؟
    مها كانت توها واصلة ولاشعوريا قالت/اكيد محمد مايبيلها كلام؟؟؟؟؟؟؟؟؟؟؟؟؟؟؟؟؟؟؟؟؟؟
    //////////////////////////////////////////////////////////////في خيمة البنات..
    كانت مها تبكي وحوالينها فاتن وهيفاء بعد ماطردوا هند ومرام من الخيمة....
    فاتن/بسك عاد؟؟ماصارت انتي ماتعرفينها يعني!!!
    مها كانت تبكي بصوت عالي..
    هيفاء/خلاص مهاوي جدتي هي جدتي وبتظل مابيغيرها شي؟؟؟السالفة عدت وانتهت
    لاتكبرينها؟
    مها رفعت راسها وقالت وهي تشاهق/عدت وانتهت لانك مو انتي اللي اكلتيها
    ياهيفاء؟؟؟؟والله اني ماكنت قاصدة شي من اللي في بالها بس انا حظي ردي..احرجتني
    قدامه وقدام الكل؟؟؟
    فاتن/أي كل انتي الثانية؟؟؟خالد واحمد ومحمد عارفينها وعارفين طبايعها وعادل واحد منا
    وفينا مثل ماانا عارفة جدتك هو بعد عارفها...
    ***(بعد ماوصلت مها وكانت هند تسال جدتها منو الاحلى بو مساعد ولا محمد وجاوبت مها
    بعفوية ان محمد اكيد احلى ومافيها شك ..اخذت لها غسلة شراع محترمة من الجدة قدامهم
    كلهم وانها مطلقة وقليلة ادب وقاعدة تراكض ورى الرجال وهو مايبيها؟؟؟؟؟ومها انحرجت
    مووت من الموقف ومحمد انسحب لايشوف دموع مها اللي اكيد ماكانت قاصدة شي وقالت
    الكلمة عفوية؟؟؟؟بس وين الجدة بكبرها مقهورة من روحة المعرس لازم تفضي جام غضبها
    بالعيال اللحين واللي بيجيهم اكثر؟؟؟؟)
    مها/ياربي وش ها الفشيلة بس؟؟؟ابي ارد البيت؟
    هيفاء/عقلي عاد بلا بيت بلا هم؟؟؟؟تلاقينها اللحين شافت غيرك تطلع حرتها فيه والله اعلم
    ولدي المسكين؟؟؟؟؟
    خالد من ورى الخيمة /يابنات تغطوا...انا بدخل....
    احمد معه/الشيخ احمد ومعه الشيخ خالد يبون يدخلون واذا ماتبونا طلعوا اختنا نبيها؟
    خالد/اش اثقل بس اثقل؟
    احمد/وانت مسوي روحك ثقيل ياحظي؟؟انت بكبك خرطي..؟؟؟مهاوي تراه مو جاي لك
    جاي لاام عبدالله صدقيني!!!!
    مها مسحت دموعها وهيفاء متفشلة وفاتن قالبة ملامح وجهها لانها ماتطيق طاري خالد,,,,,
    هيفاء/قومي طلعي لايسونها اخوانك ويدخلون؟
    مها مسحت دموعها وطلعت واحمد انصدم كان يبي يدخل...
    احمد/رجعي دخلي احنا بنجيك داخل؟؟؟
    مها بهمس/ماهي هنا طردناها فبل شوي؟؟؟
    احمد بغضب/الله ياخذك ان شاءالله وش له تطردينها شايفتها بزر تحتك هاذي مرة الشيخ
    احمد؟؟؟
    خالد/اسكت واللي يرحم والديك قال الشيخ احمد قال؟

    احمد مشى/مالها لزوم وقفتي عندك اجل وتستاهلين ماجاك من عجوز النار؟؟؟؟؟
    رمت وراه حجرة بس لالاسف ماصابته وهو يسوي لها حركات بوجهه انه منتصر عليها...
    خالد/تعالي نمشي شوي......
    ///////////////////////////////////////
    الجدة قاعدة وهي تغلي ومين ماكان تتسلط عليه..
    مرت هبة..
    الجدة/وين بنت اختك ليش ماتلعبين معها حضرتك؟انتي ناسية ان امها حارمتها من العيال
    وانتي المفروض تكونين بمثابة الاخت لها وتعوضينها عن كل شي؟
    هبة/وش تقولين؟
    الجدة/ووجعتين ان شاءالله؟؟وينها ساروه؟؟
    هبة/من البارحة راحوا البحرين هي وامها وابوها؟
    الجدة/أي مايروحون الا سكاتي ولايعلمون؟؟؟كله خايفين اقول لهم بروح معكم لو اكلف
    عليهم يشترون لي علبتين حلوى؟؟؟؟ان شاءالله يتعطلون بالجسر علشان ها المرة يعلمون
    ومايروحون سكاتي؟؟؟؟؟؟
    هبة/وانتي ليش معصبة كذا؟؟؟امس قالوا انهم بيمشون واللي يبي يمشي معهم يمشي بس
    ماحد تحرك؟
    الجدة/روحي انتي انقلعي يام لسان طويل طالعة على امك وخالتمك لاباركت فيك ولافي امك
    ولافي خالتك بعد!!!وقولي لاامك جدتي بتزوج ابوي وبتقهرك انتي واختك زين؟؟؟؟
    ///////////////////////////////////////////////////////////محمد بعد مامشى صار ورى الخيام
    يمشي بدون تفكير وهو شارد...وبيده سيجارة ...من رفضته مها وهو متصادق حييل مع ها
    السيجارة وكانها تفضفض له وتسمعه بنفس الوقت!!!!
    لفت انتباهه صوت بكي وها الصوت يعرفه زين....
    لف وجهه ولقى مها بحضن خالد وهم عاطينه ضهرهم....
    مها/والله ياخالد ماتهنيت بها العيد ابدا!!!!كله دموع وحزن والم وقهر؟؟؟
    خالد بحنان/حبيبتي خلاص هدي...كلنا عارفين جدتي؟
    مها وبصوت متقطع/ليش تقول اني الاحق محمد ليش؟؟؟انا عارفة اني مطلقة...وعارفة ان
    محمد مايبيني ولاعاد يفكر فيني بس ليش تجرحني كذا ليش؟؟؟والله ياخالد ماني طايقة نفسي
    وابي ارد البيت؟؟؟الاقيها منه ولامنهم ولامن نفسيتي السودة؟؟؟
    خالد ضمها بقوة/مها وغلاوتي وغلاوتنا كلنا انسي اللي صار عمري؟؟والله كلنا عارفينك
    وعارفين انك ماتقصدين أي شي بس...تعرفينها دايم تقول كلامها قبل لاتوزنه؟الله يهداها
    بس...
    مها/ابي ارد البيت..
    خالد/مها كلنا بنرد البيت بكرة وماله داعي تردين اليوم قبلنا؟؟؟امي ماراح تتركك تروحين
    البيت بروحك...ترضينها عاد امك قاعدة ومبسوطة مع الحريم تجين انتي وتضيقين خلقها
    على شي مايسوى؟
    مها/بس انا ياخالد تفشلت عارف وش معنى تفشلت...انا عارفة ان كل شي مقدر وكتوب
    للبني ادم..بس والله والله ..
    سكتت وطاحت دموعها وقام خالد يمسحهم ومحمد مات بمكانه..عاز عليه يشوف دموعها
    اللي اغلى من كنوز العالم يطيحون قدامه كذا وعلشانه هو؟؟؟وهو مو قادر يسوي شي
    ابدا!!!!
    خالد/مها تكلمي حبيبتي فضفضي..عارف وش تبين تقولين لاتخلينها بقلبك...
    مها بصوت متقطع من بين دموعها/وش بقول بعد ياخالد...ماعندي شي اقوله...محمد قدر
    وبعده قدر....اذا بعده قدر هذا نصيبي ياخالد شبسوي عني؟؟؟
    خالد/عارف ان الحب من طرف واحد يالم يامهابس..
    قاطعته مها../طول عمري احبه من طرف واحد ياخالد؟؟؟ سنتين مافي مرة صرح بحبه لي
    ولاقال شي لين تطلقتوا انت وهيفاء وانقطع كل شي بينه ثلاث سنين بعد؟؟؟ويوم صرح لي
    وصرحت له بشعوري ماقدرنا نكمل حبنا مثل باقي الناس..افترقنا ياخالد افترقنا!!!ياليتني
    ماقلت له احبك ولاهو قالها؟؟؟صدقني كانت حياتي اهون الف مرة ياخوي؟؟؟
    خالد/مهاوي ...عمري لاتوجعني نفسك الدنيا عيد والناس فرحانة ليش بس تبكي وتتحسفين؟
    مها/خالد متى بتخطب هيفاء؟
    رفع محمد راسه وطاحت السيجارة من باله مايدري ليش شدته ها الكلمة من بين كل كلام
    مها اللي قالته ؟؟
    خالد تنهد/برجع افتح الموضوع مع ابوي بعد مانرد ان شاءالله..
    مها بصرامة/لازم تفتحه...خالد ابوي خيرنا واحد من الاثنين يتنازل يانت تاخذ هيفاء والا
    انا اخذ محمد وانا قلت لك رد لمرتك وولدك وانا الله بيعوضني وبينسيني حب محمد ..
    لاتتنازل عنها اذا انت تبيها ياخالد؟
    خالد/ماراح اتنازل يامها ماراح اتنازل صدقيني؟؟؟وبعدين ان شاءالله انتي
    ومحمد.............
    مها/ليش سكت ياخالد؟؟؟لا ياخوي انا ومحمد خلاص...كل شي واضح ومبين...
    داست رجله على السيجارة المرمية بقوة وكانه يدوس على كل مشاعر فيه ماهي
    منصفته!!!!
    وش ها الحب اللي لك بقلبي يامها وش ها الحب؟؟؟لاني قادر انساك ولاني قادر اكرهك
    ومتشوفق عليك وعلى شوفتك..وكل ما سمعت كلامك كرهت نفسي لاني انا اللي ظلمتك
    وانتي مالك شغل../و كفاية ياعمري انك تزوجتي وتطلقتي بنفس اليوم!!!!ياربي اهديني
    ماني عارف أي طريق اسلك ولاامشي فيه؟؟؟؟؟
    /////////////////////////////////////////////////////////
    هند ومرام ومشاري قاعدين قبال الجدة ومتحلفين فيها مثل ماهي متحلفة فيهم واحمد من بعيد
    يناظر بهند اللي ماانتبهت له...
    مشاري يدق على الطارة ويغني مصري/اللي يكون كداب وابو لمعة ..ويشاغب في بنات
    الجامعة يبى الواد ده ايه؟
    هند ومرام/شنكوتي...
    هند/واللي يعشم بنت جميلة ويعمل باشا وهاي..يعمل لها من البحر طحينة ويقول لها بي
    باي...يبى الواد ده ايه؟
    مرام/بو مساعد,,,,
    الجدة محترقة بس ماسكة نفسها ومشاري فاطس ضحك....
    مشاري/واللي يكون زي البرشوت لو شافك مع ناس.... يجي يحرش نفسه في القعدة
    وماعندش احساس..يبى الواد ده ايه؟
    هند وهي فاطسة ضحك/جدتي...
    قامت الجدة بتلعب في حسبتهم ومشاري ومرام طيران وهند لانها كانت تضحك مالحقت
    عليهم فااحمد تدارك الوضع بسرعة وجا قدامها بسرعة وصار بوجه الجدة وهو لاف يده
    عليها من ورى يعني بيحميها..
    احمد/اعصابك يالغالية؟
    الجدة بعصبية/خلني عليها..اقولك اتركني..
    هند بخوف/الله يخليك لاتسلمني ترى نعالها يعور؟
    احمد/وش بتعطيني بعدين اذا ماسلمتك؟
    هند وهي خايفة/اللي تبيه...
    الجدة/اقولك خلني ععليها..
    احمد برواق/جدتي انتي تعبانة وشكلك ماكلتي شي من اسبوع!!!!شرايك تلبسين عبايتك
    واطلعك شوي امشيك بها البر هناك يبيعون بطاطس وذرة وبليلة؟
    الجدة/هذولا مايشبعون عصفور يااحمد؟؟خلني عليها بس؟؟
    احمد/يالله لبسي عبايتك بروح اقهويك باي مطعم تختارينه..تبين بيتزا تبين برجر أي مكان
    يالله..عفية على الحلوة.
    الجدة/علشانك بس...
    ضغطت يد احمد على يد هند بقوة بها اللحظة ولف لها وكانت غرقانة بخجلها..
    هند بهمس/احمد اترك يدي؟
    احمد/ومتى بتعطيني اللي ابيه؟
    هند /احمد..
    احمد/لاتنسين انك وعدتيني؟
    هند/اتركني....
    احمد/وقت ماابي و..
    الجدة/يالله لبست؟
    احمد/اوووف يامسرع؟؟؟خذي راحتك مو مستعجل؟؟؟
    الجدة مسكت يده/أي بس انا نفسيتي تعبانة ولازم اغير جو لااطيح عليكم؟
    مشوا ووقفت هند تناظر بيدها اللي كانت قبل ساعة بيده وضاغغط عليها بقوة..يازينك
    ياراعيها ...مامنك ابد يااحمد...يابعدهم كلهم,,,,
    /////////////////////////////////////////////////
    محمد قعد جنب عادل وهو متضايق شوي..
    عادل/محمد..من متى وانت تدخن ماخبري فيك تدخن؟
    محمد تنهد/شهرين بس مو من زمان..
    عادل/لاتعود نفسك عليها ..ماتصلح ياخوك؟
    محمد/عارف انها ماتصلح بس شسوي....الا اقول عادل انت ماتبي تحب البنت اللي
    بتتزوجها قبل لاتخطبها؟؟؟اذا تعتبره سؤال شخصي ومحرج لاتجاوب انا سالته بس كذا
    لانك قلت تبي تتزوج....
    عادل/انت وش رايك...
    محمد/انا اقول بلاحب بلا وجع وقلب..وش جانا من ورى ها الحب..غير الالم وغير التعب
    وش جانا؟؟
    عادل/يمكن الحب يكون رابط بين اثنين..بس بعد في علاقات صار الحب بينهم بعد الزواج
    وعاشوا مثل اللي يحبون بعض واحلى بعد!!!
    محمد/الله يوفقك ياعادل والله انك تستاهل كل خير ياخوك...
    ////////////////////////////////////////////////////////////////في محمية العرين بالبحرين..كانت
    سارة عند الحيوانات ومحمد وهنادي جالسين قبالها على الكراسي...
    محمد/لو تصدقين شقد انا مرتاح....
    هنادي/وانا بعد حبيبي....
    محمد/بنكمل ثلاثة شهور بعد اسبوع من طلعنا من البيت؟
    هنادي برجاء/ماتقدر تمددها يامحمد وتقول انهم زادوا في دورتك؟
    محمد/لو امددها بتخسرين انتي؟
    هنادي/ليش...؟؟؟
    محمد/لان امي ها الاسبوع كانت معزمة تجي الرياض معنا تقول من زمان ماجت الرياض
    وفرصة اني هناك اخذها معي ..؟؟
    هنادي بقهر/اوووف..
    محمد/اضطريت اقول اني خلصت وبوديها بعد كم يوم تتمشى هناك على راحتها؟
    هنادي/أي بس انا ماابي ارجع يامحمد؟
    محمد/لا بترجعين ياهنادي...وبننقل بيتنها وبروحنا مامعنا احد؟
    هنادي/صدق؟؟؟؟صدق يامحمد؟
    محمد/اكيد...ماتتخيلين الراحة اللي عشناها هاالفترة...ذكرتني باول ايامنا اللي نسيناها من
    زمان؟
    هنادي بدت تدمع عيونها/الحمد الله يارب....صدق الشيخ ماكذب ان شاءالله؟
    محمد باستفسار/أي شيخ ياهنادي؟
    هنادي بتردد/بقولك بس لاتطلب مني أي تفسير ولا توجه لي أي سؤال بعدها؟؟؟
    بالفترة اللي طافت وبعد ماخلصت من المستشفيات اللي كلهم يقولون نفس الكلام....رحت
    مع امي لشيخ يقراْ وقال لي غيري البيت اللي انتي ساكنة فيه وبتنحل مشاكلك باذن الله
    يابنتي؟؟؟بس لاتنتظرين نتيجة قبل ثلاثة شهور....والنتيجة باينة يامحمد...شوف كيف
    صارت حياتنا....وان شاءالله يكون سبب عدم الحمل البيت نفسه لانهم يقولون له تاْثير
    يامحمد....انا كنت مترددة بين اقولك ولااسكت بس هذا انت عرفت يامحمد وسامحني على
    اللي صار مني ولاني ماقلت لك من البداية؟؟؟
    /////////////////////////////////////////////////
    صار وقت الغذى والبنات يجهزون الغذى بالخيام...
    وكانت هيفاء بخيمة الرجاجيا وطبعا كانت فاضية...
    كانت توزع الفاكهة بين الاماكن وهي تغني ومعها عبود ولدها...
    هيفاء/وانا لاجيت خلي...طرى عبودي عليا؟؟
    خالد من وراها/وها العبود ورانا ورانا؟؟
    هيفاء/بسم الله الرحمان الرحيم؟؟؟من وين طلعت ياخالد؟
    خالد/هههه من السماء؟
    عبود ركض لاامه يوم شافها شهقت/مام خفتي من بابا خالد الكسلان؟؟
    هيفاء بدلع/أي حبيبي خوفني بابا خالد؟
    خالد/يابعد عمري اللي يخافون فديتهم انا؟
    عبود بغضب/بابا خالد كسلان؟؟؟ماما اضربيه ابرة؟
    هيفاء/زمن الابر ولى ياعمري ماعندي شي اللحين؟
    خالد بغاها من الله تقرب منهم وركع لمستواهم ومد يده لهيفاء/ها اضربيني ابرة مثل ماقال
    عبود؟
    هيفاء/خلاص عبود سامحته ابوك ماكان قصده؟
    عبود باصرار/لا اضربيه علشان يتعلم مايعيدها؟
    خالد يهز راسه وهو ياْيد كلام ولده/أي علشان مااعيدها اضربيني؟
    هيفاء مدت يدها بتسوي روحها تقرص خالد بيده بدل الابرة وبسرعة مسك يدها بقوة..
    هيفاء نزلت راسها بعد ماتبدلت الوانها/خالد فكني الله يخليك لايجي احد؟

    خالد/بقوة اضربيني علشان اتعلم صح عبود؟
    عبود اللي كان ياكل موزة/أي صح؟؟؟
    نظرات خالد وهيفاء كانت مقابلة بعض والنار تطلع منهم من ها اللمسة.....
    هيفاء برجاء/خالد...
    خالد بهمس ورومنسية/كل يوم بعاند علشان تجين تضربيني ابرة مثل هاذي تحرقني من
    قلب وتخليني مثل المجنون؟
    نزلت راسها وهي مرتبكة ...قرب خالد منها يهيج فيها كل الذكريات الحلوة..
    قرب منها اكثر وهمس باذنها/اذا تخافين تضربيني ترى انا اللي بضبك ماعندي مشكلة؟؟
    هيفاء بهدوء متقطع وبدون ماترفع راسها/ليش حرمتني من ها الاحاسيس وانا قربك ياخالد
    ليش؟؟؟
    خالد تنهد وقال لها بهمس/بعوضك عن كل دقيقة مرت علينا بدون مااصارحك فيها بحبي
    وبمشاعري اللي تبيك ياعمري صدقيني!!!
    هيفاء بالم/خالد..انا ماابي نسرق شوفتنا لبعض سرقة كذا وبارتباك؟؟؟لازم تشوف لك حل
    ياخالد انا تعبت صدقني ومقدر استمر كذا..احس اني اعيش معك بالظلمة ياخالد وها الشي
    مايريحني؟
    خالد بهمس/انا وعدتك قريب بينحل كل شي ..وراك ماتصدقين خالد ياقلبه انتي!!!
    هيفاء/مصدقتك حبيبي بس ...
    قاطعهم عبود/ماما افتحي البرتقالة باكلها؟
    خالد بقهر/اووووووف منك انت بعد!!!!انت لمنو طالع مغثة بالله؟؟؟
    عبود بثقة/لبابا خالد...
    هيفاء ضحكت من قلبها وحضنت عبود وهي تبوس فيه/يابعد عمري انت ..والله انك صادق
    فيها وماكذبت!!!ابوك اكبر مغثة بالعالم!!!
    خالد بقهر/زين..شاطرة ..علميه ينقلب علي!!!
    هيفاء/اصلا هو ولاهو داري وش معناتها قالها كذا وبس؟
    خالد بدون تصديق/ولدك مافي شي مايعرفه يابنت الناس؟؟على قولة جدتي كل شي يفهم
    فيه؟؟
    هيفاء وهي حاضنة ولدها/صل على النبي لاترمي ولدي بعين ياخالد ترى هذا كل
    حياتي!!!!
    خالد برجاء/طيب وانا مو كل حياتك؟؟؟ليش ماتضميني مثله؟؟؟؟؟
    //////////////////////////////////////////////////////
    ام عادل/والله خوش طبخة...تسلم يد اللي جايبها....
    ام محمد/اكيد احمد..ماحد يجيب لنا ها الاكل الزين الا هو؟
    مرام/جدتي شكلك شبعانة ومالك نفس تاكلين؟
    هند/من البيتزا اللي اكلتها قبل شوي؟
    الجدة/لو اكل سم ناظروني فيه!!!لا ماني شبعانة وبرجع اكل اكثر من قبل بعد وخل اللي
    بيناظرني يموت من الحسد؟؟؟
    هيفاء/جدتي الله يهداك منو اللي بيناظرك؟
    الجدة/انتوا؟؟انتي وامك واختك وخالتك وبنتها وبنتي وبناتها؟؟
    ام خالد/لاحول!!!يمه ليش تقولين كذا؟؟
    ام عادل/ماعليك منها بس ياوخيتي يام خالد وطنشيها واكلي وماكاْنك تسمعين؟
    الجدة/أي علميها على العقوق؟؟
    هند شرقت بالعصير وهي كاتمة ضحكتها....
    ام محمد/وينها مها؟
    مرام/تتغذى مع خالد؟
    الجدة/عساها ما تشبع!!!!قليلة الادب؟
    ام خالد/وش فيها بنتي اسم الله عليها؟؟؟مسوية شي غلط؟
    الجدة/أي وكبير بعد بس حسابي وياها بعدين ياتعتدل يابهددها؟
    ام خالد بخوف/وش سوت؟
    فاتن/خالتي انتي تصدقين امك عاد؟؟؟امك حتى جنوب افغانستان مايصدقونها؟؟؟؟؟
    مرام/أي والله صدقتي....
    الجدة/مو طالعة على غريب..على امك؟؟؟هذا انتوا فريتوا مخ ولدي علي وصار
    مايكلمني؟؟؟؟
    هيفاء/جدتي عاد من متى ابوي مايكلمك؟؟انتي الصبح كنتي تفطرين معه؟؟؟؟
    الجدة/انتي بعد مالك شغل؟؟كلكم مالكم شغل فيني ماابي احد يكلمني ويحط لساني بلسانه؟
    ام عادل/فكة منك والله؟؟؟يعني الكل بيعيش مرتاح مدام انه مابيحط لسانه بلسانك؟؟؟واذا
    مابتكلمينهم لاتامرين عليهم بشي يسوونه لك؟؟
    الجدة بقهر/انتي ليش تكرهيني وتحرضينهم يكرهوني؟؟
    ام عادل/لانك معذبتهم؟؟؟يامرة خافي ربك انتي عجوز مابينك وبين القبر شي حني عليهم
    باخر ايامك خلهم يتذكرون لك الشي الزين مو كل افعالك شينة؟؟؟؟
    الجدة بغضب/انا عجوز؟؟؟؟وانتش بالله شتطلعين؟؟؟؟
    هند اخذت صحنها وقامت/انا بطلع اتغذى بره لانها بتحمى كثير اللحين وبتشوفون؟؟؟؟
    ///////////////////////////////////////////////////////
    احمد/محمد ماعجبتك الطبخة؟؟؟ترى والله تهبل؟
    محمد اللي كان سرحان/بلى خوش طبخة....
    عادل/مو مبين يعني مااكلت منها شي؟
    ابو محمد/خالد وينه؟
    احمد/مع اخته يتغذى....
    ابو محمد/جدتكم اكيد بتعجبها الطبخة؟
    احمد/جدتي وش اللي مايعجبها؟؟؟
    عادل/لاتسمعك وتروح فيها؟؟
    احمد/عادي يبى تعودنا عليها نطلعها شوي وناخذ لها شوكلاته لو بيتزا وترضى؟
    محمد/ههه لاتخاف ياعادل كلنا نعرف نرضيها اذا زعلت؟
    مشاري وهو ياكل ولااحد هامه/انا عن نفسي ماتهمني اذا زعلت لاني احس براحة نفسية
    عجيبة؟؟
    احمد بصدق/بس تصدقون تراها طيبة حييل وداخلها قلب يخاف علينا بس ماتطلع شعورها
    الحقيقي؟
    مشاري/مااظن؟؟؟
    محمد بتاْيد/بلى...انا بعد حسيت ها الشي فيها يوم جيت اسافر...سلامها ووداعها كان صادق
    ومن قلب....
    عادل/الله يخليها لكم وييخليكم لها..
    ابو محمد/تسلم يايبى...
    احمد بمرح/بس لو شوسوت تظل كذا احلى بسوالفها وبمقالبها تعطينا جو بالحياة؟؟
    محمد وهو سرحان بكلامها لمها يوم فشلتها/مو دايم ساعات يقلب الموضوع دموع وحزن...
    احمد فهم ان مها هي المقصودة وسكت...
    ابو محمد/وين الشطة ماجابوها؟
    احمد/عنك ياخال..استريح انا اروح اجيبها لك؟
    ابو محمد يكلم مشاري/ماتقوم بدل ولد عمتك؟
    مشاري/اذا هو ملزم خله يقوم يحرك جسمه
    شوي؟////////////////////////////////////////////////////////////////////////////
    خالد ومها كانوا باسطين لهم بره وبعيد عن الخيم شوي وقريب من سيارة خالد.....
    خالد/يالله مهاوي لاتزعليني انا اقول اني بفتح نفسك للاكل؟
    مها مامدت يدها بصحنها وكان بالها مشغول..
    خالد/طيب اللحين وش مزعلك بعد!
    مها/احنا ليش كذا عايشين ياخالد ليش؟؟؟
    خالد ترك الملعقة وناظرها...
    مها بحزن/ابوي اذا جيت لاابوته وعاطفته وحنانه وحبه وخوفه لنا وعلينا مامنا ياخالد بين
    كل الناس!!!بس اذا السالفة فيها خالي وعياله ينقلب؟؟ليش؟؟
    خالد/وش تبيني اسوي يعني يامها؟
    مها برجاء/خالد...ابوي ليش يكره خالي؟؟؟
    ناظرها خالد بدون أي تعليق....
    مها/انت عارف انا متاْكدة انك عارف وماتبي تتكلم؟
    خالد/وليش ماتسالي ابوي هذا السؤال بنفسك بدل ماتطلبين الاجابة من غيره؟؟
    مها/.................
    خالد/مها...ابي اقولك شي واحد بس من خلال اللي صار لي كله....اذا انتي مقتنعة بالشي
    اللي تسوينه وشايفة الناس ومقيمتها بمنظارك لاتخلين أي احد بها الكون يلعب بافكارك
    ويغير لك مبادئك اللي انتي مقتنعة فيها؟؟؟
    مها/شتقصد ياخالد؟
    خالد/انتي فاهمتني زين وانا اقولك ها الكلام من خلال تجربة انا مريت فيها وفشلت تدرين
    ليش لاني مو مقتنع في أي شي سويته من الاساس؟؟؟لابزواجي اقتنعت ولابطلاقي ولالاني
    سمعت لاامي وابوي بلحظة من اللحظات وخليتهم يمشون حياتي مثل مايبون؟؟ابوي وامي
    بيظلون اغلى الناس بعيوني وعلى راسي من فوق بس حياتي هي حياتي مايهمني حبهم
    ولاكرهم للشخص اللي انا مقتنع بتمضية حياتي معه يامها.....
    وصل مسج لخالد بها اللحظات وكان من هيفاء(ترى انا ميتة غير من مهاوي ليش انها قاعدة
    تتغذى معك ؟؟؟يالله وريني وش بتسوي علشان ترضي زعلي؟؟؟)
    ابتسم خالد لمها ووراها المسج وقال لها/شفتي مو اقول لك اني ندمان اني بلحظة من
    اللحظات ضيعت حياتي لاني سمعت لغيري وماتمسكت برايي؟؟؟؟
    ///////////////////////////////////////////////////////////
    طلع احمد من خيمة الرجاجيل علشان يجيب الشطة لخاله ولقى هند قاعدة عند خيمة البنات
    مو الحريم اللي يتغذون فيها يعني بعيدة عن ازعاجهم وصحنها قبالها ويادوب ماكلة منه
    شي....
    طبعا هند كانت عاطية الخيمة وجهها وضهرها للي جاي..
    وقف احمد وراها بدون ماتحس له وسوى روحه يخوفها..
    احمد من فوقها/عوووووووووا
    هند انتفضت مرة وحدة/اه يمه....
    وقامت من مكانها واحمد مات عليها من الضحك...
    ويوم شافته انقهرت..
    هند وهي معصبة/ياسخيف!!!!تراك خوفتني بجد؟؟؟
    احمد بضحكة/ههه تستاهلين وش اللي مقعدك بروحك هنا؟؟لايكون بس خايفة من جدتي؟؟؟
    هند/لا بس جدتي وخالتي مسوين حرب داخل ويسدون النفس عن الاكل وجيت هنا اكل
    براحتي؟
    احمد رفع صحنها الصغير وهو يتامله/قلتيلي تاكلين على راحتك!!!!!انتي متاْكدة لمستي
    شي منه؟؟؟
    هند/كاني قاعدة اكل...
    احمد/الله يخلف عليك ياحظي!!!!هاذي ذبيحة يبى ماياكلونها بملعقة وشوكة لا؟؟؟؟هاذي
    بالخمسة وكبسي عليها؟؟؟؟
    هند/................
    احمد/شكلنا مختلفين في ها النقطة كثير؟؟؟
    هند/.............انت وش تبي طالع من خيمتكم ؟
    احمد بضحكة/عارف انك تبين تغيرين الموضوع؟
    هند اسكتتت ونزلت راسها بالارض.....
    احمد/موعدنا الليلة ان شاءالله؟
    هند/أي موعد؟
    احمد/وش فيك فزعتي؟؟انتي مو متفقة تعطيني اللي ابيه؟؟؟
    هند/اللي تبيه بحدود يااحمد مو ..
    قاطعها احمد/عارف ياهند عارف بس صدقيني انا ماراح اقل ادبي معك ابدا!!!!
    هند/........وش تبي؟
    احمد/شوفي الليلة خالد بيطلع البنات وبيوديهم العزيزية وبيروحون يتعشون وبعدها
    بيسهرون عند البحر لازم تكونين موجودة معهم؟
    هند/أي بس هم ماقالوا لي؟؟
    احمد/هذا لانهم مابعد عرفوا خالد ماقال لهم لللحين بس اكيد انه بيقول لمها علشان تقولهم
    يجهزون...
    مشاري من وراهم/هاذي الشطة اللي رايح تجيبها؟؟
    لفوا اثنينهم على مشاري اللي وراهم وهند دق قلبها؟؟؟؟
    ////////////////////////////////////////////////////
    الجدة/قايلة انا ماحد غير ولدي حبيبي الا انتي ي ام السحور والدواهي؟؟؟
    ام عادل/اذا انا ام سحور انتي وش تطلعين ياحظي؟؟؟
    الجدة/انا المسيكينة انا!!!!!انت عبيد ماكفاك تاكل من صحنك بس شفتني اسولف مع خالتك
    مديت يدك على صحني!!!!ماتشبع انت يااالبالونة؟؟؟؟؟
    هيفاء بزعل/لاتقولين كذا عن ولدي؟؟
    الجدة بحقد/شوفي مو قادر يتحرك خيرتنا بنفقع البالونة كان يضعف شوي ها السمين!!!!
    هيفاء شالت ولدها وقامت من السفرة..
    ام عادل بصرامة/قعدي بس قعدي؟؟؟
    هيفاء بزعل/شبعت خالتي الحمد لله...
    الجدة/أي الام ماتاكل شي وولدها ياكل عنها وعن بلد ؟؟؟؟؟؟؟يعوض اكل امه اللي
    ماتاكله؟؟؟
    ام عادل/قعدي بس قعدي ان شاءالله بتسمعين كلام جدتك؟؟هاذي خرفت خلاص وانتهت
    صلاحيتها ماعليك منها بس يمه اكلي الا كل حلو والخير موجود الحمد الله....
    الجدة/لانه مو من عندك من عند ولدي المسكين؟؟؟هو يشتغل ويردح وانتي واختك تزطون
    يا مال الضعفة؟؟؟؟
    كل الوجوده كانت تشوف الفلم السينمائي اللي يتكرر كل ماشافت الجدة ام عادل واجتمعوا
    على سفرة وحدة في البداية كان اللي يزعل واللي يتضايق بس اللحين لا خلاص صارت
    عندهم مناعة صاروا يكملون اكلهم وسوالفهم طبيعي لان ها الموقف صار شي عادي
    بالنسبة لهم!!!!!!!!
    /////////////////////////////////////////
    مشاري/وينها الشطة يابو شطة انت يالزعيم؟؟؟
    احمد بضحكة/مو ياالحبيب انا شفت اختك طالعة من الخيمة وقلت لها اذا ماعليك امر جيبي
    الشطة ابوك يبيها قالت انها حالفة ماتدخل الخيمة مرة ثانية؟
    مشاري/وليش ان شاءالله؟
    هند كانت ساكتة وتسمع لااحمد وبس!!!!
    كمل احمد كلامه بثقة/لان جدتي رجعت لها النوبة من جديد؟؟؟
    مشاري/لا!!وناسة اروح اتفرج اجل..
    احمد/من قدك تشوف الكل حلال عكسنا مالت علينا!!!ياليتني للحين صغير؟
    **********************************بعد العصر...
    مها/هاي بنات وحشتوني..
    فاتن كانت منسدحة تسولف مع هيفاء اللي كان عبود نايم بحضنها....
    فاتن/بجد؟؟؟مانصدق عاد؟؟؟كنك اول مرة تشوفين اخوك مهاوي هانم؟؟؟
    مها/ههههههه حبيبي هذا مو بس اخوي ....
    هيفاء بحسد/الله يهنيه فيك ويهنيكي فيه!!!
    مها قعدت جنبها وهي تضحك/ههههههه ترى مو عارف وش يسوي علشان يرضيك
    المسكين؟
    هيفاء بدلع/لاوالله!!صدقتكم انتي واخوك؟
    فاتن/وشنو قرر؟
    مها/والله مدري تركته براحته يقرر وجيت لكم لانكم وحشتوني؟
    فاتن/اقول ماوحشتك جدتك؟؟؟روحي قعدي معها تراها ماتكلم احد تقول ماتبي احد منكم
    يكلمها؟؟؟
    مها/جد والله؟؟؟يوم المنى هذا!!!
    فاتن وهيفاء/ههههههههههه
    هيفاء/ماشفتيها وش سوت فيني وفي ولدي على السفرة اليوم ؟؟؟
    مها/الحمد الله اني مو موجودة لاني مو قادرة اسمع منها شي زيادة بعد السم اللي سمعتني
    اياه؟؟؟
    فاتن/ههههههه تراها هددت امك وقالت انك قليلة ادب وبتوريك شغلك اذا شافتك؟؟
    مها/بعد!!!!!
    هيفاء/ياربي على جدتي والله انها غريبة مو مثل الجدات اللي بالعالم ويحبون عيالهم...بس
    تراها على هذا كله عندها قلب يحبنا ويخاف علينا حتى رغم انها تحلول تغلف مشاعرها بها
    البرود والا مبالاة؟؟؟
    مها/مو صحيح مااصدق انا؟؟
    هيفاء/جد..انا اول مرة اشوف دموعها الحقيقية يوم يسافر محمد اخوي كانت تبكي من قلب
    وكسرت خاطرنا كلنا.....
    مها نزلت راسها من جا طاري محمد...
    فاتن/مهاوي خلاص بلا حساسية مو انتي تقولين ان..
    مها/عادي مافيني شي لاتخافون...بس طاريه يخليني اسرح غصبا عني!!!!!!
    ///////////////////////////////////////////
    خالد/وش بغيت مني؟؟تعال وتعال وبعيدا عن الكل؟؟؟
    احمد برجا/طلبتك قول تم؟؟
    خالد/تم وانا مدري وش صاير؟؟
    احمد/انت قول تم ومابيصير الا الخير ياخوي؟؟
    خالد/زين فهمني شالسالفة؟
    احمد/انت بتقول للبنات انك بتطلعهم تمشيهم بالعزيزية بعدين بتوديهم مطعم فخم على
    حسابك بما انك مدير شركة مو مثلي شحات وجدتك ناهبتني نص الحلال؟؟وبعدها توديهم
    البحر يسهرون هناك؟؟ها تم!!!!
    خالد/..........
    احمد بفرح/شكله تم مشكور يابو عبدالله هذا العشم فيك واللله يالغالي ان شاءالله نقوزم
    ونرقص بعرس عبادي....
    ولف بيمشي ومسكه خالد من ثوبه ولفه له..
    خالد/تعال انت تعال!!!وش اعزمهم وش اسهرهم؟؟مافهمت شاا السالفة بالضبط؟؟؟
    احمد/لاتصير لوح ياخالد عاد؟؟؟
    خالد وهو فاتح عيونه على وسعها/انا لوح؟؟؟
    احمد/انا بس اتخرج شكلي انا اللي بمسك الادارة مو انت انت ماتصلح لها ياخوك؟؟؟
    خالد/تكلم عدل لاادوس ببطنك اللحين؟
    احمد/يااخي قلت لك اللي عندي وش اسوي فيك بعد؟؟؟
    خالد/وليش هذا كله؟؟
    احمد/........
    خالد/هند صح؟؟
    احمد/أي...ابي اتكلم معها شوي بهدوء... وهي ماترضى اكلمها على جولها....وهني مايمدي
    كل شوي وقطو ناط في وجهك ساعة جدتي ويامكثرها ها الساعات وساعة مشاريوه الزفت
    وساعة وساعة وساعة؟؟؟؟ساعدني يااخوك واوعدك اضبطك مع ام عبادي؟؟
    خالد/مو محتاج احد يضبطني انا اعرف اضبط روحي بس مو مشكلة ولدي يحبك ومتلعق
    فيك كل ماقلت له مابسوي لك قال عمي احمد بيسوي ..اول مرة اشوف واحد يحب عمه
    اكثر من ابوه؟؟
    احمد/هذا لان الموضوع راجع لسببين:اولهم ان عبادي كله نظر والثاني انه طالع اصلا شبه
    عمه احمد مو ابوه الله لايبلانا!!!!
    ////////////////////////////////////////////
    هيفاء بالخيمة مع البنات...
    هيفاء/عبود خلاص قوم صار لك ساعة نايم...يالله قوم....
    فاتن/خليه نايم وفكينا منه اذا قعد بيقعد يزن؟
    هيفاء/وعلشان انا اللي ابتلش فيه بالليل واسهر معه؟
    مها/ارميه على ابوه الليلة؟؟
    هيفاء/فكرة معقولة ...عبود يالله قوم حبيبي...
    عبود/لا بنام بعد شوي...
    مها/قوم هناك عمك عادل يقول بيلعبك قوم يالله بسرعة....
    عبود/بعدين....
    دق جوال هيفاء وكان خالد المتصل.....
    هيفاء/هلا حبيبي....قاعدة اصحي عبود مو راضي يقوم....صحيح ليش داق انا ماكلمك
    ياالخاين انت واختك ولاتعزمون بروحكم تتغذون؟؟؟.....اي...وش
    بتسوي...متى؟..اليلة...طيب...قول لااختك علشان تصير هي بالواجهة مو انا,,,كيف....مو
    مشكلة يعني عطيت ابوي خبر....وهذا علشان ترضيني ولاعلشان شي ثاني؟؟؟ههههه طيب
    حبيبي...اقول ماتبي عبود...مو راضي يصحى......يالله باي...
    فاتن/و ش عنده وجه النحس خلود؟؟
    مها/انا مابتكلم انتي تكلمي؟
    هيفاء تقربت من جزمتها واخذتها ورمتها على فاتن اللي تعورت..
    فاتن/عساه مايربح ان شاءالله؟؟تعورت بجد هيفوا؟
    هيفاء/تستاهلي كم مرة قلت لك حسني ملافظك على ابو ولدي ولاانتي راضية تصيرين
    ادمية؟؟
    مها بخبث/متاْكدة بس ابوولدي؟؟؟؟
    هيفاء/ههه بعدين اقولك في هنا ناس عوانس مالازم يعرفون كل شي بعدين يجنون
    زيادة!!!!!!
    ///////////////////////////////////////////////////////////////بعد صلاة المغرب جهزوا على
    الاتفاق والحريم ظلوا راسهم براس الجدة مع ابو محمد لان حتى مشاري شبك روحه
    بالطلعة هربا من مطالب الجدة اللي ماتنتهي!!!!!
    مها/ها هند متجهزة وكاشخة؟؟؟وبتطلعين قبلنا عسى ماشر؟؟؟
    هند استحت/ولا كاشخة ولاشي؟؟؟كلها بكلها عباية مسترة علي ولا انا الصدق الصدق طالعة
    ببيجامة؟؟؟
    مها/هههههه يحليلك...وين خويتك قولي لها ترى بنمشي كاهم كلهم عند سيارة خالد.....
    هند/بناديها وبجي معها..
    مها/خلاص انا مشيت.....مو تتاخرون...
    راحت مها وهند وقفت عند الخيمة تنتظر مرام اللي بتجيب الديفيدي وبتجي....
    واحمد ماشافها عند السيارة جا يشوف وش سالفتها...
    كانت واقفة وهي تغني بروحها قبال الخيمة...(خلاص اليوم بتكلم معه وبشكيه الحال..ولازم
    يعرف ان حبه بقلبي ماهو شوية!!!غلاته وشوقه نسوني شي اسمه راحة البال,,,وحبه
    عامل بقلبي عمايل مو طبيعية.....
    مرام من داخل/منهو هذا؟؟؟
    هند/مالك شغل يالله اخلصي كلهم مشوا يابنت الناس ماظليت الا انتي وانا والعو؟؟؟؟
    احمد ماقدر يمسك نفسه وضحك بقوة ولفت له هند..
    هند بعصبية/انت وش تسوي عندك؟؟
    احمد/جاي اشوفكم خفت ان العو اكلكم؟؟؟؟
    هند/انا انتظر مرام تطلع وباجي معها؟؟؟
    احمد/يالله لاتتاْخرون لانمشي عنكم؟
    *************تجمعوا الكل وركبوا في سيارة خالد بس اللي ساق فيهم احمد علشان
    لاتصير حزازيت ولاشي...ولان ماحد يدري عن احمد وهند غير خالد....
    والشباب ركبوا مع محمد بسيارته......
    ////////////////////////////////////////
    ****في سيارة خالد كانت السوالف قايمة....والدنيا دنيا عكس سيارة الشباب اللي مافيها غير
    صوت مشاري يلعلع؟؟؟
    //////********مرام/اقول اخوي وين بتعشون؟
    احمد/انتي للحين عايشة مامتي؟؟
    ضحكوا البنات عليه..
    مرام/اسم الله علي؟؟ليش تبيني اموت؟
    احمد/لانك قاهرتني؟
    هند /وش مسوية لك عاد؟
    لف احمد لها/منهي اللي تكلمت؟
    هند وقف قلبها هي عارفة اني يعرف صوتها بس عناد يسوي ها الشي وها الحركات...
    مها/اقول لف بس لاتصدم فينا؟؟؟
    احمد/عادي مافي غيري وغيرمحمد نمشي بها الدرب يعني اذا صدمت مابصدم غريب
    بصدم محمد؟
    هيفاء/ياسلام عليك؟؟بايع اخوي بالسوق؟؟والله مااتنازل عن دم اخوي لو يصيبه شي؟؟
    احمد/اسمع ام عبدالله بعد وش تقول؟
    فاتن/الحق حق ولدنا ودمه غالي؟؟؟
    احمد/وين تبون تتعشون؟
    مها/ليش وين ناوي تودينا؟؟
    احمد/من عيوني وين تبون ان شاءالله بوفية ذاك الهندي اللي تمرض ماعندي مانع!!!
    هيفاء/قدرنا عنك؟؟
    احمد/ههههه امزح معكم وش فيكم انتو؟؟بنات شغلكم بس تزعلون؟وين تبون يبى اشروا
    على اغلى مطعم ولايهمكم نوديكم له؟؟؟
    هيفاء/يالله بنات خلوا الشرانية اللي فيكم تطلع ودورا على اغلى مطعم تعرفونه؟
    مرام/السنبوك؟
    فاتن/الحلويات الفرنسية..
    مها/جندولا..
    هيفاء/ميغل...
    احمد/مشاءالله حافظين بعد اسماء المطاعم الغالية؟؟؟طيب التصويت اللحين على المطاعم
    الرخيصة؟
    قاموا عليه البنات..
    مها/مايصير انت قلت مطعم فخم؟
    فاتن/خلك رجال وعند كلمتك؟
    احمد/تدرون شلون وش رايكم في بوفيه مفتوح؟
    هيفاء/موافقين طبعا!!!!
    مرام/وين..
    احمد/بالكارلتون معيبد... ها موافقين؟
    مها/بدون أي تردد....
    احمد/ولايهمكم مدام بو عبدالله هو اللي بيدفع وش ماتبون سووا؟
    هيفاء/وش يخص ابو عبدالله بعد!!!!!
    احمد/ههههه ها هيفاء كنك بتتراجعين؟؟؟يبى العزيمة هو اللي قال عنها وهو اللي بيدفع
    العشى وتوابع العشى؟؟؟
    هيفاء بعد صمت/بنات وش رايكم نتعشى خفايف الليلة؟؟؟
    هههههههههههههههههههههههههههههههههههههههههه
    ************وصلوا عند الفندق ونزلوا...
    احمد/اقول خالد......
    خالد تقرب منه وكان احمد بعده جنب البنات..
    احمد/ترى ام عبدالله اللي اختارت الفندق هذا وناوية الليلة عليك حالفة تفلسك؟؟؟؟؟
    /////////////////////////////////////////
    بعد ماتعشوا في جو هادىء وبرواقة وبعيدا عن الجدة وحنتها كانت في بره القعدة بركة
    وحوالينها طاولات وكراسي,,,
    وكانت هند عند الحلى..
    احمد من وراها/اخذي حلاك وطلعي بره انا قاعد انتظرك باخر طاولة ولاتشيلين هم شي...
    هيفاء راحت مع ولدها بقاعة الالعبا مع هبة وجود..والشباب يسولفون وماظني يقومون
    اللحين وباقي البنات قايمين قاعدين ومابيلاحظون غيابك؟
    هند بخوف/بس..
    احمد/يالله بسرعة....
    طلع وجلس ينتظرها وبعد شوي جت وهي خايفة...
    هند/احمد..
    احمد/اقعدي ان شاءالله بتظلين واقفة؟
    هند قعدت وهي مرتبكة....
    احمد/انتي ليش خايفة؟؟ماحد بيلاحظ شي صدقيني؟؟؟
    هند/واذا احد لاحظ؟
    احمد/احنا قاعدين ناكل ونسولف وين الغلط بالله؟
    هند/.............
    احمد/............
    هند/وش تبي مني؟
    احمد برومنسية/تصدقين على كثر ماانا بذبح نفسي علشان اشوفك واطلب منك تسوين لي
    أي شي ماني لاقي أي شي اطلبه بها اللحظات؟؟
    هند بندفاع/يعني اقوم!!!
    احمد/هههه وش بلاك انتي!!!!مو لهدرجة اخوف انا!!!!!
    هند/مو قصدي بس اذا ماعندك شي...
    احمد/ابي اعرف شي واحد بس اهند...احساسك ناحيتي شنو؟
    هند ماتوقعت سؤاله يمكن هي عارفة انه يبي يعرف بس ارتبكت من ها الشي وماتكلمت..
    احمد بحنية/بس ابي اعرف شعورك ناحيتي شنو؟
    هند/..................
    احمد/تكرهني؟؟؟ولاتحبيني؟؟؟ولا مالي أي تاْثير بحياتك؟
    هند/خليني اقوم؟؟
    احمد باصرار/مو قبل اعرف شنو احساسك ولعلمك هذا مو طلبي طلبي بعدين بيجي هذا
    بدل ذيك الليلة يوم تقطع علينا مرام سالفتنا؟؟
    هند/احمد...انا....
    احمد/أي...قولي...
    هند بياْس/انت وشمستفيد اذا عرفت شعوري ماتقولي بالله!!!
    احمد تنهد/برتاح ياعمري برتاح!!!على الاقل مابحس اني قاعد احب من طرف واحد
    وحبيبيتي ماتبادلني شعوري!!!ماتدرين شقد صعب تحبيني وغيرك مو عارف لك قيمة؟
    هند/والنهاية يااحمد شنهي؟؟؟بعد الحب شنو بيجي؟؟
    احمد/.....انتي ليش تحطميني دايم وكاْني انا السبب!!!
    هند بانفعال/انا مو قصدي بس اذا انت حاط في بالك تتسلى فيني وتلعب بمشاعري حرام
    عليك!!!واذا كنت صادق بيتك يااحمد ترى طريقنا مسدود وماله نهاية؟؟؟اللي اكبر مني
    ومنك واسمن...ماهم قدرين يلتقون والسبب ابوك احنا بنلتقي يااحمد؟؟؟
    احمد بهيام/بس انا ابيك وارفض الواقع!!!هذا الواقع اللي هم عايشين علشان ابوي انا
    ارفضه وبشدة انا اللي بتزوج مو هو ياهند ومايهمني اذا وافق على زواجي ولالا؟؟؟ماابيك
    تعتبرينه عصيان وعقوق لاابوي لا؟؟؟انا اخترتك وانا عارفك وعارف اصلك وتصرفاتك
    وهو ماله حق يمنعني اخذك ويمنعك تاخذيني ويمنع راسين تتوفق بالحلال!!!!...
    **********************************بعد ماخلصوا عشى راحوا كورنيش الخبر مثل
    مااتفقوا من البداية..
    وكانت هيفاء قاعدة تمرجح عبود...
    ووراها كان خالد ..
    خالد/مبسوطة؟
    لفت عليه.../طبعا مبسوطة يوم ان حبيبي عبودي مبسوط؟
    خالد/اوووف انتي ليش دايم تضايقيني وتحسسيني اني ثقيل دم وان مالي قيمة عندك مثله؟
    هيفاء/ههههههه
    خالد/انبسط حضرتك هذا انت ماخذ كل وقتها؟؟
    عبود/ههههههه
    خالد بقهر/تصدقين ودي اذبحه؟؟
    هيفاء/حرام عليك !!!انا ودي اكله؟؟
    خالد انقلب بزر وتلزق فيها/اكليني انا هذا انا موجود؟؟
    ناظرته هيفاء بدون ماتعلق؟؟؟
    خالد/وش تبين اسوي لك علشان ترضين عني وتحبيني اكثر منه!!!
    هيفاء/خالد انا ماابي شي منك صدقني ماابي غير شي واحد بس ياخالد....ان احنا نكون مع
    بعض ونعيش مع بعض ومايفرقنا شي بعد اليوم انا وانت وعبود؟؟؟
    خالد بحنان/تطمني يالغالية تطمني؟؟؟بنكون مع بعض وماراح يفرقنا شي بها العالم كله!!!
    هيفاء/توعدني ياخالد..
    خالد/اوعدك احياة خالد اوعدك...
    ///بجهة ثانية كانوا فاتن ومها يتمشون عند البحر ومرام وهند قاعدين عند الكراسي واحمد
    يغمز لهند انها تقوم وهي تاْشر له انها ماتقدر تترك مرام وهو ميت قهر!!!!!
    مها/وش فيك انتي مالك خلق شي؟
    فاتن/تتوقعين عنودوا وش تسوي اللحين؟
    مها/يابالسوق يايتمشون يا الله اعلم؟؟يعني ثنين بشهر العسل وش بيكونون يسوون اللحين؟
    فاتن/وانا لو ادري سالتك؟؟؟؟
    مها/هههههههه
    فاتن بجدية/مها....محمد واقف بروحه روحي له؟
    مها وقفت ودق قلبها/انا اروح له؟؟ليش؟؟؟مستحيل طبعا!!!
    فاتن/وليش مستحيل طبعا!!!مافيها شي روحي وسلمي عليه ساليه شرايك بالجو اخذي
    واعطي معه؟
    مها بصرامة/لا...هو ماله خلقي اصلا؟؟
    فاتن/لاتقعدون تكذبون على نفسكم؟؟؟اثنينكم تبون بعض وتبون تسولفون بس كل واحد
    كبرياه مانعه من ها الشي وكانه عيب انه يبد ي الخطوة الاولى؟؟؟صدق انكم
    مجانين؟؟؟ومسكتها من يدها وسحبتها للمكان اللي واقف فيه محمد قبال البحر مباشرة وسط
    اعتراضات مها....
    وقفوا قباله ولف لهم..
    فاتن/محمد انت هنا؟؟خسارة ماشفاك من شوي؟؟
    محمد/خير ان شاءالله؟
    فاتن/لا بس كان واحد مضايقنا ويمشي ورانا بس اختفى فجاْة ولو شفناك هنا قبل شوي كان
    وريناك اياه؟
    مها وقفت مكانها فاتن تطلع سوالف ماحد يدري من وين؟؟؟؟
    محمد وهو يناظرهو بالخصوص مها/من زين اللبسة عاد!!ماحد قال لكم تلثموا؟؟؟ياتتغطون
    ياتتنقبون كذا اللي له شغلة واللي ماله بيجي يتحرش طبعا!!!!
    فاتن/ياشينك يامحمد اذا تكلمت كذا؟؟؟
    محمد/وكان متقصد مني فيكم؟؟
    فاتن بخبث/ليش هي بتفرق عاد؟؟انا بنت خالتك وهي بنت عمتك؟؟؟؟
    محمد/ها..اي ماتفرق بس....عدلوا لبستكم احسن؟؟؟
    فاتن/يو انا اعرف هذي اللي تمشي؟؟؟خلك هنا مهاوي لاتتحركين بعدين مالاقيك؟؟؟
    مشت وتركتهم بروحهم وهي تمشي قدام حييل وكانها صدق تعرف الانسانة اللي مشت!!!
    ومها درت انها مورطتنها بس خلاص اكلت المقلب بعد لاحول ولاقوة؟؟؟؟
    ظلوا واقفين يناظرون في بعض شوي وبعدها لفت مها وتسندت على الحاجز اللي بينها
    وبين البحر....
    محمد تقرب منها بدون مايقول شي....
    مها/,,,,,,,,,,
    محمد/........
    محمد/مها..انتي ليش زعلانة؟
    مها بغصة/انا مو زعلانة.....
    محمد بحنان/شوفي نظراتك وبتعرفين شقد انتي زعلانة؟؟؟
    مها/وش تبي يكون بنظراتي يامحمد....الحمد الله على كل حال؟؟؟بس يقولون المطلقة عار
    حتى على نفسها وانا مطلقة يعني عار حتى على نفسي؟؟؟؟
    محمد لف لها وهو معصب/يخسون اللي يقولون؟؟؟؟انتي مادخلتي عليه حتى!!!كيف
    يفكرون فيك على انك مطلقة ......يعني انتي...
    مها/ببقى مطلقة يامحمد سواء دخلت عليه ولامادخلت!!!وبعدين الناس مالها الا
    الظاهر؟؟؟ماتدري الحقيقة شنو؟
    محمد/انا واحد من الناس ماتهمني الحقيقة ولا يهمني اعرف حتى اسباب طلاقك يامها؟؟؟؟انا
    اخاف واستحي اقولك اني انبسطت لما عرفت انك تزوجتي الصبا وتطلقتي الليل؟؟؟استغفر
    الله بس ماكان ودي تاخذينه وت...
    مها قاطعته/محمد..انا بحياتي ماحبيت غير انسان واحد وببقى على حبه لين الموت!!!بس
    ها الانسان يامحمد ......
    محمد كان يناظرها ويناظر الدموع اللي طاحت من عيونها ومنعتها تكمل حكيها...
    محمد/مها.....
    مها قامت تبكي وقعدت على الاض تكمل بكيها...
    محمد ركع لمستواها وهو خايف عليها...
    محمد/مها وش فيك؟
    مها/روح يامحمد روح....بعد عني احنا بمكان عام ماابي احد يشوفك وانت بقربي........انا
    مالي حظ بالدنيا ابدا!!!بظل شايلة الهم طول عمري؟؟؟
    محمد/مها لاتقولين كذا.....
    مها بصرامة/امشي يامحمد لو مامشيت بمشي انا؟؟؟
    ////////////////////////////////////////////
    فاتن صارت تمشي بروحها لين شافت عادل واقف بروحه بس شلون تروح له شلون وبدون
    سابق انذار جاها ولد راكب زلاجة وطيرها على الارض وصرخت صرخة متعمدة رغم
    انها ماتاْلمت بس علشان يسمعها عادل وكاهي جتها الفرصة من ذهب؟؟
    وانتبه لها عادل وجاها يركض..
    عادل بخوف/تالمتي؟؟؟
    فاتن/جعل الله ياخذه ها البزر الشيطان؟؟؟
    عادل كرر نفس سؤاله/تاْلمتي؟؟؟
    فاتن/لا...
    عادل/اكيد...
    فاتن/اممم...
    عادل/ماتبين نقول لهم نمشي خلاص.....اذا حاسة نفسك مو قاوية..
    فاتن وقفت/لاعادي بس كنها فشلة اني طحت قدامك؟؟؟
    ابتسم لها عادل/فشلة تطيحين ولا الحسن تتعورين؟
    فاتن بدلع/اتعور ولاانك تشوفني طايحة؟؟؟
    عادل ظل يناظرها وفتحت هي لثامها على اساس انها بتعدل شيلتها.....
    عادل شال شنطتها من على الارض.....
    فاتن/خلاص عطني الشنطة شكرا..
    عادل/وين جماعتك...ليش تمشين بروحك؟
    فاتن بدلع/صاحبتي اخذها صاحبك!!!والثانية ضاعت مدري وينها فيه؟
    عادل/ممكن اطلب منك طلب بس ماتنفعلين ولا تفهمين غلط؟؟؟
    فاتن/خير,,,
    عادل/ممكن اخذ رقمك وادق عليك؟؟
    فاتن بدلع/ليش؟؟
    عادل ارتاح انها ماعصبت مفكر انها بتعصب يعني/بس كنت بسولف معك على راحتنا لو
    ماعندك مانع؟؟
    فاتن مسكت جوالها /ادز لك اياه ولا بتسجله عندك؟؟؟؟
    //////////////////////////////////////////////////////////في سيارة البنات كانت التعليقات على
    اللي صار....
    عبود/ماما ابي ايسكريم....
    هيفاء/من عيوني..انت تدلل ياحبي لك الدنيا ومافيها؟؟احمد الله يعطيك العافية وقفنا عند
    باسكن؟؟
    احمد انقلب هندي/ماما هيفاءخلاص انا في تعب اليوم واجد مشاوير من الصباح؟؟مافي
    اسكريم لعبود؟؟؟
    ههههههههههههههههههههه
    هيفاء/ترى مانعطيك راتبك ها الشهر اذا بتعاندنا؟
    مها/مو كذا ترى خالد مابيوظفك عنده لاتخرجت وانت مو قايم بطلبات ولده؟؟
    احمد/غبرة بيذلونا على الوظيفة قبل لانستلمها؟؟؟؟يبى حاضر وش تبي بعد عمي
    عبادي؟؟؟؟
    عبود/ههه دانيت؟؟
    احمد/لا عاد مصخت!!!!
    هند/هههههههه يجنن فديته...تبي دانيت ولاايسكريم؟
    عبود/ايسكريم ودانيت وشوكلاته؟
    هند/عادي نمر باسكن بعدين نروح البقالة ونشتري الدانيت.....
    كانت تعني احمد بكلامها وهو فهم كلامها وقام يحوس باشرطة السيارة...ويحط شريط
    ويشيل شريط ويقدم وياخر ومها اللي كانت متابعة الحدث من دون البنات اللي يسولفون
    استغربت/انت وش تدور؟
    احمد/مالك شغل.؟؟
    هند كانت تناظره وهي مو عارفة النهاية شنو بس تناظره حركاته صايرة غريبة وغبية
    بعد,,
    واخيرا لقى اللي يبيه ورفع الصوت على العالي وصوت عبدالمجيد يردح(بس قول ابغى
    واناا قول حاضر,,,انت الوحيد اللي كلامه اوامر,,,وخاطرك عندي مو مثل
    غيرك..خاطرك عندي يسوى مليون خاطر)
    كانت نظرات احمد لهند قتالة بذيك اللحظة بس الغريب ان هند كانت تناظر بنفس الحب
    وبدون ماتشيل عينها مثل كل مرة..,مها متابعة لهم ومبتسمة بس في نفس الوقت ماتبيهم
    يعيشون ها الحب وفي النهاية يكونون مثلها ومثل محمد وعلى طاري محمد جاها مسج منه
    بذيك اللحظات وفتحته(حبك بحر ماله حدود,,,واسمك بقلبي موجود,,, بنتظرك كل
    العمر,,واقضي عمري كله وعود)
    تنهدت وهي تناظر بها المسج اللي ممكن يكون بداية تغير في حياتها من جديد!!!!

    وبالفجر رجعوا كلهم بيوتهم بعد ماقعدوا ثلاثة ايم بالبر وبجو البر وبتعب البر وحلاوته....
    **************الضهر في بيت العواد...
    نزل خالد.../صباح الخير....
    ام خالد/صباح الانوار...ابوك بالمجلس روح شوفه وسلم عليه؟
    خالد/معاه احد؟
    ام خالد/لا...
    دخل خالد المجلس وباس راس ابوه وقعد جنبه....
    خالد/شلون الشاليه؟
    ابو خالد/والله روعة استانسنا؟
    خالد/مو كثرنا مافي مثل حلاوة البر بالشتاء؟؟؟الشاليه لاايام الربيع اللحين الجو بارد مايقدر
    الواحد يسبح بها الجو.....
    ابو خالد/والله اللمة قبل المكان ياخالد؟
    خالد/اللمة موجودة وعلى كيف كيفك...
    ابو خالد ماعجبه وسكت...
    خالد/يبى...متى بنروح نخطب هيفاء؟
    ابو خالد/اوووووووووف خالد وش فيك يبى قابلتها يومين فرت لك مخك؟؟؟وين مرجلتك
    عنها؟
    خالد بعصبية/يبى انا رجال وغصبا عن الكل؟؟؟؟
    ابو خالد/خلاص اجل طنشها؟؟؟
    خالد/وهي وش ذنبها عاد؟؟
    ابو خالد/هي اللي قالت لك تعال اخطبني؟
    خالد/يبى انت وعدتني متى بعد؟؟؟خلاص انا مافيني اقدر اصبر بدون زواج؟؟؟
    ابو خالد/وانا ماابي هيفاء بنت خالك؟؟
    خالد بعصبية/وتبي منو ان شاءالله؟؟؟
    ابو خالد/دور لك وحدة ثانية وبخلي امك تخطبها؟؟؟
    خالد/فروا راسك عمامي وعماتي امس؟؟؟؟؟
    ابو خالد بعصبية/ولد؟؟تكلم عدل؟؟
    خالد بعصبية/شوف يبى انت وعدتني ومالك حجة ماتروح وتخطبها لي؟؟؟؟وبعدين تعال
    يبى خلنا نتكلم رجال لرجال....ليش طلعت مع عمامي بالعيد ومازعلت على اللي صار بين
    سعود ومها؟؟؟تدري ليش...لانك كنت عارف ان سعود متزوج وراضيها لبنتك؟
    ابو خالد/انا صحيح كنت عارف بس ماتوقعت ان مها بترضى عن سعود في النهاية
    وبتاخذه؟؟
    خالد/بس في النهاية قبلت انك تخدع بنتك وتتستر على ولد اخوك؟؟؟؟؟
    ابو خالد/انا كان ودي تاخذ محمد؟
    خالد/وليش ماتبيني اخذ هيفاء؟
    ابو خالد/محمد غير عن هيفاء؟؟؟محمد رجال الكل يفتخر فيه بس هيفاء ماظل احد ماشافها
    بالشرقية؟؟؟؟
    خالد/هاذي قضيتي بروحي....وماهي مشكلتنا؟؟
    ابو خالد/مو خاطبها لك ياخالد هذا اخر كلام.....
    خالد طلع من المجلس بدون مايتكلم وقعد بالصالة....
    وشوي الا بدخلة عمر..
    عمر/خالد كاني مو شايفك بيوم العيد ولاسلمت عليك...كل عام وانت بخير...
    خالد ناظره بدون مايكلمه..
    عمر/خالد انا اكلمك..
    احمد دخل بها اللحظة....
    خالد بهدوء شديد/وانت مو ملاحظ اني من قبل العيد مااكلمك؟
    عمر/............
    خالد/اذا بتبطل عاداتك الشيئة بتنقل الكلام بين الناس وتجسسك علينا علشان توصل الكلام
    لاابوي ساعتها برد عليك؟؟؟اما اذا ظليت كذا لاتحلم انك تكمل حياتك وانت اخوي انا
    مايشرفني اكون اخوك ياعمر؟؟؟
    عمر/انا ماسويت شي غلط؟؟؟ابوي قال لي وانا طعته خوب طاعة الوالدين واجبة؟؟؟
    خالد/بس انت كبير وعندك عقل علشان تعرف اذ ا ابوك يبيك تنقل الكلام لفتنة ولا لشي
    ثاني؟؟؟
    دخل ابو خالد ووقف جنب احمد...
    خالد/ابوي غلط تقوم انت تغلط مثله بعد ياعمر؟؟؟بعدين تعال انت ليش ماتروح عند خالي
    ابدا وش قايل لك ابوي عنه بعد سمعني؟؟؟
    ابو خالد بعصبية/انت بتاخذ مكاني بالبيت بعد ياخالد؟
    خالد/يبى..عمر صغير وانت قاعد تعلمه على طبايع ماهي زينة بتضره مابتنفعه اذا كبر؟؟
    ابو خالد/انت مالك شغل؟؟عيالي واربيهم بكيفي سمعتني؟؟؟
    خالد/لا يبى ذولا اخواني وماارضى عليهم ابدا؟؟
    ابو خالد/كذا يعني؟؟؟روح دور لك بيت ثاني واسكن فيه ياولدي العود يابكري؟؟؟؟بيتي
    يتعذرك اذا بتتدخل في تربيتي لعيالي؟؟؟؟؟
    قام خالد وطلع بدون أي كلمة...
    احمد/يبى شها الكلام؟؟؟
    ابو خالد/انت اسكت ولاكلمة؟؟؟؟لا الحقك اخوك اللحين؟؟؟رجاجيل بالاسم بس ولاانتوا
    خرطي؟؟؟؟
    /////////////////////////////////////////////////////////
    العصر...


    هيفاء/ليش مادقيت اليوم؟
    خالد وهو متنرفز/بس متضايق شوي....
    هيفاء/خالد قول الصدق وش فيك؟
    خالد/ولاشي..
    هيفاء/طيب وينك فيه؟
    خالد/ماسك خط الرياض ...
    هيفاء بفزع/ليش؟؟؟
    خالد/هيفاء بتزعلين لواني خطبتك بدون ابوي؟؟؟
    هيفاء حست ان في سالفة صايرة بينه وبين ابوه بسببها...
    خالد/جاوبيني؟؟
    هيفاء/خالد ...ابوك مايبيني صح؟
    خالد/سالتك وماقلتيلي؟
    هيفاء بغصة/اذا بتوعدني انه ماراح ياْثر على علاقتنا من جديد فموافقة ابوك وجيته من
    الاساس ماتهمني!!!
    خالد/حبيبي احمد داق علي بكلمه وبرد لك خبر بعدين؟؟؟
    هيفاء/ماشي يالله انتبه على نفسك....
    خالد/هلا احمد..
    احمد بضيق/وينك انت ياخالد؟
    خالد/ليش تسال؟
    احمد/خالد...ابوي تهاوش مع امي هوشة كبيرة والسبب انت وطلعتك من البيت؟
    خالد بعصبية/يتراوالي هو اللي طردني مو طلعت بكيفي؟؟؟
    احمد/مو هاذي السالفة ياخالد..ابوي حلف اذا ماترد البيت بيطلق امي ؟؟
    خالد/شنو؟؟؟
    احمد/وقال لها تكلمك وتروح تسكن عندك اذا ماغيرت انت رايك؟؟؟؟؟
    خالد/وش ها الكلام الفاضي؟؟؟
    تغير الصوت باذن خالد من احمد لاابو خالد..
    ابو خالد/للي سمعته ياخالد ياترد البيت وانت شايل بنت ابليس من بالك؟؟ولاامك طالق
    وخذها عندك ماتلزمني؟؟؟
    خالد بعصبية بعد ماضرب بريك قوي/يبى انت شقاعد تقول؟؟؟الله يهداك بس انت بتحط
    هيفاء وبتحط امي؟؟؟؟
    ابو خالد/هذا اللي عندي وماعندي غيره؟؟
    خالد بعصبية/هذا ماهو حكي؟؟؟انت وعدتني وماوفيت بوعدك يبى؟؟؟؟
    ابو خالد بعصبية/لاترفع صوتك علي ياولد؟؟؟؟هذا اللي قاصر بعد انا اربي واكبر وغيري
    يجي ويقلب افكارك علي؟؟؟
    خالد بقمة عصبيته/يبى انا باخذ هيفاء وامي بتظل في بيتها معززة مكرمة ولاتلف وتدور
    انت قلت نختار واحنا اخترنا بعد ليش هذا كله؟؟؟
    ابو خالد/مابعيد كلامي مرتين ياخالد؟؟؟؟اذا قررت تتزوجها فخذ امك معك ياخالد؟؟؟؟
    خالد قام يصارخ ويسب ويلعن وابوه عصب عليه وصارت بينهم مشادة كلامية كبيرة وقفل
    ابو خالد التلفون بوجه خالد وكان مثل البركان...
    ابو خالد بقمة عصبيته/ولد مايستحي ولا يخجل ولاعنده احترام لاابوه؟؟؟هذا كله منها بنت
    ابليس لعبت بمخه؟؟؟؟؟
    احمد/يبى هدي مايصير كذا...وبعدين خالد ماسك خط الرياض؟
    ابو خالد/وش موديه الرياض بالله بها الوقت!!!!!انتوا تجيبون الهم والغم؟؟؟ياشينكم من
    عيال؟؟؟؟
    //////////////////////////////////
    وحده خالد بذيك اللحظات كان مثل المجنون ومو عارف وين يروح ولا شيسوي؟؟؟
    شها القرار الصعب يابو خالد؟؟؟شها الظلم ان صح التعبير؟؟؟في البداية تخيرني بين
    سعادتي وسعادة اختي ويوم اخترنا ماوفيت بوعدك اصلا!!!!
    واللحين جاي تخيرني بينن سعادتي مع هيفاء وبين بيت امي اللي بينهد؟؟؟؟؟؟
    ياهو قرار مر وصعب وظالم!!!!
    شقول لهيفاء اللحين؟؟؟شلوناتواجه معها واقولها؟؟؟؟بتسامحني وبتوقف معي ولا بتعتبرني
    بعتها مثل مابعتها من قبل؟؟؟؟؟
    اه ياحظك الردي ياخالد...اللي يشوفك يقول وش تبي من الدنيا بعد..فلوس وعز وشركة
    وبداية جديدة ..وانت الهم ماكللك من فوقك لتحتك!!!!!اه ياحيرتي اه....شسوي ولوين اروح
    اللحين؟؟؟؟
    انا مالي وجه اقابل هيفاء اصلا!!!!ابيها ياعالم ابيها..ابي اعوضها عن الساعات والدقايق
    اللي عاشتها بهم وضيق بسبتي؟؟؟ابي اعيش انا معها حياة جديدة وكلها حب ووفاء.....
    وابي امي تعيش مرتاحة واخواني يستقرون؟؟؟بس شلون....كل خيار اصعب وامر من
    الثاني ياخالد.....
    مالقى بها الحالة غير انه يرفع جواله ويدق على عادل...الاخ والصديق اللي ماعنده احد بها
    العالم بيتكلم معه بكل صراحة وبدون خجل...
    عادل/ياشينك ياخالد عا!!!ابي انام مابعد ارتحت والله اني مانمت الا الصبح بعدين انا اكلمك
    لاصحيت؟؟
    خالد باسى/عادل...
    عادل بخوف/خالد...وش فيك؟
    خالد/ضايقة فيني ارض الله....مو عارف شسوي؟
    عادل بخوف/انت وينك...خلك مكانك وانا اجيك؟
    خالد/وين تجيني انا ماسك خط الرياض شوي وبرجع امسك خط الشرقية وارد....بس انا
    بحيرة ماشفت مثلها ولا عارف شسوي؟
    عادل/شفيك ياخالد تكلم؟؟؟
    //////////////////////////////////////////////////
    هند/هيوف...مابتقعدين؟
    هيفاء وراسها تحت المخدة/منو قال اني نايمة اصلا!!!!انا قاعدة؟؟
    هند/طيب وليش مانزلتي تحت....
    هيفاء/ليش وش تبيني؟
    هند/ابي احد اسولف معه؟
    هيفاء/وين الباقيين؟
    هند/مشاري وجدتي وهبة نايمين....وامي معاها جارتنا وابوي بالقهوة....
    هيفاء/عبود وينه؟
    هند/تحت معي يالله نزلي....
    هيفاء/يالله جاية؟؟
    طلعت هند من الغرفة ورفعت جوالها تدق على خالد اللي للحين قافل جواله ومارد عليها
    شفيه وليه ضايق خلقه!!
    هيفاء بضيق/اوووووووف الله ياخذك يابو خالد...ورانا ورانا لين نموت؟؟؟وش مسوي ها
    المرة بعد؟؟؟
    رمت جوالها وقامت تبدل علشان تنزل تحت.....
    //////////////////////////////////////////////////////////////بيت العواد كان اليوم كئيب لاابعد
    حد....
    مرت الضهرية ثقيلة والعصر اثقل واثقل حتى بعد مااذن المغرب الجو هو هو ماتغير مافيه
    غير الهدوء اللي سايد في المكان....
    ام خالد قاعدة وكانها تمثال مايتحرك ومها ومرام واحمد حوالينها وهم في قمة الهدوء وماحد
    قاوي يتكلم..وجود وعمر بعد قاعدين وهم مو مدركين وش اللي صاير بالضبط وليش!!!
    وابو خالد مسوي روحه شاغل نفسه بالجرايد كل ماخلصت جريدة يقراْ الثانية وكانه مو
    مشغول فيهم وبالتفكير بللي جاي!!!!
    احمد قطع الصمت../يمه اجيب لك شي تاكلينه؟؟ماكلتي شي من الصبح؟
    ام خالد ماحركت حتى راسها...
    مها ناظرت في احمد وكانها تقوله خلها بحالها.....
    ورجع الصمت من جديد..
    ام خالد بهدوء/مرام...اخذي جود وعمر وركبي معهم فوق؟
    ناظروا العيال في بعض وعرفوا ان في شي بيصير؟
    مرام/ان شاءالله...قومي جود.....عمر..
    عمر/بقعد بنتظر خالد..
    ام خالد بصراخ/قوم انقلع دارك؟؟؟
    بعد ها الصرخة قام وابو خالد رفع الجريدة عنه واحمد ومها قلوبهم وقفت.....
    مها/يمه شفيك؟
    ام خالد/جيبي عبايتي يامها؟
    احمد/وين بتروحين؟
    ام خالد/بارض الله الواسعة ماراح اضيع؟؟
    مها/يمه..
    ام خالد وجهت كلامها لاابو خالد/لاتتوقع اني انتظر تهدم حياته من جديد بعد مااختار يستقر
    معها ومع ولده يابو خالد؟؟
    ابو خالد/شتقصدين؟
    ام خالد/طلقني!!!!مو انت تبي تطلقني طلقني
    مها/يمه؟؟؟
    ام خالد/كفاية عاد....ماراح اسمح لك تهيني اكثر من ها الاهانة يابو عيالي؟؟؟؟تخير ولدك
    بين حياته وبين بيتي اللي بينهد؟؟؟؟على بالك ماجرحتني السالفة ولا ماعندي
    كرامة؟؟؟؟؟بس ماعليه يابو خالد انا برجع وبقولها لك طلقني وخالد بياخذ هيفاء...
    ابو خالد/كانت لحظة ضعف وماشفت شي قدامي اغير راي خالد فيهي ام خالد...لاتصيرين
    حساسة عا؟
    ام خالد بحزن/لحظة ضعف تهددني بالطلاق فيها!!!!اي لحظة ضعف هاذي يابو
    خالد؟؟؟يمكن تكون بالنسبة لك لحظة ضعف بس بالنسبة لي نقطة تحول بحياتي.....خل
    عيالك عندك واقعد ذل فيهم واهدم بحياتهم وش وش النتيجة اللي بتوصل لها بالنهاية!!!انا
    ما..
    ابو خالد/ام خالد هدي عاد...قلت لك طلعت مني بلحظة ضعف وبعدين انا ماراح اسويها
    وش فيك بس يابنت الحلال؟؟؟وخالد بتلاقينه بعد شوي داخل وبيقول انا ماابيها اعرفه
    بيكون قلبه عليك وبننتهي من السالفة كلها؟
    ام خالد/وفكرك اني برضى ماياخذها علشاني؟؟؟غلطان؟؟؟اذا انت سعادة عيالك اخر شي
    تبيه فاانا سعادة عيالي اهم من حياتي يابو خالد؟؟انا ام...عارف وش معنى ام يابو
    خالد؟؟؟معناته اني اعيش علشان اشوفهم مرتاحين وسعيدين بدنيتهم......مالي قعدة في بيتك
    وسوي اللي بتسويه وخالد بياخذ هيفاء رضيت ولا ان شاءالله عمرك ماترضى؟؟؟؟؟
    دق جرس الباب بها اللحظة وقطع عليهم كلامهم ولا ابو خالد كان متجهز بيرد عليها....
    تينا/بابا احمد..هذا عادل صديق بابا خالد يبغى انت ...
    ام خالد/عادل؟؟وش يبي؟
    احمد/بشوفه وبرد.....
    ماتدري ليش قبضها قلبها .....بس تعوذت من الشيطان....
    ابو خالد ولااول مرة يطلع ورى واحد من عياله وهو رايح يشوف من جاي له ولا شيبي
    منه...
    احمد/حياك تفضل...
    عادل ظل واقف مكانه.....
    احمد بخوف/عادل وش فيك؟
    عادل/تعال معي...
    احمد/وين؟
    عادل/شقولك بس ...خالد كان رايح الرياض اليوم....
    احمد/أي عارف دقيت عليه الضهر وكان ماسك الخط؟
    عادل/بعدها كلمني وقال لي عن اللي صار هنا ومسك خط الشرقية بيرجع.....و صابه
    حادث بالطريق؟؟
    احمد/حادث؟؟؟
    عادل/لاتخاف كلموني المستشفى وهو بخير بس الاجرات شوي مطولة هو بالنعيرية اللحين
    وانا قلت لهم يقفلون جواله لين مااجيهم......بتمشي معي؟
    احمد/.............
    عادل/انا اسف بس كنت لازم اعطيكم خبر...بس طمنوني عليه وقالوا مافي شي خطير كلها
    كسور ورضوض وبيدخلونا قسم الاشعة يتاكدون؟
    احمد بحزن/ووينه اللحين؟
    عادل/مستشفى النعيرية العام؟؟؟
    ابو خالد من وراهم/لامستحيل...روح جيب اخوك يااحمد؟؟؟لاتخليه هناك...جيبه هنا
    وبدخله احسن مستشفيات وب..
    احمد/يبى؟؟؟
    ابو خالد/استغفر الله العظيم..
    عادل/انا اسف ياعمي؟
    ابو خالد/احمد روح مع عادل انا مافيني حييل اروح......وخلي جوالك مفتوح وطمني؟

    احمد/لاتقول لاامي لاينشغل بالها؟
    /////////////////////////////////////////////////////////
    هند/شفيك انتي صافنة اليوم ومالك خلق؟
    هيفاء تنهدت وسكتت/
    هند/انا مانا صغيرة علشان تخبين عنيظ؟عارفة ان السالفة تخصط انتي وخالد؟
    هيفاء/أي..تخصني انا وخالد,,,بس شكلها مطولة وماراح تنتهي ابدا ها السالفة!!!
    هند دق قلبها لان مصيرها معتمد على مصير هيفاء وخالد بالدرجة الاولى؟؟؟؟؟؟
    هيفاء/شكله صاير شي جديد ..وابو خالد ماهو راضي نرد لبعض؟؟؟
    هند/انا اكره ابو خالد من كل قلبي!!!ليش يسوي كذا؟؟هو وش له دخل بحياتكم اصلا!!!!
    هيفاء/عياله ويبي يتدخل بحياتهم من يقدر يحاسبه!!!
    الجدة/صباح الخير..
    لفوا لها..
    هيفاء/قصدك مساء الخير يايمه..الساعة قربت على الثمان؟؟
    الجدة دقت على صدرها/ياويل حالي؟؟؟وانا طول الوقت نايمة ولافطرت ولاتغذيت ولا
    اكلت أي شي وطاقتي كلها انهدرت وانا نايمة ؟؟؟يعني اللحين شوي وبطيح عليكم بعد
    ماينخفض السكر عندي؟؟؟؟ياشينكم بس ولا تصحوني تخلوني اكل شي علشان لااتعب؟؟؟
    هند وهيفاء/هههههههههههه
    الجدة/ضحكتوا من سركم بلى!!!وين امكم؟؟؟
    هند/مع جارتنا ام حسام...
    الجدة كشرت بوجهها/وي...ياثقل دمها اكيد جاية من العصر وللحين ماطلعت!!!
    هيفاء/بالضبط؟؟
    الجدة/معناته امكم ماسوت لنا عشى؟؟؟صدق انها مقصرة في اداء واجباتها المنزلية؟؟؟
    هيفاء/ولاتزعلين اللحين اطلي لي عشى واطلب لك بعد...لاني ميتة من الجوع....
    الجدة/وي يابعد عمري اصلا ماحد يحبني كثرك ياهيفاء!!!تصدقين انا اموت على عبود ..
    وينه فديته؟
    هيفاء تطالعها وتضحك وكانها مو عارفة ان الكلام كله خرطي بس علشان العشى؟؟؟؟
    هيفاء/تبين شي هندوا؟
    هند/ابي سلطة..ولا مقبلات؟
    الجدة/هاذي عاد اكلها يسد النفس تنتقد مثل العصافير!!!!بس احب اقعد معها بنفس السفرة
    لاني عارفة انها مابتاكل شي هههههههه
    هيفاء/مشاريوه للحين نايم؟
    الجدة/ماتشوفينا مرتاحين ومستقرين وهاديين الله لايقعده من نومته؟؟؟
    هند/من وين بتطلبين؟
    هيفاء/جيبي دفتر التلفونات بشوف المطاعم...
    هند/تصدقين خاطري في باستا....
    الجدة/انا بعد!!!
    هيفاء/اللحين حددوا تبون شي سريع ولامشاوي ولا باستا؟
    الجدة/انا ابي سفرة طول بعرض لاني مااكلت شي من امس واخاف اموت عليكم!!!!
    هند/ههههه
    ////////////////////////////////////
    مها/يبى عادل شيبي؟
    ابو خالد وهو ساكت/مدري طلع مع احمد مشوار؟
    ام خالد بتشكيك/وخالد؟
    ابو خالد/وش فيه خالد عاد؟
    ام خالد/عادل مو جاي علشان خالد؟
    ابو خالد/اقولك يبي احمد....
    ام خالد زادت انقباضات قلبها وهي تدق على خالد وجواله مقفل.....
    //////////////////////////////////////////////////////////////قعدت بغرفتها وهي الخوف ماليها..مو
    معقولة من العصر للحين مقفل جهازه؟؟؟
    اكيد فيه شي ومايبيني اعرف!!!!بس انا شيصبرني؟؟؟تنقلت بين الاسماء ووقفت عند اسم
    احمد وترددت تدق تساله عن خالد ولالا؟؟

    في سيارة عادل..
    احمد بتوتر/باقي كثير؟
    عادل/ساعة الاربع....
    احمد/.............
    عادل/احمد...شد حيلك انا جايبك معي تخفف عني مو تزيدني؟
    احمد/ماني متخيل شبشوف ياعادل؟
    عادل/قلت لك طمنوني مافي الا العافية ان شاءالله لاتربكني اكثر من ماانا مربوك؟؟لو ادري
    ماقلت لك ولاجبتك معي!!!
    احمد دق جواله وصار يناظر بعادل..
    عادل/شفيك؟
    احمد/هاذي هيفاء؟؟؟اكيد بتسالني عن خالد؟
    عادل/قولها يااحمد قولها...هي الوحيدة اللي لازم تعرف...خالد كان طول الطريق يفكر
    فيها...على الاقل قبل لايتخذ قراره بالانفصالا النهائي لازم تحس انه يبيها وماتخلى عتها
    بسهولة.
    احمد/بس انا مقدر اوقلها؟
    عادل/طيب كلمها وعطني انا بقولها....
    احمد رد/هلا هيفاء...
    هيفاء بخجل/احمد شلونك..
    احمد/بخير..
    هيفاء بتردد/احمد انا اسفة اني ازعجتك بس كنت بسالك عن خالد رد البيت ولا لسه؟
    احمد/ليش انتي عارفة انه طلع من البيت؟
    هيفاء/أي هو كان يكلمني وهو بطريق الرياض بس من دقيت انت عليه سكر وقال بيكلمني
    بعدين بس ها البعدين ماجت وجواله من العصر مقفل ولاادري وش فيه؟؟قلبي صاير يودي
    ويجيب وحبيت اتطمن عليه بس!!!
    احمد/لحظة؟
    عطى السماعة عادل.....
    عادل/السلام عليكم..
    هيفاء وقف قلبها...وماعرفت شتقول..
    عادل/اختي ام عبد الله..انا اسف بس ابيك تكونين قوية...خالد مسوي حادث بسيط بالنعيرية
    وهذا احنا رايحين نشوفه؟؟لاتشغلين بالك الحادث بسيط وانا كلمت خالد مافيه الا العافية
    وقال لي اطمنك لانه مايدري عن جواله وانا مريت احمد وبنروح نشوفه...ترى الاهل
    ماعندهم خبر ياليت ماتقولين لااخته ولا امه...واول مابوصل بخلي احمد يطمنك..ولا بخلي
    خالد بنفسه يكلمك...مع السلامة؟
    قال كل اللي عنده وسكر وهي بس تنزل دموعها بدون حسبان؟؟؟خالد مسوي
    حادث!!!!!!!!يارب سترك يارب؟؟؟الله يشفيك ويحميك من كل شر ......
    هند/هيفاء وش فيك؟
    رفعت راسها والدموع مغرقينها....
    هند/العشى وصل مابتنزلين؟

    هيفاء وهي كل مامسحت بدموعها يزيدون اكثر قالت بصوت واطي/ماابي....
    هند بخوف/وش فيك؟
    هيفاء ناظرت بالبا وقامت هند وقفلته بسرعة وجت لعند هيفاء اللي طاحت بحضنها وقامت
    تبكي بكل حرارة......
    هند بخوف/هيفاء وش فيك خوفتيني؟؟؟؟
    هيفاء بصوت باكي/خالد مسوي حادث بالنعيرية.....
    هند/حادث؟؟؟منو قال لك؟
    هيفاء/كلمت احمد وقال لي...يارب سترك.....
    هند سكتت وماعرفت شتقول.......غير الله يرعاك ياخالد.......
    ///////////////////////////////////////////////
    ام خالد كانت تروح وتجي بدون أي فايدة..
    مها/يمه قعدي ارتاحي؟
    ام خالد بانفعال/شارتاح انتي بعد؟؟؟خالد جواله مقفول من العصر واحمد من طلع مع عادل
    ماهو راضي يرد شوفي كم صار له فوق الثلاث ساعات؟؟؟
    مها/خالد طالع معصب ولايمكن يرد ولايفتح جواله لين يهدا؟؟وعادل اكيد مر على احمد
    علشان يتفاهمون مع بعض ويوصل احمد وجهة نظر خالد لاابوي لانه مايبي يقابله؟؟؟انتي
    بس هدي بالك
    ام خالد/ماني متطمنة يامها ماني متطمنة.....في شي صاير.....
    مها/يمه مافي الا العافية..اخواني انا عارفتهو وقت اللي يتضايقون مايحبون يكلمون احد ولا
    يسمعون صوت احد؟؟؟بس يوصلون لقرار بتلاقينهم ثنينهم كلموك؟؟انتي ارتاحي حرام
    عليك....
    ام خالد بقلق/وين ارتاح يايمه وين؟؟؟
    مها بدت تخوف/يمه الله يخليك لاتخوفني اخواني مافيهم شي بس انتي خوووفة بزيادة؟؟؟
    ام خالد قعدت وبدت تبكي/اخوانك فيهم شي يامها صدقيني!!!قلبي مو متطمن ابدا!!!!

    محمد كان بغرفته وهو طول الوقت يفكر بللي سالبة عاقله وحارمته الرقاد!!!!
    ياترى يامها وش هو احساسك اللحين....
    تبيني بعدك مثل ماانا ابيك ولا طلاقك غير افكارك ومشاعرك!!!!!!
    بعدك باقية على حبي مثل مافهمت من عيونك ولا بتظلين على عنادك ياغلاتي!!!!!
    مافي غير هيفاء يامحمد روح سولف معها وشوف وش قالت مها من روحة البر
    لهيفاء؟؟وبعدين لاتنسى ان علاقتك بهيفاء صايرة حلوة....
    اخذت رجله لعند غرفة هيفاء اللي كان صوت بكيها واصل للباب...
    ووقف قلبه وش فيها ياترى؟؟؟
    دق الباب مرة ومرتين لين طلعت له هند...
    هند/محمد؟
    محمد/وش فيها هيفاء؟
    هند/ها....
    محمد وعيونه لداخل الغرفة/وش فيها؟
    هند بارتباك/مافيها شي..
    محمد بعد هند ودخل وكانت هيفاء منبطحة على سريرها وتبكي وحالتها حالة...
    محمد جلس جنبه وهو خايف ومرعوب/هيفاء...شفيك حبيبتي؟
    هيفاء زاد بكيها وماقدرت تنطق بحرف واحد...
    محمد لف لهند/شفيها؟؟؟
    كانت لهجة الخوف واضحة بصوته.....
    هند كانت مرتبكة/والله مدري......
    محمد كان يطالع بين هند المرتبكة وهيفاء اللي ذابحة نفسها......
    محمد/طيب اتركينا بروحنا شوي؟
    هند طلعت وكان الخوف قاتها لانها عارفة محمد مابيترك هيفاء لين يعرف واذا عرف
    بيذبحها بدون تردد لانه بيعرف انها تكلم خالد.....
    طلعت وهي دعواتها لهيفاء اللحين....
    محمد بحنان/هيفاء وش فيك؟
    هيفاء بعدها تبكي.......
    محمد حط ايده على شعرها وصار يباعد بخصلات شعرها الللي طايحة على عينها....
    محمد بحنان وخوف/صارحيني ياهيفاء انا اخوك ويضايقني زعلك؟
    هيفاء رمت نفسها بحضن محمد ولااول مرة وقالت بدون خوف منه ومن اللي ممكن
    يسويه/محمد...انا بموت....ياليت ها الشي صار فيني ولافيه؟؟؟
    محمد/شنو؟؟والله مافهمت شي؟
    هيفاء بصوت متقطع /خالد يامحمد خالد..
    محمد بخوف/وش فيه خالد؟
    هيفاء ناظرت بعيونه مباشرة وهي عيونها ملايانة دموع...../خالد مسوي حادث بالنعيرية
    وانا بموت من الخوف عليه يامحمد؟؟؟؟؟
    /////////////////////////////////////////////////////////
    على الساعة ثنتين ونص بمستشفى النعيرية..
    وتحديدا بالغرفة اللي فيها خالد...
    عادل/خلاص انا كلمت مستشفى سعد وبيدزون لنا سيارة اسعاف علشان تنقلك مباشرة..
    خالد/والله مالها داعي...انا مافيني شي خلاص بقوم اروح البيت....
    احمد/تدري انك طلعت من الحادث باعجوبة ياخوي؟؟؟السيارة راحت فيها؟
    خالد مسك علبة الكلينكس اللي جنبه ورماها على احمد اللي كان يضحك..
    خالد مسوي روحه معصب/انت خايف على السيارة ولاعلي؟؟؟
    احمد/هههه أي بس السيارة غالية ماهي رخيصة؟؟؟
    خالد/الله ياخذك من اخو؟؟حشى عدو مو اخو ولد امي وابوي؟؟؟
    عادل/الحمد الله على سلامتك ..وزين انها جت بس على ها الكسر والكم رض ولاكان
    خسرناك يابو عبدالله؟
    خالد/الحمد الله..
    احمد/انت ماتعرف تسوق؟؟؟يقولون انت الغلطان؟
    خالد/انت اسكت بس اسكت لااذبحك....
    احمد/ههههههههه مهاوي وامي وابوي ذابحين جوالي وانا مطنشهم..
    عادل/غريبة هيفاء مادقت؟
    خالد بجدية/ليش ؟؟
    عادل/كلمت احمد واحنا جايين وانا قلت لها عن الحادث؟؟؟
    خالد بلوم/وليش قلت لها؟؟؟انا مافيني شي اللحين بتضايق نفسها على الفاضي؟
    احمد/انا قلت له بعد بس هو ماطاعني؟؟؟
    عادل/المهم على ساعة بتوصل سيارة الاسعاف قوم انت تلحلح وخلص اجراءت الخروج انا
    تعبت؟
    احمد انبطح على الكراسي/وانا بعد تعبان ونعسان؟؟
    خالد/شرايكم انا اقوم اخلص اوراقي بنفسي؟
    عادل/قوم وريحنا؟؟؟مافيك شي مافي الا العيارةعلينا؟؟؟؟
    خالد/بعد!!!ولا لي احترام ولاكاني مسوي حادث ولاشي؟؟؟
    احمد/احنا قلنا اذا شفناك تعبان ومتكسر بنسوي روحنا خايفين بس ماشفنا فيك شي خلاص
    بعد ليش ندلعك..يكفي بكرة من الصبح اذا جتك ام خالد ومهاوي بتاخذ الاهتمام كله؟؟؟؟
    خالد/الله ياخذك ياالحسود....
    عادل/ههههه صدق اعظم من بزارين؟
    بعد ثواني بس اندق الباب...
    احمد/اسمع بعد الحكومة يسوون روحهم يستاْذنون قبل لايدخلون؟؟؟ورفع صوته/تفضلي
    حياك....
    عادل/يمكن انها مو بنت يمكن الضابط اللي ..
    ماكمل عادل كلمته لان احمد من سمع اسم ضابط فز وراح يفتح له الباب........
    .................................................. ............
    رجع لهم الغرفة.....
    احمد/عادل تعال معي شوي...
    عادل وخالد ناظروا في بعض/شصاير؟
    احمد/تعال زين...
    عادل/بزر ولا تعرف تصرف روحك...
    وقام معه وطلعوا برة الغرفة وظل خالد بروحه وعيونه على سقف الغرفة وكل شي يمر
    قدامه مثل فيلم سنمائي ...السالفة اللي صارت له مع ابوه...
    وامه..اكيد اللحين حالتها حالة؟؟؟وهيفاء؟.........وتنهد اول ماذكر هيفاء.....الحب اللي جاه
    متاخر وبينتهي قبل لايتهنى فيه؟
    ومانتبه الا على الباب اللي انفتح ولاعلى اللي دخل...وهو افكاره مشغولة ومشوشة....
    وماحس الا وعلى يد ماسكة يده ودموع تطيح على يد....رفع راسه وانصدم من اللي كان
    موجود جنبه!!!!!!!
    هيفاء؟؟؟؟؟مستحيل وش اللي جابها...
    خالد بتردد/هيفاء؟؟؟؟
    هيفاء كانت ضامة يده لصدرها وهي تبكي بدموع ماوقفت لحظة وحدة ؟؟؟
    خالد مسك يدها/حبيتي انتي كيف جيتي هنا؟
    هيفاء وهي تمسح اللي صار فيه بعيونها/محمد جابني...
    خالد/محمد اخوك؟
    هيفاء وهي ماسكة يده الثانية اللي كانت تحت الجبيرة/تالمك؟
    خالد رفع يدها اللي كانت ماسكة يده لشفايفة وباسه وهو حاس بالحسرة ومو قاوي يقول لها
    خلاص هاذي اخر لحظات لنا مع بعض,,,,,
    خالد بهمس/حبيبتي ..ليش جيتي عاد؟؟
    هيفاء/تبيني اقعد هناك واموت لين يجيني خبر منك ولامن احمد اللي كلمته ومااهتم يرد
    علي!!!!مااقدر ياعمري مااقدر؟؟
    خالد/محمد ماقال لك شي؟
    هيفاء/لا بالعكس..هو اللي قال قومي نروح نشوفه؟
    خالد/ووينه هو؟
    هيفاء/واقف مع احمد وعادل.....حبيبي وش يالمك؟
    خالد/مايالمني شي..زبس تعب خفيف لاتشغلين بالك..
    هيفاء بتشكيك/متاْكد ولاتكذب علي!!!!
    خالد/ليش اكذب عليك عاد!!!صدقيني مافيني شي......
    هيفاء/وين الدكتور ابي اشوفه؟
    خالد/مايحتاج هذا انا طالع اللحين؟

    هيفاء بفزع/جنيت انت تطلع اللحين!!!لا مافي قومة انت تعبان ومحتاج ترتاح.......
    خالد/حبيبتي اللحين بيجيبون لي سيارة اسعاف وباروح الخبر...
    //////////////////////////////////////////////////////////////////////////////////////////////////////////
    ////////////////////يوم ثاني الضهر بغرفة خالد بمستشفى سعد...
    ام خالد/انا قايلة فيهم شي بس شسوي فيك يااحمد اللي مافكرت تطمني؟
    احمد/يمه شتبيني اقولك؟؟انا قلت اروح اتطمن عليه وبعدين ارد لك خبر؟
    مها/وانت رحت وتطمنت ولا عطيتنا خبر ولاهم يحزنون وخليتنا على اعصابنا؟؟؟
    ابو خالد/اهم شي سلامته وان مافيه شي؟
    خالد ظل ساكت وماحط عينه بعين ابوه اصلا حتى يوم جا يسلم عليه......
    مها جت جنب خالد وهمست له/اللحين تطلع هيفوا اغلى عندك مني!!!هي قاعدة معك طول
    الليل وانا توني ادري قبل ساعتين؟؟
    خالد ضحك لها/هي عندها خبر ومن سمعت جتني مع محمد وبعدها ظلت هنا لين تطمنت
    من الفحوص ان مافيني شي...
    مها/يالله يالله..درينا انها اغلى؟
    خالد بجدية/مهاوي شصار ؟
    مها ناظرته/ارتاح اللحين وبعدين بنعرف...
    ام خالد/يمه تبي اجيب لك عصير تشربه.
    خالد/يمه فديتك توني فاطر...
    احمد/يمه لاتخافين هذا مستشفى كاشخ حتى اكلهم حلو...
    ام خالد/انت اسكت وانطم ماابي اكلمك.....
    احمد/افا بس..ماتقدروني ولاتقدرون جمايلي؟
    ام خالد بقهر/طمني ؟؟علمني؟؟عطني خبر؟؟مو تخليني مثل المجنونة رايحة جاية ولاانا
    دارية وش اللي صاير؟؟؟
    خالد/حقك علي يا الغالية؟؟؟بس كان مشغول وحايس بالمستشفى..معليش مافضى غير يوم
    وصلنا هنا واول مافضى اتصل عليك؟
    ام خالد/الحمد الله انها جاية على كسر يدك وعلى كم رض لو انها كبيرة كان بيخليني وبيظل
    ساكت ومابيتكلم؟؟؟
    احمد/لالالو هي كبيرة تكلمت صدقيني لاني بحتاس مابعرف اتصرف...
    كان الكل يتكلم ومطنش بوخالد على جنب وهو كانه غريب بينهم....
    مرام/انا بقوم اتمشى في المستشفى.....
    طلعت وقام بو خالد بعد يتمشى بالمستشفى وكلهم ناظروا وسكتوا...
    خالد وهو يناظر بعمر/يكه..انا اسف..
    ام خالد/خالد......لاتغير رايك يمه...انت تبيها ومصر عليها....كمل حياتك معها ومع
    ولدك....
    خالد باعتراض/لايمه مستحيل...
    ام خالد/هاذي بروحها اهانة لي ياخالد..انه ينسى عشرتي ويساوم عليها تكفيني العمر كله؟؟
    مها/يمه...ابوي اعتذر وان شاءالله تحلون القضية بدون ها الحساسيات...
    احمد/يمه مايصير انتي لو تطلعين بره البيت كلنا بنطلع معك؟
    ام خالد/خالد..انت لو اخذت هيفاء وين مقرر تسكن اكيد مو بالبيت؟
    خالد تنهد/لو كنت باخذها؟؟؟؟كنت شاري بيت صغير على قدي وقدها بالمزروعية...لين
    تنتعش مور الشركة وبعدها ببني لنا فيلا بس..
    ام خالد/يمه...انا بجي معكم بالبيت...
    خالد/يمه..
    ام خالد/مااظني ان هيفاء تعارض واذا عارضت بروح بيت اخوي؟؟
    خالد/يمه انتي بتتبقين في بيتك معززة مكرمة..
    ام خالد/منو قال لك اني اذاقعدت في البيت بتكون قعدتي بكرامة؟؟؟لايايمه خلاص...
    قاطعهم دخول مرام..
    احمد/انتي تدخلين دايم مثل الاشباح لاتدقين باب وكانك داخلة بيت وحوش صدق؟؟
    مرام صارت تناظر بالباب..
    مها/وش فيك؟؟
    احمد/وش مسوية من جرايم؟؟؟اكيد كاسرة شيولا متحرشة باحد اعرفك ماتسكنين بمكان
    ابدا؟
    مرام/شكلها بتقوم حرب صغيرة برى؟
    خالد/ليه؟؟؟
    مرام وهي تناظره/هيفاء وابوي؟

    بالممر اللي يسبق غرفة خالد كان ابو خالد واقف وقباله هيفاء وهي حاملة عبود ومعاها
    مشاري وهند ....ووراهم محمد وجدته...
    ابو خالد وهو يناظرها من فوقها لتحتها/خير ان شاءالله ليش جاية؟
    هيفاء سكتت وماردت عليه..
    وعبود مد يده لجده رغم اعتراض امه.اللي كانت تنزل يده كل مارفعها...
    ابو خالد/وش تبين؟لاتقولين جاية تشوفين خالد؟؟خلي عندك كرامة ولدي مايبيك...
    هيفاء بثقة وهي عيونها بعيونه/انتظرت المواجهة هاذي تكون بس ماحسبت لها حساب انها
    بتكون بها المكان ابدا!! حتى يوم شفتك بالمستشفى عند مها...
    ابو خالد/قلت لك خالد مايبيك...
    هيفاء/انت ماتقدر تمنع ولدي انه يشوف ابوه؟
    ابو خالد/هاذي بسيطة اذا على عبادي.....
    وتقدم وشال عبود بالغصب من حضنها وكلهم واقفين يناظرونه حتى محمد......
    ابو خالد/خلاص اعتبريه بيشوف ابوه...ولااقولك بيسكن عند ابوه خلاص انتي مالك شغل
    فيه؟؟؟وريني عرض اكتافك وفارقي!!!!
    هيفاء بحزن والم/هذا ولد عمتي ومالك تمنعني اشوفه؟
    ابو خالد/قولي كذا؟؟؟قولي انتي اللي تبين تشوفينه مو ولده؟؟؟الشره على ابوك اللي تاركك
    على راحتك وماعرف يربيك....
    محمد تقرب بعصبية وهو ثاير../هيفاء امشي خلاص مالها داعي الشوفة اذا بيغلطون على
    ابوي؟؟
    هيفاء/ماني متزحزة من مكاني الا اذا تطمنت على خالد؟
    الجدة تقربت/وهي الصادقة احنا جايين لخالد مو جايين له ولا علشان نسمع مغثته؟
    ابو خالد/شوفي يابنت ابوك انتي...اذا مفكرة انه يبيك انتي غلطانة؟؟؟؟انا قلت له اذا اخذك
    فامه بتطلق وماتلزمني؟؟؟وهو مارضى على امه طبعا!!!فلا تلزقيني نفسك اكثر وتذليني
    كرامتك اكثر خالد ماعاد يبيك؟؟؟؟؟؟

    احمد/محمد..جدتي..هلا حياكم تفضلوا هنا غرفة خالد؟
    كان الجو متوتر....
    هيفاء لمحمد/انا بقعد بالكافتريا وبعدين بجيكم..سلم عليه...
    الجدة/لا...بتدخلين معنا وغصبا عن اللي مايرضى؟
    هيفاء/معليش بجيكم بعدين؟
    احمد/شفيكم واقفين دخلوا..
    محمد/في احد مع خالد يااحمد؟
    احمد/لاامي وخواتي بس....يابنات تغطوا الشيخ محمد ولد خال الشيخ احمد بيدخل؟
    ابتسم له محمد ودخلوا.....
    ///////////////////////////////////////////////////////
    هيفاء راحت لااول غرفة انتظار شافتها بوجهها....وقعدت على الكرسي وهي شايلة همها
    فوق راسها....
    يعني السالفة كذا ياخالد؟؟؟؟؟علشان كذا كنت متضايق وشايل هم فوق راسك وقلت بتجيني
    تخطبني بدون ابوك؟؟؟؟بس اللحين السالفة اكبر من انك تخطبني بموافقته ولا
    بدونها...السالفة صارت سالفة امك وخراب بيتها!!!!
    عساك ماتتوفق وين ماتروح يابو خالد....ويحترق قلبك على كل غالي تعزه مثل ماحرقت
    قلبي على حبيبي وابو ولدي وحرمتني منه وحرمت ولدي انه يربى بينا!!!!
    ياربي انا مو قاصدة ادعي عليه بس هو قاهرني ليش يبي يفرقني عن ولده ليش؟؟؟؟
    ياربي كل ذنبي اني حبيته وابي اعيش معه زوجة وحبيبة لااخر العمر ...
    ///////////////////////////////
    بغرفة خالد...
    ام خالد/وين اخوي ...
    محمد/بيجي من الدوام وبيجيب امي معه؟
    الجدة/تعالي معاي شوي بكلمك....
    وقامت مع ام خالد على جنب يسولفون بهمس..
    مشاري/شوفوا جدتي على اساس انها جايبة لك شوكلاته حق السلامة ياخالد والكيس مافارق
    يدها؟؟؟
    مها ومرام واحمد/هههههههه
    هند بقهر/لاوفي النهاية بالبيت بتسوي روحها نست تعطيك اياه وبتقول يالله خلني اكله
    لايخترب؟؟؟
    مشاري/أي والله وهي قاصدة ماتعطيك اياه اصلا!!!سوالفها مكشوفة بس على مين؟
    محمد/متى بتطلع من هنا؟
    خالد/والله الود ودي اللحين...بس بقعد لبكرة وبطلع...
    احمد/قوم شوي عاد ياخالد وخلني اقعد مكانك؟؟؟
    محمد/وليه يعني؟؟
    احمد/ابي اشوف لو انا المريض شنو يكون شعوركم؟؟تخافون علي ولالا؟؟منو اكثر تكونون
    خايفين عليه هو ولاانا؟؟وها السوالف يعني...
    محمد/لااله الا الله عليك...مو بصاحي؟
    مها/يعني الواحد لازم يمرض علشان يشوف معزته؟
    هند/شكلها كذا السالفة؟
    مرام/وين هيفاء؟
    هند بارتباك/مدري.....
    مشاري/قالت بتروح الكافتريا تحت...
    ظل السكون عام المكان.....
    ودخل بعدها ابو خالد ومعه عبود...اللي قام يطالع بابوه وهو مستغرب..
    عبود بحزن وخوف وهو بحضن مها اللي اخذته من ابوها وودته عند فراش خالد/بابا ...
    مريض؟
    خالد/أي..
    عبود/مين سوى فيك اح؟
    خالد/السيارة؟
    احمد/هذا لان ابوك مايعرف يسوق بيسحبون منه الرخصة ؟؟
    خالد/اقلب انت بعد؟؟
    احمد/هههههه
    محمد/انت بكرة يشيلون جبيرتك وابوك حطوا له جبيرة؟؟؟
    خالد/بتقعد معي؟
    عبود تردد..
    خالد زاح شوي وخلى مكان لعبود جنبه/تعال....
    جطته مها جنب ابوه وتغطى مثله...
    هند/مشاءالله صورة ونسختها؟؟؟بس كبيرة وصغيرة؟
    مها/أي والله...تصدقون يبي لكم صورة؟
    خالد/هذا اللي ناقص بعد؟؟؟
    مها بعدت شوي وخلت خالد يندمج بالسوالف وطلعت جوالها تصوره..ويوم حس فيها بغى
    يذبحها....
    الجدة/يالله محمد يمه مشينا...
    خالد/وين جدتي بعدها وقت؟
    الجدة/بجيك اذا طلعت من المستشفى يمه......

    قامت هند ووقفت عند الباب..تنتظرهم على مايخلصون سوالفهم..وجا وراها احمد..
    احمد بهمس/هي انت عطنا وجه عاد؟
    هند/...........
    بس تناظره بدون متتكلم...
    احمد/ياردات حظي انا؟؟؟ليش كذا مو معبرتني ابدا؟؟؟ياليتني طايح وتعبان بدال
    خالد؟علشان تعطيني وجه؟؟
    هند/..........
    احمد بفزع/قولي سلامتك ماتشوف شر يابعد عمري فيني ولافيك؟؟؟
    هند ضحكت وبس...
    احمد/انت....لاتنرفزني كلمني قبل لايجي احد....
    هند صارت عيونها بعيونه..وقالت بهمس/انا؟؟
    احمد/أي انت...انت يللي باخل بكلمة احبك؟؟؟
    محمد/يالله مشينا....
    الجدة/يالله.....
    احمد/والله ماهي حلوة طلعتكم..قعدي جدتي وانا بعدين اوصلك؟
    الجدة/مااقدر اقعد وابوك هنا يرفع ضغطي؟؟؟
    احمد/سلامى ضغطك يابعد قلبي انت؟؟؟الا جدتي شنو هذا اللي بيدك كيس باتشي اذا مو
    غلطان؟؟
    مشاري/ههههه عجبتني؟
    الجدة لفت بالموضوع/اللحين بنروح ندور هيفاء بعد؟
    محمد/احمد...تعال ابيك.....
    احمد بخوف/شصاير؟
    محمد/تعال...
    دق قلب هند بالخوف معقولة محمد سمع احمد؟؟؟؟؟ياويلي ذبحتي اللحين لامحالة؟؟؟؟؟؟؟
    بعد ساعة ونص تقريبا دق احمد على هيفاء اللي بعدها بغرفة الانتظار وردت عليه...
    احمد/هلا ام عبادي شلونك؟؟؟
    هيفاء/خير...
    احمد/ول؟؟؟
    هيفاء/مو قصدي بس شبغيت يعني؟
    احمد/ترى خالد مامعه احد؟
    هيفاء/.............
    محمد من زمان مشى وبيتنا توهم مشوا قبل شوي ومحمد قال لي اذا طلعوا اقولك لان على
    قولته في كلام انتي تبين تقولينه لخالد على انفراد واذا خلصتي بردك البيت؟؟؟
    هيفاء/هو قال كذا؟
    احمد/أي...
    هيفاء/طيب.....
    احمد/بالوقت اللي بتخلصي دقي علي وبكون موجود.....
    هيفاء/شكرا...نخدمك بالافراح ان شاءالله ولو اني زعلانة منك امس يوم تطنشني؟
    احمد/هههه يبى انتي بعد مااعتمدتي علي وجيتي بنفسك للمستشفى؟
    هيفاء/وتبيني اموت بدون مااخذ خبر عنه وانتظر حضرة جنابك تتشفق علي؟

    احمد/ههههههههههههه

    //////////////////////////
    في غرفة خالد دقت الباب ودخلت ووقفت عند الباب...
    هيفاء/ممكن ادخل؟
    خالد/اكيد؟؟
    دخلت هيفاء وقعدت على يمينه......وظلت ساكتة؟
    خالد/ليش بعيدة..قربي.....ولاتطمتي ان مافيني شي خلاص راح خوفك علي؟؟؟؟؟
    هيفاء/اكرهه وبظل كارهته طول عمري ياخالد؟
    خالد سكت لانه عارف عن منو تتكلم...
    هيفاء/ليش كل ماقلت جرحي طاب وضحكت لي الدنيا يجيي شي ويغير كوني كله؟
    خالد/حبيبتي انا تعبان والله العظيم تعبان ومو قاوي اتحمل شي بها الدنيا ابد!!!!!شوفة عينك
    كل مرة اتخير بخيار اصعب من اللي قبله؟؟؟؟؟
    هيفاء بدت تبكي/انا مالومك ياخالد...ومقدرة وضعك زين وعارفة ان الشي فوق احتمالك
    وطاقتك....بس قلبي شقوله اذا سالني عنك وعن قربك؟
    خالد/قوليله خالد مات؟؟
    هيفاء بحزن ودموع/اسم الله على قلبك يابعد قلبي؟؟لاتقول ها الكلام ياخالد لاتقوله..
    خالد بهمس/هيفاءبتظلين تحبيني لااخر العمر وماراح تحبين غيري؟؟
    هيفاء/انت عندك شك بها الشي ياخالد؟
    خالد برجا/وعد...
    هيفاء/وعد يموت حبك بقلبي اذا مت وصرت تحت الثرى ياخالد وعد.,,,,
    خالد/قربي مني...ابي اشوف خوفك ولهفتك علي مثل البارح؟
    هيفاء/لا ياخالدلا..خلاص مااقدر اقرب منك اكثر واعذب نفسي واعذبك معي؟؟
    خالد/بس ياهيفاء انتي عارفة ان الشي هذا مو بيدي فلاتحرميني قربك ومشاعرك...
    هيفاء/تدري ياخالد...اقسم لك برب الكون كنت جاية اليوم ومافي بالي غير كلمة وحدة بقولها
    لك ولو ان فيها ضياع لكرامتي بس كنت ناوية اقولها ومايهمني أي شي...
    خالد ناظرها باستفسار...
    هيفاء كملت بصوت متقطع وحزين/كنت بقولك بما انك طبت وجت سليمة حلاوة السلامة
    تجيب الشيخ ونملك اليوم وبالمستشفى؟؟؟؟؟؟بس حسافة على حظي حسافة؟؟؟؟؟
    قامت وهي تجر ذيول الخيبة والقهر والالم وراها....
    *********************************بعد صلاة المغرب في بيت العواد...
    عمر/يبى...جدتي عند الباب؟
    ام خالد وابو خالد ناظروا في بعض....
    مها واحمد وقفوا...
    ودخلت الجدة وعصاها قدامها....
    ام خالد/يمه...ماقلتي انك جاية ..
    الجدة/مايحتاج اقول ...البيت بيتي وادخل وقت ماابي.....
    مها/اكيد يمه بيتك وتدخلين بكل وقت...تفضلي...
    الجدة/ماني قاعدة جاية اخذ بنتي وبمشي؟
    ابو خالد/نعم؟؟
    ام خالد/يمه..
    الجدة تكلم بوخالد/انت مو قلت انك تبي تطلقها؟؟؟يالله اذا انت رجال وفيك رجولة طلقها؟؟؟
    ابو خالد/احشمي نفسك يامرة انتي في بيتي؟؟؟
    الجدة/انا حاشمة نفسي مو مثلك يالخسيس؟؟؟
    ابو خالد بعصبية/طلعي برة؟؟
    ام خالد/بو خالد؟؟
    الجدة/ومن قال لك اني بقعد؟؟؟باخذ بنتي وبنطلع محنا قاعدين لك وخل عيالك عندنا انت
    لاتبيهم يفرحون ولايستانسون وكنهم عدوان مو عيال؟؟؟؟
    ابو خالد/عيالي ومالك شغل فيهم سامعتني ولالا؟
    الجدة/لامو سامعتك؟؟؟وانت اسمع وحط كلامي في بالك..حرام عليك يالظالم..زبتهدم حياتهم
    كلهم؟؟؟خالد وطلقته وكاهو يبي مرته ماتقولي انت وش مستفيد اذا ولدك ماتزوج البنت اللي
    يبيها؟؟؟مو كافي فرقت بين مها ومحمد واثنينهم يبون بعض؟؟؟مااتعظت بزواجها وطلاقها
    بيوم واحد!!!!ماعورك قلبك على بنتك اللي سمعتها صارت على كل لسان والناس مايدرون
    وش الحقيقة؟؟؟؟شوف بنتي ماهي قاعدة لك وبنشوف نهاية كذبك انت قلت لخالد ياتاخذ
    هيفاء ياامك تتطلق وبنتي تبي تتطلق طلقها يالله ؟؟؟
    ابو خالد/انتي الضاهر خرفتي وماتدرين وش تقولين؟
    مها/يبه؟؟؟
    الجدة مسحت دمعة نزلت منها بملفعها/انا ماخرفت يابو خالد وعارفتك زين
    مازين؟؟؟يالكذاب يالغشاش؟؟؟بتلف وبتدور على الولد مثل عوايدك ولابتخليه ياخذها
    ويستقر مع ولده ومرته....
    ابو خالد/ولدك اللي دازك مو؟؟؟قوليله حريمتك خالد مابياخذ بنتك وخلها تظل عندك طول
    عمرها؟؟
    الجدة/ولدي مايدري اني جاية لك ولو درى بيحرم علي طبت بيتك؟؟؟ولدي اشرف منك
    واعز منك ,,,انت ماعندك مروة ولانخوة ولاشهامة يالكذاب يالظالم...
    ابو خالد رفع يده وهو في قمة عصبيته علشان يمدها على الجدة وام خالد باللحظة الاخيرة
    حالت بينه وبينها وصارت الضربة فيها...
    واحمد ومها وقفوا وكانهم مو في الدنيا ولاهم عارفين شيقولون؟؟؟
    ابو خالد/وخري خليني اوريك فيها هاذي اللي خرفت؟
    ام خالد بقهر/حدودك عاد..امي ماخرفت ولاارضى انك تتكلم معها كذا؟؟؟
    الجدة/طيعيني وتعالي معي هذا ماوراه الا وجع القلب...
    ابو خالد/طلعي من بيتي يالعجوز يالمخرفة؟؟؟
    ام خالد بصراخ/بس!!!حرام عليك على الاقل احترم كبر سنها....واحترم وجودي ووجود
    عيالي معك....
    الجدة/كلمة وحدة وانتي بتقولينها...
    دام السكون لحظات....وبعدها ام خالد مشت ولبست عبايتها وطلعت قبل امها...اللي ابتسمت
    ابتسامة نصر لاابو خالد اللي كان ثاير؟؟؟
    مها ببكي/انا مو قاعدة هنا ابي اروح عند امي؟
    الجدة/لا...خلكم عند ابوكم.....خلوه يتصرف معكم مثل مايبي؟؟؟؟وبنشوف يابو خالد شتقدر
    تسوي اذا عيالك زعلوا عليك وماسوواالشي اللي انت تبيه؟

    //////////////////////////////////////
    في بيت محمد وهنادي....
    هنادي/طيب وش قلت لهم؟
    محمد/ولاشي..بس قلت لهم ان انتي تبين تقعدين في بيت اهلك زيادة؟
    هنادي وهي تاكل بالكرز اللي بصحنها/ومشت عليهم؟
    محمد/نوعا ما.....
    هنادي/............صار لي ثلاثة شهور ماشفتهم...وحاسة بارتياح نفسي عجيب....
    محمد/امي قالت لي ابي اروح اشوف بيتك..
    هنادي بفزع/لا....لا يامحمد لا..لاتخليها تجي؟
    محمد/قلت لها خير اللحين في عمال يشتغلون بعدين اوديك اذا تضبط كل شي...
    هنادي باصرار/حتى اذا تضبط كل شي على قولتك امك وعمتك مايعتبون بابا بيتي ولا مرة
    اخوك بعد؟
    محمد/..............
    هنادي/وللمك عاد كل شي بالبيت برميه مو جايبة معي خيط واحد من هناك؟؟؟
    محمد وهو يناظر بصحنها/شسالفتك انتي مع ها الكرز؟؟؟من الصبح وانتي صحن رايح
    وصحن جاي؟؟؟؟؟؟
    /////////////////////////////////////
    ابو محمد/وانا اخر من يعلم؟؟
    ام خالد/سامحني ياخوي ماحبيت اشغل بالك بهمي...
    ام محمد/والعيال هناك..
    الجدة/أي خليهم هناك وخليه يقابلهم ويحس بتعبهم شوي....
    ام خالد تنهدت...../لو كلهم يصرفون حالهم مها مابتتحرك من مكانها اعرفها تموت من
    الجوع ولابتطلع من غرفتها اللحين وخالد مو هناك وبالي بينشغل عليها من بين اخوانها...

    محمد نزل راسه وهو يفكر فيها وهيفاء انتبهت له...
    ام محمد/بس مايصير كذا يظلون معلقين وبالهم مشغول....
    ام خالد/بكرة خالد بيرخصونه وبروح معه للبيت اللي اشتراه....وصارت تناظر بهيفاء اللي
    كان الزعل ماكل وجهها....
    ابو محمد/لاياختي لا..بيتك هنا ومكانك هنا ومابتتحركين ابدا لو على جثتي!
    ام خالد/لا ياخوي لا....
    ابو محمد باصرار/لا بتبقين هنا لين يصير شي...ماراح تروحين عند خالد ولا ازعل منك
    يااختي...
    هيفاء/محمد....محمد..
    محمد انتبه لها/ها....
    هيفاء/قوم شغل سيارتك...
    ام محمد/وين بتروحين؟
    هيفاء باصرار/بمر على مها بجيبها هنا...ادري فيها اللحين بتكون قربت تذبح نفسها من
    البكي واحمد ماراح يجيبها...
    ام محمد/بس ياهيفاء..
    هيفاء/هي اذا تبي تجي بتجي معنا واذا حست ان الوضع مايسمح ماراح تجي بروح مني
    خسرانة شي...يالله محمد بس البس عبايتي واجيك بالسيارة.....
    هي قامت مو علشان مها بروحها لا...هي صحيح عارفة مها وعارفتها مثل الاطفال
    ماتصرف روحها بس بعد تبي تردها لمحمد اللي انقلب مرة وحدة ووقف معاها بيوم الحادث
    ووصلها بنفسه لخالد وعطاها مجال اليوم تتكلم مع خالد وتتفاهم معه براحتهم....هي عارفة
    ان فكره مشغول .بمهاويبي يكلمها بس ماعنده طريق ولاخيار....
    خلها تمهد له شوفة مع مها ويفضفضون لبعض رغم ان الوقت مايسمح بس كفاية خسارتها
    لخالد حرام هم بعد يضيعون مرة ثانية مثل ماضاعوا قبل ,,,,,
    ////////////////////////////////////////////////////////////////////////بسيارة محمد كان الجو هادى
    الا من بكي مها.....
    هيفاء/خلاص ...هذا انتي بتروحين معنا البيت لاامك وش تبين بعد؟
    مها مثل الاطفال/السالفة مو سالفة اني اقعد عند امي وبس؟؟؟السالفة اكبر منها...عمري
    ماتوقعت حياتنا بالبيت بتوصل لمرحلة كذا؟
    محمد كان يسمع كلامها ولاهو قادر يرد عليها....
    هيفاء/المهم خالد لاتقولون له..اذا طلع يعرف كل شي بنفسه.....اقول محمد.....(كانت تقراْ
    خوف محمد على اللي قاعدة ورى تبكي في عيونه)
    محمد/نعم...
    هيفاء/وقفني هنا عند الكورنيش بمشي بس ربع ساعة وبعدها بجيكم..والله حاسة نفسي
    بموت من القهر؟
    محمد وقف السيارة وكانه يبغاها من الله.....
    قبل لاتنزل/محمد خل بالك على مها وهديها.....
    نزلت هيفاء وظلوا ثواني ساكتين الا من بكي مها اللي مقطع قلب محمد...
    وبعدها مسحت دموعها وفتحت الباب ونزلت ونزل وراها..
    محمد/وين؟
    مها/باخذ لي ماي....
    محمد/انا اجيب لك.....
    وفتح لها الباب اللي قدام علشان تركب وركبيت..وراح وبعد دقايق رجع وبيده ماي وفتحتها
    وشربت شوي وتسندت على الكرسي وغمضت عيونها...
    محمد بهمس/مها....لاتبكين...انا مقدر اشوفك تبكين واظل اناظرك ومااعرف وش اسوي
    ....
    مها لاشعوريا صارت تدمع عونها وهي مغمضة....وقالت له بهمس/انا مهمومة يامحمد
    مهمومة وتعبانة؟
    محمد تقرب منها/قولي لي شفيك تكلمي...انا اسمعك....
    مها فتحت عيونها وقامت تبكي/انت السبب...كل حزني وهمي وتعبي انت سببه يامحمد
    انت!!!!احبك.. فاهم وش تعني ها الكلمة يامحمد فاهم؟؟؟؟ماني قادرة اعيش تزوجت
    وتطلقت بنفس اليوم مو علشان سعود وسالفته لا...لاني مو متخيلة احد ثاني ممكن يلمس
    مني شعرة وحدة غيرك؟؟؟؟مو قادرة اتصور اني اسمع كلمة احبك من احد غيرك يامحمد
    مو قادرة؟؟؟؟حياتي مافيها شي يسر من بدايتها لنهايتها عذاب بعذاب؟؟؟؟قولي شسوي
    علشان ترتاح قول؟؟؟
    محمد بحزن قطلع قلب مها/وانا مو مهم تعرفين شعوري؟؟؟مو مهم تحسين بقلبي اللي يتقطع
    عليك كل لحظة يامها؟؟؟مو لازم تساليني قبل لاتتكلمين عن حبك اللي دافنه بصدر من
    ساعة ماقلتيلي انا ماابيك؟؟؟على بالك رفضك ماجرحني وانا اللي ماحبيت غيرك ومافكرت
    احب اصلا!!!مها..تدرين شصار فيني يوم كلمتهم وقالوا لي لاترد اليوم ملكة مها؟؟؟جنيت
    صرت امشي بالشوارع وانا ابكي فراقك للابد!!!كنت امشي وانا انادي عليك بين الناس مثل
    المجنون....والله ماحسيت بنفسي وبتصرفاتي من قالوا لي مها راحت خلاص؟؟؟كل تفكيري
    ارجع واذبحك واذبحه معك واذبح قلبي اللي قاعد يقطر حبك ولاانتي عاذرتني ؟؟؟بعد هذا
    كله تجين وتقولين انك متعذبة من حبي وتبين حل؟؟؟يامها انتي صايرة مثل اللي تصبين
    المر بكاسي وتساليني اذا كنت ابي سكر!!!!!!
    احبك...لالا مااعتقد...كلمة احبك ماتوفي ولاراح تكون معبرة عن مشاعري تجاهك يامها....
    اللي شايله لك بقلبي اكبر من الحب نفسه يابعد طوايفي!!!
    يشهد الله علي اني ماشلتك من بالي لحظة وحدة يامها؟؟
    مها بنفعال من بين دموعها/مو صحيح...نسيت كلامك بالبر وش قلت؟؟انت قلت انك
    نسيتني ونسيت الماضي كله يامحمد؟؟؟
    محمد تنهد وضمها بقوة لصدره رغم معارضتها الشديدة..
    مها باعتراض/محمد لا...احنا بالشارع؟؟؟
    محمد بهمس/جنيت انا علشان انسك؟؟؟كنت اقولها من ورى قلبي يامها صدقيني؟؟؟ماحد
    يحب بصدق واخلاص وينسى حبيبيه في ظرف يوم وليلة ياعمري؟؟؟
    مها رمت راسها على صدره/محمد...قول الصدق..انت تبيني ؟
    محمد/وبموت علشان اخذك؟
    مها/........................
    محمد/حتى لو الظروف ماتغيرت يامها وظلت كذا راح نتزوج ونسافر...موافقة؟
    مها/أي ..موافقة يامحمد موافقة..اهم شي تكون بقربي واكون بقربك.....
    بعد عنها وهو ماوده بس هم بالشارع وهيفاء بتجي باي لحظة...
    حضن كفها بصدره وهو ضاغط عليه بقوة علشان لاتبعد عنه.....
    ////////////////////////////////////////////////////////
    اليوم الثاني....
    هيفاء/شكلها عمتي مانامت طول الليل؟
    مها/وشلون بيجيها نوم بالله؟
    هيفاء/مبين عليها......كلمتي خالد؟
    مها/أي عادل راح له وبيطلعه...بس تخلص الاجراءت يعني على ساعة.....
    هيفاء/وعرف عن وجود امه هنا؟
    مها/أي..وبيجي هنا مباشرة.....
    هيفاء/متى؟
    مها/ليش تسالين علشان وقت اللي بيجي تطلعين وماتقابلينه؟
    هيفاء/في الحالتين انا ماراح اقابله بروح مع عبود علشان يشيلون الجبيرة من عليه ولا انتي
    ناسية انها اليوم......
    مها/مو مشكلة اروح انا معه؟
    هيفاء/لابروح انا....
    مها/عليك عناد مو طبيعي؟؟؟بقوم اكلم مراموه بشوف شخبارهم....
    هند/عمتي اسوي لك شي تاكلينه لبين مانحد الغذى؟
    ام خالد/لايمه شكر ..
    هند قعدت جنبها/بس انتي مااكلتي شي يمه...قصدي عمتي...
    ام خالد ابتسمت وضمتها/ليش ماني امك ياهند؟؟؟ولاماتحسبين مقامي بمقام امك؟
    هند وهي متفشلة/لامو كذا السالفة ياعمتي لاتزعلين؟
    ام خالد/مدري جوالي وين رميته..معك جوالك؟
    هند/أي...وطلعته من مخباها وعطته عمتها...
    ام خالد/دقيلي على احمد بشوف اخباره...واذا رد عليك جيبيه....
    وقامت تدور فوق الطاولة عن جوالها...وهند تسب بنفسها وش ها الفشلة ياربي...
    احمد طبعا من شاف رقم هند دق قبل لايجيه الاتصال (ههههههه كناية هاذي بس
    لاتصدقونها)
    احمد /هلا وغلا مابغيتوا تحنون علينا؟؟
    هند/احمد...عمتي تبي تكلمك؟؟؟
    ام خالد/ماتعرفين تسلمين ولاتسالين عن الاحوال؟؟؟؟؟افتشلت هند واحمد على الخط ميت
    ضحك وام خالد جت ترد...واحمد بغاها من الله/حشى لله انا اولا ماعرفت رقمها؟؟؟ثانيا شنو
    شايفة صوتي بالله ماتسلم علي ولا ترد علي؟؟؟كذا بس عمتي تبي تكلم؟؟؟ان شفتها اليوم
    كفختها ولاتتدخلين انتي؟؟؟
    ام خالد/كفخه براحتك ماحد رادك بس انت شلونك واخوانك شلونهم؟
    احمد تنهد/يمه...البيت مو حلو بدونك...ومايسوى الواحد يقعد فيه؟؟؟تعالي شوفيه شقد مظلم
    وكئيب...
    ام خالد/.............
    احمد/ماراح تردين؟
    ام خالد/اذا جا خالد بشوف وش ناوي يسوي....
    احمد/وحنا يمه مافكرتي فينا؟
    ام خالد/يايمه لو عندي مكان كان ماخليتكم عنده دقيقة وحدة بس ابي اشوف وضع خالد
    وشنو بيسوي وبعدها بتنحل الامور ....اخوانك يااحمد..انتبه فيهم...
    احمد/يمه مايصير مها اكبر وحدة فينا تترك البيت وتجيك وانا ابتلش فيهم؟كان اخذتي جود
    معك مو مها!!!طول الليل تبكي واذتني وذيك الثانية طايحة لي اسئلة ماعندي لها أي اجابة
    وذاك الثور وياهم ؟؟؟وهي الكبيرة تجي وتستانس معكم مايصير؟؟
    ام خالد/شتستانس انت بعد؟؟وين رايحين ملاهي!!!!اختك ماعندها تحمل للمسئولية وبقعد
    احاتيها لانها بتقفل على روحها الباب ومابتطلع من غرفتها؟؟ماعليه ياولدي ياحمد تحملهم
    لين يفرجها ربك وجود جيبها عندي مابتقدر عليها....
    احمد يتمسكن/يمه انا بعد بجي عندك؟
    ام خالد/تجي وش تسوي يالثور؟؟رجال طول بعرض تقول بجي عندك يمه؟
    احمد وهو بعده متمسكن/محتاج لحنانك يالغالية!!!
    ام خالد/اقول لايكثر بس!!!ابوك ماسوى شي؟
    احمد/لا قعد وكانه يراجع نفسه وحساباته..واليوم ماشفته مدري هو طلع من الصبح ولا
    للحين بداره؟
    /////////////////////////////////////////////////////////////مشاري باسط له سفرة مع جدته
    وضاربينها اكل هي فول وهي عدس وهي قلابة....
    الجدة/جعل عيني ماتبكيك يالحنون...
    مشاري ضرب الجدة على كتفها/كلي يالغالية كلي...ضعفانة موت مو عاجبني اكلك انا؟؟
    الجدة/لاتعورني زين؟؟كلي بكلي عظمتين وجمجمة؟
    مشاري بخبث/أي بس جمجمتك ماهي صغيرة مقاسهااكس اكس لارج ؟؟
    الجدة/يو مشاري لاتخجلني بكلام العنكريزي اللي تقولونه بالمدارس؟؟؟
    مشاري/ههههههه والله انك تحفة..تدري وش معنى الكلمة اللي قلته لك؟
    الجدة/لا..
    مشاري/معناته قلبي متقطع عليك لانك ماتاكلين وياليت تاكلين علشان ابطل خوف عليك؟
    الجدة بحسد/مشاء الله ثلاث كلمات عندهم تساوي عشر كلمات عندنا؟؟؟عيوني عليهم حارة
    في كل شي مختصرين الحياة حتى بالكلام؟؟؟؟
    مشاري/هههههههههههههههههه
    الجدة/انت بعد كل لاتخليني اكل بروحي؟
    مشاري/انا بسوي لك عزيمة الليلة بمناسبة طلعة خالد بالسلامة؟
    الجدة/أي ملزوم تسوي لي؟؟؟
    مشاري/بس بصراحة عجبتيني يوم تقولين رحتي وغسلتي شراع بو خالد؟؟؟انا بكبري
    مااوطنه؟

    الجدة/ولاانا بعد اواطنه...
    مشاري/علشان انه خلى خالد يطلق هيفاء وتباعدت العلاقة بينك وبينه؟
    الجدة/مو بس كذا...لانه ماصار يعطيني عيدية؟؟؟؟
    مشاري فتح عينه على وسعهم....
    الجدة/وانا الصادقة مايطب لي ويسلم علي بالعيد وبغيره ماعليه انا مابموت على سلامه بس
    العيدية ملزوم يقطها علي صراحة!!!
    مشاري/جدتي ودي اسالك سؤال وتجاوبيني عليه بصراحة...
    الجدة/قبل لااجاوبك..ودي اطلب انا منك طلب؟
    مشاري/على ها الخشم..
    الجدة/من زينه خشمك عاد؟؟؟؟
    مشاري/مئبولة منك ياحلوة ياصبية!!!!
    الجدة/ودي تروح مطعم سمير اميس وتشتري لي منه شي...
    مشاري/شنو بعد!!!
    الجدة/خاطري...خاطري بعصير الارهاب اللي يبيعه؟؟؟
    مشاري/أي ارهاب؟؟؟؟؟
    الجدة/مدري طلبنا منه عشى ذيك الليلة انا وخواتك يوم هند وهيفاء مايتعشون ضايق خلقهم
    على خالد ولاقالوا لنا الا يوم ثاني وتعشينا انا وانت بس ...كانوا خواتك شاريينااسالهم؟؟
    مشاري بصوت عالي/هند...هند..تعالي...
    هند جت/نعم خير...احد ياكل فول وقلابة ها الحزة؟؟معناته ماراح تتغذون؟
    الجدة/فالك ماقبلاناه بنتغذى ان شاءالله؟
    مشاري/وش سالفة الارهاب اللي بسمر اميس؟
    هند/أي ارهاب؟
    الجدة/العصير اللي طلبتوه انتي واختك وشربته وعجبني؟
    هند/هههههههه ياخلاف بس!!!!اسمه الرهيب مو الارهاب؟؟؟؟؟؟؟؟؟؟؟؟
    مشاري/ههههههههههههههههههههههههههههههههههههه
    الجدة تفشلت/كلهم عيال عم الارهاب ولد عم الرهيب اهم شي الطعم والله!!!
    مشاري/هههههه عليك دقات مو طبيعية؟؟؟
    الجدة بدلع/شوشي خلاص عاد لاتكبرها؟؟
    مشاري حذفها بعلبة الكلينكس/عطيتك وجه أي بس مالقت لك قطي الميانة مرة وحدة!!!قالت
    شوشي قالت والله لو حرمتي تقولها يوم ثاني اردها بيت ابوها شنو شوشي بالله!!!
    الجدة/جزاة خيري ادلعك.....
    مشاري/مانبي دلعك والله...
    //////////////////////////////////////
    مها كانت بغرفة هيفاء ومحمد اتصل عليها..
    مها بهدوء/هلا..
    محمد /هلا بااحلى هلا...
    مها/............
    محمد/اليوم بيتنا بيكون منور مدامك موجودة فيه؟
    مها/...منور باهله...
    محمد/شو رايك تقومين تسوين لنا الغذى انتي مدامك قاعدة....
    مها/اولا امك خلصت طبخ ماتنتظر تشريفي ماباقي شي على جيت خالي وجيتك من
    الدوام..وثانيا انا مالي بالمطبخ يامحمد...
    محمد/هاذي بعد مو في صالحك انك ماتدخلين المطبخ!!!
    مها/والله!!!!!!!
    محمد بمرح/طيب واذا ضربك الجوع وش تسوين؟
    مها بلامبالاة/اخذ لي بقصم واحط فوقه جبن بوك واكله!!!!
    محمد/؟؟؟؟؟؟؟؟؟ياسلام بتلعبين علي انتي؟؟
    مها/هذا اللي عندي ولاتقولين سوي اندومي ترى فيها شغلة وماي ومدري شنو وانا مالي
    خلق؟؟؟
    محمد/شوف السودانية كيف!!!!انا شكلي باراجع حساباتي طلعتي كسلانة مووت؟؟؟؟
    مها بدلع/وليش ان شاءالله تبيني ادخل المطبخ واقابل الفرن واقطع بصل علشان املي
    عينك!!!!
    محمد/لا..بس دنيا ودين..يعني ماابي اموت من الجوع؟
    مها/هاذي هند تناديني بسكر اللحين..
    محمد/تبيني اجيب لك شي وانا راد من الدوام؟
    مها/ابي سلامتك وبس!!!!
    //////////////////////////////////////////////////////
    بعد ساعة الا ربع كانت هيفاء طالعة مع عبود وخالد وعادل عند الباب والتقوا.....
    عادل/سلام عليكم..
    هيفاء/وعليكم السلام والرحمة هلا تفضلوا المجلس مفتوح...
    خالد/وين رايحة؟
    هيفاء بدون ماتناظره/اليوم بيشيلون الجبيرة من على رجله....
    عادل/اوه..ماتشوف شر عمي...
    عبود/ههه انت عمي مو انا عمك
    عادل/لا انت عمي....اقول ام عبدالله...لي عندك طلب ان شاءالله...
    هيفاء/خير..
    عادل/خير...روحي مع ولدك بعدينيصير خير هذا مع اخته ماحد يعتمد عليهم مالنا الا انتي
    اللحين؟
    هيفاء/عسى ماشر.....
    عادل/لاتشغلين بالك بس بغيت منك خدمة.....
    هيفاء/خير ان شاءالله......
    ومشت عنهم وراحت لسيارة السايق اللي كان ينتظرها....
    خالد بتنهيدة/شفت كيف ماعطتني وجه؟
    عادل/وش تبيها تسوي بالله؟
    خالد/بس انا احبها وابيها ومو ذنبي اللي صار ياعادل؟
    ولاهو ذنبها بعد تنتظرك لااخر العمر بدون امل ياخالد وابوك كل يوم طالع بسالفة......يالله
    انا ماشي تبي شي؟
    خالد/لا اذا بقوم بدق لك تجيني.....
    عادل/على خير يالله سلام...
    ///////////////////////////////////////////////////////////////الجدة/نور البيت بسلامتك يابو عبدالله
    خالد/منور باصحابه ياجدتي...
    ام محمد/واللحين شلونك يمه..
    خالد/لا مافيني الا العافية....
    ام محمد/انا بقوم احط لك شي تاكله....
    خالد/لا ياخالتي انا بنتظر خالي وباكل معه مرة وحدة......
    قامت ام محمد وظلت ام خالد عنده والجدة....
    خالد/يمه...شنو اللحين؟
    الجدة/مافيها شي...انت مو تقول لاامك انك ماخذ بيت صغير؟
    خالد/.......
    الجدة/يعني مايشيل امك ومرتك بوقت واحد ياخالد؟
    خالد/مو هاذي القضية ياجدتي...بس معقولة امي تترك البيت نهائيا؟؟؟
    ام خالد/أي ياخالد....ابوك باعني وش اللي بيردني له؟؟؟؟انا مو حاز بخاطري شي كثر مو
    انه كان عارف ان سعود متزوج وساكت ماتكلم هاذي بجد اللي ذبحتني ياخالد؟؟؟ليش تمناها
    لبنته عاد؟؟؟
    خالد/صار وانتهى يمه....
    ام خالد////لا يايمه في اشياء حتى اذا انتهت يظل جرحها كبير....
    الجدة/ترى مو حلوة يساوم على عشرته مع امك علشان زواجك ياخالد؟؟؟
    خالد تنهد/معك حق جدتي..بس اخواني هم اللي بيضيعون كذا؟
    ام خالد/مها بتكون معي ومرام وجود بعد...واحمد شايل عمره اسم الله عليه..وعمر بيلف
    وبيدور ومصيره بيرجع لي اذا شاف ان ابوه ماهو مسوي له شي ولاعمامه؟؟؟
    خالد/يعني شنو يمه؟
    ام خالد/يعني توكل على الله واطلب هيفاء من خالك اليوم وخلنا ننهي السالفة؟
    خالد/لايمه..اول بعطي ابوي خبر؟
    الجدة/خالد لاتبط كبدي؟؟؟وش له تعطيه خبر بعد!!!!
    خالد/مايصير اتزوج وهو مايدري لازم اقوله وابري ذمتي واعطيه خبر بعدها عاد هو بكيفه
    اذا تقبل ولالا؟
    ام خالد/خالد...هيفاء وصيتي لك...حطها بعيونك يمه وكل مازعلتها ادري انك زعلتني انا
    وضايقتني انا؟؟؟؟؟
    خالد/أي بس يمه...ظنك هي بتوافق علي!!!!
    الجدة/ماعليك منها واذا ماوافقت قولها باخذ عبود عندي وبترضى؟
    خالد/جدتي شها الكلام بس!!!
    الجدة/طيعني ياولدي منت خسران؟
    خالد ناظر بامه اللي كانت كاتمة ضحكتها على امها وعلى تفكيرها..........
    /////////////////////////////////////
    عبود/ماما
    كانت هيفاء سرحانة وهي تنتظر السايق بالمستشفى يجيهم....
    عبود بصوت عالي/ماما....
    انتبهت له هيفاء/ها وش تبي؟؟؟ليش تصارخ كذا؟؟زين مامعنا احد بالغرفة ولا كان بيقولون
    شوفوا هذا الولد الكسلان اللي يصارخ؟
    عبود/من زمان انا اكلمك وانتي ماتردين علي؟
    هيفاء/وش تبي؟
    عبود/اذا رحنا البيت بابا خالد بيكون هناك؟
    هيفاء باسى/مدري...
    عبود/ابي اوريه رجلي وانا اعرف امشي هو قال اذا صرت رجال ومابكيت ومشيت عليها
    من جديد بوديك الالعاب وبوديك تشوف مبارة الكرة....كلميه يمه...
    هيفاء/عبود ماما انا تعبانة....
    عبود/وش فيك؟بيحطون لك جبيرة مثلي ومثل البابا؟؟؟
    هيفاء بدت تدمع عيونها/ياليت ياعبود الجرح اللي بقلبي ينجبر ويتضمد كان من زمان
    جبرته وارتحت!!!!
    عبود بخبث/شفتي انتي تحبيني وتحبين البابا وبتحطين لك جبيرة مثلنا!!!ماما انتي بتجبرين
    يدك مثل بابا خالد ولارجلك مثلي؟؟؟
    هيفاء ببكي/لا ياعبود انا بس ابي اجبر قلبي وارتاح!!!!!
    حطت يدها على وجهها علشان عبود لايشوف دموعها وبها اللحظة دق الجوال وكانت مها
    اللي متصلة...
    ودق لين شبع وهيفاء مو معه واخذه عبود ورفعه..
    مها/وينك ساعة على ماتردين؟
    عبود/ماما تبكي!!!!عمة مها ماما بيحطون لها جبيرة مثلنا وخايفة؟؟؟
    مها /وش جبيرته؟؟؟؟وينها امك؟
    خالد كان قاعد جنب امه واخته وجدته وحس بالخوف عليها...وتذكر طلعتها اللي ماكانت
    مبشرة بخير,,,,
    عبود بدى يبكي/انا ببكي مثل الماما......
    هيفاء اخذت الجوال منه وحاولت تكون طبيعي’’/هلا مهاوي.. قالتها بهدوء وحزن..
    مها بخوف خلت خالد مايشيل عيونه من عليها وامه وجدته حسوا فيه.../هيفاء انتي
    تبكين؟؟فيك شي..
    هيفاء وهي بعدها تسوي روحها طبيعية/لامافيني شي..
    مها بتشكيك/متاْكدة؟؟؟صوتك يبين عليه غير كذا؟؟؟
    هيفاء/راح خالد؟؟؟
    التقت عيون مها بعيون خالد....وقامت مها من مكانها وها الشي خوف خالد زيادة وامه
    حاولت تفتح معه موضوع من هنا ومن هنا بس لاحياة لمن تنادي كان سرحان وفكره مو
    معه.......
    الجدة بصرامة/خالد؟؟؟
    خالد لف عليها/نعم....
    الجدة/تبيها ولاماتبيها؟؟قرر...
    خالد بزعل وحسرة/ابيها والله ابيها ياجدتي؟؟؟
    الجدة/طلع جوالك وكلم ابوك وقول له انك الليلة بتملك وخلص سالفتك؟؟؟
    خالد/أي بس...
    الجدة/مافيها بس؟؟؟مو تبيها خلصنا؟؟لاانت صغير ولاهي صغيرة لمتى ان شاءالله بتظلون
    معلقين تحت رحمة ابوك كذا؟؟؟؟؟؟؟
    خالد/.............
    ام خالد/جدتك معها حق ياولدي لمتى عاد؟؟؟خلاص مو تبيها وهي تبيك وش له ها التاْخير
    بعد والتاجيل اللي ماله داعي؟؟؟كلم ابوك وعطه خبر وانهي السالفة كلها الليلة....
    خالد بتردد/وهيفاء...؟؟
    ام خالد/وش فيها هيفاء؟
    خالد/يمكن.... يمكن ...
    الجدة/خالد بقولك شي يمه...هي تبيك مثل منت تبيها؟؟؟ولاتفكر اني ماادري عن ها
    الشي؟؟؟انا ادري عن كل شي يبى خالد وعارفة ان ولد خالك محمد بيموت على ماياخذ
    اختك مها وعارفة بعد ان احمد وهند يبون بعض؟؟؟
    هني ام خالد رفعت راسها لانها تفاجات باخر نقطة قالتها!!!!
    الجدة/لاتطالعني كذا..هيفاء اذا شافتك مصر عليها وتبيها وتبي تملك عليها الليلة ماراح
    تقولك لا ابدا!!!يكفي انها رفضت الكل وانت بعيد ..مافكرت فيها ليش ياخالد؟؟؟لانها تبيك
    وماتبي غيرك...عندها امل لااخر لحظة انك ترجع لعقلك وترجع لها ولولدها!!!!!
    خالد بحزن/انا ابيها ياجدتي بس اخاف من ردة فعلها...
    الجدة/انت ماعليك انوي ودق على ابوك عطه خبر وانا بقوم اكلم خالد وهيفاء خلها علي
    ؟؟؟؟
    //////////////////////////////////////////////////////////////////مها كانت بعدها تكلم هيفاء وهي
    بالحديقة تمشي وعليها عبايتها طبعا وشيلتها وتتكلم معها وهي تمشي......
    مها/هيفاء ردي وخلنا نتفاهم؟؟انا مو شايفة انك منصفة بزعلك على خالد؟؟والله يحبك وببيع
    العالم علشانك بس انتي لازم تعذرينه هو انحط تحت ظرف قاسي وخيار عنيد ياهيفاء وش
    كنتي تبينه يختار يعني!!!انا يوم خيرني ابوي بين محمد وبين انك تاخذين خالد بديتكم على
    نفسي صدقيني وقلتها لخالد لو يصير اللي يصير لاتنسى ان بينكم عبود ولازم يكبر بينكم
    ياخالد؟؟لاتصيرين انانية وتظلمين خالد ..هو بروحه مظلوم ومقهور ويكفي انه صار له
    الحادث بسب ها التفكير بالموضوع!!!!!يالله انتظرك لاتتاخرين؟
    قفلت جوالها ولفت بتدخل وكان محمد واقف ومتسند على الجدار الل يقابلها وفي يده بوكيه
    ورد.....
    مها بخجل/محمد....,,,من متى وانت هنا؟
    محمد تلفت حواليه وناظرها مباشرة/كذا عوايدك اذا كلمتي تلفين وتدورين؟؟راسي دار وانا
    ادور وراك من مكان لمكان؟؟؟
    مها/انت من زمان هنا؟
    محمد/من طلعتي من داخل؟
    مها بفزع/يعني من البداية!!!!وليش واقف تسمعني وماعطيتني اشارة انك واقف؟
    تقرب منها محمد وكل ماقرب خطوة رجعت هي خطوة/ليش تبين تعرفين اني
    موجود؟؟؟علشان لاتشتميني؟
    مها بخجل/أي بس انا مااشتمك؟؟مااقدر مايطاوعني لساني؟؟
    محمد بثقة/واذا طاوعك لسانك بتشتميني؟
    مها هزت راسها بلا...
    محمد/وليش تبعدين كل ماقربت منك؟
    مها بخبث/وليش تقرب انت اصلا؟؟؟
    محمد برومنسية/علشاني جايب لك ورد وبقدمه لك!!!!!
    وقفت مها مكانها وهي تشوف الورد بيدينه....وتقرب منها وحط الورد في يدينهاوظل ماسك
    يدينها وعيونهم في بعض تحكي كلام كثير لبعض وفجاْة؟؟؟؟؟؟
    //////////////////////////////////////////////////////
    ابو محمد/والله مدري شقولك يااختي ؟؟يعني ابوه مو موافق ياخذها وبلا وجع ها الراس؟؟؟؟
    ام خالد باصرار/بس خالد يبيها وهي تبيه وراي بوخالد مو مهم؟
    ابو محمد بتاْنيب/يااختي اللي بينك وبين بو خالد سحابة صيف وبتزول ان شاءالله ماله
    داعي تخلينها تاْثر على قرارتك مع عيالك؟
    ام خالد/لا ياخوي....يمكن ظليت طول عمري معه بس ها اللحظة وان جت متاْخرة بس انا
    صحيحة ولازم تكون..
    ابو محمد/ام خالد..
    ابو محمد/اذا لي قدر عندك خل خالد ياخذها الليلة ويملكون ويروحون أي مكان يغيرون جو
    كم يوم.؟
    ابو محمد/والله مدري شقولك..زبكلمها وبشوف رايها؟
    ام خالد/اغصبها ياخوي؟؟الله يخليك حتى اذا ماوافقت اغصبها..هي تبيه وهو يبيها بس
    قاعدين يكابرون على بعض؟
    ابو محمد/وينها اللحين؟
    ام خالد/جاية بالطريق؟
    ابو محمد/ليش وين راحت؟
    ام خالد/مع عبود المستشفى اليوم موعده؟
    ابو محمد/وخالد وينه؟
    ام خالد تنهدت/طلع....قال عنده كم مشوار بيخلصهم وبيرجع....
    ابو محمد/قبل شوي كان هنا؟
    ام خالد/اتصل في عادل وبيجي ياخذه؟
    ابو محمد/يعني قاعد ينتظره بره؟؟شدعوة ياام خالد مافي مجلس يقعد فيه؟
    ام خالد/خله ياخوي هو متضايق ويبي يظل بروحه خله ولدي وانا اعرفه زين.....
    //////////////////////////////////////////
    كان خالد واقف ينتظر عادل يجي والا هيفاء مقبلة مع عبود اللي فرحان انه صاير يمشي
    من جديد على رجله وخالد واقف عند الباب..
    عبود بفرح/بابا شوف رجلي اعرف امشي؟؟؟يالله ودني الالعاب؟
    خالد بضيق/ماعليه حبيبي بعدين؟
    عبود بالحاح/لا اللحين؟
    هيفاء/عبود البابا ايده تعوره مايقدر؟؟؟شوف كاهي ملفوفة؟؟بكرة اذا طاب وصار بخير اكيد
    بيوديك..زيالله ندخل نراوي مشاري كيف عبود يعرف يمشي؟
    دخل عبود قبله وهي تمشي على هونها...وبدون أي مقدمات خالد نادها باسمها ووقفت..
    هو مايدري كيف ناداها ولا ليش ناداها ؟؟؟؟كل اللي يعرفه انه ناداها وبس؟؟؟؟؟
    وقفت هيفاء مكانها..../نعم...وش تبي ياخالد؟
    خالد تنهد وتقرب منها...وهي عند الباب وبتدخل.....
    قربه منها بس خلا دموعها تتجمع بعينها وتتجهز للكلام اللي بيقوله...
    وخالد بعد وقوفه بقربها وهو يحس انها بين نارين مثله..وكل العقبات اللي قاعدة توقفب
    بوجههم مخليته يتردد بكل شي بس بالاخير تقرب منها وهمس باذنها..
    خالد بهمس/هيفاء.....هيفاء..انا.....انا احبك,,,,,,
    قالها ومشى وهي ماتت مكانها من كلمته وهي مو مصدقة؟؟؟هذا مو وقتها ياخالد
    ابدا!!!لاتحرق قلبي اكثر من ماهو محترق ياعمري,,,,
    //////////////////////////////////////////////
    بالوقت اللي عطاها الورد وصاروا عيونهم في بعض ويدينهم ملامسة يدين بعض قطع
    عليهم شي وناستهم وهدوءهم..
    الجدة/ياسلاااااااااااااااااام!!!
    لفوا ثنينهم مفزوعين من صوت الجدة والاكثر مها طبعا؟؟
    الجدة/حلو حلو؟؟؟؟وش تسوو ن بروحكم والله!!!!
    محمد بارتبك/ولاشي؟؟سلامتك؟
    الجدة/ورد وسلامتك؟؟؟شايفني عمية؟؟؟؟؟وانتي بعد ماتسوين شي؟؟مو على اساس قايمة
    بتكلمين بنت خالك..بس سبحان الله انا دايم شاكة فيك وبتصرفاتك؟؟
    مها الدموع تجمعت بعينها/جدتي انا.....
    الجدة/ولاكلمة يالله.......
    محمد/جدتي......
    حس بها اللحظات بيد مها ترتجف من كثر الخوف وانها شوي وتموت عليه؟؟؟؟
    الجدة/حسابكم بعدين انت وهي مو اللحين؟؟؟؟
    محمد بارتباك/جدتي الله يهداك وش مسوين احنا عاد؟؟
    الجدة وهي تناظرهم/سئلوا نفسكم وش مسوين؟؟؟والورد بصادره عنكم؟؟؟
    اخذت الورد ومشت وهي تتوعدهم ان عقابهم بيكون بعدين......
    ///////////////////////////////////////////////////////////////ظلت هيفاء قاعدة بنارها من خالد
    وكلمته...ومها جنبها لاحول ولاقوة من اللي صار؟؟؟وش بتسوي جدتي ياترى؟؟؟ياربي
    شكلي بروح فيها الليلة ؟؟؟؟؟الله يستر بس؟؟؟الله يجيبك ياطولة البال ويعدي ها الليلة على
    خير؟؟؟
    /////////////////////////////////////////////////////////
    هنادي/محمد...
    محمد/لاتقولين جيب لي كرز؟؟؟ترى اللي بالسوق كله خلص مافي؟؟؟
    هنادي/...............
    محمد/لاتطالعيني كذا؟؟؟انا اقول الصدق يبى؟
    هنادي بدلع/وانا وش يخصني هذا عبدالعزيز اللي يبيه؟؟
    محمد بدون تصديق/منو؟؟؟
    هنادي كررت كلمتها/عبدالعزيز ولد محمد الفايز,,,
    محمد ركع عنده وهو مو مصدق/وش قلتي؟؟
    هنادي/ولاتدري يمكن تطلع نورة بنت محمد مو شرط يطلع عبدالعزيز؟؟؟؟
    محمد بدون تصديق/هنادي انتي شقاعدة تقولي؟؟؟
    هنادي ناظرت شوي وبعدها انفجرت بالبكي بقوة.....
    وقالت له من بين دموعها/انا حامل يامحمد حامل؟؟؟؟؟قلت لك عطيني فرصة بس ثلاثة
    شهور وبعدها قرر اللي يرضيك؟؟؟قلت لك الشيخ قايل لي اذا طلعتي من البيت اللي انتي
    ساكنة فيه بتنحل امورك وبينفك عنك الشي اللي مدفون بيتك!!!!صدقتني اللحين يامحمد؟؟؟
    اخذها بحضنه وهو مو عارف وشهي مشاعره؟؟؟ها الخبر اللي ظل فوق السبع سنين
    ينتظره تحقق ؟؟؟
    معقولة بثلاثة شهور بس تغيرت حياته كليا عن الفترة اللي كان عايشها؟؟؟الحمد الله رب
    العالمين الحمد الله....
    ////////////////////////////////////////////
    هيفاء/مها وش فيك؟
    مها بشرود/ولاشي...
    هيفاء/مدري ليش مو مصدقتك....
    مها/لاتشغلين بالك....
    هيفاء/ابي اكلم خالد يصير؟؟؟
    مها/وليش مايصير؟
    هيفاء رفعت جوالها ودقت عليه...وهي متوترة وخايفة....
    خالد رد بحنان وضعف/هلا..
    هيفاء بنكسار/ليش ياخالد ليش...ليش قلتها اليوم وتعبتني زيادة!!!
    خالد تنهد/بس ياهيفاء انا ماقلت احبك لاجل اجامل واسليك؟؟؟كلام قلبي ونطقت به
    شفتاي!!!!
    هيفاء من بين دموعها/اللحين جاي تقولها وتكسر قلبي فيها ياخالد؟؟؟ليه؟؟؟تدري ليه؟؟لانك
    اناني!!!اناني ماتعرف الحب؟؟؟
    خالد بحزن/هيفاء انا..
    قاطعته هيفاء/اللحين يوم انكتب لنا قدر جديد نتباعد فيه ونفترق قلتلي احبك!!!قلتها علشان
    تزيد ناري نار وتتعبني معك ياخالد؟؟؟؟
    مها كان فكرها مشغول بجدتها بس كلام هيفاء لخالد مقطع قلبها وماهي عارفة وش تسوي
    اخذت بعضها وطلعت من الغرفة؟؟؟؟؟
    خالد بنفس الاسى/حبيبتي لاتظلميني انا ما..
    هيفاء/خلاص ياخالد خلاص...ماابي اسمع أي شي....اتركني في حالي واذا شفتني بيوم
    لاتسالني حتى عن احوالي!!!بيكون اريح لي واريح لك؟؟؟؟
    ***********************************في الحوش مشاري كان راكب بسيكله ومعه عبود
    يلعبه ويسليه لان اللي داخل كلهم مشغولين وناس رايحة وناس جاية وماهو داري وش قاعد
    يصير......
    وهو يمشي بالسيكل اعترض طريقه عصا..وها العصا طبعا معروفة عصاة منو؟؟؟
    مشاري/خير اللهم اجعله خير؟؟وش عندك بعد؟؟
    الجدة/شيل عبود اللحين دوري؟؟
    مشاري فتح عينه على وسعها/دورك؟؟؟انتي بتركبين فوق السيكل؟؟؟؟؟
    الجدة شالت عبود رغم صراخه واعتراضه وركبت ورى مشاري ونص ملفعها طايح
    بالارض/اقول ونسني ترى بعد شوي عند مشوار بيرفع ضغطي بس ملزومة اسويه؟؟؟
    مشاري للحين مو مستوعب انها وراه لاوبعد ماسكته مسوية وكانها قاعدة بدباب الحلوة؟؟؟؟؟
    ////////////////////////////////////////////////////////
    هيفاء سكرت من خالد وهي كلها الم وتعب وضيق حاولت تنام شوي وماقدرت قامت
    وغسلت وصلت لها ركعتين وبعدها رجعت تحاول تنام وماقدرت طلعت من غرفتها
    وراحت غرفة هند يمكن تكون مها هناك.....
    هيفاء/هند.....
    فتحت الباب وكانت الغرفة خالية مافيها احد...سكرته ونزلت تحت....وهي نازلو وهند
    راكبة والتقوا بنص الدرج...
    هيفاء/وينك انتي؟
    هند بذهول/موجودة يعني وين بروح؟؟
    هيفاء/رحت غرفتك مالقيتك قلت يمكن ان مها عندك...
    هند/مها طلعت؟
    هيفاء/وين راحت؟
    هند/مدري بس قالت لي بتروح مشوار مع جدتي وبعدها بتروح مشوار مع اخوها....
    هيفاء/أي اخو فيهم؟
    هند/ماقالت لي وماحبيت اسالها يوم امها ماسالتها؟؟؟المهم ابوي يبيك تحت....
    هيفاء/وين...
    هند/بالمطبخ.....
    هيفاء/معه احد...
    هند/لا بروحه ويبيك بروحك بعد!!!!!
    ////////////////////////////////////////////////////
    فاتن تكلم عادل/وبعدين؟
    عادل/ولاشي...
    فاتن/شلون يعني ولاشي...
    عادل/....
    فاتن/انت فيك شي اليوم منت على طبيعتك؟
    عادل تنهد/مشغول بخالد شوي...
    فاتن/الله ياخذها؟؟لاتطريه قدامي مااحبه!!!
    عادل/ليش عاد!!!!
    فاتن/خالد مو قد المسئولية ابدا!!!!بيظل يظلمها لااخر يوم بحياته وحياتها؟؟؟
    عادل/لاتحطين بذمتك ..هو يحبها وهي تحبه بس القدر وقف لهم يافاتن وفرقهم..
    فاتن/......وانت ليش تحاتيه!!!
    عادل/لانه قاعد يواجه مصير يايكسبه يايخسره؟؟؟؟
    فاتن/مافهمت....
    عادل/على العموم انا بروح عنده اللحين وبعد شوي يعني اذا رجعت بدق لك طيب...
    فاتن/ماشي...
    عادل/فاتن....
    فاتن/شنو....
    عادل/ها...لاخلاص بعدني اقولك...
    ///////////////////////////////////
    خالد كان قاعد مع ابوه.....
    ابو خالد/هذا كله مايقنعني...تكلم مثل الرجاجيك وشيلها من بالك؟
    خالد/ماراح اشيلها وبعدين انا اللي بتزوجها يبى مو انت؟
    ابو خالد عصب/قوم اضربني علشانها؟؟؟
    خالد/حاشاك يبى...انا بس كنت اقول..
    ابو خالد/لاتقول ولااقول..انتهينا من ها السالفة ياخالد؟؟لاتصير لحوح عاد؟؟
    خالد/يبى هاذي حياتي!!!وانا اللي لازم اقررها؟؟
    ابو خالد/انت اصلا وش لك في العرس ياخالد؟؟؟مو جربته قبل وشفته مايسوى؟؟؟بس
    بتتعبك معها وبتوجع لك راسك وبتجيك المشاكل اللي انت اللحين بغنى عنها!!!!
    خالد باصرار وعصبية/أي انا ابي المشاكل تجيني مو هامني؟؟بس لازم اتزوج؟؟
    ابو خالد/اخطب لك اذا السالفة سالفة عرس وبس!!!
    خالد وبنفس الاصرار/غير هيفاء ماراح اخذ؟؟؟
    ابوخالد/الواكد انها ساحرتك ها الهيفاء وماني مستبعدها!!!خالد انت مسحور يبى؟؟؟؟
    خالد فتح عينه على وسعها مو مصدق كلام ابوه؟؟؟
    ابو خالد/انا يوم قلت لك طلقها...طلقتها وعشت بالرياض مرتاح ولالا ياخالد؟؟؟ليش يوم
    جيت هنا تعلقت فيها من جديد..معناتها انها ساحرتك؟؟؟؟
    خالد بدهشة/يبى...انت كيف يطاوعك لسانك تقول ها الكلام؟؟؟
    ابو خالد/ماعلينا ..امك متى راح ترد...كلمتها اليوم وماردت علي!!!!
    خالد/خلينا من سالفة امي اللحين...وابي اقولك ان الليلة بتقدم لهيفاء واذا رضت ورضى
    ابوها بجي الشيخ وبملك وبخلص من ها السالفة؟؟؟
    ابو خالد بخبث/اللحين امك طالعة من البيت ولاهي هامتك!!!بتروح تتزوج حضرتك وبيت
    امك وابوك بينهد؟؟؟من وين جايب قلبك ياخالد؟؟
    خالد بنفس الاصرار/يبى امي في راسها شي وتبي تسويه!!!!الله اعلم شنهو ..بس اذا بغيت
    تحضر بكون ممنون لك يابو خالد....
    ابو خالد وقف بعصبية/قلت لك مافي يعني مافي؟؟؟لاتخليني اعيد وازيد بالحكي
    ياخالد!!!!!ولا صدقني بوريك كيف الرجال يتعاملون؟؟؟
    خالد وقف بنفس العصبية/مو مشكلة انت تبي نتعامل مع بعض مثل الرجال مو مثل ولد
    وابوه!!!طيب....الارض اللي انا شاريها جنب البيت ومفكر ابنيها علشان نسكن مع بعض
    ونوسع البيت لاتزوجنا انا واحمد انساها؟؟؟؟المحل اللي قاعد اشتغل لك فيه بالسوق علشان
    تجارتك بعد انساه؟؟؟العمارة اللي بانيها وباجرها لعمي بدون مقابل سنة كاملة هاذي بعد
    انساها وبلغه لاباجرها اياه بمقابل ولابدون بعد؟؟؟حمد ولد اخوك من بكرة يعتبر نفسه
    مفصول من شركتي ولاعاد يوريني وجهه؟؟؟؟؟وفي شي بعد......العقد اللي متفق معك
    اسويه لك بشركتي اعتبره ملغي يبى؟؟؟هذا تعامل الرجال لبعض اذا ماصارت بينهم
    مصالح؟؟؟انت تبي كذا!!!!!
    سكت بو خالد وقام يناظر بولده بتشكيك وقطع عليهم صوت الجرس؟؟؟؟؟؟؟؟؟
    /////////////////////////////////////////////
    ابو محمد بحنية/ماقلتي شي يبى ياهيفاء؟؟؟
    هيفاء رفعت راسها وناظرت في ابوها والدموع بعينها/شتبيني اقول بس يبى...
    ابو محمد/قولي كل اللي عندك يبى ياهيفاء انا اسمعك....
    هيفاء/يبى....ابوه مو راضي كيف اتزوجه...انا عارفة خالد مايحب يزعل احد وخصوصا
    امه وابوه؟؟؟؟هو متى قال لك ها الحكي؟؟؟
    ابو محمد/الضهر.....اول ماجيت من الدوام كلمني وطلع وقال لي المغرب بجي وبعرف
    رايك......
    هيفاء تنهدت وسكتت يعني ماقال لها الكلمة الا بعد مافاتح ابوها بالموضوع!!!!!
    ابو محمد/يبى ....قبل كل شي تذكري ان عبدالله بالنهاية محتاج لاابو يربيه مو ام؟؟؟هذا ولد
    بكرة بيصير شاب....يدور بالشوارع خوب مابتدورين انتي وراه وبتشوفينه وين يروح وين
    يجي ومع منو يطلع ومع منو يقعد؟؟؟محتاج رجال يخاويه ..يعلمه....انتي ماراح تقصرين
    ادري فيك ...وانا وخواله مو دايمين له...انا بموت وخواله كل واحد بينشغل ببيته وعياله...
    هيفاء/لاتقول ها الحكي يبى...عساك سالم وتبقى لنا...
    ابو محمد باصرار/لازم ياهيفاء تفكرين بحياته هو قبل حياتك انتي...بكرة بيسالك عن ابوه
    وليش انتوا ماتعيشون مع بعض في بيت واحد مثل كل اللي بيكونن معه؟؟؟شبتقولين له
    بعدين تطلقنا انا وابوك وبعدها خطبني وانا رفضت علشان جدك كان رافض؟؟؟
    هيفاء/.............
    ابو محمد/ماتدرين بعدين شيصير بالمستقبل يمكن يغير ابو خالد رايه ويمشي الامور طبيعي
    وبعدين لاتنسين انه يحب عبود ..واذا شافه حوله هو مع اخوانه بيتاثر اكيد؟؟
    كلمة اخوانه خلت قلبها يدق بسرعة ..معقولة بترد لخالد وبيجيون عيال بعد غير
    عبود؟؟؟؟؟؟
    ابو محمد/ماشكلك اقتنعتي بكلامي؟؟؟طيب عطيني اللي عندك وخلنا نتفاهم.....
    /////////////////////////////////////////////////////////
    احمد/انزل معكم لو تبون تكونون بروحكم؟
    خالد/وش اللقافة اللي عندك؟؟
    مها/وانت وش فيك معصب؟
    خالد/وش تبي تسوي بالله؟؟؟روح ود خواتك عند امك وطمني لاعرفت شي؟
    مها/وانت شتبي من هنا ياخالد؟
    خالد/نزلي وبقولك؟

    مها/والله اني مو قادرة افهم شي من اللي قاعدين تسونه كلكم؟؟؟قاعدة امشي مع الواحد
    والثاني وانفذ طلباته ولااحد راضي يقولي شلي صاير؟؟؟
    احمد/مو انا وانتي ضايعين بالطوشة؟؟ظبس يالله خليها على الله يابنت....
    خالد بحزم/واذا دقينا عليك تجينا بدري؟
    نزلوا خالد ومها واحمد فاتح عيونه على وسعها/ان شاءالله مفكريني من جد سايق؟؟؟وقت
    مايبي شي حضرته اتصل تعال ووقت مابغى يرد قال مرني!!!!والله حالة ابتلشنا احنا بيدك
    اللي انكسرت يابو عبدالله!!!بس يالله يدك ولارجلك بعدين حتى الشيلة بنشيلك على
    ضهورنا!!!!!!
    /////////////////////////////////////////
    مها/قبل لااسوي لك اللي تبيه ابي اقعد معك وافهم شي ماني فاهمته؟
    خالد وقف بالممشى/وشو؟
    مها/خلنا ندخل اقرب كافي واقولك.....
    ********************************************بالكاف ي..
    خالد/مهاوي لاتاخريني الله يخليك..وقولي اللي عندك باختصار؟
    مها/خالد..ابوي ليش يكره خالي لهدرجة ؟؟؟؟انا من وعيت وانا اسئل نفسي ها السؤال
    ومالقيت له اجابة؟؟؟حتى اذا سالت امي ماترد علي ؟؟؟؟
    خالد تنهد وسكت..
    مها/لعلمك عاد ماحد بيقومني من ها المكان الا اذا عرفت السالفة؟
    خالد بتردد/ماحد يعرف ها السالفة غير جدتي وهي اللي قالتها لي بعد ماطلقت
    هيفاء؟؟؟؟؟؟وقالت لي لاتقول لااخوان ولا لعيال خالك...بس علشانك راح اقولك اللي
    اعرفه واللي قالته هي لي بلسانها والله اعلم........بداية الموضوع...زكان ابوي خاطب امي
    وخالتي ام محمد مخطوبة لعمي ابو سعود...بس بعد مدة فكت خطوبتها منه ومابغته..ليش
    ماادري؟؟؟وتقدم لها خالي ووافقت عليه وتزوجوا..وها الشي طبعا ضايق ابوي كثير لانك
    تعرفينه يموت على شي اسمع عمي بو سعود واعتبر ان بو محمد خصم له وهو يعرف ان
    ها الانسانة كانت خطيبة اخوه بيوم من الايام وبدت اول شرارة كره من ابوي
    لخالي!!!!!بعد ماتزوجوا امي ولدت وجابت تؤام بنتين وولد بس توفوا بنفس اليوم ومرة
    خالي جابت هنادي.....
    والتقوا بالمستشفى وماراحت على عمي اللي كان ناوي الشر لخالي بعد مااخذ مرته.....ظل
    يحش راس ابوي بان ابو محمد اللي هو خالي مترصده ويكرهه ويسوي الشي اللي
    يضايقه...وكان بيتنا بالدمام....وجنب البيت كان مكتب ابوي وبقالة صغيرة فاتحها بنفس
    البيت...هاذي امي تقسم عليها قسم ان ابوي كان بذيك الليلة بالرياض وانها شافت عمي
    يدخل ويحرق المكتب والبقالة ولولا ستاير الله كان حتى البيت احترق....المهم ان اللي
    تورط بالسالفة خالي بو خالد...لان عمي قال انه شايفه قريب من البيت ذيك الليلة وبالبقالة
    شافوا شي يخص خالي..مع العلم ان خالي طبعا كان موجود لان امي اتصلت فيه بعد
    مااتصلت بالمطافي والجيران!!!!
    هني ابوي مارضى يتنازل عن خالي وقرر انه مايتنازل عن القضية بس جدي كان عايش
    وظل رايح جاي علشان يتنازل وهو مبري ولده ودخلوه فيها كبارية المنطقة وتنازل ابوي
    بالنهاية؟؟؟؟والشي اللي ماتعرفينه بعد انهم كانوا يشتغلون بنفس الدائرة بالحكومة ويوم جت
    خالي ترقية وابوي ماجته حس بالغيرة من خالي وترك الحكومة وفضل الاعمال
    الحرة.....وهاذي كل السالفة يامها؟؟؟
    سكتت مها وهي تطالعه...بدون أي تعليق؟؟؟؟؟؟
    //////////////////////////////////////////////////////////////////في بيت الفايز,,,,,,,,
    كانت ام محمد وام ياسر يناظرون بالنافذة وهم يشوفون عمال تدخل وعمال تطلع ويطلعون
    باغراض شقة محمد....
    ام محمد/معقولة بينقل وماقال لنا؟؟
    ام ياسر/لالامو معقولة..اللحين بس ينزل ورى العمال نناديه ونشوف وش سالفته..اذا قال
    الليلة بينقلون جهزي حالك بالله ومن الليلة نروح معهم؟؟
    مامضت دقايق كثيرة الا والعمال كلهم طلعوا ومحمد دخل لهم البيت بدون ماينادونه..
    ام محمد/هلا يمه...
    ناظرهم بدون مايتكلم,,
    ام ياسر بسرعة/اقول يمه...وش له العمال مطلعين اثاكم واغراضكم كلها لايكون بتنقلون؟
    محمد/لا...انا بعت الاثاث والاغراض كلها؟؟؟
    ام محمد/وش يعني؟
    ام ياسر/مافهمنا؟
    محمد/احنا نقلنه خلاص وبناْثث البيت على راحتنا شوي شوي..
    ام محمد بصدمة/متى نقلتوا؟
    ام ياسر بنفس الصدمة/وليش ماقلت لنا نروح نساعدك ونساعد هنادي يمه.؟
    محمد/مايحتاج..احنا اصلا اثاث بيتنا كله بعنا ومامننبي منه شي؟؟حتى الثياب تبرعنا بيهم
    للجمعية وهاذي مفاتيح الشقة يمه شوفي وش بتسوين فيها؟؟؟
    ام محمد/وش يعني كلامك يامحمد...
    محمد بحزن/يعني ان في شيخ قايل لهنادي بيتك فيه عمل؟؟؟معمول لك عمل ومدفون بنفس
    البيت اللي انتي ساكنته؟؟؟وانا بصراحة ماابي اتعب البنت اكثر من كذا؟؟
    ام ياسر بانفعال/أي عمل واي خرابيط؟؟مرتك لانها ماتجيب عيال قام يتهيا لها ها
    الاشياء؟؟؟
    ام محمد بتايد/يعني يمه من بيكون بالبيت غيري وغير خواتك وزوجات اخوك بالله!!!احنا
    بنسوي لها العمل؟
    محمد باستهتار/موشرط..اي واحد يقدر يدخل اللبيت يقدر يدفن العمل خوب مايبيلها شي
    يمه؟؟؟؟على العموم انا بجيك كل يوم يمه لاتحاتين وبشوف شناقصك..
    ام محمد/........
    ام ياسر/بس انت لازم تاخذ امك معك في بيتك يامحمد ولاتبي تحرمها من بينتك ومن
    شوفتها؟؟تراها تموت على سارة يامحمد؟؟؟
    محمد ابتسم/لاتخافين ياعمتي عيالي؟؟وشددي على كلمة عيالي...بجيبهم لها كل اسبوع
    تشوفهم وانا جاي لها؟؟؟؟؟
    ومشى عنهم وقاموا يناظرون في بعض بنظرات غريبة ؟؟؟؟؟؟
    ////////////////////////////////////////////////
    مابغى ياْذن العشى ويصلون في بيت السالم.....
    علشان يترقبون للي بيصير بعد لحظات لانالغالبية عارفين بللي صار واللي راح يصير!!!!
    مرت الثواني ثقيلة لين وصلوا مها وخالد....وطبعا قبلها كان احمد جاي مع مرام وجود.....
    ابو محمد/.........
    خالد/ها ياخالي كلمتها؟
    ابو محمد/أي كلمتها؟
    خالد/وطبعا ماوافقت؟؟؟قالها بحزن والم وبانت على وجهه مشاعره؟؟؟
    ابو محمد/بلى ياخالد وافقت....بس انا ابيك توعدني وعد قبل لاتاخذها...
    خالد بفرح/ابشر ياخالي ابشر.....
    ابو محمد/انت بتحطها بعيونك ياخالد ولا ..لا؟
    خالد تنهد وقال بسرعة/مو بس بعيوني ياخالي...الا بقلبي وبروحي بعد!!!انت بس عطني
    وياها وكل اللي تبيه بيكون؟
    ابو محمد/انا ماادري وش اللي غير رايك على بنتي ولا شنو اللي صار لكم مع
    بعض!!!!كل اللي ابيه منك ياخالد انها ماتطلع من بيتك ياخالد مرة ثانية الا على
    قبرها!!!!واذا بتردها بيتي ردها ومعها سبب يقنعني ويقنع غيري ليش هي ردت؟؟؟
    خالد بخجل/خالي...سامحني على اللي صار انا عارف انك شايل بقلبك من اللي صار بس
    صدقني كان الشي مو بيدي!!!!بس اوعدك ياخال وعد...راح اخليها بعيوني وماتشوف معي
    الا السعادة؟؟؟انت بس تطمن وريح قلبك..............................................
    .................................................. ..................................................
    .................................................. ..................................................
    **********************************في فندق الهولدي ان بالخبر وبجناح من
    الاجنحة...
    دخال خالد وبجنبه هيفاء.......
    وبعد ماسكر البا وقف يطالعها..وهي كانت ساكنة وساكتة طول الوقت وماتكلمت بكلمة وحدة
    بس يوم يسالها الشيخ اذا كانت موافقة ولالا وقالت أي وبعدها خالد مايذكر انه سمع صوتها
    ابدا!!!!!
    خالد بهمس/بتظلين واقفة هنا؟
    هيفاء وهي تتجول بنظرها باركان الجناح.../وش تبيني اسوي؟انت فاجاْتني
    بصراحة؟؟ماقلت بتملك وبطلع معك بنفس الليلة؟
    تقرب منها خالد وهمس باذنها/ليش ماتبين تجي معي الليلة؟؟؟ناوية تتركيني بروحي بعد
    ماصرتي زوجتي حلالي!!!!!
    هيفاء اكلت لسانها القطة مثل مايقولون وظلت ساكتة....
    خالد شال شيلتها بشويش طبعا لان يده الثانية مجبرة وماتساعد...
    هيفاء/خالد...
    خالد/روحي شيلي عبايتك وبدلي يالله!!لاتوقفين كذا وتضيعنا وقتنا على الفاضي!!!
    هيفاء ناظرته وهو عيونه تناظرها بخبث يودي الوحدة ورى الشمس!!!
    هيفاء بصوت واطي/انا جيتك بعبايتي وشيلتي وشنطتي بس!!!!
    خالد/ادخل الغرفة انا رايح السوق مع مها وشريت لك لليلة ولبكرة بس!!!روحي بدلي
    وانتبهي على نفسك لاتحترقين وتحرقينا معك؟؟
    ودفها قدام الباب...وهي مافهمت كلمته بس مشت للداخل....
    //////////////////////////////////////////////////
    الجدة/محمد...
    لف لها محمد...اللي كان قاعد بالخيمة ينتظر على نار.....
    كانت مها جنبها...ووقف اول ماشافها....
    الجدة/تفضل ..عروستك......
    محمد بامتنان/شكرا...يااحلى جدة بالعالم,,,
    الجدة وكان بيدها بوكيه الورد اللي جايبه محمد الصباح لمها/خذ عطها اياه اللحين ومسك
    يدها مثل ماتبي صارت حلالك وماحد قايل لك شي؟؟؟؟؟
    مها نزلت راسها من الفشيلة ومحمد ارتبك....بس تقرب لان جدته طلبت منه يتقرب ويسلم
    على مها ويشيل شيلتها.....
    طبعا الجدة العصر يوم طلعت مع مها راحت لبيت بو سعود وسوت له سالفة كبيرة عريضة
    علشان تخلي ابو خالد يوافق على ملكة محمد ومها اللليلة وبوسعود تفشل طبعا بماانها
    وصلت لنص بيته واحرجته بطلبها وماقدر يرفض اقنع اخوه بالزور يوافق وجا ابو خالد
    لملكة محمد ومها رغم انه مابارك لخالد وهيفاء؟؟واول ماملكوا محمد ومها مشى....لانه ظل
    يحاول يكلم ام خالد اللي مارضت تكلمه ولاترد عليه...
    طلع من الفشيلة لان الكل كان ياخذ ويعطي مع ابوسعود حتى بو محمد نفسه وكانه نسى او
    تناسى اللي بينهم وحتى ابو سعود بعد نفس الحكاية ..وهو حس انه مثل الغريب بينهم
    ففضل الانسحاب!!!!!
    الجدة بعصبية/شوف الردي شلون واقف؟؟؟اقولك تقرب وسلم على مرتك؟؟؟
    محمد مشى بارتباك وكانه اول مرة يشوف مها وهي مرعوبة وفرحانة ومتوترة ومرتبكة
    وكل المشاعر متناقضة فيها!!!!
    محمد فتح وجهها وكانه يشوفها لااول مرة...ظل يتاملها بحنان وحب مامنهم بالعالم
    كله........وشيئا فشي انسحبت الشيلة كلها من يده.......
    ومها ظلت عيونها بالارض وماقدرت ترفعها من النار اللي بصدرها...
    كان ودها اول مايعلنوهم زوج وزوجة على سنة الله ورسوله ترمي نفسها بصدر محمد
    وتبكي بس وقوف جدتها صاير عايق لهم!!!!!!!
    محمد بارتباك/مها...مبروك...
    مها بدون ماترفع راسها وبصوت واطي/وانت بعد مبروك...
    الجدة/أي..اللي يسمعكم يقول ماكنتوا مع بعض الصباح وانا كشفتكم؟؟؟
    محمد ناظر بمها اللي ارتبكت وابتسمت..
    محمد بامتنان/ياليت لو كشفتينا من زمان ياجدتي!!!والله اني ماراح انسى لك ها المعروف
    طول عمري؟؟
    الجدة/انت لاتصير لوح وتخبي مشاعرك بقلبك وتكتمها؟؟يبى أي شي بخاطرك قوله مو
    تسكت؟؟؟صير مثل الثور اخوك....الله ياخذه خلني اروح مااشوف له حس بس لايشوف
    الكيكة اللي جابها احمد....
    وراحت بسرعة..ووقفوا جنب بعض ويطالعون في بعض....
    محمد مسك يدها ودخلها معه الخيمة وجلسها جنبه وهي مسيرة ورى رغبته وتسوي كل شي
    بدون أي اعتراض.....
    محمد بحنان/والله اني مو مصدق انك صرتي حلالي يامها؟
    مها واخيرا قدرت ترفع راسها..../والله لو المكان كان مسكر كان وريتك وش اللي كنت
    بسويه؟
    محمد/ومن قال لك بنظل هنا...قومي انا ابي اسهر فوق معك..خوب انتي الللية معي ....
    مها/...........
    محمد/خلينا نتكلم عن الترتيبات فوق وعلى راحتنا لاتنسين ان عرسنا الشهر الجاي ولازم
    نتفق على كل شي يابعد عمري....
    ومسك يدها وصعدوا فوق بغرفة محمد...
    //////////////////////////////////////
    نرجع للعشاق الثانيين....
    (ومعليش اسمحولي بفلها شوي وللي اعمارهم تقل عن 18 سنة لايدخلون ههههههه هو مو
    فل فل بس علشان لاتقولون ان فيها السالفة مصاخة بس حرام المفروض يعوضون عن
    الدموع اللي بطول الفلم مدري الرواية يذرفونها...خلاص مابكثر حكي لاتنقطع الاحداث)
    هيفاء اول مادخلت الغرفة شافتها ملايانة شموع مرمية على الارض وفهمت كلام خالد....
    بس متى مداه يسوي هذا كله؟؟؟؟وبيد وحدة معقولة؟؟؟؟
    راحت لعند الدولاب واللي ماكان فيه غير بنطلون وبلوزة على جنب وثوب نوم معلق....
    رفعته لقته ذهبي ...قصير لحد الركبه...بسيور ناعمة ومزموم عند الصدر......
    ماتدري ليش ترددت تلبسه...رغم انها لبست من قبل اشكال والوان لخالد؟؟؟؟؟بس اللحين
    في شي مختلف...في مشاعر بينها وبين خالد متهيجة....وخايفة حتى من مجرد التفكير فيها
    شلون بتكون......
    تنهدت ودخلت الحمام تغسل وتلبس...
    وطلعت فتحت شنطتها وفلت شعرها وبخت لها كم بخة عطر...ووقفت قبال المراية...
    كان شكلها هادىء جدا وبدون أي مساحيق حتى كحل مافي عينها!!!!
    ومايبين عليها بليلة زواجها!!!بس الفرحة كانت باينة بعينها وثوب النوم مفصل جسمها
    تفصيل وبارز انوثتها...وظلت واقفة عند المراية تفكر في اللي ممكن يقوله خالد وهو شايفها
    بها الثوب...وهي رايحة يمين وطالعة شمال واللحين تناظر قدام واللحين تلف على جنب...
    بالاخير سمعت صوت خالد وراها ووقفت مكانها...
    خالد/ياربي على البنت المجنونة؟؟؟ورى ماناديتيني يوم انك بدلتي وقاعدة تطالعين
    بروحك!!!اللحين أي اهم انا اشوفك ولاانتي تشوفين نفسك؟؟؟
    سكتت هيفاء وقامت تطالعه من المرايا وشافته يتقدم منها وهو يعبر بين الشموع اللي على
    الارض ووصل عندها وحوط خصرها بيده وقربها منه...
    وصاروا حاضنين بعض وصدره بصدرها...
    خالد بهمس وهو يطالعها من المرايا/اخاف اقول انك صايرة تجننين ومااكون منصف!!!!
    هيفاء بهمس/متى امداك تحط الشموع..؟؟
    خالد/العصر ....
    هيفاء/طلعت عندك افكار بعد!!
    خالد باسها على راسها/يصير اكذب واقول انها افكاري!!!هههه فكرة مهاوي والله...
    هيفاء/والثوب بعد اختيار مهاوي؟؟قالتها وهي مسوية روحها زعلانة ومتضايقة وغيرانة؟؟
    خالد ضمها بيده اكثر وغمضت عيونها..
    خالد بهمس/مهاوي عليها المقاسات بس وانا علي الاختيار ياقلبي!!!بشري عجبك؟؟انا
    اشوفه يذوب...صراحة ماتخيلته بيفصل لي جسمك كذا!!!صايرةة تهبلين وانا مافيني حيل
    اوقف بعد اكثر من كذا!!!
    هيفاء فتحت عينها.../خالد...انت ناسي ان يدك تعورك؟
    خالد بخبث/مو بس يدي اللي تعورني كل شي فيني صار يعورني؟؟؟
    هيفاء/.........
    خالد/وانا ليش ماخذ لي ممرضة بالله!!!موعلشان تقوم فيني!!!
    هيفاء بصوت واطي/من اول ليلة عاد؟؟
    خالد وهو جارها من يدها /لااخر ليلة بعد!!!ترى ماعندنا وقت حبي الساعة اربع ونص
    طائرتنا؟
    هيفاء بذهول/وين؟؟
    خالد/بنروح بيت الله...وبنزور النبي...انا حجزت لنا اسبوع بنقضيه بمكة والمدينة.....
    هيفاء/كنت متاْكد من موافقتي؟؟؟لهدرجة مشاعري فاضحتني؟؟؟
    خالد/لاوالله كنت خايف الى اللحظة اللي قال لي فيها خالي انك موافقة وانا حاس اني بحلم
    مو بواقع!!!بس الحمد الله..علشان كذا قلت لازم نروح نصلي في بيت الله ونزور النبي
    ونصلي عنده....
    هيفاء/وعبود؟؟
    خالد تقرب منها وباسها على شفايفها مرة وحد’’’وقال لها بهمس/لاعاد تطرين احد
    خلاص!!!!الوقت هذا ملك لخالد وبس!!!!!!!!ماابي ولاشي فيك يفكر بغيري؟؟؟؟
    /////////////////////////////////////////////////
    في غرفة محمد...
    فتح لها الباب ودخلت ووقفت واول ماسكر محمد الباب ابتسمت له وناظرها بفرح
    وتساؤول...
    محمد/ليش تضحكين؟
    مها /لان الفكرة هاذي نفسها موجودة عند ثانيين الليلة!!!
    محمد/شلون يعني؟
    مها/اول قولي من مسويها لك؟
    محمد بثقة/انا طبعا!!!
    كانت الغرفة كلها ملايانة شموع وموزعين بكل مكان..وفوق هذا حاط اغنية راشد الماجد....
    يسالوني ليه احبك حب ماحبه بشر...
    وليه انتي بحياتي شممسها وانتي القمر..
    وليه صوتك لاوصل صحراي يملاها الزهر..
    علميهم يالحبيبة..اه يااغلى حبيبة..
    علميهم وانتي اكبر من سوالفهم جميع...
    وانتي اجمل ماخلق ربي بها الكون الوسيع..
    واني اتلاشى بدون عيونك الخجلى اضيع..
    علميهم يالحبيبة ..اه يااغلى حبيبة...
    يسالوني وفي شفاتي يرتعش حر الجواب...
    مادروا انتي بحياتي راحتي وانتي العذاب..
    يسالوني والاصابع باليدين الواحدة ماهي سوى..
    عندهم حبك طبيعي وعندي فوق المستوى... .
    فهميهم يالحبيبة ..اه يااغلى حبيبة)
    لفت له مها وهي قلبها يدق بسرعة...محمد ها الانسان الرومنسي...بيضيعها لامحالة!!!
    الحمد لله انها صارت له وعلى سنة الله ورسوله...
    تقرب منها محمد/ليش كنتي شاكة ان في احد مسوي لي هالشي؟
    مها وهي تناظر عيونه وجماله وسمارته /معقولة يامحمد لنا نفس التفكير!!!!تصدق عاد اني
    مسويتها لخالد العصر بالفندق علشان ليلته مع هيفاء!!!!وتفاْجات انك مسويها اللحين
    هنا!!!بس تدري الحمد الله انك محمد مو خالد؟؟يعني بتكون حياتنا فيها اشياء رومنسية
    كثيرة من تفكيرك!!!!
    محمد تقرب منها اكثر واكثر وصار ملاصق لها ووجوهم في بعض.....
    محمد بهمس/ماقلتيلي وش تبين تسوين لو كنا بمكان مسكر مو مفتوح؟؟؟
    ناظرته مها بخوف في البداية بس بعد ماقرت الحب بعيونه وينطق من شفاته غيرت رايها
    بسرعة وضمته بقوة كبيرة...وهو بعد ضمها له اكثر واكثر!!!!!!
    /////////////////////////////////////////////////////////////////////الجدة/بسك خلاص..اكلت كثير
    الليلة؟
    مشاري/مايصير جدتي؟؟مو كلها لك؟
    عبود مد صحنه/ابي...
    الجدة/انت فارق مافيه لاامك هني ولاابوك هني وش بتسوي يعني!!!
    مشاري/هذا مايعني اني موهني!!!!انا لعلمك ادافع عنه اكثر من امه ومن ابوه
    بعد؟؟؟وعضها بيدها لين تركت الكرتونة اللي فيها الكيكة وسرقها وقام يركض ووراه عبود
    وهم يضحكون عليها..
    الجدة بحقد/عساك ماتتهنى باكلها انت وياه!!!!جعله سم الهاري اللي يعورك ويعوره ان
    شاءالله!!!!
    مشاري/ولعلمك بعد ..شرطت على خالد يخلي عبود عندنا انا مقدر اعيش بدونه؟؟
    الجدة بعصبية/مو بكيفك!!!خله يفارق خلينا ناكل مثل الاوادم براحتنا ونحس ان احنا في
    بيتنا!!!!!
    الا تشوف اذا ماهيجته اللحين...عبود..عبود حبيبي وين ماما هيفاؤ راحت عنك؟؟؟
    عبود يناظر بمشاري/وينها؟
    مشاري/راحت المستشفى وبعدين بترجع..
    الجدة بنحاسة/لاماعليك منه ماما هيفاء راحت مع بابا خالد الالعاب والمطعم وانت تركوك
    هنا؟
    عبود رمى الصحن وبدى معزوفته/ابي اروح معهم؟؟
    مشاري/لعنة الله على الشيطان!!!انتي وش فيك...لاتخلينه يبكي؟؟خالد قبل لايطلع قال بقفل
    جوالي وجوالها بعد ولو شيصير بالدنيا لاتحلمون اني بفتحه وماني مكلمكم الا بكرة اذا
    وصلت مكة؟؟؟اللحين وش الدبرة معه ها!!!!
    الجدة/مايخصني!!!!
    عبود فتح اذاعته وقال يبي امه وابوه..ومشاري راح عنهوراح لعند الجدة اللس مسوية
    روحها جنتل مان..
    الجدة بكذب/حبيبي عبود..تعال نكلم جوال ابوك ماعلك منه مو مقفل هو يكذب عليك مايبيك
    تروح معهم؟؟بس وينك ياهيفوا الا اخرب ليلتك مثل ماخربتي علي اكلي بحجة الكولسترول
    والضغط!!!!
    ورفعت سماعة التلفون ودقت على جوال خالد وعلى جوال هيفاء وبعد لقته مقفل!!!
    الجدة حست بالخطر وانها ابتلشت بعبود اللي مابيسكت خلاص/وش الدبرة اللحين طلعوا
    صدق مقفلين جوالاتهم!!!اه بس لو اعرف لك باي فندق هم نازلين كان دقيت على الفندق
    ولاوديتك لهم !!!!!!
    //////////////////////////////////////////////////////////////بعد مرور اسبوع....
    كانوا بالمدينة وتحديدا بفندق الموفنبيك....
    وحاضنين بعض وراس هيفاء بصدر خالد....
    هيفاء بهمس/خلص الاسبوع بسرعة؟؟؟
    خالد تنهد/والله ماحسيت فيه؟
    هيفاء/وش اللي ماحسيت فيه يالكذاب احنا طول يومنا بالفندق مانطلع منه على حسابك
    حضرتك؟؟؟؟بكرة الصبح لازم نطلع السوق لو اروح لعبود ويدي فاضية يذبحني!!!!
    ضمها خالد بقوة/قايل لك لاتجيبين سيرته لنا مااطيقه انا!!!!
    هيفاء عضته بخده/احلف ماتحبه!!!
    خالد بعناد/عيديها الحركة عجبتني!!!!
    هيفاء عادتها مرة ثانية وقالت له بعناد/لو تعرف بس ليش عضيتك بخدك كان تمنيت اني
    اعضك طول الوقت!!!
    خالد/ليش؟؟
    هيفاء/لان خدك يذكرني بخد عبودي حبيبي!!!
    خالد عناد قام يبوس فيها/قايل لك لاتجيبن طاريه!!!بكرة نرجع وتلاقينه طول اليوم بحضنك
    وانا مرمي على جنب!!!
    هيفاء بدلع/انت شبعت دلع اسبوع كامل ولاماشبعت؟؟؟؟
    خالد ببراْة/لاماشبعت ماما هيفاء عطيني بعد؟؟
    هيفاء/ان شاءالله؟؟؟وقامت من حضنه ودخلت عنه داخل البطانية وتغطت كلها..
    خالد باعتراض/وين..وين؟؟تو الليل ياقمر..نبي سهرة صباحي!!!
    هيفاء من تحت البطانية/طلبك مرفوض استاذ خالد!!بكرة بنطلع السوق الصباح ولاتلعب
    علي وتقولي زين!!!لان ادري فيك بتنكب فيني ومنت قايم الا الظهر!!!خلنا ننام بدري
    علشان نقعد على راحتنا ولاتحاول تاْثر علي باي وسيلة لان كل وسائلكللخداع مكشوفة!!!!
    خالد تنهد وسوى روحه زعلان.....وظل ساكت طول الوقت وهيفاء خافت ..غريبة هو
    مايسكت وش سالفته..
    شالت البطانية عنها ولقته متسند على المخدة وعيونه على الباب ومافي وجهه أي ملامح
    لااي شي...
    هيفاء بخوف/خالد..حبيبي وش فيك؟
    خالد بصوت عادي/مو تقولين تبين تنامين بتطلعين السوق بكرة؟؟خلاص نامي؟
    هيفاء/وانت وش فيك قلبت مرة وحدة؟؟
    خالد/ولاشي بس اشتقت لعبودي@!!!!
    هيفاء ضحكت وافهمت انها لعبة من الاعيبه..
    هيفاء/قلت لي اشتقت لعبودي!!!طيب ماتكلم عبودي اذا انت مشتاق له!!!
    خالد/جوالي بعيد تقدرين تجيبينه!!
    هيفاء/هههه لامااقدر طبعا!!!
    قبل لاتكمل كلمتها لف عليها وحضنها بقوة بعد ماعرف انها كشفت لعبته
    و................................................. ..................................................
    ............
    ///////////////////////////////////////////////////////////في غرفة محمد..
    كانوا حاضنين بعض ومحمد يلعب بشعر مها..
    مها بهمس/مين قدي انا حبيبي من الدوام لحضني مباشرة لايمين ولايسار!!!!
    محمد ابتسم لها وضمها اكثر...
    مها/بكرة بيوصلون واللي بعده بننتقل لبيتنا...وبننحرم من بعض ومن شوفة بعض!!!
    محمد بهمس/ومن قال عاد؟؟كل يوم بجي اشوف خطيبتي!!!!
    مها/مابتمل من شوفتي كل يوم؟
    محمد/ياليت اقدر كان حياتي بتكون اهداء يابعدهم كلهم..م كذا كني مجنون ليل ونهار
    مقابلك؟
    مها بدلعومااستاهل تقابلني!!!!
    محمد/بلى..بس عبود يغار منك واجد وانا مقدر على زعله تعرفين لاامه هنا ولاابوه وماابيه
    يتحسس من أي شي؟
    مها بهيام/تحبه يامحمد؟
    محمد/مو اكثر من عمته!!!!!
    مها/طيبكم ولد بنجيب!!!
    محمد بجدية/مها ترانا بناْجل موضوع الانجاب!!
    مها/ليش؟؟
    محمد/لان ماباقي على زواجنا غير اسبوعين واحنا عندنا اشياء واجد مابعد قلناها لبعض!!!
    مها/مثل شنو؟
    محمد همس لها /مثل احبك..
    غمضت مها عيونها ها الكلمة من شفايف محمد تضيعها وخصوصا وهي بحضنه..وقالت له
    بهمس/وشنو بعد!!
    محمد بنفس الهمس/واعشقك!!
    مها/امم..
    محمد/واموت فيك!!!
    مها/امم..
    محمد/وابي اعيش العمر كله بحضنك...ووووو..وكلام كثير..كثير يامها...
    مها بدلع وهيام بنفس الوقت/اذا الكلام كذا..معناته بنطول كثير لاني ابي اظل اسمع منك ها
    الشي وماراح يكفيني عمري باخذ لي عمر ثاني بعد!!!محمد ...راح تتغير علي حبيبي بعد
    الزواج!!!
    محمد قام وباسها وقال لها بهمس/ليش تقولين كذا؟؟
    مها حطت يدينها برقبته وصاروا وجوههم في بعض/لاني خايفة...خايفة يامحمد اني اكون
    عايشة بحلم واصحى منه فجاْة!!!
    محمد/لاياعمري انتي عايشة بواقع!!!وماراح تصحين من ها الواقع اصلا!!!!!!
    مها/اكيد ياقلبي...
    محمد/بوسيني وبتكتشفين اذا كان اكيد ولا كنت اكذب عليك!!!!!!!!
    //////////////////////////////////////////////////////////////////////////////////////////////////////////
    ///////////////////////////////////////////////////////////////////احمد كان واقف عند بيت ابو
    محمد وقباله هند...
    هند/وش له هذا كله؟
    احمد/انتي نسيتي انك بسنة ثالثة ولازم تاكلين عدل علشان تركزين!!!
    هند/وانت ناسي انك اخر سمستر ولازم ماتطلع وتدخل وتركز انت بعد علشان تخلص!!
    احمد/حرام عليك وانا اللي اقول اني بجيب لك عشى علشان لاتجوعين؟
    هند/يالله تشكر..جيب...
    واخذته منه..
    هند/تبي شي ثاني بعد!!!
    احمد/بتطرديني؟
    هند/لا بس انت قلت انك جايبه وبس!!!يعني بتروح تذاكر اللحين صح ولالا؟؟؟لاتنسى اني
    بثالث وماابي أي شي يشغلني!!!
    احمد/يبى تراك اذيتينا ثالث وثالث!!!!انا ماراح اخليك تكملين دراستك؟؟
    هند بصدمة/احمد؟؟؟انت قلت لي بتخليني!!!
    احمد بارتباك/أي صح نسيت؟؟؟شكلي نسيت تصدقين؟
    هند بخوف/والله ياخوفي انك غيرت رايك؟
    احمد بارتبك/لامو كذا ؟؟بس انتي وش بتسوين بالشهادة والله؟انا ماابيك تشتغلين؟
    وقطع عليهم كلامهم الجدة..
    الجدة/خير ان شاءالله وش تبي راز الوجه؟؟؟
    احمد/........
    الجدة/وانتي يللي ماتستحين وش اللي موقفك معه بروحكم؟؟
    احمد تدارك الموضوع بسرعة واخذ اكياس العشى من يد هند/لاياجدتي انا جايب لك عشى
    وقلت لها توديه لك داخل بعد مو معقولة اناديك تاخذينه؟
    الجدة برضى/يابعد عمري عسى الله يوفقك ويرزقك ببنت الحلال ان شاءالله؟؟؟ادخل عن
    الحر يمه ليش واقف؟؟؟
    مامداها اخذت الاغراض وادخلت داخل وهند تنفست الصعداء..
    هند/خلاص احمد امشي لايجي احد بعد ويشوفنا واقفين؟
    احمد/مو تقولين امك وابوك رايحين يشوفوه هنادي وولدها؟
    هند/أي...بس بيجون باي لحظة؟
    احمد/طيب....خلنا ندردش شوي انتي صايرة ثقيلة دم وماترضين احد يكلمك يسال عن
    احوالك بالجوال؟
    هند/خلاص احمد والله انك تشغلني؟
    احمد بملل/طيب....بعدين بيطلع عليك رادي ها الوقت اللي تضيعينه؟؟؟
    هند/ليش انشاءالله؟
    احمد/بتسوين فيني..
    الجدة/اقول احمد..
    لفوا لها اثنينهم....
    احمد/حبيبة احمد؟؟قالها بقهر؟
    الجدة/انت جايب عشى ماجبت معه شي ينشرب؟
    احمد/بلى..وينه العصير..,اخذ العصير من يد هند وعطاه الجدة وسط ذهول هند..ويوم
    مشت..
    هند/احمد انت عطيتها كل شي؟؟؟مابقيت لي شي ولو ادخل مابشوف شي بقى؟؟
    احمد برومنسية/ظل عندك احمد بكبره وهذا الاهم؟؟؟؟؟
    هند بخجل/مدامك قلبت الموجة خلاص امشي؟؟؟
    احمد بتوعد/صدقيني بطلعها من عينك بعدين..طول اليوم تسوين لي مساج وبتشوفين؟؟؟؟
    /////////////////////////////////////////////////على الكورنيش.....
    عادل/وكيفه عبدالله ولد هنادي؟
    فاتن/فديته يجنن..يشبه ابوه تصدق؟؟
    عادل/شكلهم كلهم الا اسمائهم عبد الله يشبهون ابوهم...لو كنا بنجيب ولد سميناه عبدالله بس
    بعد بنت..مدري اسميها امة الله!!!!
    فاتن/ياسلام عليك...قايلة لك اسماء البنات مالك دخل فيهم ولابشكيك لخالتي؟
    عادل/خلاص استسلمت انتي كل كلمتين وشكيتين لاامي!!!!لاوالقهر انها توقف معك ضدي
    وانا المظلوم؟؟؟
    فاتن/خلاص مشي اليوم تعبت والله امشي خذ لنا عشى وخلنا نروح نتعشى مع خالتي قبل
    لاتنام؟؟
    عادل/يالله ...متاْكدة ماتبين تمشين؟يقولون اذا مشيتي بسرعة تولدين؟
    فاتن/لاماابي اولد غيرت راي بخليها في بطني لين اشوف لها اسم حلو؟؟؟؟؟
    ////////////////////////////////////////////////////////////////عبود/بابا خالد مابتقوم انت كله
    نايم؟؟؟
    خالد/وانت وش عليك مني؟
    عبدالله/انت ناسي ان ماما عودة راحت بيت خالتي هنادي هي مع عماتي وبيتغذون هناك
    ومافي الا انا وانت وماما هيفاء بالبيت ؟؟
    خالد/اختصر؟
    عبود بانفعال/انا جوعان وابي اكل شي؟؟؟؟
    خالد/وانا شسوي لك يعني؟
    عبود/ابي اكل؟
    خالد/شرايك تاكلني؟
    عبود/كيف اكلك بابا يصير؟
    خالد/والله لو يصير ماقصرت عني مو؟
    عبود/بابا ليش ماما نايمة واللحين نهار؟
    خالد بخبث/علشان تفضى لي بالليل!!!!
    عبود/ليش؟؟
    خالد سوى روحه رزة وعصبي/وانت ليش دايم تسال؟
    عبود/صحيح بابا عمي احمد واقف برة يبيك؟
    خالد/اه يالثور مادخلته ومخليه واقف ينتظرني؟؟؟؟؟
    ************************احمد/لا ليش تطلعون لي كان خليتوني واقف بعد!!!!
    خالد/السموحة ياخوك بس والله ها النشبة ماقال لي؟؟؟
    احمد/هذا غذاكم دازين لكم..مسويني دلفري علشانكم؟؟؟
    خالد/هههههههه
    احمد/اقول خالد...انت ليش حقود؟
    خالد باستفهام/ليش يعني؟؟؟
    احمد/سمعت والله اعلم انك انت نسيبك محمد اللي هو زوج مهاوي بتببنون لكم بيت مع
    بعض مفتوح على بعض انت وهو؟
    خالد/أي صح..وش فيها؟
    احمد/ومافكرت تقول ياخوي تعال معنا واسكن معنا بالبيت المفتوح؟
    خالد/لاطبعا!!!
    احمد/مو اقولك حقود ماصدقتني؟؟؟
    خالد/هههه يالدلخ..انا اصير اخو مرته وهو يصير اخومرتي؟؟؟يعني مرته حلال علي
    ومرتي حلال عليه!!!بس انت والنشبة مرتك بالله كيف اشوفها وتشوفني؟؟؟؟
    احمد بعد تفكير/علشان كذا بس!!!طيب انا ماعندي مانع تتحجب عنك بس مفيها مشكلة؟
    خالد بخبث/انت ماعنك غيرة على مرتك؟؟؟يبى الحمو الموت!!!!
    احمد بفزع/لالالا غيرت راي خلاص ماابيكم ولاابي قربكم بعد؟؟؟
    خالد/ههههههههه
    بس مو مشكلة بنخليك قريب حيل منا...
    احمد/صدق؟؟
    خالد/علشان نرمي لك عبودي ونتفرغ نشتغل على موضوع شهودة براحتنا!!!!
    احمد تخصر وقال بقهر/ياسلااااااااااام تبون ترمون علي عيالكم والوناسة لكم؟؟؟ماني
    موافق؟؟
    خالد*/ههههه شنسوي بعد هند خالته تحبه وماراح تقول لا.....
    //////////////////////////////
    طبعا ام خالد وبناته ساكنين مع خالد بنفس بيته واللحين مقررين يبنون جنبه بيت جديد هو
    محمد فيه تكون امهم قربهم وبنفس الوقت ساكنين ببيت منفصل ...
    وابو خالد ظل يترجى ام خالد ترجع له وهي معندة وفكر انه اذا تزوج بتلين وبتغير رايها
    مادرى انها ماشالت همه من الاساس وظل متحسف عليها وكل يوم والثاني وموسط واحد
    من عياله بس هي قالت انه لو ماتزوج وسوى روحه طايش كان رجعت بس بزواجه خرب
    كل شي؟؟؟
    عمر مرت عليه الليلالي وماحد يال فيه لاابو ولاعمام ومالقى غير حضن امه يرجع له
    ويتربى من جديد مع اخوانه وبطريقة مختلفة..والاهم من هذا كله انه بدى علاقة جديدة مع
    مشاري اللي بدى يغير له حياته......
    ////////////////////////////////////////////////////
    مشاري/يالله اللحين دور عمر معي وانتي الحكم جدتي؟؟؟؟؟
    الجدة باعتراض/لادوري انا عمر من وشي كان دوره؟
    عمر/جدتي انتي وش عرفك بها اللعبة ؟؟؟خلنا احنا وبعدينا بنخليك تلعبين ساعة كاملة
    بروحك؟
    الجدة/لا..
    مشاري باعتراض/مايصير جدتي ها الدور حماس كثير ولازم العبه انا وعمر؟
    الجدة قامت وفصلت السوني رغم اعتراض الاثنين بس لاحول ولا